ᐃᓕᓐᓂᐊᓂᕐᒥ ᖃᐅᔨᒪᔨ - ᐃᓄᑦᑎᑐᑦ ᐃᓕᓐᓂᐊᕈᑎᑦᓴᓕᐅᕐᑎ ᓴᐳᑦᔨᔨᐅᑦᓱᓂᓗ - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᐱᓇᓱᒐᖓ ᐃᓕᓐᓂᐊᓂᕐᒥ ᖃᐅᔨᒪᔨᐅᑉ ᐃᓕᓐᓂᐊᕈᑎᑦᓴᓕᐅᕐᕕᒥ ᓴᐳᑦᔨᔨᐅᑦᓱᓂᓗ ᐊᖓᔪᕐᖄᖃᓲᖅ ᐃᑲᔪᕐᑎᖓᓂᒃ ᑐᑭᒧᐊᑦᑎᓯᔨᐅᑉ ᐃᓄᑦᑎᑐᑦ ᐅᖃᐅᓯᕐᒥ ᐃᓕᓐᓂᐊᕈᑎᑦᓴᓕᐅᕐᕕᐅᑉ ᐱᓇᓱᕝᕕᖓᓂ. ᐃᓕᓐᓂᐊᕈᑎᑦᓴᓕᐅᕐᑎ ᓯᕗᓪᓕᐹᒥ ᐃᑲᔪᕐᑎᐅᒋᐊᓕᒃ ᐃᑲᔪᕐᑎᖓᓄᑦ ᑐᑭᒧᐊᑦᑎᓯᔨᐅᑉ ᐊᒻᒪᓗ ᐊᓯᖏᓐᓄᑦ ᐃᓕᓐᓂᐊᓂᕐᒥ ᖃᐅᔨᒪᔨᓄᑦ ᐊᑕᐅᑦᓯᑰᕐᑎᓯᓂᕐᒥ ᖃᐅᔨᓴᐅᑎᓄᑦ, ᖃᐅᔨᓴᕐᓂᒧᑦ, ᐃᑲᔪᕐᑎᐅᓂᕐᒧᑦ ᐊᒻᒪᓗ ᐋᕐᕿᓱᐃᓂᕐᒧᑦ ᐃᓕᓐᓂᐊᕆᐊᖕᖓᑐᓂᑦ ᐳᕐᑐᓂᕐᓴᒧᑦ 5-ᒧᑦ ᑎᑭᑦᑐᓂᒃ ᐃᓕᓐᓂᐊᑕᐅᔪᑦᓴᓂᒃ ᐊᑦᔨᒌᖕᖏᑐᓂ ᐃᓕᓐᓂᐊᑕᐅᓲᓂ ᐃᓄᑦᑎᑐᑦ ᐃᓕᓐᓂᐊᓱᑎᒃ.

ᐃᓘᓐᓈᒍᑦ, ᑖᓐᓇ ᐱᓇᓱᒐᖅ ᐃᓚᐅᑎᑦᓯᔪᖅ ᐅᑯᓂᖓ ᑲᒪᒋᔭᖃᕆᐊᖃᕐᓂᓂᒃ:

·       ᐃᓕᓐᓂᐊᕈᑎᑦᓴᓕᐅᕐᓂᖅ ᐃᓄᑦᑎᑑᕐᑐᓂᒃ ᑲᑐᑦᔨᖃᑎᖃᕐᓗᓂ ᓯᓚᑖᓂᑦ ᐱᓯᒪᔪᓂᒃ ᖃᐅᔨᒋᐊᕐᕕᓂᒃ;

·       ᓴᓇᓂᖅ ᓄᑕᐅᓯᓖᓂᕐᓗ ᐃᓕᓐᓂᐊᑎᑦᓯᒍᑎᓂᒃ, ᐃᓕᓐᓂᐊᕈᑎᓂᒃ, ᖃᐅᔨᓴᕈᑎᓂᒃ ᐊᒻᒪᓗ ᐊᓯᖏᓐᓂᒃ ᐃᓕᓐᓂᐊᑎᑦᓯᔩᑦ ᐃᓕᓐᓂᐊᑏᓪᓗ ᐊᑐᕈᓐᓇᑕᖏᓐᓂᒃ;

·       ᓴᐳᑦᔨᓂᖅ ᐊᒻᒪᓗ ᐃᓕᓐᓂᐊᑎᑦᓯᓂᖅ ᐊᓯᖏᓐᓂᒃ ᐃᓕᓐᓂᐊᑎᑦᓯᔨᓂᒃ ᐱᑦᔪᑎᒋᓗᒍ ᐊᑐᕐᓂᖅ ᖃᕆᑕᐅᔭᓂᒃ ᐱᓇᓱᒍᑎᓂᒃ ᐊᑐᕐᑕᐅᒋᐊᓕᓐᓂᒃ ᐃᓕᓐᓂᐊᑎᑦᓯᓂᕐᒥ;

·       ᐊᕐᕕᑕᓕᑭᑕᕐᓗᓂ ᓄᓇᕕᓕᒫᒥ

·       ᐱᓇᓱᐊᕐᓂᖅ ᐊᓯᓕᒫᖏᓐᓂᒃ ᑖᑦᓱᒧᖓ ᐱᓇᓱᒐᕐᒨᓕᖓᔪᓂᒃ ᐊᑐᕐᑕᐅᖁᔭᐅᔪᓂᒃ ᐃᑲᔪᕐᑎᖓᓄᑦ ᑐᑭᒧᐊᑦᑎᓯᔨᐅᑉ.

ᐱᒍᓐᓇᐅᑎᒋᒋᐊᓕᖏᑦ:

ᓯᕗᓪᓕᐹᒥ ᐳᕐᑐᓂᕐᒥ ᐃᓕᓐᓂᐊᕕᕐᔪᐊᒥ ᐱᔭᕇᕈᑎᖃᕐᓗᓂ ᑖᑦᓱᒧᖕᖓᓕᖓᔪᓂᒃ ᐱᒍᓐᓇᐅᑎᖃᕐᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

ᐊᑐᕈᓐᓇᕆᐊᓕᖏᑦ:

·       ᐱᖓᓱᓂᒃ (3) ᑕᓪᓕᒪᒧᑦ (5) ᐊᕐᕌᒍᓂᒃ ᐱᓇᓱᐊᕐᓯᒪᓗᓂ ᑖᑦᓱᒧᖕᖓᓕᖓᔪᓂᒃ

·       ᐅᖄᒍᓐᓇᓯᐊᕐᓂᖅ ᐃᓄᑦᑎᑐᑦ ᐊᒻᒪᓗ ᐱᓇᓱᓪᓗᓂ ᖃᐅᔨᒪᓂᖅ ᐊᑕᐅᓯᕐᒥᒃ ᐊᓯᖏᓐᓂᑦ ᒪᕐᕉᓂᑦ ᐅᖃᐅᓯᖏᓐᓂᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ (ᐅᐃᒍᐃᑎᑐᑦ ᖃᓪᓗᓈᑎᑐᓪᓘᓃᑦ);

·       ᖃᐅᔨᒪᓗᓂ ᐊᑐᕐᓂᒥᒃ ᖃᕆᑕᐅᔭᒃᑯᑦ ᐱᓇᓱᒍᑎᓂᒃ ᐊᑐᕐᑕᐅᒋᐊᓕᓐᓂᒃ ᐃᓕᓐᓂᐊᑎᑦᓯᓂᕐᒥ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ ᐱᓇᓱᕝᕕᖃᕋᔭᕐᑐᖅ: $56,670-ᒥᑦ $105,432-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.