ᓂᕈᐊᕐᓂᓕᕆᔨᒃ - Makivvik

ᐱᓇᓱᒐᖅ ᐊᑐᐃᓐᓇᐅᓕᕐᒥᔪᖅ 

ᑭᓇᒃᑰᓂᕗᑦ

ᒪᑭᕝᕕᒃ , ᑎᒥᐅᔪᖅ ᐱᖁᔭᓕᕆᓂᕐᒥ ᐱᓇᓱᐊᓲᖅ ᑭᒡᒐᑐᕐᓱᓂ ᐃᓄᓐᓂᒃ ᓄᓇᕕᒻᒥ 1978ᒥᓂᑦ. ᒪᑭᕝᕕᑎᒍᑦ ᑎᒥᐅᔪᖁᑎᕗᑎᒍᓪᓗ, ᒪᑭᕝᕕᒃ ᐱᕕᑦᓴᓕᐅᖃᑦᑕᓯᒪᓕᕐᑐᖅ ᓄᓇᕕᒻᒧᑦ ᐃᓚᐅᔪᓂᑦ ᓄᓇᕕᒻᒦᑐᓂᓗ, ᐅᓪᓗᒥᓗ 500 ᐅᖓᑖᓂ ᐱᓇᓱᑦᑎᖃᓕᕐᑐᖅ ᓄᓇᕕᒻᒥᐅᓂᑦ ᐱᓇᓱᑦᑎᒋᔭᐅᔪᓂᑦ ᒪᑭᕝᕕᑯᓄᑦ ᐊᓪᓚᕕᑦᑎᓂ ᑎᒥᐅᔪᖁᑎᑦᑎᓂᓗ.

ᐃᓕᓐᓂᐊᕆᐊᓪᓛᑎᑕᐅᒍᓐᓇᖁᑦ ᐃᓚᐅᔪᐃᑦ ᐱᓇᓱᒐᕐᒥᓂᒃ ᓯᕗᒧᐊᒋᐊᓪᓚᒍᑎᑦᓴᓂᒃ.

ᐃᓄᐃᑦ ᐃᓚᐅᔪᐃᑦ ᐱᓇᓱᑦᑎᑖᕆᔭᐅᕐᖄᖃᑦᑕᓂᐊᕐᖁᑦ ᒪᑭᕝᕕᑯᓂ. 

ᐱᓇᓱᒐᖅ

ᐱᓇᓱᒐᖅ: ᓂᕈᐊᕐᓂᓕᕆᔨᒃ

ᐊᖓᔪᕐᖄᖃᕐᓱᓂ: ᐃᑲᔪᕐᑎᒃ ᑐᑭᒧᐊᑦᑎᓯᔨᒧᑦ ᑯᐊᐳᕆᓴᐅᑉ ᐊᓪᓚᕕᖓᓂ.

ᓇᓃᓐᓂᖓ: ᑰᑦᔪᐊᖅ ᐅᕝᕙᓘᓐᓃᑦ ᒪᓐᑐᔨᐊ

ᖃᓄᐃᓕᖓᓂᖓ ᐱᓇᓱᒐᐅᑉ: ᐱᓇᓱᒐᐅᓚᐅᕐᑐᑐᖅ, ᐅᓪᓗᓕᒫᕐᓯᐅᑎ (ᐊᕐᕌᒍᓕᒫᒥ ᐃᓇᖐᓯᒪᓗᓂ)

ᐃᓱᓕᕝᕕᖓ ᐅᓪᓗᒃ: ᓯᑉᑎᒻᐱᕆ 3, 2025 ᑮᓇᐅᑦᔭᓵᑦ ᐱᕙᓪᓕᖁᑎᖏᓪᓗ

ᑮᓇᐅᑦᔭᓵᖏᑦ: ᐊᑯᓐᓂᖏᓐᓂ $70,000 ᐊᒻᒪᓗ $87,000 ᐊᕐᕌᒍᑕᒫᑦ

ᐱᕙᓪᓕᖁᑎᖏᑦ: ᐱᕙᓪᓕᖁᑏᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᓪᓚᑕᐅᒪᔪᐃᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖓᓂᒃ ᐆᑦᑐᑎᒋᓗᒋᑦ:

▪ ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ

▪ ᓂᖀᑦ ᖃᖓᑦᑕᔫᒃᑰᕈᑎᖏᑦ: ᐅᓄᕐᓂᐹᖃᕐᓱᑎᑦ $6,500

▪ ᐊᒥᓱᐃᓄᑦ ᐃᒻᒪᖃᐅᑎᑦ

▪ ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500

▪ ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ

▪ ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000

▪ ᖃᓂᒪᓂᕐᒧᑦ: 15 ᐅᓪᓗᐃᑦ

▪ ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000

▪ ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800ᓂᑦ

ᑲᒪᒋᔭᑦᓴᔭᖏᑦ

▪ ᕿᓂᖃᑦᑕᓗᓂ ᐃᓕᓐᓂᐊᑎᑦᓯᓗᓂᓗ ᓄᓇᓕᓐᓂᑦ ᓂᕈᐊᕐᑎᓯᔨᑦᓴᓂᑦ;

▪ ᐸᕐᓀᓗᓂ ᐃᓂᓪᓚᑎᕆᓗᓂᓗ ᓂᕈᐊᕐᓂᓂᑦ;

▪ ᑲᒪᒋᔭᖃᕐᓗᓂ ᓄᑕᐅᓯᓕᕆᕙᓪᓗᓂᓗ ᐊᑎᕐᓂᑦ ᐊᓪᓚᓯᒪᔪᓂᑦ ᓄᓇᓕᓐᓂ ᓂᕈᐊᕐᑎᓯᐅᒍᓐᓇᑐᓂᑦ;

▪ ᓇᓗᓀᕐᓯᓗᓂ ᑲᒪᒋᔭᖃᕐᓗᓂᓗ ᐊᑎᕐᓂᑦ ᐊᓪᓚᓯᒪᔪᓂᑦ ᓂᕈᐊᕐᕕᓯᐊᖑᒍᓐᓇᑐᓂᑦ ᓄᓇᓕᓕᒫᓂᑦ;

▪ ᐊᓪᓚᕕᒻᒥ ᖃᓄᐃᓗᕈᓯᓕᐅᕐᓗᓂ ᑐᓴᐅᒪᖃᑎᒌᑦᓯᐊᓂᖃᕐᓂᐊᒪᑕ ᓄᓇᓖᑦ ᒪᑭᕝᕕᑯᓗ ᐊᒻᒪᓗ ᓄᓇᓕᓐᓂᑦ ᑎᒥᐅᔪᐃᑦ;

▪ ᕿᒥᕐᕈᒋᐊᓪᓛᐸᓪᓗᓂ ᓄᑕᐅᓯᓕᕆᕙᓪᓗᓂᓗ ᕆᐊᖃᓕᕐᐸᑦ ᑐᖕᖓᕕᖃᕐᓗᓂ ᓂᕈᐊᕐᓂᓴᓂᑦ ᑐᓴᕐᑎᓯᒍᑎᓂᑦ ᐅᖄᔭᐅᔪᑦᓴᓂᓗ;

▪ ᐊᑐᐃᓐᓇᕈᕐᑎᓗᓂ ᓂᕈᐊᕈᑎᓂᑦ;

▪ ᓄᓇᕕᒻᒥᐅᑦ ᐃᓚᐅᔪᖁᑎᖏᓐᓂᑦ ᑐᓴᐅᒪᖏᓐᓇᓕᒫᕐᑎᓯᓗᓂ ᓂᕈᐊᕐᓇᐅᓂᐊᕐᑐᓂᑦ, ᓴᕐᕿᑕᐅᒋᐊᖕᖓᒍᑎᓂᑦ ᓂᕈᐊᕐᓂᓴᓂᑦ ᑐᓴᕐᑎᓯᒍᑎᓂᑦ, ᑐᓴᐅᑎᒃᑯᑦ ᖃᓄᐃᓕᖓᓕᕐᓂᖏᓐᓂᑦ ᑐᓴᕐᑎᓯᔨᐅᓗᓂ, ᐊᓯᖏᓪᓗ;

▪ ᐱᓇᓱᖃᑎᖃᕐᓗᓂ ᐱᖓᔪᒋᔭᐅᔪᓂᑦ ᐱᓇᓱᖃᑎᐅᔪᓂᑦ ᐱᒍᑦᔨᔪᓂᑦ

▪ ᐃᑉᐱᒋᔭᖃᕐᓗᓂ ᑲᒪᒋᔭᖃᕐᓗᓂᓗ ᓂᕈᐊᕐᓇᒧᓕᖓᔪᓂᑦ ᑮᓇᐅᔭᕐᑐᕈᑎᓂᑦ, ᑮᓇᐅᔭᕐᑑᑎᑦᓴᓕᐊᓂᑦ ᐊᑐᐃᓐᓇᕈᕐᑎᓗᓂ

▪ ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᖁᔭᐅᓕᕈᓂ;

▪ ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.

ᐱᒍᓐᓇᕆᐊᓕᖏᑦ

▪ ᐃᓕᓐᓂᐊᕕᒻᒥ ᐳᕐᑐᓂᕐᓴᓂ ᐱᔭᕇᕈᑎᖃᕐᓗᓂ ᐊᑦᔨᐸᓱᖓᓂᓗᓐᓃᑦ ᐱᓇᓱᑦᑎᐅᓯᒪᓗᓂ;

▪ ᐅᖄᒍᓐᓇᓯᐊᕐᓗᓂ ᒪᕐᕈᔪᐊᓐᓂᒃ ᐅᖃᐅᓰᓐᓂᒃ (2) ᐱᖓᓱᓂᑦ (3) ᐅᖃᐅᓯᕐᓂᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓗᓐᓃᑦ ᒍᐃᒍᐃᑎᑐᑦ;

▪ ᖃᕆᑕᐅᔭᒥᒃ ᐊᑐᕈᓐᓇᓯᐊᕐᓗᓂ: Microsoft Suite (Excel, Word, PowerPoint, ᐊᓯᖏᓐᓂᓗ);

▪ ᖃᐅᔨᒪᓗᓂ ᒪᑭᕝᕕᑯᑦ ᓂᕈᐊᕈᓯᕐᓂᓂᑦ ᖃᓄᐃᓗᕐᓂᕆᓱᖏᓐᓂᑦ;

▪ ᐊᓯᒥᓂᒃ ᐃᓅᖃᑎᖃᕉᓐᓇᓯᐊᕐᓗᓂ;

▪ ᐊᑦᔨᒌᑦᑎᓯᒍᓐᓇᓯᐊᕐᓗᓂ;

▪ ᑭᓯᑦᓯᒍᑎᓐᓂᐊᕈᓐᓇᓗᓂ ᖃᓄᐃᓕᖓᔪᓂᑦ ᕿᒥᕐᕈᒍᓐᓇᓯᐊᕐᓗᓂᓗ;

▪ ᐃᓂᓪᓚᑎᕆᒍᓐᓇᓯᐊᕐᓗᓂ, ᐅᑉᐱᕆᔭᐅᒍᓐᓇᓯᐊᕐᓗᓂ ᑲᒪᒍᓐᓇᓯᐊᕐᓗᓂᓗ ᐅᖃᔭᐅᑎᐅᒋᐊᖃᖕᖏᑐᓂᑦ ᑐᓴᐅᒪᔭᐅᒍᑎᓂᑦ;

▪ ᐅᓪᓗᓂᑦ ᐃᓱᓕᕝᕕᓕᐊᕕᓂᕐᓂᑦ ᑎᑭᐅᑎᒍᓐᓇᓯᐊᕐᓗᓂ, ᐱᓇᓱᒍᓐᓇᓯᐊᕐᓗᓂ ᐊᒥᓱᓂᑦ ᐱᔭᑦᓴᖃᕐᓗᓂ;

▪ ᐃᕐᖃᑐᐃᕕᑎᒍᑦ ᐃᕐᖃᑐᕋᑦᓴᖑᓚᐅᕐᓯᒪᖕᖏᓗᓂ.

ᖃᐅᔨᒋᑦ ᐊᑦᔨᐅᖏᑦᑐᒥᒃ ᐱᓇᓱᒐᑦᓴᓯᐊᒥᒃ ᐊᓕᐊᓇᕐᑐᒥᒃ ᐱᓇᓱᒐᕐᒥᒃ ᒪᑭᕝᕕᑯᓂ

ᐱᓇᓱᒍᒪᒍᑎᓂᒃ ᐊᐅᓪᓚᑎᑦᓯᒋᑦ ᐅᕝᕙᓗᓐᓃᑦ ᑕᑯᓂᐊᕐᑎᒍᑦ ᐅᕙᓂ www.Makivvik.ca/jobs, ᐊᐅᓪᓚᑎᑦᓯᓗᑎᓗᓐᓃᑦ ᐃᓕᓐᓂᐊᓯᒪᔭᑎᓐᓂᒃ ᐱᓇᓱᒐᕆᓯᒪᔭᑎᓐᓂᒃ /ᐱᓇᓱᒐᕐᑖᕈᒪᒍᑎᓐᓂᓗᓐᓃᑦ ᐊᓪᓚᖁᑎᖏᓐᓂᑦ ᐅᕗᖓ: HR@makivvik.ca

ᐱᓇᓱᒐᖃᕐᕕᒃ ᑐᕌᒐᖃᕐᖁᑦ ᐱᓇᓱᒐᕐᑖᑎᑦᓯᒍᒪᑦᓱᓂ ᐃᓄᑐᐃᓐᓇᓂᒃ ᐃᓚᐅᔪᓂᑦ ᔦᒥᓯ ᐯ ᑯᐯᒃᓗ ᑕᕐᕋᖓᑕ

ᐊᖏᖃᑎᒌᒍᑎᖏᓐᓄᑦ.

ᓇᑯᕐᒦᖁᒍᑦ ᐱᓇᓱᒐᕐᑖᕋᓱᑦᑐᓕᒫᓂᒃ ᑖᑦᓱᒥᖓ ᐱᓇᓱᒐᕐᒥᒃ.

ᐊᐱᕐᓱᑲᑦᑕᑕᐅᒐᔭᕐᑐᐃᑦ ᑭᓯᐊᓂ ᐊᓪᓚᕕᐅᓛᕐᑐᑦ.