ᑲᓚᑑ ᐱᓇᓱᒍᑎᓂᒃ ᑲᒪᔨᒻᒪᕆᒃ - Makivvik

ᐱᓇᓱᒐᖅ ᐊᑐᐃᓐᓇᐅᓕᕐᒥᔪᖅ 

ᑭᓇᒃᑰᓂᕗᑦ 

ᒪᑭᕝᕕᒃ, ᑎᒥᐅᔪᖅ ᐱᖁᔭᓕᕆᓂᕐᒥ ᐱᓇᓱᐊᓲᖅ ᑭᒡᒐᑐᕐᓱᓂ ᐃᓄᓐᓂᒃ ᓄᓇᕕᒻᒥ 1978ᒥᓂᑦ. ᒪᑭᕝᕕᑎᒍᑦ ᑎᒥᐅᔪᖁᑎᕗᑎᒍᓪᓗ, ᒪᑭᕝᕕᒃ ᐱᕕᑦᓴᓕᐅᖃᑦᑕᓯᒪᓕᕐᑐᖅ ᓄᓇᕕᒻᒧᑦ ᐃᓚᐅᔪᓂᑦ ᓄᓇᕕᒻᒦᑐᓂᓗ, ᐅᓪᓗᒥᓗ 500 ᐅᖓᑖᓂ ᐱᓇᓱᑦᑎᖃᓕᕐᑐᖅ ᓄᓇᕕᒻᒥᐅᓂᑦ ᐱᓇᓱᑦᑎᒋᔭᐅᔪᓂᑦ ᒪᑭᕝᕕᑯᓄᑦ ᐊᓪᓚᕕᑦᑎᓂ ᑎᒥᐅᔪᖁᑎᑦᑎᓂᓗ.

ᑲᓚᑑ ᐱᓇᓱᒍᑎᓂᒃ ᑲᒪᔨᒻᒪᕆᒃ ᓯᕗᓂᖃᕈᑎᐅᕗᖅ ᑲᒪᔨᐅᒐᔭᕐᑎᓗᒍ ᕿᓄᒍᑎᐅᒻᒪᕆᓲᓂᒃ ᑲᓚᑑᖑᓂᕋᕐᑕᐅᔪᓂᒃ ᑐᓴᕐᑕᐅᑎᑦᓯᖑᑎᓂᒃ ᐊᑕᓐᓂᐅᕈᑎᒋᓱᖏᓐᓂᒃ ᐃᕐᖃᑐᐃᕖᑦ. ᓱᕐᖁᐃᑐᒥᒃ ᐃᖏᕐᕋᓂᖃᑦᓯᐊᖁᓪᓗᖏᑦ ᐱᓇᓱᑦᑕᐅᒍᑎᖏᑦ ᑲᓛᑐᓂᒃ ᐊᒃᓚᓯᒪᔪᖕᖑᐃᕙᑦᑑᑉ ᐊᒃᓚᓯᒪᔪᖕᖑᐃᒍᑦᔨᓱᓂ ᐊᒃᓚᖁᑎᑖᕆᐅᕐᑐᒥᒃ ᓱᕐᖁᐃᑐᒥᓪᓗ ᑐᓴᕐᑕᐅᑎᑦᓯᒍᑏᑦ ᐱᔭᕇᕐᑕᐅᒪᕕᒋᒋᐊᓕᒻᒥᓂ ᐱᔭᕇᕐᑕᐅᒪᖃᑦᑕᖁᓗᒋᑦ. ᐊᒃᓚᓯᒪᔪᓕᐅᕐᑏᑦ ᐸᕐᓇᑕᖏᑦ ᐱᑦᔪᑎᒋᒍᒪᑦᓱᒋᑦ ᐃᓚᖓᓂᒃ ᐱᒋᐅᕐᓴᔭᐅᓂᕐᓂᒃ ᐱᓇᓱᒐᕐᒥᓂᒃ ᐊᖑᒪᑦᓯᓯᐊᖁᔨᒧᑦ ᐅᓪᓘᓕᕐᑐᓂᒃ ᑲᓛᑑᑉ ᑐᖕᖓᕕᖏᑕ ᐊᓯᑦᔨᓂᖏᑦ ᒪᓕᑦᓯᐊᕈᒪᓪᓗᒋᑦ. ᑲᓚᑑᓂᒃ ᐊᒃᓚᓯᒪᔪᓕᐅᕐᑎ ᐱᓇᓱᖃᑎᖃᑦᓭᓇᓲᖑᕗᖅ ᓴᐳᓐᓂᐊᑎᐅᓂᕐᒧᑦ ᐱᖁᔭᓕᕆᔨᓂᒃᓗ ᐃᕐᖃᑐᐃᕕᒻᒥᓗ ᓵᑕᐅᒪᔪᓂᒃ ᑭᓪᓕᓯᓂᐊᕐᑎᓂᒃ ᓱᕐᖁᐃᑐᒥᒃ ᑐᓴᐅᒪᒍᑎᐅᔪᑦ ᐃᖏᕐᕋᑎᑕᐅᓂᖃᑦᓯᐊᖁᓪᓗᒋᑦ. ᐊᒃᓚᓯᒪᔪᓕᐅᕐᑎ ᐱᓇᓱᒐᖃᕆᕗᖅ ᓯᕗᓪᓕᐹᕆᔭᐅᑦᓱᓂ ᑭᒡᒐᑐᕐᑎᐅᓱᓂ ᖁᕝᕙᑎᕐᑕᐅᓂᖃᕐᑎᓗᒋᑦ ᑲᓚᑑ ᐱᓇᓱᒍᑏᑦ.

ᐃᓕᓐᓂᐊᕆᐊᓪᓛᑎᑕᐅᒍᓐᓇᖁᑦ ᐃᓚᐅᔪᐃᑦ ᐱᓇᓱᒐᕐᒥᓂᒃ ᓯᕗᒧᐊᒋᐊᓪᓚᒍᑎᑦᓴᓂᒃ.

ᐃᓄᐃᑦ ᐃᓚᐅᔪᐃᑦ ᐱᓇᓱᑦᑎᑖᕆᔭᐅᕐᖄᖃᑦᑕᓂᐊᕐᖁᑦ ᒪᑭᕝᕕᑯᓂ. 

ᐱᓇᓱᒐᖅ

ᐱᓇᓱᒐᖅ: ᑲᓚᑑ ᐱᓇᓱᒍᑎᓂᒃ ᑲᒪᔨᒻᒪᕆᒃ

ᐊᖓᔪᕐᖄᖃᕐᓱᓂ: ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ ᐃᕐᖃᑐᐃᕕᓕᕆᓂᕐᒥᒃ ᐱᑦᔪᔨᕕᖓᓂ ᐊᖓᔪᕐᖄᒪᕆᐅᑉ ᐱᑦᔪᔨᕕᖓᑕ

ᓇᓃᓐᓂᖓ: ᓄᓇᕕᒻᒥ ᒪᓐᑐᕆᐊᓪᒥᓗᓐᓃᑦ

ᖃᓄᐃᓕᖓᓂᖓ ᐱᓇᓱᒐᐅᑉ: ᐊᑌᓐᓇᑐᖅ, ᐃᓗᐃᑦᑐᖅ

ᐃᓱᓕᕝᕕᖓ ᐅᓪᓗᒃ: ᐊᐅᒃᒍᓯ 10, 2026 ᑮᓇᐅᑦᔭᓵᑦ ᐱᕙᓪᓕᖁᑎᖏᓪᓗ

ᑮᓇᐅᑦᔭᓵᖏᑦ: ᐊᑯᓐᓂᖏᓐᓂ $70,000 ᐊᒻᒪᓗ $88,000 ᐊᕐᕌᒍᑕᒫᑦ

ᐱᕙᓪᓕᖁᑎᖏᑦ: ᐱᕙᓪᓕᖁᑏᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᓪᓚᑕᐅᒪᔪᐃᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖓᓂᒃ ᐆᑦᑐᑎᒋᓗᒋᑦ:

▪ ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ ᐱᓇᓱᕝᕕᐅᑉ ᐃᑲᔪᕐᓯᒍᑎᖏᑦ 7%

▪ ᓂᖀᑦ ᖃᖓᑦᑕᔫᒃᑰᕈᑎᖏᑦ: ᐅᓄᕐᓂᐹᖃᕐᓱᑎᑦ $6,500

▪ ᐊᒥᓱᐃᓄᑦ ᐃᒻᒪᖃᐅᑎᑦ

▪ ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500

▪ ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ

▪ ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000

▪ ᖃᓂᒪᓂᕐᒧᑦ: 15 ᐅᓪᓗᐃᑦ

▪ ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000

▪ ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800ᓂᑦ

ᑲᒪᒋᔭᑦᓴᔭᖏᑦ

▪ ᑲᒪᔨᒻᒪᕆᒋᔭᐅᓗᓂ ᐅᓪᓗᓕᒫᕐᓯᐅᑎᓂᒃ ᐱᓇᓱᒐᖃᕐᓱᑎᒃ ᑲᓚᑑᓂᒃ ᐊᒃᓚᑎᓄᑦ ᐊᓯᖏᓐᓄᓗ ᐱᓇᓱᒍᑦᔨᒍᑎᑎᒍᑦ ᐊᒃᓚᓯᒪᔪᓕᐅᕐᑎᐅᓂᕐᓂᒃ ᐱᓇᓱᒐᓕᓐᓄᑦ;

▪ ᐱᓇᓱᑦᑕᐅᓚᖓᔪᓂᒃ ᑎᓕᐅᕆᒍᑎᖃᕐᑎᐅᓗᓂ ᐱᑕᖃᕐᑎᓯᔨᐅᓗᓂᓗ ᐃᑲᔪᕐᓯᓂᕐᑕᓕᓐᓂᒃ ᑭᖑᓂᖓᒍᑦ ᑐᓴᕐᑕᐅᑎᑦᓯᖃᑦᑕᓂᕐᓂᒃ ᑐᓴᕐᑎᓗᓂᒋᑦ ᐱᓇᓱᖃᑎᒌᑦᑐᑦ;

▪ ᐃᓚᐅᖃᑦᑕᓗᓂ ᑲᕙᒪᓂᓪᓗ /ᐅᕝᕙᓘᓐᓃᓗ ᑲᕙᒪᐅᔪᓪᓗ ᓯᓚᑖᓂᑦ ᐱᓯᒪᔪᓂᒃ ᑲᑎᖕᖓᓯᓂᕐᓄᑦ;

▪ ᐊᑐᐃᓐᓇᕈᕐᑎᕆᔨᐅᓗᓂ ᐱᒋᐅᕐᓴᔭᐅᒍᑎᑦᓴᖏᓐᓂᒃ ᐃᓘᓐᓇᖏᑕ ᑲᓚᑑᓂᒃ ᐊᒃᓚᑎᐅᔪᑦ ᓱᕐᖁᐃᑐᒥᓪᓗ ᓈᒻᒪᓂᖃᑦᓯᐊᑐᓂᒃ ᑲᔪᓯᒍᑎᖃᖁᓪᓗᒋᑦ ᐃᓕᑦᓯᕙᓪᓕᐊᒍᑎᑦᓴᓂᒃ;

▪ ᑲᒪᔨᐅᓗᓂ ᐃᓅᖃᑎᒌᒍᑎᓕᓐᓂᓗ ᓱᕐᖁᐃᑐᒥᓪᓗ ᐱᓇᓱᖃᑎᒌᓐᓂᖃᑦᓯᐊᕆᐊᓕᓐᓂᒃ ᓯᓚᑎᓂᑦ ᐱᓯᒪᔪᑦ ᐃᓚᐅᑎᓪᓗᒋᑦ ᑖᒃᑯᑐᒍᓐᓀᓗᑎᒃᓗ ᐃᕐᖃᑐᐃᔩᑦ, ᓴᐳᓐᓂᐊᑎᓂᒃᓗ ᓵᑕᐅᒪᒍᑎᓂᒃᓗ ᑭᓪᓕᓯᓂᐊᕐᑎᓂᒃ;

▪ ᑐᑦᑕᕕᐅᓗᓂ ᑲᒪᒋᔭᖃᕆᐊᖕᖓᓂᕐᒥᒃ ᐱᓇᓱᑦᑎᓄᓪᓗ ᐳᕐᑐᓂᕐᓴᒥᓗ ᑲᒪᔨᒻᒪᕆᓐᓄᑦ;

▪ ᐱᓇᓱᑦᑏᑦ ᐱᓇᓱᒍᓯᖏᓐᓂᒃ ᕿᒥᕐᕈᕙᓪᓗᓂ, ᐱᓇᓱᖃᑎᒌᑦᑐᓂᒃᓗ ᑲᔪᖕᖏᕐᓭᕙᓪᓗᓂ ᓴᐳᑦᔨᓯᒪᔨᐅᓗᓂᓗ ᐱᓇᓱᑦᑎᓂᒃᓗ ᐱᓇᓱᒍᑦᔨᒍᑎᑎᒍᓪᓗ ᐱᓇᓱᑦᑐᓂᒃ;

▪ ᐊᑐᐃᓐᓇᕈᐃᖃᑦᑕᓗᓂ ᑐᓂᔨᒍᑎᖃᖃᑦᑕᓗᓂᓗ ᑲᓚᑑᒃᑯᑦ ᑐᓴᕐᑎᓯᒍᑎᓂᒃ ᓲᕐᓗ ᑭᖕᖒᒪᒋᔭᐅᓂᖏᑎᒍᑦ ᐃᓚᐅᑎᓪᓗᒋᑦ ᐊᒃᓚᖁᑎᓕᐊᖑᓯᒪᔪᓂᒃ ᑐᓴᕐᑎᓯᒍᑎᓕᐅᕐᓃᑦ ᐱᑕᖃᕆᐊᖃᕐᓂᕋᕐᑕᐅᒪᔪᓂᒃ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓄᑦ;

▪ ᐱᓇᓱᖃᑦᑕᒥᓗᓂ ᐱᕕᑦᓴᑕᕐᕕᐅᓂᕐᒥᒃ ᐱᓪᓗᒋᑦ ᐃᓄᑐᐃᓐᓀᑦ ᐃᓕᕐᖁᓯᖏᓪᓗ ᐱᐅᓯᑐᖃᖏᓪᓗ ᐱᔭᐅᒋᐊᖃᓕᕐᐸᑕ ᑲᕙᒪᐅᔪᑦ ᑎᒥᖁᑎᖏᓐᓄ, ᐱᔭᑦᓴᖁᑎᐅᔪᓂ ᐃᕐᖃᑐᐃᕕᓕᕆᓂᕐᓄᑦ ᐃᓕᖓᑦᓱᑎᒃ;

▪ ᖃᐅᔨᒪᒍᓯᕐᑖᓗᓂ ᐃᓕᖓᔪᓂᒃ ᓄᓇᕐᖃᑎᒋᑦ ᐱᑦᓴᑖᕐᕕᓴᖏᓐᓄᑦ (ᓄᓇᓕᑐᖃᕐᓄᑦ, ᓄᓇᓕᑐᖃᐅᖕᖏᑐᓄᓪᓗ) ᐃᓄᑐᐃᓐᓇᓄᑦ ᐱᓂᕐᓗᓯᒪᔪᓄᑦ ᐃᓕᖓᔪᓂᒃ;

▪ ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᖁᔭᐅᓕᕈᓂ;

▪ ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.

ᐱᒍᓐᓇᕆᐊᓕᖏᑦ

▪ ᐳᕐᑐᓂᕐᓴᒥᒃ ᐃᓕᓐᓂᐊᕕᒻᒥ ᐃᓕᓐᓂᐊᕇᕈᑎᑖᕐᓯᒪᓗᓂ ᐅᕝᕙᓘᓐᓃᑦ ᐱᓇᓱᒐᖃᖃᑦᑕᓯᒪᓗᓂ ᑕᒪᒃᑯᓄᖕᖓᓕᖓᔪᖓᓚᓐᓂᒃ;

▪ ᑐᑭᓯᒪᖃᑎᖃᕈᓐᓇᓯᐊᕐᓗᓂ ᒪᕐᕈᔪᐊᓐᓂᒃ (2) ᐅᖃᐅᓰᓐᓂᒃ ᐅᖃᐅᓰᑦ ᐱᖓᓱᐃᖑᑎᓪᓗᒋᑦ (3): ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓗᓐᓃᑦ ᒍᐃᒍᐃᑎᑐᑦ;

▪ ᖃᕆᑕᐅᔭᒥᒃ ᐊᑐᕈᓐᓇᓯᐊᕐᓗᓂ: Microsoft Suite (Excel, Word, PowerPoint, ᐊᓯᖏᓪᓗ.);

▪ ᐃᓄᑐᐃᓐᓇᓂᓪᓗ ᐃᓗᕐᖁᓯᖏᓐᓂᓗ ᖃᐅᔨᒪᒋᐊᓕᒃ ᑐᑭᓯᒪᓗᓂᓗ, ᑖᒃᑯᐊ ᐱᑕᖃᓪᓚᕆᒋᐊᓖᒃ

▪ ᓄᓇᕕᒻᒥ ᐃᕐᖃᑐᐃᕕᓕᕆᓂᕐᓂᒃ ᐱᓇᓱᒐᖃᓚᐅᕐᓯᒪᒍᓂ ᐱᓇᓱᒐᕐᑕᕋᓱᓐᓂᖓ ᐱᓇᓱᓚᐅᕐᓯᒪᓂᕐᒥᓄᑦ ᐃᑲᔪᕐᓯᔭᐅᒐᔭᕐᑐᖅ;

▪ ᐱᓇᓱᓐᓂᑯᑦ ᖃᐅᔨᒪᔭᖃᕐᓗᓂ ᐃᓅᑦᔪᓯᓂᒃ, ᐃᕐᖃᑐᐃᕕᓕᕆᒍᓯᕐᓂᒃ ᐅᕝᕙᓘᓐᓃᑦ ᑎᒍᔭᐅᒪᔪᓕᕆᓂᕐᓅᓕᖓᔪᓂᒃ;

▪ ᐱᓇᓱᓚᐅᕐᓯᒪᓗᓂ ᑲᒪᒋᔭᖃᕆᐊᕐᓂᒥᒃ ᐅᕕᒃᑲᓂᒃ ᐅᕝᕙᓘᓐᓃᑦ ᐃᓄᒻᒪᕆᓐᓂᒃ;

▪ ᑕᑯᑦᓴᐅᓗᓂ ᐃᓂᓪᓚᖓᒍᓯᕐᓂᒃ ᐱᒍᓐᓇᓯᐊᕆᐊᖓᓗ ᕿᑲᑐᐃᓐᓇᓂᐅᔭᖕᖏᒋᐊᖓᓗ;

▪ ᑕᑯᑦᓴᐅᓂᖃᕐᓗᓂ ᓱᓕᓂᖃᑦᓯᐊᓱᖑᓂᖓᓗ ᓲᓱᒋᔭᖃᑦᓯᐊᓲᖑᓂᖓᓗ;

▪ ᓱᖏᕐᑐᑎᑦᓯᐊᖑᓗᓂᓗ ᐃᓄᑐᓗᓂᓗ ᐱᓇᓱᒍᓐᓇᓯᐊᕐᓗᓂ;

▪ ᐱᓂᕐᓗᑐᕕᓂᐅᓂᕐᒧᑦ ᐃᕐᖃᑐᐃᕕᑎᒍᕐᓯᒪᖕᖏᓗᓂ.

ᖃᐅᔨᒋᑦ ᐊᑦᔨᐅᖏᑦᑐᒥᒃ ᐱᓇᓱᒐᕐᒥᒃ ᐱᕕᑦᓴᓯᐊᒥᒃ ᐊᒻᒪᓗ ᐃᓚᐅᑎᒋᑦ ᐱᕙᓪᓕᓇᕐᑐᒧᑦ ᒪᑭᕝᕕᒃᑯᓄᑦ ᐱᓇᓱᒍᒪᒍᑎᓂᒃ ᐊᐅᓪᓚᑎᑦᓯᒋᑦ ᐅᕝᕙᓗᓐᓃᑦ ᑕᑯᓂᐊᕐᑎᒍᑦ ᐅᕙᓂ www.Makivvik.ca/jobs, ᐊᐅᓪᓚᑎᑦᓯᓗᑎᓗᓐᓃᑦ ᐃᓕᓐᓂᐊᓯᒪᔭᑎᓐᓂᑦ ᐱᓇᓱᒐᕆᓯᒪᔭᑎᓐᓂᑦ /ᐱᓇᓱᒐᕐᑖᕈᒪᒍᑎᓐᓂᓗᓐᓃᑦ ᐊᓪᓚᖁᑎᖏᓐᓂᑦ ᐅᕗᖓ: HR@makivvik.ca

ᐱᓇᓱᒐᖃᕐᕕᒃ ᑐᕌᒐᖃᕐᖁᑦ ᐱᓇᓱᒐᕐᑖᑎᑦᓯᒍᒪᑦᓱᓂ ᐃᓄᑐᐃᓐᓇᓂᒃ ᐃᓚᐅᔪᓂᑦ ᔦᒥᓯ ᐯ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ.

ᓇᑯᕐᒦᖁᒍᑦ ᐱᓇᓱᒐᕐᑖᕋᓱᑦᑐᓕᒫᓂᒃ ᑖᑦᓱᒥᖓ ᐱᓇᓱᒐᕐᒥᒃ.

ᐊᐱᕐᓱᑲᑦᑕᑕᐅᒐᔭᕐᑐᐃᑦ ᑭᓯᐊᓂ ᐊᓪᓚᕕᐅᓛᕐᖁᑦ.