ᑲᒪᔨᒻᒪᕆᒃ, ᐱᖕᖑᐊᓂᓕᕆᓂᖅ - KRG

ᑰᑦᔪᐊᖅ ᐊᑌᓐᓇᑐᕈᑐᐃᓐᓇᕆᐊᓕᒃ – ᐊᑌᓐᓇᑐᖅ Deadline 19/11/2026

ᐱᓇᓱᒐᖅ ᐊᑐᐃᓐᓇᕈᕐᑐᑦ

ᑲᑎᕕᑦ ᓄᓇᓕᓕᒫᑦ ᑲᕙᒪᖓ (KRG), ᐊᒥᓱᐃᓕᖓᔪᓂᒃ ᑲᕙᒫᐱᓕᕆᓂᕐᒥᒃ ᑎᒥᐅᔪᖅ ᑲᒪᒋᔭᖃᕐᓱᓂ ᓄᓇᖓᓂᒃ ᑯᐯᒃᒥ ᑕᕐᕋᖓᓃᑦᑐᓂᒃ 55. ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᕿᓂᓕᕐᒥᔪᑦ ᐆᒻᒪᕿᑦᑐᓯᐊᒥᒃ ᐊᒻᒪᓗ ᑲᑦᓱᙰᑦᑐᒥᒃ ᐱᓇᓱᑦᑐᓴᒥᒃ ᑰᑦᔪᐊᒥ, ᐃᒣᓘᕐᑎᐅᒐᔭᕐᑎᓗᒍ:

ᑲᒪᔨᒻᒪᕆᒃ, ᐱᖕᖑᐊᓂᓕᕆᓂᖅ

(ᐊᑌᓐᓇᑐᕈᑐᐃᓐᓇᕆᐊᓕᒃ – ᐊᑌᓐᓇᑐᖅ)

ᑐᓴᐅᒪᑎᑦᓯᖃᑦᑕᓗᓂ ᑲᒪᔨᒻᒪᕆᒻᒥᒃ, ᐱᖕᖑᐊᓂᓕᕆᓂᐅᑉ ᑲᒪᔨᒻᒪᕆᖓ ᐱᓇᓱᐊᓲᖅ ᐸᕐᓇᓂᕐᒥᒃ, ᐃᓂᓪᓚᑎᕆᓂᕐᒥᒃ, ᐱᕙᓪᓕᐊᑎᑦᓯᓂᕐᒥᒃ, ᑐᑭᒧᐊᑦᑎᓯᓂᕐᒥᒃ, ᐊᒻᒪᓗ ᐊᐅᓚᑦᓯᓂᕐᒥᒃ ᐃᓘᓐᓇᖏᓐᓂᒃ ᐊᐅᓚᒍᓯᖏᓐᓂᒃ ᓱᖃᑦᓯᐅᑎᖏᓐᓂᓗ ᐃᓕᖓᔪᓂᒃ ᐱᖕᖑᐊᓂᓕᕆᓂᐅᑉ ᐱᓇᓱᐊᒐᑦᓴᖏᓐᓂᒃ, ᐱᑦᔪᔭᐅᒍᑎᖏᓐᓂᒃ, ᐱᓇᓱᐊᒐᑦᓴᖏᓐᓂᒃ, ᐊᒻᒪᓗ ᓱᖃᑦᓯᐅᑎᖏᓐᓂᒃ ᓄᓇᕕᒻᒦᑐᓂᒃ. ᐱᓗᐊᖕᖑᐊᑎᓪᓗᒋᑦ ᑲᒪᔨᒻᒪᕆᒃ ᐱᖕᖑᐊᓂᓕᕆᓂᕐᒥᒃ ᐅᑯᓂᖓ ᑲᒪᒐᔭᕐᑐᖅ:

• ᐸᕐᓇᓗᒋᑦ, ᐊᐅᓚᓗᒋᑦ ᑐᑭᒧᐊᑦᑎᓗᒋᓗ ᐱᑦᔪᔨᕕᐅᑉ ᐱᓇᓱᑦᑎᖏᑦ ᓱᖃᑦᓯᐅᑎᖏᓪᓗ;

• ᐊᐅᓚᓗᒋᑦ ᑮᓇᐅᔭᖁᑎᖏᑦ ᐱᑦᔪᔨᕕᐅᑉ ᐃᓚᐅᑎᓪᓗᒋᑦ ᑐᕌᒉᑦ ᐊᑐᐃᓐᓇᕈᕐᑎᑕᐅᓂᖏᑦ ᐅᑎᕐᕕᒋᖃᑦᑕᓗᒋᓗ;

• ᑲᒪᒋᖃᑦᑕᓗᒋᑦ ᐊᖏᖃᑎᒌᒐᓱᐊᕐᓃᑦ ᐊᒻᒪᓗ ᐊᑐᓕᕐᑎᑕᐅᒋᐊᖃᕐᓂᖏᑦ ᑲᕙᒪᑐᖃᒃᑯᓄᑦ ᑯᐯᒃᑯᓗ ᐊᖏᖃᑎᒌᒍᑎᖏᑦ, ᐊᒻᒪᓗ ᐊᓯᖏᑦ ᑮᓇᐅᔭᓄᑦ ᐊᖏᖃᑎᒌᒍᑎᕕᓃᑦ ᐃᓕᖓᔪᑦ ᐱᑦᔪᔨᕕᐅᑉ ᐱᓇᓱᐊᕐᑕᐅᒍᑎᖏᓐᓄᑦ;

• ᑐᓴᐅᒪᖃᑎᒋᖏᓐᓇᖃᑦᑕᓗᒋᑦ ᐊᑦᔨᒌᖕᖏᑐᑦ ᐃᓚᐅᔫᔪᑦ ᐊᒻᒪᓗ ᐃᓄᓕᒫᑦ;

• ᐊᐅᓚᓗᒋᑦ ᐱᓪᓗᑯᑦᑐᓕᕆᓂᕐᒥᒃ ᐃᑲᔪᕐᓯᐅᑎᒋᔭᐅᓲᒃ ᑲᕙᒫᐱᒃᑯᓄᑦ ᐱᖕᖑᐊᑎᑦᓯᓂᕐᓄᐊᖓᔪᓕᒫᑦ;

• ᐊᐅᓚᓗᒋᑦ ᐃᓘᓐᓇᖏᑦ ᓄᓇᓕᓕᒫᓄᒃ ᐱᖕᖑᐊᓂᓕᕆᓂᕐᒧᑦ ᓱᖃᑦᓯᐅᑎᓕᒫᖑᔪᑦ ᐱᓇᓱᐊᕐᑎᓯᒍᑏᓪᓗ ᐱᑦᔪᔨᕕᐅᑉ ᑲᒪᒋᕙᑦᑕᖏᑦ (ᐅᑭᐅᕐᑕᑐᒥᒃ ᐅᑭᐅᒃᑯᑦ ᐱᖕᖑᐊᓂᕐᔪᐊᑦ ᐅᐱᕐᖔᑯᓪᓗ, ᓯᕿᓂᖅ, ᓄᓇᕕᒻᒥ ᓂᑦᔭᓗᑦᑖᓂᕐᒧᑦ ᐱᓇᓱᐊᕐᑎᓯᒍᑏᑦ, ᓄᓇᕕᒻᒥ ᓯᑐᕋᐅᑎᑯᑖᕐᑎᓯᓃᑦ, ᐊᓯᖏᓪᓗ);

• ᑭᒡᒐᑐᕐᑎᒋᔭᐅᓗᓂ. ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐃᓕᖓᔪᓄᑦ ᐱᑦᔪᔨᕕᐅᑉ ᑎᓕᔭᐅᒪᒍᑎᖏᓐᓄᑦ;

• ᐊᑐᐃᓐᓇᕈᕐᑎᖃᑦᑕᓗᒋᑦ ᐊᑐᓕᕐᑎᖃᑦᑕᓗᒋᓗ ᐊᕐᕌᒍᑕᒫᑦ ᑐᕌᒐᖏᑦ ᐱᑦᔪᔨᕕᒻᒧᐊᖓᔪᑦ ᐊᒻᒪᓗ ᐊᑐᐃᓐᓇᕈᕐᑎᕆᖃᑦᑕᓗᓂ ᐊᑯᓃᕐᑐᓄᐊᖓᔪᑦ ᐸᕐᓇᕈᑎᑦᓴᐅᔪᑦ;

• ᓇᐅᑦᓯᑐᖃᑦᑕᓗᒋᑦ ᓄᑕᐅᓯᓕᖃᒃᑕᓗᒋᓗ ᐊᕐᕌᒍᑕᒫᑦ ᐸᕐᓇᓯᒪᐅᑏᑦ ᐊᐅᓚᑦᔭᒋᐊᕐᓂᒧᑦ;

• ᐊᑐᓕᕐᑎᖃᑦᑕᓗᒋᑦ ᐱᓇᓱᒍᑏᑦ ᖃᐅᔨᓴᐅᑏᓪᓗ ᖃᐅᔨᒍᑎᐅᒍᓐᓇᑐᑦ ᐊᒻᒪᓗ ᑐᓴᕐᑎᓯᐅᑏᓪᓗ ᐱᑦᔪᔨᕕᐅᑉ ᐱᓇᓱᐊᕐᓂᖏᓐᓂᒃ;

• ᐋᕐᑭᓱᕐᓗᒋᑦ ᑐᓴᐅᒪᖃᑎᒋᖏᓐᓇᖃᑦᑕᓗᒋᓗ ᐱᑦᔪᔨᕕᕐ ᐊᒻᒪᓗ ᐊᓯᖏᑦ ᑎᒥᐅᔪᑦ ᐃᓚᐅᔫᔪᐃᓪᓗ, ᒋᐊᖃᓕᕐᐸᑕ;

• ᖁᕝᕙᒋᐊᕐᑎᓯᖃᑦᑕᓗᓂ ᐋᕐᕿᓱᕐᑕᐅᓂᖏᓐᓂᒃ ᐱᖕᖑᐊᓂᓕᕆᓂᕐᒧᑦ ᓱᖃᑦᓯᐅᑎᑦᓭᑦ ᓄᓇᕕᒻᒧᐊᖓᔪᑦ;

• ᐋᕐᕿᓱᖃᑦᑕᓗᒋᑦ ᐱᓇᓱᐊᒐᑦᓭᑦ ᑐᕌᕐᑎᑕᐅᓯᒪᔪᑦ ᑫᓪᓗᑐᐃᓂᕐᒧᑦ ᐱᖕᖑᐊᓂᓕᕆᓂᐅᑉ ᓱᖃᑦᓯᐅᑎᖏᓐᓄᑦ ᓄᓇᓕᓕᒫᓂᒃ ᐊᑐᓕᕐᑎᖃᑦᑕᓗᒋᑦ ᐊᐅᓚᖃᑦᑕᓗᒋᓗ ᑐᓂᔭᐅᓂᑦᓴᖏᑦ ᐱᓇᓱᐊᒐᑦᓴᓕᐊᖑᓯᒪᔪᑦ.

ᐱᒍᓐᓇᐅᑎᒋᒋᐊᓕᖏᑦ:

• ᐱᔭᕇᒍᑎᖃᕐᓗᓂ ᐱᖕᖑᐊᓂᓕᕆᓂᕐᒥᒃ ᐅᕝᕙᓘᓐᓃᑦ ᐊᑦᔨᐸᓱᖓᓂᒃ, ᐱᐅᔪᓂᒃ ᐊᑦᔨᐸᓱᖏᓐᓂᒃ ᐱᓇᓱᐊᕐᓯᒪᒍᓂ ᐃᓱᒪᒋᔭᐅᒐᔭᕐᒥᔪᖅ;

• ᐃᑭᓐᓂᐸᐅᑎᓪᓗᒋᑦ ᑕᓪᓕᒣᑦ (5) ᐊᕐᕌᒍᐃᑦ ᐱᓇᓱᐊᕐᓯᒪᓂᖓ ᐱᓇᓱᒐᕐᒥᑦ ᐊᑦᔨᖓᓂᒃ;

• ᐱᓇᓱᑦᓯᒪᓗᓂ ᐅᐸᑲᓪᓚᖃᔭᕐᓇᖏᑦᑐᓂᒃ ᓄᓇᒥᒃ ᐅᕝᕙᓗᓘᓐᓃᑦ ᐱᓇᓱᑦᓯᒪᓗᓂ ᐃᓄᐃᑦ/ᓄᓇᖃᕐᖄᓯᒪᔪᑦ ᓄᓇᓕᖏᓐᓂᒃ ᐱᐅᒋᔭᐅᒐᔭᕐᑐᖅ.

• ᓲᖑᔪᑦᓯᐊᒥᒃ ᓯᕗᓕᕈᓐᓇᓗᓂ ᐊᒻᒪᓗ ᑲᑦᓱᙰᑦᓵᕆᒍᓐᓇᕕᖃᑦᓯᐊᓗᓂ ᐊᒥᓱᐃᓂᒃ ᐱᓇᓱᖃᑎᒌᑦᑐᓂᒃ ᓱᑲᑦᑐᒥᒃ ᐱᓇᓱᐊᕐᕕᐅᓯᕙᓐᓇᑐᓂᒃ.

• ᓴᓇᑐᔫᓂᒃᑯᑦ ᐃᓱᒪᒍᓐᓇᓯᐊᕐᓗᓂ, ᓲᖑᔪᑦᓯᐊᒥᒃ ᐱᓀᓗᑕᓂᒃ ᐋᕐᕿᓱᐃᒍᓐᓇᕕᖃᕐᓯᐊᓗᓂ ᐊᒻᒪᓗ ᓄᐃᑕᑎᑦᓯᓯᒪᓗᓂ ᐱᑦᓴᑖᕐᕕᐅᒍᓐᓇᓯᐊᕐᓂᒥᒃ.

• ᓲᖑᔪᑦᓯᐊᒥᒃ ᑐᑭᓯᒍᓐᓇᓂᖃᕐᓗᓂ ᐊᒻᒪᓗ ᐊᐅᓚᑦᓯᓯᐊᕈᓐᓇᓗᓂ ᖃᓄᐃᓕᖓᐅᓯᐅᔪᓂᒃ ᐱᕙᓪᓕᐊᓂᖃᓯᓲᖑᔪᓂᒃ ᐊᒻᒪᓗ ᐊᓯᑦᔨᒋᐊᑲᓪᓚᓲᖑᔪᓂᒃ;

• ᕿᒥᕐᕈᕈᓐᓇᓂᖓ ᐱᒍᓐᓇᓯᐊᒻᒪᕆᓪᓗᓂ;

• ᐃᓄᓕᕆᒍᓐᓇᕕᖃᑦᓯᐊᓗᓂ ᐱᒍᓐᓇᓂᕐᑎᒍᑦ;

• ᐊᓪᓚᕈᓐᓇᓗᓂ ᐅᖃᕈᓐᓇᓗᓂᓗ ᐱᓇᓱᓐᓂᐅᑉ ᐅᖃᐅᓯᖏᓐᓂᒃ ᒪᕐᕉᓴᓚᐅᕐᐸᓃᒃ ᐅᖃᕈᓐᓇᑕᖏᑦ ᐅᖃᐅᓰᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓗᓘᓐᓃᑦ ᐅᐃᒍᐃᑎᑐᑦ.


ᐱᓇᓱᒐᐅᑉ ᓇᓃᓐᓂᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐸᐅᑎᓪᓗᒋᑦ: $ 115 570/ᐊᕐᕌᒍᑕᒫᑦ, ᐊᒥᓲᓂᕐᐸᐅᑎᓪᓗᒋᑦ: $ 158 898/ᐊᕐᕌᒍᑕᒫᑦ ᑐᖕᖓᕕᒋᓗᒋᑦ 35 ᑫᕙᓪᓚᒍᓰᑦ/ᐱᓇᓱᐊᕈᓯᑕᒫᑦ

ᐊᓯᖏᑦ ᐱᕚᓪᓕᖁᑎᑦᓴᖏᑦ: ᐊᑭᑐᔪᕐᒥᐅᖑᒍᑏᑦ ᐋᕐᕿᑕᐅᓯᒪᒍᑎᖏᑦ: ᐃᑭᓐᓂᐸᐅᑎᓪᓗᒋᑦ $8 500/ᐊᕐᕌᒍᑕᒫᑦ

ᓂᕿᓄᑦ ᐃᑲᔪᕐᓯᔭᐅᒍᑏᑦ: ᐃᑭᓐᓂᐸᐅᑎᓪᓗᒋᑦ $4399/ᐊᕐᕌᒍᑕᒫᑦ

ᐊᕐᕌᒍᑕᒫᑦ ᐊᐅᓪᓚᕈᓐᓇᐅᑏᑦ: ᐊᒥᓲᓂᕐᐸᐅᑎᓪᓗᒋᑦ 3 ᐃᓄᐃᑦ ᐃᓕᒃᑯᑦ ᐊᕐᕌᒍᑕᒫᑦ

ᐃᑦᑑᒍᑎᑖᕐᑕᕈᑎᑦᓭᑦ: RRSP

ᐊᒥᓱᐃᑎᒍᑦ ᐃᒻᒪᖃᐅᑏᑦ

ᓄᕐᖃᖓᑫᓐᓇᕈᓐᓇᓃᑦ: 20 ᐅᓪᓗᐃᑦ/ᐊᕐᕌᒍᑕᒫᑦ ᐃᓚᐅᑎᓪᓗᒋᑦ 10 ᐅᓪᓗᐃᑦ ᐱᓇᓱᓐᓇᐅᑉ ᐅᖓᑖᓄᒃ ᐱᓇᓱᑦᑯᕕᓂᐅᓕᕈᓂ

ᕿᑲᕐᓀᑦ ᐅᓪᓗᖏ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᕿᑎᖕᖑᓕᕐᐸᑦ


ᐱᓇᓱᒐᕐᑖᒐᓱᐊᕈᑎᑎᑦ ᐊᐅᓪᓚᑎᓗᒋᑦ ᖃᓪᓗᓈᑎᑑᕐᑎᓗᒋᑦ ᐅᕗᖓ:

Human Resources

Kativik Regional Government

P.O. Box 9

Kuujjuaq (Québec) J0M 1C0

Email: humanresources@krg.ca

Fax: 819-964-2975


ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓇᓪᓕᖁᐊᒌᑦᑐᒥᒃ-ᐱᕕᑦᓴᖃᕐᑎᓯᓂᕐᒥᒃ ᐱᓇᓱᑦᑎᓯᔨᐅᕗᑦ. ᑖᓐᓇ ᒪᓕᑦᓱᒍ ᐊᒻᒪᓗ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ

ᐊᖏᖃᑎᒌᒍᑎᖓ, ᖃᓄᐃᓕᖓᐅᓯᖏᑦ ᐊᑦᔨᒌᖕᖏᑑᑐᐃᓐᓇᕆᐊᓖᑦ ᖁᕝᕙᒋᐊᕆᒐᓱᐊᕐᓂᒧᑦ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ ᐱᓇᓱᒐᕐᑖᕋᓱᐊᕐᑐᓂᒃ

ᐱᓇᓱᒐᕐᑖᕋᓱᐊᕐᑐᐃᑦ ᑎᒃᑯᐊᑕᐅᔪᐃᑦ ᑭᓯᐊᓂ ᐊᐱᕐᓲᔭᕐᑕᐅᓛᕐᓂᒥᓄᑦ ᖃᐅᔨᑎᑕᐅᓛᕐᑐᑦ.

Suggested Jobs

See All Jobs