ᐃᓗᓯᕐᓱᓂᕐᒥᒃ ᐊᒻᒪᓗ ᐊᑦᑕᓇᖕᖏᓂᕐᒥᒃ HR ᖃᐅᔨᒪᔨᖓ - KRG

ᐱᓇᓱᒐᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (KRG), ᑲᕙᒫᐱᓐᓄᑦ-ᖁᓪᓕᐸᐅᑦᓱᓂ ᑎᒥᐅᔪᖅ ᐊᐅᓚᑦᓯᕕᖃᕐᓱᓂ ᓄᓇᒥᒃ 55ᕝ ᑕᕐᕋᖓᓂ, ᕿᓂᓕᕆᕗᖅ ᐃᒻᒥᓂᒃ ᑲᑦᓱᙰᑦᑐᒥᒃ ᐊᒻᒪᓗ ᐱᓇᓱᑦᓯᑎᒥᒃ ᐃᓄᒻᒥᒃ ᐃᓚᐅᒍᒪᔪᒥᒃ KRG-ᑯᓂ ᐱᓇᓱᒐᖃᕐᓗᓂ ᐃᒣᑦᑐᒥᒃ:

ᐃᓗᓯᕐᓱᓂᕐᒥᒃ ᐊᒻᒪᓗ ᐊᑦᑕᓇᖕᖏᓂᕐᒥᒃ HR ᖃᐅᔨᒪᔨᖓ

(ᐊᑌᓐᓇᑐᖅ ᐃᓗᐃᑦᑐᖅ ᐃᓂᒃ)

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᒥᒃ ᐱᓇᓱᑦᑎᓕᕆᕕᒻᒥ, ᐃᓗᓯᕐᓱᓂᕐᒥᒃ ᐊᒻᒪᓗ ᐊᑦᑕᓇᖕᖏᓂᕐᒥᒃ HR-ᑯᑦ ᖃᐅᔨᒪᔨᖓ ᐃᑲᔪᕐᑎᐅᕗᖅ KRG ᖁᓪᓕᐸᐅᑦᓱᓂ ᑲᕙᒫᐱᒻᒪᕆᖓᓂᒃ ᒪᑭᑕᑦᓯᓂᖓᑎᒍᑦ ᐊᑦᑕᓇᖕᖏᑐᒥᒃ ᐊᒻᒪᓗ ᖃᓄᐃᓐᓇᖏᑦᑐᒥᒃ ᐱᓇᓱᓪᓗᓂ ᐊᕙᑎᒥᒃ ᐱᓇᓱᑦᑎᓕᒫᓄᑦ. ᑖᓐᓇ ᐱᓇᓱᑦᑎ ᓵᖕᖓᔪᖅ ᑫᓪᓗᐊᕈᑎᖃᕐᓂᒥᒃ ᐃᓗᓯᕐᓱᓂᐅᑉ ᐊᒻᒪᓗ ᐊᑦᑕᓇᖕᖏᓂᐅᑉ ᐃᑉᐱᒋᔭᐅᓂᖓᑕ ᐱᐅᓯᐅᓪᓚᕆᓐᓂᖓᓂᒃ ᑎᒥᐅᑉ ᐃᓘᓐᓇᓕᒫᖓᓂ. ᑖᓐᓇ ᐱᓇᓱᑦᑎ ᐱᑎᑦᓯᔪᖅ ᐊᔪᕿᓐᓂᒋᐊᕐᓂᒥᒃ, ᓱᕐᖁᐃᑎᐅᑦᓱᓂᓗ ᒪᓕᑦᑐᓂᕐᒥᒃ ᐊᑦᑐᐊᔪᓂᒃ ᐱᖁᔭᓂᒃ, ᐊᒻᒪᓗ ᐃᑲᔪᕐᓱᓂ ᑲᒪᔨᒻᒪᕆᓐᓂᒃ ᐱᓇᓱᑦᑎᓂᓪᓗ ᒪᑭᑕᑦᓯᑎᓪᓗᒋᑦ ᐊᑦᑕᓇᖕᖏᑐᓂᒃ ᐱᓇᓱᓐᓂᐅᑉ ᐱᐅᓯᖏᓐᓂᒃ. ᐃᓗᓯᕐᓱᓂᕐᒥᒃ ᐊᒻᒪᓗ ᐊᑕᓇᖕᖏᓂᕐᒥᒃ ᖃᐅᔨᒪᔨ ᐃᑲᔪᕐᓯᖃᑕᐅᓪᓚᕆᑦᑐᖅ ᓯᕗᕐᖏᓂᓯᒪᓂᕐᒥᒃ ᐱᓇᓱᕝᕕᒥ ᐋᓐᓂᕈᑎᓂᒃ ᐊᒻᒪᓗ ᖃᓂᒻᒪᕈᑎᓂᒃ ᐃᓘᓐᓀᓂ ᑲᕙᒫᐱᐅᔪᑦ ᐱᓇᓱᐊᒐᖏᓐᓂ.

ᐱᓇᓱᒋᐊᓕᖏᑦ:

• ᐊᔪᕿᓐᓂᖃᑦᑕᓂᖅ ᑲᒪᔨᒻᒪᕆᓐᓂᒃ ᐊᒻᒪᓗ ᐱᓇᓱᑦᑎᓂᒃ ᐱᓇᓱᕝᕕᒥ ᐃᓗᓯᕐᓱᓂᕐᒧᑦ ᐊᒻᒪᓗ ᐊᑦᑕᓇᖕᖏᓂᕐᒧᑦ ᐊᑦᑐᐊᔪᑎᒍᑦ ᒪᓕᒍᑎᒋᓗᒋᑦ ᐱᖁᔭᓂᒃ ᐊᑐᕆᐊᓕᓐᓂᒃ

• ᓱᕐᖁᐃᓂᖅ ᒪᓕᑦᑐᓯᐊᕐᓂᒥᒃ ᐊᑐᕆᐊᓕᓕᒫᓂᒃ ᐃᓗᓯᕐᓱᓂᕐᒧᑦ ᐊᑦᑕᓇᖕᖏᓂᕐᒧᓗ ᐱᖁᔭᓂᒃ, ᐱᐅᓯᐅᒋᐊᓕᓐᓂᒃ, ᐊᒻᒪᓗ ᑎᒥᐅᑉ ᒪᓕᒑᐱᖏᓐᓂᒃ

• ᐃᓚᐅᓂᖅ ᐱᕙᓪᓕᐊᑎᑦᓯᓂᕐᒧᑦ, ᑲᔪᓯᓕᕐᑎᓯᓂᕐᒧᑦ, ᐊᒻᒪᓗ ᒪᓕᑦᑐᓂᕐᒧᑦ ᑲᕙᒫᐱᓐᓂ ᓯᕗᕐᖏᓂᓯᒪᐅᑏᑦ ᐱᓇᓱᐊᕐᑕᐅᒍᑎᖓᓂᒃ

• ᑲᔪᓯᑎᑦᓯᓂᖅ ᐱᓇᓱᕝᕕᒥᒃ ᕿᒥᕐᕈᒍᑎᓂᒃ, ᐊᑦᑕᓇᕐᑐᓯᐅᕈᑎᓂᒃ, ᐊᒻᒪᓗ ᓈᒻᒪᖏᑦᑐᓯᐅᕈᑎᓂᒃ ᐃᓘᓐᓀᓂ ᑲᕙᒫᐲᑦ ᐃᓂᖃᕐᕕᖏᓐᓂ

• ᐃᑲᔪᕐᓂᖅ ᐱᓂᕐᓗᐊᕿᔪᑦ, ᓱᒐᓚᑦᑐᑦ ᐊᒻᒪᓗ ᓯᕐᓛᓗᒃ ᐱᓂᕐᓗᖏᑦᑐᑦ ᑭᓪᓕᓯᓂᐊᕈᑕᐅᓂᖏᓐᓂᒃ; ᓇᓗᓀᕐᓯᓂᖅ ᑌᒣᓚᕿᒍᑎᓂᒃ ᐊᒻᒪᓗ ᑫᒥᑦᓯᓂᖅ ᐋᕐᕿᓚᖓᓗᒋᑦ ᐱᔭᐅᖁᓇᕐᑐᓂᒃ

• ᐱᓇᓱᖃᑕᐅᓂᖅ ᑲᑐᑦᔨᔪᓂ ᐃᓗᓯᕐᓱᓂᕐᒧᑦ ᐊᒻᒪᓗ ᐊᑦᑕᓇᖕᖏᓂᕐᒧ ᑦᑲᑎᒪᔨᐊᐱᓐᓂ ᐊᒻᒪᓗ ᐱᓇᓱᑦᑏᑦ ᑭᒡᒐᖏᓐᓄᑦ

• ᐱᕙᓪᓕᐊᓂᖅ, ᑲᔪᓯᓕᕐᑎᓯᓂᖅ ᐊᒻᒪᓗ ᕿᒥᕐᕈᒋᐊᓪᓚᖃᑦᑕᓂᖅ ᐃᓗᓯᕐᓱᓂᐅᑉ ᐊᑦᑕᓇᖕᖏᓂᐅᓪᓗ ᑐᑭᐊᒍᑦ ᒪᓕᒑᐱᓐᓂᒃ ᐊᒻᒪᓗ ᐱᕐᕈᓯᕐᓂᒃ

• ᐃᑲᔪᕐᓯᓂᖅ ᐱᕙᓪᓕᐊᓂᕐᒥᒃ ᐊᒻᒪᓗ ᑐᓂᔨᓂᕐᒥᒃ ᐃᓗᓯᕐᓱᓂᕐᒥᒃ ᐊᒻᒪᓗ ᐊᑦᑕᓇᖕᖏᓂᕐᒥᒃ ᐃᓕᓐᓂᐊᕈᑏᑦ ᑐᕌᕐᑕᖏᓐᓂᒃ, ᐊᒻᒪᓗ ᐃᑉᐱᒋᔭᐅᑎᑦᓯᓂᕐᒥᒃ ᐱᓇᓱᐊᕈᑎᓂᒃ

• ᒪᓕᑦᑐᓂᖅ ᐋᕐᕿᒋᐊᕈᑎᑦᓭᑦ ᐸᕐᓇᑕᐅᒪᒍᑎᖏᓐᓂᒃ ᐊᒻᒪᓗ ᖃᐅᔨᒋᐊᑦᓯᐊᖃᑦᑕᓂᖅ ᐱᓇᓱᕝᕕᓂᒃ ᑕᒪᒃᑯᐊ ᑲᔪᓯᑎᑕᐅᓂᖓ ᓱᕐᖁᐃᓗᒍ

• ᐊᑐᐃᓐᓇᕈᑦᑎᓂᖅ ᑐᓴᕐᑎᓯᒍᑎᓂᒃ, ᑭᓯᒍᑎᓂᒃ, ᐊᒻᒪᓗ ᐊᓪᓚᖁᑎᓂᒃ ᑲᒪᔨᒻᒪᕇᑦ ᐊᒻᒪᓗ CNESST-ᑯᑦ ᐱᒋᐊᓕᖏᓐᓂᒃ

• ᐅᖃᖃᑎᖃᖃᑦᑕᓂᖅ ᒪᓕᒐᖃᕐᑎᓯᔪᓂᒃ ᑎᒥᓂᒃ, ᑎᒥᐅᑉ ᓯᓚᑖᓂ ᓈᒻᒪᖏᑦᑐᓯᐅᕐᑎᓂᒃ, ᐊᒻᒪᓗ ᐱᓇᓱᑦᑎᒐᕐᓂᒃ ᑌᒣᓘᕆᐊᖃᕐᓂᖅ ᒪᓕᓪᓗᒍ

• ᑫᓪᓗᐊᑐᖅ ᑌᒪᖕᖓᓕᒫᖅ ᐱᕙᓪᓕᕋᓱᐊᕐᓂᒥᒃ ᐊᒻᒪᓗ ᐃᑲᔪᕐᑐᖃᑦᑕᐅᑎᓗᓂ ᐊᑦᑕᓇᖕᖏᓂᐅᑉ ᐱᐅᓯᐅᓂᖓᓂᒃ

ᐱᔪᓐᓇᕈᑎᖏᑦ & ᐱᓇᓱᓕᓂᐅᓂᖓ

• ᖃᐅᔨᒪᔨᐅᑉ ᐱᔪᓐᓇᐅᑎᖓ ᐅᕝᕙᓘᓐᓃᑦ ᐃᓕᑦᓯᒪᐅᑎ ᐱᓇᓱᕝᕕᒥ ᐃᓗᓯᕐᓱᓂᕐᒥᒃ ᐊᒻᒪᓗ ᐊᑦᑕᓇᖕᖏᓂᕐᒥᒃ ᐅᕝᕙᓘᓐᓃᑦ ᐊᑦᑐᐊᔪᒥᒃ ᐱᓇᓱᐊᒐᕐᒥᒃ (ᐅᕝᕙᓘᓐᓃᑦ ᐊᑭᑦᓯᓗᓂ ᐅᐊᕈᑎᒌᑦᑎᓗᒍ ᐃᓕᓐᓂᐊᓯᒪᓂᖓ, ᐱᒋᐅᕐᓴᓯᒪᓂᖓ ᐊᒻᒪᓗ ᐱᓇᓱᓕᓂᐅᓂᖓ) ASP ᐃᓗᓯᕐᓱᓂᕐᒥᒃ ᐊᒻᒪᓗ ᐊᑦᑕᓇᖕᖏᓂᕐᒥᒃ ᐱᓇᓱᕝᕕᒥ ᐱᔪᓐᓇᐅᑎᖓ (ᐱᑕᖃᕆᐊᓕᒃ ᐅᕝᕙᓘᓐᓃᑦ ᐱᒋᐊᖃᕐᓱᓂ)

• ᖃᐅᔨᒪᑦᓯᐊᓂᖅ ᐃᓗᓯᕐᓱᓂᕐᒧᑦ ᐊᑦᑕᓇᖕᖏᓂᕐᒧᓗ ᐱᖁᔭᓂᒃ ᐊᒻᒪᓗ ᐱᐅᓯᕆᓗᒋᑦ ᐱᐅᓂᕐᐹᓂᒃ

• ᖃᐅᔨᒪᑦᓯᐊᓂᖅ ᐅᓗᕆᐊᓇᕐᑐᓂᒃ ᓇᓗᓀᕐᓯᓂᕐᒥᒃ, ᐊᑦᑕᓇᕐᓂᐅᔭᔪᓂᒃ ᑲᖕᖑᓇᕿᓂᕐᒥᒃ, ᐊᒻᒪᓗ ᓯᒃᑯᑐᖃᖕᖏᓂᖓᓂ ᓯᕗᕐᖏᓂᒋᐊᕈᑎᓂᒃ

• ᐊᑐᕈᓐᓇᓗᒋᑦ ᖃᐅᔨᒪᓂᖅ ᑯᐯᒃᑯᑦ ᐱᓇᓱᕝᕕᒥ ᐃᓗᓯᕐᓱᓂᕐᒧᑦ ᐊᒻᒪᓗ ᐊᑦᑕᓇᖕᖏᓂᕐᒧᑦ ᐱᖁᔭᖏᓐᓂᒃ ᐊᒻᒪᓗ CNESST-ᑯᑦ ᐱᕐᕈᓯᖏᓐᓂᒃ

• ᑐᑭᓯᓐᓇᑎᑦᓯᒍᓐᓇᓂᖅ ᐊᑐᕐᓗᓂᓗ ᒥᑦᓯᓕᓐᓂᒃ ᐃᓗᓯᕐᓱᓂᕐᒧᑦ ᐊᒻᒪᓗ ᐊᑦᑕᓇᖕᖏᓂᕐᒧᑦ ᐱᖁᔭᓂᒃ ᐊᑐᕈᓐᓇᓂᐊᕐᒪᑕ ᐱᓇᓱᕝᕕᓗᑐᕐᓂ

• ᒥᑦᓯᓕᒻᒥᒃ ᐃᓗᓱᕐᓱᓂᐅᑉ ᐊᑦᑕᓇᖕᖏᓂᐅᓪᓗ ᑐᑭᐊᒍᑦ ᐱᓇᓱᑦᓯᒪᓂᖅ ᑲᕙᒫᐱᓐᓂ, ᐃᓄᓕᒫᓄᑦ ᑎᒥᐅᔪᓂ, ᐅᕝᕙᓘᓐᓃᑦ ᐱᓇᓱᑦᑎᓕᓐᓂ ᑲᑐᑦᔨᖃᑎᒌᓐᓂᓕᓐᓂᒃ

• ᐱᓇᓱᓕᓂᐅᓂᖅ ᓈᒻᒪᖏᑦᑐᓯᐅᕐᓂᒥᒃ, ᕿᒥᕐᕈᓂᕐᒥᒃ, ᐊᒻᒪᓗ ᓱᒐᓚᑦᑐᑦ ᑭᓪᓕᓯᓂᐊᕈᑕᐅᓂᖓᓂᒃ

• ᓇᓗᕐᖑᓯᐊᒐᓂ ᐱᒋᐅᕐᓴᑎᑦᓯᒍᓐᓇᓂᖅ ᐊᒻᒪᓗ ᐅᖄᓗᓂ ᑕᑯᑎᑦᓯᒍᓐᓇᓂᖅ

• ᐃᓱᕐᕆᐅᑎᖃᕆᐊᓕᒃ ᐱᓇᓱᓐᓂᒥᒃ ᐊᑦᔨᒌᖕᖏᑐᓂᒃ ᐊᕙᑎᖃᕐᐸᓗᓂ (ᓄᓇᓕᓐᓂ ᐊᒻᒪᓗ ᐊᓪᓚᕕᓐᓂ)

• ᑕᑯᑎᑦᓯᓂᖅ ᐅᖃᖃᑎᒌᓐᓂᒥᒃ ᐊᒻᒪᓗ ᐃᓅᖃᑎᓕᕆᓂᕐᒥᒃ ᐱᒃᑲᑐᖕᖏᒍᑎᓂᒃ

• ᐱᒃᑲᑐᖕᖏᑐᖅ ᓱᓚᕿᑎᑦᓯᓂᕐᒥᒃ, ᐱᒋᐊᕐᑎᓯᓂᕐᒥᒃ, ᐊᒻᒪᓗ ᐊᔪᕿᓐᓂᓂᕐᒥᒃ ᑐᕃᓐᓇᑐᒥᒃ ᐊᖓᔪᕐᖃᐅᖏᒃᑲᓗᐊᕈᓂ

• ᐱᒃᑲᑐᖕᖏᑐᖅ ᐅᖃᖃᑎᒌᓐᓂᒥᒃ ᐅᐃᒍᐃᑎᑐᑦ (ᐅᖄᓗᓂ ᐊᓪᓚᓯᒪᔪᑎᒍᓪᓗ) ᐊᒻᒪᓗ ᖃᓪᓗᓈᑎᑐᑦ

• ᓱᓇᓕᒫᓂᒃ ᒥᑭᔪᖑᐊᓂᒃ ᐃᑉᐱᒍᓱᑦᓯᐊᑐᖅ ᐊᒻᒪᓗ ᑐᑭᓯᓂᐊᕐᓯᑎᐅᑦᓱᓂ

• ᐃᓂᓪᓚᖓᑎᑦᓯᓯᑎᒻᒪᕆᒃ ᐊᒻᒪᓗ ᐊᓪᓚᓯᒪᔪᓕᐅᕐᓂᒥᒃ ᐱᓇᓱᒍᓐᓇᓯᐊᕐᓱᓂ.

• ᐱᓇᓱᒍᓐᓇᑐᖅ ᐃᒻᒥᓂᕿᓗᓂ ᐊᒻᒪᓗ ᐊᒥᓱᐃᓂᒃ ᐱᓇᓱᐊᑦᓴᓂᒃ ᐊᐅᓚᑦᓯᓗᓂ

• ᐊᑐᕈᓐᓇᓯᐊᕆᐊᓕᒃ ᖃᕆᑕᐅᔭᕈᑎᓂᒃ Microsoft Office ᐊᒻᒪᓗ ᑐᓴᕐᑎᓯᒍᑎᑦᓴᓂᒃ ᓴᓇᕐᕈᑎᓂᒃ

• ᐱᓇᓱᓐᓂᐅᑉ ᑫᕙᓪᓚᒍᓯᖏᑦ ᐊᑦᔨᒌᖃᑦᑕᓂᐊᖕᖏᑐᑦ ᐱᓇᓱᒐᐅᑉ ᐱᔭᑦᓴᖏᓐᑦ ᒪᓕᓪᓗᒋᑦ.

ᐃᑉᐱᒋᒋᐊᓕᒃ: ᐱᔪᑦᓴᐅᔮᕐᑐᑦ ᓲᖕᖏᓂᕐᓴᓂᒃ ᐱᔪᓐᓇᕈᑎᓖᑦ ᐃᓱᒪᒋᔭᐅᒍᓐᓇᑐᑦ ᐃᑭᓐᓂᓴᓂᒃ ᐊᑭᓕᕐᑐᑕᐅᓚᖓᑎᓪᓗᒋᑦ.

ᐱᓇᓱᕝᕕᖓᑕ ᓄᓇᓕᖓ: ᑰᔾᔪᐊᖅ, ᑯᐯᒃ

ᑮᓇᐅᑦᔭᓵᖏᑦ: ᐃᑭᓐᓂᐹᑦ $89,855 – ᐅᓄᕐᓂᐹᑦ $123,554 ᐊᕐᕌᖑᑕᒫᑦ

ᐱᕙᓪᓕᖁᑎᖏᑦ: ᐃᓅᓯᐅᑉ ᐊᑭᑐᓂᖓᑕ ᑲᓱᖕᖏᒍᑎᖓᑦ: $8,500/ᐊᕐᕌᒍᑕᒫᑦ

ᓂᕿᓄᑦ ᐃᑲᔫᑏᑦ: ᐃᑭᓐᓂᐹᖓᓄᑦ $4 398.35 /ᐊᕐᕌᒍᑕᒫᑦ

ᐊᕐᕌᒍᑕᒫᑦ ᕿᑲᕈᑎᓂ ᖃᖓᑦᑕᐅᑏᑦ: ᐅᓄᕐᓂᐹᖓᓄᑦ 3 ᐊᑐᓂ ᐃᓄᒻᒧᑦ ᐊᕐᕌᒍᑕᒫᑦ

RRSP/SPP

ᐊᑕᖏᕐᑐᑦ ᓴᑑᑎᑦᓴᖏᑦ

ᕿᑲᕐᓀᑦ: 30 ᐅᓪᓗᐃᑦ

ᕿᑲᕈᑏᑦ: 20-ᓂᒃ ᐅᓪᓗᓂᒃ, ᐃᓚᖃᕐᑎᓗᒋᑦ 10-ᓂᒃ ᕿᑎᖕᖑᒥ ᕿᑲᕐᓇᓕᕐᒪᑦ.

ᐱᓇᓱᒍᒪᐅᑎᑎᑦ ᖃᓪᓗᓈᑎᑑᕐᑎᓗᒋᑦ ᑎᑭᑎᓗᒋᑦ ᐅᕗᖓ:

Human Resources

Kativik Regional Government

P.O. BOX 9

Kuujjuaq (Québec) J0M 1C0

Fax: 819-964-2975

E-mail: humanresources@krg.ca

KRG-ᑯᑦ ᐱᓇᓱᑦᑎᓯᔨᐅᓲᖑᕗᑦ ᐊᑦᔨᒌᑎᓯᑦᓯᐊᕋᓱᐊᕐᓱᑎᒃ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒥᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ

ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᑐᐃᓐᓇᕆᐊᓖᑦ ᑫᓪᓗᓕᐊᕈᑕᐅᓗᑎᒃ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ

ᐱᓇᓱᒐᕐᑖᕋᓱᐊᕐᑐᓂᒃ.

ᐱᔪᑦᓴᐅᔮᕐᑐᐃᑦ ᐊᐱᕐᓱᕈᒪᑦᓱᒋᑦ ᓇᓪᓕᑳᕐᑕᐅᔪᐃᑦ ᑭᓯᐊᓂ ᐅᑎᕐᕕᐅᓂᐊᕐᑐᑦ.