ᐱᒋᐅᕐᓴᑎᑦᓯᓂᕐᒥᒃ ᐱᓇᓱᑦᑎ - ᐱᓇᓱᑦᑐᓂᒃ ᐱᒋᐅᕐᓴᑎᑦᓯᔩᑦ - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ.

ᑲᒪᔨᖃᕐᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᑦ, ᑖᓐᓇ ᐱᓇᓱᒐᖅ ᑲᒪᒋᔭᖃᕐᑐᓴᔭᖅ ᖃᐅᔨᓴᕐᓂᒥᒃ, ᑭᖕᖒᒪᒋᔭᐅᔪᓂᑦ ᖃᐅᔨᓴᕐᓂᒥᒃ, ᐱᕙᓪᓕᐊᑎᑦᓯᓂᕐᒥᒃ, ᐊᑐᓕᕐᑎᓯᓂᕐᒥᒃ, ᓇᐅᑦᓯᑐᐃᓂᕐᒥᓗ ᐃᓕᓐᓂᐊᕈᑎᓕᒫᓂᑦ ᐃᓕᓐᓂᐊᑎᑦᓯᒍᑎᓕᒫᓂᓪᓗ ᐱᒋᐅᕐᓴᑎᑦᓯᒍᑎᐅᓲᓂᑦ ᐱᓇᓱᑦᑎᓂᑦ.

ᐃᓂᖓ ᐱᓇᓱᐊᕆᐊᓕᖏᓪᓗ:

·       ᑐᑭᒧᐊᕆᓗᓂ ᐊᑐᓕᕐᑎᓯᓂᕐᒥᒃ, ᐊᑑᑎᑎᑦᓯᓂᕐᒥᒃ, ᓇᐅᑦᓯᑐᐃᓂᕐᒥᒃ ᓄᑕᐅᓯᓕᕐᓂᕆᓂᕐᒥᓗ ᐱᒋᐅᕐᓴᑎᑦᓯᒍᑎᓂᑦ ᓯᑯᑦᓴᔭᓂᒃ;

·       ᐱᓇᓱᐊᖃᑎᖃᕐᓗᓂ ᓯᕗᓕᕐᑎᓯᓗᓂᓗ ᐱᓇᓱᕝᕕᐅᑉ ᐃᓗᐊᓂ (ᐊᖓᔪᕐᖄᒥᓂᒃ, ᐱᓇᓱᑦᑐᓕᕆᕕᒻᒥᒃ, ᐱᓇᓱᑦᑎᓂᒃ, ᐊᓯᖏᓪᓗ.) ᓯᓚᑖᓂᓪᓗ ᐱᓯᒪᔪᓂᒃ (ᐃᓕᓐᓂᐊᓂᓕᕆᕕᓐᓂᑦ ᐱᓇᓱᐊᕐᕕᐅᔪᓂᓪᓗ) ᐅᓐᓂᑑᑎᓕᐅᖃᑎᒋᖃᑦᑕᓗᒋᑦ ᐊᑑᑎᑎᑦᓯᖃᑦᑕᓗᓂᓗ ᐱᒋᐅᕐᓴᓂᐅᔪᓂᒃ;

·       ᓇᐅᑦᓯᑐᕐᓗᒋᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐱᓇᓱᑦᑎᖏᑦᑕ ᐱᒋᐅᕐᓴᐅᑎᑦᓴᖏᓐᓄᑦ ᑭᖕᖒᒪᓇᕐᑐᐃᑦ ᓇᓗᓀᖃᑦᑕᓗᒋᓗ ᐱᕕᑦᓴᐅᒍᓐᓇᑐᑦ ᐊᑐᓕᕐᑎᓯᓂᕐᒧᑦ ᐱᒋᐅᕐᓴᐅᑎᑦᓴᓂᑦ ᐱᒋᐅᕐᓴᑎᑦᓯᒍᑎᑦᓭᓗ ᐊᓪᓚᖁᑎᖏᓐᓂᑦ;

·       ᐱᓇᓱᑦᑏᑦ ᑐᑭᒧᐊᒍᑎᑦᓴᖏᓐᓂᑦ ᐊᑐᐃᓐᓇᕈᕐᑎᕆᔨᐅᓗᓂ ᐱᒋᐅᕐᓴᑐᓄᑦ, ᖃᕆᑕᕈᑏᑦ Microsoft Office Suite (Outlook, Word, Excel, PowerPoint) ᑲᑎᕕᒃ ᐃᓕᓴᕐᓂᓕᕆᓂᒧᑦ ᐱᓇᓱᑦᑎᓄᑦ ᓄᓇᕕᒻᒥ ᒪᓐᑐᔨᐊᒦᑦᑐᓄᓪᓗ;

·       ᐃᓚᐅᕕᖃᕐᓗᓂ ᐊᑐᓕᕐᑎᓯᓂᕐᒥᒃ ᓄᑕᐅᓯᓕᕐᑎᕆᓂᕐᒥᓗ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐋᕐᕿᓯᒪᐅᑎᑦᓴᓄᑦ ᐸᕐᓇᓯᒪᐅᑎᖓᓅᓕᖓᔪᒥᒃ ᐃᓕᖓᒻᒪᑦ ᐱᒋᐅᕐᓴᑎᑦᓯᓂᕐᒥᒃ ᐱᕙᓪᓕᐊᑎᑦᓯᓂᕐᒥᓗ;

·       ᐱᓇᓱᖃᑎᖃᕐᓗᓂ ᐋᕐᕿᓯᒪᐅᑎᑦᓭᑦ ᐸᕐᓇᓯᒪᐅᑎᖓᓄᑦ ᑐᑭᒧᐊᕆᔨᖓᓂᑦ;

·       ᐊᓪᓚᖁᑎᓂᑦ ᑲᑎᕐᓱᐃᕕᒻᒨᔦᖃᑦᑕᓗᓂ ᑐᓴᕐᑎᓯᒍᑎᓕᐅᖃᑦᑕᓗᓂᓗ ᐱᒋᐅᕐᓴᓂᕐᓅᓕᖓᔪᓄᑦ;

·       ᓄᓇᕕᒻᒥ ᓄᓇᓕᓐᓄᑦ ᐊᕐᕕᑕᖃᑦᑕᓗᓂ ᖃᐅᔨᓴᕆᐊᕐᑐᓂᕐᒧᑦ ᑭᖕᖐᒪᖏᔭᐅᔪᓂᑦ ᐱᒋᐅᕐᓴᓂᕐᓂᓗ ᐊᑑᑎᑎᑦᓯᖃᑦᑕᓗᓂ;

·       ᐊᓯᓕᒫᖏᓪᓗ ᑎᓕᔭᐅᒍᑎᖏᑦ ᑲᒪᔨᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥᑦ ᐱᔭᕇᒍᓯᕐᓯᒪᓗᓂ ᐱᓇᓱᒐᕐᒧᑦ ᐃᓕᖓᔪᒥᑦ, ᐱᓗᐊᕐᑐᒥ ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖏᓐᓄᑦ, ᐱᓇᓱᑦᑐᓕᕆᓂᕐᒥᒃ, ᐃᓱᒪᓕᕆᓂᕐᒥᒃ ᐅᕝᕙᓘᓐᓃᑦ ᐃᓕᓐᓂᐊᕈᑎᑦᓴᓕᐅᕐᓂᒥᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

·       ᐅᖃᐅᓯᕐᓂᒃ ᐱᒍᓐᓇᓂᖃᑦᓯᐊᓗᓂ ᑕᒪᕐᒥᒃ ᐅᖃᐅᓯᕐᑎᒍᑦ ᐊᓪᓚᓯᒪᔪᕐᑎᒍᓪᓗ ᓇᓪᓕᐊᓂᑦ ᒪᕐᕉᓂᒃ ᐱᖓᓱᑦ ᓇᓪᓕᖏᓐᓂᑦ (ᒍᐃᒍᐃᑎᑐᑦ, ᖃᓪᓗᓈᑎᑐᑦ, ᐃᓄᒃᑎᑐᑦ)

·       ᐱᖓᓱᑦ ᐊᕐᕌᒍᐃᑦ ᐊᒥᓲᓂᕐᓭᓘᓐᓃᑦ ᐱᓇᐊᕐᓯᒪᓂᖃᕐᓗᓂ ᑲᑐᑦᔨᖃᑎᒌᓐᓂᑕᓕᒻᒥ;

·       ᓵᖕᖓᓯᒍᓐᓇᓯᐊᕐᓗᓂ ᐃᓄᓐᓂᑦ ᐃᓕᓐᓂᐊᑎᑦᓯᒍᓐᓇᓯᐊᕐᓗᓂᓗ;

·       ᑐᑭᓯᓇᑦᓯᐊᕈᓐᓇᓗᓂ ᐱᒋᐅᕐᓴᐅᑎᑦᓴᓕᕆᓂᕐᒥᒃ, ᓯᕗᓕᕈᓐᓇᓯᐊᕐᓗᓂ ᑭᖕᖒᒪᒋᔭᐅᔪᓂᓪᓗ ᖃᐅᔨᓴᕈᓐᓇᓯᐊᕐᓗᓂ;

·       ᐃᓅᖃᑎᖃᕈᓐᓇᓯᐊᕐᓗᓂ ᕿᓄᐃᓵᕐᕕᖃᕈᓐᓇᓯᐊᕐᓗᓂᓗ ᐃᓕᓐᓂᐊᑎᑦᓯᓕᕈᓂ;

·       ᓇᐅᓕᒫᓄᑦ ᖃᐅᔨᒪᔭᐅᒋᐊᖃᖕᖏᑐᓂᑦ ᑎᒍᒥᐊᑦᓯᐊᕈᓐᓇᓗᓂ;

·       ᐊᐅᓚᒍᓐᓇᓯᐊᕐᓗᓂ ᕈᒪᓂᖃᑦᓯᐊᓗᓂᓗ ᒪᓐᑐᔨᐊᒥ ᓇᓪᓕᐊᓄᑦ ᐊᓪᓚᕕᑦᑎᓄᑦ; ᐃᓚᒋᔭᐅᑎᓪᓗᒋᑦ 14 ᓄᓇᓖᑦ ᓄᓇᕕᒻᒥ, ᕆᐊᖃᓕᕈᓂ.

·       ᑐᑭᓯᒪᓂᖃᓗᓂ ᓄᓇᕕᐅᑉ ᐃᓄᖏᑦᑕᓗ ᒥᑦᓵᓄᑦ ᑐᐊᑑᑎᖃᓪᓚᕆᑦᑐᖅ).

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2143-ᒥᒃ ᐱᓇᓱᕝᕕᖃᕋᔭᕐᑐᖅ: $56,670-ᒥᑦ $100,410-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.