ᐃᓕᓐᓂᐊᕈᑎᑦᓴᓕᐅᕐᓂᒥᒃ ᖃᐅᔨᒪᔨ ᒍᐃᒍᐃᑎᑐᑦ ᐅᖃᐅᓯᐅᑉ ᐁᑉᐱᐅᑎᖓᓂᑦ ᐊᒻᒪᓗ ᐃᓅᑦᔪᓯᓕᕆᓂᖅ - KI

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ. ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᓃᑦᓱᑎᒃ ᑕᓯᐅᔭᕐᔪᐊᑉ ᐅᖓᕙᐅᓪᓗ ᓯᑦᔭᒋᓐᓂ.

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ ᐅᖃᐅᓯᐅᑉ ᐁᑉᐱᐅᑎᖓᓂ ᐃᓕᓐᓂᐊᕈᑎᑦᓴᓕᐅᕐᓂᒥ, ᐃᓕᓐᓂᐊᓂᓕᕆᓂᕐᒥ ᖃᐅᔨᒋᐊᕐᕕᒃ ᑲᒪᒋᔭᓕᒃ ᓴᐳᒻᒥᓂᕐᒥᒃ ᐃᓕᓐᓂᐊᕕᓐᓂᒃ ᐊᑐᓕᕐᑎᑕᐅᓂᖏᓐᓂᒃ, ᐱᕙᓪᓕᐊᑎᑕᐅᓂᖏᓐᓂᒃ ᐊᒻᒪᓗ ᓇᐅᑦᓯᑐᐃᓂᖏᓐᓂᒃ ᐃᓕᓐᓂᐊᕈᑎᓂᒃ ᐊᒻᒪᓗ ᐃᓕᓐᓂᐊᑎᑦᓯᔩᑦ ᐃᓕᓐᓂᐊᑎᑦᓯᒍᑎᑦᓴᖏᓐᓂᒃ ᐸᕐᓀᓂᕐᒥᒃ, ᐃᓕᓐᓂᐊᕕᒻᒥ ᐊᐅᓚᑦᓯᓂᕐᒥᒃ, ᐊᒻᒪᓗ ᐃᓕᓐᓂᐊᑎᑦᓯᒍᑎᑦᓴᓂᒃ ᐱᐅᒃᑯᑎᓂᒃ.

ᐃᓂᖓ ᐱᓇᓱᐊᕆᐊᓕᖏᓪᓗ:

·       ᐃᑲᔪᕐᓯᓗᑎᑦ ᐱᐅᔫᓂᖏᑦ ᐃᓕᕐᖁᓯᕐᑎᒍᓪᓗ ᐃᓕᓐᓂᐊᓂᖏᓐᓂᑦ ᓄᓇᕕᒻᒥ ᓄᓇᓕᓐᓂ ᐱᓗᐊᕐᑐᒥᒃ ᓴᐳᑦᔨᓗᑎᑦ ᐳᒃᑭᓂᕐᓴᒥ ᐃᓕᓐᓂᐊᑎᑦᓯᔨᓂᑦ ᐅᐃᒍᐃᑎᑐᑦ ᐅᖃᐅᓯᐅᑉ ᐁᑉᐱᐅᑎᖓᓂ ᐊᒻᒪᓗ ᐃᓅᖃᑎᒌᓕᕆᓂᕐᒥ;

·       ᐃᓚᐅᖃᑦᑕᓗᓂ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐱᕙᓪᓕᐊᑎᑦᓯᒐᓱᐊᕐᓂᖓᓂᒃ ᐱᔪᓐᓇᓯᐊᕐᓂᒥᒃ-ᑐᖕᖓᕕᓕᓐᓂᒃ ᐃᓕᓐᓂᐊᕋᑦᓴᓂᒃ ᐃᓄᐃᑦ ᐃᓗᕐᖁᓯᖓᒍᑦ, ᐅᖃᐅᓯᖓᒍᑦ ᐊᒻᒪᓗ ᐱᒻᒪᕆᐅᔪᖁᑎᖏᑎᒍᑦ ᑐᕌᖓᓂᓕᓐᓂᒃ, ᐃᓕᓐᓂᐊᑎᑦᓯᖃᑦᑕᓗᓂ ᐃᓕᓐᓂᐊᑎᑦᓯᔨᓂᒃ ᖃᓄᖅ ᐊᑐᓕᕐᑎᓯᓂᕐᒥᒃ;

·       ᐱᒋᐅᕐᓴᑎᑦᓯᓂᖃᖃᑦᑕᓗᓂ ᐊᒻᒪᓗ ᖃᐅᔨᓴᕐᓂᖃᖃᑦᑕᓗᓂ ᐃᓚᐅᑎᓪᓗᒋᑦ ᐃᓕᓐᓂᐊᑎᑦᓯᒍᑎᑦᓭᑦ ᕿᒥᕐᕈᐊᖏᓐᓂᑦ ᐳᕐᑐᓂᕐᓴᒦᑦᑐᓄᑦ ᐅᐃᒍᐃᑎᑐᑦ ᐊᒻᒪᓗ ᐃᓅᑦᔪᓯᓕᕆᓂᕐᓄᑦ

·       ᐊᑐᐃᓐᓇᕈᕐᑎᓗᒋᑦ ᐃᓕᓭᓂᖅ ᐱᒋᐅᕐᓴᑎᑦᓯᓂᕐᒥᒃ, ᑲᑎᒪᓂᐊᕈᓯᕐᓂᒃ, ᐊᒻᒪᓗ ᐱᓇᓱᐊᖃᑎᒌᓐᓂᓂᒃ ᐃᓕᓭᔨᓂᒃ ᑲᑎᒪᓂᖃᕐᑎᓗᒋᑦ ᐅᕝᕙᓘᓐᓃᑦ ᖃᕆᑕᐅᔭᒃᑯᑦ;

·       ᓄᑕᐅᓯᓕᕐᑎᓯᓂᖃᑦᓯᐊᓗᑎᒃ ᑭᓯᑕᐅᒪᐅᑎᓂᒃ ᐱᐅᒃᑯᑎᓂᒃ ᐅᐃᒍᐃᑎᑐᑦ ᐅᖃᐅᓯᐅᑉ ᐁᑉᐱᐅᑎᖓᓂᒃ ᐊᒻᒪᓗ ᐃᓅᖃᑎᒌᓐᓂᒨᓕᖓᔪᑦ ᖃᐅᔨᓴᕐᑕᐅᒍᑎᓂᒃ ᐳᒃᑭᓂᕐᓴᓂ ᐅᐃᒍᐃᑎᑑᕐᑐᓂᒃ;

·       ᑲᒪᒋᔭᖃᖃᑦᑕᓗᓂ ᐊᒻᒪᓗ ᐃᕐᐸᑎᑦᓯᖃᑦᑕᓗᓂ ᐱᐅᓯᕐᓲᑎᓂᒃ ᐊᒻᒪᓗ ᐃᓕᓴᐅᑎᑦᓴᓂᒃ, ᐊᒻᒪᓗ ᖃᐅᔨᒋᐊᕐᕕᖃᖃᑦᑕᓗᓂ ᐳᒃᑭᓂᕐᓴᒥ ᐃᓕᓭᔨᓂᒃ ᐅᐃᒍᐃᑎᑐᑦ ᐅᖃᐅᓯᐅᑉ ᐁᑉᐸᖓᓂᒃ ᐃᑲᔪᕐᓯᒋᐊᕐᓗᒋᑦ ᐱᔪᓐᓇᐅᑎᒥᒍᑦ ᐱᕙᓪᓕᐊᑎᑕᐅᒋᐊᖃᕐᓂᖏᓐᓄᑦ ᐊᒻᒪᓗ ᐃᓕᓴᐅᑎᑦᓴᓕᐊᒍᓯᒪᔪᓄᑦ ᐱᐅᔫᓂᖏᓐᓄᑦ

·       ᐃᑲᔪᖃᑦᑕᓗᓂ ᐃᓕᓐᓂᐊᕈᑎᑦᓴᓂᒃ ᐃᓱᒪᑦᓴᓯᐅᕈᓐᓇᓂᖃᑦᓯᐊᕐᑐᓂᒃ ᐊᒻᒪᓗ ᐱᓀᓗᑕᐅᔪᓂᒃ ᐋᕐᕿᓱᐃᒍᓐᓇᑐᓂᒃ ᐳᒃᑭᓂᕐᓴᓂ ᐅᐃᒍᐃᑎᑐᑦ ᐅᖃᐅᓯᖃᕐᓱᓂ ᐁᑉᐱᐅᑎᖓᓂᒃ;

·       ᐱᓇᓱᐊᖃᑎᖃᕐᓗᓂ ᐃᓕᓴᕐᓂᓕᕆᔨᒃᑯᑦ ᐱᒍᑦᔨᕕᖓᓂ ᐊᓯᖏᓐᓂᓗ ᐱᓇᓱᕝᕕᓂ ᐱᓇᓱᑦᑎᓂᒃ

·       ᐱᓇᓱᐊᖃᑦᑕᒥᓗᓂ ᐱᓇᓱᐊᕐᑕᐅᖁᔭᐅᔪᓂᒃ ᐊᖓᔪᕐᖄᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥ ᓯᕗᓪᓕᐹᖓᓂᒃ ᐱᔭᕇᕐᓯᒪᐅᑎᖓᓗᓂ ᑌᒣᑦᑐᓅᓕᖓᔪᒥᒃ.

ᐃᓕᓐᓂᐊᕕᕐᔪᐊᒥ ᐳᕐᑐᓂᕐᐸᒥᒃ ᐱᔭᕇᕈᓯᕐᑕᐅᓯᒪᓗᓂ ᑕᒡᒐᓂ ᐃᓂᒥ ᐱᒍᓐᓇᐅᑎᒋᔭᐅᒋᐊᓕᓐᓄᑦ ᐱᑐᑦᓯᒪᓂᖃᕐᑐᒥᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

ᐊᑐᕈᓐᓇᕆᐊᓕᖏᑦ:

·       ᐃᓕᓐᓂᐊᑎᑦᓯᕈᓐᓇᐅᑎᖃᕐᓗᓂ ᑯᐯᒃᒥ.

·       ᐃᓕᓐᓂᐊᑎᑦᓯᓯᒪᔫᓗᓂ ᐳᕐᑐᓂᕐᓴᓂ

·       ᖃᐅᔨᒪᓂᖃᑦᓯᐊᓗᓂ ᐅᐃᒍᐃᑎᑐᑦ

·       ᖃᕆᑕᐅᔭᕈᓐᓇᓗᓂ (ᐱᓗᐊᕐᑐᒥᒃ ᖃᕆᑕᐅᔭᕈᑎᒥᒃ Microsoft Office 365 suite ᐊᒻᒪᓗ Teams)

·       ᓄᓇᕕᒻᒥ ᐃᓕᓐᓂᐊᑎᑦᓯᓯᒪᔫᓗᓂ ᐱᐅᔫᒐᔭᕐᑐᖅ

·       ᐊᐅᓪᓚᓂᖃᑦᑕᓚᖓᔪᖅ ᓄᓇᕕᐅᑉ ᓄᓇᓕᖏᓐᓄᑦ;

·       ᐃᓄᑦᑎᑑᕈᓐᓇᓗᓂ ᐊᒻᒪᓗ/ᐅᕝᕙᓘᓐᓃᑦ ᖃᓪᓗᓈᑎᑑᕈᓐᓇᓗᓂ ᐱᐅᔫᒐᔭᕐᑐᖅ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ ᐱᓇᓱᕝᕕᖃᕋᔭᕐᑐᖅ : $56,670-ᓂᑦ $105,432-ᓄᑦ ᑎᑭᐅᑎᒍᓐᓇᑐᑦ ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᑐᙵᕕᒋᓗᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.