ᑲᒪᔨᒻᒪᕆᒃ – ᑮᓇᐅᔭᓕᕆᕕᒃ - KRG

ᐱᓇᓱᒐᑦᓴᖅ

(ᐱᓇᓱᑦᑎᓄᑦ/ᓯᓚᑖᓄᓪᓗ ᐱᓇᓱᒐᑦᓴᖅ)

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (ᑮᐋᔩ), ᐊᒥᓱᐃᓂᒃ ᑭᒡᒐᑐᕈᑎᖃᕐᓱᓂ ᑎᒥᐅᕗᖅ ᐊᐅᓚᑦᓯᕕᖃᕐᓱᓂᓗ ᑯᐯᑉ ᓄᓇᖓᓂ ᑕᕐᕋᒦᑦᑐᒥ 55 ᓇᑉᐸᖓᑕ ᖁᓛᓂ, ᕿᓂᓕᕐᒥᔪᖅ ᐃᓄᒻᒥᒃ ᐱᕈᒪᓂᖃᑦᓯᐊᑐᒥᒃ ᐊᒻᒪᓗ ᐅᒃᑯᐃᖔᑦᓯᐊᑐᒥᒃ ᑫᐋᔩᒃᑯᓂ ᐱᒍᑦᔨᕈᒪᓂᖃᑦᓯᐊᓱᓂ ᐃᒣᑦᑐᒥᒃ ᐱᓇᓱᐊᓚᖓᔪᒥᒃ:

ᑲᒪᔨᒻᒪᕆᒃ – ᑮᓇᐅᔭᓕᕆᕕᒃ

ᑲᒪᔨᖃᕐᓗᓂ ᑮᓇᐅᔭᓕᕆᔨᒻᒥᒃ, ᑲᒪᔨᒻᒪᕆᒃ, ᑮᓇᐅᔭᓕᕆᕕᒻᒥ ᐱᔭᑦᓴᖃᕋᔭᕐᑐᖅ ᑮᓇᐅᔭᓕᕆᓂᕐᒥᒃ ᐋᕐᕿᓯᒪᐅᑎᓕᐅᖃᑦᑕᓂᕐᒧᑦ ᐸᕐᓀᓂᒃᑯᑦ ᐊᒻᒪᓗ ᑐᑭᑖᕆᖃᑦᑕᓗᓂ ᑎᒥᐅᑉ ᐃᓗᐊᓂ. ᑲᒪᔨᒻᒪᕆᒃ, ᑮᓇᐅᔭᓕᕆᕕᒻᒥ ᑲᒪᒋᔭᖃᖃᑦᑕᕆᐊᓕᒃ ᐸᕐᓀᓂᒃᑯᑦ, ᐃᓂᓪᓚᑎᕆᓂᒃᑯᑦ, ᑲᒪᒋᔭᖃᕐᓂᑯᑦ ᐊᒻᒪᓗ ᐱᕙᓪᓕᐊᑎᑦᓯᒐᓱᐊᕐᓂᑯᑦ ᑮᓇᐅᔭᓕᕆᐅᑏᑦ ᐋᕐᕿᓯᒪᓂᖏᓐᓂ ᑫᐋᔩᒥ ᐊᒻᒪᓗ ᑲᒪᒋᔭᖃᖃᑦᑕᓗᓗᓂ ᑮᓇᐅᑦᔭᓵᕆᔭᐅᔪᓂᒃ. ᐱᓗᐊᕐᑐᒥᒃ, ᑲᒪᔨᒻᒪᕆᒃ, ᑮᓇᐅᔭᓕᕆᕕᒻᒥ ᐱᓇᓱᐊᖃᑦᑕᓂᐊᕐᑐᖅ ᒪᑯᓂᖓ;

• ᐱᓇᓱᐊᖃᑎᒋᓗᒍ ᑮᓇᐅᔭᓕᕆᔨ, ᐸᕐᓀᖃᑦᑕᓂᖅ, ᑲᒪᒋᔭᖃᕐᓂᖅ ᐊᒻᒪᓗ ᑲᔪᓯᒃᑫᓂᖅ ᐱᓇᓱᐊᕋᑦᓴᐅᔪᓕᒫᓂ ᑮᓇᐅᔭᓕᕆᓃᑦ ᐊᐅᓚᑦᓯᐊᖁᓪᓗᒋᑦ ᓇᒻᒪᓇᑦᓯᐊᑐᑎᒍᑦ ᐊᒻᒪᓗ ᒪᓕᒐᓕᐊᕕᓂᕐᓂᒃ ᒪᓕᑦᓯᐊᓂᒃᑯᑦ, ᐊᓪᓚᖃᐅᑎᓕᕆᓗᑎᒃ ᐱᐅᓯᐅᒋᐊᓕᓐᓂᒃ ᐊᒻᒪᓗ ᐱᐅᓂᕐᐹᓂᒃ ᐱᓇᓱᐊᕈᓯᕐᓂᒃ;

• ᑮᓇᐅᑦᔭᓵᓕᕆᕕᒃᑯᑦ ᐱᓇᓱᐊᕐᑕᖏᓐᓂᒃ ᑲᒪᖃᑦᑕᓗᓂ ᐊᒻᒪᓗ ᐊᓪᓚᖃᐅᑏᑦ ᓈᒻᒪᓈᑦᓯᐊᕋᓗᐊᕐᒪᖔᑕ ᑲᒪᖃᑦᑕᓗᓂ ᐊᒻᒪᓗ ᐅᓪᓗᒥᒨᓕᖓᑦᓯᐊᒪᖔᑕ ᑲᒪᖃᑦᑕᓗᓂ (ᑐᑭᑖᕆᖃᑦᑕᓗᓂ ᑮᓇᐅᑦᔭᓵᓕᕆᐅᑏᑦ ᐊᓪᓚᓯᒪᔪᖏᓐᓂ), ᒪᓕᑦᓯᐊᕋᓗᐊᕐᒪᖔᑕ ᐱᖁᔭᓂᒃ ᒪᓕᒐᓕᐊᕕᓂᕐᓂᓗ ᑲᒪᒋᔭᖃᖃᑦᑕᓗᓂ ᐊᒻᒪᓗ ᑲᒪᒋᓗᒋᑦ ᐱᓇᓱᑦᑏᑦ ᐊᑭᓕᕐᑕᐅᒍᑎᖏᑦ ᐊᒻᒪᓗ ᐱᕙᓪᓕᕈᑎᖏᑦ.

• ᐋᕐᕿᓱᖃᑦᑕᓗᒋᑦ ᑲᔪᓯᑎᓪᓗᒋᓪᓗ ᐊᕐᕌᒍᑕᒫᑦ ᑐᕌᒉᑦ, ᖃᐅᔨᓴᕐᓗᒋᑦ ᑲᒪᒋᓗᒋᓪᓗ ᓄᐃᑦᓯᒍᑎᖏᑦ;

• ᑲᒪᒋᓗᒋᑦ ᐃᒻᒥᒎᕐᑎᑐᐃᑦ ᐱᓇᓱᕝᕕᒥ ᑮᓇᐅᔦᑦ ᑐᕌᒐᖁᑎᖏᑦ ᐊᑐᐃᓐᓇᕈᕐᑎᓗᒋᑦ ᖃᐅᔨᓴᕐᓗᒋᓪᓗ;

• ᑲᒪᒋᓗᒋᑦ, ᑮᓇᐅᔭᓕᕆᕕᐅᑉ ᐱᓇᓱᕝᕕᖓᓂ ᐱᓇᓱᑦᑏᑦ ᐊᒻᒪᓗ ᐱᒋᐅᕐᓴᑎᑕᐅᓂᖏᑦ ᒪᓕᑦᑕᐅᓯᐊᒐᓗᐊᕐᒪᖔᑕ;

• ᐋᕐᕿᓱᕐᓗᒋᑦ, ᓄᑕᐅᓯᓕᕐᓗᒋᑦ ᑲᔪᓯᑎᓪᓗᒋᓪᓗ ᑮᓇᐅᔭᓕᕆᓃᑦ ᐱᖁᔭᖏᑦ ᐱᐅᓯᑦᓴᖏᓪᓗ;

• ᕿᒥᕐᕈᓗᒋᑦ ᑲᔪᓯᑎᓪᓗᒋᓪᓗ ᐊᓪᓚᖃᐅᑎᓕᕆᓃᑦ ᐱᐅᓯᐅᖃᑦᑕᕆᐊᓖᓪᓗ;

• ᐋᕐᕿᓱᕐᓗᒋᑦ ᑲᔪᓯᑎᓪᓗᒋᓪᓗ ᑮᓇᐅᔭᓕᕆᐅᑏᑦ ᐊᒻᒪᓗ ᐊᓪᓚᖃᐅᑎᓕᕆᐅᑏᑦ ᐃᓗᓕᖏᑦ ᐱᓇᓱᕝᕕᐅᑉ ᖃᐅᔨᑎᑦᓯᒍᑎᖏᑦᑕ ᐋᕐᕿᓯᒪᐅᓯᖏᑦ, ᐊᒻᒪᓗ ᐃᓚᐅᖃᑦᑕᓗᑎᒃ ᑲᔪᓯᑎᑕᐅᓂᖏᑦ ᐱᐅᓯᐅᒦᒋᐊᕋᓱᐊᕐᓂᒧᑦ; ᑐᓴᐅᒪᑎᑦᓯᐊᖃᑦᑕᓗᒋᑦ ᐊᑦᔨᒌᖕᖏᑐᐃᑦ ᐃᒻᒥᒎᕐᑎᑐᑦ ᐃᑲᔪᕐᑎᐅᔪᐃᓪᓗ;

• ᐃᑲᔪᕐᓗᒋᑦ ᐱᓇᓱᕝᕕᒥ ᑲᒪᔨᒻᒪᕇᑦ ᐊᒻᒪᓗ ᑮᓇᐅᔭᓕᕆᕕᒻᒥ ᐱᓇᓱᑦᑏᑦ ᑮᓇᐅᔭᓕᕆᓃᑦ ᑲᒪᒋᔭᐅᒋᐊᓖᑦ ᑐᑭᓯᒪᔭᐅᑦᓯᐊᖁᓪᓗᒋᑦ;

• ᑲᒪᒋᓗᒋᑦ ᐊᕐᕌᒎᑉ ᓈᓂᖓᓂ ᑕᒻᒪᓯᒪᔪᓐᓂᐊᓃᑦ;

• ᐊᓪᓚᓯᒪᔪᓕᐊᕆᓗᒋᑦ ᑐᓴᕐᑎᓯᐅᑏᑦ ᐱᓇᓱᐊᕐᑕᐅᔪᓅᓕᖓᔪᑦ, ᐱᒍᑦᔨᐅᑎᓅᓕᖓᔪᑦ ᐊᒻᒪᓗ ᓱᖃᑦᓯᐅᑎᐅᖃᑦᑕᓯᒪᔪᑦ, ᓴᕐᕿᑎᑦᓯᒍᑎᖏᓪᓗ, ᐃᓚᐅᑎᓪᓗᒋᑦ ᐱᓇᓱᑦᑏᑦ, ᑮᓇᐅᔭᓕᕆᓃᑦ ᐊᒻᒪᓗ ᐱᐅᒃᑯᑎᓕᕆᓃᑦ ᐊᐅᓚᑕᐅᒍᑎᖏᑦ;

ᐱᓯᒪᒋᐊᓕᖏᑦ

• ᐳᕐᑐᓂᕐᓴᒥᒃ ᐃᓕᑕᕆᔭᐅᒍᑎᖃᕐᓗᓂ ᐊᓪᓚᖃᐅᑎᓕᕆᓂᕐᒥᒃ ᐅᕝᕙᓘᓐᓃᑦ ᐊᐅᓚᑦᓯᓂᓕᕆᓂᕐᒥᒃ;

• ᑲᓇᑕᒥ CPA-ᒥᒃ ᐃᓕᑕᕆᔭᐅᒍᑎᖃᕐᓗᓂ ᐱᐅᔫᒐᔭᕐᑐᖅ ᐱᓯᒪᔭᐅᒋᐊᖃᕐᓱᓂ;

• ᐳᒃᑭᓂᕐᐹᖓ ᓯᑕᒪᐅᔪᖕᖏᒐᕐᑐᓂᒃ (7) ᐊᕐᕌᒍᓂᑦ ᐱᓇᓱᐊᕐᓯᒪᔫᓗᓂ ᐊᓪᓚᖃᐅᑎᓕᕆᓂᕐᒥᒃ ᐊᒻᒪᓗ ᑮᓇᐅᔭᓕᕆᓂᕐᒥᒃ, ᑮᓇᐅᔦᑦ ᑐᕌᒐᖏᓐᓂ ᐊᐅᓚᑦᓯᔨᐅᓂᕐᒧᑦ ᐊᖏᔪᓂᒃ ᑎᒥᐅᔪᓂ ᐊᕐᓱᕈᕐᓇᑐᓂᓪᓗ, ᐱᓇᓱᐊᕐᓯᒪᔫᓗᓂ ᑲᕙᒫᐱᒃᑯᓂ ᐅᕝᕙᓘᓐᓃᑦ ᐃᓄᓕᒫᓅᓕᖓᔪᓂ ᐊᓪᓚᖃᐅᑎᓕᕆᓂᕐᒥᒃ ᐱᐅᔫᒐᔭᕐᑐᖅ;

• ᐱᓇᓱᐊᕐᓯᒪᔫᓗᓂ ᐱᓇᓱᑦᑐᓕᕆᕕᒻᒥ ᐊᐅᓚᑦᓯᔨᐅᓂᕐᒧᑦ, ᑲᑐᑦᔨᑲᑎᒌᓐᓂᑕᓕᒻᒥᒃ ᐱᓇᓱᐊᕐᓯᒪᔫᓗᓂ ᐱᐅᔫᒐᔭᕐᑐᖅ;

• ᑮᓇᐅᑦᔭᓵᓕᕆᕕᒻᒥ ᐊᐅᓚᑦᓯᓂᕐᒥᒃ ᐱᓇᓱᐊᕐᓯᒪᓗᓂ, ᐊᑦᔨᐸᓱᖓᓂᒃ ᐃᓕᑕᕆᔭᐅᒍᑎᑖᕐᓯᒪᓗᓂ ᐱᐅᔫᒐᔭᕐᑐᖅ;

• ᖃᐅᔨᓴᕈᓐᓇᓯᐊᕐᓗᓂ, ᐸᕐᓀᕈᓐᓇᓯᐊᕐᓗᓂ ᐊᒻᒪᓗ ᐃᓂᓪᓚᓯᒪᑦᓯᐊᑑᕈᓐᓇᓗᓂ;

• ᐃᓅᖃᑎᖃᑦᓯᐊᓲᖑᓗᓂ, ᓯᕗᓕᕈᓐᓇᓯᐊᕐᓗᓂ ᐊᒻᒪᓗ ᑐᓴᐅᒪᖃᑎᖃᑦᓯᐊᕈᓐᓇᓗᓂ;

• ᐃᓗᕐᕈᓯᖃᖃᑎᒌᖕᖏᑐᓂ ᐱᓇᓱᐊᕐᓯᒪᔫᓗᓂ ᐱᐅᔫᒐᔭᕐᑐᖅ;

• ᖃᕆᑕᐅᔭᕈᓐᓇᓗᓂ Microsoft Office Suite-ᒥᒃ, ᐃᓕᑕᕐᓯᒪᓗᓂ ERP-ᒥᒃ (Sage 300) ᐊᒻᒪᓗ HRIS/ᑮᓇᐅᑦᔭᓵᓕᕆᐅᑏᑦ ᐋᕐᕿᓯᒪᓂᖏᑦ (Dayforce) ;

• ᐊᓪᓚᕈᓐᓇᓗᓂ ᐅᖄᕈᓐᓇᓗᓂᓗ ᒪᕐᕉᓂᒃ (2) ᐅᖃᐅᓯᓂᑦ ᒪᑯᓂᖓ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᒍᐃᒍᐃᑎᑐᑦ;

ᐱᓇᓱᒐᐅᑉ ᓇᓃᓐᓂᖓ: ᑰᑦᔪᐊᖅ

ᑮᓇᐅᑦᔭᓵᑦ: ᐃᑭᓐᓂᐸᐅᑎᓪᓗᒋᑦ $126 995 ᐊᒻᒪᓗ ᐊᒥᓲᓂᕐᐸᐅᑎᓪᓗᒋᑦ $174 625 ᐊᕐᕌᒍᑕᒫᑦ

ᐱᕙᓪᓕᕈᑏᑦ: ᐃᓅᒐᓗᐊᕐᓱᖓᓄᑦ ᐊᑭᑐᓂᖓᓄᑦ ᐃᑲᔪᕐᑕᐅᒍᑏᑦ: ᐳᒃᑭᓂᕐᐹᖓ $8 500/ᐊᕐᕌᒍᒥ

ᓂᕿᓯᓂᐅᑎᑦᓭᑦ: ᐳᒃᑭᓂᕐᐹᖓ $4 216/ᐊᕐᕌᒍᑕᒫᑦ

ᐊᕐᕌᒍᑖᒫᒨᓕᖓᔪᐃᑦ ᖃᖓᑦᑕᐅᑏᑦ: ᐳᒃᑭᓂᕐᐹᖓ 3

RRSP ᐱᓇᓱᕝᕕᒃ

ᐱᓇᓱᑦᑏᑦ ᐃᒻᒪᖃᐅᑎᖏᑦ

ᕿᑲᑫᓐᓇᓃᑦ: 30 ᐅᓪᓗᐃᑦ

ᐱᓇᓱᑦᑏᑦ ᕿᑲᕐᓇᖏᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᕿᑎᖕᖑᒥ

ᐃᓕᒐᓱᐊᕈᒪᐅᑎᑦ ᐊᐅᓪᓚᑎᓗᒍ ᐅᕗᖓ:

ᐱᓇᓱᑦᑐᓕᕆᕕᒃ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ

P.O. Box 9

ᑰᑦᔪᐊᖅ, ᑯᐯᒃ JOM 1CO

ᓱᑲᑦᑐᑰᕈᑎᖓ: (819) 964-2975

ᑐᕌᕈᑎᖓ: humanresources@krg.ca

ᑮᐋᔩ ᓈᒻᒪᖁᐊᕇᑦᑎᓯᔨᐅᕗᖅ ᐱᓇᓱᒐᑦᓴᖃᕐᑎᓯᔨᐅᑦᓱᓂ. ᑕᒪᓐᓇ ᒪᓕᑦᓱᒍ ᐊᒻᒪᓗ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑏᑦ, ᐱᔪᓐᓇᓃᑦ ᐋᕐᕿᒋᐊᕐᑕᐅᑐᐃᓐᓇᕆᐊᓖᑦ ᐃᓄᐃᑦ ᐱᓇᓱᒐᕐᑖᑎᑕᐅᖔᕋᓱᐊᕐᑎᓗᒋᑦ.