ᐃᓕᓴᕐᓂᒧᑦ ᐊᔪᖀᒋᐊᕐᑎ - ᐃᓄᒻᒪᕇᑦ ᐃᓕᓴᕐᓂᖓᓄᑦ - ᐃᓄᖃᑎᒌᓐᓂᒥᒃ ᐃᓕᓴᕐᓃᑦ ᐊᒻᒪᓗ ᐅᖃᐅᓯᕐᓂᒃ - KI

ᐱᓇᓱᒐᖅ : ᐃᓕᓴᕐᓂᒧᑦ ᐊᔪᖀᒋᐊᕐᑎ - ᐃᓄᒻᒪᕇᑦ ᐃᓕᓴᕐᓂᖓᓄᑦ - ᐃᓄᖃᑎᒌᓐᓂᒥᒃ ᐃᓕᓴᕐᓃᑦ ᐊᒻᒪᓗ ᐅᖃᐅᓯᕐᓂᒃ

ᐊᓪᓚᕕᖓ : ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖏᑦ ᐊᒻᒪᓗ ᐱᓇᓱᒐᕐᒧᑦ ᐱᒋᐅᕐᓴᑎᑕᐅᓂᖅ

ᑮᓇᐅᑦᔭᓵᑦ : ᐱᒋᐊᕐᓱᓂ $49,456 ᑎᑭᑦᓱᓂ $92,027 ᐱᓇᓱᐊᕐᓯᒪᓂᖓ ᖃᐅᔨᒪᓂᖓᓗ ᒪᓕᑦᓱᒍ

ᐱᓇᓱᒐᐅᑉ ᑭᑎᑦᔪᑎᖓ : PEDFORMGENSS2501-01

ᓇᓃᓐᓂᓴᖓ : ᒪᓐᑐᔨᐊᓪ

ᖃᓄᐃᑦᑑᓂᖓ : ᐅᓪᓗᓕᒫᕐᑐᒥᒃ ᐊᑌᓐᓇᑐᒥᒃ ᐃᓇᖐᕐᑌᔨ

ᐱᓇᓱᓐᓇᖅ : ᕕᕗᐊᕆ 2025-ᒥᑦ ᔮᓄᐊᕆ 2026-ᒧᑦ ᓯᕕᑦᑐᒋᐊᕐᑕᐅᑐᐃᓐᓇᕆᐊᖃᕐᓱᓂ.

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐊᖓᔪᕐᖄᖃᕐᓱᓂ ᐱᒍᑦᔨᒋᐊᓪᓛᒍᑎᓂᒃ ᓴᑐᕐᓇᑐᓕᓐᓂᓗ ᐃᓕᓐᓂᐊᕕᖃᕐᓂᒧᑦ ᐊᑕᐅᑦᓯᑰᕐᑎᓯᔨᖓᓂᒃ, ᐃᓕᓐᓂᐊᕈᑎᓕᐅᕐᑎ ᐃᓕᓐᓂᐊᑎᑦᓯᒍᑎᓂᒃ ᓴᐳᑎᓯᒪᒍᑎᓂᓪᓗ ᐱᑕᖃᕐᑎᓯᓲᖅ ᐃᓕᓐᓂᐊᕕᓐᓄᑦ ᖃᐅᔨᒪᔭᐅᑎᑦᓯᓂᒃᑯᑦ, ᐊᑐᕐᑕᐅᓕᕐᑎᓯᓂᒃᑯᑦ, ᐊᒻᒪᓗ ᑲᔪᓯᑎᑕᐅᑎᑦᓯᓂᒃᑯᑦ ᓴᑐᕐᓇᑐᓕᓐᓂᒃ ᐃᓕᓐᓂᐊᕕᖃᕐᓂᒧᑦ ᐱᓇᓱᒍᓯᐅᓲᓂᒃ.

ᐃᓂᖓ ᐱᓇᓱᐊᕆᐊᓕᖏᓪᓗ:

• ᖃᐅᔨᒪᔭᐅᑎᑦᓯᓗᓂ ᑐᑭᓯᒪᒍᑎᑦᓴᓂᓪᓗ ᑲᔪᖏᕐᓭᓗᓂ ᐃᓕᓐᓂᐊᕕᐅᑉ ᐱᓇᓱᑦᑎᖏᓐᓄᑦ ᑭᖑᕚᕇᑦ ᐊᒻᒪᓗ ᐃᓗᕐᕈᓯᕐᒧᐊᖓᔪᑦ ᖁᐊᕐᓵᓇᕐᑐᑰᕐᓯᒪᒍᑎᐅᓂᒋᑦᑕ ᑐᑭᓯᒪᔭᐅᒍᑎᖏᓐᓂᒃ ᓱᕐᕃᓂᖏᓐᓂᓗ.

• ᓴᐳᑎᓯᒪᓗᓂ ᖃᓄᐃᖕᖏᓯᐊᕐᓇᑐᒥᒃ ᐊᑦᑕᓇᕐᑐᑕᖃᖕᖏᑐᒥᓪᓗ ᐃᓕᓐᓂᐊᕕᖃᕈᑏᑦ ᐊᑐᓕᕐᑎᑕᐅᒍᑎᖏᓐᓂᒃ ᐃᓘᓐᓇᖏᓐᓄᑦ ᐃᓕᓐᓂᐊᕕᒻᒥ ᒪᓂᔨᖃᑦᑕᓂᒃᑯᑦ ᐱᓇᓲᑎᑦᓴᐅᒍᓐᓇᑐᓂᒃ ᐱᓇᓱᒍᑎᑦᓴᓕᐊᕆᔭᐅᒍᓐᓇᑐᓂᓪᓗ ᐊᑦᔨᒌᖕᖏᑐᓂᒃ ᐃᓕᓐᓂᐊᑏᑦ ᑭᖕᖒᒪᒋᔭᖏᓐᓂᒃ ᐃᑉᐱᒋᔭᖃᑦᓯᐊᑐᓂᒃ.

• ᖃᐅᔨᒪᔭᐅᑎᓗᒋᑦ ᐊᒻᒪᓗ ᐊᑐᕐᑕᐅᔪᑦᓴᓕᐊᕆᓗᒋᑦ ᐃᓄᐃᑦ ᐃᓗᕐᕈᓯᖓᓂᒃ ᐃᓪᓕᕆᔭᖏᓐᓂᓗ ᑐᖕᖓᕕᓖᑦ ᐱᓇᓱᒍᓰᑦ ᐱᓇᓱᒍᑎᑦᓭᓗ.

• ᑲᔪᖏᕐᓭᓗᓂ ᐃᓕᓐᓂᐊᕕᒻᒥ ᐱᓇᓱᑦᑎᓂᒃ ᐊᑦᔨᒌᖕᖏᑐᓂᓪᓗ ᓄᓇᓕᒻᒥ ᐃᓕᓐᓂᐊᕕᒻᒥᓗ ᓇᖕᒥᓂᖃᖃᑎᐅᔪᓂᒃ ᐱᓇᓱᐊᖃᑎᖃᕈᑏᑦ ᓄᐃᑕᐅᓂᖏᓐᓂᒃ ᑲᔪᓯᑎᑕᐅᓂᖏᓐᓂᓗ.

• ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖏᑦ ᐊᒻᒪᓗ ᐱᓇᓱᑦᑏᑦ ᓴᐳᑎᓯᒪᓗᒋᑦ ᐃᓕᓐᓂᐊᑎᓂᒃ ᑯᑦᓴᓈᕿᑦᑌᓕᑎᑦᓯᓂᕐᒥ ᐃᓕᓐᓂᐊᑏᑦ ᐊᒻᒪᓗ ᐃᓕᓐᓂᐊᕕᓐᓂ ᐱᓇᓱᑦᑏᑦ ᖃᓄᐃᖕᖏᓯᐊᕐᓂᖏᓐᓂᒃ ᐊᓂᒍᐃᑦᓯᐊᕈᑎᖏᓐᓂᓗ ᐃᑲᔪᕐᓯᒪᒍᑎᐅᑎᓪᓗᒋᑦ.

• ᐃᓕᓐᓂᐊᕕᒻᒥ ᐱᓇᓱᑦᑎᓄᑦ ᓄᐃᑎᕆᓗᓂ, ᐊᑐᕐᑕᐅᔪᑦᓴᓕᐅᖃᑦᑕᓗᓂ ᐊᒻᒪᓗ ᐃᓕᓐᓂᐊᑎᑦᓯᖃᑦᑕᓗᓂ ᑲᑎᒪᓂᐊᕈᓯᖃᕐᑎᓯᖃᑦᑕᓗᓂᓗ ᐃᓘᓐᓇᖏᓐᓄᐊᖓᔪᓂᒃ ᐱᓇᓲᑎᑦᓴᓄᑦ ᐃᓱᒪᒍᓯᓄᓪᓗ ᐃᓕᖓᔪᓄᑦ ᓴᑐᕐᓇᑐᓕᓐᓂᒃ ᐃᓕᓐᓂᐊᕕᖃᕐᓂᒧᑦ ᐱᓇᓱᒍᓯᒧᑦ.

• ᐋᕐᕿᓱᐃᖃᑦᑕᓗᓂ, ᐊᑐᓕᕐᑎᑕᐅᑎᑦᓯᖃᑦᑕᓗᓂ ᒪᓂᔨᖃᑦᑕᓗᓂᓗ ᐱᒋᐅᕐᓴᐅᑎᑦᓴᓂᒃ ᐊᒻᒪᓗ ᐃᓕᓐᓂᐊᕖᑦ ᐱᓇᓱᑦᑎᖏᓐᓂᒃ ᐃᑲᔪᖃᑦᑕᓗᓂ ᑲᔪᓯᑎᑦᓯᒐᓱᐊᕐᓂᑯᑦ ᐊᒻᒪᓗ ᓈᒻᒪᓯᐊᕐᑐᒥᒃ ᐊᑐᕐᑕᐅᑎᑦᓯᖃᑦᑕᓗᓂ ᐱᒍᑦᔨᐅᑎᓂᒃ ᐊᑐᐃᓐᓇᐅᑎᑕᐅᔪᓂᒃ ᓴᐳᒻᒥᔨᒃᑯᓄᑦ.

• ᐃᓕᓭᓗᓂ ᐃᑲᔪᕐᓗᓂ ᐱᓇᓱᖃᑎᒌᑦ ᓯᕗᓕᕐᑎᖏᓐᓂᒃ ᐊᒻᒪᓗ ᐃᓕᓐᓂᐊᕕᓐᓂ ᐱᓇᓱᖃᑎᒌᑦ ᐊᔪᖀᒋᐊᕐᑎᖏᓐᓂᒃ;

• ᐊᐅᓪᓚᑲᑕᖃᑦᑕᕈᓐᓇᕆᐊᓕᒃ ᓄᓇᕕᓕᒫᒥ;

• ᐊᓯᓕᒫᖏᓐᓂᒃ ᐱᓇᓱᒐᖓᓅᓕᖓᔪᓂᒃ ᑐᑭᑖᕐᑕᐅᔪᓂᒃ ᐊᖓᔪᕐᖄᖓᓄᑦ.

ᐱᒍᓐᓇᐅᑎᒋᒋᐊᓕᖏᑦ:

• ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓭᑦ ᐱᖓᔪᖓᓂ ᐃᓕᓐᓂᐊᓂᓕᕆᓂᕐᒧᑦ ᐱᔭᕇᕈᑎᑖᕐᓯᒪᓗᓂ ᐅᕝᕙᓘᓐᓃᑦ ᐊᑦᔨᐸᓱᖓᓂᒃ ᐱᓇᓱᒐᕐᒥᒃ

• ᐊᕐᕌᒎᓐᓂ ᒪᕐᕉᓂ ᐃᑭᓐᓂᐹᒥ ᐱᓇᓱᐊᕐᓯᒪᓗᓂ ᐃᓕᓐᓂᐊᑎᑦᓯᔨᐅᓂᕐᒥᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

• ᒪᕐᕉᓂᒃ ᐅᖃᐅᓰᓐᓂ ᐊᑐᕈᓐᓇᕆᐊᓕᒃ ᐅᑯᓇᓂ ᐅᖃᐅᓯᕐᓂ: ᐃᓄᑦᑎᑐᑦ, ᐅᐃᒍᐃᑎᑐᑦ, ᖃᓪᓗᓈᑎᑐᑦ;

• ᐱᓇᓱᐊᕐᓗᓂ ᑲᑎᕕᒃ ᐃᓕᓴᕐᓂᓕᕆᓂᕐᒥᒃ ᐱᐅᔫᕋᔭᕐᑐᖅ;

• ᐱᓇᓱᐊᕐᓯᒪᓗᓂ ᐃᓕᓐᓂᐊᑎᓂᒃ ᐱᓀᓗᑕᓕᓐᓂ;

• ᐃᓕᓐᓂᐊᕕᒻᒥ ᖃᕆᐊᒥ ᑲᒪᒍᓐᓇᓯᐊᕐᓗᓂ, ᖃᐅᔨᒪᓗᓂ ᖁᐊᕐᓵᓇᕐᑐᑰᕐᓯᒪᓂᕐᒧᑦ ᖃᐅᔨᒪᑎᑦᓯᓂᕐᒧᑦ ᐊᑐᕐᑕᐅᓲᓂᒃ ᐊᒻᒪᓗ ᐱᓇᓱᐊᕐᓯᒪᓗᓂ ᐃᓱᒪᑦᓯᐊᕋᓱᐊᕐᓂᒧᑦ ᐃᓕᓐᓂᐊᑎᑦᓯᒍᑎᐅᓲᓂ;

• ᖃᐅᔨᒪᓗᓂ ᐱᐅᔪᓂᒃ ᐱᐅᓯᕐᓄᑦ ᐱᓇᓱᐊᕐᓂᖅ ᐃᑲᔪᕐᓯᓂᕐᓗ;

• ᑲᑎᖕᖓᔪᓂ ᑲᔪᓯᑎᑦᓯᓂᕐᒥᒃ ᐱᒍᓐᓇᓗᓂ ᐊᒻᒪᓗ ᓯᕗᓕᕐᑎᐅᓯᒪᓗᓂ ᐅᖄᖃᑎᒌᑦᑎᓯᓂᕐᒥᒃ;

• ᐃᑉᐱᒍᓱᑦᓯᐊᓗᓂ, ᑐᑭᓯᒪᑦᓯᐊᑑᓗᓂ ᐊᒻᒪᓗ ᖃᐅᔨᒪᑦᓯᐊᓗᓂ ᐃᓄᐃᑦ ᐃᓗᕐᖁᓯᖓᓂᒃ/ᐊᑑᑎᓯᒪᔭᖏᓐᓂᓗ;

• ᐱᓇᓱᐊᑦᓯᐊᓲᖑᓗᓂ ᐊᒻᒪᓗ ᐱᓀᓗᑕᓂᒃ ᐋᕐᕿᓱᐃᒍᓐᓇᓯᐊᕐᓗᓂ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ ᐱᓇᓱᕝᕕᖃᕋᔭᕐᑐᖅ: $49,456-ᒥᑦ $92,027-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ..

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

• 20 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ

• ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ

• ᓄᓇᒃᑰᔫᕐ ᖃᑭᕈᓐᓇᑐᖅ ᐊᑮᑦᑐᒥ

• ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ

• ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ

• ᐱᓇᓱᕝᕕᒥ ᐱᐅᓰᒋᐊᕐᓂᒥᑦ ᐱᓇᓱᐊᕐᕕᓴᖅ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

• ᐊᐅᔭᒥ ᐱᓇᓱᐊᕐᕕᓴᖅ

• ᑕᕐᕋᒥᐅᒍᓂᕐᒧᑦ ᐊᑭᓕᕐᑕᐅᒋᐊᓪᓚᕈᑏᑦ

• ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ

• ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ

• ᐱᓇᓱᑎᑦᖃᑯᑖᕐᓂᖅ ᐱᓇᓱᑦᑎᐅᒍᒪᑎᑦᓯᒐᓱᐊᕐᓂᒧᓪᓗ ᐊᑭᓕᕐᑕᐅᒋᐊᓪᓚᕈᑏᑦ

• ᐱᒐᓱᕕᓪᓗᓂ ᑎᑭᓪᓗᒍ ᐅᑎᕐᕈᑎᖃᕐᓱᓂ ᖃᖓᑦᑕᐅᑏᑦ ᓄᓇᕕᒻᒥᓗ ᐱᑦᓱᑎᒃ

ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: 4:00 pm, ᔮᓄᐊᕆ 31, 2025

ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ, ᓇᓪᓕᑳᕐᓗᑎᑦ ᐅᑯᐊ ᓇᓪᓕᖏᓐᓂᑦ ᐃᓕᒐᓱᐊᕈᑕᐅᒍᓐᓇᑐᓂᒃ:

1. ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ

2) ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ applications@kativik.qc.ca ᓇᓗᓀᕐᓗᒍᓗ PEDFORMGENSS2501-01 ᐅᖄᔭᐅᔪᒥ ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ (e-mail).

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.