ᐊᕙᑎᓕᓂᕆᔨᒻᒪᕆ (ᐃᓕᓐᓂᐊᓂᒨᓕᖓᔪᓄᑦ ᖃᐅᔨᒪᔭᐅᑎᑦᓯᒐᓱᐊᕐᓂᒧᓪᓗ) - KRG

ᐱᓇᓱᒐᖅ ᒪᓂᒪᑎᑕᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (ᑲᓄᑲ), ᓄᓇᓕᓐᓂ ᐳᕐᑐᓂᕐᓴᒦᑦᓱᓂ ᑎᒥᐅᔫᕗᖅ ᐱᔪᓐᓇᓂᖃᕐᕕᖃᕐᓱᓂ ᑯᐸᐃᒃ ᓄᓇᖓᓂ ᑕᕐᕋᒥ 55 ᖁᓛᓃᑦᑐᒥᒃ, ᒫᓐᓇ ᕿᓂᕐᖁᖅ ᓇᒻᒥᓂᖅ ᑲᔪᖏᕐᓴᓲᒥᒃ ᐆᒻᒪᕆᑦᑑᓱᓂᓗ ᐃᓄᒻᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐃᓚᐅᒍᒪᕋᔭᕐᑐᒥᒃ ᐱᓇᓱᒐᔭᕐᓗᓂ ᐱᒍᓐᓇᓂᕐᒥᒃ ᐆᒥᖓ:

ᐊᕙᑎᓕᓂᕆᔨᒻᒪᕆ (ᐃᓕᓐᓂᐊᓂᒨᓕᖓᔪᓄᑦ ᖃᐅᔨᒪᔭᐅᑎᑦᓯᒐᓱᐊᕐᓂᒧᓪᓗ)

(ᐊᑕᐃᓐᓇᑐᖅ, ᐅᓪᓗᓕᒫᕐᓯᐅᑎ ᐱᓇᓱᒐᖅ)

ᓄᓇᐃᑦ ᐊᕙᑎᐅᓪᓗ, ᓄᑕᐅᓯᓕᑎᕈᓐᓇᑐᑦ ᐱᑖᕐᕕᓴᐃᑦ ᐱᓇᓱᕝᕕᖓᑕ ᑐᑭᒧᐊᑦᑎᓯᖓᑕ ᐃᑲᔪᕐᑎᖓᓄᑦ ᑲᒪᒋᔭᐅᓗᓂ, ᐊᕙᑎ, ᓄᓇᐃᑦ ᒥᕐᖑᐃᓯᕐᕖᓗ, ᐊᕙᑎᓕᕆᔨᒻᒪᐱᐅᑉ ᑲᒪᒋᒋᐊᓕᖏᑦ ᐃᓚᖃᕐᖁᑦ, ᐃᓱᓕᕝᕕᖃᕋᑎᒃ ᐅᑯᓂᖓ:

• ᐋᕐᑭᓱᐃᖃᑦᑕᓗᓂ, ᐊᑐᐃᓐᓇᐅᑎᑦᓯᓗᓂ ᑭᓇᒃᑯᑐᐃᓐᓇᓄᑦ, ᐊᒻᒪᓗ ᐊᓯᑦᔨᑐᐃᓗᓂ ᐃᓱᐊᕐᓂᓴᒃᑯᑦ ᐊᕙᑎᒨᓕᖓᔪᑦ ᐃᓕᓐᓂᐊᕈᑎᖏᑦᑕ ᓴᓇᕐᕈᑎᖏᓐᓂᒃ ᐊᒻᒪᓗ ᐃᓕᓐᓂᐊᑎᑦᓯᒍᑎᑦᓴᓂᒃ;

• ᐊᑐᐃᓐᓇᐅᑎᑦᓯᓗᓂ ᐱᓪᓗᑯᒋᐊᓕᓐᓅᓕᖓᔪᓂᒃ ᐃᑲᔪᕐᓂᒥᒃ ᑕᕐᕋᒥ ᓄᓇᓕᓐᓄᑦ ᐃᓕᓐᓂᐊᑎᑦᓯᓂᕐᒨᓕᖓᑎᓪᓗᒋᑦ, ᐃᓕᓐᓂᐊᓂᕐᒧᑦ, ᐊᒻᒪᓗ ᖃᐅᔨᔭᐅᕙᓪᓕᐊᑎᑦᓯᓂᕐᒨᓕᖓᑎᓪᓗᒋᑦ ᑭᖕᖒᒪᓇᕐᑐᓄᑦ ᐊᑦᑐᐊᔪᓄᑦ ᐊᑐᓕᕐᑎᓯᓂᕐᒧᑦ ᐊᑦᔨᒌᖕᖏᑐᓂᒃ ᓴᓂᕐᓂᒃ ᐊᐅᓚᑦᓯᓂᕐᓄᑦ ᑕᕐᕋᒥ ᓄᓇᓕᓐᓄᑦ, ᓲᕐᓗ ᓴᓂᒃᑯᕖᑦ, ᐊᖏᓕᒋᕐᐊᓯᒪᔪᑦ ᐃᓕᐅᕐᖃᐃᕖᑦ, ᐊᑦᔨᒌᓂᒃ ᐊᕕᑦᑐᓯᒪᔪᓂᒃ ᓄᐊᑦᓯᕖᑦ, ᓄᓇᒧᑦ ᐅᐊᕈᑎᑦᓴᔭᓕᐅᕈᑎᓂᒃ ᐱᕈᕐᑐᕕᓂᕐᓂᒃ, ᐊᓯᖏᓐᓂᓗ.;

• ᓯᕗᓕᕐᓗᓂ ᐊᑦᔨᒌᖕᖏᑐᓂᒃ ᑐᑭᓯᑎᑦᓯᒋᐊᓪᓛᓂᕐᓂᒃ ᖃᐅᔨᔭᐅᑎᑦᓯᒋᐊᓪᓛᕋᓱᐊᕈᑎᓂᓪᓗ ᓱᖃᑦᓯᒍᑎᓂᒃ ᐊᕙᑎᒨᓕᖓᔪᑦ ᐱᑦᔪᑎᖏᓐᓂᒃ, ᓄᓇᐅᑉ ᓴᐳᒻᒥᔭᐅᓂᖓᓂᒃ, ᓄᓇᐅᑉ ᓴᐳᒻᒥᔨᖏᓐᓄᑦ ᐃᓚᐅᔪᓄᑦ, ᐊᓯᖏᓐᓄᓗ. ᓇᓂᑐᐃᓐᓈᑐᓄᑦ ᐱᒍᑦᔨᔭᓄᑦ;

• ᐱᓇᓱᖃᑎᑖᕐᓗᓂ ᐊᒻᒪᓗ ᑲᔪᖏᕐᓴᐃᖃᑦᑕᓗᓂ ᑐᖕᖓᕕᖃᖃᑎᒌᑦ ᐅᖄᖃᑎᒌᓐᓂᖏᓐᓂᒃ ᐊᑦᔨᒌᖕᖏᑐᓂᒃ ᐱᒍᒪᔪᓂᒃ ᐃᒻᒥᒎᕐᑎᑐᓂᑦ ᐱᓯᒪᔪᓂᒃ ᐊᕙᑎᓕᕆᓂᕐᒨᓕᖓᔪᓂᒃ ᐃᓕᓐᓂᐊᓂᕐᒥ;

• ᐊᑐᐃᓐᓇᕈᕐᑎᕆᖃᑦᑕᓗᓂ ᐊᐃᑦᑑᑎᑖᕐᑎᓯᒐᓱᐊᕈᑎᑦᓴᓂᒃ ᐊᒻᒪᓗ ᑐᓴᕐᑎᓯᒍᑎᓂᒃ ᐊᓪᓚᖃᑦᑕᓗᓂ;

• ᐃᑲᔪᕐᑎᒌᓪᓗᑎᒃ ᐱᓇᓱᖃᑎᖃᖃᑦᑕᓗᓂ ᐊᕙᑎᐅᑉ ᐊᒻᒪᓗ ᓄᓇᐅᑉ ᐊᑐᕐᑕᓂᐊᖏᑦᑕ ᐸᕐᓇᑎᖏᑦᑕ ᐱᓇᓱᑦᑎᖏᓐᓂᒃ ᑐᕌᕐᑕᓂᒃ ᐅᕝᕙᓘᓐᓃᑦ ᐃᓄᓕᒫᓕᒃ ᑐᑭᓯᒋᐊᕐᓂᓂ;

• ᐱᓇᓱᖃᑎᖃᕐᓗᓂ ᖃᐅᔨᒋᐊᕐᕕᓂᒃ ᐊᒻᒪᓗ ᐊᓯᖏᓐᓂᒃ ᑐᖕᖓᕕᖃᖃᑎᓕᓐᓂᒃ ᑲᔪᓯᑎᑦᓯᒍᑎᒋᓗᒋᑦ ᐊᕙᑎᓕᕆᓂᕐᒥᒃ ᐃᓕᓐᓂᐊᑎᑦᓯᒍᑎᑦᓴᓕᐅᕈᑎᑦᓴᓂᒃ;

• ᕿᒥᕐᕈᒋᐊᓪᓛᖃᑦᑕᓗᓂ ᐊᓪᓚᖁᑎᓂᒃ ᐊᒻᒪᓗ ᑲᑎᕐᓱᐃᖃᑦᑕᓗᓂ ᑖᑦᑯᓄᖓᓕᖓᔪᓂᒃ ᐊᕙᑎᓕᕆᓂᕐᒨᓕᖓᔪᓂᒃ ᑐᑭᓯᒋᐊᕈᑎᑦᓴᓂᒃ ᐃᓕᖓᔪᓂᒃ ᐱᓇᓱᒐᑦᓴᓕᐊᖑᒍᒪᔪᓄᑦ, ᒪᓕᒐᓕᐊᖑᒍᒪᔪᓄᑦ, ᓱᖃᑦᓯᑎᑦᓯᒍᑎᓕᐊᖑᒍᒪᔪᓄᑦ, ᐊᒻᒪᓗ ᐊᓯᖏᓐᓄᑦ ᓯᓚᑖᓂ ᑐᑦᓯᕋᐅᑎᓄᑦ ᓱᕐᕋᐃᑐᐃᓐᓇᕆᐊᓕᓐᓄᑦ ᑕᕐᕋᒥ ᓄᓇᓕᐅᑉ ᐅᕝᕙᓘᓐᓃᑦ ᑲᑎᕕᐅᑉ ᓄᓇᖓᑕ ᐊᕙᑎᖓᓂᒃ;

• ᐱᓇᓱᖃᑦᑕᓗᓂ ᐊᓯᖏᓐᓂᒃ ᓱᓇᒐᓚᑐᐃᓐᓇᓂᒃ ᐱᔭᑦᓴᓂᒃ ᑕᐃᒪᐃᒋᐊᖃᕐᑎᑕᐅᓂᖓ ᑲᒪᔨᒧᑦ ᒪᓕᓪᓗᒍ;

ᐱᒍᓐᓇᐅᑎᐅᒋᐊᓖᑦ:

• ᐃᓕᓐᓂᐊᕕᕐᔪᐊᒥ ᐱᔭᕇᕈᑎᖃᕐᓗᓂ ᐃᓕᓐᓂᐊᑎᑦᓯᓂᕐᒨᓕᖓᔪᒥᒃ;

• ᐃᑭᓐᓂᐸᐅᑎᓪᓗᒋᑦ ᐱᖓᓱᑦ ᐅᑭᐅᑦ ᐱᓇᓱᓕᓂᐅᓗᓂ ᑐᑭᐊᒎᕐᑐᒥᒃ ᑖᑦᓱᒪ ᐱᓇᓱᒐᐅᑉ;

• ᑐᓴᐅᒪᖃᑎᒌᑦᑎᓯᑦᓯᐊᕈᓐᓇᓗᓂ ᐊᒻᒪᓗ ᐃᓄᑑᓗᓂ ᐱᓇᓱᒍᓐᓇᓗᓂ, ᐱᓇᓱᖃᑎᒌᑦᑐᓄᓪᓗ ᐃᓚᐅᒍᓐᓇᓗᓂ;

• ᓱᖏᐅᓯᓴᕈᓐᓇᓯᐊᓪᓚᕆᓪᓗᓂ;

• ᐱᓇᓱᒍᓐᓇᕈᑎᒋᓗᒍ ᖃᐅᔨᒪᑦᓯᐊᓗᓂ ᖃᕆᑕᐅᔭᕈᑎᒥᒃ Microsoft Office-ᒥᒃ;

• ᖃᐅᔨᒪᓪᓚᕆᒋᐊᓕᒃ ᐱᓇᓱᒍᓐᓇᕈᑎᒋᓗᒋᒃ ᐅᖃᐅᓰᓐᓂᒃ ᒪᕐᕉᓂᒃ (2) ᐅᖃᐅᓯᕐᓂ ᐅᑯᓇᓂ, ᐊᓪᓚᓂᒃᑯᑦ ᐅᖄᓂᒃᑯᓗ: ᐃᓄᒃᑎᑐᑦ, ᐅᐃᒍᐃᑎᑐᑦ, ᖃᓪᓗᓈᑎᑐᓪᓗ;

• ᐱᒍᒪᓂᖃᑦᓯᐊᓗᓂ ᐊᕐᕕᑕᐃᓐᓇᕈᓐᓇᓗᓂ ᓄᓇᕕᒻᒥ;

ᐱᓇᓱᒐᐅᑉ ᓇᓃᓐᓂᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐹᑦ $60,074/ᐊᕐᕌᒍᑕᒫᑦ; ᐊᒥᓲᓂᕐᐹᑦ $102,839/ᐊᕐᕌᒍᑕᒫᑦ (ᐳᕐᑐᓂᖓ 9);

ᐱᕙᓪᓕᖁᑎᑖᕐᑕᕈᑏᑦ: ᐃᓅᓂᐅᑉ ᐊᑭᖓᓄᑦ ᑲᓱᖕᖏᒍᑎᓄᑦ ᐊᑭᓕᕐᑕᐅᒍᑏᑦ; ᐃᑭᓐᓂᐹᑦ $8,500 ᐊᕌᒍᑕᒫᑦ;

ᓂᕿᓯᒍᑎᑖᕐᑕᕈᑏᑦ; ᐃᑭᓐᓂᐹᑦ $4,216 ᐊᕐᕌᒍᑕᒫᑦ;

ᐊᕐᕌᒍᑕᒫᕐᓯᐅᑏᑦ ᐊᕐᕕᑕᕈᑏᑦ: ᐊᒥᓲᓂᕐᐹᑦ 3 ᐃᓄᒃ ᐊᑐᓂ, ᐊᕐᕌᒍᑕᒫᑦ;

ᐱᓇᓱᑦᑎᓅᓕᖓᔪᑦ ᐃᒻᒪᖃᐅᑏᑦ, ᐃᓚᐅᑎᓪᓗᒋᑦ ᐱᔭᕆᐊᑭᓕᑎᕐᓯᒪᔪᑦ ᐃᓄᑐᖃᐅᒍᑎᑖᕐᑕᐅᑏᑦ;

ᕿᑲᑲᐃᓐᓇᕈᓐᓇᐅᑏᑦ: 20 ᐅᓪᓗᐃᑦ ᐊᕐᕌᒍᑕᒫᑦ;

ᐱᖁᔭᑎᒍᑦ ᐋᕐᕿᓯᒪᔪᑦ ᕿᑲᕐᓇᐃᑦ: 20 ᐅᓪᓗᐃᑦ, ᐃᓚᐅᑎᓪᓗᒋᑦ 10 ᐅᓪᓗᐃᑦ ᕿᑎᖕᖑᒥ.

ᐱᓇᓱᓕᓂᐅᓂᕐᐱᑦ ᐃᓕᓐᓂᐊᓯᒪᓂᕐᐱᓗ ᐊᓪᓚᑕᐅᒪᓂᖏᑦ ᐊᐅᓪᓚᑎᒃᑭᑦ ᐅᕗᖓ 5:00 ᐆᒃᑑᐱᕆ 27, 2025-ᒥ:

Human Resources, Kativik Regional Government

P.O. Box 9

Kuujjuaq, Quebec J0M 1C0

E-mail: humanresources@krg.ca

Fax: 819-964-2975

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᑦᔨᒌᒥᒃ ᐱᕕᑦᓴᖃᕐᑎᓯᔪᑦᓴᐅᓱᓂ ᐱᓇᓱᕝᕕᐅᕗᖅ. ᑖᓐᓇ ᒪᓕᑦᓱᒍ ᐊᒻᒪᓗ ᓴᐃᒥᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᑕ ᐊᖏᖃᑎᒌᒍᑎᖓ, ᖃᓄᐃᓕᖓᓂᖏᑦ ᐊᑦᔨᒋᖕᖏᑐᐃᓐᓇᕆᐊᓕᖏᑦ ᖃᐅᔨᔭᐅᑎᒐᓱᐊᕐᓗᒍ ᐱᓇᓱᒐᖅ ᐃᓄᓐᓄᑦ ᐱᓇᓱᒐᕐᑕᕋᓱᑦᑐᓄᑦ.

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᖃᐅᔨᒋᐊᕐᕕᖃᓛᕐᖁᖅ ᐱᓇᓱᒐᕐᑕᕋᓱᑦᑐᓂᑦ ᓂᕈᐊᕐᑕᓂᒃ ᑭᓯᐊᓂ ᐊᐱᕐᓱᓂᕐᒧᑦ .