ᐃᓕᓐᓂᐊᓂᓕᕆᓂᕐᒥ ᖃᐅᔨᒪᔨ ᐃᓕᓐᓂᐊᕆᐊᖕᖓᑐᓄᑦ - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐊᖓᔪᕐᖄᖃᕐᓗᓂ ᐃᓕᓐᓂᐊᕈᑎᓕᕆᕕᒻᒥ ᑐᑭᒧᐊᑦᑎᓯᔨᒥ ᐅᖃᐅᓯᖃᕐᖄᓂᐅᑉ ᐃᓕᓐᓂᐊᕈᑎᓕᕆᕕᖓᓂ, ᐃᓕᓐᓂᐊᕈᑎᓕᕆᓂᕐᒥ ᖃᐅᔨᒪᔨ ᐃᓕᓐᓂᐊᕆᐊᖕᖓᑐᓄᑦ ᐱᔭᑦᓴᖃᕐᖁᖅ ᐱᔭᑦᓴᓕᐊᖑᓯᒪᔪᓂ ᑲᒪᔨᐅᓂᕐᒥᒃ ᕿᒥᕐᕈᓂᕐᒥ ᓄᐃᑦᓯᕙᓪᓕᐊᓂᕐᒥ ᐊᑐᓕᕐᑎᓯᓂᕐᒥᓗ ᐱᖁᑎᓂᑦ ᐊᑦᑐᐊᓂᓕᓐᓂᑦ ᐃᓄᑦᑎᑐᑦ ᐃᓕᓐᓂᐊᑎᑦᓯᔨᓄᑦ ᐃᓕᓐᓂᐊᕆᐊᖕᖓᑐᓂ.

ᐃᓂᖓ ᐱᓇᓱᐊᕆᐊᓕᖏᓪᓗ:

·       ᐊᕐᕕᑕᖃᑦᑕᓗᓂ ᐃᓕᓐᓂᐊᕕᓐᓄᑦ ᐃᑲᔪᕐᓯᒋᐊᕐᑐᓗᓂ ᐃᓕᓐᓂᐊᕆᐊᖕᖓᑐᓂ ᐃᓄᑦᑎᑐᑦ ᐃᓕᓐᓂᐊᑎᑦᓯᔨᓂ;

·       ᖃᐅᔨᓴᕐᕕᖃᖃᑦᑕᓗᓂ ᐃᓕᓐᓂᐊᑎᑦᓯᔨᓂ ᐱᒋᐅᕐᓭᖃᑦᑕᓗᓂᓪᓗ;

·       ᓇᓗᓀᕐᓯᓯᒪᑦᓯᐊᖃᑦᑕᓗᓂ ᐊᑐᓕᕐᑎᑕᐅᒋᐊᓕᓐᓂᑦ ᒪᓕᒋᐊᓪᓛᖃᑦᑕᓗᓂᓗ ᐃᓕᓐᓂᐊᕆᐊᖕᖓᑐᑦ ᐱᔭᑦᓴᓴᔭᖏᓐᓂᑦ;

·       ᓄᓇᓕᒻᒥ ᐃᓕᓐᓂᐊᕈᑎᓕᕆᔨᓂᓪᓗ ᖃᐅᔨᓴᕐᕕᖃᖃᑦᑕᓗᓂ;

·       ᐱᕙᓪᓕᐊᔪᓂ ᐅᓂᒃᑲᐅᓯᖃᖃᑦᑕᓗᓂ;

·       ᐊᖓᔪᕐᖄᑉ ᐱᔭᑦᓴᓕᐊᕆᓯᒪᔭᖏᓐᓂᑦ ᑎᒍᒥᐊᕐᑎᐅᓗᓂ.

ᐱᒍᓐᓇᐅᑎᒋᒋᐊᓕᖏᑦ:

·       ᐃᓕᑕᕆᔭᐅᒍᓐᓇᐅᑎᖃᕆᐊᓕᒃ ᐃᓕᓐᓂᐊᓂᓕᕆᓂᐅᑉ ᑐᕐᖃᑖᕐᕕᖓᓂ ᐃᓕᓐᓂᐊᓂᓕᕆᒍᑏᑦ ᐊᑖᓂ ᐊᓪᓚᓄᑦ, ᐃᓄᓐᓄᑦ,ᓇᔅᑳᐱᓄ ᓄᓇᖃᕐᖄᓯᒪᔪᓄᓪᓗ

·       ᐃᓕᓐᓂᐊᑎᑦᓯᔨᐅᓚᐅᕐᓯᒪᒋᐊᓕᒃ ᓄᓇᕕᒻᒥ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ.

ᐊᑐᕈᓐᓇᕆᐊᓕᖏᑦ:

·       ᐅᖄᒍᓐᓇᓯᐊᕆᐊᓕ ᐊᓪᓚᒍᓐᓇᓯᐊᕐᓗᓂᓗ ᐃᓄᑦᑎᑐᑦ;

·       ᐱᓇᓱᑦᓕᓂᐅᒋᐊᓕᒃ ᑲᑎᒪᓂᐊᕈᓯᕐᓂ, ᐱᒋᐅᕐᑌᓂᕐᓂ ᑭᓇᓕᒫᒃᑯᓄᓪᓗ ᐅᖄᓕᓂᒍᓐᓇᕆᐊᓕᒃ ᐃᑲᔪᕐᓯᒐᔭᕐᒥᔪᖅ.

·       ᖃᐅᔨᒪᓂᖅ ᐃᓄᑦᑎᑐᑦ ᐃᓕᓇᕈᑎᑦᓴᓂ ᑲᑎᕕᒃ ᐃᓕᓴᕐᓂᓕᕆᓂᕐᒥ ᐃᑲᔪᕐᓯᒐᔭᕐᒥᔪᖅ.

·       ᐊᑐᕈᓐᓇᓂᖅ microsoft 365 ᒥ ᐃᑲᔪᕐᓯᒐᔭᕐᒥᔪᖅ.

·       ᐊᕐᕕᑕᖃᑦᑕᕆᐊᖃᕋᔭᕐᑐᖅ 14 ᓄᑦ ᓄᓇᓕᓐᓄᑦ 18 ᐃᓕᓐᓂᐊᕖᑦ ᓄᓇᕕᓕᒫᕐᒥ ᒪᓐᑐᕆᐊᒧᓪᓗ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ ᐱᓇᓱᕝᕕᖃᕋᔭᕐᑐᖅ: $56,670-ᒥᑦ $105,432-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.