ᑐᑭᒧᐊᑦᑎᓯᔨ ᑲᕙᒫᐱᓐᓂ ᐃᓄᓕᒫᓂᒃ ᐱᑦᔪᔨᒍᑎᓕᕆᓂᕐᒥᒃ ᐱᑦᔪᔨᕕᒻᒥ - KRG

ᐱᓇᓱᒐᖅ ᐱᔭᑦᓴᐅᔪᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᑲᕙᒫᐱᒻᒪᕆᐅᑦᓱᓂ ᑎᒥᐅᕗᖅ ᐊᐅᓚᑦᓯᕕᖃᕐᓱᓂ ᓄᓇᒥᒃ ᑯᐯᒃ ᐃᓗᐊᓂ 55 ᑕᕐᕋᓕᒫᖓᓂ ᓄᓇᖑᐊᒥ. ᐅᓪᓗᒥ ᕿᓂᕐᑐᖅ ᐱᓇᓱᑦᑎᓚᕆᒻᒥᒃ ᐊᒻᒪᓗ ᐃᒻᒥᓂᕿᒍᓐᓇᓯᐊᕐᑐᒥᒃ ᐱᓇᓱᑦᑎᓴᒥᒃ ᐱᓇᓱᒐᖃᕋᔭᕐᑎᓗᒍ ᒪᑐᒥᖓ.

ᑐᑭᒧᐊᑦᑎᓯᔨ

ᑲᕙᒫᐱᓐᓂ ᐃᓄᓕᒫᓂᒃ ᐱᑦᔪᔨᒍᑎᓕᕆᓂᕐᒥᒃ ᐱᑦᔪᔨᕕᒻᒥ

(ᐊᑌᓐᓇᑐᖅ ᐃᓄᐃᑦᑑᓱᓂ ᐱᓇᓱᒐᖅ)

ᑐᓴᕐᑎᓯᕙᓪᓗᓂ ᐊᓪᓚᕕᖓᓂᒃ ᐃᓘᓐᓈᒍᑦ ᑐᑭᒧᐊᑦᑎᓯᔨᒧᑦ KRG-ᒥ, ᑐᑭᒧᐊᑦᑎᓯᔨ ᑲᕙᒫᐱᓐᓂ ᐃᓄᓕᒫᓂᒃ ᐱᑦᔪᔨᒍᑎᓕᕆᓂᕐᒥᒃ ᐱᑦᔪᔨᕕᒻᒥ ᑲᒪᔨᐅᕗᖅ ᑲᔪᓯᑎᑦᓯᒍᑎᓂᒃ ᓇᑉᐸᑎᕐᓯᒪᔪᓂᒃ ᐱᓂᐊᕈᑎᓂᒃ ᐅᑭᐅᕐᑕᑐᒥ ᓄᓇᓕᓐᓂᒃ ᐃᑲᔪᕐᓱᓂ ᐱᓗᐊᕐᑐᒥᒃ ᐊᑦᑐᐊᔪᕐᑎᒍᑦ ᐃᒥᕐᑕᐅᔪᒧᑦ ᐃᒪᕐᒧᑦ ᐊᒻᒪᓗ ᑭᓈᓂᕐᓗᑯᓂᒃ ᑲᑭᐊᑦᓯᓕᑎᕆᓂᕐᒧᑦ, ᓴᓂᒃᑯᕕᓐᓄᑦ, ᐊᕐᖁᑎᓄᑦ ᐊᒻᒪᓗ ᐃᓗᔪᐊᓄᑦ, ᐊᒻᒪᓗ ᐱᔪᓐᓇᑎᑦᓯᓂᕐᒥᒃ ᐊᒻᒪᓗᑦᑕᐅᖅ ᐊᐅᓚᑦᓯᓂᕐᒥᒃ KRG-ᑯᑦ ᐃᓪᓗᔪᐊᖁᑎᓕᒫᖏᓐᓂᒃ. ᐱᓇᓱᒍᒪᔪᓂᒃ ᓂᕈᐊᕐᑕᐅᔪᖅ ᐃᒣᒋᐊᓕᒃ:

ᑲᒪᒋᔭᑦᓴᖏᑦ

• ᓱᕐᖁᐃᓂᖅ ᐱᑦᔪᔨᕕᒻᒥ ᐱᓇᓱᐊᑦᓭᑦ ᐊᐅᓚᑕᐅᑦᓯᐊᓂᖓᓂᒃ ᒪᓕᒍᑎᒋᓗᒋᑦ ᐋᕐᕿᓯᒪᔪᓂᒃ ᑐᕌᕐᓂᐊᓱᒋᑦ ᐊᒻᒪᓗ ᐊᑯᓂᕆᓂᖏᑎᒍᑦ ᐃᓱᒪᒋᒋᐊᓕᓐᓂᒃ, ᐊᒻᒪᓗ ᐱᓇᓱᓐᓂᑯᑦ ᐅᓪᓗᓯᐅᑎᓂᒃ;

• ᐱᓇᓱᖃᑎᖃᑦᓯᐊᓂᖅ ᐅᑭᐅᕐᑕᑐᒥ ᓄᓇᓕᓐᓂ ᐊᖓᔪᕐᖃᐅᓂᕐᒧᑦ ᓂᕈᐊᕐᑕᐅᓯᒪᔪᓂᒃ ᐊᒻᒪᓗ ᐱᓇᓱᑦᑎᓂᒃ, ᓱᕐᖁᐃᕈᑎᒋᓗᒍ ᓱᕙᓪᓕᓇᕐᓗᓂ ᐊᒻᒪᓗ ᑲᔪᓯᑦᓯᐊᓗᓂ ᖃᓄᐃᓘᕈᑎᓂᕐᒥᒃ;

• ᐊᑐᐃᓐᓇᕈᐃᓂᖅ ᑮᓇᐅᔦᑦ ᑐᕌᒐᖏᓐᓂᒃ ᐊᒻᒪᓗ ᓱᕐᖁᐃᓂᖅ ᑲᔪᓯᑎᑕᐅᒋᐊᖏᓐᓂᒃ;

• ᑲᔪᓯᓕᕐᑎᓯᓂᖅ, ᒪᓕᑦᑐᓂᖅ ᐊᒻᒪᓗ ᓄᑕᐅᓯᓕᑎᕐᑎᓯᓂᖅ ᑲᕙᒣᑦ ᐊᖏᖃᑎᒌᓐᓂᖏᓐᓂᒃ ᐱᑦᔪᑎᓕᓐᓂᒃ ᑲᕙᒫᐱᓐᓂ ᐊᒻᒪᓗ ᓄᓇᓕᓐᓂ ᓇᑉᐸᑎᕆᐅᑎᓂᒃ;

• ᓱᕐᖁᐃᓂᖅ ᒪᑭᑕᑦᓯᓯᐊᕐᓂᒥᒃ KRG-ᑯᑦ ᐃᓪᓗᔪᐊᖁᑎᖏᓐᓂᒃ, ᐊᒻᒪᓗ ᑲᔪᓯᓕᕐᑎᓯᓂᖅ ᐊᒻᒪᓗ ᓄᑕᐅᓯᓕᑎᕆᓂᖅ ᐊᕐᕋᒍᓄᑦ-ᑕᓪᓕᒪᓄᑦ ᓄᑕᐅᓯᓕᑎᕐᓂᒥᒃ ᐊᒻᒪᓗ ᒪᑭᑕᑦᓯᓯᐊᕐᓂᒥᒃ ᐸᕐᓇᓯᒪᐅᑎᒥᒃ;

• ᑐᑭᒧᐊᑦᑎᓯᓂᖅ ᐱᓪᓗᑯᒋᐊᓕᓐᓄᑦ ᐃᑲᔪᕐᓯᒪᓂᐅᑉ ᐱᓂᐊᕈᑎᖓᓂᒃ ᐅᑭᐅᕐᑕᑐᒥ ᓄᓇᓕᓐᓄᑦ ᐱᒋᐊᓪᓚᑎᑦᓯᓚᖓᓗᓂ ᑲᕙᒫᐱᓐᓂ ᐱᓇᓱᑦᑏᑦ ᖃᐅᔨᒪᓂᖓᓂᒃ ᐱᓗᐊᕐᑐᒥᒃ ᐊᑦᑐᐊᔪᕐᑎᒍᑦ ᐃᒥᕐᑕᐅᔪᒧᑦ ᐃᒪᕐᒧᑦ ᐊᒻᒪᓗ ᑭᓈᓂᒃᓗᑯᓂᒃ ᑲᑭᐊᑦᓯᓕᑎᕆᓂᕐᒧᑦ, ᓴᓂᒃᑯᕕᓐᓂᒃ ᐊᐅᓚᑦᓯᓂᕐᒧᑦ, ᐊᒻᒪᓗ ᐃᓗᔪᐊᓂᒃ ᐱᓇᓲᑎᕐᓚᓂᓪᓗ ᒪᑭᑕᑦᓯᓯᐊᕐᓂᒧᑦ;

• ᐋᕐᕿᓱᐃᓂᖅ ᐊᒻᒪᓗ ᑲᔪᓯᑎᑦᓯᓂᖅ ᐱᓇᓱᓐᓂᑯᑦ ᑐᕌᕐᑕᐅᔪᑦᓴᓂᒃ ᐱᑦᔪᔨᕕᒻᒧᑦ;

• ᓱᕐᖁᐃᓂᖅ ᑲᔪᓯᖏᓐᓇᓕᒫᕐᑐᒥᒃ ᖃᓄᐃᓘᕈᑎᓂᖏᓐᓂᒃ ᐊᑦᔨᒌᖕᖏᑐᑦ ᑯᒻᒪᓲᑎᑦᓴᓖᑦ ᐊᒻᒪᓗ KRG-ᑯᑦ (ᐆᑦᑑᑎᒋᓗᒋᑦ ᐱᑦᔪᔨᕕᐅᑉ ᐱᓇᓱᑦᑎᖏᑦ, ᐊᓯᖏᑦ KRG-ᒥ ᐱᑦᔪᔨᕖᑦ, ᐅᑭᐅᕐᑕᑐᒥ ᓄᓇᓖᑦ ᐊᒻᒪᓗ ᑯᐯᒃᑯᒃ ᑲᕙᒪᖓᑕ ᐱᑦᔪᔨᕕᖏᑦ ᐊᒻᒪᓗ ᑎᒥᖁᑎᖏᑦ).

ᐱᔪᓐᓇᓯᒍᑎᖏᑦ

• ᐃᒻᒥᓂᕐᓱᕈᓐᓇᑐᒧᑦ ᐃᓕᑦᓯᒪᐅᑎ (Bachelor’s degree) ᐊᑦᑐᐊᔪᖅ ᐊᐅᓚᐅᓯᕆᓂᕐᒧᑦ, ᐃᓪᓗᔪᐊᑦᓴᓕᕆᓂᕐᒧᑦ ᐊᓯᐊᓄᓪᓘᓃᑦ ᐱᓇᓱᒐᕐᒧᑦ ᒥᑦᓯᖃᕐᒥᔪᒧᑦ;

• ᐃᑭᓐᓂᐹᖓᓄᑦ ᖁᓕᓂᒃ ᐊᕐᕌᒍᓂᒃ ᐱᓇᓱᓕᓂᐅᓂᖅ ᑲᔪᓯᑎᑦᓯᒍᑎᓂᒃ ᑲᕙᒫᐱᓐᓂ ᐱᓇᓱᐊᑦᓴᓂᒃ, ᐃᓚᖃᕐᑎᓗᒍ ᐊᕐᕌᒍᓂᒃ ᑕᓪᓕᒪᓂᒃ ᑲᒪᔨᒻᒪᕆᐅᓂᕐᒥᒃ ᐊᒥᓱᐃᓂᒃ ᐱᓇᓱᒐᓕᓐᓂᒃ ᐃᑲᔪᕐᑎᒌᓂᒃ;

• ᐱᓇᓱᓕᓂᐅᓂᖅ ᒪᑭᑕᑦᓯᐅᑎᓂᒃ ᐊᒻᒪᓗ ᐱᖁᑎᓂᒃ ᐊᐅᓚᑦᓯᔨᐅᓂᕐᒥᒃ, ᐊᒻᒪᓗ ᐱᓇᓱᓚᐅᕐᓯᒪᓂᖅ ᐃᓗᕐᖁᓯᖃᑎᒌᖕᖏᑐᑦ ᐃᒻᒧᐊᓂ ᐃᓱᒪᓇᕐᑐᑦ ᐱᔪᓐᓇᕈᑎᒋᐊᓪᓚᑎᑐᑦ;

• ᐊᓪᓚᓯᒪᔪᑎᒍᑦ ᐅᖄᓂᒃᑯᓗ ᖃᐅᔨᒪᒋᐊᓕᒃ ᐃᑭᓐᓂᐹᖓᓄᑦ ᒪᕐᕉᓂᒃ (2) ᒪᑯᐊ ᐅᖃᐅᓰᑦ ᓇᓪᓕᖏᓐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ;

• ᐃᒻᒥᓂᕿᒍᓐᓇᓂᖅ ᐊᒻᒪᓗ ᐃᓂᓪᓚᑎᕐᓯᒪᓯᑎᐅᓂᖅ;

• ᐱᒃᑐᖕᖏᓂᖅ ᐊᐅᓚᑦᓯᓂᕐᒥᒃ ᐊᒥᓱᐃᓂᒃ ᑲᒪᒍᑎᓂᒃ ᐊᑕᐅᑦᓯᑯᑦ ᐊᒻᒪᓗ ᓱᕐᖁᐃᕈᓐᓇᓂᖅ ᑲᔪᓯᒍᑕᐅᓂᖏᓐᓂᒃ.

ᑖᓐᓇ ᐱᓇᓱᒐᖅ ᐊᑐᕆᐊᖃᕐᓇᑐᖅ ᐊᐅᓪᓚᑲᑦᑕᓂᕐᒥᒃ ᓄᓇᕕᐅᑉ ᐃᓗᐊᒍᑦ ᓯᓚᑖᓄᓪᓗ.

ᐱᓇᓱᕝᕕᐅᑉ ᐃᓂᖓ: ᑰᔾᔪᐊᖅ.

ᑮᓇᐅᑦᔭᓵᖏᑦ: ᐃᑭᓐᓂᐹᖓᓄᑦ $133 651 ᐊᒻᒪᓗ ᐅᓄᕐᓂᐹᖓᓄᑦ $183 789 ᐊᕐᕋᒍᑕᒫᑦ;

ᐱᕙᓪᓕᖁᑎᖏᑦ: ᐃᓅᓯᐅᑉ ᐊᑭᑐᓂᖓᑕ ᑲᓱᖕᖏᓂᖓ: ᐃᑭᓐᓂᐹᖓᓄᑦ $8 500 ᐊᕐᕋᒍᑕᒫᑦ;

ᓂᕿᑖᕐᓂᒧᑦ ᐃᑲᔪᕐᑕᐅᒍᑏᑦ: ᐃᑭᓐᓂᐹᖓᓄᑦ $4 398 ᐊᕐᕋᒍᑕᒫᑦ;

ᐊᕐᕌᒍᑕᒫᑦ ᕿᑲᕐᓂᒥᓂ ᐊᐅᓪᓚᕈᑎᖏᑦ: ᐅᓄᕐᓂᐹᖓᓄᑦ 3 ᐊᑐᓂ ᐃᓄᒻᒧᑦ ᐊᕐᕋᒍᑕᒫᑦ;

ᐃᓄᑐᖃᕈᕐᓂᒧᑦ ᐸᕐᓇᕈᑎ: 8% ᐱᓇᓱᕝᕕᐅᑉ ᐃᓕᔨᒍᑎᖏᑦ;

ᐊᑕᖏᕐᑐᓄᑦ ᓴᑑᑎᑦᓭᑦ;

ᐃᓱᒣᓐᓂᕿᒍᑏᑦ: 30 ᐅᓪᓗᐃᑦ ᐊᕐᕋᒍᑕᒫᑦ;

ᐱᖁᔭᑎᒍᑦ ᕿᑲᕐᕕᖏᑦ: 19 ᐅᓪᓗᐃᑦ ᖃᓗᓯᔪᑦ 10-ᓂᒃ ᐅᓪᓗᓂᒃ ᕿᑎᖕᖑᒥ ᕿᑲᕈᑎᓂᒃ.

**ᐱᓇᓱᒐᖅ ᐅᒃᑯᐃᖔᓚᖓᔪᖅ ᐃᓐᓄᑕᐅᖕᖏᓂᓕᒫᖓᓂ**

ᐅᕗᖓ ᑎᑭᑎᑦᓯᓗᑎᑦ ᐱᓇᓱᓚᐅᕐᓯᒪᐅᑎᑎᓐᓂᒃ ᐊᒻᒪᓗ ᐊᓪᓚᓂᒃ ᐱᓇᓱᒍᒪᐅᑎᑎᓐᓂᒃ ᐊᓪᓚᓯᒪᑎᓪᓗᒋᑦ ᖃᓪᓗᓈᑎᑐᑦ ᐅᐃᒍᐃᑎᑐᓪᓗ:

Human Resources

Kativik Regional Government

P.O. Box 9

Kuujjuaq QC J0M 1C0

Email: humanresources@krg.ca

Fax: 819-964-2975

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᖃᓄᐃᓕᖓᓂᓪᓗᑯᐃᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑕᐅᓗᑎᒃ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ ᐱᓇᓱᒐᕐᑖᕈᒪᔪᓂᒃ. ᐱᓇᓱᒍᒪᔪᑦ ᓂᕈᐊᕐᑕᐅᔪᑦ ᐊᐱᕐᓱᓚᖓᓗᒋᑦ ᑖᒃᑯᑐᐊᑦ ᐅᖃᕐᕕᐅᓚᖓᔪᑦ.