ᑐᑭᒧᐊᑦᑎᓯᔨ, ᐃᖏᕐᕋᒍᑎᓕᕆᓂᕐᒧᑦ ᐱᑦᔪᔨᕕᒻᒥᒃ - KRG

ᐱᓇᓱᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (KRG), ᑲᕙᒫᐱᓐᓄᑦ-ᖁᓪᓕᐸᐅᑦᓱᓂ ᑎᒥᐅᕗᖅ ᐊᐅᓚᑦᓯᕕᖃᕐᓱᓂ ᑯᐯᒻᒥ ᓄᓇᒥᒃ 55ᕝ ᑕᕐᕋᖓᓂ, KRG ᐅᓪᓗᒥ ᐱᓇᓱᑦᑎᓯᐅᕐᐳᖅ ᐱᓇᓱᑦᑎᒪᕆᒻᒥᒃ ᓯᕗᓕᕐᓯᑎᒥᒃ ᐱᓇᓱᒐᔭᕐᑐᒥᒃ ᑰᑦᔪᐊᒥ, ᐱᓇᓱᒐᖃᕐᓗᓂ ᒪᑐᒥᖓ:

ᑐᑭᒧᐊᑦᑎᓯᔨ, ᐃᖏᕐᕋᒍᑎᓕᕆᓂᕐᒧᑦ ᐱᑦᔪᔨᕕᒻᒥᒃ

(ᐊᑌᓐᓇᑐᖅ—ᐃᓗᐃᑦᑐᖅ)

ᑐᓴᕐᑎᓯᔨᐅᑦᓱᓂ ᐃᓘᓐᓈᒍᑦ ᑐᑭᒧᐊᑦᑎᓯᔨᒥᒃ, ᑐᑭᒧᐊᑦᑎᓯᔨ ᐃᖏᕐᕋᔪᓕᕆᓂᕐᒧᑦ ᐱᑦᔪᔨᕕᒻᒥᒃ ᑲᒪᔨᐅᕗᖅ ᐊᖓᔪᕐᖃᐅᕕᖃᕐᓂᒥᒃ ᑎᓕᔭᐅᒪᒍᑎᓂᒃ KRG-ᑯᓄᑦ ᐯᕆᑦᓯᒍᑕᐅᔪᓂᒃ ᐃᖏᕐᕋᔪᓕᕆᓂᕐᒧᑦ ᐱᒍᑦᔨᔩᑦ ᐱᓇᓱᐊᒐᖓᓂ. ᐅᖃᑦᓯᐊᓂᕐᓴᕆᓗᒋᑦ, ᑐᑭᒧᐊᑦᑎᓯᔨ ᑲᒪᒋᐊᓕᒃ ᒪᑯᓂᖓ:

• ᐸᕐᓇᓂᖅ, ᓴᖑᐊᑦᓯᓂᖅ ᐊᒻᒪᓗ ᑲᒪᔨᐅᓂᖅ ᐱᓇᓱᓐᓂᓕᒫᓂᒃ ᐃᓕᖓᔪᓂᒃ ᐃᖏᕐᕋᑎᑦᓯᒍᑎᓄᑦ, ᐊᐅᓚᑦᓯᒍᑎᓄᑦ ᐊᒻᒪᓗ ᒪᑭᑕᑦᓯᐅᑎᓄᑦ ᓄᓇᕕᒻᒥ 14-ᓂᒃ ᒥᕝᕕᓐᓂᒃ ᒪᓕᓪᓗᓂ ᐊᑐᕆᐊᓕᓐᓂᒃ ᑲᕙᒪᑐᖃᒃᑯᑦ ᑯᐯᒃᑯᓗ ᑲᕙᒪᖓᑕ ᐱᖁᔭᖏᓐᓂᒃ ᐊᒻᒪᓗ ᒪᓕᒐᖏᓐᓂᒃ

• ᑲᒪᓂᖅ ᓄᐃᑕᐅᓂᖏᓐᓂᒃ ᐱᓇᓱᐊᕈᑕᐅᔪᓕᒫᑦ ᐊᒻᒪᓗ ᒪᓕᒍᑕᐅᓂᖏᓐᓂᒃ ᐱᐅᓯᐅᒋᐊᓕᓕᒫᑦ ᐊᒻᒪᓗ ᐊᑦᑕᓇᕐᑌᓕᒍᑎᓕᒫᑦ ᒪᓕᓪᓗᓂ ᑲᕙᒪᑐᖃᒃᑯᑦ ᒥᕝᕕᓄᑦ ᒪᓕᒐᖏᓐᓂᒃ

• ᓯᕗᓪᓕᐅᔨᓂᖅ ᒥᕝᕕᒥ ᐊᑦᑕᓇᖕᖏᓂᕐᒥᒃ ᐊᒻᒪᓗ ᓱᕐᖁᐃᓂᖅ ᓱᓕᑎᑦᓯᓂᕐᒥᒃ ᓂᐳᕐᑎᒋᐊᓕᓕᒫᓂᒃ ᐊᑦᑐᐊᔪᓂᒃ ᒥᕝᕕᒥᒃ ᐊᐅᓚᑦᓯᔨᐅᑉ ᐱᔪᓐᓇᐅᑎᖓᓄᑦ ᐃᖏᕐᕋᒍᑎᓕᕆᔩᑦ ᑳᓇᑕᒥ ᓄᐃᓯᒪᔭᖓᓄᑦ

• ᓱᕐᖁᐃᓂᖅ ᒥᕝᕕᒥ ᐊᑦᑕᓇᕇᒃᑯᑎᖏᑕ ᐊᐅᓚᑕᐅᑦᓯᐊᓂᖏᓐᓂᒃ ᐊᒻᒪᓗ ᐊᑐᕐᑕᐅᓂᖏᓐᓂᒃ ᐊᒻᒪᓗ ᐃᑉᐱᒍᓱᑦᑐᓴᕐᑎᑐᑦ ᑲᒪᔨᐅᓗᓂ ᐱᓇᓱᓐᓂᖅ

• ᓱᕐᖁᐃᓂᖅ ᑕᕆᐅᒥ ᓇᑉᐸᑕᐅᒪᔪᑦ ᓄᓇᓕᓐᓂ 14-ᓂ ᕿᒥᕐᕈᔭᐅᓂᖏᓐᓂᒃ ᐊᒻᒪᓗ ᒪᑭᑕᑎᑕᐅᑦᓯᐊᓂᖏᓐᓂᒃ

• ᓄᓇᓕᓐᓂᒃ ᐃᑲᔪᕐᑐᓂᖅ ᐱᕙᓪᓕᐊᑎᑦᓯᓂᒃᑯᑦ, ᐃᓚᖃᕐᑎᓗᒍ ᑮᓇᐅᔭᓂᒃ ᑎᒍᓯᓂᕐᒥᒃ, ᐊᒻᒪᓗ ᐊᐅᓚᑦᓯᓂᒃᑯᑦ ᐃᓄᓕᒫᓂᒃ ᐅᓯᑲᑦᑕᐅᑏᑦ ᐊᒻᒪᓗ ᐱᓱᒍᓐᓇᖏᑦᑐᓂᒃ-ᐅᓯᔩᑦ (Usijiit) ᐱᒍᑦᔨᐅᑎᖏᓐᓂᒃ

• ᖃᓂᑕᕇᒥᒃ ᐃᑲᔪᕐᑎᒌᓪᓗᓂ ᐱᓇᓱᖃᑎᖃᑦᓯᐊᓂᖅ ᐊᐅᓚᑦᓯᔩᓄᑦ ᐊᒻᒪᓗ ᑲᕙᒫᐱᓐᓂ ᐃᓄᓕᒫᓄᑦ ᓴᓇᒪᔪᓂᒃ ᐱᓇᓱᕝᕕᓂᒃ ᐱᑦᔪᑎᓕᑎᒍᑦ ᓴᓇᑎᑦᓯᓂᕐᒥᒃ ᐅᕝᕙᓘᓐᓃᑦ ᐱᐅᓯᒋᐊᕆᓂᕐᒥᒃ ᓇᑉᐸᑎᕐᓯᒪᔪᓕᐅᕈᑎᓂᒃ ᐊᒻᒪᓗ ᐋᕐᕿᓱᐃᓂᕐᒥᒃ ᐊᑐᕆᐊᓕᓐᓂᒃ ᑐᓴᕐᑎᓯᒍᑎᓂᒃ ᑲᕙᒪᓄᑦ ᑐᕌᕐᑐᓂᒃ

• ᐅᖄᖃᑎᖃᕐᐸᓂᖅ ᑲᕙᒪᓂᒃ, ᑲᕙᒣᑦ ᐊᔾᓚᕕᖏᓐᓂᒃ ᐊᓯᖏᓐᓂᓗ ᐊᑦᑐᐊᖃᑕᐅᔪᓂᒃ (ᖃᖓᑦᑕᔫᑦ ᑎᒥᖏᑦ, ᑕᕐᕋᒥ ᓄᓇᓖᑦ, ᐊᓯᖏᓪᓗ) ᐱᑦᔪᑎᓕᑎᒍᑦ ᐊᑦᑐᐊᔪᓂᒃ ᓄᓇᓕᓕᒫᑎᒍᑦ ᐃᖏᕐᕋᒍᑎᓄᑦ

• ᑐᑭᒧᐊᑦᑎᓯᓂᖅ ᐱᓇᓱᑦᑕᐅᔪᓂᒃ ᓄᓇᓕᓕᒫᑦ ᐅᖃᕐᕕᖓᓄᑦ ᐊᕐᖁᑕᐅᖕᖏᑐᒃᑯᑦ ᐃᖏᕐᕋᔫᓂᒃ (OHV) ᑐᕌᖓᔪᓂᒃ ᐱᕙᓪᓕᕆᐊᕐᑎᓯᓂᕐᒧᑦ OHV-ᓂᒃ ᐊᑐᕐᑏᑦ ᐊᑦᑕᓇᖕᖏᓂᖓᓂᒃ

• ᐊᐅᓚᑦᓯᔨᐅᓂᖅ ᐊᒻᒪᓗ ᑲᒪᔨᐅᓂᖅ ᐱᓇᓱᕝᕕᐅᑉ ᑮᓇᐅᔭᑎᒍᑦ ᑐᕌᒐᖏᓐᓂᒃ

• ᐃᓚᐅᓂᖅ ᐊᑐᐃᓐᓇᕈᑦᑎᕆᐅᑎᓄᑦ ᐊᒻᒪᓗ ᐊᖏᕈᑕᐅᑎᑦᓯᒍᑎᓄᑦ ᑮᓇᐅᔭᓄᑦ ᐊᖏᖃᑎᒌᒍᑎᓂᒃ ᑲᕙᒪᓂ ᐊᒻᒪᓗ ᐊᑦᔨᒌᖕᖏᑐᓂ ᐃᓄᓕᒫᓄᑦ ᑎᒥᐅᔪᓂ ᐱᑦᔪᑎᖃᕐᓗᓂ ᐱᓇᓱᐊᑦᓴᓕᒫᓂᒃ ᐊᒻᒪᓗ ᐊᑐᕆᐊᓕᓕᒫᓂᒃ ᐃᖏᕐᕋᒍᑎᓂᒃ ᐱᒍᑦᔨᐅᑎᓄᒃ ᓄᓇᖁᑎᐅᑉ ᐃᓗᐊᓂ

ᐱᔪᓐᓇᕈᑏᑦ

• ᐃᒻᒥᓂᕿᒍᑎ ᐃᓕᑦᓯᒪᐅᑎ ᐊᐅᓚᑦᓯᔨᐅᓂᕐᒥᒃ ᐅᕝᕙᓘᓐᓃᑦ ᐊᑦᑐᐊᒥᔪᒥᒃ ᐱᓇᓱᒐᕐᒥᒃ; ᐱᓯᑎᓕᕆᒍᑕᐅᓗᓂ, ᑕᐱᕇᓐᓂᖓ ᐱᓇᓱᓕᓂᐅᓂᖓᑕ ᐊᒻᒪᓗ ᐃᓕᓐᓂᐊᓯᒪᓂᖓᑕ ᐃᓱᒪᒋᔭᐅᒐᔭᕐᒥᔪᖅ

• ᐃᑭᓐᓂᐹᖓᓄᑦ ᐊᕐᕌᒍᓂᒃ ᖁᓕᓂᒃ ᒥᕝᕕᓂ ᐊᐅᓚᑦᓯᔨᐅᓯᒪᓂᖅ ᒪᓕᓪᓗᓂ ᐊᑐᕆᐊᓕᓐᓂᒃ ᑲᕙᒪᒃᑯᑦ ᑯᐯᒃᑯᓗ ᐱᖁᔭᖏᓐᓂᒃ

• ᐃᑭᓐᓂᐹᖓᓄᑦ ᐊᕐᕌᒍᐃᑦ ᑕᓪᓕᒪᑦ ᓈᓗᒋᑦ ᐊᐅᓚᑦᓯᓯᒪᓂᖅ ᐊᑦᔨᒌᖕᖏᑐᓂᒃ ᐱᓇᓱᒐᓕᓐᓂᒃ ᐱᓇᓱᖃᑎᒌᓂᒃ ᐃᓄᓕᒫᑦ ᐃᖏᕐᕋᒍᑎᖏᓐᓂᒃ ᐱᓇᓱᐊᒐᕐᒥ, ᐊᒻᒪᓗ ᑲᒪᓕᓂᐅᓂᖅ ᑲᑐᑦᔨᖃᑎᒋᓐᓂᓕᒻᒥᒃ ᐱᓇᓱᕝᕕᓕᓐᓂᒃ ᐃᓱᒪᒋᔭᐅᓚᖓᔪᑦ ᐱᔪᓇᕈᑎᒋᐊᓪᓚᑎᑐᑦ

• ᑕᑯᑦᓴᕈᐃᓯᒪᓂᖅ ᐱᓕᓂᐅᓂᕐᒥᒃ ᐊᑦᑕᓇᖕᖏᓂᕐᒥᒃ ᐊᐅᓚᑦᓯᓂᒃᑯᑦ ᐊᒻᒪᓗ ᑲᔪᓯᑎᑦᓯᓂᒃᑯᑦ ᐊᑦᑕᓇᖕᖏᒍᑎᓂᒃ ᐊᐅᓚᑦᓯᒍᑎᒥᒃ (SMS)

• ᓄᐃᑎᒋᐊᓕᓐᓂᒃ ᐃᑉᐱᒍᓱᓐᓂᖅ, ᐱᓇᓱᒍᓐᓇᓂᖅ ᐊᔭᐅᕐᑕᐅᓗᓂ ᐊᒻᒪᓗ ᓱᓇᓕᒫᓂᒃ ᐃᑉᐱᒍᓱᓐᓂᖅ

• ᓯᕗᓕᕐᓯᑎᐅᓂᖅ, ᐱᓀᓗᑦᓯᐅᑎᓂᒃ ᐋᕐᕿᓱᐃᒍᓐᓇᓂᖅ, ᑐᑭᑖᕈᓐᓇᓂᖅ ᐊᒻᒪᓗ ᐱᒃᑲᑐᖕᖏᓂᖅ ᐱᓇᓱᖃᑎᒌᓂᒃ ᐱᒋᐊᑎᒋᑎᑦᓯᓂᕐᒥᒃ

• ᖃᐅᔨᒪᓪᓚᕆᓪᓗᒋᑦ ᐱᓇᓱᓐᓂᒧᑦ ᐊᑐᕈᓐᓇᓂᖅ ᖃᕆᑕᐅᔭᕈᑎᓂᒃ Outlook, Word ᐊᒻᒪᓗ Excel

• ᐱᓯᑎᐅᓗᓂ ᐅᖄᓂᒃᑯᑦ ᐊᓪᓚᓂᒃᑯᓪᓗ ᐅᖃᖃᑎᖃᕈᓐᓇᓂᖅ ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ; ᐃᓄᒃᑎᑐᑦ ᖃᐅᔨᒪᓂᖅ ᐱᔪᓇᕈᑕᐅᒋᐊᓪᓚᑐᖅ

• ᐱᓇᓱᓕᓂᐅᓂᖅ ᐋᕐᕿᓱᐃᓂᕐᒥᒃ ᐊᖏᖃᑎᖃᕈᑎᓂᒃ ᑲᕙᒪᓂᒃ ᐊᒻᒪᓗ ᑎᒥᐅᔪᓂᒃ ᐃᓱᒪᒋᔭᐅᓚᖓᔪᖅ ᐱᔪᓇᕈᑎᒋᐊᓪᓚᑎᑐᑦ

• ᐱᓇᓱᑦᓯᒪᓂᖅ ᐃᓗᕐᖁᓯᖃᑎᒌᖕᖏᑐᑦ ᐱᓇᓱᕝᕕᖓᓂ, ᐱᐅᓂᕐᓴᐅᑎᓪᓗᒍ ᓄᓇᖃᕐᖄᓯᒪᔪᑦ ᓄᓇᓕᖏᓐᓂᐅᐸᑦ, ᐱᔪᒥᓇᕈᑎᒋᐊᓪᓚᑎᑐᑦ ᐃᓱᒪᒋᔭᐅᓚᖓᔪᖅ

• ᐊᑐᐃᓐᓇᐅᓂᖅ ᐊᐅᓚᖃᑦᑕᓚᖓᓗᓂ ᓄᓇᕕᐅᑉ ᐃᓗᐊᓂ ᐊᒻᒪᓗ ᓄᓇᖁᑎᐅᑉ ᓯᓚᑖᓄᑦ

ᐱᓇᓱᕝᕕᖓᑕ ᓄᓇᓕᖓ: ᑰᑦᔪᐊᖅ, ᑯᐯᒃ

ᑮᓇᐅᔭᓕᐅᕐᓂᖓ: ᐃᑭᓐᓂᐹᖓᓄᑦ $128,903/ᐊᕐᕌᒍᒥ – ᐅᓄᕐᓂᐹᖓᓄᑦ $177,244/ᐊᕐᕌᒍᒥ

ᐊᓯᖏᑦ ᐱᕙᓪᓕᖁᑎᑦᓭᑦ: ᐃᓅᓯᐅᑉ ᐊᑭᑐᓂᖓᑕ ᑲᓱᖕᖏᓂᖓᓄᑦ: ᐃᑭᓐᓂᐹᖓᓄᑦ $8 500/ᐊᕐᕌᒍᑕᒫᑦ

ᓂᕿᓄᑦ ᐃᑲᔪᕐᓯᔭᐅᒍᑏᑦ: ᐃᑭᓐᓂᐹᖓᓄᑦ $4 398/ᐊᕐᕌᒍᑕᒫᑦ

ᐊᕐᕌᒍᓕᒫᒥ ᕿᑲᕈᑎᓄᑦ ᐊᐅᓪᓚᕈᑎᑦᓭᑦ: ᐃᑭᓐᓂᐹᖓᓄᑦ ᐱᖓᓱᕕᓪᓗᓂ

ᐃᐃᓄᒻᒪᕆᖕᖑᓂᐅᑎᑦᓴᖏᑦ: 8% ᐱᓇᓱᕝᕕᐅᑉ ᐃᑲᔪᕐᓯᒍᑎᖏᑦ

ᐊᑕᖏᕐᑐᑦ ᓴᑑᑎᑦᓴᖏᑦ

ᕿᑲᕈᑎᖏᑦ: 30 ᐅᓪᓗᐃᑦ ᐊᕐᕌᒍᑕᒫᑦ

ᐱᖁᔭᑎᒍᑦ ᕿᑲᕐᓀᑦ: 20 ᐅᓪᓗᐃᑦ 10 ᕿᑎᖕᖑᒥ ᕿᑲᕐᓀᑦ ᐃᓚᐅᑎᓪᓗᒋᑦ

ᐱᓇᓱᒍᒪᐅᑎᑎᑦ ᐊᐅᓪᓚᑎᓪᓗᒋᑦ ᐅᕗᖓ

Human Resources

Kativik Regional Government

P.O. Box 9

Kuujjuaq QC J0M 1C0

Fax: 819-964-2975

Email: humanresources@krg.ca

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᔨᐅᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑎᒋᓗᒋᑦ ᐃᓄᐃᑦ ᐱᓇᓱᒍᒪᔪᑦ ᐱᓇᓱᒐᕐᑖᑎᑕᐅᓂᖓᓂᒃ.

ᐱᓇᓱᒍᒪᔪᑦ ᓂᕈᐊᕐᑕᐅᔪᑦ ᐊᐱᕐᓱᕈᒪᓗᒋᑦ ᑭᓯᐊᓂ ᖃᐅᔨᑎᑕᐅᓛᕐᑐᑦ.