ᐃᓕᓐᓂᐊᓂᓕᕆᕕᒻᒥᑦ ᖃᐅᔨᒋᐊᕐᕕᒃ – ᐃᓕᓐᓂᐊᕈᑎᑦᓴᓄᑦ - KI

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ. ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᓃᑦᓱᑎᒃ ᓄᓇᕕᒻᒥ.

ᐱᔭᑦᓴᕆᓚᖓᔭᖓ:

ᑲᒪᒋᔭᐅᓗᓂ ᑐᑭᒧᐊᕐᑎᓯᔨᐅᑉ ᐃᑲᔪᕐᑎᖓᓄᑦ – ᐃᓕᓐᓂᐊᕈᑎᑦᓴᓄᑦ, ᐃᓕᓐᓂᐊᓂᓕᕆᓂᕐᒥᒃ ᖃᐅᔨᒋᐊᕐᕕᒃ ᐅᑯᓂᖓ ᑲᒪᒋᔭᖃᒋᐊᓕᒃ:

·       ᐱᐅᓰᒋᐊᕐᓗᓂ ᐃᓕᓐᓂᐊᕈᑎᑦᓴᓂᒃ ᓴᓇᖕᖑᐊᓂᕐᒧᑦ, ᐊᓪᓚᕆᐅᕐᓴᓂᕐᒧᑦ ᑐᓴᐅᒪᔪᓕᕆᓂᕐᒧᑦ ᐃᓕᓐᓂᐊᕈᑎᑦᓭᑦ ᑐᖕᖓᕕᒋᓗᒋᑦ ᖃᐅᔨᓴᕈᑎᐅᒋᐊᓖᑦ ᐊᒻᒪᓗ ᒪᓕᒐᑎᒍᑦ ᐱᓇᓱᕝᐅᔪᐃᓪᓗ ᐋᕐᕿᓯᒪᓂᖏᑦ ᐱᓇᓱᕐᑕᐅᒐᔭᕐᑐᑦ.

·       ᐋᕐᕿᓱᐃᓗᓂ ᓴᓇᓗᓂ ᐊᓯᖕᓐᓂᒃ ᐃᓕᓐᓂᐊᕈᑎᑦᓴᐅᒐᔭᕐᑐᓂᒃ ᑐᕌᕐᑎᓯᒍᓐᓇᑐᓂᒃ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᕐᔪᐊᒧᑦ ᐃᓕᑕᕆᔭᐅᑦᔪᑎᕐᑖᕈᓐᓇᐅᑎᒧᑦ ᑖᒃᑯᐊ ᐱᒍᓐᓇᐅᑎᕆᔭᐅᔪᑦ ᑐᖕᖓᕕᒋᓗᒋᑦ.

·       ᑲᑐᑦᔨᖃᑎᖃᕐᓗᓂ ᑲᑐᑦᔨᖃᑎᒌᓂ ᐳᕐᑐᓂᕐᓴᒋᐊᓪᓚᒥ ᐱᒍᑦᔨᔭᐅᕕᒻᒥ ᓱᖏᐅᓯᓴᕐᓂᒧᑦ ᐋᕐᕿᓱᐃᓂᕐᒧᓗ ᐃᓕᓐᓂᐊᕈᑎᑦᓴᓂᒃ ᐊᑐᐃᓐᓇᐅᑎᑕᐅᓚᖓᔪᓂᒃ ᓄᓇᕕᒻᒥ.

·       ᖃᐅᔨᓴᖃᑦᑕᓗᓂ ᐃᓕᓐᓂᐊᕈᑎᑦᓭᑦ ᐃᓗᓕᖏᑦ ᐃᓄᐃᑦ ᐃᓗᕐᖁᓯᖓᓅᓕᖓᔪᑦ ᓈᒻᒪᓈᕐᓯᒪᑦᓯᐊᒪᖔᑕ.

·       ᐋᕐᕿᓱᐃᓗᓂ ᓴᓇᓗᓂᓗ ᐃᑎᒍᑎᐅᔪᓂᒃ ᐃᓕᓐᓂᐊᑎᒧᑦ ᓴᓇᖕᖑᐊᓂᕐᒨᓕᖓᔪᓄᑦ, ᐊᓪᓚᕆᐅᑦᓴᓂᕐᒧᑦ, ᑐᓴᐅᒪᔪᓕᕆᓂᕐᒧᑦ ᐃᓕᓐᓂᐊᕈᑎᑦᓴᓄᑦ.

·       ᐃᑲᔪᕐᓗᓂ ᐱᕙᓪᓕᐊᑎᑦᓯᓂᐅᔪᓂ ᑮᓇᐅᔭᖃᕐᑎᓯᓂᕐᒧᑦ ᒪᓕᒐᕐᓂᒃ ᐃᓕᓐᓂᐊᑎᓄᑦ ᐃᓕᓐᓂᐊᕈᑎᐅᔪᓄᑦ.

·       ᐋᕐᕿᓱᐃᓗᓂ ᓴᓇᓗᓂᓗ ᓴᕐᕿᔮᕐᑎᓯᓂᕐᒧᑦ ᐱᓇᓱᑦᑎᑖᕋᓱᐊᕐᓂᓗᓪᓗ ᐱᕙᓪᓕᐊᓂᐅᔪᒧᑦ ᐃᓕᓐᓂᐊᑎᓂᒃ ᐱᔪᒥᓇᕐᓯᑎᑦᓯᒍᒪᓂᕐᒧᑦ.

·       ᐊᐅᓚᑦᓯᓗᓂ ᐆᑦᑐᕋᐅᑎᓂᒃ ᐃᓕᓐᓂᐊᕈᑎᑦᓴᓂᒃ ᐃᓚᒋᔭᐅᑎᑕᐅᓚᖓᔪᓂᒃ ᐃᓕᓐᓂᐊᕈᑎᑦᓴᓄᑦ.

·       ᐱᓇᓱᖃᑎᖃᕐᓗᓂ ᐃᓄᒻᒪᕇᑦ ᐃᓕᓐᓂᐊᕕᖓ ᐱᓇᓱᒐᕐᓂᓗ ᐱᒋᐅᕐᓴᓂᖅ ᐊᓪᓚᕕᖓᓂᒃ ᐃᓂᖃᑦᓯᐊᖁᓗᒋᑦ ᐃᓕᓐᓂᐊᕈᑎᑦᓴᐅᒐᔭᕐᑐᒥᒃ ᑲᔪᓯᑦᓯᐊᖁᓗᒍ.

·       ᐱᓇᓱᖃᑦᑕᓗᓂ ᐊᓯᖏᓐᓂᒃ ᐱᓴᓱᕋᑦᓴᓂᒃ ᑐᑭᒧᐊᕐᑎᓯᔨᒧᑦ ᑐᑭᒧᐊᕐᑎᓯᔨᐅᓪᓗ ᐃᑲᔪᕐᑎᖓᓄᑦ ᑲᒪᔪᓄᑦ ᐃᓕᓐᓂᐊᕋᑦᓴᐅᔪᓂᒃ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᑏᑦ ᐃᓕᓐᓂᐊᑎᑕᐅᕕᖓ ᐊᓪᓚᕕᖓᓂ.

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓴᐅᑉ ᐊᓪᓕᖓᓂ ᐱᔭᕇᕈᑎᑖᕐᓯᒪᓗᓂ ᐃᓕᓐᓂᐊᓂᓕᕆᓂᕐᒥ, ᐊᐅᓚᑦᓯᓂᓕᕆᓂᕐᒥ, ᐅᕝᕙᓘᓐᓃᑦ ᑖᑦᓱᒧᖓ ᐱᓇᓱᒐᕐᒨᓕᖓᔪᓂᒃ

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᒋᐊᓕᖏᑦ:

·       ᐅᖄᕈᓐᓇᓗᓂ ᒪᕐᕉᓂᒃ ᐱᖓᓱᐃᑦ ᐃᓕᓴᕐᓂᓕᕆᕕᒃᑯᑦ ᐅᖃᐅᓯᖏᓐᓂᑦ (ᐃᓄᑦᑎᑐᑦ, ᒍᐃᒍᐃᑎᑐᑦ, ᖃᓪᓗᓈᑎᑐᑦ);

·       ᐊᕐᕕᑕᕈᓐᓇᕆᐊᓕᒃ ᓄᓇᕕᒻᒥ;

·       ᓇᒻᒥᓂᕐᓱᓗᓂ ᐱᓇᓱᐊᕈᓐᓇᓗᓂ ᐊᒻᒪᓗ ᐅᖃᖃᑎᖃᒐᔪᓪᓗᓂ ᐊᑦᔨᒌᖕᖏᑑᔪᓂᑦ ᑎᒥᐅᔪᓂᒃ ᐊᒻᒪᓗ ᐱᓇᓱᖃᑎᐅᔪᓂᒃ ᐃᒻᒥᒍᑦ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ ᐱᓇᓱᕝᕕᖃᕋᔭᕐᑐᖅ : $56,670-ᒥᑦ $105,432-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.