ᐃᒥᕐᑕᕕᒻᒥ ᐱᓇᓱᑦᑎ ᐋᕐᕿᓱᐃᓂᕐᒥᒃ ᐃᓕᓐᓂᐊᑎᑦᓯᔨ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ(KRG), ᖁᑦᓯᓂᕐᐹᖅ ᓄᓇᓕᓐᓂ ᑎᒥᐅᔫᑦᓱᓂ ᐊᐅᓚᑦᓯᔪᖅ ᓄᓇᒥᒃ 55 ᖁᓛᓂ ᑕᕐᕋᒥ, ᕿᓂᕐᖁᖅ ᑲᑦᓱᖓᐃᑦᑐᒥᒃ ᕿᑦᑕᐃᖓᑦᓯᐊᑐᒥᒃ ᐃᓄᒻᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᓇᓱᑦᑎᖏᓐᓄᑦ ᐃᓚᐅᒍᒪᔪᒧᑦ ᐆᒥᖓ ᐱᓇᓱᑦᑎᐅᓗᓂ:

ᐃᒥᕐᑕᕕᒻᒥ ᐱᓇᓱᑦᑎ ᐋᕐᕿᓱᐃᓂᕐᒥᒃ ᐃᓕᓐᓂᐊᑎᑦᓯᔨ

(ᐊᑕᐃᓐᓇᑐᖅ, ᓇᓪᓕᐅᑎᑦᑕᓱᓂ ᐱᓇᓱᓐᓇᖓ)

ᓄᓇᓕᒻᒥ ᐱᓇᓱᕝᕖᑦ ᐱᓇᓱᕝᕕᓕᕆᕕᖓ ᑲᑎᕕᐅᑉ ᑲᒪᒋᔭᖃᕐᖁᖅ ᐊᐅᓚᑦᓯᓂᕐᒥᒃ ᐋᕐᕿᓱᕐᓯᒪᔪᑦ ᐱᓇᓱᒐᑦᓴᓕᐊᖑᓂᖏᓐᓂᒃ (ᒪᕐᓗᑯᕖᑦ, ᐃᒥᕐᑕᕖᑦ, ᐊᕐᖁᑏᑦ ᐃᓂᓪᓚᖓᓂᖏᑦ, ᐃᓪᓗᐃᓗ) ᐅᑭᐅᕐᑕᑐᒥ ᓄᓇᓕᓐᓄᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᓪᓗ. ᐃᑉᐱᒋᔭᖃᕆᕗᑦ ᐱᓪᓗᑯᒋᐊᓕᓐᓂᒃ ᐱᓇᓱᒋᐊᓕᓐᓂ ᐃᑲᔪᖃᑦᑕᓗᓂ ᐅᑭᐅᕐᑕᑐᒥ ᓄᓇᓕᓐᓂ ᐃᒥᕐᑕᕕᐅᑉ ᐊᐅᓚᑕᐅᓂᖓᓅᓕᖓᔪᓂᒃ.

ᑲᒪᔨᒻᒪᕆᐅᑉ ᑐᖓᓕᖓᓂᒃ ᑐᓴᕐᑎᓯᖃᑦᑕᓗᓂ ᐊᓪᓚᕕᖓᑕ, ᐱᓇᓱᖃᑎᖃᕐᓗᓂᓗ ᐊᓪᓚᕖᑦ ᐊᕕᑦᑐᓯᒪᔪᑦ ᐊᓯᖏᑦᑕ ᐱᓇᓱᑦᑎᖏᓐᓂᒃ, ᐃᓕᓐᓂᐊᑎᑦᓯᔨᐅᑉ ᐱᓇᓱᒐᑦᓴᓗᐊᖕᖑᐅᖏᑦ ᐅᑯᐊ:

• ᐃᑲᔪᖃᑦᑕᓗᓂ ᐃᓕᓐᓂᐊᑎᑦᓯᓗᓂᓗ ᓄᓇᓕᐅᑉ ᐃᒥᕐᑕᕕᖓᑕ ᐱᓇᓱᑦᑎᖏᓐᓂᒃ, ᑲᒪᓗᓂ ᓴᓇᓗᒋᓪᓗ ᐃᒥᕐᑕᕕᐅᑉ ᐱᐅᒃᑯᑎᖏᑦ(ᐃᒪᕐᒥᒃ ᐆᑦᑐᕋᐅᑏᑦ ᖃᐅᔨᓴᐅᑏᓪᓗ, ᐃᒪᕐᒥᒃ ᖁᐱᕐᕈᐃᔭᐃᓂᖅ, ᑲᒪᐅᑎᓂᒃ ᓈᒻᒪᓯᓕᑎᕆᓗᓂ, ᐱᓇᐃᓗᑕᓂᒃ ᖃᐅᔨᓴᕐᓗᓂ, ᐋᖀᒋᐊᓪᓛᕆᒍᑎᑦᓴᓯᐅᕐᓗᓂ, ᐃᓚᑦᓴᓂᒃ ᑎᑭᓴᐃᓗᓂ, ᐊᓯᖏᓪᓗ.);

• ᖃᐅᔨᓴᕐᓗᓂ ᐃᒪᐅᑉ ᑲᒪᒋᔭᐅᓂᖓᓂᒃ ᐱᐅᒃᑯᑏᓪᓗ ᑲᒪᒋᔭᐅᓂᖏᓐᓂᒃ ᓄᓇᓕᐅᑉ ᐃᒥᕐᑕᕕᖓᑕ ᐱᓇᓱᑦᑎᖏᓐᓄᑦ, ᐃᒥᕐᑕᕕᒻᒥ ᐱᓇᓱᑦᑎᐅᑉ ᐃᒥᕐᑕᕕᓕᕆᓂᕐᒥᒃ ᐃᓕᓐᓂᐊᑎᑕᐅᒍᑎᖏᑦ ᒪᓕᓪᓗᒋᑦ ᒪᓕᑦᑕᐅᓯᐊᕐᒪᖔᑕ ᒪᓕᒋᐊᓖᑦ;

• ᖃᐅᔨᓴᕐᓗᓂ, ᑐᕐᓱᐊᓕᐅᕐᓗᓂ, ᐃᑯᒪᓂᒃ, ᕿᔪᓐᓂᒃ ᓴᓇᓗᓂ ᐊᐅᓚᑦᓯᒍᑎᒐᓚᐃᑦ ᐃᓚᐅᑎᓪᓗᒋᑦ ᖃᐅᔨᓴᐅᑏᓪᓗ, ᐱᓇᓱᖃᑎᖃᕐᓗᓂ ᓄᓇᓕᐅᑉ ᐃᒥᕐᑕᕕᓕᕆᔨᖏᓐᓂᒃ;

• ᓄᐃᑦᓯᓗᓂ ᐃᒥᕐᑕᕕᐅᓪᓗ ᐊᐅᓚᑕᐅᓂᖓᑕ ᒪᓕᒐᖏᓐᓂᒃ ᐃᓂᓪᓚᖓᑎᑦᓯᓗᓂ, ᖃᐅᔨᓴᕐᓃᓗ ᐊᓪᓚᖁᑎᖏᓐᓂᒃ ᐃᓂᓪᓚᖓᑎᑦᓯᓗᓂ, ᑲᒪᒋᔭᐅᒍᑎᖏᓐᓂᒃ, ᓴᓇᒋᐊᓪᓛᔭᐅᓂᖏᓐᓂᓗ;

• ᐱᓇᓱᖃᑎᖃᕐᓗᓂ ᓴᓇᒋᐊᓪᓛᕆᔩᑦ ᐊᑕᐅᑦᓯᑰᕐᑎᓯᔨᖓᓂᒃ ᐱᕙᓪᓕᐊᓂᖓᑕ ᑲᔪᓯᑎᑕᐅᓂᖓᑕ ᓴᓇᒋᐊᓪᓛᔭᐅᓂᖓᑕᓗ ᐃᒥᕐᑕᕕᒃ ᐃᖏᕐᕋᓯᐊᖁᓪᓗᒍ:

• ᐃᑲᔪᖃᑦᑕᓗᓂ ᐱᓇᓱᑦᑎᓂᒃ ᐃᓚᑦᓴᐃᑦ ᓴᓇᕐᕈᑏᓪᓗ ᖃᑦᓯᐅᒪᖔᑕ ᐊᓪᓚᓯᒪᐅᑎᖏᑦ ᐃᓂᓪᓚᖓᑦᓯᐊᑎᓗᒋᑦ ᐃᑲᔪᕐᓗᓂᓗ ᐊᑐᐃᓐᓇᕈᕐᑎᓕᕐᐸᑕ ᐅᒥᐊᕐᔪᑰᕐᑐᓴᓂᒃ ᑎᑭᓴᐃᒍᑎᓂᒃ ᐊᕐᕌᒍᓕᒫᕐᓯᐅᑎᓂᒃ;

• ᐱᓇᓱᖃᑎᖃᑦᓯᐊᓗᓂ ᓄᓇᓕᐅᕐ ᐃᒥᕐᑕᕕᓕᕆᔨᖏᓐᓂᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕᓗ ᐱᓇᓱᒐᑦᓴᓕᐅᕐᑎᖏᑦᑕ ᑲᒪᔨᖏᓐᓂᒃ ᐱᕙᓪᓕᐊᑎᑦᓯᓗᑎᒃ ᐃᒪᕐᑑᑏᑦ ᐱᐅᓯᒋᐊᕐᑕᐅᓂᖏᓐᓄᑦ ᐃᓚᐅᓗᓂᓗ ᑲᔪᓯᑎᑕᐅᓂᖏᓐᓄᑦ;

• ᐱᓇᓱᑦᑕᐅᖁᔭᓂᒃ ᐊᓯᒐᓚᖏᓐᓂᒃ ᐱᓇᓱᓪᓗᓂ ᑎᓕᔭᐅᒍᓂ ᑲᒪᔨᒥᓄᑦ;

ᐃᓕᒐᓱᐊᕐᑐᖅ ᓂᕈᐊᕐᑕᖅ ᐃᒪᐃᒋᐊᓕᒃ:

• ᐱᔭᕇᕈᑎᖃᕆᐊᓕᒃ ᐃᒥᕐᑕᕕᓕᕆᓂᕐᒨᓕᖓᔪᒥᒃ ᐅᕝᕙᓘᓐᓃᑦ ᐃᒪᓕᕆᐅᑎᓂᒃ ᓴᓇᒋᐊᓪᓛᔨᐅᓂᕐᒧᑦ ᐱᖓᓱᓂᓪᓗ ᐅᑭᐅᓂᒃ ᐱᓇᓱᓕᓂᐅᓗᓂ ᑖᑦᓱᒪ ᒥᑦᓵᓄᑦ ᐃᓕᖓᔪᓂᒃ;

• ᐃᒪᕐᑑᑎᓕᕆᒍᓐᓇᓗᓂ, ᐃᑯᒪᓕᕆᒍᓐᓇᓗᓂᓗ, ᐊᐅᓚᑦᓯᒍᑎᓕᕆᒍᓐᓇᓗᓂ, ᕿᔪᓕᕆᒍᓐᓇᓗᓂᓗ;

• ᐊᓪᓚᒍᓐᓇᓗᓂ ᐅᖄᒍᓐᓇᓗᓂᓗ ᐃᓕᑦᓯᓯᒪᓗᓂ ᒪᕐᕉᒍᓐᓇᐸᑎᒃ(2) ᐅᖃᐅᓰᒃ ᐅᑯᓇᓂ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ.

• ᐃᓕᓯᒪᓗᓂ ᐊᑐᕆᐊᒥᒃ Microsoft Office suiteᒥᒃ;

• ᐊᕐᕕᑕᕈᓐᓇᓗᓂ ᐅᑭᐅᕐᑕᑐᒥ ᓄᓇᓕᓐᓄᑦ ᓄᓇᕕᒻᒥ;

• ᑕᑎᑦᓴᓯᐊᖑᓗᓂ, ᐃᓄᑑᓗᓂ ᐱᓇᓱᒍᓐᓇᓗᓂ ᖃᐅᒪᑦᓯᐊᓗᓂᓗ;

• ᓄᓇᒃᑰᔫᕈᓐᓇᐅᑎᖃᕐᓗᓂ;

• ᐱᓇᓱᓕᓂᐅᒍᓂ ᑕᕐᕋᐅᑉ 55 ᖁᓛᓂ ᐅᓇᒻᒥᓇᕆᐊᓪᓚᑐᖅ

ᐱᓇᓱᓐᓇᖓᑕ ᐃᓂᓪᓚᖓᓂᖓ ᐱᓇᓱᕝᕕᖓᑕᓗ ᓇᓃᓐᓂᖓ:

• 6-3 ᐱᓇᓱᓐᓇᖓᑕ ᓇᓪᓕᐅᑎᑦᑕᓂᖓᑕ ᐃᓂᓪᓚᖓᓂᖓ: 6ᓂᒃ ᐱᓇᓱᐊᕈᓯᕐᓂᒃ ᐱᓇᓱᓪᓗᓂ ᐅᑭᐅᕐᑕᑑᑉ ᓄᓇᓕᖏᓐᓂ (52.5 ᑲᐃᕙᓪᓚᒍᓰᑦ ᐱᓇᓱᐊᕈᓯᑕᒫᑦ), ᑭᖑᓂᖃᕐᓗᓂ 3 ᐱᓇᓱᐊᕈᓰᑦ ᐊᑭᓕᕐᑐᑕᐅᓗᓂ ᕿᑲᕐᓗᓂ (35 ᑲᐃᕙᓪᓚᒍᓰᑦ ᐱᓇᓱᐊᕈᓯᑕᒫᑦ)

ᐅᕝᕙᓘᓐᓃᑦ

• 4-2 ᐱᓇᓱᓐᓇᖓᑕ ᓇᓪᓕᐅᑎᑦᑕᓂᖓᑕ ᐃᓂᓪᓚᖓᓂᖓ: 4ᓂᒃ ᐱᓇᓱᐊᕈᓯᕐᓂᒃ ᐱᓇᓱᓪᓗᓂ ᐅᑭᐅᕐᑕᑑᑉ ᓄᓇᓕᖏᓐᓂ (52.5 ᑲᐃᕙᓪᓚᒍᓰᑦ ᐱᓇᓱᐊᕈᓯᑕᒫᑦ) ᑭᖑᓂᖃᕐᓗᓂ 2 ᐱᓇᓱᐊᕈᓰᒃ ᐊᑭᓕᕐᑐᑕᐅᓗᓂ ᕿᑲᕐᓗᓂ (35 ᑲᐃᕙᓪᓚᒍᓰᑦ ᐱᓇᓱᐊᕈᓯᑕᒫᑦ)

ᓇᓃᓐᓂᖓ ᐱᓇᓱᒐᐅᑉ: ᓄᓇᕕᒃ

ᑮᓇᐅᑦᔭᓵᖏᑦ: ᐃᑭᓐᓂᐹᑦ$52 481 - ᐊᒥᓲᓂᕐᐹᑦ$89 256 ᐊᕐᕌᒍᑕᒫᑦ(ᐳᕐᑐᓂᖓ8)

ᐱᕙᓪᓕᒋᐊᕈᑎᑖᕐᑕᐅᑎᖏᑦ*: ᑐᔪᕐᒥᐅᒍᑎᖏᑦ ᐊᑭᓕᕐᑐᑕᐅᓗᑎᒃ ᐱᓇᓱᐊᓕᕈᓂ ᑕᕐᕋᒥ ᓄᓇᓕᓐᓂ;

ᓂᕆᔭᖏᑦ ᐊᒻᒪᓗ ᑮᓇᐅᔭᕐᑑᑎᖏᑦ ᐊᑭᓕᕐᑐᑕᐅᓗᑎᒃ ᐊᐅᓚᓕᕈᓂ ᓄᓇᕕᒻᒥ;

ᐃᒻᒥᒎᕐᑐᑦ ᐱᕙᓪᓕᒍᑎᖏᑦ ᐃᓚᐅᑎᓪᓗᒋᑦ ᐱᔭᕆᐊᑭᓪᓂᓯᒪᔪᑦ ᐃᓄᑐᖃᐅᒍᑎᑖᕐᑕᐅᑎᑦᓴᐃᑦ;

ᕿᑲᑲᐃᓐᓇᕈᓐᓇᐅᑏᑦ ᐅᓪᓗᐃᑦ: 20 ᐅᓪᓗᐃᑦ ᐊᕐᕌᒍᑕᒫᑦ.

ᕿᑲᕐᓇᐃᑦ ᐱᖁᔭᑎᒍᑦ ᐋᕐᑭᓯᒪᔪᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᕿᑎᖕᖒᑉ ᐅᓪᓗᖏᓐᓂ

ᑐᓂᓗᒋᑦ ᐱᓇᓱᒐᕐᑖᒐᓱᐊᕈᑎᑎᑦ ᖃᓪᓗᓈᑎᑑᕐᑎᓗᒋᑦ ᑎᑭᓚᐅᕐᑎᓇᒍ July 18, 2025, ᐃᒣᓪᓗᐊᒥ 5:00 ᐅᓐᓄᓴᒃᑯᑦ

ᐱᓇᓱᑦᑎᓕᕆᔩᑦ ᐊᓪᓚᕕᖓ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐊᓪᓚᑖᕐᕕᖓᑕ ᐃᑦᓯᕕᖓᑕ ᑭᓯᑦᓯᒍᑎᖓ 9

ᑰᒃᔪᐊᖅ ᑯᐸᐃᒃ J0M 1C0

ᐊᓪᓚᕕᑦᓴᒥᒃ ᑐᔪᐃᕕᖓ: 819 964-2975

ᖃᕆᑕᐅᔭᐅᑉ ᐱᑐᑦᓯᒪᐅᑎᖓᑎᒍᑦ ᐊᓪᓚᑖᕐᕕᖓᑕ ᓯᓚᑎᖓ

humanresources@krg.ca