ᐃᓕᓐᓂᐊᕈᑎᑦᓴᓕᐅᕐᓂᓄᑦ ᖃᐅᔨᒋᐊᕐᕕᒃ – ᓄᓇᕕᒃ ᓯᕗᓂᑦᓴᕗᑦ ᒍᐃᒍᐄᑎᑐᑦ - KI

ᐱᓇᓱᒐᖅ: ᐃᓕᓐᓂᐊᕈᑎᑦᓴᓕᐅᕐᓂᓄᑦ ᖃᐅᔨᒋᐊᕐᕕᒃ – ᓄᓇᕕᒃ ᓯᕗᓂᑦᓴᕗᑦ ᒍᐃᒍᐄᑎᑐᑦ

ᐊᓪᓚᕕᖓ: ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᑏᑦ ᐱᒍᑦᔭᐅᕕᖓ

ᑮᓇᐅᑦᔭᓵᑦ: ᐱᒋᐊᕐᓱᓂ $49,456 ᑎᑭᑦᓱᓂ $92,027 ᐃᑲᐅᕐᓂᑕᒫᑦ ᐱᓇᓱᐊᕐᓯᒪᓂᖓ ᖃᐅᔨᒪᓂᖓᓗ ᒪᓕᑦᓱᒍ

ᐱᓇᓱᒐᐅᑉ ᑭᑎᑦᔪᑎᖓ: EDCONSNSFR2509-01

ᓇᓃᓐᓂᓴᖓ: ᒪᓐᑐᔨᐊᓪ ᓄᓇᕕᒻᒥ ᐱᒋᐅᕐᓴᕕᒃ

ᖃᓄᐃᑦᑑᓂᖓ: ᖃᐅᑕᒫᒃ-ᐱᓇᓱᐊᕈᓯᕐᒥ ᐱᓇᓱᒐᖅ ᑌᒪᖕᖓᒧᑦ

ᐱᒋᐊᕐᕕᓴᖓᑕ ᐅᓪᓗᖓ: ᓰᑎᒻᐱᕆ 2025

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᖑᑦᓱᑎᒃ.

ᐱᔭᑦᓴᕆᓚᖓᔭᖓ:

• ᐃᑉᐱᒋᔨᖃᕐᓱᓂ ᐊᑕᐅᑦᓯᑰᕐᑎᓯᔨᖓᓄᑦ ᓄᓇᕕᒃ ᓯᕗᓂᑦᓴᕗᑦ ᐃᓕᓐᓂᐊᕋᑦᓴᖏᓐᓄᑦ, ᐃᓕᓴᕐᓂᒧᑦ ᐊᔮᐅᕆᔨ ᐅᑯᓂᖓ ᐱᓇᓱᐊᕆᐊᖃᕋᔭᕐᑐᖅ:

• ᐱᓇᓱᖃᑎᖃᖃᑦᑕᕆᐊᖃᕐᓗᓂ Collège Ahuntsic-ᑯᓂᒃ ᓄᐃᑦᓯᒋᐊᓪᓚᕋᓱᐊᕐᓂᒧᑦ ᐸᕐᓇᓯᒪᐅᑎᓂᒃ ᓄᑖᓂᒃ.

• ᐊᑐᐃᓐᓇᕈᕐᑎᓯᓗᓂ ᐃᓕᓐᓂᐊᕋᑦᓴᓂᒃ ᐸᕐᓇᓯᒪᐅᑎᓄᑦ ᓄᑖᓄᑦ ᐱᓇᓱᖃᑎᖃᕐᓗᓂ ᐊᓯᖏᓐᓂᒃ ᑎᒥᐅᔪᓂᒃ ᐱᓇᓱᖃᑎᖃᓲᖖᒃ, ᐃᓕᓐᓂᐊᑎᑦᓯᔨᓂᓪᓗ ᐱᓇᓱᑦᑎᓂᓪᓗ.

• ᐱᔪᓐᓇᑎᑦᓯᓗᓂ ᐃᓕᓐᓂᐊᕋᑦᓴᓂᒃ ᒪᓕᑦᓯᐊᑐᓂᒃ ᐃᓕᓐᓂᐊᑏᑦ ᑭᖕᖒᒪᒋᔭᖏᓐᓂᒃ ᐃᓕᓐᓂᐊᓛᕐᑐᓂᒃ ᑖᑦᓱᒥᖓ ᐸᕐᓇᓯᒪᐅᑎᒥᒃ ᓄᑖᒥᒃ ᒣ 2026-ᒥ.

• ᕿᓂᖃᑦᑕᓗᓂ ᖃᐅᔨᒋᐊᖃᑦᑕᓗᓂᓗ ᓂᐅᕕᖁᔨᖃᑦᑕᓗᓂᓪᓗ ᐃᓕᓐᓂᐊᕈᑎᑦᓯᐊᓂᒃ ᕿᒥᕐᕈᐊᓂᒃ, ᓱᓇᒐᓚᓐᓂᒃ ᑭᖕᖒᒪᒋᔭᓕᒫᓂᒃ, ᐱᐅᒃᑯᑎᓂᒃ, ᐊᑑᑎᔭᐅᓲᓂᒃ ᖃᕆᑕᐅᔭᒥ ᐊᒻᒪᓗ ᐃᓕᓐᓂᐊᕋᑦᓴᓂᒃ ᒍᐃᒍᐄᑎᑐᑦ.

• ᐅᖃᐅᑎᖃᑦᑕᓗᓂ ᐃᓕᓐᓂᐊᑎᑦᓯᔨᓄᑦ ᐃᓄᑑᓗᑎᓪᓘᓃᒃ ᐅᕝᕙᓘᓐᓃᑦ ᑲᑐᑦᔨᖃᑎᒌᓪᓗᑎᒃ ᐊᓯᖏᓪᓗ ᐃᓕᓐᓂᐊᑎᑦᓯᔩᓪᓗ ᐊᑑᑎᔭᐅᔪᑦᓴᐅᓂᒃ ᓱᖃᑦᓯᓃᑦ ᒥᑦᓵᓄᑦ ᐊᑑᑎᔭᐅᓲᓂᒃ ᐅᓪᓗᑕᒫᑦ.

• ᐃᓚᐅᖃᑦᑕᓗᓂ ᐃᓕᓐᓂᐊᑎᑖᕋᓱᓕᕋᒥᒃ ᓄᑖᓂᒃ ᐸᕐᓇᓯᒪᐅᑎᒧᑦ.

• ᐅᖃᐅᑎᖃᑦᑕᓯᐊᕐᓗᓂ ᐃᓕᓐᓂᐊᑎᓄᑦ ᐱᒍᑦᔭᐅᔪᓄᑦ ᐊᑑᑎᔪᑦᓴᖏᓐᓂᒃ ᐊᒻᒪᓗ ᐅᖃᓪᓚᕆᖃᑦᑕᓗᒋᑦ ᐃᑲᔪᕋᓱᐊᕐᓂᒧᑦ, ᐱᓇᓱᑦᑎᓄᑦ ᐱᓇᓱᓲᓄᑦ ᐱᔪᓐᓇᑎᑦᓯᓂᕐᒧᑦ ᐱᒍᑦᔨᒍᑎᓂᒃ ᐃᓕᓐᓂᐊᑎᓄᑦ ᐳᕐᑐᓂᕐᓴᒋᐊᓪᓚᒦᑦᑐᓄᑦ, ᐊᒻᒪᓗ ᐱᓇᓱᑦᑎᓄᑦ ᐊᓯᐊᓂᒃ ᑎᒥᐅᔪᒥᒃ ᐱᓇᓱᐊᓲᓄᑦ ᐅᖃᐅᑎᑦᓯᐊᖃᑦᑕᓗᒋᑦ ᖃᓄᖅ ᐱᐅᓂᕐᓴᐅᔪᒥᒃ ᐋᕐᕿᒋᐊᕋᓱᒐᔭᕐᒪᖔᑕ ᐊᑑᑎᓲᖏᓐᓂᒃ ᐊᓂᒎᑎᑎᑦᓯᒐᓱᐊᕐᓂᒧᑦ ᐃᓕᓐᓂᐊᑎᓂᒃ.

• ᖃᐅᑕᒫᑲᓵᖅ ᑲᑎᖃᑦᑕᓗᓂ ᐃᓕᓐᓂᐊᑎᓂᒃ ᐃᑉᐱᒍᓱᑦᓯᐊᕋᓱᐊᕐᓂᒧᑦ ᑕᑯᔭᐅᑦᓯᐊᖃᑦᑕᕋᓗᐊᕐᒪᖔᑕ ᐊᒻᒪᓗ ᐋᕐᕿᒋᐊᕋᓱᐊᕐᓂᒧᑦ ᐃᓕᓐᓂᐊᕈᓯᕐᓂᒃ.

• ᐊᓯᖏᓐᓂᒃ ᐊᑑᑎᓗᓂ ᐱᓇᓱᐊᕐᓗᓂᓪᓘᓃᑦ ᐊᐱᕆᔭᐅᑐᐊᕋᒥᒃ ᐊᖓᔪᕐᖄᒧᑦ ᐅᕝᕙᓘᓐᓃᑦ ᐊᑕᐅᑦᓯᑰᕐᑎᓯᔨᒧᑦ ᓄᓇᕕᒻᒥ ᓯᕗᓂᑦᓵᕘᑦ ᐸᕐᓇᓯᒪᐅᑎᖓᓂ.

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓴᐅᑉ ᐊᓪᓕᖓᓂ ᐱᔭᕇᕈᑎᑖᕐᓯᒪᓗᓂ ᐃᓕᓐᓂᐊᓂᓕᕆᓂᕐᒥ, ᐊᐅᓚᑦᓯᓂᓕᕆᓂᕐᒥ, ᐅᕝᕙᓘᓐᓃᑦ ᑖᑦᓱᒧᖓ ᐱᓇᓱᒐᕐᒨᓕᖓᔪᓂᒃ

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᒋᐊᓕᖏᑦ:

• ᒍᐃᒍᐄᑎᑑᕈᓐᓇᓯᐊᕆᐊᓕᒃ ᐊᒻᒪᓗ ᑐᖓᓕᒻᒥ ᐅᖃᐅᓯᕐᒥᒃ ᐅᖄᕈᓐᓇᕆᐊᓕᒃ (ᖃᓪᓗᓈᑎᑐᓪᓘᓃᑦ ᐃᓄᑦᑎᑐᓪᓘᓃᑦ). ᐱᖓᓱᓂᒃ ᐅᖃᐅᓯᕐᓂᒃ ᐅᖄᕈᓐᓇᐸᑦ ᐱᐅᓗᐊᖕᖑᐊᒥᔪᖅ;

• ᐊᕐᕕᑕᕈᓐᓇᕆᐊᓕᒃ ᓄᓇᕕᒻᒥ;

• ᓇᒻᒥᓂᕐᓱᓗᓂ ᐱᓇᓱᐊᕈᓐᓇᓗᓂ ᐊᒻᒪᓗ ᐅᖃᖃᑎᖃᒐᔪᓪᓗᓂ ᐊᑦᔨᒌᖕᖏᑑᔪᓂᑦ ᑎᒥᐅᔪᓂᒃ ᐊᒻᒪᓗ ᐱᓇᓱᖃᑎᐅᔪᓂᒃ ᐃᒻᒥᒍᑦ;

• ᐃᓚᖓᓂᒃ ᐱᓇᓱᒍᓐᓇᕆᐊᓕᒃ ᐅᓄᓴᒃᑯᑦ ᐊᒻᒪᓗ ᐱᓇᓱᐊᕈᓯᐅᑉ ᑭᖑᓕᖓᓂ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ

ᐱᓇᓱᕝᕕᖃᕋᔭᕐᑐᖅ: $49,456-ᒥᑦ $92,027-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

• 20 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ

• ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ

• ᓄᓇᒃᑰᔫᕐ ᖃᑭᕈᓐᓇᑐᖅ ᐊᑮᑦᑐᒥ

• ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ

• ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ

• ᐱᓇᓱᕝᕕᒥ ᐱᐅᓰᒋᐊᕐᓂᒥᑦ ᐱᓇᓱᐊᕐᕕᓴᖅ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

• ᐊᐅᔭᒥ ᐱᓇᓱᐊᕐᕕᓴᖅ

• ᑕᕐᕋᒥᐅᒍᓂᕐᒧᑦ ᐊᑭᓕᕐᑕᐅᒋᐊᓪᓚᕈᑏᑦ

• ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ

• ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ

• ᐱᓇᓱᑎᑦᖃᑯᑖᕐᓂᖅ ᐱᓇᓱᑦᑎᐅᒍᒪᑎᑦᓯᒐᓱᐊᕐᓂᒧᓪᓗ ᐊᑭᓕᕐᑕᐅᒋᐊᓪᓚᕈᑏᑦ

• ᐱᒐᓱᕕᓪᓗᓂ ᑎᑭᓪᓗᒍ ᐅᑎᕐᕈᑎᖃᕐᓱᓂ ᖃᖓᑦᑕᐅᑏᑦ ᓄᓇᕕᒻᒥᓗ ᐱᑦᓱᑎᒃ

ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: 4:00 pm, ᓯᑦᑎᒻᐱᕆ 14, 2025

ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ, ᓇᓪᓕᑳᕐᓗᑎᑦ ᐅᑯᐊ ᓇᓪᓕᖏᓐᓂᑦ ᐃᓕᒐᓱᐊᕈᑕᐅᒍᓐᓇᑐᓂᒃ:

1. ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ

2) ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ applications@kativik.qc.ca ᓇᓗᓀᕐᓗᒍᓗ EDCONSNSFR2509-01 ᐅᖄᔭᐅᔪᒥ ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ (e-mail).

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.