ᐊᕙᑎᓕᕆᓂᕐᒥᒃ ᐱᓪᓗᑯᑦᑐᓕᕆᔨᖓ ᐃᖏᕐᕋᐅᑎᓕᕆᓂᖅ - KRG

ᐱᓇᓱᒐᑦᓴᖅ ᐊᑐᐃᓐᓇᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᐊᒥᓱᓂᒃ-ᑲᕙᒫᐱᓐᓂᒃ ᑎᒥᖁᑎᒋᔭᐅᕗᖅ ᓄᑭᐅᕕᖃᕐᓱᓂ ᓄᓇᒋᔭᖏᓐᓂᒃ ᑯᐯᒃᒥ ᖁᓛᖓᓃᑦᑐᓂᒃ 55. ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᒫᓐᓇᐅᑎᓪᓗᒍ ᕿᓂᕐᑐᑦ ᐱᓇᓱᑦᑎᓴᒥᒃ ᐱᔪᓐᓇᐅᑎᓕᒻᒥᒃ ᐊᒻᒪᓗ ᑲᑦᓱᙰᑦᑐᓯᐊᒥᒃ ᐱᓇᓱᑦᑐᓴᒥᒃ ᑰᑦᔪᐊᒥᖓ ᐃᒣᓘᕐᑎᐅᒐᔭᕐᑎᓗᒍ;

ᐊᕙᑎᓕᕆᓂᕐᒥᒃ ᐱᓪᓗᑯᑦᑐᓕᕆᔨᖓ ᐃᖏᕐᕋᐅᑎᓕᕆᓂᖅ

ᑐᓴᕐᑎᓯᖃᑦᑕᓗᓂ ᐊᕙᑎᓕᕆᓂᐅᑉ ᑐᑭᒧᐊᕐᑎᓯᔨᖓᓂᒃ, ᐃᖏᕐᕋᐅᑎᓕᕆᓂᖅ, ᐊᕙᑎᓕᕆᓂᕐᒥᒃ ᐱᓪᓗᑯᑦᑐᓕᕆᔨ, ᐃᖏᕐᕋᐅᑎᓕᕆᓂᖅ ᐱᓇᓱᐊᒐᔭᕐᑐᑦ ᒪᓕᑦᑕᐅᑎᑦᓯᓯᐊᕋᓱᐊᕐᓂᒥᒃ ᐊᕙᑎᓕᕆᓂᐅᑉ ᐱᖁᔭᖏᓐᓂᒃ ᒪᓕᒐᖏᓐᓂᓗ ᖁᓕᓪᓗ ᓯᑕᒪᓄᑦ 14 ᒥᕝᕕᓄᑦ ᐊᒻᒪᓗ ᐄᒐᕐᕖᑦ ᓴᓇᔭᐅᒪᒍᑎᒻᒪᕆᖏᓐᓂᒃ ᓄᓇᕕᒻᒥ. ᑌᓗᐊᖕᖑᐊᓱᒋᑦ, ᐊᕙᑎᓕᕆᓂᕐᒥᒃ ᐱᓪᓗᑯᑦᑐᓕᕆᔨ ᐅᑯᓂᖓ ᑲᒪᒐᔭᕐᑐᖅ:

• ᐃᑲᔪᕐᓯᖃᑦᑕᓗᓂ, ᖃᐅᔨᒪᔭᓪᓚᕆᒻᒥᓂᒃ ᐊᒻᒪᓗ ᐱᒋᐅᕐᓭᖃᑦᑕᓗᓂ ᐊᕙᑎᓕᕆᓂᕐᒧᐊᖓᔪᓂᒃ ᐃᓘᓐᓈᒍᑦ 14-ᓄᑦ ᒥᕝᕕᓄᑦ ᐄᒐᕐᕕᓄᓪᓗ.

• ᑕᓯᐅᕐᓯᖃᑦᑕᓗᓂ ᐃᖏᕐᕋᐅᑎᓕᕆᓂᐅᑉ ᐱᑦᔪᔨᕕᖓᑕ ᐱᓇᓱᑦᑎᖁᑎᖏᓐᓂᒃ ᑯᕕᔨᐊᖃᑲᓪᓚᑐᕕᓂᐅᑦᓴᐸᑦ ᓇᓪᓕᑐᐃᓐᓇᖏᓐᓂᒃ 14-ᓂᒃ ᒥᕝᕕᓂᒃ ᐄᒐᕐᕕᓂᓪᓘᓃᑦ, ᐊᒻᒪᓗ ᐃᓚᐅᖃᑦᑕᓗᓂ ᐊᐅᓚᑕᐅᓂᕆᔭᖏᓐᓂᒃ ᑲᑎᕐᓱᐊᕆᔭᐅᓯᒪᔪᓂᒃ ᓱᔪᑦᑕᐅᔪᕕᓂᕐᓂᒃ ᓄᓇᐅᔪᓂᒃ, ᐃᓛᓂᐅᖕᖏᑐᒃᑯᑦ ᐊᒻᒪᓗ ᑭᖑᓂᑦᑎᓂᒃ ᑯᕕᔨᐊᕆᔭᐅᔪᕕᓂᕐᓂᒃ, ᑲᔪᓯᔪᒥᓪᓗ ᐱᔭᕇᕐᓯᒪᔪᓂᓪᓗ ᐋᕐᕿᒋᐊᕆᓂᕐᒨᓕᖓᔪᑦ ᐱᓇᓱᐊᕐᑕᐅᒍᑎᒋᔭᖏᓐᓂᒃ.

• ᐱᓇᓱᐊᖃᑦᑕᓗᓂ ᐊᕐᕌᒍᑕᒫᕐᓯᐅᑎᖏᓐᓂᒃ ᐊᕙᑎᓕᕆᓂᐅᑉ ᓇᐅᑦᓯᑐᕐᑕᐅᒍᑎᒋᕙᑦᑕᖏᓐᓂᒃ ᐊᒻᒪᓗ ᑕᒻᒪᓯᒪᔪᕐᓂᐊᓂᖏᓐᓂᒃ ᐃᓘᓐᓇᖏᓐᓂᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᒥᕝᕕᖁᑎᖏᓐᓂᒃ ᐄᒐᕐᕕᖁᑎᖏᓐᓂᓗ ᐊᒻᒪᓗ ᑐᓂᓯᒍᓐᓇᓗᓂ ᖃᓄᐃᓘᒋᐊᖁᔨᒍᑎᓂᒃ ᓈᒻᒪᓈᕋᓱᐊᕐᑐᓂᒃ ᐋᕐᕿᒋᐊᒍᑎᑦᓭᑦ ᖃᓄᕐᑑᑕᐅᒍᑎᖏᓐᓂᒃ.

• ᐃᑲᔪᕐᓯᖃᑦᑕᓗᓂ ᐱᒋᐅᕐᓭᖃᑦᑕᓗᓂᓗ ᑲᒪᒋᔭᐅᓂᖏᓐᓂᒃ, ᓴᓂᕐᕙᑕᐅᓂᖏᓐᓂᒃ ᐃᒋᑕᑦᓴᐅᓂᖏᓐᓂᓗ ᐊᑦᑕᓇᕐᑐᓂᒃ ᓱᓇᑐᐃᓐᓇᓂᒃ ᐊᒻᒪᓗ ᓴᓂᖕᖑᓯᒪᔪᕕᓂᕐᓂᒃ ᐃᒋᑕᐅᔪᕕᓂᕐᓂᒃ.

• ᐊᑐᓕᕐᑎᓯᓗᓂ ᐊᕙᑎᓕᕆᓂᕐᒧᐊᖓᔪᓂᒃ ᐸᕐᓇᓯᒪᐅᑎᓂᒃ, ᒪᓕᒐᖏᓐᓂᒃ, ᐊᒻᒪᓗ ᐱᐅᓯᕈᕐᑎᑕᐅᓯᒪᔪᓂᒃ ᖃᓄᐃᓘᕈᓯᕆᔭᐅᔪᓂᒃ ᑲᒪᒋᔭᖃᕆᐊᖃᕐᓂᒧᑦ ᐊᐅᓚᑦᓯᓂᐅᑉ ᓱᖃᑦᓯᔭᐅᒍᑎᒋᒋᐊᓕᖏᓐᓂᒃ ᒥᕝᕕᐅᔪᓂᒃ ᐄᒐᕐᕕᐅᔪᓂᓪᓗ ᐊᒻᒪᓗ ᒪᓕᑦᑕᐅᑎᓯᓯᐊᕋᓱᐊᕐᓗᓂ ᒪᓕᒐᕆᔭᖏᓐᓂᒃ ᐃᖏᕐᕋᐅᑎᓕᕆᓂᐅᑉ ᐱᑦᔪᔨᕕᖓᑕ ᐱᓇᓱᑦᑎᖏᓐᓂᒃ ᓱᖃᑦᓯᓂᕆᔭᖏᓐᓂᓗ.

• ᐸᕐᓇᖃᑦᑕᓗᓂ ᐃᓚᐅᖃᑦᑕᓗᓂᓗ ᐊᑐᓕᕐᑎᑕᐅᓂᖏᓐᓂᒃ ᐊᕙᑎᓕᕆᓂᐅᑉ ᐅᐃᒪᓇᕐᑐᓕᕆᓂᕐᒧᑦ ᐊᐅᓚᑦᔭᒋᐊᕐᓂᒧᑦ ᐸᕐᓇᓯᒪᐅᑎᖏᓐᓂᒃ ᐊᒻᒪᓗ ᐸᕐᓇᓂᖃᑦᑕᓗᓂ ᐊᕙᑎᓕᕆᓂᕐᒧᑦ ᐅᐃᒪᓇᕐᑐᓕᕆᓂᕐᒥᒃ ᐱᒋᐅᕐᓴᔭᐅᖃᑦᑕᕈᑎᑦᓴᖏᓐᓂᒃ.

• ᐃᓚᐅᖃᑦᑕᓗᓂ ᐊᓯᖏᓐᓄᑦ ᐊᕙᑎᓕᕆᓂᐅᑉ ᐱᓇᓱᐊᕐᑕᐅᒍᑎᒋᔭᖏᓐᓄᑦ ᐅᕝᕙᓘᓐᓃᑦ ᑲᑎᒪᔨᓄᑦ ᐃᓚᒋᔭᐅᑎᓪᓗᒋᑦ ᒥᕝᕕᒥ ᐆᒪᔪᓕᕆᓂᕐᒧᑦ ᐊᐅᓚᑦᓯᔨᖏᓐᓂᒃ, ᐄᒐᕐᕖᑦ ᓴᐳᑎᔭᐅᓂᖏᓐᓂᒃ, ᐳᔪᕆᓂᕐᒥᓗ ᐃᑯᓪᓓᒍᑎᓂᒃ ᐊᒻᒪᓗ ᖁᐊᕐᑎᓯᒌᒃᑯᑏᑦ ᐊᐅᓚᑕᐅᓂᖏᓐᓂᒃ;

• ᐱᓇᓱᐊᖃᑦᑕᓗᓂᓗ ᓇᓪᓕᑐᐃᓐᓇᖏᓐᓂᒃ ᐊᓯᒋᔭᖏᓐᓂᒃ ᐱᓇᓱᐊᒐᑦᓴᐅᔪᓂᒃ ᒋᐊᖃᓕᑐᐊᕈᓂ.

ᐅᑯᓂᖓ ᐱᒍᓐᓇᐅᑎᖃᕆᐊᓕᒃ:

• ᓯᓚᑦᑐᓴᕐᕕᒥ ᐃᓕᑦᓯᒪᐅᑎ ᐊᕙᑎᒥᒃ ᐃᓕᓐᓂᐊᕈᑎᓂᒃ ᐅᕝᕙᓘᓐᓃᑦ ᐊᑦᑐᐊᒥᔪᒥᒃ ᐱᓇᓱᒐᕐᒥᒃ. ᑕᒪᑐᒥᖓ ᐊᑭᑦᓯᓂᖅ ᐅᐊᕈᑎᒌᒧᑦ ᐃᓕᓐᓂᐊᓯᒪᓂᕐᒧᑦ, ᐱᓇᓱᒐᕐᒥᒃ ᐱᒋᐅᕐᓴᓯᒪᓂᒃᒧᑦ ᐊ ᒻᒪᓗ ᒥᑦᓯᓕᓐᓂᒃ ᐱᓇᓱᖃᑦᑕᓯᒪᓂᕐᒧᑦ ᐃᓱᒪᒋᔭᐅᑐᐃᓐᓇᕆᐊᖃᕐᒥᔪᖅ.

• ᐳᒃᑭᓂᕐᐸᐅᑎᓗᒋᑦ ᒪᕐᕉᒃ 2 ᐊᕐᕌᒍᕐᓂ ᐱᓇᓱᑦᓯᒪᓂᖓ ᐱᓇᓱᒐᐅᑉ ᐊᑦᔨᐸᓱᖓᓂᒃ (ᐊᕙᑎᓕᕆᓂᕐᒥᒃ ᐱᓇᓱᑦᓯᒪᓗᓂ ᑕᒪᓐᓇ ᐱᐅᒋᔭᐅᒐᔭᕐᑐᖅ);

• ᐱᐅᔪᒻᒪᕆᒻᒥᒃ ᐃᓂᓪᓚᑎᕆᒍᓐᓇᓂᖃᕐᓗᓂ;

• ᓲᖑᔪᑦᓯᐊᒥᒃ ᐅᖃᕈᓐᓇᓂᖃᑦᓯᐊᓗᓂ ᐊᒻᒪᓗ ᐊᓪᓚᓂᒃᑯᑦ ᑐᓴᐅᒪᖃᑎᖃᕈᓐᓇᓯᐊᕐᓗᓂ;

• ᓄᐃᑕᑎᑦᓯᓯᒪᓗᓂ ᐱᓇᓱᑦᓯᐊᒍᓐᓇᓂᕐᒥᓂᒃ ᑲᒪᔨᙯᓐᓇᕋᓂ;

• ᓲᖑᔪᑦᓯᐊᒥᒃ ᐱᓇᓱᐊᖃᑎᒌᓐᓂᑯᑦ ᐱᓇᓱᒍᓐᓇᓗᓂ ᐊᒻᒪᓗ ᐃᓚᒋᔭᐅᒍᓐᓇᓯᐊᕐᓗᓂ ᐊᐅᓚᑦᓯᓂᐅᑉ ᐱᓇᓱᐊᕐᑕᐅᒍᑎᖏᓐᓂᒃ;

• ᑐᑭᓯᒪᓂᖃᑦᓯᐊᓗᓂ ᓄᓇᖃᕐᖄᓯᒪᔪᑦ ᓵᖓᔭᑦᑕᖏᓐᓂᒃ ᐅᑭᐅᕐᑕᑐᒥᓗ ᐃᓘᓐᓈᒍᑦ ᐱᐅᒋᔭᐅᒐᔭᕐᒥᔪᖅ;

• ᐊᓪᓚᕈᓐᓇᓗᓂ ᐅᖃᕈᓐᓇᓗᓂᓗ ᐱᓇᓱᓐᓂᐅᑉ ᖃᐅᔨᒪᐅᓯᖏᒍᑦ ᒪᕐᕉᓴᓚᐅᕐᐸᓃᒃ (2) ᐅᑯᓂᖓ ᐅᖃᐅᓯᕐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᒍᐃᑎᑐᓪᓗ;

• ᐱᓇᓱᐊᓐᓂᑯᑦ ᖃᐅᔨᒪᐅᓯᖃᕐᓗᓂ ᖃᕆᑕᐅᔭᐅᑉ ᐱᓇᓱᐊᕈᑎᖏᓐᓂᒃ (Microsoft Office);

• ᐊᕐᕕᑕᕈᓐᓇᓗᓂ ᖃᖓᑐᐃᓐᓇᑯᑦ ᓄᓇᕕᒻᒥ.

ᑮᓇᐅᑦᔭᓵᑦᓴᖏᑦ: ᐳᒃᑭᓂᕐᐹᖏᑦ; $63,716.38/ᐊᕐᕌᒍᕐᒥ, ᐅᓄᕐᓂᐹᖏᑦ $109,329.22/ᐊᕐᕌᒍᑕᒫᑦ (ᐳᕐᑐᓂᖓ 10)

ᐊᓯᖏᑦ ᐱᕚᓪᓕᖁᑎᑦᓴᖏᑦ: ᐃᓅᒐᓱᐊᕐᓂᒧᑦ ᐳᒃᑭᓂᕐᐹᖏᑦ; ᐃᒣᓪᓗᐊᑐᑦ $8 500/ᐊᕐᕌᒍᑕᒫᑦ

                                        ᓂᕿᓯᒍᑎᑦᓭᑦ: /ᐊᕐᕌᒍᑕᒫᑦ $3 707/ᐊᕐᕌᒍᑕᒫᑦ

                                        ᐊᓂᕐᕋᑫᓐᓇᒍᑏᑦ: ᐅᓄᕐᓂᐹᖏᑦ 3 ᐃᓄᒻᒧᑦ ᐊᑕᐅᓯᕐᒧᑦ ᐊᕐᕌᒍᑕᒫᑦ;

                                          SPP: 6.25% ᐱᓇᓱᑦᑎᓯᔨ, 4% ᐱᓇᓱᑦᑎ

                                          ᐊᒥᓲᓕᖓᔪᓄᑦ ᐃᒻᒪᖃᐅᑎᑦᓴᖏᑦ

                                           ᕿᑲᕐᓀᑦ: 20 ᐅᓪᓗᐃᑦ/ᐊᕐᕌᒍᑕᒫᑦ

                                             ᐱᓇᓱᕝᕕᐅᑉ ᕿᑲᕐᓇᖏᑦ: 20 ᐅᓪᓗᐃ ᐃᓚᐅᑎᓪᓗᒋᑦ 10 ᕿᑎᖕᖑᒥ

                                             ᑐᓂᓗᒋᑦ ᐱᓇᓱᒐᕐᑖᒐᓱᐊᕈᑎᑎᑦ 5:00-ᖑᓚᐅᕐᑎᓇᒍ 29, 2026, ᐅᕗᖓ:

                                             ᐱᓇᓱᑦᑐᓕᕆᕕᒃ

                                            ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ

                                            P.O. Box 9

                                           ᑰᑦᔪᐊᖅ, ᑯᐯᒃ JOM 1CO

                                          ᓱᑲᑦᑐᑰᕈᑎᖓ: (819) 964-2975

                                          ᖃᕆᑕᐅᔭᒃᑯᑦ ᐊᓪᓚᑖᕐᕕᖓ: humanresources@krg.ca

ᑮᐋᔩ ᓈᒻᒪᖁᐊᕇᑦᑎᓯᔨᐅᕗᖅ ᐱᓇᓱᒐᑦᓴᖃᕐᑎᓯᔨᐅᑦᓱᓂ. ᑕᒪᓐᓇ ᒪᓕᑦᓱᒍ ᐊᒻᒪᓗ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑏᑦ, ᐱᔪᓐᓇᓃᑦ ᐋᕐᕿᒋᐊᕐᑕᐅᑐᐃᓐᓇᕆᐊᓖᑦ ᐃᓄᐃᑦ ᐱᓇᓱᒐᕐᑖᑎᑕᐅᖔᕋᓱᐊᕐᑎᓗᒋᑦ.