ᐃᓕᓐᓂᐊᕈᑎᑦᓴᓕᐅᕐᑎ ᖃᓪᓗᓈᑎᑐᑦ ᐅᖃᐅᓯᕐᖄᖓᓄᑦ ᑐᖓᓕᕆᔭᐅᑦᓱᓂ ᐃᓕᓐᓂᐊᑎᑦᓯᒍᑎᐅᑎᓪᓗᒍ ᐊᒻᒪᓗ ᐃᓅᖃᑎᒌᓅᓕᖓᔪᓂᒃ ᐃᓕᓐᓂᐊᕈᑎᓂᒃ - KI

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᓃᑦᓱᑎᒃ.

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ ᐅᖃᐅᓯᐅᑉ ᐁᑉᐱᐅᑎᖓᓂ ᐃᓕᓐᓂᐊᕈᑎᑦᓴᓕᐅᕐᓂᒥ, ᐱᓇᓱᒐᕐᒥ ᐱᔭᑦᓴᖁᑎᓕᒃ ᑲᒪᒋᔭᑦᓴᖃᕐᓂᒥᒃ ᐊᔪᖀᒋᐊᖃᑦᑕᓂᕐᒥᒃ ᓴᐳᑦᔨᓯᒪᓂᕐᒥᓗ ᐃᓕᓐᓂᐊᕕᓐᓄᑦ ᐊᑐᓕᕐᑎᑕᐅᓂᖏᓐᓂ, ᐱᖕᖑᑎᑕᐅᓂᖏᓐᓂ ᓇᐅᑦᓯᑐᕐᑕᐅᓂᖏᓐᓂᓗ ᐃᓕᓐᓂᐊᕈᑎᑦᓭ, ᖃᕆᐊᕐᒥᒃ ᐊᐅᓚᑦᓯᓂᓕᕆᓂᕐᒥᒃ ᐃᓕᓐᓂᐊᕈᑏᓪᓗ ᐱᐅᒃᑯᑎᖏᓐᓂᒃ.

ᐱᔭᑦᓴᕆᓚᖓᔭᖓ:

·       ᐳᓚᕋᕐᓗᒋᑦ ᐃᓕᓐᓂᐊᕖᑦ ᓄᓇᕕᐅᑉ ᓄᓇᓕᖏᓐᓂᑦ ᐃᑲᔪᕐᓯᒍᑎᐅᒋᐊᓕᓐᓂᒃ ᐃᓕᓐᓂᐊᕈᑎᓕᐅᕐᓂᑯᑦ ᐃᑲᔪᕐᓯᒋᐊᕐᑐᓗᓂ ᐃᓕᓐᓂᐊᑎᑦᓯᔨᓂᒃ ᖃᓪᓗᓈᑎᑐᑦ ᐅᖃᐅᓯᕐᖄᖓᓄᑦ ᑐᖓᓕᕆᔭᐅᑦᓱᓂ ᐃᓕᓐᓂᐊᑎᑦᓯᒍᑎᐅᑎᓪᓗᒍ ᐊᒻᒪᓗ ᐃᓅᖃᑎᒌᓅᓕᖓᔪᓂᒃ ᐃᓕᓐᓂᐊᕈᑎᓂᒃ;

·       ᐃᓚᐅᓗᓂ ᐃᓄᓐᓅᓕᖓᑦᓱᑎᒃ ᐅᕝᕙᓘᓐᓃᑦ ᐃᓄᐃᑦ ᐃᓕᓭᓂᕐᒥ ᑐᖕᖓᕕᖏᓐᓂᑦ ᓄᐃᑕᐅᓯᒪᑦᓱᑎᒃ ᐃᓕᓐᓂᐊᕈᑎᑦᓭᑦ ᐊᒻᒪᓗ ᐃᓕᓐᓂᐊᑎᑦᓯᓗᓂ ᐱᖁᑎᒋᒋᐊᓕᖏᑦ ᓴᓇᔭᐅᓂᑎᓪᓗᒋᑦ;

·       ᓄᓇᕕᐅᑉ ᐃᕐᖃᓇᕐᑐᖁᑎᖏᓐᓂᒃ ᐃᓕᓐᓂᐊᕈᑎᑦᓭᑦ ᓴᓇᔭᐅᓂᖏᑦ ᐊᑐᓕᕐᑎᑕᐅᓂᖏᓪᓗ ᐱᓇᓱᐊᕐᓗᒋᑦ ᐱᓇᓱᖃᑎᖃᕐᓗᓂ ᐃᓕᓐᓂᐊᕈᑎᓕᐅᕐᑎᓂᒃ, ᓄᓇᓕᒻᒥ ᐃᓄᓐᓂᒃ, ᐃᓕᓐᓂᐊᑎᓂᒃ ᐊᒻᒪᓗ ᐃᓕᓐᓂᐊᑎᑦᓯᔨᓂᒃ;

·       ᐃᓕᓐᓂᐊᕈᑎᓭᑦ ᐱᐅᓕᓂᐊᒐᑦᓴᖏᓐᓂᒃ ᖃᐅᔨᓴᕐᓂᒧᓪᓗ ᓴᓇᕐᕈᑎᖏᓐᓂᒃ ᓴᓇᓗᓂ; ᐱᑕᖃᕐᑎᓯᓗᓂ ᖃᐅᔨᓴᕐᓗᓂᓗ ᐊᑕᐅᓯᐅᓕᕐᑎᑕᐅᓯᒪᔪᓂᒃ ᐃᓕᓐᓂᐊᑏᑦ ᐃᓕᓐᓂᐊᑕᒥᓂᒃ ᖃᐅᔨᓴᕐᑕᐅᒍᑎᖏᓐᓂᒃ;

·       ᖃᓪᓗᓈᑎᑑᕐᑐᓂᒃ ᐃᓕᓐᓂᐊᑐᓂ ᐱᑕᖃᕆᐊᓕᓐᓂᒃ ᐃᓕᓐᓂᐊᕈᑎᑦᓴᓄᑦ ᐱᖁᑎᒋᔭᐅᒋᐊᓖᑦ ᖃᓪᓗᓈᑎᑐᑦ ᐊᒻᒪᓗ ᐃᓅᖃᑎᒌᓅᓕᖓᔪᓂᒃ ᐃᓕᓐᓂᐊᕈᑎᓄᑦ ᐱᑕᖃᕐᓂᖏᑦᑕ ᑭᓯᑕᐅᒪᒍᑎᒋᒋᐊᓕᖏᓐᓂᒃ ᐱᓇᓱᒋᐊᓪᓚᒍᑎᓂᒃ ᑲᒪᓗᓂ;

·       ᑖᒃᑯᓇᓂ ᐃᓕᓐᓂᐊᑎᑦᓯᒍᑎᐅᔪᓂ ᐱᓪᓗᑯᐊᐱᑦᑕᐅᓱᑎᒃ ᐱᓇᓱᐊᕐᑕᐅᔪᓂᒃ ᐃᑲᔪᕐᓗᓂ;

·       ᑖᒃᑯᓄᖓ ᐃᓕᖓᔪᑦ ᐱᔭᑦᓭᑦ ᐱᓇᓱᓪᓗᒋᑦ.

ᐱᒍᓐᓇᐅᑎᒋᒋᐊᓕᖏᑦ:

ᓯᕗᓪᓕᖓᓂ ᐳᕐᑐᓂᕐᒥ ᐃᓕᓐᓂᐊᕕᕐᔪᐊᒥ ᐱᔪᓐᓇᐅᑎᖃᕐᓗᓂ ᐃᓕᖓᓂᖃᕐᑎᑕᐅᒍᓐᓇᑐᒥᒃ ᐱᓪᓗᑯᑦᑕᐅᒋᐊᓕᓕᕆᓂᕐᒥᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᒋᐊᓕᖏᑦ:

·       ᐱᖁᔭᓐᓂᐊᓂᓕᕆᓂᕐᒨᓕᖓᔪᓂᒃ ᐃᓕᓭᓂᕐᒧᑦ ᐱᔪᓐᓇᐅᑎᒃ ᑯᐯᒻᒥ ᐱᓯᒪᔪᖅ, ᑲᓇᑕᒥ ᐱᓯᒪᔪᕐᓘᓃᑦ;

·       ᐱᓇᓱᓚᐅᕐᓯᒪᓂᖅ ᐃᓕᓐᓂᐊᑎᑦᓯᔨᐅᓗᓂ, ᓯᕗᓕᕐᑎᒋᔭᐅᓗᓂ, ᐱᒋᐅᕐᓴᑎᑦᓯᔨᒋᔭᐅᓗᓂᓘᓐᓃᑦ;

·       ᖃᕆᑕᐅᔭᒥᒃ ᐱᓇᓱᒍᑎᖃᕈᓐᓇᓂᖅ;

·       ᖃᓪᓗᓈᑎᑐᑦ ᖃᐃᔨᒪᓪᓚᕆᒋᐊᓕᒃ;

·       ᐃᓄᒃᑎᑐᑦ ᖃᐅᔨᒪᒍᓂ ᐊᒻᒪᓗ/ᐅᕝᕙᓘᓐᓃᑦ ᒍᐃᒍᐃᑎᑐᑦ ᐱᐅᔪᖁᑎᒋᔭᖅ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ

ᐱᓇᓱᕝᕕᖃᕋᔭᕐᑐᖅ: $55,282-ᒥᑦ $102,857-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.