ᐱᓇᓱᑦᓱᓕᕆᕕᐅᑉ ᐊᔪᖀᒋᐊᕐᑎᖓᓂᒃ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᒧᓂᓯᐹᓕᑎᑎᑐᑦ ᑎᒥᐅᔪᖅ 55 ᑎᑎᕐᑕᐅᒪᔫᑉ ᖁᓛᓂ ᑲᒪᒋᔭᑦᓴᖃᕐᓱᓂ ᓄᓇᖁᑎᒥᓂ ᑯᐯᒃᒥ. KRG ᕿᓂᕐᑐᖅ ᐱᓇᓱᑦᑎᓴᕐᒥᒃ ᐃᒻᒥᓂᕐᓱᒍᓐᓇᓯᐊᕐᑐᒥᒃ ᐊᒻᒪᓗ ᓇᓗᕐᖁᓀᑦᓱᒥᒃ ᐱᓇᓱᑦᑎᐅᓗᓂᒻ ᐃᒣᑦᑐᒥᒃ:

ᐱᓇᓱᑦᓱᓕᕆᕕᐅᑉ ᐊᔪᖀᒋᐊᕐᑎᖓᓂᒃ

(ᐃᓕᒪᑫᓐᓇᓚᖓᔪᖅ ᐱᓇᓱᒐᖅ)

ᐱᓇᓱᑦᑐᓕᕆᕕᐅᑉ ᑲᒪᔨᖓᑕ ᐊᑖᓃᓪᓗᓂ, ᐊᔪᖀᒋᐊᕐᑎ ᑲᒪᖃᑕᐅᓲᖑᓚᖓᔪᖅ ᐱᓇᓱᖃᑎᖃᕐᓗᓂ ᐱᓇᓱᕝᕖᑦ ᑲᒪᔨᖏᓐᓂᒃ ᐊᒻᒪᓗ ᐊᐅᓚᑦᓯᔨᐅᖃᑕᐅᔪᐃᑦ ᐊᓯᖏᑦ ᐃᑲᔪᕐᑐᕈᒪᓗᒋᑦ ᐊᒻᒪᓗ ᐊᔪᖀᒋᐊᕐᐸᓗᒋᑦ ᐱᓇᓱᑦᑐᓕᕆᓂᓕᒫᓅᓕᖓᔪᓂᒃ ᐆᑦᑑᑎᒋᓗᒍ ᐱᓇᓱᑦᑎᓴᕐᓯᐅᓂᖅ ᐊᒻᒪᓗ ᐱᓇᓱᑦᑎᖑᒋᐅᕐᑐᓂᒃ ᑕᓯᐅᕐᓯᓂᖅ, ᑮᓇᐅᑦᔭᓵᓕᕆᓂᖅ, ᐃᓂᕐᑎᕆᓂᖅ ᐊᒻᒪᓗ ᐱᓇᓱᐊᕐᑏᑦ ᐱᑦᔪᔭᐅᒍᑎᓕᕆᔭᐅᒍᑎᖏᓐᓂᒃ. ᐱᓇᓱᑦᑐᓕᕆᕕᐅᑉ ᐊᔪᖀᒋᐊᕐᑎᖓ ᑲᒪᓲᖑᒐᔭᕐᒥᔪᖅ ᐱᓇᓱᑦᑏᑦ ᐊᐱᕐᓲᑎᖏᓐᓂᒃ ᐱᓇᓱᑦᑐᓕᕆᓂᕐᓅᓕᖓᔪᓂᒃ. ᐱᓗᐊᕐᑐᒥ ᐱᓇᓱᑦᑐᓕᕆᕕᐅᑉ ᐊᔪᖀᒋᐊᕐᑎᖓ ᐃᒣᓘᓲᖑᒐᔭᕐᑐᖅ:

• ᐃᑲᔪᕐᓗᓂ ᐊᒻᒪᓗ ᐊᔪᖀᒋᐊᕐᐸᓗᓂ ᐱᓇᓱᑦᑎᓅᓕᖓᔪᓕᒫᓂᒃ, ᑐᑭᓯᓇᕐᑎᓯᒋᐊᕐᐸᓗᓂ ᐊᒻᒪᓗ ᐊᑑᑎᑎᑦᓯᓯᐊᕐᐸᓗᓂ ᐱᓇᓱᑦᑏᑦ ᐊᖏᖃᑎᒌᒍᑎᖓᓃᑦᑐᓂᒃ ᐊᒻᒪᓗ ᐊᐅᓚᑦᓯᓂᕐᒦᑐᐃᑦ ᐱᓇᓱᒍᑎᖏᑦᑕ ᖃᓄᐃᓕᖓᓂᖏᑦ, ᒪᓕᒐᖏᑦ ᐊᒻᒪᓗ ᐱᐅᓯᑦᓴᓕᐊᕆᔭᐅᓯᒪᔪᑦ;

• ᐊᐅᓚᑦᓯᓗᓂ ᐱᓇᓱᑦᑎᓴᕐᓯᐅᕈᓯᕐᒥᒃ: ᐱᓇᓱᑦᑎᑖᕈᒪᐅᑏᑦ, ᖃᐅᔨᓴᕐᓂᖅ ᐃᓕᒐᓱᐊᕐᑐᓂᒃ ᐊᒻᒪᓗ ᐱᓇᓱᑦᑎᖑᒋᐅᕐᑐᓂᒃ ᑕᓯᐅᕐᓯᓂᕐᒥᒃ ᐊᒻᒪᓗ ᐆᑦᑐᕋᕐᑕᐅᓂᖏᓐᓂ ᐃᑉᐱᒍᓱᖃᑦᑕᓗᓂ;

• ᑲᒣᓐᓇᖃᑦᑕᓗᓂ ᐊᒻᒪᓗ ᐅᓪᓗᒥᓂᑕᖕᖑᐃᖃᑦᑕᓗᓂ ᐱᓇᓱᑦᑏᑦ ᐊᓪᓚᖁᑎᖏᓐᓂᒃ ᐊᒻᒪᓗ ᑐᓴᕐᑎᓯᐅᑎᓕᐅᖃᑦᑕᓗᓂ ᐊᒻᒪᓗ ᑭᓯᑕᐅᒪᔪᓕᐅᖃᑦᑕᓗᓂ, ᒋᐊᖃᓕᑐᐊᕈᓂ;

• ᐊᐅᓚᑦᓯᖃᑦᑕᓗᓂ ᐱᓇᓱᑦᑏᑦ ᐊᓪᓚᖁᑎᓕᒫᖏᓐᓂᒃ: ᑮᓇᐅᑦᔭᓵᓕᕆᓂᖅ, ᐱᕙᓪᓕᐅᑎᑖᑦ, ᐃᓄᑐᖃᐅᒍᑎᑖᕐᑕᒍᑏᑦ, ᐋᓐᓂᓯᒪᔪᑖᕐᑕᕈᑏᑦ, ᐱᓇᓱᑦᑎᐅᒍᓐᓀᑖᕐᑕᕈᑏ, ᑌᒫᓚᑳᖅ;

• ᕿᒥᕐᕈᕙᓪᓗᓂ ᐊᒻᒪᓗ ᓄᑕᐅᓯᓕᕐᑎᕆᕙᓪᓗᓂ ᐱᓇᓱᒐᕐᓂᒃ ᒪᓂᔨᒍᑎᓂᒃ, ᐱᓇᓱᒐᕐᒥᒃ ᓇᐅᑦᓯᑐᐃᓯᓗᓂ ᐊᒻᒪᓗ ᐃᑲᔪᕐᓗᓂ ᐊᒻᒪᓗ ᐊᔪᖀᒋᐊᕈᑎᖃᕐᓗᓂ ᐃᓱᐃᓗᑕᐅᔪᓂᒃ ᓇᓪᓕᖁᐊᕇᑦᑎᑕᐅᓂᕐᓅᓕᖓᔪᓂᒃ ᐊᒻᒪᓗ ᐱᓇᓱᕝᕕᐅᑉ ᐃᓗᐊᒍᑦ ᓇᒻᒪᖁᐊᒌᑦᑎᓯᓂᕐᓅᓕᖓᔪᓂᒃ;

• ᐃᑲᔪᕐᑐᖃᑦᑕᓗᓂ ᐊᖏᖃᑎᒌᒍᑎᐅᒐᓱᐊᕐᑐᓂᒃ ᐊᑦᔨᒌᖕᖏᓱᓄᑦ ᐱᓇᓱᑦᑏᑦ ᐊᖏᖃᑎᒌᒍᑎᖓᓅᓕᖓᔪᓂᒃ ᐊᒻᒪᓗ ᐃᓄᑑᓈᕐᑎᑐᐃᑦ ᐊᖏᖃᑎᒌᒍᑎᖏᓐᓂᒃ;

• ᐃᑉᐱᒍᓱᑦᓯᐊᖃᑦᑕᓗᓂ ᒪᓕᑦᑕᐅᒋᐊᓕᓐᓂᒃ ᐱᖁᔭᑎᒍᑦ ᐊᒻᒪᓗ ᒪᓕᒐᓕᐊᖑᓯᒪᔪᓕᒫᑦ;

• ᐊᓯᖏᓐᓂᒃ ᐱᓇᓱᐊᖃᑦᑕᓗᓂ ᒋᐊᖃᓕᑐᐊᕈᓂ.

ᐅᑯᓂᖓ ᐱᓯᒪᒋᐊᓕᒃ:

• ᐃᓕᓐᓂᐊᕕᕐᔪᐊᒥ ᐱᔭᕇᕐᓂᐅᑎᑖᕐᓯᒪᓗᓂ ᐱᓇᓱᒐᑦᓴᐅᑉ ᒥᑦᓵᓅᓕᖓᔪᒥᒃ (ᐱᓇᓱᖃᑦᑕᓯᒪᔭᖏᑦ ᐱᓇᓱᒐᑦᓴᐅᑉ ᒥᑦᓵᓅᓕᖓᔪᒥᒃ ᐃᓱᒪᒋᔭᐅᓛᕐᒥᔪᑦ);

• ᐊᕐᕌᒍᓂ 5-ᓂᒃ ᐱᓇᓱᑦᑎᐅᓯᒪᒌᕆᐊᓕᒃ ᐱᓇᓱᒐᕐᒥ ᒪᓂᔭᐅᔪᒥᒃ;

• ᐃᓕᑕᕆᔭᐅᒪᑦᓯᐊᓗᓂ ᐃᓅᖃᑎᖃᕈᓐᓇᕆᐊᖓ ᐊᒻᒪᓗ ᐅᖃᖃᑎᖃᑦᓯᐊᕈᓐᓇᕆᐊᖓ ᐅᖄᒍᓐᓇᓂᒃᑯᑦ ᐊᒻᒪᓗ ᐊᓪᓚᒍᓐᓇᓂᒃᑯᑦ ᐊᒻᒪᓗ ᐸᕐᓇᓯᑎᐅᒍᓐᓇᓗᓂ, ᐃᓂᓪᓚᑎᕆᑦᓯᐊᒍᓐᓇᓗᓂ ᐊᒻᒪᓗ ᐋᕐᕿᖃᑦᑕᐅᑎᑦᓯᑎᐊᕈᓐᓇᓗᓂ;

• ᐊᑐᕈᓐᓇᓗᓂ Microsoft Office Suite-ᒥᒃ;

• ᐊᓪᓚᕈᓐᓇᓗᓂ ᐊᒻᒪᓗ ᐅᖄᒍᓐᓇᓗᓂ ᒪᕐᕉᔪᐊᖑᑦᑕᓚᐅᕐᐸᑏᒃ ᐅᖃᐅᓰᑦ ᓇᓪᓕᖏᓐᓂ ᐅᑯᓂᖓ: ᐃᓄᑦᑎᑐᑦ, ᖃᓪᓗᓈᑎᑐᒃ ᐊᒻᒪᓗ ᐅᐃᒍᐃᑎᑐᑦ.

ᐱᓇᓱᕝᕕᖓᑕ ᓇᓃᓐᓂᖓ: ᑰᑦᔪᐊᖅ

ᑮᓇᐅᑦᔭᓵᑦ: ᐃᑭᓐᓂᐹᑦ $89,855 ᐊᕐᕌᒍᑕᒫᑦ – ᐅᓄᕐᓂᐹᑦ $123,554 ᐊᕐᕌᒍᑕᒫᑦ.

ᐱᕙᓪᓕᖁᑎᑖᖏᑦ: ᐃᓅᒐᓱᐊᕐᓂᐅᑉ ᑮᓇᐅᔭᕐᑐᓂᖓᑕ ᐊᑭᑦᑐᐸᓪᓕᐊᓂᖓᓄᑦ $8,500/ᐊᕐᕌᒍᑕᒫ

ᓂᕿᓄᑦ ᐃᑲᔫᑏᑦ: ᐃᑭᓐᓂᐹᖃᕐᓱᑎᒃ $4,217/ᐊᕐᕌᒍᑕᒫᑦ

ᐊᕐᕌᒍᑕᒫᑦ ᐊᐅᓪᓚᕈᓐᓇᓗᓂ: ᐊᒥᓲᓂᕐᐸᐅᑎᓪᓗᒍ ᐱᖓᓱᕕᒍᓐᓇᓗᓂ ᐃᓄᒃ ᐊᑕᐅᓯᖅ ᐊᕐᕌᒍᑕᒫᑦ;

ᐱᔭᕆᐊᑭᓪᓕᑎᕐᓯᒪᔪᑦ ᑮᓇᐅᔭᕐᑖᑕᕈᑎᑦᓭᑦ: 7% ᐱᓇᓱᑦᑎᓯᔪᕐᒧᑦ

ᐱᓇᓱᑦᑏᑦ ᐃᒻᒪᖃᐅᑎᖏᑦ

ᕿᑲᑫᓐᓇᕈᓐᓇᕕᖏᑦ: 30 ᐅᓪᓗᐃᑦ

ᕿᑲᑫᓐᓇᕕᐅᓲᑦ ᐱᓇᓱᑦᑎᓄᑦ ᐅᓪᓗᐃᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᕿᑎᖕᖑᒥ ᕿᑲᑫᓐᓇᓀᑦ

ᐃᓕᒐᓱᐊᕈᒪᒍᕕᑦ ᐱᓇᓱᐊᓕᓂᕐᐱᑦ ᓇᓗᓀᕐᓯᐅᑎᖏᑦ ᑐᔫᑎᒋᓗᒋᑦ 5:00-ᖕᖑᓚᐅᕐᑎᓇᒍ, ᒪᑦᔨ 6, 2025-ᒥ ᐅᕗᖓ:

ᐱᓇᓱᑦᑐᓕᕆᔩᑦ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ

ᐊᓪᓚᑖᕐᕕᖓᑕ ᑭᓯᑦᓯᑎᖓ 9

ᑰᑦᔪᐊᖅ, ᑯᐯᒃ JOM 1CO

ᖃᕆᑕᐅᔭᒃᑯᑦ ᐊᓪᓚᕕᖓ: humanresources@krg.ca

ᓱᑲᑦᑐᑰᕈᑎᖓᑕ ᑭᓯᑦᓯᑎᖓ: (819) 964-2975

KRG-ᑯᑦ ᓇᓪᓕᖁᐊᒌᑎᓯᓂᑎᒍᑦ ᐱᓇᓱᕝᕕᐅᓲᖅ. ᒪᓕᑦᓱᒍ ᑖᓐᓇ ᐊᒻᒪᓗ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᓐᓂᖓ, ᐱᐅᓯᖃᑐᐃᓐᓇᕆᐊᓕᒃ ᓯᕗᓪᓕᐅᔨᓂᕐᒥᒃ ᐱᓇᓱᑦᑎᓯᓂᕐᒥᒃ ᐃᓄᑐᐃᓐᓇᒥᒃ ᐃᓕᒐᓱᐊᕐᑐᒥᒃ.

ᐃᓕᒐᓱᐊᕐᑐᐃᑦ ᐅᓇᑕᒡᒑᑕᐅᔪᑦ ᐊᐱᕐᓱᑲᑦᑕᑕᐅᔪᑦᓴᐅᓂᕐᒧᑦ ᐅᖄᕕᐅᖕᖑᓱᑦᑐᑦ