ᐅᐃᒪᓇᕐᑐᓯᐅᑎᒥᒃ ᐃᑯᒪᓕᐅᕈᑎᒥᒃ ᐊᑐᕐᓴᐅᑎᑕᐅᒍᑎᖓᓄᑦ ᐃᒫᙰᕐᑎᒥᒃ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᑎᒥᐅᔪᖅ ᐱᔪᓐᓇᕕᓕᒃ ᓄᓇᕕᒻᒥ ᐃᑳᖓᔪᒥ 55 ᑯᐯᒻᒥ ᐊᒻᒪᓗ, ᐱᓗᐊᕐᑐᖅ, ᐱᓪᓗᑯᒋᐊᓕᑎᒍᑦ ᐃᑲᔪᕐᑎᐅᓱᓂ 14-ᓂᒃ ᐅᑭᐅᕐᑕᑐᒥ ᓄᓇᓕᖏᓐᓂᒃ ᓄᓇᕕᒻᒥ.

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᒫᓐᓇ ᕿᓂᕐᑐᖅ ᐃᒻᒥᓄᑦ-ᐅᓇᒻᒥᓱᑦᓯᐊᓂᓕᒻᒥᒃ ᐊᒻᒪᓗ ᐱᒃᑲᕆᑦᑐᒥᒃ ᐃᓄᒻᒥᒃ ᐱᓇᓱᒐᕐᒧᑦ ᐆᒧᖓ:

ᐅᐃᒪᓇᕐᑐᓯᐅᑎᒥᒃ ᐃᑯᒪᓕᐅᕈᑎᒥᒃ ᐊᑐᕐᓴᐅᑎᑕᐅᒍᑎᖓᓄᑦ ᐃᒫᙰᕐᑎᒥᒃ

(ᐊᑌᓐᓇᑐᖅ, ᕿᑲᓚᐅᕐᑐᖃᑦᑕᑐᒥᒃ)

ᐊᖓᔪᕐᖄᖃᕐᓗᓂ ᑲᒪᔨᐅᑉ ᐃᑲᔪᕐᑎᖓᓂᒃ ᓄᓇᓕᓐᓂᒃ ᐃᓄᓕᒫᓅᓕᖓᔪᓂᒃ ᐱᒍᑦᔨᕕᒻᒥ, ᐅᐃᒪᓇᕐᑐᓯᐅᑎ ᐃᑯᒪᓕᐅᕈᑎᒥᒃ ᐊᑐᕐᓴᐅᑎᑕᐅᒍᑎᖓᓄᑦ ᐃᒫᙰᕐᑎ ᑲᔪᓯᑎᑦᓯᓯᐊᕈᓐᓇᓗᓂ ᐊᒻᒪᓗ ᐃᓱᐊᕐᑑᑎᑦᓯᓯᐊᕆᐊᕈᓐᓇᓗᓂ ᐊᐅᓚᐅᑎᖏᓐᓂᒃ ᐃᒪᕐᒥᒃ ᐃᕐᕈᑐᐃᕕᓐᓂᒃ ᐊᒻᒪᓗ ᐃᒪᕐᑑᑎᓂᒃ. ᑖᓐᓇ ᐱᓇᓱᒐᖅ ᐃᓚᓕᒃ ᐊᑐᕐᓴᐅᑎᑦᓯᓯᐊᕆᐊᖃᕐᓂᒥᒃ ᐊᒻᒪᓗ ᐋᕐᕿᒋᐊᕆᖃᑦᑕᕆᐊᖃᕐᓂᒥᒃ ᐊᐅᓚᐅᑎᖏᓐᓂᒃ ᐊᒻᒪᓗ ᐱᓇᓲᑎᓚᑳᖏᓐᓂᒃ 14-ᓂᒃ ᓄᓇᓕᓕᒫᖏᓐᓂᒃ ᓄᓇᕕᒻᒥ.

ᐱᔭᑦᓴᖏᑦ:

• ᓴᓇᕙᓪᓗᓂ ᐊᐅᓚᐅᑎᖏᓐᓂᒃ ᐃᒥᕐᑕᕕᐅᑉ ᐊᒻᒪᓗ ᐃᒪᕐᑑᑎᖏᑦ, ᐊᒻᒪᑕᐅᖅ ᐊᓯᖏᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᓇᓲᑎᓚᑳᖏᓐᓂᒃ 14-ᓂᒃ ᓄᓇᓕᓕᒫᖏᓐᓂᒃ ᓄᓇᕕᒻᒥ.

• ᓱᒃᑯᓯᒪᔪᕐᓯᐅᕙᓪᓗᓂ, ᐋᕐᕿᓱᐃᖃᑦᑕᓗᓂ ᐊᒻᒪᓗ ᓴᓇᕙᓪᓗᓂ ᐱᓇᓲᑎᓕᒫᖏᓐᓂᒃ ᐊᒻᒪᓗ ᐊᐅᓚᐅᑎᒨᓕᖓᔪᓕᒫᓂᒃ, ᐱᑐᑦᑕᕈᑎᓕᒫᖏᓐᓂᒃ (ATS), ᐊᐅᓚᔫᑉ ᑲᒪᐅᑎᓕᒫᖏᓐᓂᒃ ᐊᒻᒪᓗ ᐊᐅᓚᒍᑎᖓᓅᓕᖓᔪᓕᒫᓂᒃ.

• ᐅᐃᒪᓇᕐᑐᒥᒃ ᐊᐅᓪᓚᕈᑎᖃᖃᑦᑕᓗᓂ ᓴᓇᒋᐊᕐᑐᓗᓂ, ᓱᒃᑯᓯᒪᔪᕐᓯᐅᓗᓂ ᐊᒻᒪᓗ ᓱᒃᑯᑌᓕᑎᑦᓯᒋᐊᕐᑐᕙᓪᓗᓂ ᓄᑖᓂᒃ ᐊᒻᒪᓗ ᐊᑐᕐᓯᒪᔪᓂᒃ ᐱᓇᓲᑎᓂᒃ ᓄᓇᓕᓐᓂ.

• ᐱᓇᓱᖃᑎᖃᖃᑦᑕᓗᓂ ᓄᓇᓕᓐᓂᒃ ᐃᓄᓕᒫᓅᓕᖓᔪᓂᒃ ᐱᒍᑦᔨᕕᖓᑕ ᐱᓇᓱᑦᑕᐅᔪᐃᑦ ᑲᒪᔨᖓᓂᒃ ᐊᒻᒪᓗ ᐊᑐᓕᕐᑎᓯᕙᓪᓗᓂ ᓱᒃᑯᑌᓕᑎᑦᓯᒍᑎᓕᐊᓂᒃ.

• ᐊᑑᑎᑎᑦᓯᓯᐊᕐᓗᓂ ᐊᑦᑕᓀᑦᑐᒦᒍᓐᓇᕕᓕᒫᖓᓄᑦ, ᐃᑉᐱᒍᓱᑦᓯᐊᒍᓐᓇᕕᓕᒫᖓᓄᑦ ᐊᒻᒪᓗ ᒪᓕᑦᓯᐊᕈᓐᓇᕕᓕᒫᖓᓄᑦ ᒪᓕᒐᕐᓂᒃ ᐊᒻᒪᓗ ᒪᓕᑦᑕᐅᔭᕆᐊᓕᓐᓂᒃ ᑲᒪᓕᕈᓂ ᐱᓇᓲᑎᓂᒃ ᐊᒻᒪᓗ ᐊᐅᓚᒍᑎᖏᓐᓂᒃ, ᐅᐃᒪᓇᕐᑐᓯᐅᕈᑎᖏᓐᓂᒃ ᐊᒻᒪᓗ ᖃᒥᑦᑕᓂᖏᓐᓂᒃ.

• ᐃᓚᐅᑦᓯᐊᕕᖃᖃᑦᑕᓗᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᓂᕐᓗᑌᓕᒪᒍᓯᕐᒧᑦ ᐊᒻᒪᓗ ᐊᑦᑕᓀᑦᑐᒦᒍᓯᕐᒧᑦ ᐱᐅᓯᒋᐊᕈᑎᑦᓴᖃᕐᓂᒧᑦ ᐱᓂᐊᕐᓂᐅᔪᓂᒃ.

• ᖃᒻᒥᐅᓂᕐᐹᓂᒃ ᖃᐅᔨᒪᒐᓱᐊᕐᐸᓗᓂ ᐊᐅᓚᐅᑎᓂᒃ ᐃᓚᐅᑎᓪᓗᒍ ᐃᑯᒪᑎᑕᐅᒍᑎᖏᑦᑕ ᐊᒻᒪᓗ ᐊᐅᓚᑎᑕᐅᒍᑎᖏᑦᑕ ᑭᖕᖒᒪᒋᔭᖏᓐᓂᒃ, ᐱᔭᕆᐅᕐᓭᓂᒃᑯᑦ.

• ᐊᓪᓚᖁᑎᓂᒃ ᐱᔭᕇᕐᓯᒪᓗᓂ ᐊᒻᒪᓗ ᑐᓂᓯᖃᑦᑕᓗᓂ, ᐆᑦᑑᑎᒋᓗᒍ ᐱᑦᔪᔨᒍᑏᑦ ᐊᓪᓚᑕᐅᒪᒍᑎᖏᑦ, ᖃᒻᒥᐅᒍᓐᓇᕕᓕᒫᖓᓄᑦ ᐊᒻᒪᓗ ᓈᒻᒪᓈᑦᓯᐊᓗᑎᒃ.

• ᐱᓇᓱᐊᕐᐸᓗᓂ ᐊᓯᖏᓐᓂᒃ, ᖁᔭᐅᓕᑐᐊᕈᓂ, ᐊᖓᔪᕐᖄᒥᓄᑦ.

ᐱᔪᓐᓇᐅᑎᒋᒋᐊᓕᖏᑦ ᐊᒻᒪᓗ ᖃᓄᐃᓕᖓᐅᑎᒋᒋᐊᓕᖏᑦ:

• ᐱᓇᓱᑦᑎᐅᒍᓐᓇᓂᕐᒧᑦ ᐃᓕᓐᓂᐊᓯᒪᔭᒥᓂᒃ ᐱᔪᓐᓇᐅᑎᖃᕐᓗᓂ (DEP) ᐱᓇᓲᑎᒻᒪᕆᓕᕆᓂᕐᒥᒃ, ᐃᑯᒪᐅᑎᓕᕆᓂᕐᒥ ᐅᕝᕙᓘᓐᓃᑦ ᓇᓪᓕᖁᐊᖓᓂᒃ ᐱᔪᓐᓇᐅᑎᖃᕐᓗᓂ; ᐱᓇᓱᓕᓂᖏᑦ ᐃᓱᒪᒋᔭᐅᑦᓯᐊᕋᔭᕐᒥᔪᑦ.

• ᑕᓪᓕᒪᓂᒃ ᐊᕐᕌᒍᓂᒃ ᐅᖓᑖᓄᓪᓘᓃᑦ ᐱᓇᓱᓕᓂᐅᓗᓂ ᐃᑯᒪᐅᑎᓕᕆᓂᕐᒥ ᐱᓇᓱᕝᕕᒪᕆᓐᓂ ᐅᕝᕙᓘᓐᓃᑦ ᐱᓇᓱᕝᕖᑦ ᐊᑦᔨᐸᓱᖏᓐᓂ.

• ᐱᓇᓱᓕᓂᐅᓗᓂ ᐅᕐᓱᐊᓗᕐᓗᓄᑦ ᐃᑯᒪᓕᐅᕈᑎᓂᒃ, ᐊᒻᒪᑕᐅᖅ ᐅᕐᓱᕈᑎᓚᑳᓂᒃ ᐊᒻᒪᓘᓐᓃᑦ ᑐᕐᓱᐊᓚᑳᖏᓐᓂᒃ, ᐃᓱᒪᒋᔭᐅᒐᔭᕐᒥᔪᖅ.

• ᖃᕆᑕᐅᔭᓕᓂᐅᓗᓂ ᐱᓇᓲᑎᓂᒃ Word-ᒥᒃ, excel-ᒥᒃ ᐊᒻᒪᓗ ᐊᓯᓚᑳᖏᓐᓂᒃ ᐱᓇᓱᕝᕕᐅᑉ ᐃᓗᐊᓂ ᐊᐅᓚᐅᑎᓚᑳᖏᓐᓂᒃ.

• ᒪᓕᑦᓯᐊᕈᓐᓇᓗᓂ ᖃᓄᐃᖕᖏᓯᐊᕆᐊᖃᕐᓂᒧᑦ ᐊᑦᑕᓀᑦᑐᒦᒍᓯᕐᓂᒃ ᐊᒻᒪᓗ ᐊᕙᑎᐅᑉ ᒪᓕᒐᖏᓐᓂᒃ, ᒪᓕᑦᑕᐅᒋᐊᓕᓐᓂᒃ ᐊᒻᒪᓗ ᐱᖁᔭᕐᓂᒃ.

• ᐊᑐᐊᕐᓯᒍᓐᓇᓗᓂ ᐊᒻᒪᓗ ᑐᑭᓯᒍᓐᓇᓗᓂ ᐊᐅᓚᒍᑎᖏᑦᑕ ᐱᓇᓲᑎᖏᑦᑕ ᐊᓪᓚᖑᐊᖏᓐᓂᒃ ᐊᒻᒪᓗ ᖃᓄᐃᓘᕈᑎᓪᓗᑯᖏᓐᓂᒃ.

• ᐊᖏᕐᓯᒪᓗᓂ ᒪᓕᓂᐊᕐᓂᒥᓂᒃ ᐱᓇᓱᕝᕕᐅᑉ ᐊᑦᑕᓀᑦᑐᒦᒍᓯᕐᒧᑦ ᒪᓕᒐᖏᓐᓂᒃ, ᐃᓚᐅᑎᓪᓗᒍ ᐊᑦᑕᓀᑦᑐᒦᑦᑎᓯᓂᒃ, ᓴᓗᒪᑎᑦᓯᓂᖅ, ᐊᒻᒪᓗ ᐃᓂᓪᓚᖓᑎᑦᓯᓂᖅ ᐱᓇᓱᕝᕕᒥ/ᐃᖏᕐᕋᐅᑎᓂᒃ.

• ᐅᖃᖃᑎᖃᕈᓐᓇᓗᓂ, ᐅᖃᐅᓯᒃᑯᑦ ᐊᒻᒪᓗ ᐊᓪᓚᓂᒃᑯᑦ, ᒪᕐᕈᔪᐊᓂᐅᓐᓃᑦ ᐅᖃᐅᓰᓐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ, ᐊᒻᒪᓗ ᐅᐃᒍᐃᑎᑐᑦ.

• ᐊᐅᓪᓚᖃᑦᑕᕈᓐᓇᓗᓂ ᓄᓇᕕᒻᒥ ᐊᒻᒪᓗ ᐃᓅᕕᖃᕐᓗᓂ ᓯᓂᑦᑕᕕᓐᓂᒃ ᐊᒥᕐᖄᖃᑎᒌᕝᕕᐅᓲᕐᑕᓕᒻᒥ.

• ᐃᓱᕐᕆᓯᐊᕐᓗᓂ ᐱᓇᓱᓐᓂᒥᒃ ᓯᓚᐅᑉ ᐊᓯᑦᔨᑲᑦᑕᓂᖏᓐᓂᒃ ᕿᐅᔭᓇᓲᒥ ᓄᓇᒥ.

• ᑲᔪᓯᑎᑦᓯᓯᐊᕈᓐᓇᓗᒥ, ᐃᒻᒥᓂᕐᓱᕈᓐᓇᓗᓂ, ᐊᒻᒪᓗ ᐱᒋᐊᕐᑎᓯᓯᑎᐅᒍᓐᓇᓗᓂ.

• ᐊᑐᕈᓐᓇᓯᐊᕐᑐᒥᒃ ᐊᖁᒍᓐᓇᐅᑎᖃᕆᐊᓕᒃ ᑯᐯᒃᑯᓄᑦ ᐃᓕᑕᕆᔭᐅᒪᔪᒥᒃ Class 5-ᒥᒃ ᐅᕝᕙᓘᓐᓃᑦ ᓇᓪᓕᖁᐊᖓᓂᒃ ᑲᓇᑕᒥ.

• ᐱᓇᓱᓕᓂᖅ ᐅᑭᐅᕐᑕᑐᒥ ᑎᑎᕐᑕᐅᒪᔫᑉ 55 ᖁᓛᓂ ᐅᓇᒻᒥᓇᕆᐊᓪᓚᐅᑎᓕᒃ.

ᐱᓇᓱᕝᕕᖓᑕ ᐅᓪᓗᖁᑎᖏᑦ ᐊᒻᒪᓗ ᐱᓇᓱᕝᕕᒋᕋᔭᕐᑕᖏᑦ:

• 6-3 ᐅᓪᓗᖁᑎᖏᑦᑕ ᐃᓱᓕᑦᑕᐅᑎᖏᑦ: 6-ᓂᒃ ᐱᓇᓱᐊᕈᓯᕐᓂᒃ ᐱᓇᓱᓪᓗᓂ ᐅᑭᐅᕐᑕᑐᒥ ᓄᓇᓕᖏᓐᓂᒃ (52.5 ᐃᑲᕈᕐᓃᑦ ᐱᓇᓱᐊᕈᓯᑕᒫᑦ), ᑌᒪ 3-ᓂᒃ ᐱᓇᓱᐊᕈᓯᕐᓂᒃ ᐊᑭᓕᕐᑐᑕᐅᓗᓂ ᕿᑲᕐᓗᓂ (35 ᐃᑲᕈᕐᓃᑦ ᐱᓇᓱᐊᕈᓯᑕᒫᑦ)

ᐅᕝᕙᓘᓐᓃᑦ

• 4-2 ᐅᓪᓗᖁᑎᖏᑦᑕ ᐃᓱᓕᑦᑕᐅᑎᖏᑦ: 4-ᓂᒃ ᐱᓇᓱᐊᕈᓯᕐᓂᒃ ᐱᓇᓱᓪᓗᓂ ᐅᑭᐅᕐᑕᑑᑉ ᓄᓇᓕᖏᓐᓂ (52.5 ᐃᑲᕈᕐᓃᑦ ᐱᓇᓱᐊᕈᓯᑕᒫᑦ), ᑌᒪ 2-ᓂᒃ ᐱᓇᓱᐊᕈᓰᓐᓂᒃ ᐊᑭᓕᕐᑐᑕᐅᓗᓂ ᕿᑲᕐᓗᓂ (35 ᐃᑲᕈᕐᒦᑦ ᐱᓇᓱᐊᕈᓯᑕᒫᑦ).

ᐱᓇᓱᕝᕕᖓᑕ ᓇᓃᓐᓂᖓ: ᓄᓇᕕᒃ

ᑮᓇᐅᑦᔭᓵᖏᑦ: ᐱᒋᐊᕐᕕᓕᒃ $63, 716 - ᑎᑭᓪᓗᒍ $109,329 ᐊᕐᕌᒍᑕᒫᑦ (ᐊᕕᑦᑐᑕᐅᒪᒍᑎᖓ10)

ᐱᕙᓪᓕᕈᑏᑦ*: ᓯᓂᑦᑕᕕᖏᑦ ᐊᑭᓕᕐᑐᑕᐅᔪᑦ ᐱᓇᓱᓕᕈᓂ ᐅᑭᐅᕐᑕᑐᒥ ᓄᓇᓕᓐᓂ.

ᓂᕆᒍᑎᖏᑦ ᐊᒻᒪᓗ ᐊᑭᓕᐅᑎᖏᑦ ᐊᑭᓕᕐᑐᑕᐅᓗᑎᒃ ᐊᐅᓪᓚᑲᑦᑕᓕᕈᓂ ᓄᓇᕕᒻᒥ.

ᐊᒥᓱᐃᑎᒍᑦ ᐱᕙᓪᓕᐊᑎᑖᑦ ᐃᓚᐅᑎᓪᓗᒍ ᐱᔭᕆᐊᑭᓪᓕᑎᕐᓯᒪᔪᖅ ᐱᓇᓱᑦᑎᐅᒍᓐᓀᑖᕐᑕᕈᑎ.

ᕿᑲᕐᓂᖅ: 20 ᐅᓪᓗᐃᑦ /ᐊᕐᕌᒍᑕᒫᑦ

ᓇᓗᓀᕐᑕᐅᒪᔪᑦ ᕿᑲᕐᓀᑦ: 19 ᐅᓪᓗᐃᑦ ᐃᓚᐅᑎᓪᓗᒍ 10 ᐅᓪᓗᐃᑦ ᖁᕕᐊᓱᕝᕕᒥ.

ᑐᓂᓯᓗᑎᑦ ᐱᔪᒥᓇᕈᑎᓐᓃᕕᑦ ᖃᓪᓗᓈᑎᑑᕐᑐᒥᒃ ᐅᕗᖓ:

ᐱᓇᓱᑦᑎᓕᕆᕕᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓ

P.O. Box 9 ᑰᑦᔪᐊᖅ ᑯᐯ J0M 1C0

ᓱᑲᑦᑐᑰᕈᑎᖓ: 819-964-2975

ᖃᕆᑕᐅᔭᒃᑯᑦ ᐊᐅᓪᓚᑎᑦᓯᕕᖓ: humanresources@krg.ca

ᓂᕈᐊᕋᑦᓭᑦ ᓇᓗᓀᕐᑕᐅᔪᑦ ᑲᑎᔭᐅᓛᕐᓂᒥᓄᑦ ᑭᓯᐊᓂ ᐅᖄᕕᐅᓛᕐᑐᑦ.

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᑦᔨᒌᑦᑎᓯᓂᕐᒥᒃ ᐱᕕᑦᓴᖃᕐᑎᓯᓲᖅ. ᒪᓕᑦᓱᒍ ᔦᒥᔅ ᐯ ᐊᒻᒪᓗ ᑯᐯᑉ ᑕᕐᕋᖓᑕ ᐊᖏᖃᑎᒌᓐᓂᖓᑕ, ᐊᑦᔨᐅᖏᑦᑑᒍᓐᓇᑐᖅ ᐱᕕᑦᓴᖃᕐᑎᓯᒍᓐᓇᓂᕐᒥᒃ ᐃᓄᓐᓂᒃ ᐱᓇᓱᑦᑎᓯᒐᓱᐊᕐᓂᒥ.