ᑐᑭᒧᐊᑦᑎᓯᔨᒃ, ᑰᕈᕐᔪᐊᖅᐊᒻᒪᓗ ᐅᓕᑦᑕᓂᐅᔭᓕᒃ ᒥᕐᖑᐃᓯᕐᕕᒋᓐᓂᒃ - KRG

ᐱᓇᓱᒐᖅ ᐊᑐᐃᓐᓇᐅᓕᕐᒥᔪᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ, ᓄᓇᓕᐊᕈᕐᓂ ᐊᐅᓚᑦᓯᔨᒃ ᓄᓇᖁᑎᖓ 55 ᐃᑰᑕᖓᑕ ᑕᕐᕋᓕᒫᖓᓂ ᒫᓐᓇ ᕿᓂᕐᖁᑦ ᐱᒍᓇᐅᑦᓯᖓᑦᓯᐊᑐᒥᒃ ᕿᑦᑌᖓᑦᓯᐊᑐᒥᒃ ᐃᓄᒻᒥᒃ ᐱᓇᓱᑦᑎᕈᒍᒪᔪᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐆᒥᖓ ᐱᓇᓱᒐᕐᒥᒃ:

ᑐᑭᒧᐊᑦᑎᓯᔨᒃ, ᑰᕈᕐᔪᐊᖅᐊᒻᒪᓗ ᐅᓕᑦᑕᓂᐅᔭᓕᒃ ᒥᕐᖑᐃᓯᕐᕕᒋᓐᓂᒃ

(ᐊᑌᓐᓇᑐᖅ / ᐅᓪᓗᓕᒫᕐᓯᐅᑎᒃ ᐱᓇᓱᒐᖅ)

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ ᒥᕐᖑᐃᓯᕐᕕᓂ ᐃᓂᕐᕋᑎᑦᓯᕕᖓᓂᒃ ᑖᕗᖓᐅᓕᒍᓐᓇᑐᓂᒃ ᐱᑦᓴᖑᒍᓐᓇᑐᓂᒃ, ᐊᕙᑎᓕᕆᓂᕐᒥᒃ, ᓄᓀᑦ ᐊᒻᒪᓗ ᒥᕐᖑᐃᓯᕐᕕᓕᕆᓂᕐᒥᒃ ᐱᒍᑦᔨᕕᖓᓂ, ᑐᑭᒧᐊᑦᑎᓯᔨᖓ ᑰᕈᕐᔪᐊᒥ ᐅᓕᑦᑕᓂᐅᔭᒥᓗ ᒥᕐᖑᐃᓯᕐᕕᖓᓂ ᑲᒪᒋᔭᑦᓴᔭᓕᒃ ᐸᕐᓀᓂᕐᒥᒃ, ᐊᐅᓚᑦᓯᓂᕐᒥᒃ, ᐊᑕᐅᑦᓯᑯᓕᕐᑎᓯᓂᕐᒥᒃ ᐃᑉᐱᒋᔭᖃᕐᓂᒥᓗ ᖃᐅᑕᒫᑦ ᐱᓇᓱᑦᑕᐅᒋᐊᓕᓐᓂᒃ ᒥᕐᖑᐃᓯᕐᕕᒥ, ᐊᐅᓚᑕᐅᓂᖓ ᓴᐳᒻᒥᔭᐅᓂᖓᓗ ᒥᕐᖑᐃᓯᕐᕕᐅᑉ ᓄᓇᖁᑎᖓ, ᐃᓚᐅᒻᒥᑎᓪᓗᒍ ᐃᓕᓐᓂᐊᑎᑦᓯᓂᖅ, ᑐᑭᓕᐅᕆᓂᖅ, ᐱᒍᑦᔨᓂᖅ ᐊᒻᒪᓗ ᓱᖃᑦᓯᑎᑦᓯᓂᕐᒧᑦ ᐱᒍᑦᔨᒍᑎᓂᒃ ᐊᒻᒪᓗ ᐊᑐᐃᓐᓇᐅᑎᑕᐅᔪᑦ ᓱᖃᑦᓯᓃᑦ ᑖᒃᑯᓇᓂ. ᑐᑭᒧᐊᑦᑎᓯᔨᒃ ᐅᑯᓂᖓᓗᐊᖕᖑᐊᖅ ᑲᒪᒋᔭᑦᓴᓕᒃ:

• ᑲᒪᒋᔭᖃᕐᓗᓂ ᐊᐅᓚᑦᓯᓗᓂᓗ ᐱᓇᓱᑦᑎᓂᒃ ᒪᓕᓪᓗᓂ ᑲᑐᑦᔨᖃᑎᒌᑦᑐᑦ ᐊᖏᖃᑎᒌᒍᑎᖓᓂᒃ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᖁᔭᖏᓐᓂᒃ ᖃᓄᐃᓗᕈᓯᖏᓐᓂᓗ;

• ᒪᓕᑦᑕᐅᑎᑦᓯᓯᐊᕐᓗᓂ ᐊᑐᕐᑕᐅᒋᐊᓕᓕᒫᓂᒃ ᐱᖁᔭᓂᒃ ᐊᒻᒪᓗ ᒪᓕᒐᕐᓂᒃ ᓴᐳᒻᒥᓂᕐᒧᓕᖓᔪᓂᒃ, ᐱᕙᓪᓕᐊᑎᑦᓯᓂᕐᒥᒃ ᐊᒻᒪᓗ ᐊᑐᕐᑕᐅᓂᖓᓂᒃ ᓄᓇᐅᑉ ᐊᒻᒪᓗ ᓴᐳᒻᒥᓂᕐᒥᒃ ᑲᔪᓯᑎᑦᓯᓗᓂ ᐱᐅᓯᖃᕐᓗᓂᓗ, ᓱᖃᑦᓯᑎᑦᓯᓂᕐᒥᒃ, ᐃᓕᓐᓂᐊᑎᑦᓯᓂᕐᓂᒃ, ᐊᒻᒪᓗ ᐊᓯᖏᓐᓂᒃ ᐱᓇᓱᑦᑕᐅᒋᐊᓕᓐᓂᒃ;

• ᑲᑐᑦᔨᖃᑎᖃᕐᓗᓂ ᒥᕐᖑᐃᓯᕐᕕᒥ ᐃᓂᕐᕋᑎᑦᓯᓕᕆᔨᒃᑯᓂᒃ ᓄᐃᑦᓯᓗᑎᑦ, ᐊᑐᐃᓐᓇᕈᕐᑎᓗᑎᑦ ᑲᔪᓯᓕᕐᑎᓯᓗᑎᓗ ᐱᓇᓱᑦᑕᐅᒋᐊᓕᓐᓂᒃ ᐊᒻᒪᓗ ᐱᒍᑦᔨᒍᑎᓂᒃ ᐊᑐᐃᓐᓇᐅᑎᑕᐅᓂᐊᕐᑐᓂᒃ, ᒪᓕᓪᓗᑎᑦ ᐊᖏᕈᑎᐅᒪᔪᓂᒃ ᑮᓇᐅᔭᕐᑑᑎᑦᓴᓕᐊᕕᓂᕐᓂᒃ;

• ᐃᑉᐱᒋᔭᖃᕐᓗᓂ ᐃᓂᕐᕋᑎᑦᓯᓂᕐᒧᑦ ᑮᓇᐅᔭᕐᑑᑎᑦᓴᓕᐊᕕᓂᕐᓂᒃ, ᐃᓚᐅᓗᓂᓗ ᐊᕐᕌᒍᑕᒫᑦ ᑮᓇᐅᔭᕐᑑᑎᑦᓴᓕᐅᕐᓂᓂ ᐊᑐᐃᓐᓇᕈᕐᑎᓂᖏᓐᓂ;

• ᐃᓂᓪᓚᑎᕆᓗᓂ ᐱᐅᒡᒍᑎᓂᒃ ᐊᒻᒪᓗ ᐃᓪᓘᑉ ᓱᒃᑯᓯᒪᔪᕐᓂᐊᑕᐅᓂᖓᓂᒃ ᐅᑦᑑᑎᒋᓗᒋᑦ ᐱᐅᒡᒍᑏᑦ ᐊᒻᒪᓗ ᐃᓪᓗᒃ ᑲᒪᒋᔭᐅᒋᐊᓕᒃ ᐊᑦᑕᓀᑦᑐᒥᒍᑎᐅᒋᐊᓕᓐᓂᒃ ᒪᓕᑦᓯᐊᒪᖔᑦ ᐊᑐᓕᕐᑎᑕᐅᒪᔪᓂᒃ ᐱᒍᑦᔭᐅᔪᕐᓄᓕᖓᔪᓂᒃ, ᐃᓚᐅᔪᓄᑦ ᐱᓇᓱᑦᑎᓄᓗ;

• ᑲᑐᑦᔨᖃᑎᖃᕐᓗᓂ ᑲᒪᔨᒻᒪᕆᐅᑉ ᐃᑲᔪᕐᑎᖓᓂᒃ ᒥᕐᖑᐃᓯᕐᕕᒥ ᐃᓂᕐᕋᑎᑦᓂᓕᕆᕕᒻᒥ ᑲᔪᓯᓕᕐᑎᑕᐅᓂᖏᓐᓂᒃ ᐃᓪᓗᖁᑎᖓᓄᓕᖓᔪᒥᒃ ᐊᖏᖃᑎᒌᒍᑎᒥᒃ

• ᐃᓚᐅᑎᑦᓯᓗᓂ ᐱᓇᓱᑦᑎᓕᒫᓂᒃ ᐊᐅᓚᑕᐅᓂᖓᓂᒃ ᒥᕐᖑᐃᓯᕐᕕᒃ ᑲᔪᓯᓕᕐᑎᓯᓗᓂ ᖃᐅᔨᒋᐊᕐᕕᖃᕐᓂᒥᒃ ᖃᓄᐃᓗᕈᓯᐅᓗᓂ;

• ᐃᓚᐅᓗᓂ ᐱᕙᓪᓕᐊᑎᑕᐅᓂᖓᓂᒃ ᑲᔪᓯᓕᕐᑎᑕᐅᓂᖓᓂᓗ ᐊᑦᑕᓀᑦᑐᒥᒋᐊᖃᕐᓂᓄᑦ ᑐᖕᖓᕕᐅᔪᓂᒃ ᐊᒻᒪᓗ ᖃᓄᐃᓗᕈᓯᕐᓂᒃ ᐱᒍᑦᔭᐅᔪᓄᑦ ᐱᓇᓱᑦᑎᓄᓗ;

• ᐱᓇᓱᖃᑎᖃᕐᓗᓂ ᒪᑭᑕᒐᓱᐊᕈᑎᓕᓐᓂᒃ ᐊᒻᒪᓗ ᐱᓇᓱᖃᑎᒌᓐᓂᖃᓯᓗᑎᑦ ᑮᓇᐅᔭᓕᐅᕆᐊᓪᓚᒍᑎᑦᓴᓂᒃ ᐅᓇᒻᒥᒋᔭᓕᓐᓂᒃ ᐅᕝᕙᓗᓐᓃᑦ ᓄᑖᓂᒃ ᐱᒍᑦᔨᒍᑎᓂᒃ ᐊᑐᐃᓐᓇᐅᑎᑦᓯᒍᒪᔪᓂᒃ, ᓱᓇᑐᐃᓐᓇᓂᒃ ᓱᖃᑦᓯᒍᑎᓂᓗ;

• ᐃᓚᐅᑦᓯᐊᓗᓂ ᓄᓇᓕᒻᒥᒃ ᓄᓇᓕᓕᒫᓂᓗ ᖃᐅᔨᒪᖃᑎᒌᓐᓂᑯᑦ ᓄᓇᓕᒻᒥ ᓄᓇᓕᓕᒫᓂᓗ ᐃᓚᐅᔪᓂᒃ ᐊᒻᒪᓗ ᐱᓇᓱᖃᑎᑦᓴᔭᒥᓂᒃ ᐃᓚᐅᔪᓂᒃ ᓱᖃᑦᓯᒍᑎᐅᔪᓂᒃ ᐱᒍᑦᔨᒍᑎᓂᓗ ᒥᕐᖑᐃᓯᕐᕕᒥ;

• ᐊᑐᐃᓐᓇᕈᕐᑎᓗᓂ ᐊᒻᒪᓗ ᑲᒪᒋᔭᖃᕆᐊᓪᓚᓗᓂ ᐊᕐᕌᒍᑕᒫᑦ ᑐᕌᒐᖏᓐᓂᒃ ᐃᓚᐅᒻᒥᑎᓗᒍ ᓴᕐᕿᑕᐅᒋᐊᖕᖓᒍᑎᖓ ᑐᓴᕐᑎᓯᒍᑏᑦ ᐊᓪᓚᖃᑎᒌᒍᑏᓗ;

ᐱᒍᓐᓇᕆᐊᓕᖏᑦ:

• ᐃᓕᓐᓂᐊᕕᕐᔪᐊᒥ ᐱᔭᕆᕈᑎᖃᕐᓗᓂ ᐊᐅᓚᑦᓯᓂᓕᕆᓂᕐᒥᒃ ᐅᕝᕙᓗᓐᓃᑦ ᐊᑦᔨᐸᓱᖓᓂᒃ ᐅᕝᕙᓗᓐᓃᑦ ᐊᑦᔨᐸᓱᖓᓂᒃ ᐱᓇᓱᑦᑎᐅᓯᒪᓗᓂ ᐱᐅᔫᒐᔭᕐᑐᖅ;

• 5ᓂᒃ ᐊᕐᕌᒍᕐᓂᒃ ᐱᓇᓱᑦᑎᐅᓯᒪᓗᓂ ᐊᑦᔨᐸᓱᖓᓂᒃ;

• ᐱᓇᓱᑦᑎᓂᒃ ᐱᓇᓱᖃᑎᖃᕈᓐᓇᓯᐊᕐᑐᓴᔭᐅᓗᓂ;

• ᐃᓂᓪᓚᑎᕆᒍᓐᓇᓯᐊᕐᓗᓂ, ᕿᒥᕐᕈᒍᓐᓇᓗᓂ, ᐱᓀᓗᑕᓂᒃ ᐋᕐᖀᓱᐃᒍᓐᓇᓗᓂ, ᑐᓴᐅᒪᖃᑎᒌᓐᓂᖃᕈᓐᓇᓯᐊᕐᓗᓂ (ᐅᖄᓂᒃᑯᑦ ᐊᓪᓚᓯᒪᔪᒃᑯᑦ);

• ᐅᖄᒍᓐᓇᓗᓂ ᐊᓪᓚᒍᓐᓇᓗᓂᓗ ᐃᓄᒃᑎᑐᑦ ᖃᓪᓗᓈᑎᑐᓗ ᐊᒻᒪᓗ/ᐅᕝᕙ”ᓗᓐᓃᑦ ᒍᐃᒍᐃᑎᑐᑦ; ᐱᖓᓱᓂᒃ ᐅᖃᐅᓯᖃᕈᓂ ᐱᐅᔫᒐᔭᕐᑐᖅ;

• ᑮᓇᐅᔭᓕᕆᒍᓯᕐᒥᒃ ᑐᑭᓯᒪᓗᓂ;

• ᑐᑭᓯᒪᓗᓂ ᖃᕆᑕᐅᔭᒥ ᐊᑐᕐᑕᐅᓲᓂᒃ (Word, Excel, ᐊᒻᒪᓗ PowerPoint).

ᓄᓇᓕᒃ ᐱᓇᓱᕝᕕᖓ: ᑲᖏᕐᓱᐊᓗᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐹᖏᑦ. $95, 573 ᐊᕐᕌᒍᑕᒫᑦ – ᐅᓄᕐᓂᐹᖏᑦ $131, 407 ᐊᕐᕌᒍᑕᒫᑦ 35ᓂᒃ ᑫᕙᓪᓚᒍᓯᕐᓂᒃ /ᐱᓇᓱᐊᕈᓯᑕᒫᑦ.

ᐱᕙᓪᓕᖁᑎᖏᑦ: ᐃᓅᒐᓱᐊᕐᓂᒧᑦ ᐊᑭᑐᓂᖓᓂᒃ ᐃᑲᔪᕐᓯᒍᑎᖏᑦ: ᐃᑭᓐᓂᐸᐅᑎᓗᒍ $ 11 834 ᐊᕐᕌᒍᑕᒫᑦ.

ᓂᕿᓄᓕᖓᔪᓂᒃ ᐃᑲᔪᕐᓯᒍᑎᖏᑦ: ᐃᑭᓐᓂᐸᐅᑎᓪᓗᒍ $ 5, 168 ᐊᕐᕌᒍᑕᒫᑦ.

ᐊᕐᕉᒍᑕᒫᑦ ᐊᐅᓪᓚᕈᑎᖏᑦ: ᐃᑭᓐᓂᐸᐅᒍᓐᓇᑐᑦ 3.

ᐊᒥᓱᐃᖑᑦᓱᑎᑦ ᐃᒻᒪᖃᐅᑎᖃᕐᓂᖏᑦ.

ᐃᑦᑑᒍᑎᑖᕐᑕᕈᑎᑦᓭᑦ: 6.25% ᐱᓇᓱᕝᕕ, 4% ᐱᓇᓱᑦᑎ ᐱᓇᓱᑦᑏᑦ ᐃᒻᒪᖃᐅᑎᑦᓴᖏᑦ

ᕿᑲᕐᓀᑦ: 20 ᐅᓪᓗᐃᑦ ᐊᕐᕌᒍᑕᒫᑦ.

ᕿᑲᕐᓀᑦ ᐅᓪᓗᐃᑦ ᐋᕐᕿᑕᐅᒪᔪᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᐅᓪᓗᐃᑦ ᕿᑎᖕᖑᒥ.

ᐱᓇᓱᐊᕈᒪᐅᑎᑎᑦ ᑐᔫᑎᒋᓗᒋᑦ 5:00-ᖕᖑᓚᕐᑎᓇᒍ ᐅᓐᓄᓴᒃᑯᑦ, ᕕᕗᐊᕆ 20, 2026-ᒥ ᐅᕗᖓ:

ᐱᓇᓱᑦᑎᓕᕆᕕᒃ

ᑲᑎᕕᒃ ᓄᓇᓕᓕᒫ ᑲᕙᒪᖓ

P.O. Box 9

Kuujjuaq QC J0M 1C0

ᓱᑲᑦᑐᑰᕈᑎᒃ: 819-964-2975

ᖃᕆᑕᐅᔭᑎᒍᑦ ᓯᓚᑎᖓ: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᑦᔨᒋᑦᑎᓯᒐᓱᒃᑯᖅ ᐱᓇᓱᕝᕕᐅᓱᓂ. ᒪᓕᑦᓱᑎᒃ ᑕᒪᑦᓱᒥᖓ ᐊᒻᒪᓗ ᔦᒻᔅ ᐯ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᖓᓂᒃ, ᖃᓄᐃᓕᖓᓂᖏᑦ ᐊᓯᑦᔨᒋᐊᕐᑕᐅᓯᒪᑐᐃᓐᓇᕆᐊᖃᕐᖁᑦ ᐱᓇᓱᑦᑎᑖᕋᓱᓐᓂᒧᑦ ᐃᓄᓐᓂᑦ ᐱᓇᓱᒐᑦᑖᕋᓱᑦᑐᓂᒃ.

ᐱᓇᓱᒐᕐᑖᕋᓱᑦᑐᐃᑦ ᐃᓱᒪᒋᔭᐅᔪᐃᑦ ᐱᒍᒪᔭᐅᔪᐃᑦ ᑭᓯᐊᓂ ᖃᐅᔨᒋᐊᕐᕕᐅᓂᐊᕐᖁᑦ.