ᑕᑯᔭᐅᔪᑦᓭᑦ ᐊᑦᔨᖑᐊᕐᑕᖏᓐᓂᒃ ᓄᐃᑎᕆᔨ - KRG

ᐱᓇᓱᒐᑦᓴᖅ ᐊᑐᐃᓐᓇᕈᕐᑐᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᑲᕙᒫᐱᓕᕆᓂᕐᒥᒃ ᑎᒥᐅᒍᑎᖃᕐᐳᖅ ᐊᒥᓱᐃᓂᒃ ᓄᓇᓖᑦ ᑲᕙᒫᐱᖏᓐᓂᒃ ᓄᓇᒥ ᑲᒪᒋᔭᖃᕐᓱᓂ ᑯᐯᒻᒥ ᓄᓇᖕᖑᐊᑯᑦ ᑎᑎᕐᓯᒪᔫᑉ 55 ᖁᓛᓂ. ᐱᓇᓱᕝᕕᖓ ᑐᓴᐅᒪᐅᑎᓕᕆᓂᕐᓄᑦ ᕿᓂᕐᑐᖅ ᐃᒻᒥᓂᒃ-ᐱᔪᑦᓴᐅᔮᑦᓯᐊᓂᓕᒻᒥᒃ ᐊᒻᒪᓗ ᕿᑦᑌᖓᔪᒥᒃ ᐃᓄᒻᒥᒃ ᐃᓚᒋᓕᐅᑎᒍᒪᔪᒥᒃ ᑫᐋᔩᑉ ᐱᓇᓱᐊᕐᑕᖏᓐᓄᑦ ᐃᒣᑦᑐᒥᒃ ᐱᓇᓱᒐᖃᕐᓗᓂ:

ᑕᑯᔭᐅᔪᑦᓭᑦ ᐊᑦᔨᖑᐊᕐᑕᖏᓐᓂᒃ ᓄᐃᑎᕆᔨ

ᐱᓇᓱᒐᐅᓚᐅᕐᑐᑐᖅ ᐱᓇᓱᒐᖅ

ᑕᑯᓐᓇᕋᑦᓴᓕᐊᖏᑦ ᑕᑯᓐᓇᕋᑦᓴᓕᐅᕐᑎᐅᑉ ᐊᑐᕐᑕᐅᓂᕐᓴᐅᖃᑦᑕᓚᖓᔪᑦ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᖁᑎᑦᑎᓂ ᐊᒻᒪᓗ ᐃᓄᓂᒃ ᑐᓴᕐᑎᓯᒍᑎᓂ ᐱᕙᓪᓖᒋᐊᕈᑕᐅᓗᑎᒃ ᑫᐋᔩᑉ ᐱᖁᑎᖏᑦᑕ ᓄᐃᑕᑎᑕᐅᒍᑎᖏᓐᓂᒃ ᐊᒻᒪᓗ ᐊᓐᓂᓇᕐᑐᖁᑎᖏᓐᓂᒃ ᑌᒣᒻᒪᑦ ᐱᒻᒪᕆᐅᕗᑦ ᐊᑦᔨᒌᖕᖏᑐᑦ ᐃᓂᕐᑕᐅᖃᑦᑕᓚᖓᔪᑦ ᒪᓕᓪᓗᒋᑦ ᑭᖕᖒᒪᔭᕗᑦ ᐊᑦᔨᒋᔭᐅᖕᖏᑐᓂᒃ ᐋᕐᕿᓱᐃᓯᒪᒋᐊᖃᕐᓂᑎᓐᓄᑦ. ᐊᖓᔪᕐᖄᖃᕐᓗᓂ ᑐᓴᐅᒪᐅᑎᓕᕆᓃᑦ ᑲᒪᔨᒻᒪᕆᖓᓂᒃ, ᑕᑯᓐᓇᕋᑦᓴᓕᐅᕐᑎ ᑲᒪᒋᔭᖃᓲᖅ, ᐊᓯᖃᕐᒥᑎᓪᓗᒋᑦ, ᐅᑯᐊ ᐱᓇᓱᐊᕐᐸᓗᒋᑦ:

ᑲᒪᒋᒋᐊᓕᖏᑦ

•  ᓄᐃᑎᕆᔨᐅᓗᓂ ᑕᑯᑦᓴᐅᓚᖓᔪᓂᒃ ᐊᒻᒪᓗ ᐋᕐᕿᓯᐊᕐᓯᒪᔪᖕᖑᑎᑦᓯᔨᐅᓗᓂ ᑕᑯᓐᓇᕋᑦᓴᓂᒃ ᐊᒻᒪᓗ ᐊᑦᔨᖑᐊᕐᑕᖏᓐᓂᒃ ᐃᓘᓐᓇᖏᑦᑕ ᑐᓴᐅᒪᖃᑦᑕᐅᑎᑦᓯᓂᕐᓄᑦ ᐱᓇᓱᒉᑦ ᑕᒪᖏᓐᓄᑦ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᒍᑎᒧᑦ ᐊᒻᒪᓗ ᐃᓄᓐᓄᑦ ᑐᓴᕋᑦᓴᖑᕐᑎᑕᐅᔪᑦ ᐃᓕᒪᕕᖏᓐᓂᒃ. ᑖᒃᑯᐊ ᐃᓚᖃᕐᒥᔪᑦ ᐃᓂᕐᑕᐅᓂᖏᓐᓂᒃ ᐱᓇᓱᕝᕕᐅᑉ ᐃᓗᐊᓂ ᑐᓴᐅᒪᐅᑎᓕᕆᓂᕐᓄᑦ ᓴᓇᕐᕈᑎᓂᒃ ᐆᑦᑑᑎᒋᓗᒋᑦ ᐊᓪᓚᓯᒪᔪᕐᑕᓯᔭᐅᓂᖏᑦ ᐊᒻᒪᓗ ᓈᒻᒪᓯᓕᕐᑎᑕᐅᓂᖏᑦ ᐃᓕᓐᓂᐊᑎᑦᓯᐅᑏᑦ ᑕᑯᓐᓇᕋᑦᓭᑦ;
•  ᐃᑲᔪᕐᓗᓂ ᓇᓗᓀᕐᑕᐅᓂᖏᓐᓂᒃ ᐱᓇᓱᕝᕕᐅᑉ ᐃᓗᐊᓂ ᑐᓴᐅᒪᐅᑎᒍᑏᑦ ᐋᕐᕿᓯᐊᕐᓯᒪᐅᑎᑦᓴᖏᓐᓂᒃ ᐃᓕᖓᔪᓕᐊᕆᓗᒋᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐃᓄᓕᕆᓂᖏᓐᓄᑦ ᐊᒻᒪᓗ ᑐᓴᕐᑕᐅᑎᑦᓯᒍᑎᓂᒃ ᐋᕐᕿᓱᐃᓯᒪᐅᑎᖏᓐᓄᑦ;
•  ᑲᒪᒋᔭᖃᕐᓗᓂ ᐱᓇᓱᕝᕕᐅᑉ ᐃᓗᐊᓂ ᐊᒻᒪᓗ ᓯᓚᑖᓂ ᐃᓗᓕᕆᔭᐅᔪᓂᒃ ᐊᑦᔨᖑᐊᓂᒃ ᐊᒻᒪᓗ ᑕᑯᓐᓇᕋᑦᓴᓂᒃ.
•  ᐱᓪᓗᑯᒋᐊᓕᓐᓄᑦ ᐊᔪᖀᒋᐊᕐᑎᐅᓗᓂ ᐊᒻᒪᓗ ᑐᑭᓯᓂᐊᕐᕕᐅᓗᓂ ᐊᓯᖏᓐᓄᑦ ᐱᓇᓱᕝᕕᓄᑦ ᑲᒪᒋᕙᓪᓗᒋᑦ ᓄᐃᑎᕐᑕᐅᓂᖏᑦ, ᐃᓂᕐᑕᐅᓂᖏᑦ ᐊᒻᒪᓗ ᐋᕐᕿᓯᐊᕐᓯᒪᔪᓕᐊᕆᔭᐅᓂᖏᑦ ᐊᑦᔨᖑᐊᑦ ᐊᒻᒪᓗ ᑕᑯᓐᓇᕋᑦᓭᑦ ᑭᖕᖒᒪᔭᐅᔪᑦ ᒪᓕᓪᓗᒋᑦ;
•  ᑲᒪᒋᔭᖃᕆᐊᓕᒃ ᐃᑉᐱᒍᓱᑉᐸᓗᓂ ᖃᕆᑕᐅᔭᒃᑰᑐᑦ ᐃᓗᓕᖏᓐᓂᒃ ᐃᕐᐸᑎᑕᐅᓚᖓᔪᓂᒃ ᑫᐋᔩᑉ ᐱᖁᑎᑦᓴᔭᖏᓐᓂᒃ ᐊᒻᒪᓗ ᐃᓄᓐᓂᒃ ᑐᓴᕐᑎᓯᒍᑎᖏᓐᓂᒃ;
•  ᓄᐃᑎᕆᔨᐅᓗᓂ ᐊᒻᒪᓗ ᐃᖏᕐᕋᓯᑎᑦᓯᔨᐅᓗᓂ ᓯᕗᓪᓕᐹᒥ ᐃᓱᒪᑖᕈᑎᒥᓂᒃ ᐃᓘᓐᓀᓄᑦ ᖃᕆᑕᐅᔭᓄᑦ ᐃᓕᖓᔪᓂᒃ ᐱᕙᓪᓖᒋᐊᕈᑕᐅᔪᓂᒃ ᑫᐋᔩᑉ ᑭᒡᒐᑐᕈᑎᖏᓐᓂᒃ, ᐱᓇᓱᐊᕐᑕᖏᓐᓂᒃ ᐊᒻᒪᓗ ᑐᓴᕐᑕᐅᑎᑕᖏᓐᓂᒃ ᐱᓇᓱᐊᖃᑎᖃᑦᓯᐊᓗᓂᓗ ᐃᓘᓐᓀᓂᒃ ᐱᓇᓱᕝᕕᓂᒃ ᐃᓕᒃᑰᑎᕐᑐᓂᒃ ᑐᕌᒐᕐᒥᓂᒃ ᐱᓚᕿᒋᐊᕈᑎᖏᓐᓂᒃ;
•  ᐊᑐᕐᐸᓗᓂ ᐊᑦᔨᖑᐊᓂᒃ ᐊᒻᒪᓗ ᑕᑯᓐᓇᕋᑦᓴᓂᒃ ᐱᓇᓱᕝᕕᐅᑉ ᐃᓗᐊᓂ ᑐᓴᐅᒪᐅᑎᓂᕐᓄᑦ ᑭᖕᖒᒪᒋᔭᖏᓐᓄᑦ ᐊᑦᔨᒌᖕᖏᑐᑦ ᐱᓇᓱᕝᕖᑦ ᐆᑦᑑᑎᒋᓗᒋᑦ ᐃᓕᓐᓂᐊᑎᑦᓯᐅᑏᑦ ᑕᑯᓐᓇᕋᑦᓭᑦ/ᐊᑦᔨᖑᐊᑦ, ᑐᑭᓯᐅᑎᑦᓭᑦ ᑕᑯᓐᓇᕋᑦᓭᑦ ᐅᕝᕙᓘᓐᓃᑦ ᐱᕙᓪᓖᒋᐊᕈᑏᑦ (ᐊᑭᓐᓇᒥᐅᑌᑦ, ᐱᕙᓪᓖᒋᐊᕈᑏᑦ ᓱᓇᑐᐃᓐᓀᑦ ᑕᑯᒐᑦᓭᑦ);
•  ᐃᑲᔪᕐᐸᓗᓂ ᓄᐃᑎᕆᔪᓂᒃ ᑕᑯᓐᓇᕋᑦᓴᓂᒃ ᐊᒻᒪᓗ ᐊᑦᔨᖑᐊᓂᒃ ᖃᑦᓯᑐᐃᓐᓇᓂᒃ ᐅᑭᐅᓕᓐᓂᒃ ᑕᑯᓚᕿᑎᑦᓯᒋᐊᕈᑎᖏᑦ ᑫᐋᔩᑉ ᑐᓴᕐᑕᐅᑎᒋᐊᓕᖏᓐᓂᒃ ᑐᕌᒐᓖᑦ ᐱᕙᓪᓖᒋᐊᕐᓂᓂᒃ ᑎᒥᐅᑉ ᑐᕌᒐᖏᓐᓂᒃ ᐊᒻᒪᓗ ᐱᓚᕿᓯᒪᔭᖏᓐᓂᒃ;
•  ᐱᓇᓱᐊᖃᑎᖃᑦᓯᐊᐸᓪᓗᓂ ᐊᓯᒥᓂᒃ ᑐᓴᐅᒪᐅᑎᓕᕆᓂᕐᓂ ᐱᓇᓱᐊᖃᑎᒌᓂᒃ;
•  ᐊᓯᖏᓐᓂᓗ ᐱᓇᓱᖃᑦᑕᓗᓂ ᐊᖓᔪᖅᑳᒥᓄᑦ ᐱᓇᓱᐊᕐᑕᐅᖁᔭᐅᔪᓂᒃ.

ᓇᓪᓕᑳᕐᑕᐅᔫᑉ ᐱᔪᓐᓇᐅᑎᒋᒋᐊᓕᖏᑦ:

•  ᐱᓇᓱᐊᕆᐅᕐᓴᓂᕐᒧᑦ ᐃᓕᓴᕐᓗᓂ ᐱᔭᑦᕈᑎÌᕐᓯᒪᓗᓂ ᐊᑦᔨᓕᐅᕆᓂᕐᓄᑦ ᐊᒻᒪᓗ/ᐅᕝᕙᓘᓐᓃᑦ ᑕᑯᓐᓇᕋᑦᓴᓂᒃ ᐃᓂᕐᓯᓂᕐᓄᑦ ᐅᕝᕙᓘᓐᓃᑦ ᑕᒪᒃᑯᓄᖓᐅᓕᖓᔪᓄᑦ;
•  ᐱᓇᓱᐊᕈᑎᖃᓕᓂᐅᓗᓂ ᐊᑐᕐᓗᒋᑦ ᐱᓇᓱᑦᑎᒪᕇᑦ ᓂᐱᓕᐅᕈᓯᖏᑦ ᐊᒻᒪᓗ ᐊᑦᔨᓕᐅᕆᓂᕐᓄᐊᖓᔪᑦ ᐱᐅᒃᑯᑏᑦ;
•  ᖃᐅᔨᒪᓗᓂ ᑕᑯᓐᓇᕋᑦᓴᓂᒃ ᐋᕐᕿᓯᒪᔪᓕᐅᕈᑎᓂᒃ ᖃᕆᑕᐅᔭᐅᑉ ᐱᓇᓱᐊᕈᑎᖏᓐᓂᒃ, ᐃᓚᐅᑎᓪᓗᒋᑦ Premiere, Final Cut Pro, ᐊᒻᒪᓗ After Effects;
•  ᐃᓂᕐᓯᓯᑎᐅᓗᓂ ᐊᒻᒪᓗ ᓄᐃᑎᕆᓯᑎᐅᓗᓂ, ᐊᓪᓚᓯᒪᔪᓂᒃ ᑕᑯᑦᓴᐅᑎᑦᓯᒍᑎᓂᒃ ᐊᒻᒪᓗ ᑕᑯᓐᓇᕋᑦᓭᑦ ᐃᓗᓕᖏᓐᓂᒃ;
•  ᐱᓇᓱᐊᕈᓐᓇᓯᐊᕐᓗᓂ ᐃᒻᒥᓂᕐᓱᓗᓂ ᐊᒻᒪᓗ ᐱᓇᓱᐊᖃᑎᒥᓂᒃ ᐃᑲᔪᕐᓯᒪᓗᓂ ᓯᕗᓕᕐᑎᐅᒍᓐᓇᓗᓂ;
•  ᓇᒻᒥᓂᖅ, ᐱᒋᐊᕐᑎᓯᔨᐅᓂᕐᒧᑦ, ᓄᐃᑎᕆᒍᓐᓇᓯᐊᕐᓂᓄᑦ ᐊᒻᒪᓗ ᑐᓴᐅᒪᑦᓯᐊᖃᑎᖃᕈᓐᓇᓚᕆᒍᓂ ᐱᕙᓪᓕᖁᑎᖃᓚᖓᔪᖅ;
•  ᐅᖃᕈᓐᓇᓯᐊᕐᓗᓂ ᒪᕐᕈᐃᖏᓐᓂᒃ ᐅᑯᐊ ᐅᖃᐅᓰᑦ: ᐃᓄᑦᑎᑐᑦ, ᖃᓪᓗᓈᕐᑎᑐᑦ ᐊᒻᒪᓗ ᐅᐃᒍᐃᑎᑐᑦ.

ᐱᓇᓱᕕᕝᐅᑉ ᐃᓂᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐹᑦ $52,481 - ᐅᓄᕐᓂᐹᑦ $89,256 ᐊᕐᕌᒍᑕᒫᑦ (ᐳᕐᓱᓂᖓ ᓐ)

ᐊᓯᖏᑦ ᐱᕙᓪᓕᖁᑎᑦᓭᑦ*: ᓂᐊᕕᐊᑦᓭᑦ ᐊᑭᑐᓂᖏᓐᓄᑦ ᐃᑲᔪᕐᑕᐅᒍᑏᑦ: $8,500 ᐊᕐᕌᒍᑕᒫᑦ (ᐃᑭᓐᓂᐹᑦ);

ᓂᕿᓯᐅᑎᑦᓭᑦ: $4,216 ᐊᕐᕌᒍᑕᒫᑦ (ᐃᑭᓐᓂᐹᑦ);

ᖃᖓᑦᑕᐅᑏᑦ: ᐊᑕᐅᓯᖅ ᐃᓄᒃ ᖃᖓᑦᑕᐅᑎᑖᕈᓐᓇᑐᖅ ᐱᖓᓱᓂᑦ ᐊᕐᕌᒍᑕᒫᑦ;

ᐃᑦᑑᓂᐅᑎᑦᓴᓂᒃ ᑲᑎᕐᓱᐃᒍᑏᑦ: 6.25% ᐱᓇᓱᑦᑎᖁᑎᓕᐅᑉ ᑐᓂᕐᕈᑎᖏᑦ ᐊᒻᒪᓗ 4%

ᐱᓇᓱᑦᑎᐅᑉ ᑐᓂᕐᕈᑎᖏᑦ;

ᐱᓇᓱᐊᖃᑎᒌᑦ ᐃᒻᒪᖃᐅᑎᖏᑦ;

ᑕᙯᕐᓯᒍᓐᓇᕖᑦ: 20 ᐅᓪᓗᐃᑦ/ᐊᕐᕌᒍᑕᒫᑦ;

ᐱᖁᔭᑎᒍᑦ ᕿᑲᕐᕖᑦ: 20 ᐅᓪᓗᐃᑦ, ᐃᓚᐅᑎᓪᓗᒋᑦ 10 ᐅᓪᓗᐃᑦ ᖁᕕᐊᓱᕝᕕᒥ.

ᑐᓂᓗᒋᑦ ᐱᓇᓱᒍᒪᐅᑎᑎᑦ ᖃᓪᓗᓈᑎᑑᕐᑎᓗᒋᑦ 5:00-ᖑᓚᐅᕐᑎᓇᒍ ᓯᑉᑎᒻᐱᕆ 26, 2025-ᒥ, ᐅᕗᖓ:

Kativik Regional Government

P.O. Box 9

Kuujjuaq, QC J0M 1C0

humanresources@krg.ca

Fax: 819-964-2975

ᑫᐋᔩᒃᑯᑦ ᐊᑦᔨᒌᑦᓯᐊᒥᒃ ᐃᓘᓐᓀᓄᑦ ᐱᓇᓱᑦᑎᓯᔨ. ᑖᓐᓇ ᓯᕗᓂᓕᐊᒍᓯᒪᔪᖅ ᒪᓕᑦᓱᒍ ᐊᒻᒪᓗ ᔦᒥᔅ ᐯ ᐊᒻᒪᓗ ᑯᐯᑉ ᑕᕐᕋᖓᓄᑦ ᐊᖏᖃᑎᒌᒍᑎᒃ, ᖃᓄᐃᓕᖕᖓᐅᑏᑦ ᐊᑦᔨᒌᖕᖏᑑᑐᐃᓐᓇᕆᐊᓖᑦ ᑫᓪᓗᑐᐃᓂᒃᑯᑦ ᐃᓄᓐᓂᒃ ᐱᓇᓱᑦᑎᓯᓂᕐᒥᒃ.

ᓇᓪᓕᑳᕐᑕᐅᔪᑦ ᑭᓯᐊᓂ ᐊᐱᕐᓱᑕᐅᓚᖓᒍᑎᒃ ᖃᐅᔨᑎᑕᐅᖃᑦᑕᓚᖓᔪᑦ.