ᐃᓘᓐᓈᒍᓕᖓᔪᓂᒃ ᐃᓕᓐᓂᐊᓂᓕᕆᓂᕐᒥᒃ ᖃᐅᔨᒋᐊᕐᕕᒃ (2 ᐱᓇᓱᒑᒃ) - KI

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ. ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᓃᑦᓱᑎᒃ ᑕᓯᐅᔭᕐᔪᐊᑉ ᐅᖓᕙᐅᓪᓗ ᓯᑦᔭᒋᓐᓂ.

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ ᐅᖃᐅᓯᐅᑉ ᐁᑉᐱᐅᑎᖓᓂ ᐃᓕᓐᓂᐊᕈᑎᑦᓴᓕᐅᕐᓂᒥ, ᐱᓇᓱᒐᕐᒥ ᐱᔭᑦᓴᖁᑎᓕᒃ ᑲᒪᒋᔭᑦᓴᖃᕐᓂᒥᒃ ᐊᔪᖀᒋᐊᖃᑦᑕᓂᕐᒥᒃ ᓴᐳᑦᔨᓯᒪᓂᕐᒥᓗ ᐃᓕᓐᓂᐊᕕᓐᓄᑦ ᐊᑐᓕᕐᑎᑕᐅᓂᖏᓐᓂ, ᐱᖕᖑᑎᑕᐅᓂᖏᓐᓂ ᓇᐅᑦᓯᑐᕐᑕᐅᓂᖏᓐᓂᓗ ᐃᓕᓐᓂᐊᕈᑎᑦᓭᑦ, ᖃᕆᐊᕐᒥᒃ ᐊᐅᓚᑦᓯᓂᓕᕆᓂᕐᒥᒃ ᐃᓕᓐᓂᐊᕈᑏᓪᓗ ᐱᐅᒃᑯᑎᖏᓐᓂᒃ. 

ᐃᓂᖓ ᐱᓇᓱᐊᕆᐊᓕᖏᓪᓗ:

·       ᐃᑲᔪᖃᑦᑕᓗᓂ ᐃᓕᓴᕐᓂᓕᕆᓂᕐᒥᒃ ᖃᐅᔨᒋᐊᕐᕕᓂᒃ ᐸᕐᓇᓂᕐᒧᑦ ᑐᓂᓯᓂᕐᒧᓗ ᐋᕐᕿᒋᐊᕈᑎᑦᓴᓂᒃ ᐊᒻᒪᓗ ᐱᒋᐅᕐᐋᓭᓂᕐᓂᒃ ᐃᓕᓭᒍᑎᓂᒃ, ᖃᓄᐃᓘᕈᓯᕐᓂᒃ, ᐃᓕᓐᓂᐊᓂᕐᓂᒃ ᐊᒻᒪᓗ ᓇᐅᑦᓯᑐᐃᓃᑦ ᖃᓄᐃᓕᖓᓂᖏᓐᓂᒃ, ᐊᒻᒪᓗ ᐊᓯᖏᓐᓂᒃ ᐃᓕᓐᓂᐊᑎᑦᓯᒍᑎᓂᒃ ᐃᓕᓐᓂᐊᕖᑦ ᐃᓕᓭᔨᖏᓐᓄᑦ ᐊᑦᔨᒌᖕᖏᑐᓄᑦ ᐳᒃᑭᓂᕐᓴᓄᑦ ᐊᒻᒪᓗ/ᐅᕝᕙᓘᓐᓃᑦ ᐳᕐᑐᓂᓭᑦ ᐃᓕᓴᐅᑎᖏᓐᓂᒃ ᐅᐃᒍᐃᑎᑑᕐᑐᓂᒃ ᖃᓪᓗᓈᑎᑑᕐᑐᓂᓪᓗ;

·       ᖃᐅᔨᓴᕐᓗᓂ ᖁᕝᕙᒋᐊᕐᑎᓯᓗᓂᓗ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐱᒍᓐᓇᓂᕐᒥᒃ-ᑐᖕᖓᕕᓕᓐᓂᒃ ᐃᓕᓐᓂᐊᑎᑦᓯᒍᓯᕐᓄᑦ ᐊᒻᒪᓗ ᓇᐅᑦᓯᑐᐃᓂᕐᓄᑦ ᐊᒻᒪᓗ ᐃᓕᑕᕐᓯᔭᐅᒍᑎᒧᑦ ᐊᕐᖁᑎᑦᓭᑦ ᐅᒃᑯᐃᖔᕐᑐᑦ ᐃᓕᓐᓂᐊᑎᓄᑦ ᐃᓚᖃᕐᓱᑎᑦ ᐃᓕᓴᕐᕕᐅᑉ ᐊᐅᓚᑦᓯᓂᓕᕆᔨᖏᓐᓂᒃ, ᐃᓕᓭᔨᓂᒃ ᐊᓯᖏᓐᓂᓗ ᐱᓇᓱᑦᑎᓂᒃ;

·       ᐊᑐᐃᓐᓇᐅᓗᓂ ᐊᕐᕕᑕᕈᓐᓇᓂᕐᒥᒃ ᐃᓕᓐᓂᐊᕕᓐᓄᑦ ᖁᔭᐅᓕᕈᓂ;

·       ᐋᕐᕿᓱᖃᑦᑕᓗᒋᑦ ᓯᕗᓕᕐᓗᒋᓗ ᐱᒋᐅᕐᓭᓂᖃᕐᑎᓯᓃᑦ, ᑲᑎᒪᓂᐊᕈᓯᖃᕐᑎᓯᓃᑦ ᐊᒻᒪᓗ ᐱᕕᓴᐅᑐᐃᓐᓇᕆᐊᓕᒃ ᐱᔪᓐᓇᐅᑎᖃᕐᓂᑯᑦ ᐃᓕᓴᕐᓂᖅ ᓄᓇᓕᓐᓂᒃ ᐃᓚᖃᕐᓗᑎᑦ ᐃᓕᓭᔨᓂᒃ ᓵᖓᓗᒋᑦ ᖃᕆᑕᐅᔭᒃᑯᓗ;

·       ᖃᐅᔨᒣᓐᓇᓗᒋᑦ ᐃᓕᓭᒍᑏᑦ ᐃᓕᓐᓂᐊᕈᑏᑦ ᑲᑎᕕᒃ ᐃᓕᓴᕐᓂᓕᕆᓂᕐᒥᒃ ᐃᑲᔪᖃᑦᑕᓗᓂᓗ ᐃᓂᓪᓚᑎᕐᑕᐅᓂᖏᓐᓂᒃ ᐱᑦᓴᑕᖃᕐᕕᖏᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐃᓕᓐᓂᐊᑎᑦᓯᔩᑦ ᖃᕆᑕᐅᔭᓕᕆᓂᕐᒥᒃ ᐱᓇᓱᖃᑎᒌᖏᓐᓂᒃ ᐊᒻᒪᓗ ᑕᐅᕐᓯᐅᑎᖃᑎᒌᒍᑎᒃ ᕿᒥᕐᕈᐊᖃᕐᕕᓂᒃ;

·       ᐱᓇᓱᖃᑎᒋᓗᒋᑦ ᐊᓯᖏᑦ ᐃᓕᓴᕐᓂᓕᕆᓂᕐᒥᒃ ᖃᐅᔨᒋᐊᕐᕖᑦ, ᐱᒍᑦᔨᕖᑦ, ᐊᒻᒪᓗ ᐃᓕᓴᕐᕕᒥ ᐱᓇᓱᖃᑎᒌᑦᑐᖁᑎᖏᑦ ᐱᕈᐃᓂᕐᒧᑦ ᓴᐳᑦᔨᓂᕐᒧᓗ ᐃᓕᓐᓂᐊᕕᒻᒥ ᑲᔪᓯᑦᓯᐊᓂᕐᒧᑦ ᐸᕐᓇᓯᒪᐅᑏᑦ, ᐱᓇᓱᐊᒐᑦᓭᑦ ᐱᒋᐊᕐᑎᓯᒍᑏᓪᓗ;

·       ᐱᓇᓱᐊᖃᑦᑕᒥᓗᓂ ᐱᓇᓱᐊᕐᑕᐅᖁᔭᐅᔪᓂᒃ ᐊᖓᔪᕐᖄᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥ ᓯᕗᓪᓕᐹᖓᓂᒃ ᐱᔭᕇᕐᓯᒪᐅᑎᖓᓗᓂ ᑌᒣᑦᑐᓅᓕᖓᔪᒥᒃ.

ᑲᑎᒪᔩᑦ ᖃᖓᑐᐃᓐᓇᑯᑦ, ᐱᒍᒪᓂᕐᒥᓄᑦ, ᐊᑐᖕᖏᑑᑎᑦᓯᒍᓐᓇᑐᑦ ᐅᕝᕙᓘᓐᓃᑦ ᐅᖃᕐᑕᐅᒌᕐᓯᒪᔪᓕᒫᓂᒃ ᐱᒍᓐᓇᐅᑎᒋᔭᐅᔪᓂᒃ ᓈᒻᒪᑐᕆᑦᓯᒍᑎᑦ ᐱᓇᓱᒐᕐᑖᒐᓱᐊᕐᑐᒥᒃ ᐃᓚᐅᔫᔪᒥᒃ ᐊᖏᖃᑎᒌᓐᓂᒧᑦ (JBNQA) ᐊᒻᒪᓗ ᐊᖏᕐᑐᒥᒃ, ᖃᓄᐃᓕᖓᐅᓯᕆᔭᐅᑎᓪᓗᒍ ᐱᓇᓱᒐᕐᒧᑦ, ᒪᓕᓐᓂᖅ ᐱᒋᐅᕐᓴᔭᐅᓂᕐᒧᑦ ᐸᕐᓇᕈᑕᐅᓯᒪᔪᒥᒃ ᐃᓕᓴᕐᓂᓕᕆᓂᕐᒧᑦ.

ᐊᑐᕈᓐᓇᕆᐊᓕᖏᑦ:

·       ᐃᓕᓐᓂᐊᑎᑦᓯᕈᓐᓇᐅᑎᖃᕐᓗᓂ ᑯᐯᒃᒥ;

·       ᐃᓕᓐᓂᐊᑎᑦᓯᓯᒪᔫᓗᓂ ᐳᒃᑭᓂᕐᓴᓂᒃ ᐊᒻᒪᓗ/ᐅᕝᕙᓗᓘᓐᓃᑦ ᐳᕐᑐᓂᕐᓴᓂᒃ;

·       ᐃᓕᓐᓂᐊᑎᑦᓯᓯᒪᓗᓂ ᓄᓇᕕᒻᒥ ᐊᒻᒪᓗ ᖃᐅᔨᒪᓂᖃᕐᓗᓂ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐃᓕᓐᓂᐊᑎᑦᓯᒍᑎᖏᓐᓂᒃ ᐱᐅᒋᔭᐅᒐᔭᕐᑐᖅ;

·       ᐅᖃᕈᓐᓇᓯᐊᕐᓗᓂ ᒪᕐᕉᓂᒃ (2) ᐱᖓᓲᑎᓪᓗᒋᑦ (3) ᐅᖃᐅᓰᑦ ᐊᑐᓲᖏᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ (ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᒍᐃᑎᑐᓪᓗ);

·       ᖃᕆᑕᐅᔭᕈᓐᓇᓗᓂ (ᐱᓗᐊᕐᑐᒥᒃ ᖃᕆᑕᐅᔭᕈᑎᒥᒃ Microsoft Office 365 suite ᐊᒻᒪᓗ Teams)

·       ᐊᕐᕕᑕᕈᓐᓇᕕᖃᑦᓯᐊᓗᓂ ᓄᓇᓕᓐᓄᑦ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ ᐱᓇᓱᕝᕕᖃᕋᔭᕐᑐᖅ : $49,456-ᓂᑦ $92,027-ᓄᑦ ᑎᑭᐅᑎᒍᓐᓇᑐᑦ ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᑐᙵᕕᒋᓗᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.