ᐊᐅᓚᔪᓕᕆᒍᓐᓇᓗᓂ, ᐊᐅᓚᑦᓯᒍᑎᒥ ᐃᓕᓭᔨᐅᓗᓂ ᐃᑯᒪᐅᑎᒨᕐᑐᓴᔭᓂ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫ ᑲᕙᒪᖓ (KRG) ᑲᑎᖕᖓᔨᑦ ᐊᓪᓚᕕᖁᖏᑦᑕ ᑎᒥᐅᔪᖁᑎᖓ ᐱᒍᓐᓇᐅᑎᖃᕐᓱᓂ ᓄᓇᑐᕐᓕᖓᓂ ᑕᕐᕋᖓᓂ ᑯᐯᒥ 55th ᐅᖓᑖᓂ, ᐃᒣᓕᖓᓗᐊᖑᐊᑐ, ᐱᓪᓗᑯᒋᐊᓕᓐᓂ ᓴᐳᒻᒥᓲ ᓄᓇᓕᓕᒫᓂ ᑕᕐᕋᖓᓃᑦᑐᓂ ᓄᓇᕕᐅᑉ.

ᑲᑎᕕᒃ ᓄᓇᓕᓕᒫᑦ ᑲᕙᒪᖓ KRG ᕿᓂᕐᑐ ᐱᒍᒪᓂᖃᑦᓯᐊᑐᒥ ᑲᑦᓱᙰᑦᑐᒥ ᐱᒍᓐᓇᓗᓂ ᐊᒥᓱᐊᓕᖓᔪᓂ ᑭᖕᖒᒪᒋᔭᐅᔪᓂ ᑲᔪᓯᑎᑦᓯᒍᓐᓇᓗᓂ:

ᐊᐅᓚᔪᓕᕆᒍᓐᓇᓗᓂ, ᐊᐅᓚᑦᓯᒍᑎᒥ ᐃᓕᓭᔨᐅᓗᓂ ᐃᑯᒪᐅᑎᒨᕐᑐᓴᔭᓂ

(ᐊᑯᓂ ᐊᑕᔪᒥ, ᐃᓇᖏᖃᑦᑕᐅᑎᓂᕐᒥ)

ᐱᓇᓱᐊᓯᒪᓕᕐᑕᒥᓂ ᑐᓴᕐᑎᓯᕙᓪᓗᓂ ᑐᑭᒧᐊᑦᑎᓯᔨᐅᑉ ᑐᖓᓂᖓᓄ ᑲᑎᖕᖓᔨᒃᑯ ᐱᒍᑦᔨᔨᖏᓐᓄ ᐃᓄᓕᒫᕐᓯᐅᑎᓄᓕᖓᔪᒥ, ᐊᐅᓚᔪᓕᕆᒍᓐᓇᓗᓂ, ᐊᐅᓚᑦᓯᒍᑎᒥ ᐃᓕᓭᔨᐅᓗᓂ ᐃᑯᒪᐅᑎᒨᕐᑐᓴᔭᓂ ᐃᑉᐱᒋᔭᖃᑦᓯᐊᒍᓐᓇᓗᓂ ᐊᑐᒍᓐᓇᑐᓂ ᓯᖁᒥᓯᒪᖏᑲᓗᐊᕐᒪᖔᑕ ᓴᓇᔭᐅᒋᐊᖃᕐᐸᑕᓗ ᓴᓇᒍᓐᓇᓗᓂ ᐊᐅᓚᔪᓂᑦ ᐃᒪᕐᑑᑎᓂ ᐄᒐᕕᒨᔭᕆᐊᓕᓐᓂᓗ. ᐱᓇᓱᒐᖓ ᐃᓕᓭᓂᐅᑦᓱᓂ ᑲᑎᖕᖓᔨᒃᑯᑦ ᐱᓇᓱᑦᑎᖏᓐᓂ ᐱᐅᒃᑯᑎᒋᔭᐅᔪ ᐊᑐᕈᓐᓇᓯᐊᖁᓪᓗᒋ ᓄᓇᓕᓕᒫᖏᓐᓂ ᓄᓇᕕᒻᒥ 14.

ᐱᓇᓱᒐᕐᒥᓂ ᐱᔭᑦᓴᖏᑦ:

• ᐃᒪᕐᑐᑏᑦ ᐊᐅᓚᒍᑎᖏ ᖁᐊᕐᑎᓯᒍᓐᓇᓯᐊᕐᒪᖔᑕ ᐄᒐᕐᒥᒨᕐᑐᓴᕐᓂᒐᓴ ᐃᑉᐱᒋᔭᖃᕐᓗᓂ ᐊᐅᓚᐅᑎᓂᑦ.

• ᑲᑎᖕᖓᔨᒃᑯᓂ ᐱᓇᓱᑦᑎᓂ ᐱᒋᐅᕐᓴᑎᑦᓯᔨᐅᓗᓂ ᐊᐅᓚᐅᑎᓂ ᑲᒪᒋᐅᕐᓴᑎᓗᒋ ᓴᓇᒋᐊᖃᕐᐸᑕ ᐃᒪᕐᑑᑎᓂ ᐃᓕᓴᕐᓗᒋᑦ ᐄᒐᕕᒨᓕᖓᔪᓂᓪᓗ ᐃᑯᒪᐅᑎᒨᕐᑐᓂ, ᐊᐅᓚᒍᑎᓕᕆᒋᐅᕐᓴᓃᑦ.

• ᐃᓕᐅᕐᙯᓗᑎᑦ, ᐊᑕᑎᑦᓯᐊᓗᒋ ᓴᓇᖃᑦᑕᓗᒋ ᐊᐅᓚᔪᖏᑦ, ᐱᐅᒃᑯᑎᖏᓪᓗ (ᐆᓇᕐᑐᑎᓕᕆᐅᑏᑦ ᐱᑑᑎᖏᑦ, ᐊᐅᓚᑦᓯᒍᑏᑦ ᐃᒪᕐᑑᑎᓂᑦ, ᖃᐅᔨᒍᑏᑦ ᖃᓄᐃᒻᒪᖔᑕ, ᖃᐅᔨᒍᑏᑦ ᓱᒻᒪᖔ, ᐃᓚᑦᓴᔭᖏᓪᓗ ᐱᐅᒃᑯᑎᖏᑦᑕ, ᐊᓯᖏᓪᓗ.)

• ᐊᐅᓚᔪᐃᑦ ᐆᑦᑐᕋᖃᑦᑕᓗᒋᑦ ᐃᖏᕐᕋᓯᐊᕐᒪᖔᑕ, ᐱᐅᒃᑯᑎᖏᑦ, ᐊᐅᓚᒍᑎᖏᑦ, ᐊᑕᒌᕐᑐᒥᓗ ᐊᐅᓚᒍᑎᖏᑦ ᐊᐅᓚᒍᑎᒋᐊᓪᓛᖏᓐᓂᓗ.

• ᐃᖏᕐᕋᓂᕆᒋᐊᓕᖏ ᑲᔪᓯᑦᓭᓇᕐᑎᕋᓱᐊᕐᓗᒋᑦ ᓯᖁᒥᓚᐅᕐᑎᓇᒋ ᐃᑯᒪᐅᑎᒨᕐᑐᖁᑎᖏᑦ ᐊᐅᓚᔪᖁᑎᖏᑦ ᐃᒪᕐᑐᑏᑦ ᐃᒐᕐᕕᒨᓕᖓᔪᓪᓗ ᐃᓂᓪᓚᑕᐅᒪᓂᖏᑦ ᐊᓪᓚᓯᒪᑦᓯᐊᖃᑦᑕᓗᒋ ᖃᓄᐃᓕᖓᓕᕐᒪᖔᑕ.

• ᐊᐅᓚᑦᓯᔨᓗ, ᐱᓪᓗᑯᒋᐊᓕᓐᓂ ᓴᓇᔩᑦ ᓴᓇ ᓯᖁᒥᑦᓯᒪᒻᒪᖔ ᓇᓗᓀᖃᑎᒋᖃᑦᑕᓗᒋᑦ ᐃᓕᓭᔨᐅᒻᒥᔪ ᐱᓇᓱᑦᑎᒋᔭᐅᔪᓂᑦ ᑐᕐᓱᐊᓂ ᖁᐊᕇᒃᑯᑎᓂ ᓯᒃᑭᕇᒃᑯᑎᓂ ᐃᑉᐱᒍᓱᖃᑎᒌᓪᓗᓯ ᑐᑭᓯᓇᓕᕐᑎᓯᖃᑎᒌᓪᓗᓯ.

• ᑎᒥᐅᔪᓂ ᑲᑎᖕᖓᔨᒃᑯᓂᓗ ᐱᕙᓪᓕᐊᖃᑎᖃᕐᓗᑎ, ᓄᐃᑦᓯᖃᑦᑕᓗᑎ ᖃᓄᕐᑑᕈᑎᓂᑦ, ᓱᒃᑯᐊᕿᑦᑌᓕᓂᕐᒧᑦ ᐃᒪᕐᑐᑏᑦ ᓯᒃᑭᖁᓇᒋ ᐃᑦᔨᓕᕐᐸᑦ ᐊᐅᓚᒍᑎᓕᒫᖏᑦ.

• ᐃᓚᐅᖏᓐᓇᖃᑦᑕᓗᓂ ᐱᓇᓱᒋᐅᕐᓴᑎᑕᐅᔪᕐᑕᖃᓕᕐᐸᑦ ᖁᐊᕇᒃᑯᑎᓐᓂ ᐃᒪᕐᑑᑎᓄᑦ ᓄᓇᓕᓕᒪᓂᑦ ᓄᓇᕕᒻᒥ 14.

• ᐊᐅᓚᑦᓯᔩᑦ ᑎᓕᐅᕈᑎᖏᓐᓂ ᑲᔪᓯᑎᑦᓯᓯᐊᖃᑦᑕᓗᑎᑦ.

ᐱᒍᓐᓇᐅᑎᒋᕆᐊᓕᖏ ᓱᓇᓂᓪᓗ ᐱᓇᓱᐊᕆᖓᖃᕐᓂᖓ:

• ᐱᔪᓐᓇᐅᑎᑖᕐᓯᒪᒋᐊᓕ ᐃᓕᓴᓯᒪᓗᓂ (DEP) ᐊᐅᓚᔪᓕᕆᓂᕐᒥ ᐃᑯᒪᐅᑎᒨᕐᑐᓂ, ᐊᐅᓚᔪᓂ ᐱᓪᓗᑯᒋᐊᓕᓐᓂ ᐋᕐᕿᓱᐃᒍᓐᓇᓗᓂ ᒥᑦᓴᐅᓵᕐᑐᒥᓪᓗᓃᑦ ᐱᒍᓐᓇᐅᑎᖃᕐᓗᓂ.

• ᐃᑯᒪᐅᑎᒨᕐᑎᓕᕆᓂᕐᒥ ᐱᒍᓐᓇᐅᑎᑕᖃᕐᓗᓂ ᐊᓪᓚᕕᑦᓴᒥᑦ C (ᓴᓇᔨᐅᓂᕐᒥᑦ) ᒥᑦᓴᐅᓵᕐᑐᒥᓪᓗᓃᑦ.

• ᑕᓪᓕᒪᓂ ᐊᕐᕌᒍᕐᓂ ᐱᓇᓱᐊᕐᓯᒪᓗᓂ ᐊᐅᓚᔪᓕᕆᓂᕐᒥ, ᐊᐅᓚᒍᑎᖏᓐᓂ ᐃᑯᒪᐅᑎᒨᕐᑐᑦ, ᒥᑦᓴᐅᓵᕐᑐᓂᓪᓗᓃ ᐱᓇᓱᐊᕐᓯᒪᓗᓂ ᑐᑭᓯᒪᓂᕐᑕᖃᑦᓯᐊᓗᓂ.

• ᐱᓇᓱᐊᕆᐊᒥ ᖃᐅᔨᒪᓂᖃᕐᓗᓂ ᐊᐅᓚᒍᑎᑦᓴᔭᖏᓐᓂ i PLCs, HMIs, SCADA ᐱᐅᒃᑯᑎᑦᓴᔭᖏᓐᓂ, ᐃᖏᕐᕋᐅᑎᑦᓴᔭᖏᓐᓂ, ᒥᑦᓵᓂᑦᑐᓂᓪᓗ ᐊᑐᓕᓂᐅᓗᓂ.

• ᓴᓇᑐᔫᓂᕐᒥ ᐃᑯᒪᐅᑎᒨᕐᑐᓴᔭᓂ ᐃᓕᓴᕐᕇᕐᓯᒪᓗᓂ (CET) ᐱᒍᓐᓇᐅᑎᖃᕐᓗᓂ ᐊᑦᔨᐸᓱᖓᓂᓪᓗᓃᑦ ᓇᓪᓕᖁᐊᖓᓂ ᐱᒍᓐᓇᐅᑎᖃᕐᑐᖁᑎᒋᔭᐅᒍᓐᓇᑐ

• ᐊᑐᐊᕐᓯᒍᓐᓇᓗᓂ ᓴᓇᑦᑐᓭᓂᕐᒥ ᑭᑎᑦᔪᓂᐊᕐᓂᒥ, ᑲᔪᓯᑎᑕᐅᒋᐊᓕᓐᓂ ᐸᕐᓀᓱᖑᓗᓂ, ᐊᐅᓚᔪᓂ ᓇᕐᓂᑕᐅᒋᐊᓕᓐᓂ ᖃᐅᔨᒪᓗᓂ.

• ᐅᖄᖃᑎᒌᑦᓯᐊᖃᑎᖃᕈᓐᓇᓗᓂ, ᐊᓪᓚᓂᒃᑯᑦ ᑕᒃᑯᒧᓪᓗ, ᒪᕐᕈᔪᐊᓂ ᐅᖃᐅᓯᖃᒍᓐᓇᓗᓂ: ᐃᓄᒃᑎᑐᑦ, ᖃᓪᓗᓈᑎᑐᑦ, ᐅᐃᒌᑎᑐᓪᓗ.

• ᖃᕆᑕᐅᔭᕐᑎᒍ ᐊᓪᓚᒍᓐᓇᓗᓂ Microsoft Office suite ᖃᕆᑕᐅᔭᕐᑎᒍᓪᓗ ᓴᓇᒍᓐᓇᓗᓂ ᐃᑯᒪᐅᑎᒨᕐᑐᓂ ᐊᐅᓚᔪᓂ (CMMS) ᑕᑕᕐᓱᑕᐅᕆᐊᖃᓲᓂ.

• ᐊᕐᕕᑕᕈᓐᓇᓗᓂ ᑕᕐᕋᒥ ᓄᓇᓕᓐᓂ ᓯᓂᑦᑕᕕᓐᓃᖃᑦᑕᓗᓂ ᐊᓯᖏᓐᓂ ᑐᔪᕐᒥᐅᖃᑎᖃᒍᓐᓇᓗᓂ.

• ᓯᓚ ᓱᐊᕈᑦᓯᔭᒍᓪᓘᓲᖑᒻᒪ ᓱᑲᑦᑐᒥ ᐊᓯᑦᔨᐸᑦᓱᓂ, ᑌᒣᒐᓗᐊᕐᑎᓗᒍ ᓱᖏᐅᓐᓂᐅᓗᓂ ᐅᑭᐅᕐᑕᑐᒥ ᐱᓇᓱᐊᕆᐊᓕᒻᒥᓂ ᑲᔪᓯᑐᐃᓐᓇᐸᓪᓗᓂ.

• ᓱᓇᑕᖃᑦᓯᐊᖏᑦᓴᓂᕐᐸ ᖃᓄᕐᑑᕈᓐᓇᓗᓂ ᖁᕕᐊᒋᓗᒍ ᐱᓇᓱᐊᕐᑕᖓ ᐊᓯᒥᓂ ᐱᓇᓱᐊᖃᑎᖃᒍᓐᓇᓯᐊᕐᓗᓂ ᐃᓱᒪᑕᐅᒋᐊᖃᕐᓂᒥᓂ ᐃᑉᐱᒍᓱᓪᓗᓂ.

• ᑯᐯᒥ ᐊᖁᒍᓐᓇᐅᑎᖃᕐᓗ Class 5 ᑲᓇᑕᒥᓪᓗᓃᑦ ᓇᓪᓕᖁᐊᖓᓂ ᐊᖁᒍᓐᓇᐅᑎᐅᑉ

• ᑕᕐᕋᒥ ᐱᓇᓱᓕᓂᐅᑦᓴᖏᔭᐃᒋᐊᓕ 55th ᐅᖓᑖᓂ ᑕᕐᕋᐅᓂᕐᓴᒥ.

ᐱᓇᓱᒐᕐᒥ ᑫᕙᓪᓚᒍᓯᖏ ᓇᓃᓐᓂᖓᓗ:

• 6-3 ᐱᓇᓱᖃᑎᒥᓂ ᓇᓪᓕᑳᖃᑎᖃᕐᓗᓂ: 6 ᐱᓇᓱᐊᕈᓯᕐᓂ ᓄᓇᓕᖏᓐᓂ ᑕᕐᕋᒦᓪᓗᓂ (52.5 ᑫᕙᓪᓚᒍᓯᖏ

ᒪᕐᕉᒃ ᐱᓇᓱᐊᕈᓯᑕᒫᑦ), ᐱᓇᓱᐊᕈᓯᕐᓂ ᐱᖓᓱᓂ ᕿᑲᓚᐅᕐᑐᖃᑦᑕᓗᓂ ᐊᑭᓕᕐᑐᑕᐅᑦᓭᓇᓕᒫᕐᓗᓂ (35

ᑫᕙᓪᓚᒍᓯᖏ ᐱᓇᓱᐊᕈᓯᑕᒫᑦ).

ᐅᕝᕙᓗᓐᓃᑦ

• 4-2 ᐃᓇᖏᖃᑦᑕᐅᑎᓂ: 4 ᐱᓇᓱᐊᕈᓯᕐᓂ ᑕᕐᕋᖓᓂ ᓄᓇᓖᑦ (52.5 ᑫᕙᓪᓚᒍᓯᖏ ᐱᓇᓱᐊᕈᓯᑕᒫᑦ),

ᒪᕐᕉᓂ ᐱᓇᓱᐊᕈᓯᕐᓂ ᕿᑲᕐᓗᓂ ᐊᑭᓕᕐᑐᑕᐅᑦᓭᓇᕐᓗᓂ (35 ᑫᕙᓪᓚᕈᓯᖏ ᐱᓇᓱᐊᕈᓯᑕᒫᑦ).

ᐱᓇᓱᕝᕕᖓᑕ ᓇᓃᓐᓂᖓ: ᓄᓇᕕᒃ

ᑮᓇᐅᑦᔭᓵᖏᑦ: ᐱᒋᐊᕐᕕᖓ. $63,716 - ᐅᓄᕐᓂᐹᖓ. $109,329 ᐊᕐᕌᒍᓕᒫᒥ (ᐳᕐᑐᓂᖓ10)

ᐱᕙᓪᓕᕈᑎᑦᓴᖏᑦ*: ᑐᔪᕐᒥᐅᕕᑦᓴᓕᒫᖏᑦ ᐊᑭᓕᕐᑐᑕᐅᑎᓪᓗᒋ

ᐱᓇᓱᐊᕐᓂᒥᓂ ᑕᕐᕋᖓᓂ ᓄᓇᓖᑦ.

ᓂᕆᒐᑦᓴᖏ ᐊᑭᓕᕐᑐᕋᑦᓴᖏᓪᓗ ᐊᑭᓕᕐᑐᑕᐅᑎᓪᓗᒋ

ᐊᕐᕕᑕᕐᓂᒥᓂ ᓄᓇᕕᒻᒥ.

ᐱᓇᓱᐊᖃᑎᒌᑦ ᐃᓚᐅᔫᕕᖓᓂ ᐃᑦᑑᒍᑎᑕᕐᑕᐅᑎᑦᓴᖏ

ᐃᓂᓪᓚᑕᐅᓯᒪᓗᑎ.

ᕿᑲᓚᐅᕐᑐᒍᓐᓇᑐ: 20 ᐅᓪᓗᓂᑦ/ᐊᕐᕌᒍᑕᒫᑦ.

ᕿᑲᕐᓇᐅᒋᓲᑦ ᑲᓇᑕᒥ: 20 ᐅᓪᓗᐃᑦ, ᐅᐃᒍᖃᕐᓱᑎ 10-ᓂᑦ ᕿᑎᖕᖑᓇᕐᓯᐅᒥ

ᐱᔪᑦᓴᐅᔮᑐᐊᕈᕕᑦ ᖃᓪᓗᓈᑎᑐ ᑎᑎᕋᕐᓯᒪᔪ ᒪᐅᖕᖓᓂᖓᓗᑎᑦ:

Human Resources Department

Kativik Regional Government

P.O. Box 9, Kuujjuaq QC J0M 1C0

Fax: 819-964-2975

Email: humanresources@krg.ca

ᐱᔪᑦᓴᐅᔮᕐᑐ ᑭᓯᐊᓂ ᐅᖄᖃᑎᐅᕋᓱᐊᒐᔭᕐᑐᑦ ᐊᐱᕆᔭᐅᒋᐊᖃᓕᕈᑎ ᐱᓇᓱᒐᕐᒧ ᐃᓕᒐᓱᐊᕐᑐ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐱᕕᑦᓴᖃᕐᑎᓯᓲᑦ ᐊᑦᔨᒌᑦᑎᓯᓂᕐᒥ ᐱᓇᓱᒐᕐᑖᕋᓱᐊᕐᑐᓂᑦ. ᑐᖕᖓᕕᒋᑦᓱᒋᑦ ᒪᑯᐊ, ᔦᒻᔅ ᐯ ᑯᐯ

ᑕᕐᕋᖓᓂ ᐊᖏᖃᑎᒌᓐᓂᐅᓯᒪᔪ, ᐃᓄᐃᑦ ᐱᒍᓐᓇᓂᖏ ᕿᒥᕐᕈᑕᐅᓚᕿᑐᐃᓐᓇᕆᐊᓖᑦ.