ᑲᒪᔨᒪᕆᒃ, ᐃᖏᕐᕋᔪᓕᕆᓂᕐᒧᑦ ᐱᑦᔪᑦᔨᕕᒻᒥ - KRG

ᐱᓇᓱᒐᑦᓴᖅ ᐊᑐᐃᓐᓇᕈᕐᑐᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᑲᕙᒫᐱᓕᕆᓂᕐᒥᒃ ᑎᒥᐅᒍᑎᖃᕐᐳᖅ ᓄᓇᒥ ᑲᒪᒋᔭᖃᕐᓱᓂ ᑯᐯᒻᒥ ᓄᓇᖕᖑᐊᑯᑦ ᑎᑎᕐᓯᒪᔫᑉ 55 ᖁᓛᓂ, KRG-ᑯᑦ ᒫᓐᓇᐅᑎᓪᓗᒍ ᕿᓂᓕᕆᕗᑦ ᐱᔪᓐᓇᓯᐊᕐᑐᒥᒃ ᐱᓇᓱᒐᔭᕐᑐᒥᒃ ᐊᖓᔪᖅᑳᒍᔪᓐᓇᓯᐊᕐᑐᒥ ᐱᓇᓱᒐᔭᕐᑐᒥᒃ ᑰᑦᔪᐊᒥ, ᐃᒣᑦᑐᒥᒃ ᐱᓇᓱᒐᕐᒥᒃ;

ᑲᒪᔨᒪᕆᒃ, ᐃᖏᕐᕋᔪᓕᕆᓂᕐᒧᑦ ᐱᑦᔪᑦᔨᕕᒻᒥ

ᐅᓂᒃᑳᓕᐅᖃᑦᑕᓗᓂ ᓱᓇᓕᒫᓄᑦ ᑲᒪᔨᒻᒪᕆᒻᒧᑦ, ᐃᖏᕐᕋᔪᓕᕆᓂᕐᒧᑦ ᑲᒪᔨᒻᒪᕆᐅᔪᖅ ᐱᑦᔪᑦᔨᕕᒻᒥ ᑲᒪᒋᔭᖃᕋᔭᕐᐳᖅ ᑎᓕᓯᒍᑕᐅᓯᒪᔪᓂᒃ ᑲᒪᔨᐅᖃᑦᑕᓗᓂ KRG-ᑯᓐᓄᑦ ᐱᓇᓱᐊᕐᑕᒥᓂᒃ ᓄᓇᓕᓐᓂ ᐃᖏᕐᕋᔪᓕᕆᓂᕐᒧᑦ ᐱᒍᑦᔨᓂᐅᔪᒧᑦ. ᒪᑯᓂᖓ, ᑲᒪᔨᒻᒪᕆᐅᔪᖅ ᑲᒪᒋᔭᖃᕋᔭᕐᐳᖅ:

• ᐸᕐᓀᖃᑦᑕᓗᓂ, ᐋᖅᑭᓱᐃᖃᑦᑕᓗᓂᓗ ᑲᒪᖃᑦᑕᓗᓂᓗ ᐱᓇᓱᐊᕐᑕᐅᔪᓕᒫᓂᒃ ᑕᒪᑦᓱᒧᖕᖓᓕᖓᔪᓂᒃ ᐊᐅᓚᓂᐅᔪᓄᑦ, ᐊᐅᓚᑦᓯᖃᑦᑕᓗᓂ ᐱᓇᓱᐊᕐᑕᐅᒋᐊᓕᓐᓂᓗ ᓄᓇᕕᓕᒫᒥ 14-ᖑᔪᓂ ᒥᕝᕕᓐᓂ ᐱᓇᓱᐊᕐᑕᐅᔭᕆᐊᓖᑦ ᑲᕙᒪᑐᖃᒃᑯᓐᓂᑦ ᑯᐯᓪᓗ ᑲᕙᒪᒃᑯᖏᓐᓄᑦ ᐱᖁᔦᑦ, ᒪᓕᑦᑕᐅᒋᐊᓖᑦ ᑐᕌᒐᓕᐅᕐᑕᐅᓯᒪᔪᓪᓗ;

• ᑲᒪᒋᔭᖃᖃᑦᑕᓗᓂ ᐱᓇᓱᐊᕐᑕᐅᒐᓱᐊᕐᑐᓕᒫᓂᒃ ᐱᔪᒪᔭᐅᓯᒪᔪᓂᓪᓗ, ᒪᓕᑦᑕᐅᒋᐊᓕᓐᓂᒃ ᐊᑦᑕᓇᕐᑌᓕᓂᕐᒧᓪᓗ ᐊᑐᕐᑕᐅᒋᐊᓖᑦ ᑲᕙᒪᑐᖃᒃᑯᑦ ᒪᓕᒐᖏᑦ ᒥᕝᕕᓐᓄᑦ ᒪᓕᓪᓗᒋᑦ;

• ᕿᒥᕐᕈᖁᖁᖁᖁᐸᓪᓗᓂ ᐄᒐᕐᕕᓂᒃ 14-ᓂ ᓄᓇᓕᓐᓂ ᐊᒻᒪᓗ ᐱᐅᔫᖏᓐᓇᓯᐊᕐᒪᖔᑕ ᐃᑉᐱᒍᓱᑦᑎᐅᓗᓂ;

• ᖃᐅᔨᓴᖃᑦᑕᓗᓂ ᐱᓇᓱᑦᑕᐅᒋᐊᓕᓐᓂᓗ ᖃᓄᐃᖏᑦᓯᐊᕐᒪᖔᑕ ᐊᑐᕈᓐᓇᓯᐊᕐᒪᖔᑕᓗ ᑐᓚᑦᑕᕖᑦ ᐄᒐᕐᕖᑦ ᐱᐅᒃᑯᑎᑦᓴᓪᓚᕆᖏᑦ ᓄᓇᓕᓐᓂ 14-ᖑᔪᓂ;

• ᓄᓇᓕᓐᓂᒃ ᐃᑲᔪᖃᑦᑕᓗᓂ ᐱᕙᓪᓕᐊᓂᖏᓐᓂᒃ, ᐃᓚᖃᕐᑎᓪᓗᒋᑦ ᑮᓇᐅᔭᖃᕐᑎᑕᐅᓂᖏᑦ ᑲᔪᓯᑦᓯᐊᕋᓗᐊᕐᒪᖔᑕ, ᐊᒻᒪᓗ ᓇᐅᓕᒫᓄᑦ ᐅᓯᑲᑦᑕᐅᑏᑦ ᐊᒻᒪᓗ ᐅᓯᔩᑦ (Usijiit) ᐱᒍᑦᔨᓂᕆᔭᖏᑦ;

• ᑲᒪᒋᔭᖃᖃᑦᑕᕋᔭᕐᒥᔪᖅ ᐱᓇᓱᐊᕐᑕᐅᔪᓂᒃ ᓄᓇᓕᓕᒫᓄᑦ ᐊᓪᓚᕕᒻᒥ ᐃᓕᓐᓂᐊᑐᓂᒃ ᐊᕐᖁᑎᐅᑉ ᓯᓚᑖᒍᑦ ᐃᖕᖏᕋᐅᑎᓄᑦ (OHV) ᐃᓱᐊᕐᓯᐅᒥᖁᓪᓗᒋᑦ ᐊᑦᑕᓀᓕᐅᒥᖁᓪᓗᒋᓪᓗ OHV-ᒥᒃ ᐊᑐᕐᐸᑦᑐᐃᑦ;

• ᐊᖏᖃᑎᖃᕋᓱᐊᖃᑦᑕᓗᓂ ᐊᒻᒪᓗ ᑮᓇᐅᔭᖃᕐᑎᑕᐅᒍᑎᑦᓴᓄᑦ ᑲᕙᒪᒃᑯᓐᓂᑦ ᐊᓯᖏᓐᓂᓪᓗ ᓇᐅᑐᐃᓐᓇᓂᑦ ᑎᒥᐅᔪᓂᑦ ᐱᓇᓱᐊᕐᓂᐅᔪᓕᒫᓄᑦ ᐱᓇᓱᐊᕐᑕᐅᔪᓄᓪᓗ ᑕᒪᑦᓱᒧᖕᖓᓕᖓᔪᓂᒃ ᐃᖏᕐᕋᐅᑎᓕᕆᓂᕐᒧᑦ ᐱᒍᑦᔨᓂᐅᔪᓄᑦ ᓄᓇᕕᒻᒥ;

• ᐱᓇᓱᖃᑎᖃᑦᓯᐊᖃᑦᑕᓗᓂᓗ ᖃᓂᑕᕆᒻᒪᕆᓪᓗᒋᑦ KRG-ᑯᑦ ᐊᐅᓚᑦᓯᓂᓕᕆᔨᖏᑦ ᐊᒻᒪᓗ ᓇᐅᓕᒫᓄᑦ ᐱᒍᑦᔨᓂᕐᒧᑦ ᐱᑦᔪᑦᔨᕕᖏᓐᓂᒃ ᓄᑖᖑᔪᓄᑦ ᐅᕝᕙᓗ ᐃᓱᐊᕐᓯᐅᒥᒋᐊᕈᑎᑦᓴᐅᔪᓄᑦ ᐱᐅᒃᑯᑎᑦᓴᓪᓚᕆᐅᔪᓄᑦ ᐱᓇᓱᐊᕐᑕᐅᔪᑦ, ᐊᒻᒪᓗ ᐅᓂᒃᑳᓕᐅᖃᑦᑕᓗᓂ ᑲᕙᒪᒃᑯᓐᓄᑦ ᐱᓇᓱᐊᕐᑕᐅᓯᒪᔪᓂᒃ ᐱᐅᒃᑯᑎᓪᓚᕆᐅᔪᓂᓪᓗ;

• ᐱᓇᓱᐊᖃᑎᖃᖃᑦᑕᓗᓂ ᑲᕙᒪᒃᑯᓐᓂᒃ, ᐱᒍᑦᔨᔨᐅᔪᓂᒃ, ᖃᖓᑦᑕᔫᓕᕆᔩᑦ ᑎᒥᖁᑎᖏᓐᓂᒃ, ᑕᕐᕋᒥ ᓄᓇᓕᓐᓂᒃ, ᐊᓯᖏᓐᓂᓗ ᓄᓇᓕᓕᒫᓂ ᐊᒻᒪᓗ ᓄᓇᓕᓐᓂ ᑎᒥᐅᔪᓂᒃ, ᐃᓱᐃᓗᑕᐅᖃᑦᑕᑐᓄᑦ ᐱᓇᓱᐊᕐᓂᐅᔪᓂᒃ ᓄᓇᓕᓕᒫᓂ ᐃᖏᕐᕋᔪᓕᕆᓂᕐᒧᑦ ᐱᒍᑦᔨᓂᐅᔪᓂᒃ ᓄᓇᕕᒻᒥ;

• ᐊᐅᓚᑦᓯᔨᐅᖃᑦᑕᓗᓂ ᓱᕌᒐᓕᐊᕆᔭᐅᓯᒪᔪᓂᒃ ᐅᓄᕐᓂᖃᕐᑐᓂᒃ $14-ᒥᓕᐊᓂᒃ ᐊᒻᒪᓗ ᑲᒪᒋᔭᖃᖃᑦᑕᒥᓗᓂ ᐋᖅᑭᒋᐊᕐᑕᐅᔭᕆᐊᖃᕐᑐᖃᓕᕐᐸᑦ ᓇᐅᓕᒫᓂᒃ ᐱᓇᓱᑦᑎᐅᔪᓂᒃ 60-ᓗᐊᕐᑐᓂ ᐱᓇᓱᑦᑎᐅᔪᓂᒃ.

ᐱᔪᓐᓇᐅᑎᒋᒋᐊᓕᖏᑦ:

• ᐊᐅᓚᑦᓯᓂᓕᕆᓂᕐᒥᒃ ᐃᓕᓴᕕᑦᔪᐊᒥᑦ ᐱᔭᕇᕈᑎᑖᕐᓯᒪᓗᓂ ᐅᕝᕙᓗ ᐊᑦᔨᐸᓱᖏᓐᓂᒃ ᑕᒪᑦᓱᒧᖓ ᐱᓇᓱᐊᕐᓂᐅᔪᒥᒃ, ᐅᕝᕙᓗ ᐱᓇᓱᐊᓕᓂᐅᓗᓂ ᐊᑦᔨᒌᖏᑦᑐᓂᒃ ᐊᒻᒪᓗ ᐃᓕᓐᓂᐊᓯᒪᓂᖓ ᐃᓱᒪᒋᔭᐅᒐᔭᕐᒥᔪᖅ;

• ᐊᕐᕌᒍᓂᒃ ᖁᓖᑦ ᒥᑦᓯᑎᓐᓂᐅᖏᑦᑐᖅ ᒥᕝᕕᒥ ᐊᖓᔪᕐᖄᖑᖃᑦᑕᓕᓂᐅᓗᓂ ᑲᕙᒪᒃᑯᓐᓄᑦ ᒪᓕᑦᑕᐅᒋᐊᓖᑦ ᒪᓕᓪᓗᒋᑦ ᐊᒻᒪᓗ ᑲᕙᒪᑐᖃᒃᑯᑦ ᐱᖁᔭᖏᑦ ᒪᓕᓪᓗᒋᑦ;

• ᐊᕐᕌᒍᓂᒃ ᑕᓪᓕᒪᑦ ᒥᑦᓯᑎᓐᓂᐅᖏᑦᑐᖅ ᐊᐅᓚᑦᓯᖃᑦᑕᓕᓂᐅᓗᓂ ᐋᖅᑭᒋᐊᕐᑕᐅᔭᕆᐊᓕᓐᓂᒃ ᐱᓇᓱᑦᑎᐅᔪᓂᒃ ᑕᒪᒃᑯᓇᓂ ᓇᐅᓕᒫᓄᑦ ᐃᖏᕐᕋᔪᓕᕆᓂᕐᒥ ᐱᓇᓱᐊᕐᕕᐅᔪᓂ;

• ᐊᑦᔨᒌᖏᑦᑐᓄᑦ ᐱᓇᓱᐊᑦᓯᐊᕈᓐᓇᓗᓂ ᐊᐅᓚᑦᓯᑦᓯᐊᕈᓐᓇᓂᕐᒥᓪᓗ ᐱᓇᓱᐊᕈᓐᓇᓗᓂ ᐱᔭᕐᓂᖏᑦᑐᒦᓕᕐᑎᓪᓗᒋᑦ;

• ᐊᖓᔪᖅᑳᖑᔪᓐᓇᓯᐊᕐᓗᓂ, ᐸᕐᓀᑦᓯᐊᕈᓐᓇᓗᓂ, ᐃᓱᐃᓗᑕᕐᓂᒃ ᐋᖅᑭᓱᐃᒍᓐᓇᓗᓂ, ᑐᑭᑖᕈᓐᓇᓯᐊᕐᓗᓂ ᐃᒣᓕᐅᕆᐊᖃᕐᐳᑏᓚᑦᓯᐊᕈᓐᓇᓗᓂᓗ;

• ᓲᔪᒥᒃ ᓯᕗᓕᕐᑎᐅᒍᓐᓇᕕᖃᕐᓗᓂ, ᐱᓀᓗᑕᓂᒃ ᐋᕐᕿᓱᐃᓯᑎᐅᓗᓂ, ᑐᑭᑖᕆᒍᓐᓇᓯᐊᕐᓗᓂ ᐊᒻᒪᓗ ᐱᒋᐊᕐᑎᓯᔨᐅᑦᓯᐊᕈᓐᓇᓗᓂ;

• ᐊᑑᑎᖃᒻᒪᕆᒐᔭᕐᒥᔪᖅ ᐱᓇᓱᐊᕈᓐᓇᓯᐊᕈᓂ ᖃᕆᑕᐅᔭᓕᕆᒍᑎᓂᒃ, ᒪᑯᓄᖓ Word and Excel;

• ᑕᑯᑦᓴᐅᑎᑦᓯᓯᐊᕐᓗᓂ ᐅᖄᓂᒃᑯᑦ ᐊᓪᓚᓂᒃᑯᓪᓗ ᑐᓴᐅᒪᖃᑦᑕᐅᑎᑎᑦᓯᒍᓐᓇᓯᐊᕐᓂᒥᓂᒃ ᖃᓪᓗᓈᑎᑐᑦ ᐊᒻᒪᓗ ᒍᐃᒍᐃᑎᑐᑦ; ᐃᓄᒃᑎᑐᑦ ᖃᐅᔨᒪᒍᓂ ᐊᑑᑎᖃᕋᔭᕐᒥᔪᖅ;

• ᐱᓇᓱᖃᑦᑕᓕᓂᐅᒍᓂ ᐊᑑᑎᖃᒻᒪᕆᒐᔭᕐᑐᖅ ᐊᖏᖃᑎᒌᒐᓱᐊᕐᓂᒥᒃ ᑲᕙᒪᒃᑯᓐᓄᑦ ᑕᒪᓐᓇ ᐃᓱᒪᓇᕐᑐᖁᑕᐅᓪᓚᕆᒐᔭᕐᑐᖅ;

• ᐱᓇᓱᖃᑦᑕᓕᓂᐅᒍᓂ ᐃᓅᖃᑎᒌᑦᓴᔭᐅᖏᑦᑐᓂ, ᐱᔪᒥᓇᓗᐊᕋᔭᕐᑐᖅ ᐃᓄᐃᑦ ᓄᓇᖏᓐᓂ, ᑕᒪᓐᓇ ᐃᓱᒪᓇᕐᑐᖁᑕᐅᓪᓚᕆᒐᔭᕐᑐᖅ;

• ᐊᕐᕕᑕᖃᑦᑕᕆᐊᒥᒃ ᐊᖏᕐᓯᒪᑦᓯᐊᕆᐊᓕᒃ ᐊᑐᐃᓐᓇᐅᖃᑦᑕᓗᓂᓗ ᓄᓇᕕᒻᒧᑦ ᓯᓚᑖᓄᓪᓗ ᐃᖏᕐᕋᒋᐊᖃᑐᐊᕈᓂ.

ᐱᓇᓱᕝᕕᖓ: ᑰᑦᔪᐊᖅ, ᑯᐯᒃ

ᑮᓇᐅᔭᓕᐅᕐᓂᖓ: Minimum 128 903$/year – Maximum 177 244$/year

ᐊᓯᖏᑦ ᐱᕙᓪᓕᖁᑎᑦᓭᑦ: ᐃᓅᒐᓱᐊᕐᓂᐅᑉ ᐊᑭᑐᔫᓂᖓᓄᑦ: ᐊᒥᓲᖏᓐᓂᐹᖃᕐᓗᑎᒃ $8 500/ᐊᕐᕌᒍᓕᒫᖅ:

ᓂᕿᓄᑦ ᐃᑲᔪᕐᓯᔭᐅᒍᑏᑦ: ᐊᒥᓲᖏᓐᓂᐹᖃᕐᓗᑎᒃ $4 216/ᐊᕐᕌᒍᓕᒫᖅ

ᐊᕐᕌᒍᓕᒫᒥ ᐊᐅᓪᓚᕈᓐᓇᓂᖓ: ᐊᒥᓲᖏᓐᓂᐹᖃᕐᓗᑎᒃ ᐱᖓᓱᕕᓪᓗᓂ

ᐃᑦᑑᒍᑎᑖᕐᑕᕈᑎᑦᓴᖏᑦ: 8% ᐱᓇᓱᑦᑎᓯᔨᖓᑕ ᐃᑲᔪᕐᓯᐅᑎᖏᑦ;

ᑲᑐᑦᔨᖃᑎᒌᑦ ᐃᒻᒪᖃᐅᑎᖏᑦ

ᕿᑲᕈᓐᓇᑕᖏᑦ ᐅᓪᓗᐃᑦ: ᐊᕙᑎᑦ ᖁᓕᓪᓗ;

ᐅᓪᓗᐃᑦ ᐊᓯᖏᑦ ᕿᑲᕐᓀᑦ: 19 ᐅᓪᓗᐃᑦ 10 ᕿᑎᖕᖑᒥ ᕿᑲᕐᓀᑦ ᐱᖃᑕᐅᑎᓪᓗᒋᑦ.

ᐱᓇᓱᒍᒪᐅᑎᑎᑦ ᐊᓪᓚᓯᒪᔪᑦ ᐊᐅᓪᓚᑎᓪᓗᒋᑦ

Human Resources

Kativik Regional Government

P.O. Box 9

Kuujjuaq QC J0M 1C0

Fax: 819-964-2975

Email: humanresources@krg.ca

ᑖᒃᑯᐊ KRG-ᑯᑦ ᓇᐅᓕᒫᓄᑦ ᐊᑦᔨᒌᑦᑎᑦᓯᓂᕐᒥᒃ ᐱᓇᓱᒐᖃᕐᑎᑦᓯᔨᐅᕗᑦ, ᑕᒪᓐᓇ ᐱᑦᔪᑎᒋᑦᓱᒍ ᐊᒻᒪᓗ ᔦᒥᔅ ᐯ ᑯᐯᓪᓗ ᑕᕐᕋᖓᓂ ᐃᓄᐃᓪᓗ ᐊᖏᖃᑎᒌᓐᓂᖏᑎᒍᑦ, ᐱᓇᓱᒐᐅᑉ ᖃᓄᐃᑦᑑᒋᐊᖃᕐᓂᖓ ᐊᓯᑦᔨᑕᐅᑐᐃᓐᓇᕆᐊᓕᒃ ᐃᓄᑐᐃᓐᓇᒥᒃ ᐱᓇᓱᒐᕐᑖᕋᓱᐊᕐᑐᖃᕐᐸᑦ

ᐱᓇᓱᒐᕐᑖᕋᓱᑦᑐᑦ ᓂᕈᐊᕐᑕᐅᔪᑦ ᑖᒃᑯᑐᐊᖅ ᐊᐱᖅᓲᔭᕐᑕᐅᓚᖓᓗᑎᒃ ᖃᐅᔨᑎᑕᐅᒐᔭᕐᑐᑦ.