ᓄᓇᒃᑰᔫᒻᒪᕆᓐᓂᒃ ᓄᓇᒃᑰᔫᓕᐅᕐᓂᒥᒃ ᐃᓕᓐᓂᐊᑎᑦᓯᔨ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ(KRG), ᖁᑦᓯᓂᕐᐹᖅ ᓄᓇᓕᓐᓂ ᑎᒥᐅᔫᑦᓱᓂ ᐊᐅᓚᑦᓯᔪᖅ ᓄᓇᒥᒃ 55 ᖁᓛᓂ ᑕᕐᕋᒥ, ᕿᓂᕐᖁᖅ ᑲᑦᓱᖓᐃᑦᑐᒥᒃ ᕿᑦᑕᐃᖓᑦᓯᐊᑐᒥᒃ ᐃᓄᒻᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᓇᓱᑦᑎᖏᓐᓄᑦ ᐃᓚᐅᒍᒪᔪᒧᑦ ᐆᒥᖓ ᐱᓇᓱᑦᑎᐅᓗᓂ:

ᓄᓇᒃᑰᔫᒻᒪᕆᓐᓂᒃ ᓄᓇᒃᑰᔫᓕᐅᕐᓂᒥᒃ ᐃᓕᓐᓂᐊᑎᑦᓯᔨ

(ᐃᓕᒪᑫᓐᓇᓚᖓᔪᖅ , ᓇᓪᓕᐅᑎᑦᑕᑐᖅ ᐱᓇᓱᓐᓇᖓ)

ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ ᓄᓇᓖᑦ ᐱᒍᑦᔭᐅᒍᑎᖏᓐᓂᒃ ᐱᓇᓱᐊᕐᕕᒃ ᑲᒪᒋᔭᖃᕐᑐᖅ ᐊᐅᓚᑦᓯᓂᕐᒥᒃ ᐱᐅᒃᑯᑎᒻᒪᕆᓕᕆᓂᕐᒥᒃ (ᑭᓇᓂᕐᓗᑯᕖᑦ ᑯᕕᕋᕐᑕᐅᕕᖏᑦ, ᐃᒪᕐᒥᒃ ᓴᓗᒻᒪᓭᕖᑦ, ᐊᕐᖁᑏᑦ ᐃᓪᓗᐃᓗ) ᐱᒍᑦᔨᓱᒋᑦ ᓄᓇᓖᑦ ᑲᑎᕕᒃ ᓄᓇᓕᓕᒫᖓᓗ. ᑲᒪᒋᔭᖃᕐᒥᔪᖅ ᐱᓪᓗᑯᒋᐊᓕᕐᑎᒍᑦ ᐃᑲᔪᕐᓯᒪᔨᐅᓂᕐᒥᒃ ᓄᓇᓕᓐᓂᒃ ᐱᑦᔪᑎᐅᑎᓪᓗᒋᑦ ᐊᐅᓚᑕᐅᓂᖏᑦ ᓴᓇᒪᑦᓯᐊᕆᐊᖃᕐᑎᑕᐅᓂᖏᓪᓗ ᓄᓇᒃᑰᔫᒻᒪᕇᑦ.

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ - ᐱᓪᓗᑯᒋᐊᓕᕐᑎᒍᑦ ᐃᑲᔪᕐᓯᒪᔨᓂ ᓄᓇᓖᑦ ᐱᒍᑦᔭᐅᒍᑎᖏᓐᓂᒃ ᐱᓇᓱᐊᕐᕕᒥ, ᐊᐅᓚᔪᓕᕆᓂᕐᒥᒃ ᐃᓕᓐᓂᐊᑎᑦᓯᔨ ᐅᑯᓂᖓ ᐱᓇᓱᐊᒐᖃᕆᐊᓪᓚᓚᖓᒻᒥᔪᖅ ᑲᒪᒋᔭᖃᕐᓗᓂᓗ, ᑖᒃᑯᑑᓚᖓᒐᑎᓪᓗ:

• ᐃᑲᔪᖃᑦᑕᓗᓂ ᐃᓕᓐᓂᐊᑎᑦᓯᓗᓂᓗ ᓄᓇᓕᐅᑉ ᓄᓇᒃᑰᔫᓕᐅᕐᑎᖏᓐᓂᒃ ᓴᓇᓗᓂ ᓴᓇᒋᐊᓪᓛᕆᓗᓂᓗ ᓄᓇᒃᑰᔫᒻᒪᕆᓐᓂᒃ 14 ᐅᑭᐅᕐᑕᑑᑉ ᓄᓇᓕᖏᓐᓂ(ᖃᐅᔨᓴᕐᓗᓂ, ᐋᕐᖀᒍᑏᑦ, ᐃᓚᑦᓴᐃᑦ ᖃᓄᐃᑦᑐᓯᐅᑎᐅᓂᖏᑦ, ᕿᓂᕐᓗᓂ ᐱᕕᑦᓴᐅᒐᔭᕐᑐᓂᒃ ᐊᑐᐃᓐᓇᓂᒃ);

• ᐃᓱᐃᓪᓕᖓᐅᑎᓂᒃ ᕿᓂᕐᓗᓂ, ᓴᓇᓗᓂ, ᓯᖁᒥᓐᓇᓵᖁᓗᒋᑦ ᓄᓇᒃᑰᔫᑦ ᓴᓇᒋᐊᓪᓛᓗᒋᑦ ᓄᓇᒃᑰᔫᒻᒪᕇᑦ ᐃᓕᓐᓂᐊᑎᑦᓯᓗᓂᓗ ᓄᓇᓕᐅᑉ ᓄᓇᒃᑰᔫᓕᐅᕐᑎᖏᓐᓂᒃ.

• ᓄᓇᒃᑰᔫᓕᐅᕐᑏᑦ ᐳᕐᑐᓂᕐᐹᖓᓂᒃ ᐃᓪᓗᓂᓪᓗ ᓴᓇᒋᐊᓪᓛᕆᔩᑦ ᑲᒪᔨᖓ ᐱᓇᓱᖃᑎᒋᓗᒋᒃ, ᐱᕙᓪᓕᐊᑎᑦᓯᓗᓂ ᑲᔪᓯᑎᑦᓯᓗᓂᓗ ᑐᕌᒐᕐᓂᒃ ᓯᖁᒥᓐᓇᓵᖁᓗᒋᑦ ᓄᓇᒃᑰᔫᑦ ᓴᓇᒋᐊᓪᓛᔭᐅᒍᑎᖏᓐᓂᒃ;

• ᓄᓇᒃᑰᔫᓕᐅᕐᑏᑦ ᐳᕐᑐᓂᕐᐹᖓᓂᒃ ᐃᑲᔪᕐᓗᓂ ᓄᓇᒃᑰᔫᓕᐅᕐᕕᐅᑉ ᐊᐅᓚᑕᐅᓂᖓᓂᒃ(ᐃᓚᑦᓴᐃᑦ ᑭᓯᑕᐅᓂᖏᑦ, ᐊᕐᕌᒍᓕᒫᕐᓯᐅᑏᑦ ᐅᒥᐊᕐᔪᓂᐊᑰᕐᑐᓴᕐᓂᒃ ᑎᑭᓴᐃᓂᖅ, ᓴᓇᕐᕈᑎᓕᕆᓂᖅ);

• ᐃᑲᔪᕐᓗᓂ ᓄᓇᓕᐅᑉ ᐱᓇᓱᑦᑎᖏᓐᓂᒃ ᓴᓇᒋᐊᓪᓛᕆᓗᑎᒃ ᓄᓇᓕᐅᑉ ᐃᑯᒪᓕᐅᕈᑎᖏᓐᓂᒃ;

• ᓱᓕᕐᒪᖔᑕ ᖃᐅᔨᓴᕐᓗᒋᑦ ᐱᒋᐅᕐᓴᑎᓗᒋᓪᓗ ᓄᓇᒃᑰᔫᓕᐅᕐᑏᑦ ᓄᑖᓂᒃ ᓄᓇᒃᑰᔫᓕᐅᕐᓂᒨᓕᖓᔪᓂᒃ.

• ᓱᓇᓱᐊᕐᓗᓂ ᓄᓇᒃᑰᔫᓕᐅᕐᓂᒨᓕᖓᔪᒐᓚᓐᓂᒃ ᐱᖁᔭᐅᓂᕐᒥᒍᑦ ᑲᒪᔨᒥᓄᑦ.

ᐃᓕᒐᓱᐊᕐᑐᖅ ᓂᕈᐊᕐᑕᖅ ᐃᒪᐃᒋᐊᓕᒃ:

• ᐱᔭᕇᕈᑎᖃᕐᓗᓂ ᐱᔪᓐᓇᑐᓪᓚᕇᑦ ᐃᓕᓐᓂᐊᕈᑎᖓᓂᒃ(DEP) ᓄᓇᑰᔫᒻᒪᕇᓐᓂᒃ ᓄᓇᒃᑰᔫᓕᐅᕐᓂᒥᒃ. ᑕᐃᒪᐃᑦᑐᓂᒃ ᐱᓇᓱᓕᓂᐅᓂᖓ ᐃᓱᒪᒋᔭᐅᕋᔭᕐᒥᔪᖅ;

• ᐱᔪᓐᓇᐅᑎᒥᒃ ᐱᔭᕇᕈᑎᖃᕐᓗᓂ ᓄᓇᑰᔫᒻᒪᕇᓐᓂᒃ ᓴᓇᔨᐅᓂᕐᒥᒃ;

• 5ᓂᒃ ᐅᑭᐅᓂᒃ ᑕᐃᒪᐃᑦᑐᒨᓕᖓᔪᓂᒃ ᐱᓇᓱᓕᓂᐅᓗᓂ ᐃᓚᐅᑎᓪᓗᒋᑦ ᓄᓇᑰᔫᒻᒪᕆᓐᓂᒃ(ᑏᔪ ᐅᕐᓱᐊᓗᒃ) ᓴᓇᒍᓐᓇᓂᖅ;

• ᐊᑕᐅᓯᕐᒥᒃ(1) ᐅᑭᐅᒥᒃ ᐃᓕᓐᓂᐊᑎᑦᓯᓕᓂᐅᓗᓂ ᓄᓇᒃᑰᔫᓕᐅᕐᑎᓂᒃ ᐊᓯᖏᓐᓂᒃ;

• ᓯᖁᒥᖁᓇᒍ ᓴᓇᒋᐊᓪᓛᕆᓂᕐᒥᒃ ᐱᓇᓱᐊᕋᑦᓴᓕᕆᓂᕐᒥᒃ ᐱᔭᕇᕈᑎᖃᕐᓗᓂ ᑯᐸᐃᒃᒥ ᓄᓇᒃᑰᔫᓂᒃ ᐃᒻᒪᖃᐅᑎᓕᕆᔨᖏᑦᑕ ᑲᑐᑦᔨᖃᑎᒌᓐᓂᖓᓂᑦ ᐱᓯᒪᔪᒥᒃ ᐅᓇᒻᒥᓇᕆᐊᓪᓛᕈᑎᓪᓚᕆᒃ;

• ᐊᓪᓚᒍᓐᓇᓗᓂ ᐅᖄᒍᓐᓇᓗᓂᓗ ᐃᓕᑦᓯᓯᒪᓗᓂ ᒪᕐᕉᒍᓐᓇᐸᑎᒃ(2) ᐅᖃᐅᓰᒃ ᐅᑯᓇᓂ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ.

• ᐊᕐᕕᑕᕈᒪᓂᖃᕐᓗᓂ ᓄᓇᕕᒻᒥ ᓯᓂᑦᑕᕕᒻᒥᐅᑕᐅᓗᓂ ᐊᕕᖃᑎᖃᕈᓐᓇᓗᓂᓗ ᐃᓱᐊᕐᕈᑎᓂᒃ;

• ᑕᑎᑦᓴᓯᐊᖑᓗᓂ, ᐃᓄᑑᓗᓂ ᐱᓇᓱᒍᓐᓇᓗᓂ ᐱᒋᐊᕐᑎᓯᑦᓯᐊᕈᓐᓇᓗᓂ;

• ᓄᓇᒃᑰᔫᕈᓐᓇᐅᑎᖃᕐᓗᓂ;

• ᐱᓇᓱᓕᓂᐅᒍᓂ ᑕᕐᕋᐅᑉ 55 ᖁᓛᓂ ᐅᓇᒻᒥᓇᕆᐊᓪᓚᑐᖅ

ᐱᓇᓱᓐᓇᖓᑕ ᐃᓂᓪᓚᖓᓂᖓ ᐱᓇᓱᕝᕕᖓᑕᓗ ᓇᓃᓐᓂᖓ:

• 6-3 ᐱᓇᓱᓐᓇᖓᑕ ᓇᓪᓕᐅᑎᑦᑕᓂᖓᑕ ᐃᓂᓪᓚᖓᓂᖓ: 6ᓂᒃ ᐱᓇᓱᐊᕈᓯᕐᓂᒃ ᐱᓇᓱᓪᓗᓂ ᐅᑭᐅᕐᑕᑑᑉ ᓄᓇᓕᖏᓐᓂ (52.5 ᑲᐃᕙᓪᓚᒍᓰᑦ ᐱᓇᓱᐊᕈᓯᑕᒫᑦ), ᑭᖑᓂᖃᕐᓗᓂ 3 ᐱᓇᓱᐊᕈᓰᑦ ᐊᑭᓕᕐᑐᑕᐅᓗᓂ ᕿᑲᕐᓗᓂ (35 ᑲᐃᕙᓪᓚᒍᓰᑦ ᐱᓇᓱᐊᕈᓯᑕᒫᑦ)

ᐅᕝᕙᓘᓐᓃᑦ

• 4-2 ᐱᓇᓱᓐᓇᖓᑕ ᓇᓪᓕᐅᑎᑦᑕᓂᖓᑕ ᐃᓂᓪᓚᖓᓂᖓ: 4ᓂᒃ ᐱᓇᓱᐊᕈᓯᕐᓂᒃ ᐱᓇᓱᓪᓗᓂ ᐅᑭᐅᕐᑕᑑᑉ ᓄᓇᓕᖏᓐᓂ (52.5 ᑲᐃᕙᓪᓚᒍᓰᑦ ᐱᓇᓱᐊᕈᓯᑕᒫᑦ) ᑭᖑᓂᖃᕐᓗᓂ 2 ᐱᓇᓱᐊᕈᓰᒃ ᐊᑭᓕᕐᑐᑕᐅᓗᓂ ᕿᑲᕐᓗᓂ (35 ᑲᐃᕙᓪᓚᒍᓰᑦ ᐱᓇᓱᐊᕈᓯᑕᒫᑦ)

ᓇᓃᓐᓂᖓ ᐱᓇᓱᒐᐅᑉ: ᓄᓇᕕᒃ

ᑮᓇᐅᑦᔭᓵᖏᑦ: min 33$/h – max 56$ per hour (class 9)

ᐱᕙᓪᓕᒋᐊᕈᑎᑖᕐᑕᐅᑎᖏᑦ*: ᑐᔪᕐᒥᐅᒍᑎᖏᑦ ᐊᑭᓕᕐᑐᑕᐅᓗᑎᒃ ᐱᓇᓱᐊᓕᕈᓂ ᑕᕐᕋᒥ ᓄᓇᓕᓐᓂ;

ᓂᕆᔭᖏᑦ ᐊᒻᒪᓗ ᑮᓇᐅᔭᕐᑑᑎᖏᑦ ᐊᑭᓕᕐᑐᑕᐅᓗᑎᒃ ᐊᐅᓚᓕᕈᓂ ᓄᓇᕕᒻᒥ;

ᐃᒻᒥᒎᕐᑐᑦ ᐱᕙᓪᓕᒍᑎᖏᑦ ᐃᓚᐅᑎᓪᓗᒋᑦ ᐱᔭᕆᐊᑭᓪᓂᓯᒪᔪᑦ ᐃᓄᑐᖃᐅᒍᑎᑖᕐᑕᐅᑎᑦᓴᐃᑦ;

ᐅᓇᒻᒥᓇᕐᓵᕈᑎᑎᑦ ᐊᐅᓪᓚᑎᒃᑭᑦ ᐅᕗᖓ:

ᐱᓇᓱᑦᑎᓕᕆᔩᑦ ᐊᓪᓚᕕᖓ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᐊᓪᓚᑖᕐᕕᖓᑕ ᐃᑦᓯᕕᖓᑕ ᑭᓯᑦᓯᒍᑎᖓ 9

ᑰᒃᔪᐊᖅ ᑯᐸᐃᒃ J0M 1C0

ᐊᓪᓚᕕᑦᓴᒥᒃ ᑐᔪᐃᕕᖓ: 819 964-2975

ᖃᕆᑕᐅᔭᐅᑉ ᐱᑐᑦᓯᒪᐅᑎᖓᑎᒍᑦ ᐊᓪᓚᑖᕐᕕᖓᑕ ᓯᓚᑎᖓ

humanresources@krg.ca

KRG is an equal opportunity employer. In accordance with this and with the James Bay and Northern Québec Agreement, conditions

may vary to promote the employment of Inuit candidates.

Only candidates selected for an interview will be contacted.