ᐃᓕᓐᓂᐊᕈᑎᓕᐅᕐᑎ - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᑖᓐᓇ ᐊᖓᔪᕐᖄᖃᕐᓗᓂ ᐊᑕᐅᑦᓯᑰᕐᑎᓯᔨᖓᓂᒃ ᓴᑐᕐᓇᑐᓕᓐᓂᒃ ᐃᓕᓐᓂᐊᕕᖃᕐᓂᒥ ᐱᒍᑦᔨᕕᖓᓂᒃ ᑲᒪᒋᔭᖃᕋᔭᕐᑐᖅ ᐅᑯᓂᖓ:

ᐃᓂᖓ ᐱᓇᓱᐊᕆᐊᓕᖏᓪᓗ:

·         ᐃᑲᔪᕐᓗᓂ ᐃᓕᓐᓂᐊᕕᓐᓂᒃ ᐊᑐᓕᕐᑎᑕᐅᓂᖓᓂᒃ ᓴᑐᕐᓇᑐᓕᓐᓂᒃ ᐃᓕᓐᓂᐊᕕᖃᕐᓂᒥᒃ ᐊᑐᕐᑕᐅᓂᖓᓂᒃ (ᖁᐊᕐᓵᓇᕐᑐᑰᕐᓯᒪᓂᕐᒥ ᖃᐅᔨᒪᑎᑕᐅᓂᕐᒥ ᐊᑐᕐᑕᐅᓲᓂᒃ ᐃᓕᓐᓂᐊᕕᓐᓂ/ ᐱᐅᔪᓄᑦ ᐱᐅᓯᕐᓄᑦ ᐱᓇᓱᐊᕐᓂᖅ ᐃᑲᔪᕐᓯᓂᕐᓗ);

·         ᐃᑲᔪᕐᓗᓂ ᐃᓕᓐᓂᐊᑎᑦᓯᔨᓂᒃ ᐃᓕᓐᓂᐊᕕᒻᒥᓗ ᐱᓇᓱᑦᑎᓂᒃ ᐃᓕᓐᓂᐊᕕᒻᒥ ᖃᕆᐊᒥ ᐊᒻᒪᓗ ᐱᐅᓯᕆᔭᐅᔪᓂᒃ ᑲᒪᒋᔭᖃᕐᓗᓂ ᐃᓕᓐᓂᐊᕕᓕᒫᒥ ᑲᔪᓯᑦᓯᐊᑎᑦᓯᓗᓂ ᐱᓇᓱᐊᕈᑎᐅᔪᓄᑦ;

·         ᐊᑐᐃᓐᓇᕈᕐᑎᓗᓂ, ᑐᓴᕐᑎᓯᓗᓂ ᐊᒻᒪᓗ ᐃᓚᐅᓗᓂ ᑲᑎᒪᓂᐊᕈᓯᕐᓂ ᑖᑦᓱᒧᖕᖓᓕᖓᔪᓂᒃ ᐱᓇᓱᐊᕈᑎᐅᔪᓂᒃ;

·         ᐃᓕᓭᓗᓂ ᐃᑲᔪᕐᓗᓂ ᐱᓇᓱᖃᑎᒌᑦ ᓯᕗᓕᕐᑎᖏᓐᓂᒃ ᐊᒻᒪᓗ ᐃᓕᓐᓂᐊᕕᓐᓂ ᐱᓇᓱᖃᑎᒌᑦ ᐊᔪᖀᒋᐊᕐᑎᖏᓐᓂᒃ;

·         ᐊᐅᓪᓚᑲᑕᖃᑦᑕᕈᓐᓇᕆᐊᓕᒃ ᓄᓇᕕᓕᒫᒥ;

·         ᐊᓯᓕᒫᖏᓐᓂᒃ ᐱᓇᓱᒐᖓᓅᓕᖓᔪᓂᒃ ᑐᑭᑖᕐᑕᐅᔪᓂᒃ ᐊᖓᔪᕐᖄᖓᓄᑦ.

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓭᑦ ᐱᖓᔪᖓᓂ ᐃᓕᓐᓂᐊᓂᓕᕆᓂᕐᒧᑦ ᐱᔭᕇᕈᑎᑖᕐᓯᒪᓗᓂ ᐅᕝᕙᓘᓐᓃᑦ ᐊᑦᔨᐸᓱᖓᓂᒃ ᐱᓇᓱᒐᕐᒥᒃ

ᐊᕐᕌᒎᓐᓂ ᒪᕐᕉᓂ ᐃᑭᓐᓂᐹᒥ ᐱᓇᓱᐊᕐᓯᒪᓗᓂ ᐃᓕᓐᓂᐊᑎᑦᓯᔨᐅᓂᕐᒥᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

·         ᒪᕐᕉᓂᒃ ᐅᖃᐅᓰᓐᓂ ᐊᑐᕈᓐᓇᕆᐊᓕᒃ ᐅᑯᓇᓂ ᐅᖃᐅᓯᕐᓂ: ᐃᓄᑦᑎᑐᑦ, ᐅᐃᒍᐃᑎᑐᑦ, ᖃᓪᓗᓈᑎᑐᑦ;

·         ᐱᓇᓱᐊᕐᓗᓂ ᑲᑎᕕᒃ ᐃᓕᓴᕐᓂᓕᕆᓂᕐᒥᒃ ᐱᐅᔫᕋᔭᕐᑐᖅ;

·         ᐱᓇᓱᐊᕐᓯᒪᓗᓂ ᐃᓕᓐᓂᐊᑎᓂᒃ ᐱᓀᓗᑕᓕᓐᓂ;

·         ᐃᓕᓐᓂᐊᕕᒻᒥ ᖃᕆᐊᒥ ᑲᒪᒍᓐᓇᓯᐊᕐᓗᓂ, ᖃᐅᔨᒪᓗᓂ ᖁᐊᕐᓵᓇᕐᑐᑰᕐᓯᒪᓂᕐᒧᑦ ᖃᐅᔨᒪᑎᑦᓯᓂᕐᒧᑦ ᐊᑐᕐᑕᐅᓲᓂᒃ ᐊᒻᒪᓗ ᐱᓇᓱᐊᕐᓯᒪᓗᓂ ᐃᓱᒪᑦᓯᐊᕋᓱᐊᕐᓂᒧᑦ ᐃᓕᓐᓂᐊᑎᑦᓯᒍᑎᐅᓲᓂ;

·         ᖃᐅᔨᒪᓗᓂ ᐱᐅᔪᓂᒃ ᐱᐅᓯᕐᓄᑦ ᐱᓇᓱᐊᕐᓂᖅ ᐃᑲᔪᕐᓯᓂᕐᓗ;

·         ᑲᑎᖕᖓᔪᓂ ᑲᔪᓯᑎᑦᓯᓂᕐᒥᒃ ᐱᒍᓐᓇᓗᓂ ᐊᒻᒪᓗ ᓯᕗᓕᕐᑎᐅᓯᒪᓗᓂ ᐅᖄᖃᑎᒌᑦᑎᓯᓂᕐᒥᒃ;

·         ᐃᑉᐱᒍᓱᑦᓯᐊᓗᓂ, ᑐᑭᓯᒪᑦᓯᐊᑑᓗᓂ ᐊᒻᒪᓗ ᖃᐅᔨᒪᑦᓯᐊᓗᓂ ᐃᓄᐃᑦ ᐃᓗᕐᖁᓯᖓᓂᒃ/ᐊᑑᑎᓯᒪᔭᖏᓐᓂᓗ;

·         ᐱᓇᓱᐊᑦᓯᐊᓲᖑᓗᓂ ᐊᒻᒪᓗ ᐱᓀᓗᑕᓂᒃ ᐋᕐᕿᓱᐃᒍᓐᓇᓯᐊᕐᓗᓂ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ ᐱᓇᓱᕝᕕᖃᕋᔭᕐᑐᖅ: $49,456-ᒥᑦ $92,027-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.