ᑭᓇᐅᔭᓕᕆᕕᒻᒥ ᑲᒪᔨᒻᒪᕆᒃ - Atanniuvik

ᐱᓇᓱᒐᖅ ᐅᒃᑯᐃᖔᕐᑐᖅ

ᐱᓇᓱᒐᖅ: ᑭᓇᐅᔭᓕᕆᕕᒻᒥ ᑲᒪᔨᒻᒪᕆᒃ

ᖃᐅᔨᒪᑎᖃᑦᑕᕆᐊᓕᖓ: ᐳᕐᑐᓂᕐᓴᒥ ᑐᑭᒧᐊᑦᑎᓯᔨ

ᐃᓂᖓ: ᒪᓐᑐᕆᐊᒥ ᓄᓇᕕᒻᒥᓘᓐᓃᑦ

ᖃᓄᐃᓘᕐᑎᐅᓂᕗᑦ:

ᐊᑕᓐᓂᐅᕕᒃ ᓄᓇᕕᒻᒥ ᓄᑖᖅ ᐃᓄᓐᓄᑦ ᓯᕗᓕᕐᑕᐅᓱᓂ ᕿᒥᕐᕈᓂᓕᕆᓂᕐᒥ ᐊᐅᓚᑦᓯᓂᕐᒧᑦ ᑎᒥᐅᔪᖅ, ᑐᓂᓯᒪᓂᖃᑦᓯᐊᑐᖅ ᕿᒥᕐᕈᓂᐅᔪᐃᑦ ᓄᓇᕕᒻᒥ ᑕᑯᓐᓇᑕᖃᕆᐊᖃᕐᓂᖏᓐᓂᒃ ᓄᓇᓕᒻᒥ ᓯᕗᓪᓕᐅᔭᐅᒋᐊᓕᓐᓂᒃ, ᐃᓪᓕᕆᔭᖏᓐᓂᒃ ᐊᒻᒪᓗ ᓇᒻᒥᓂᖅ ᐊᔪᐃᓐᓇᓂᖏᓐᓂᒃ. ᐊᑕᓐᓂᐅᕕᒃ ᐊᑐᐃᓐᓇᕈᕐᑎᓂᕐᒥᓂ ᐱᒋᐊᕐᓂᓴᒥᓄᑦ 2026-ᒥ ᐊᒻᒪᓗ ᐊᕗᖓᐅᓕᓗᓂ, ᕿᓂᕐᖁᒍᑦ ᓈᒻᒪᓯᐊᑐᒥᒃ ᐃᓱᒪᖃᑦᓯᐊᕈᓐᓇᑐᒥᒃ ᐊᒻᒪᓗ ᑲᔪᓯᑦᓯᐊᕈᓐᓇᓗᓂ ᓇᐅᔭᓕᕆᕕᒥ ᑲᒪᔨᒻᒪᕆᑦᓴᒥᒃ ᓄᐃᑦᓯᓂᕐᒧᑦ ᐊᒻᒪᓗ ᑲᔪᓯᑎᑦᓯᓯᐊᕈᓐᓇᑑᓗᓂ ᐊᑦᑕᓀᑦᑐᓯᐊᒥᒃᓇᐅᔭᓕᕆᓂᕐᒥ ᑎᒥᐅᔪᒥ.

ᑭᓇᐅᔭᓕᕆᓂᕐᒥ ᑲᒪᔨᒻᒪᕆᒃ ᐱᔭᑦᓴᖃᓪᓚᕆᑉᐳᖅ ᖃᐅᔨᒪᓇᑦᓯᐊᑑᓗᓂ, ᐱᑦᓯᐊᕈᓐᓇᓗᓂ, ᐊᒻᒪᓗ ᓈᒻᒪᓈᕐᑐᒥ ᓇᐅᔭᓕᕆᒍᓐᓇᓯᐊᕐᑐᒥᒃ ᐊᐅᓚᓂᕆᔭᐅᔪᓂ. ᑖᓐᓇ ᐃᓂᐅᔪᖅ ᐅᓪᓗ ᑕᒫᓯᐅᑎᓂᒃ ᑭᓇᐅᔭᓕᕆᓂᕐᒥ ᐊᐅᓚᓂᕆᔭᐅᔪᓂ ᐱᔭᑦᓴᖃᕐᖁᖅ, ᓯᕗᓕᕐᓗᓂ ᑭᓇᐅᔭᓕᕆᓂᕐᓂ ᓄᐃᑎᑕᐅᔪᓂ, ᐊᒻᒪᓗ ᓴᐳᔾᔨᓗᓂ ᑎᒥᐅᔪᒥ ᐱᕈᕐᐸᓕᐊᑎᑦᓯᓂᕐᒧᑦ ᓇᐅᔭᓕᕆᓂᕐᒥ ᐃᓂᓪᓚᖓᐅᑎᓄᑦ ᑭᖕᖑᒪᓇᕐᑐᓄᑦ ᐊᑯᓃᕐᑐᒥᒃ ᒪᑭᑕᒍᓐᓇᓂᕐᒧᑦ.

ᐱᔭᑦᓴᖏᑦ - ᑭᓇᐅᔭᓕᕆᓂᕐᒥ ᑲᒪᔨᒻᒪᕆᐅᑉ

ᑭᓇᐅᔭᓕᕆᓂᕐᒥ ᑲᒪᔨᒻᒪᕆᒃ

• ᐊᐅᓚᑦᓯᓗᓂ ᐊᑭᓕᕐᑐᕆᐊᓕᓐᓂᒃ, ᓇᒻᒪᓈᑦᓯᐊᑐᓂᒃ ᑭᓇᐅᔭᓕᕆᒍᓐᓇᓗᓂ, ᐊᖏᕐᑕᐅᓯᒪᔪᓂᒃ, ᐊᒻᒪᓗ ᑭᖑᕃᑦᑌᓕᓗᓂ ᐊᑭᓖᒍᑎᓂᒃ.

• ᑲᒪᓇᓱᐊᑦᓯᐊᓗᓂ ᓈᒻᒪᓯᐊᕐᑐᓂᒃ ᐊᑭᓕᕐᑐᐃᒍᑎᓂ ᐱᓯᒪᑎᓪᓗᒋᑦ ᓯᓚᑎᒥᑦ ᐱᓇᓱᐊᕐᕕᐅᔪᓂᑦ ᐊᒻᒪᓗ ᐃᑉᐱᒋᔭᖃᑦᓯᐊᓗᓂᐊᑭᓕᕐᑕᐅᒍᑏᑦ ᓈᒻᒪᓈᑦᓯᐊᕋᓗᐊᕐᒪᖔᑕ ᐊᒻᒪᓗ ᑎᑭᕝᕕᒋᒋᐊᓕᒻᒥᓂ ᑎᑭᑦᓯᐊᕋᓗᐊᕐᒪᖔᑕ.

• ᐱᓇᓱᐊᕐᓗᓂ ᐊᒻᒪᓗ ᓄᐃᑦᓯᒍᓐᓇᓗᓂ ᖃᖓᑦᑕᐅᑎᓅᓕᖓᔪᓂᒃ ᒪᓕᑦᓯᐊᓗᒋᑦ ᐱᖁᔭᖏᑦ ᑎᒥᐅᔫᑉ.

• ᐃᓘᓐᓀᓅᓕᖓᔪᓂᒃ ᑮᓇᐅᔭᕐᑑᑎᓂᒃ ᐊᓪᓚᕕᖃᐃᓐᓇᓗᓂ ᐊᒻᒪᓗ ᐊᓪᓚᓯᒪᐅᑎᒋᒋᐊᓕᖏᓐᓂᒃ ᐃᑉᐱᒋᔭᖃᑦᓯᐊᓗᓂ ᐊᒻᒪᓗ ᓇᒻᒪᓈᑦᓯᐊᑐᓂᒃ ᐊᓪᓚᕈᓐᓇᓗᓂ.ᑕᑯᓐᓇᕋᓱᐊᑦᓯᐊᓗᓂ

• ᑮᓇᐅᔭᓂᒃ ᐃᑎᖃᑦᑕᑐᓂᒃ ᐊᓂᖃᑦᑕᑐᓂᓐᓗ ᐊᒻᒪᓗ ᐃᑉᐱᒋᔭᖃᑦᓯᐊᓗᓂ ᓈᒻᒪᓯᐊᕋᓗᐊᕐᒪᖔᑕ ᐃᓂᒋᒋᐊᓕᒻᒥᓃᑦᓯᐊᕋᓗᐊᕐᒪᖔᑕ ᑭᓇᐅᔭᓕᕆᕕᒻᒥ.

ᑭᓇᐅᔭᕐᑑᑏᑦ ᐊᒻᒪᓗ ᐅᖄᒍᑕᐅᓂᖏᑦ

• ᐃᑲᔪᕐᓗᓂ ᐳᕐᑐᓂᕐᓴᒥ ᑐᑭᒧᐊᑎᓯᔨᒥᒃ ᐊᑐᐃᓐᓇᕈᕐᑎᓂᕐᒧ ᐊᕐᕌᒍᑕᒫᑦ ᑭᓇᐅᔭᕐᑑᑎᓂᒃ.

• ᓀᐱᑦᓯᒍᓐᓇᓗᓂ ᑭᓇᐅᔭᓂᒃ ᐊᑐᕐᑕᕕᓂᕐᓂᒃ ᐊᖏᕐᑕᐅᒪᖕᖏᑐᓂᒃ ᑭᓇᐅᔭᕐᑑᑎᓂᒃ ᐊᒻᒪᓗ ᓄᐃᑦᓯᒍᓐᓇᓯᐊᕐᓗᓂ ᑭᓇᐅᔦᑦ ᖃᓄᐃᓕᖓᓕᕐᓂᖏᓐᓂᒃ.

• ᐱᓇᓱᐊᖃᑦᑕᓗᓂ ᑕᕐᕿᑕᒫᕐᓯᐅᑎᓂᒃ ᐊᒻᒪᓗ ᑭᓇᐅᔾᔭᑦ ᐊᓪᓚᑕᐅᓯᒪᐅᑎᖏᓐᓂᒃ ᐱᓇᓱᑦᑎᓄᑦ ᐊᒻᒪᓗ ᑲᑎᖓᔨᖏᑦᑕ.

• ᓴᐳᔾᔨᓗᓂ ᓇᐅᔭᖃᕐᑎᓯᔪᒥᒃ ᓇᐅᔭᓕᕆᓂᕐᒥ ᑭᖑᒪᒋᔭᖏᓐᓄᑦ.

ᐃᑉᐱᒋᔭᐅᓯᐊᕆᐊᓖᑦ ᐊᒻᒪᓗ ᐊᐅᑕᐅᓂᖏᑦ

• ᐃᑉᐱᒋᔭᖃᑦᓯᐊᓗᓂ ᐃᑉᐱᒋᔭᐅᑦᓯᐊᕆᐊᓕᓐᓂᒃ ᓇᐅᔭᖃᕐᑎᓯᓂᕐᒧᑦ ᐊᖏᖃᑎᒌᒍᑎᓂᒃ, ᒪᓕᒐᕐᓂᒃ, ᐊᒻᒪᓗ ᒪᓕᒐᖑᑎᑕᐅᒋᐊᓚᕈᓐᓇᑐᓂᒃ.

• ᐱᕈᕐᑎᑦᓯᓗᓂ ᐊᒻᒪᓗ ᓄᓪᓚᖓᑎᑦᓯᓗᓂ ᓇᐅᔭᓕᕆᓂᕐᒥ ᒪᓕᒐᕐᓂᒃ ᐊᒻᒪᓗ ᐱᓂᐊᕐᓂᐅᔪᓂᒃ.

• ᐊᐅᓚᑦᓯᒍᓐᓇᓯᐊᕐᓗᓂ ᐊᕐᕌᒍᑕᒫᕐᓯᐅᑎᓂᒃ ᑕᒪᓯᒪᔪᕐᓂᐊᑕᐅᓂᖏᓐᓄᑦ ᐊᒻᒪᓗ ᐱᓇᓱᖃᑎᖃᑦᓯᐊᕈᓐᓇᓗᓂ ᑕᒻᒪᓯᒪᔪᕐᓂᐊᑐᓂᒃ ᐱᓇᓱᒋᐊᓯᒪᔪᓂᒃ.

• ᓲᖑᓯᐅᒥᑎᑦᓯᓗᓂ ᐊᐅᓚᑦᓯᓂᓕᕆᓂᕐᓂᒃ ᐊᒻᒪᓗ ᐊᒻᒪᓗ ᐊᑦᑕᕈᑎᒋᒍᓐᓇᑕᖏᓂᒃ ᐊᐅᓚᑦᓯᓂᐅᑉ.

ᖃᓄᐃᓕᖓᓂᐅᔪᑦ ᐊᒻᒪᓗ ᐊᐅᓚᓂᐅᔪᐃᑦ ᐱᕈᕐᐸᓕᐊᓂᖓ

• ᓴᐳᔾᔨᓗᓂ ᐱᔪᓐᓇᓯᑎᑦᓯᓂᕐᒧᑦ ᐸᕐᓇᓯᒪᔪᓂᒃ ᐊᒻᒪᓗ ᐊᐅᓚᑦᓯᓗᓂ ᑮᓇᐅᔭᓕᕆᓂᕐᒥ ᖃᕆᑕᐅᔭᓂᒃ ᐊᒻᒪᓗ ᑭᓇᐅᔾᔭᓕᕆᐅᑎᓂᒃ.

• ᓄᐃᑦᓯᓗᓂ ᐊᑐᑎᔭᐅᒋᐊᓕᓐᓂᒃ ᐱᓂᐊᕐᓂᐅᒋᐊᓕᓐᓂᒃ ᑭᓇᐅᔭᕐᑑᑎᓄᑦ ᑐᑦᓯᕋᐅᑎᓂᒃ, ᖃᖓᑦᑕᐅᑎᓄᑦ ᐅᑎᕐᕕᐅᒍᑎᐅᒋᐊᓕᓐᓄ ᐊᒻᒪᓗ ᐊᑭᓕᕐᑐᐃᓂᕐᒧᑦ ᐊᖏᕐᑕᐅᒍᑎᓂᒃ.

• ᐃᑲᔪᕐᓯᒍᓐᓇᕕᖃᕐᓗᓂ ᑭᓇᐅᔭᓕᕆᓂᕐᒥ ᓯᕗᓕᕐᓂᒥᒃ ᐊᒻᒪᓗ ᐃᑲᔪᓯᓗᓂ ᐱᓇᓱᑦᑎᓂ.

ᐱᒍᓐᓇᐅᑎᒋᒋᐊᓕᖏᑦ:

• ᐳᕐᑐᓂᕐᓴᒥ ᐃᓕᓐᓂᐊᓯᒪᒋᐊᓕᒃ ᑭᓇᐅᔭᓕᕆᓂᕐᒥ ᐊᓪᓚᖁᑎᓂᒃ, ᑭᓇᐅᔭᓕᕆᒍᓐᓇᓂᕐᒥ, ᐊᐅᓚᓯᓂᓕᕆᓂᕐᒥ, ᐅᕝᕙᓘᓐᓃᑦ ᐊᔾᔨᐸᓱᖓᓂ.

• ᖃᐅᔨᒪᔪᓪᓚᕆᐅᓂᕐᒥ ᑭᐱᔪᓐᓇᐅᑎᖃᕐᓗᓂ (CPA) ᑭᓇᐅᔭᓕᕆᓂᕐᓂ ᓯᑯᑦᓴᔭᓕᕆᓂᕐᒥ ᐅᕝᕙᓘᓃᑦ ᐃᓚᐅᖃᑕᐅᖏᓐᓇᐅᑎᖃᕐᓗᓂ CPA-ᑯᓄᑦ ᐃᓱᒪᒋᔭᐅᔪᖅ ᑭᖕᖒᒪᓇᓪᓚᕆᑦᑎᓗᒍ.

• ᐃᓕᓐᓂᐊᖃᑦᑕᓯᒪᓗᓂ ᐅᕝᕙᓘᓐᓃᑦ ᐱᔪᓐᓇᐅᑎᖃᕐᓗᓂ ᑭᓇᐅᔾᔭᓕᕆᓂᕐᒥ ᐊᐅᑦᓯᓂᓕᕆᓂᕐᒥᒃ., ᑭᓇᐅᔭᓕᕆᓂᕐᒥ ᓯᑯᑦᓴᔭᓕᕆᒍᓐᓇᓯᐊᕐᓗᓂ ᐊᑭᓕᕐᑐᑕᐅᒐᓂ ᐊᓯᐊᒍᕐᑐᓂᒃ, ᐅᕝᕙᓘᓐᓃᑦ ᑭᓇᐅᔭᓕᕆᓂᕐᒥ ᐊᐅᓚᑦᓯᒍᑎᓂᒃ ᑭᖑᒪᓇᓪᓚᕆᑦᑐᖅ.

ᐊᑐᕈᓐᓇᕆᐊᓕᖏᑦ:

• ᐊᑭᓕᕆᐊᓕᓐᓂᒃ ᐊᑭᓖᓃᑦ ᐊᒻᒪᓗ ᐊᑭᓕᑦᓴᕆᔭᐅᔪᓂᒃ ᐱᓇᓱᐊᕐᓃᑦ

• ᐊᑭᓕᕐᑐᐃᒍᑏᑦ ᐊᐅᓚᑦᓯᓂᓕᕆᓂᕐᒥ ᐊᒻᒪᓗ ᐱᕙᓪᓕᖁᑎᓂᒃ ᐊᑐᐃᓐᓇᕈᕐᑎᓂᖅ

• ᐃᓘᓐᓈᒍᑦ ᐊᓪᓚᕕᑦᓴᓕᕆᓂᖅ ᑭᓇᐅᔭᓕᕆᓂᕐᒧᑦ

• ᐊᑐᐃᓐᓇᕈᕐᑎᒍᓐᓇᓗᓂ ᑭᓇᐅᔭᕐᑑᑎᓂᒃ ᐊᓪᓚᓯᒪᐅᑎᓂᒃ ᐊᒻᒪᓗ ᐊᐅᓚᑦᓯᓂᓕᕆᓂᕐᒥ ᐊᓪᓚᓯᒪᐅᑎᓂᒃ

• ᓴᐳᔾᔨᓗᓂ ᐊᕐᕌᒍᑕᒫᑦ ᑕᒻᒪᓯᒪᔪᕐᓂᐊᑕᐅᓂᕐᓂᒃ

• ᐱᓇᓱᐊᓯᒪᒋᐊᓕᒃ ᐊᕐᕌᒍᓂᒃ ᐱᖓᓱᓂᒃ ᐱᔪᓐᓇᓯᕙᓪᓕᐊᓂᕐᒥᓂ ᐱᓇᓱᐊᕐᓯᒪᒋᐊᓕᒃ ᑭᓇᐅᔭᓕᕆᓂᕐᒥ. ᑮᓇᐅᔭᓕᕆᓂᕐᒥ ᐊᐅᓚᑦᓯᓂᓕᕆᓂᕐᒥᓘᓐᓃᑦ

ᐊᓯᖏᑦ ᑭᖕᖒᒪᓇᕐᑐᑦ

• ᓄᐃᑕᑎᑦᓯᓯᐊᕐᓗᓂ ᐱᓇᓱᒍᓐᓇᓯᐊᕐᓂᒥᓂ ᐃᑉᐱᒍᓱᑦᑎᖃᕈᓀᓗᓂ

• ᐊᓯᒥᓂᒃ ᐱᓇᓱᖃᑎᖃᕈᓐᓇᓯᐊᕐᑑᓗᓂ

• ᐅᖄᕈᓐᓇᓯᐊᕐᑑᓗᓂ ᐊᒻᒪᓗ ᐊᓪᓚᒍᓐᓇᓯᐊᕐᓗᓂ ᐊᓯᒥᓄᑦ

• ᐊᓯᔾᔨᑕᕐᓂᓄᑦ ᐊᐅᓚᑕᐅᒍᓐᓇᓯᐊᓗᓂ

• ᐅᖄᖃᑎᖃᕈᓐᓇᓯᐊᕐᑑᓗᓂ ᒪᕐᕉᓂᒃ ᐅᖃᐅᓰᓐᓂᒃ (2) ᓇᓪᓕᑐᐃᓐᓇᖓᓂᒃ ᐅᑯᐊ ᐅᖃᐅᓰᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ

• ᖃᕆᑕᐅᔭᓕᕿᒍᓐᓇᓯᐊᕐᓗᓂ, Microsoft ᐊᓪᓚᕕᒦ ᐱᓇᑎᒥᒃ.

• ᐊᑑᑎᓯᒪᒋᐊᓕᒃ ᖃᐅᔨᒪᖃᑦᑕᐅᑎᒍᑎᓂᒃ

• ᐊᐅᓪᓚᑲᑦᑕᕈᓐᓇᓯᐊᕐᓗᓂ ᓄᓇᕕᒻᒥ

• ᖃᐅᔨᒪᔭᖃᕐᓗᓂ ᐅᕝᕙᓗᓐᓃ ᐱᓇᓱᐊᕐᓯᒪᒋᐊᓕᒃ ᕿᒥᕐᕈᓂᕐᓅ ᓄᓇᕕᒻᒥ ᑭᖕᖒᒪᓇᓪᓚᕆᑦᑐᖅ

ᐱᕙᓪᓕᖁᑎᑦᓭᑦ:

• ᐃᑦᑑᒍᑎᑖᕐᑕᐅᑎᑦᓴᓄ ᐃᓚᒋᐊᕈᑏᑦ ᐊᑐᐃᓐᓇᐅᒥᔪᑦ.

• ᐃᒻᒪᖃᐅᑏᑦ ᐱᓇᓱᑦᑎᓅᓕᖓᔪᑦ ᐃᓗᓐᓀᓂᒃ ᐃᓗᓕᑕᖃᕐᑎᓗᒋ ᐋᓐᓂᐊᓯᐅᕐᑕᐅᒍᑎᓄᓪᓗ ᑭᒍᑎᓕᕆᔭᐅᒍᑎᓄᓪᓗ

• ᐃᓄᐃᑦ ᓄᓇᖓᓂᒥᐅᖑᓂᕐᒥᓄᑦ ᓇᔾᔭᕈᑎᖃᖃᑦᑕᓗᓂ ᓇᓃᓐᓂᖓ ᐱᓇᓱᑦᑎᐅᑉ ᐃᑉᐱᒋᓗᒍ (ᓇᓪᓕᑐᐃᓐᓇᖓᓂ 1, 2, 3-ᓘᓐᓃᑦ)

• ᓄᑦᑎᓂᕐᒧᑦ ᐱᕙᓪᓕᖁᑏᑦ (ᒋᐊᖃᕐᐸᑦ)

• ᐊᑭᓕᕐᑐᑕᐅᑦᓱᓂ ᕿᑲᑫᓐᓇᓃᑦ

• 8 ᐊᕐᕌᒍᓕᒫᒥ ᕿᑲᑫᓐᓇᓃᑦ ᐅᓪᓗᐃᓇᖅ (ᑯᐸᐃᒃᒨᓕᖓᔪᑦ)

• 3 ᓄᓇᓕᑐᖃᐃᑦ ᕿᑲᑫᓐᓇᓂ

• 5 ᐃᓚᒋᐊᕈᑏᑦ ᐅᓪᓗᐃᑦ ᐊᑐᕐᓱᒍ ᐱᓇᓱᑦᑎᓅᓕᖓᔪᑦ ᒪᓕᒐᐃᑦ

• 8 ᐅᓪᓗᐃᑦ ᖁᕕᐊᓱᕝᕕᒥ ᕿᑲᑫᓇᓂᖅ

• ᕿᑲᑫᓐᓇᓂᑦᓴᓄᑦ ᐅᓪᓗᓄᑦ ᐊᒥᓱᖕᖑᕆᐊᕈᑏᑦ ᒪᓕᑦᓱᒋᑦ ᑯᐸᐃᒃᑯᑦ ᒪᓕᒐᖏᑦ ᐊᒻᒪᓗ ᓄᑕᐅᓯᓕᕐᑕᐅᒪᔪᑦ ᐱᓇᓱᑏᑦ ᓴᓂᕐᕙᓯᒪᔭᖏᓐᓄᑦ ᒪᓕᒉᑦ.

• ᕿᑲᑫᐃᓐᓇᓂᖅ ᐊᑭᓕᕐᑐᑕᐅᑦᓱᓂ

• 10 ᐅᓪᓗᐃᑦ ᖃᓂᒪᔪᒧᑦ ᐊᑭᓕᒍᑕᐅᔪᑦ ᐊᑐᕐᑕᐅᓯᒪᖏᑐᐊᕐᐸᑕ

• ᐊᑭᓕᕐᑕᐅᒍᑎ ᓇᒻᒥᓄᑦ ᐊᒻᒪᓗ ᑭᑦᓴᓂᕐᒧᑦ ᕿᑲᑫᓐᓇᓂᖅ (ᐊᑭᓖᒍᑕᐅᖏᑐᖅ)

• ᐃᓗᕐᕈᓯᕐᒧᑦ ᕿᑲᑫᓐᓇᓂᖅ: 10 ᐅᓪᓗᐃᑦ (ᐊᑭᓖᒍᑕᐅᖏᑐᖅ)

• ᐊᓯᐊᒍᓪᓘᓃᑦ ᓇᓪᓕᑐᐃᓐᓇᖏᓐᓄᑦ ᐊᑐᐃᓐᓇᐅᔪ ᓇᒻᒥᓂᕐᒨᓕᖓᔪᑦ ᐱᓂᐊᕐᓂᐅᔪᓄᑦ ᐊᒻᒪᓗ ᑭᑦᓴᓂᕐᒨᓕᖓᔪᐃᑦ (ᐊᕐᕌᒍᓕᒫᒥ ᐊᒥᓂᕐᐹᖑᒍᓐᓇᑐᑦ)

ᐃᓱᓕᕝᕕᖓ: ᐊᑌᓐᓇᑐᒥᒃ ᐱᓇᓱᒐᖅ 6-ᓂ ᑕᕐᕿᓂ ᐆᑦᑐᕋᕐᑕᐅᓗᓂ

ᐊᑭᓕᕐᑕᐅᑕᕐᓂᖓ: ᐋᕐᕿᑕᐅᒐᔭᕐᑐᑦ ᐱᓇᓱᖃᑦᑕᓯᒪᔭᖏᑦ ᐊᑐᕐᓗᒋᑦ

ᐃᓱᓕᕝᕕᖓ: ᓯᑕᒪᖓᓐᓂ ᐊᐅᒃᒍᓯ 27, 2026

ᐱᓇᓱᐊᖃᑦᑕᓯᒪᔭᑎᓐᓂ ᐊᒻᒪᓗ ᐊᓪᓚᓯᒪᔪᕐᑕᖃᑎᓗᒍ ᐊᐅᓪᓚᑎᓪᓗᒍ ᐅᕗᖓ:

Info@atanniuvik.ca