ᐃᓕᓐᓂᐊᕈᑎᑦᓴᓕᐅᕐᓂᓄᑦ ᖃᐅᔨᒋᐊᕐᕕᒃ – ᐃᑲᔪᕐᑐᐃᔨ ᐃᓄᒃᑎᑐᑦ ᐃᓕᓐᓂᐊᕈᑎᑦᓴᓂᒃ (ᒪᕐᕉᒃ ᐱᓇᓱᒐᑦᓵᒃ)

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᑖᓐᓇ ᐱᓇᓱᒐᖅ ᐃᓕᓐᓂᐊᓂᓕᕆᓂᕐᒥᒃ ᖃᐅᔨᒋᐊᕐᕕᒃ ᐃᓄᒃᑎᑐᑦ ᐃᓕᓐᓂᐊᕈᑎᑦᓴᓄᑦ ᐃᑲᔪᕐᑐᐃᓂᖅ (ICS) ᖃᐅᔨᑎᑦᓯᔨᐅᓗᓂ ᑐᑭᒧᐊᕐᑎᓯᔨᐅᑉ ᐃᑲᔪᕐᑎᖓᓄᑦ ᐃᓄᒃᑎᑐᑦ ᐅᖃᐅᓯᕐᓄᑦ ᐱᓇᓱᖃᑎᒌᓄᑦ ᐃᓕᓐᓂᐊᕈᑎᑦᓴᓕᕆᕕᒻᒥ. ICS ᑲᒪᒋᔭᖃᕐᑐᖅ ᐱᔨᑦᓯᔨᐅᑦᓱᓂ ᐃᓄᐃᑦ ᐃᓕᓐᓂᐊᑎᑦᓯᕕᖏᓐᓂᒃ ᐁᓯᒪᑦᓱᑎᒃ ᖃᕆᑕᐅᔭᒃᑯᓘᓐᓃᑦ ᑲᑎᕕᒃ ᐃᓕᓴᕐᓂᓕᕆᕕᒃᑯᑦ ᐃᓕᓐᓂᐊᕈᑕᐅᕙᑦᑐᓄᑦ. ᐱᓇᓱᖃᑎᖃᕐᓱᑎᒃ ᐃᓄᒃᑎᑐᑦ ᐅᖃᐅᓯᓕᕆᔨᓂᒃ ᐃᓕᓐᓂᐊᕈᑎᓕᕆᔨᒃᑯᓂ, ICS-ᑯᑦ ᐃᑲᔪᕐᑐᐃᕙᑉᐳᑦ ᐱᕙᓪᓕᐊᒍᒪᔪᓂᒃ ᐃᓕᓐᓂᐊᕈᑎᑦᓴᓂᒃ ᐋᕐᕿᓱᐃᕙᓪᓕᐊᓂᕐᒧᑦ, ᐊᑐᓕᕐᑎᓯᓂᒃᑯᑦ,ᐋᕐᖀᒋᐊᖃᑦᑕᓗᑎᒃ ᐱᔭᕆᐊᓕᖏᓐᓂᓗ ᐊᓯᖏᓐᓂᒃ ᑎᓕᔭᐅᓯᒪᔪᓂᒃ ᑐᑭᒧᐊᕐᑎᓯᔨᐅᑉ ᐃᑲᔪᕐᑎᖓᓄᑦ.

ᐃᓘᓐᓈᒍᑦ, ᑖᓐᓇ ᐱᓇᓱᒐᖅ ᐃᓚᐅᑎᑦᓯᔪᖅ ᐅᑯᓂᖓ ᑲᒪᒋᔭᖃᕆᐊᖃᕐᓂᓂᒃ:

·       ᐃᑲᔪᕐᑐᐃᔨ ᐃᓄᒃᑎᑐᑦ ᐃᓕᓐᓂᐊᑎᑦᓯᔨᓕᒫᓂᒃ ᐊᑯᓂ ᐊᑯᓂᐅᖕᖏᑐᕐᓘᓃᑦ ᐊᑐᐃᓐᓇᕈᕐᑎᓂᕐᒧᑦ, ᑎᑭᓭᔨ ᐃᓕᓐᓂᐊᑎᑦᓯᔩᑦ ᐃᓕᓐᓂᐊᑏᓪᓗ ᐱᓇᓱᕈᑎᑦᓴᖏᓐᓂᒃ ᑎᑭᓭᕈᑎᓂᒃ ᐱᔪᓂᒃ, ᐃᓕᓐᓂᐊᕕᐅᑉ ᖃᕆᐊᖓᓂ ᐋᕐᑭᓯᒪᑦᓯᐊᑎᑦᓯᔨ, ᖃᕆᑕᐅᔭᓕᕆᒍᓐᓇᓯᐊᕐᓗᓂ ᐊᐅᓚᑦᓯᒍᓐᓇᓯᐊᕐᓗᓂᓗ ᐱᔭᕆᐊᓕᓐᓂᒃ ᑐᑦᓯᕋᐅᑎᐅᔪᓂᓪᓗ ᐃᓕᓐᓂᐊᑎᑦᓯᔨᒧᑦ ᐅᕝᕙᓘᓐᓃᑦ ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖓᓄᑦ ᐃᑲᔪᕐᓗᒋᑦ ᐃᓕᓐᓂᐊᑎᑦᓯᔩᑦ ᐱᕙᓪᓕᕈᑎᑦᓴᖏᓐᓄᑦ.

·       ᐃᓄᒃᑎᑐᑦ ᐃᓕᓐᓂᐊᑎᑦᓯᔨᓂᒃ ᐃᑲᔪᕐᓯᒪᓗᓂ, ᐃᓕᓐᓂᐊᕕᖓᑕ ᐃᓗᐊᓂ ᐃᓕᓐᓂᐊᑎᑦᓯᔩᑦ ᐱᒻᒪᕆᒻᒥᒃ ᖃᐅᔨᓴᕐᑕᐅᓂᖃᓗᑎᒃ ᕿᒥᕐᕈᑕᐅᓗᓂᓗ ᐃᑲᔪᕐᑎᐅᔪᓄᑦ ᖃᐅᔨᑎᑕᐅᖃᑦᑕᓗᑎᒃ ᐃᓕᓐᓂᐊᑎᑦᓯᔩᑦ ᐃᓕᓐᓂᐊᑎᑦᓯᔩᓪᓗ ᐊᖓᔪᕐᖄᖏᑦ ᐃᓛᒃᑯᓗ ᐱᓇᓱᕈᑎᑦᓴᖏᓐᓂᒃ ᐸᕐᓇᐅᑎᐅᓗᓂ ᓄᐃᑎᓗᒋᓪᓗ ᐃᑲᔪᕐᑕᐅᒍᑎᑦᓭᑦ ᐃᓕᓐᓂᐊᑎᑦᓯᔨᐅᑉ ᐱᕙᓪᓕᐊᓂᖓᓄᑦ.

·       ᐱᓇᓱᖃᑎᖃᑦᓯᐊᓱᑎᒃ ᐃᓄᒃᑎᑐᑦ ᐅᖃᐅᓯᓕᕆᔩᑦ ᑲᒪᔨᖓᓂᒃ, ᐃᓕᓐᓂᐊᓂᓕᕆᕕᒻᒥ ᖃᐅᔨᒋᐊᕐᕕᓂᒃ ᐱᓇᓱᖃᑎᒌᓂᒃ ᐃᓕᓐᓂᐊᕈᑎᓕᐅᕐᓂᒥᓪᓗ ᐱᓇᓱᑦᑎᓄᑦ ᑎᓕᔭᐅᒍᓂ ᑐᑭᒧᐊᕐᑎᓯᔨᒧᑦ.

·       ᐱᓇᓱᖃᑎᖃᕐᓗᑎᒃ ᐅᕕᒃᑲᓕᕆᔨᓂᒃ ᐱᓇᓱᑦᑎᒥᒃ ᐃᑲᔪᕐᑕᐅᕈᑎᕆᒋᐊᓕᖏᓐᓂᒃ ᐃᓕᓐᓂᐊᑎᑦᓯᔨᓂᒃ ᐃᓕᓐᓂᐊᑎᓂᓪᓗ ᐳᕐᑐᓯᕙᓪᓕᐊᓂᖏᓐᓄᑦ.

ᐱᒍᓐᓇᐅᑎᒋᒋᐊᓕᖏᑦ:

·       ᐃᓕᑕᕆᔭᐅᕈᑎᖃᕐᓗᓂ ᐃᓕᓐᓂᐊᑎᑦᓯᔨᐅᕈᑎᑖᕐᓯᒪᓗᓂ MEQ-ᑯᓂᒃ ᐃᓕᓐᓂᐊᓂᓕᕆᓂᕐᒧᑦ ᐱᖁᔭᒥᒃ ᓄᓇᖃᕐᖄᓯᒪᔪᓂᒃ, ᐃᓄᓐᓂᓗ ᐃᓕᓐᓂᐊᑎᑦᓯᒍᓐᓇᓗᓂ.

·       ᐃᓕᓐᓂᐊᑎᑦᓯᔨᐅᓯᒪᓗᓂ ᓄᓇᕕᒻᒥ ᑲᑎᕕᒃ ᐃᓕᓴᕐᓂᓕᕆᔨᒃᑯᓂ.

.ᐊᑐᕈᓐᓇᕆᐊᓕᖏᑦ:

·       ᐅᖄᒍᓐᓇᓯᐊᕐᓗᓂ ᐊᓪᓚᒍᓐᓇᓯᐊᕐᓗᓂᓗ ᐃᓄᒃᑎᑐᑦ.

·       ᐱᓇᓱᐊᓚᐅᕐᓯᒪᓗᓂ ᐱᓇᓱᑦᑕᐅᒋᐊᓕᓐᓂᒃ ᓄᐃᑎᑦᓯᔪᕕᓕᐅᓗᓂ, ᑲᔪᓯᑎᑦᓯᓗᓂ ᐅᖄᒋᐊᓕᒥᓂᒃ ᑕᑯᑦᓴᐅᑎᑦᓯᓗᓂ ᐅᕝᕙᓘᓐᓃᑦ ᐃᓄᑦᓄᑦ ᐊᒥᓱᓄᑦ ᐅᖄᒍᓐᓇᕈᓂ ᐱᐅᔫᒐᔭᕐᒥᔪᒃ

·       ᖃᐅᔨᒪᑦᓯᐊᓗᓂ ᐃᓄᒃᑎᑐᑦ ᐃᓕᓪᓂᐊᕈᑎᑦᒪᓕᐅᕐᓂᒥᒃ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐃᓕᓐᓂᐊᕕᖏᓐᓂᒃ ᐱᕙᓪᓕᒍᑕᐅᒐᔭᕐᒥᔪᖅ.

·       ᐊᑐᒍᓐᓇᓗᓂ ᖃᕆᑕᐅᔭᕈᑎᒥᒃ Microsoft 365 ᐱᕙᓪᓕᕈᑕᐅᒻᒥᔪᖅ.

·       ᐊᐅᓪᓚᖃᑦᑕᒋᐊᓕᒃ 14 ᓄᓇᓕᓐᓄᑦ 18-ᓄᓪᓗ ᐃᓕᓐᓂᐊᕕᓐᒧᑦ ᓄᓇᕕᒻᒥ ᒪᒻᑐᔨᐊᓪᒥᓪᓗ ᑭᖕᖒᒪᒋᔭᐅᒍᓂ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ ᐱᓇᓱᕝᕕᖃᕋᔭᕐᑐᖅ: $55,282-ᒥᑦ $102,857-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.