ᐅᖃᐅᑦᔩᒋᐊᕐᑎ ᐳᓖᓯᒃᑯᑦ ᐊᖓᔪᕐᖄᖓᓄᑦ - KRG

ᓄᓇᕕᒃ ᐅᓪᓗᑕᒫᕐᓯᐅᑎᒃ ᐱᓇᓱᐊᒐᑦᓴᖅ Deadline 16/12/2026

ᐱᓇᓱᐊᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᐊᓪᓚᕕᓕᒫᓄᑦ ᑎᒥᐅᔪᒻᒪᕆᐅᕗᖅ ᐱᔪᓐᓇᕕᖃᕐᓂᓕᒃ ᑯᐯᑉ ᓄᓇᖁᑎᖓᓂ ᑕᕐᕋᒥ ᓄᓇᖕᖑᐊᑎᒍᑦ

ᐃᑳᖓᔪᒥᒃ 55 ᐹᖓᓂ. KRG-ᑯᑦ ᐱᓇᓱᑦᑐᓴᒥᒃ ᕿᓂᕐᐳᑦ ᐱᒍᓐᓇᓯᐊᕐᑐᒥᒃ ᐊᒻᒪᓗ ᑐᑭᒧᐊᕆᒍᓐᓇᑐᒥᒃ ᒪᑯᓂᖓ ᐱᓇᓱᐊᒐᑦᓴᓂᒃ

ᑰᑦᔪᐊᒥ:

ᐅᖃᐅᑦᔩᒋᐊᕐᑎ ᐳᓖᓯᒃᑯᑦ ᐊᖓᔪᕐᖄᖓᓄᑦ

(ᐅᓪᓗᑕᒫᕐᓯᐅᑎᒃ ᐱᓇᓱᐊᒐᑦᓴᖅ)

ᑐᓴᐅᒪᑎᑦᓯᕙᓪᓗᓂ ᐊᖓᔪᕐᖄᒋᔭᐅᔪᒧᑦ ᓄᓇᕕᒻᒥ ᐳᓖᓯᓄᑦ ᐱᒍᑦᔨᕕᖓᓂ (Nunavik Police Service), ᐅᖃᐅᑦᔩᒋᐊᕐᑎ ᐳᓖᓯᒃᑯᑦ

ᐊᖓᔪᕐᖄᖓᓄᑦ ᐱᑎᑦᓯᓗᓂ ᐅᖃᐅᕐᔪᕋᑦᓴᓂᒃ, ᐃᑲᔪᕐᓯᓗᓂ, ᐊᒻᒪᓗ ᑐᑭᓕᐅᖃᑎᖃᕐᓗᓂ ᐳᓖᓯᒃᑯᑦ ᐊᖓᔪᕐᖄᖓᓄᑦ ᐃᑲᔪᕐᐸᓗᓂᓗ

ᐱᓇᓱᐊᒐᑦᓴᓂᒃ ᑐᑭᑖᕐᑕᐅᓯᒪᔪᑐᖃᓂᒃ. ᐱᓇᓱᐊᕐᑎ ᑲᒪᒋᔭᑦᓴᖃᓂᐊᕐᐳᖅ ᐊᑦᔨᒌᖕᖏᑐᓂᒃ ᐱᔭᑦᓴᓂᒃ ᐱᖁᔭᓂᒃ ᒪᓕᓪᓗᓂ

ᐱᒍᑦᔨᓂᕐᒧᑦ ᑐᑭᒧᐊᕋᕐᓴᓂᒃ ᐅᖓᑖᓄᓪᓗ ᐱᕙᓪᓕᐊᓂᕆᔭᐅᔪᓂᒃ ᐃᓕᒪᑦᓯᐊᓗᓂᓗ ᐱᓇᓱᐊᖃᑎᒌᕐᓂᒧᑦ ᑕᒪᒃᑯᓂᖓ

ᐊᑦᔨᒌᖕᖏᑐᓂᒃ ᐱᓇᓱᕝᕕᒥ ᑎᒥᐅᔪᖁᑎᓄᓪᓗ.

ᐱᓇᓱᒐᕐᑖᑐᖅ ᑭᒡᒐᑐᐃᔨᐅᓂᐊᕐᑐᖅ ᐳᓖᓯᒃᑯᑦ ᐊᖓᔪᕐᖄᖓᓄᑦ ᓯᕗᓕᕐᑎᓄᓪᓗ ᐊᑦᔨᒌᖕᖏᑐᓄᑦ ᑲᑎᒪᔨᓄᓪᓗ ᐊᒻᒪᓗ

ᓯᕗᓕᕐᓯᓂᐊᕐᓗᓂ ᐊᒥᓱᓂᒃ ᐱᔭᑦᓴᓂᒃ ᐱᕙᓪᓕᐊᕆᓗᓂ ᑐᑭᑖᕐᑕᐅᔪᑦᓴᓂᒃ. ᑖᓐᓇ ᑭᒡᒐᑐᐃᔨᐅᓂᐊᕐᒥᔪᖅ ᓄᓇᓕᒻᒥ—ᐱᓗᐊᕐᑐᒥᑦ

ᐃᓄᐃᑦ ᓄᓇᓕᖓᓂ—ᐊᒻᒪᓗ ᐅᖃᐅᑦᔩᒋᐊᕐᓗᓂ ᐳᓖᓯᒃᑯᑦ ᐊᖓᔪᕐᖄᖓᓂᑦ ᐃᓱᒪᓕᐅᕆᓂᕐᒧᑦ, ᐊᑐᐃᓐᓇᐅᑎᑦᓯᓗᓂ ᒫᓐᓇᓴᐅᑎᒋᒃ

ᖃᐅᔨᒪᑎᑦᓯᓂᕐᒥᑦ ᐃᓄᐃᑦ ᐃᓱᒪᕆᔭᖏᓐᓂᑦ ᐃᓗᕐᕈᓯᒃᑯᑦ ᐱᕐᖁᓯᒃᑯᓗ ᒪᓕᑦᑐᓂᒃ. ᑐᕌᒐᖓ ᐊᑐᐃᓐᓇᐅᑎᑦᓯᓂᕐᒧᑦ ᐳᓖᓯᓕᕆᓂᕐᒧᑦ

ᐱᒍᑦᔨᓂᕐᒥᒃ ᐃᓱᒪᒋᔭᖃᕐᓗᓂ ᐃᓗᕐᕈᓯᒥᒃ ᐱᕐᖁᓯᒥᓪᓗ ᐃᓄᐃᑦ ᐊᑑᑎᔭᖏᓐᓂᒃ, ᒪᓕᑦᓯᐊᓗᓂᓗ ᐊᑑᑎᒐᑦᓴᓂᒃ ᒪᓕᒐᓂᒃ

ᑐᖕᖓᕕᓕᓐᓂᑦ.

ᐱᓇᓱᒐᕐᑖᑐᖅ ᓂᕆᐅᒋᔭᐅᓂᐊᕆᕗᖅ ᐱᓇᓱᐊᒐᖃᕈᓐᓇᓗᓂ ᖃᓄᑐᐃᓐᓇᖅ ᐊᑦᑐᐃᓂᓕᓐᓂᒃ ᐱᓇᓱᐊᒐᕐᓴᓂᒃ ᑌᒣᖃᔭᐅᓐᓂᒥᓄᑦ

ᐳᓖᓯᒃᑯᑦ ᐊᖓᔪᕐᖄᖓᓄᑦ.

ᐳᕐᑐᓂᖃᕆᐊᓕᒃ

• ᐱᔭᕇᒍᑎ ᓯᕗᓪᓕᖅ ᐃᓕᓐᓂᐊᕕᐊᓗᒻᒥ ᐱᓇᓱᐊᒐᕐᒨᓕᖓᔪᖅ;

• ᐊᕐᕌᒍᓂᒃ 7-ᓂᒃ (seven) ᐱᓇᓱᐊᕐᓯᒪᕆᐊᓕᒃ ᑕᕝᕙᓂ ᐃᓂᒥ. ᖃᓄᑐᐃᓐᓇᖅ ᐃᓕᓐᓂᐊᓯᒪᓂᕐᒥᒃ ᐱᓇᓱᐊᕐᓯᒪᒍᓂᓗ

ᓈᒻᒪᓯᐊᒍᓐᓇᒥᔪᖅ. ᐊᕐᕌᒍᓂᒃ 5-ᓂᒃ (5) ᑲᒪᔨᐅᓯᒪᒍᓂ ᐱᐅᔫᕗᖅ;

• ᖃᐅᔨᒪᔭᐅᑦᓯᐊᕆᐊᓕᒃ ᑭᓇᑐᐃᓐᓇᒧᑦ, ᐱᓗᐊᕐᑐᒥᒃ ᐃᓄᓐᓄᑦ ᓄᓇᓕᒻᒥ;

• ᑐᑭᓯᐅᒪᓂᖃᑦᓯᐊᓗᓂ ᐊᓪᓚᕕᐅᑉ ᐊᐅᓚᓂᖏᓐᓂᒃ ᐊᒻᒪᓗ ᑲᕙᒪᓕᕆᓂᕐᒧᑦ ᐊᐅᓚᓂᖏᓐᓂᒃ ᑐᕌᓗᒍ ᓄᓇᕕᒻᒥᐅᓄᑦ;

• ᖃᐅᔨᒪᓂᖃᕐᓂᖅ ᒪᓕᒐᓕᕆᓂᕐᒧᑦ ᐊᕙᑎᓂᒃ (ᐱᖁᔦᑦ, ᒪᓕᒐᑦᓭᑦ, ᐊᒻᒪᓗ ᑎᓕᔨᒪᓂᕐᒧᑦ ᐱᔪᓐᓇᐅᑎᓂᒃ) ᐊᒻᒪᓗ ᒥᓂᔅᑌᑦ

ᐋᕐᕿᓯᒪᓂᕆᔭᖏᓐᓂᒃ ᐱᓇᓱᕐᓯᒪᔪᖅ;

• ᑐᓴᐅᒪᑎᑦᓯᓯᐊᕐᓗᓂ ᐳᓖᓰᑦ ᐊᖓᔪᕐᖄᖓᓂᒃ ᐊᒻᒪᓗ ᐃᓗᕐᕈᓯᒧᑦ ᐃᓄᓕᒫᓄᓪᓗ ᒪᓕᒍᓐᓇᓯᐊᕐᓗᓂ ᓄᓇᕕᒻᒥᐅᑦ

ᐃᓱᒪᒋᔭᐅᔭᖏᓐᓇᕆᐊᖃᕐᓗᑎᒃ ᖃᓄᐃᓕᐅᕐᓂᐅᔪᓄᑦ ᐋᕐᕿᓯᒪᓕᕐᑎᑕᐅᔪᓄᓪᓗ, ᑕᒣᓐᓂ ᐊᐅᓚᑦᓯᓂᕐᒧᑦ

ᐊᐅᓚᑦᓯᓂᕆᔭᐅᔪᓄᓪᓗ;

• ᑕᑯᑦᓴᐅᑎᑦᓯᓗᓂ ᐱᔭᐅᔭᕆᐊᓕᓐᓂᒃ ᐱᓇᓱᐊᒐᕐᓄᑦ ᑲᕙᒪᓕᕆᕈᓐᓇᓯᐊᕐᓗᓂ ᐊᒻᒪᓗ ᐊᑦᑐᐃᕈᓐᓇᓯᐊᕐᓗᓂ ᐱᔭᕆᐊᓂᒃ

ᐱᐅᔫᕗᖅ;

• ᑕᑯᑦᓴᐅᑎᑦᓯᓗᓂ ᐱᔪᓐᓇᓂᕐᒥᓂᒃ ᐊᕐᓱᒍᓐᓇᑐᓂᒃ, ᓈᒻᒪᓴᖕᖏᓂᕆᔭᐅᔪᓂᒃ, ᓄᐃᑦᓯᓗᓂᓗ ᑐᑭᑖᕐᓯᒪᓂᕐᒥᓂᒃ,

ᓄᑕᐅᓯᓕᕐᓂᒧᓪᓗ ᐋᕐᕿᓱᕐᓯᒪᑦᓯᐊᑎᑦᓯᓗᓂ;

• ᐃᓱᒪᑦᓴᓯᐅᕈᓐᓇᓯᐊᕐᓗᓂ, ᐃᓗᕐᕈᓯᓂᒃ ᑐᑭᓯᓂᖃᑦᓯᐊᓗᓂ, ᑐᑭᑖᕈᓐᓇᓯᐊᕐᓗᓂ, ᐊᒻᒪᓗ ᐅᖄᖃᑎᖃᒍᓐᓇᓯᐊᕐᓗᓂ;

• ᓄᑖᓂᒃ ᐃᓱᒪᑦᓴᓯᐅᕈᓐᓇᓯᐊᕐᓗᓂ, ᐊᔪᕐᓇᑐᓂᒃ ᐊᓂᒍᔦᕈᓐᓇᓗᓂ, ᐊᒻᒪᓗ ᑐᓴᐅᒪᑎᑦᓯᓂᖃᕐᓗᓂ;

• ᓇᒻᒥᓂᖅ ᐱᒍᓐᓇᓯᐊᕐᓗᓂ, ᐱᒋᐊᕐᑎᓯᕈᓐᓇᓗᓂ, ᑐᑭᓯᒍᓐᓇᓗᓂ ᓱᓇᑐᐃᓐᓈᐱᓐᓂᒃ, ᐸᕐᓇᓯᒪᑦᓯᐊᒍᓐᓇᓗᓂᓗ

ᑐᑭᑖᕐᑎᓯᑦᓯᐊᓗᓂᓗ, ᐊᒻᒪᓗ ᐱᓇᓱᖃᑎᒌᒍᓐᓇᓗᓂ ᐃᓄᓐᓂᒃ ᑎᒥᐅᔪᓂᓪᓗ, ᐃᓱᒪᒋᔭᖃᕐᓗᓂ ᐃᓄᓕᒫᓂᒃ ᑭᐅᒍᓐᓇᓂᕐᒥᒃ;

• ᑐᑭᓯᒪᓂᖃᕐᓯᐊᓗᓂ ᐃᓄᓕᒫᓂᒃ ᐊᑦᑕᓇᕐᑐᒨᑦᑌᓕᒪᓂᕐᒧᑦ ᐱᓇᓱᐊᕐᓂᒥᒃ ᐱᐊᔫᕗᖅ;

• ᖃᐅᔨᒪᓂᖃᑦᓯᐊᓗᓂ ᐱᓇᓱᕐᓯᓂᕐᒥᒃ ᐱᕙᓪᓕᐊᑎᑦᓯᓂᕐᒧᑦ ᐊᑐᓕᕐᑎᓯᓂᕐᒧᓗ ᖃᓄᐃᓕᐅᕐᓂᓄᑦ ᐸᕐᓇᐅᑎᓂᓪᓗ,

ᑐᓴᐅᒪᖃᑦᑕᐅᑎᓂᕐᒧᓗ, ᓄᕐᖃᖓᑎᑦᓯᓇᓱᐊᕐᓂᒧᓪᓗ, ᐃᓕᓐᓂᐊᑎᑦᓯᓂᕐᒧᓗ ᐱᓇᓱᐊᕐᓗᓂ;

• ᐱᔪᓐᓇᓂᖃᕐᓗᓂ ᑐᑭᓯᔭᐅᒪᖕᖏᑐᓂᒃ ᑐᑭᓯᑎᑦᓯᕈᓐᓇᓗᓂ, ᓀᓪᓕᑎᕐᓯᕈᓐᓴᓗᓂ ᑐᑭᓯᓐᓇᑎᑦᓯᔪᓐᓇᓗᓂᓗ

ᐊᑦᑐᐊᓂᓕᓐᓂᒃ, ᐋᕐᕿᓱᐃᕈᓐᓇᓗᓂᓗ ᑭᓇᑐᐃᓐᓇᓄᑦ ᑐᓴᕐᑕᐅᒪᔪᑦᓴᓂᒃ;

• ᐃᑲᔪᕐᑐᐃᕙᓪᓗᓂ ᐳᓖᓯᒃᑯᑦ ᐊᐅᓚᑦᓯᕕᖓᓐᓂᒃ ᐱᑦᔪᑎᓕᓐᓂᒃ ᐊᑦᑐᐃᓂᓕᓐᓂᒃ ᐱᓇᓱᐊᕐᓂᓕᕆᓂᕐᒧᑦ ᒪᓕᑦᑕᐅᔪᕐᓴᓂᒃ;

• ᖃᐅᔨᓴᕈᓐᓇᓯᐊᕐᓗᓂ ᐊᓪᓚᕈᓐᓇᓯᐊᕐᓗᓂᓗ ᐊᐅᓚᑦᓯᕕᖓᓂ ᐱᓇᓱᐊᒐᕐᓴᓂᒃ;

• ᐃᓄᑦᑎᑑᕈᓐᓇᓯᐊᕐᓗᓂ ᖃᓪᓗᓈᕐᑎᑐᓪᓗ ᐱᐅᔫᕗᖅ, ᐅᖃᐅᓯᒃᑯᑦ ᐊᓪᓚᒍᓯᒃᑯᓗᓗ; ᐅᐃᒍᐃᑎᑑᕈᓐᓇᒍᓂ ᐱᐅᔫᕋᔭᕆᕗᖅ.

ᐱᓇᓱᐊᒐᑦᓴᐅᑉ ᖃᓄᐃᓕᖓᓂᖏᑦ


ᐱᓇᓱᐊᕐᕕᖓ: ᓄᓇᕕᒃ

ᑮᓇᐅᑦᔭᓵᑦ: ᐊᖏᓂᕐᐹᖓ ᑮᓇᐅᑦᔭᓵᑦ $174,625

ᐃᑲᔫᑏᑦ:

• ᐊᑭᖏᓐᓄᑦ ᐃᓅᓇᓱᐊᕐᓂᒧᑦ ᐃᖃᔫᑏᑦ: ᓀᓐᓂᐹᖓ $8,500 ᐊᕐᕌᒍᑕᒫᑦ

• ᓂᕿᓄᑦ ᐃᑲᔫᑏᑦ: ᓀᓐᓂᐹᖓ $4,398 ᐊᕐᕌᒍᑕᒫᑦ

• ᐊᕐᕌᒍᑕᒫᑦ ᐊᐅᓪᓚᖃᑦᑕᓂᖅ: ᐱᖓᓱᐃᑦ (3)

• ᐱᓇᓱᑦᑎᓯᔨᐅᑉ ᐃᓕᔭᖏᑦ RRSP-ᒧᑦ: 8%-ᓂᒃ

• ᑲᑎᖕᖓᔪᓄᑦ ᐱᒍᓐᓇᐅᑏᑦ (ᑭᒍᓯᓕᕆᓂᖅ, ᐃᔨᓕᕆᓂᖅ, ᐋᓐᓂᐊᓂᓕᕆᓂᕐᒧᑦ ᐊᑭᓕᕐᑑᑏᑦ)

• ᕿᑲᕐᓀᑦ: ᐅᓪᓗᓂᒃ 30-ᓂᒃ

• ᐃᓄᓕᒫᓄᑦ ᕿᑲᕐᓀᑦ: ᐅᓗᐃᑦ 20, ᐊᒻᒪᓗ 10 ᖁᕕᐊᓱᕝᕕᒥ;

ᐱᔪᓐᓇᑎᑕᐅᔪᑦ

ᐃᓄᑐᐃᓐᓀᑦ ᐱᒍᓐᓇᑐᑦ ᐃᓱᒪᒋᔭᐅᓂᐊᕐᑐᑦ ᑖᑦᓱᒧᖓ ᐱᓇᓱᐊᒐᑦᓴᒧᑦ.

ᐱᓇᓱᐊᒐᕆᖃᑦᑕᓯᒪᔭᑎᑦ ᐊᐅᓚᓗᒋᑦ ᐅᕘᖓ: HR@nunavikpolice.ca ᐊᒡᔪᓕᐅᑦ 16, 2027-ᖑᓚᐅᖕᖏᓂᖓᓂ

(ᓄᐃᑕᐅᕕᑦᓴᖓ: 1-ᒥᒃ ᑕᕐᕿᒥ)


KRG-ᑯᑦ ᐱᓇᓱᐊᕆᐊᖃᕐᐳᑦ ᐃᓄᓕᒫᓂᒃ ᐃᓱᒪᒋᔭᖃᕐᓗᑎᒃ. ᒪᓕᓪᓗᒍ ᑖᓐᓇ ᐊᒻᒪᓗ ᔦᒥᔅ ᐯ ᐊᒻᒪᓗ ᑯᐯ ᑕᕐᕋᖓᓂ ᐊᖏᖃᑎᒌᒍᑎ,

ᐱᓇᓱᑦᑐᓭᓕᕆᓂᕐᒧᑦ ᖃᓄᐃᓕᖓᓂᖓᓄᑦ ᑕᒪᓐᓇ ᐋᕐᕿᒋᐊᕐᑕᐅᑐᐃᓐᓇᕆᐊᖃᕐᐳᖅ ᐱᓇᓱᑦᑎᓴᖃᒍᓂ ᐃᓄᒻᒥᒃ.

ᓂᕈᐊᕐᑕᐅᔪᑐᐊᑦ ᐊᐱᕐᓱᑕᐅᓂᐊᕐᐳᑦ ᑕᑯᔭᐅᓂᐊᒍᑦᑎᒃ.

Suggested Jobs

See All Jobs