ᐃᓕᓴᕐᓂᓕᕆᓂᕐᒥᒃ ᖃᐅᔨᒋᐊᕐᕕᒃ - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᑲᒪᒋᔭᐅᓗᓂ ᐊᑕᐅᑦᓯᑰᕐᑎᓯᔨᒧᑦ ᐃᓕᓐᓂᐊᑎᑦᓯᔩᑦ ᐃᓕᓐᓂᐊᑎᑕᐅᓂᖏᓐᓄᑦ, ᐃᓕᓐᓂᐊᓂᓕᕆᓂᕐᒥᒃ ᖃᐅᔨᒋᐊᕐᕕᒃ ᐅᑯᓂᖓ ᐱᓇᓱᒐᑦᓴᓕᒃ :

·       ᐃᓚᐅᓂᖅ ᐱᓇᓱᕝᕕᒥ ᐃᓕᓐᓂᐊᑎᑦᓯᓂᕐᒥᒃ ᐃᓄᐃᑦ ᐃᓕᓐᓂᐊᑎᑦᓯᔨᖏᓐᓂᒃ ᐃᓚᐅᔪᓂᒃ ᐃᓕᓐᓂᐊᑎᑦᓯᒍᑎᓂ, ᐊᒻᒪᓗ ᐃᑲᔪᕈᓐᓇᓗᑎᒃ ᐃᓕᓐᓂᐊᑎᑦᓯᔨᐅᒋᐅᕐᓴᔪᓂᒃ ᐱᒋᐅᕐᓴᑎᑕᐅᓂᖏᓐᓂᑦ;

·       ᐃᓚᐅᓲᖑᑦᓱᓂ ᐱᕙᓪᓕᐊᑎᑕᐅᓂᖏᓐᓄᑦ ᐊᒻᒪᓗ ᐃᓕᓐᓂᐊᑎᑦᓯᒍᑕᐅᓂᖏᓐᓄᑦ ᐱᒋᐅᕐᓴᓂᕐᒥ ᐃᓕᓐᓂᐊᑎᑕᐅᑎᓪᓗᒋᑦ ᐊᒻᒪᓗ ᑲᑎᒪᓂᐊᕈᓯᖃᕐᑎᑕᐅᑎᓐᓗᒋᑦ ᐃᓕᓐᓂᐊᑎᑦᓯᔩᑦ ᐱᒋᐅᕐᓴᑎᑕᐅᓂᖏᓐᓄᑦ;

·       ᖃᐅᔨᓴᖃᑦᑕᓗᓂ ᐊᒻᒪᓗ ᑐᑭᑖᕆᓗᓂ ᐃᓕᓐᓂᐊᑎᑦᓯᔨᓂᒃ ᕆᐊᖃᕐᑎᑕᐅᑐᐊᕐᐸᑦ ᐃᓕᓐᓂᐊᑕᖏᓐᓄᑦ; ᐃᑲᔪᕐᓗᓂ ᖃᐅᔨᓴᕐᑕᐅᓂᖏᓐᓄᑦ ᐃᓕᓐᓂᐊᑎᑦᓯᔩᑦ ᐃᓕᓐᓂᐊᑎᑕᐅᓂᖏᑦ ᐃᓕᓐᓂᐊᑎᑦᓯᔨᖓᓄᑦ ᐱᓇᓱᐊᖃᑎᐅᓗᓂ;

·       ᐃᓚᐅᓗᓂ ᐱᕙᓪᓕᐊᑎᑕᐅᓂᖏᓐᓄᑦ ᐃᓄᑦᑎᑑᕐᑐᖏᑦ ᐱᒋᐅᕐᓴᑎᑦᓯᒍᑏᑦ ᐃᓕᓐᓂᐊᕈᑎᓄᑦ; ᐃᑲᔪᕐᓗᓂ ᐸᕐᓀᓂᖏᓐᓄᑦ ᐊᒻᒪᓗ ᐃᓕᓐᓂᐊᑎᑦᓯᓂᖏᓐᓄᑦ ᐃᓘᓐᓇᖏᓐᓂᒃ ᐃᓕᓐᓂᐊᑎᑦᓯᔩᑦ ᐱᒋᐅᕐᓴᑎᑕᐅᓂᖏᑦ ᐃᓕᓐᓂᐊᑎᑦᓯᒍᑎᖏᓐᓄᑦ;

·       ᐋᕐᕿᓱᐃᓗᓂ, ᖃᐅᔨᓴᕐᓗᓂ ᐊᒻᒪᓗ ᐋᕐᕿᒋᐊᕆᓗᓂ ᐃᓄᑦᑎᑐᑦ ᐃᓕᓐᓂᐊᑎᑦᓯᒍᑎᓂᒃ ᐊᒻᒪᓗ ᐃᓕᓐᓂᐊᕈᑎᑦᓴᓂᒃ ᐃᓕᓐᓂᐊᕈᑎᑦᓴᓕᐅᕐᕕᒥ ᐃᓕᓐᓂᐊᑕᐅᔪᑦᓴᓂᒃ ᐱᓇᓱᐊᖃᑎᖃᕐᓗᓂ ᐃᓕᓐᓂᐊᑎᑦᓯᔨᖏᓐᓂᒃ ᐊᒻᒪᓗ ᖃᐅᔨᒪᔨᓂᒃ;

·       ᖃᐅᔨᒪᖏᓐᓇᕋᓱᐊᕐᓗᓂ ᐊᓯᖏᓐᓂᒃ ᑲᑎᕕᒻᒥ ᐱᓇᓱᐊᕐᑕᐅᔪᓂᒃ ᐃᓕᓐᓂᐊᑎᑦᓯᓂᕐᒨᓕᖓᔪᓂᒃ;

·       ᐱᓇᓱᐊᖃᑎᖃᕐᓗᓂ ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖏᓐᓂᒃ, ᐊᑕᐅᑦᓯᑰᕐᑎᓯᓗᓂ ᐱᓇᓱᐊᕐᑕᖏᓐᓂᒃ ᓄᓇᓕᓐᓂ ᐃᓕᓐᓂᐊᑎᑦᓯᔩ ᐱᒋᐅᕐᓴᑎᑕᐅᓂᖏᒃᒍᑦ ᐃᓱᐊᕐᓭᔨᖏᓐᓄᑦ;

·       ᐃᒣᓕᒋᐊᕆᔨᐅᓗᓂ ᐱᓇᓱᑦᑎᑖᕐᓂᒧᑦ ᐃᓄᓐᓄᑦ ᐱᓇᓱᑦᑎᓄᑦ ᐃᓘᓐᓇᖏᓐᓂ ᐃᓕᓐᓂᐊᕕᓐᓂ, ᐱᓗᐊᕐᑐᒥ ᐃᓕᓐᓂᐊᕖᑦ ᐋᕐᕿᓱᕐᑕᐅᑎᓪᓗᒋᑦ;

·       ᖃᐅᔨᒪᑦᓯᐊᓗᓂ ᑐᑭᒧᐊᑦᓯᐊᕋᓗᐊᒻᒪᖔᑕ ᐊᑦᔨᒌᖕᖏᑐᓂᓪᓗ ᐃᓕᓐᓂᐊᕈᑎᑦᓴᓂᒃ ᐊᑐᐃᓐᓇᐅᑎᑕᐅᔪᓂᒃ ᐃᓚᒋᔭᐅᓗᑎᒃ ᐅᓪᓗᓕᒫᖅ ᐃᓕᓐᓂᐊᕈᑎᑦᓴᓄᑦ ᑌᒫᑦᓭᓈᓗᐊᕐᑎᓯᑦᑌᓕᓗᓂ ᐃᓕᓐᓂᐊᕈᑎᑦᓴᓂᒃ;

·       ᐊᑐᖁᔨᓗᓂ ᐅᓪᓗᓯᐅᑎᓂᒃ ᐋᕿᒋᐊᕐᓯᓂᕐᒥᒃ ᓄᑖᒧᑦ ᐃᓕᓐᓂᐊᕈᑎᒧᑦ ᒪᓕᑦᑕᐅᖁᓗᒍ, ᒪᓂᔨᓗᓂ ᐊᑦᔨᒌᖕᖏᑐᓂᒃ ᐃᓕᓐᓂᐊᓇᐅᑉ ᐃᑲᐅᕐᓂᖏᓐᓂᒃ ᓀᓐᓂᓴᓂᒃ ᐱᓇᓱᐊᕈᓯᓐᓄᑦ ᐱᖓᓱᓄᑦ ᐃᓕᓐᓂᐊᕈᑎᐅᔪᓄᑦ;

·       ᐋᕐᕿᓗᒋᑦ ᐅᓪᓘᑉ ᕿᑎᕐᖃᖓᓂ ᐃᓕᓐᓂᐊᕈᑎᐅᑉ ᐃᓗᓕᖏᑦ ᐅᓪᓗᓕᒫᒧᑦ ᐃᓕᓐᓂᐊᕈᑎᒧᑦ;

·       ᖃᐅᔨᓴᕐᓗᒋᑦ ᑕᒻᒪᓯᒪᖕᖏᑲᓗᐊᕐᒪᖔᑕ ᐃᓄᑦᑎᑑᓕᕐᑎᓯᒪᔪᑦ / ᐅᖃᐅᓯᓕᐅᕐᑕᐅᓯᒪᔪᑦ ᑌᒎᓰᑦ ᐊᑐᕐᑕᐅᔪᑦ ᑐᕌᖓᔪᓂ ᐃᓗᓕᖏᓐᓂ ᐃᓕᓐᓂᐊᑎᑦᓯᔨᑦᓴᓄᑦ ᐃᓕᓪᓂᐊᕈᑎᑦᓭᑦ;

·       ᐃᑉᐱᒍᓱᑦᓯᐊᓗᓂ ᐃᓕᓐᓂᐊᑎᑦᓯᕈᑏᑦ ᑐᕌᖓᒐᓗᐊᕐᒪᖔᑕ ᐃᓄᐃᑦ ᐃᓗᕐᖁᓯᖓᓄᑦ ᐅᖃᐅᓯᖓᓄᓪᓗ;

·       ᓄᐃᑦᓯᓗᑎᑦ ᓄᑖᓂᒃ ᐅᓪᓗᓕᒫᖅ ᐃᓕᓐᓂᐊᒍᑎᑦᓴᓂᒃ (ᐋᕐᕿᓯᒪᓂᖏᑦ, ᓇᓗᓀᔭᕐᓯᒪᓂᖏᑦ, ᐊᒻᒪᓗ ᐃᓗᓕᖏᑦ);

·       ᐃᑉᐱᒍᓱᓪᓗᓂ ᖃᐅᔨᓴᕐᓗᓂᓗ ᐅᓪᓗᓕᒫᖅ ᐃᓕᓐᓂᐊᑎᓂᒃ ᓄᓇᒥ ᐃᓕᓐᓂᐊᑎᓪᓗᒋᑦ;

·       ᖃᐅᔨᓴᕐᓗᓂ ᓄᓇᖃᕐᖄᓯᒪᔪᑦ ᐃᓕᓐᓂᐊᑎᑦᓯᔩᑦ ᐃᓕᓐᓂᐊᑎᑕᐅᒍᑎᑦᓴᓂᒃ ᓄᐃᑕᐅᕙᓪᓕᐊᓯᒪᔪᓂᒃ ᐊᑦᔨᒌᖕᖏᑐᓂᒃ ᐃᓄᐃᑦ ᓄᓇᓕᖏᓐᓂ, ᐅᑭᐅᕐᑕᑐᒥ ᐊᕕᕐᑐᓯᒪᓂᐅᔪᓂ, ᐅᕝᕙᓘᓐᓃᑦ ᓇᓗᓀᕐᑕᐅᓯᒪᔪᑦ ᓄᓇᕐᔪᐊᓕᒫᒥ ᐆᑦᑑᑎᐅᔪᑦ;

·       ᐃᑲᔪᖃᑦᑕᓗᓂ ᐊᑕᐅᑦᓯᑰᑦᑎᓯᔨᒥᒃ ᐃᓕᓭᔨᑦᓴᓄᑦ ᐃᓕᓐᓂᐊᓂᕐᒧᑦ ᓄᐃᑕᐅᕙᓪᓕᐊᑎᓪᓗᒋᑦ ᐃᓕᓐᓂᐊᕕᕐᔪᐊᒥ ᐱᓇᓱᖃᑎᒌᓐᓂᐅᔪᑦ ᐃᓄᐃᑦ ᐃᓕᓐᓂᐊᓂᓕᕆᓂᕐᒧᑦ ᐃᓕᓐᓂᐊᕈᑎᑦᓴᖏᓐᓄᑦ;

·       ᐱᓇᓱᖃᑦᑕᓗᓂ ᐊᓯᖏᓐᓂᒃ ᐊᑦᑐᐊᓂᓕᓐᓂᒃ ᑎᓕᔨᒍᑕᐅᓯᒪᔪᓂᒃ ᐊᖓᔪᕐᖄᒧᑦ;

ᐱᒍᓐᓇᐅᑎᒋᒋᐊᓕᖏᑦ:

ᓇᓗᓀᕐᑕᐅᒍᑎᑖᕐᓯᒪᓗᓂ ᐃᓕᓐᓂᐊᓂᕐᒨᓕᖓᔪᓂᒃ/ᐃᓕᓐᓂᐊᕕᕐᔪᐊᒥ ᐊᓪᓕᖓᓂᒃ ᐱᔭᕇᕈᑎᒥᒃ ᑕᒡᒐᓂ ᐃᓂᒥ ᐱᒍᓐᓇᐅᑎᒋᔭᐅᒋᐊᓕᓐᓄᑦ ᐃᓕᓐᓂᐊᓂᓕᕆᓂᕐᒨᓕᖓᔪᓂᒃ ᐅᕝᕙᓘᓐᓃᑦ ᐃᓱᒪᓕᕆᔨᐅᓂᕐᒧᑦ ᐅᕝᕙᓘᓐᓃᑦ ᐱᔭᕇᕈᑎᑖᕐᓯᒪᓗᓂ ᑲᑎᕕᒻᒥ ᐃᓕᓐᓂᐊᑎᑦᓯᔩᑦ ᐱᒋᐅᕐᓴᑎᑕᐅᓂᖏᑦ ᐃᓕᓐᓂᐊᑎᑦᓯᒍᑎᖏᓐᓂ. 

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᖕᖏᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ, ᐱᓇᓱᑦᑎᑖᕆᔭᐅᓂᖓᓄᑦ ᖃᓄᐃᓕᖓᐅᑎᐅᑎᓪᓗᒍ, ᐋᕐᕿᑕᐅᒪᔪᒥᒃ ᐃᓕᓴᕐᓂᓕᕆᓂᕐᒧᑦ.

ᐊᑐᕈᓐᓇᕆᐊᓕᖏᑦ:

·       ᐅᖃᕈᓐᓇᓯᐊᕐᓗᓂ ᒪᕐᕉᓴᓚᐅᕐᐸᓃᒃ (2) ᐱᖓᓲᑎᓪᓗᒋᑦ (3) ᐅᖃᐅᓰᑦ ᐊᑐᕐᑕᐅᓲᑦ ᐱᓇᓱᕝᕕᖏᑦᑕ ᐃᓕᓴᕐᓂᓕᕆᓂᐅᑉ (ᐃᓄᒃᑎᑐᑦ, ᐅᐃᒍᐃᑎᑐᑦ,ᖃᓪᓗᓈᑎᑐᓪᓗ);

·       ᓄᓇᕕᒻᒥ ᐃᓕᓐᓂᐊᑎᑦᓯᔨᐅᓚᐅᕐᓯᒪᓗᓂ ᐊᒻᒪᓗ ᐱᓇᓱᑦᓯᒪᓗᓂ ᐱᓇᓱᑦᑎᑐᐃᓐᓇᐅᓂᕐᒥᒃ;

·       ᐃᓕᓐᓂᐊᑎᑦᓯᔨᐅᖃᑕᐅᓚᐅᕐᓯᒪᓗᓂ ᐱᒋᐅᕐᓴᑎᑦᓯᒍᑎᓂᒃ;

·       ᖃᐅᔨᒪᔭᖃᑦᓯᐊᓗᓂ ᐃᓄᒃᑎᑐᑦ ᐃᓕᓐᓂᐊᑎᑦᓯᒍᑎᓂᒃ;

·       ᐊᕐᕕᑕᕐᓂᒧᑦ ᐊᑐᐃᓐᓇᐅᒍᓐᓇᓯᐊᕐᓗᓂ ᓄᓇᕕᒻᒥ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ ᐱᓇᓱᕝᕕᖃᕋᔭᕐᑐᖅ: $56,670-ᒥᑦ $105,432-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.