ᐃᓕᓐᓂᐊᓂᓕᕆᓂᕐᒥᒃ ᖃᐅᔨᒋᐊᕐᕕᒃ ᐱᓪᓗᑯᒋᐊᓕᓐᓅᓕᖓᔪᓂᒃ ᐃᓕᓭᓂᕐᒧᑦ - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓴᕐᓂᓕᕆᐅᑎᓂᒃᓴ ᐱᒍᑦᔨᒍᑎᖃᕐᓱᓂ 14-ᓄᑦ ᓄᓇᕕᒻᒥ ᓄᓇᓕᓐᓄᑦ.

ᐱᓇᓱᒐᖓ:

ᑐᑭᒧᐊᒃᑫᔨᐅᑉ ᐃᑲᔪᕐᑎᖓᑕ ᐊᑖᓃᑦᑐᒥᒃ ᐃᑲᔪᕐᓯᒋᐊᕈᑎᓂᒃ ᐱᒍᑦᔨᓂᕐᓂ, ᐅᓇ ᐁᑉᐱᐅᑎᒥᒃ ᐅᖃᐅᓯᕐᒥᒃ ᐃᓕᓴᕐᓂᒧᑦ ᐊᔪᖀᒋᐊᕐᑎ ᐱᓇᓱᖃᑎᖃᓚᖓᔪᖅ ᐃᓄᓐᓂᒃ ᐃᓛᒃᑰᑐᒥᒃ ᐃᓕᓴᕐᓂᒧᑦ ᐊᔪᖀᒋᐊᕐᑎᓂᒃ ᖃᓄᓕᒫᖅ ᐃᓛᒃᑰᑐᒥᒃ ᐃᓕᓴᕐᓂᓕᕆᓂᒃᑯᑦ ᐱᔭᓴᐅᓚᐅᕐᐸᑦ.

ᐃᓘᓐᓀᓄᐊᓕᖓᔪᒥᒃ, ᑖᓐᓇ ᐃᓂ ᐱᔭᑦᓴᖃᓲᖅ ᒪᑯᓂᖓ ᑲᒪᒋᔭᕆᐊᓕᓐᓂᒃ:

·       ᖃᐅᔨᓴᕐᓂᖅ ᖃᓄᐃᑦᑐᒦᓪᓗᑐᕐᓂᖓᓂᒃ ᐃᓕᓵᑉ ᒪᓗᓐᓇᐸᑕ ᐃᓕᓴᕐᓂᒥ ᐱᓐᓀᓗᑕᖃᕐᓂᒥᒃ ᓭᒪᕐᖃᔭᖕᖏᐸᑕ ᐱᐅᓯᕐᓘᑎᖃᕐᐸᑕᓘᓐᓃᑦ ᐃᓕᓴᕐᕕᒥ ᐊᓪᓚᕙᓪᓕᐊᖃᑦᑕᓗᓂ ᑐᓴᕐᑎᓯᒍᑎᑕᖏᓐᓂᒃ ᐅᓐᓂᑑᑎᑕᖃᕐᑎᓗᒋᑦ;

·       ᐱᓇᓱᖃᑎᖃᖃᑦᑕᓗᓂ ᐃᓕᓴᕐᕕᒥ ᐱᓇᓱᑦᑎᓂᒃ ᐱᓇᓲᑎᑦᓴᓯᒐᓱᑦᑎᓗᒋᑦ ᐃᑲᔪᕐᑎᒋᓚᖓᔭᒥᓂᒃ ᓇᓗᓀᕐᓯᒍᑎᑦᓴᐅᑎᓪᓗᒋᑦ ᐃᓕᓵᓂᒃ, ᒪᑯᓂᖓᒐᓴᒃ ᖃᐅᔨᒪᓇᕐᓗᑐᕐᑐᒥᒃ ᐃᓗᓯᕐᓗᕈᑎᓕᓐᓂᒃ ᐱᒍᑦᔭᐅᒍᑎᑦᓴᖏᓐᓂᓗ ᑕᒪᒃᑯᐊ ᐃᓕᓵᑦ ᐋᕐᕿᓱᐃᖃᑕᐅᖃᑦᑕᓗᓂ;

·       ᖃᓄᐃᓘᖃᑎᒋᖃᑦᑕᓗᒋᑦ ᐅᓐᓂᑑᑎᑦᓴᑕᓕᒻᒥᒃ ᐃᓛᒃᑰᑐᒥᒃ ᐃᓕᓭᓂᕐᒥ ᐱᓪᓗᑯᒋᐊᓕᓕᕆᔩᑦ, ᑲᒪᔩᑦ ᐱᐅᓯᕐᓘᑎᓕᓐᓂᓗ ᑲᒪᔨᓂᒃ;

·       ᓴᐳᑦᔨᒪᓗᒋᑦ ᑲᑎᕕᒃ ᐃᓕᓴᕐᓂᓕᕆᓂᕐᒥᒃ ᐃᓕᓴᕐᑐᑦ ᐃᓛᒃᑰᑐᓂᒃ ᑭᖕᖒᒪᔭᖏᑎᒎᕐᑐᒥᒃ ᖃᓪᓗᓈᓃᑦᑐᓂᒃ;

·       ᖃᓄᐃᓘᖃᑎᖃᖃᕐᑕᓗᓂ ᐃᓗᓯᓕᕆᓂᕐᒥ ᐱᒍᑦᔨᔪᓂᒃ ᐃᓄᓕᕆᓂᕐᒥᓗ ᔭᕆᐊᖃᕈᑎᒃ ᐃᒻᒥᑯᐊᕐᑎᑐᑦ ᐃᓕᓵᑦ ᐱᓪᓗᒋᑦ:

·       ᐱᔭᕆᐅᕐᓭᖃᑦᑕᓗᓂ ᓴᐳᑦᔨᓯᒪᓗᒋᑦ ᐃᓛᒃᑰᑐᒥᒃ ᐃᓕᓭᔩᑦ ᐊᑐᓂ ᐃᓕᓴᕐᕕᓂ, ᐊᓯᒋᔭᖏᓐᓂᑕᐅᖅ, ᑐᑭᓯᔭᐅᑎᒋᐊᕐᓗᒍ ᑲᒪᒋᔭᒋᐊᖃᓕᕐᓂᒦᑦᑐᖅ ᖃᓄᖅ ᐱᓇᓱᐊᕐᑕᐅᕙᓪᓕᐊᓯᓲᖑᒻᒪᖔᑦ ᑲᒪᔪᑦᓴᒫᓄᑦ, ᖁᔭᐅᒍᓂᓗ, ᐃᑲᔪᕐᓯᒪᓗᓂ ᑲᔪᓯᑎᑦᓯᕙᓪᓕᐊᓕᕐᐸᑕ ᑲᒪᒋᐊᕈᑎᑦᓴᓂᒃ ᐃᓕᓴᕐᕕᒥ;

·       ᐃᑲᔪᕐᓯᓗᓂ ᐊᒻᒪᓗ ᐱᑕᖃᕐᑎᓯᐊᕐᓗᒋᑦ ᐃᓕᒃᑯᑦ ᐱᓪᓗᑯᒋᐊᓕᓐᓅᓕᖓᔪᓂᒃ ᐃᓕᓭᓂᕐᒧᑦ ᐃᓕᓭᔩᑦ ᐱᑕᖃᕐᑎᓯᐊᕐᓗᒋᑦ ᐃᓕᓐᓂᐊᑏᑦ ᐃᑲᔪᕐᓯᔭᐅᒍᑎᖏᓐᓂᑦ ᐅᓪᓗᖁᑎᓂᒃ;

·       ᑐᓂᓯᓗᓂ ᐃᑲᔪᕐᓯᓂᕐᒥᒃ ᐱᓪᓗᑯᒋᐊᓕᓐᓅᓕᖓᔪᓂᒃ ᐃᓕᓭᓂᕐᒧᑦ ᐱᓪᓗᑯᑦᑐᓕᕆᔨᖏᓐᓂᒃ;

·       ᐋᕐᕿᓱᐃᖃᑦᑕᓗᓂ ᐱᔭᕆᐅᕐᓴᑕᐅᒍᑎᑦᓴᖏᓐᓂᒃ ᓴᐳᑦᔨᒪᔭᐅᒍᑎᑦᓴᖏᓐᓂᓗ ᐱᐅᓯᕐᓘᑎᓕᓐᓂᒃ ᑲᒪᔨᐅᔪᑦ (ᐱᓱᑲᑕᑦᑎ), ᐃᓛᒃᑰᑐᒥᒃ ᐃᓕᓴᕐᓂᒥ ᐱᓪᓗᑯᒋᐊᓕᓕᕆᔩᑦ ᑲᒪᔨᐅᑎᑕᐅᔪᓪᓗ;

·       ᐱᓇᓱᐊᕐᓗᒋᑦ ᐃᓕᓐᓂᐊᕆᐊᖕᖓᑐᓂᒃ ᐱᒍᓐᓇᓂᖏᓐᓂᒃ ᖃᐅᔨᓴᕐᓂᒥᒃ (ᐃᓚᖃᕐᑎᓗᒍ ᐃᓕᓴᕆᐊᖕᖓᑐᓄᑦ ᓴᖑᕕᐅᑎᑦᓯᓂᕐᒧᑦ););

·       ᐃᓕᓭᔩᑦ ᐃᓕᓴᕐᑕᐅᓂᖓᓂᒃ ᐃᓛᒃᑰᑐᒥᒃ ᐃᓕᓭᔨᓄᑦ ᐃᓛᒃᑰᑐᒥᒃ ᐃᓕᓴᕐᓂᓕᕆᓂᕐᒥ ᕿᑐᕐᖓᐅᔪᓂᓪᓗ ᐱᕈᕐᓭᓂᕐᒧᑦ ᐃᓕᖓᔪᓂ;

·       ᐃᓕᓴᕆᐊᖕᖓᖑᓱᑦᑐᓂᒃ ᕿᒥᕐᕈᖃᑕᐅᖃᑦᑕᓗᓂ/ᖃᐅᔨᓴᖃᑕᐅᖃᑦᑕᓗᓂ 4-ᓂᒃ ᐅᑭᐅᓕᓐᓂᒃ ᐊᑐᐃᓐᓇᐅᔪᕆᔭᐅᑉᐸᑕ (ᐃᓚᖃᕐᑎᓗᒍ ᐃᓕᓴᕆᐊᖕᖓᑐᓄᑦ ᓴᖑᕕᐅᑎᑦᓯᓂᕐᒧᑦ);

·       ᑲᔪᓯᐅᒐᕐᑐᒥᒃ ᐱᕙᓪᓕᐊᑎᑦᓯᓗᓂ ᐃᓗᕐᕈᓯᕐᒥᒃ ᖃᓄᐃᓕᖕᖓᑎᑦᓯᖏᓪᓗᓂ ᖃᐅᔨᓴᕙᓪᓕᐊᕈᑎᑦᓴᓂᒃ ᓴᓇᕐᕈᑎᓂᒃ ᐋᕐᕿᒋᐊᕐᑕᐅᒍᑎᑦᓴᖓᓐᓂᓗ ᐃᓕᓴᕈᑎᑦᓴᐅᓚᖓᓕᕐᑑᑉ;

·       ᐋᕐᕿᓱᐃᖃᑦᑕᓗᓂ ᓅᓯᒪᕕᑦᓴᓂᒃ ᐱᒍᑦᔭᐅᒍᑎᑦᓴᓂᓪᓗ ᓄᐃᑕᑎᒋᐊᓕᖏᓐᓂᒃ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐃᓛᒃᑰᑐᒥᒃ ᐃᓕᓴᕐᓂᓕᕆᓂᕐᒥᓄᑦ ᑲᒪᒍᑎᒋᓗᓂᒋᑦ;

·       ᓴᐳᑦᔨᓯᒪᖃᑦᑕᓗᓂ ᐃᓕᓭᔨᓂᒃ ᑐᑭᓯᑎᓗᒋᑦ ᐱᐅᓯᐅᕙᓪᓕᐊᕆᐊᓕᓐᓂᒃ ᐃᓕᖓᑎᓪᓗᒋᑦ ᐃᓕᓵᓂᒃ ᐃᓛᒃᑰᑐᒥᒃ ᐱᒍᑦᔭᐅᒍᑎᖃᕆᐊᓕᑦᓴᔭᓄᑦ, ᐃᒻᒥᑯᐊᕐᑎᑐᓄᓪᓗ ᐃᓕᓴᕐᓂᓕᕆᒍᑎᑦᓴᓂᒃ ᐱᓇᓱᐊᕐᐸᓕᐊᖃᑕᐅᓗᓂ (IEP)-ᓚᔭᒥᒃ ᑲᔪᓯᕙᓪᓕᐊᓗᒍᓗ ᐃᓛᒃᑰᑐᓂᒃ ᐃᓕᓴᕐᓂᓕᕆᔨᑦᓴᓂᒃ ᑲᑎᒪᔨᐅᕕᒋᓗᒍ.

·       ᐅᓪᓗᖁᑎᓕᐅᕐᓗᒋᑦ ᐸᕐᓇᓗᒋᓗ ᐅᖓᓯᑦᑐᒥᒃ ᐱᒋᐅᕐᓭᓂᖅ ᐊᒻᒪᓗ ᐃᑲᔪᕐᓯᓂᖅ ᐱᓪᓗᑯᒋᐊᓕᓐᓅᓕᖓᔪᓂᒃ ᐃᓕᓐᓂᐊᑎᑦᓯᒍᑎᑦᓴᖃᕐᑎᓯᓂᕐᒥᒃ ᐃᓕᓭᔨᓄᑦ ᐱᓪᓗᑯᒋᐊᓗᕐᓄᐊᖓᔪᓂᒃ;

·       ᐃᓚᐅᕕᒋᓗᒋᑦ ᐅᖃᐅᓯᑦᓴᖃᕐᕕᒋᓗᒋᓗ ᓇᓪᓕᐊᒎᕐᑎᑕᐅᔪᑦᓴᐅᓂᖓᓂᒃ ᐊᒻᒪᓗ ᐋᕐᕿᒋᐊᕆᓂᕐᒧᑦ ᑐᑦᓯᕋᐅᑎᓕᐅᕐᓂᖅ ᐃᓕᓐᓂᐊᕕᓐᓂᒃ.

ᐱᔪᓐᓇᐅᑎᖃᕐᕕᒋᒋᐊᓕᖓ:

ᐁᑉᐸᖃᖕᖏᑑᑉ ᐃᓕᑕᕆᔭᐅᑦᔪᑎᖓᓂᒃ ᐃᓛᒃᑰᑐᒥᒃ ᐃᓕᓴᕐᓂᓕᕆᒍᓐᓇᓂᕐᒧᑦ.

ᐃᓕᓴᕐᓂᓕᕆᓂᖅ, ᐱᔪᒪᓂᕐᓴᕆᒍᓂᐅᒃ, ᐱᔪᓐᓇᐅᑎᒋᔭᐅᒋᐊᖃᕐᓂᕋᕐᑕᐅᑫᓐᓇᑐᒥᒃ ᐊᑐᕐᑕᐅᑎᑦᓯᖏᑐᐃᓐᓇᕆᐊᓕᒃ ᓇᑉᕚᓯᒪᑐᐊᕈᓂ ᐱᓇᓱᑦᑐᓴᒥᒃ ᔦᒻᔅ ᐯᒥ ᑯᐯᑉ ᑕᕐᕋᖓᓂᓗ ᐊᖏᖃᑎᒌᒍᑎᒧᑦ ᐃᓚᐅᔪᒥᒃ (JBNQA) ᑖᓐᓇᓗ ᐊᖏᕐᑐᕕᓂᐅᑉᐸᑦ, ᐱᓇᓱᒐᖃᕐᑎᑕᐅᒍᑎᒋᓚᖓᓗᒍ, ᐱᔭᕆᐅᕐᓴᑕᐅᒍᑎᑦᓴᒥᒃ ᐃᓕᓴᕐᓂᓕᕆᓂᕐᒧᑦ ᐋᕐᕿᓱᕐᑕᐅᓯᒪᔪᒥᒃ.

ᐊᑐᕈᓐᓇᒋᐊᓕᖏᑦ:

Ÿ  ᐃᑭᓐᓇᐸᐅᑎᓪᓗᒋᑦ ᑕᓪᓕᒪᓂᒃ (5) ᐊᕐᕌᒍᕐᓂᒃ ᐃᓕᓐᓂᐊᑎᑦᓯᓯᒪᒋᐊᓕᒃ ᐃᓛᒃᑰᑐᒥᒃ ᑭᖕᖒᒪᒋᔭᓕᓐᓂᒃ ᕿᑐᕐᖓᐅᔪᓂᒃ;

Ÿ  ᐅᖃᕈᓐᓇᓯᐊᕐᓗᓂ ᒪᕐᕉ (2) ᐱᖓᓲᑎᓪᓗᒋᑦ (3) ᐃᓕᓴᕐᓂᓕᕆᓂᐅᑉ ᐊᑐᕐᑕᐅᑎᕙᑦᑕᖏᓐᓂᒃ ᐅᖃᐅᓯᕐᓂᒃ (ᐃᓄᑦᑎᑐᖅ ᐅᐃᒍᐃᑎᑐᑦ, ᖃᓪᓗᓈᑎᑐᓪᓗ);

Ÿ  ᖃᐅᔨᒪᓂᖃᕐᓗᓂ ᖃᐅᔨᓴᕐᕈᑕᐅᓲᓂᒃ ᓴᓇᕐᕈᑎᓂᒃ ᖃᓪᓗᓈᑎᑑᕐᑎᓗᒋᑦ ᐅᐃᒍᐃᑎᑐᓪᓗ;

Ÿ  ᐊᕐᕕᑕᕋᓕᒍᓐᓇᕆᐊᓕᒃ

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ ᐱᓇᓱᕝᕕᖃᕋᔭᕐᑐᖅ: $49,456-ᒥᑦ $92,027-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.