ᐱᓇᓱᑦᑎᓕᕆᕕᒻᒥ ᐊᐅᓚᑦᓯᔨᒃ – ᓄᓇᕕᒻᒥ ᐳᓖᓰᑦ ᐱᒍᑦᔨᕕᖓ - KRG

ᐊᐅᓚᑦᓯᔨᒃ

ᐱᓇᓱᒐᖅ ᐅᒃᑯᐃᖔᕐᑐᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ, ᑎᒥᐅᔪᖅ ᐊᐅᓚᑦᓯᓱᓂ ᓄᓇᓕᐊᕈᕐᓂᒃ ᓄᓇᖁᑎᖃᕐᓱᓂ 55 ᐃᑰᑕᖓᑕ ᑕᕐᕋᖓᓂ, ᒫᓐᓇ ᕿᓂᕐᖁᑦ ᐱᒍᓇᐅᑦᓯᖓᑦᓯᐊᑐᒥᒃ ᕿᑦᑌᖓᑦᓯᐊᑐᒥᓗ ᐃᓄᒻᒥᒃ ᐃᓚᐅᒍᒪᔪᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐱᓇᓱᐊᕐᓗᓂ ᐅᑯᓂᖓ:

ᐱᓇᓱᑦᑎᓕᕆᕕᒻᒥ ᐊᐅᓚᑦᓯᔨᒃ – ᓄᓇᕕᒻᒥ ᐳᓖᓰᑦ ᐱᒍᑦᔨᕕᖓ

(ᐊᑌᓐᓇᑐᖅ-ᐅᓪᓗᓕᒫᕐᓯᐅᑎᒃ)

ᐊᖓᔪᕐᖄᖃᕐᓱᓂ ᑐᑭᒧᐊᑦᑎᓯᔨᖓᓂᒃ ᐱᓇᓱᑦᑎᓕᕆᕕᒻᒥ ᐊᒻᒪᓗ ᐱᓇᓱᖃᑎᖃᕐᓱᓂ ᐱᓇᓱᑦᑎᓕᕆᕕᐅᑉ ᐃᒫᙰᕐᑎᖓᓂᒃ, ᐱᓇᓱᑦᑎᓕᕆᕕᒻᒥ ᐊᐅᓚᑦᓯᔨᒃ ᑲᒪᒋᔭᑦᓴᔭᓕᒃ ᑲᒪᒋᔭᖃᕐᓗᓂ ᓄᑕᐅᓯᓕᕆᕙᓪᓗᓂᓗ ᐱᓇᓱᑦᑏᑦ ᐊᓪᓚᖁᑎᖏᓐᓂᒃ ᐊᒻᒪᓗ ᐃᑲᔪᕐᓯᓗᓂ ᐱᓇᓱᑦᑎᓂᒃ ᐃᓄᑐᖃᐅᓂᕐᒧᑦ ᕿᑲᕈᓐᓇᐅᑎᑖᕈᑎᓴᔭᓕᒫᖏᓐᓂᒃ, ᐱᕙᓪᓕᖁᑎᓂᒃ, ᐃᓚᐅᒻᒥᑎᓪᓗᒋᑦ ᓇᓪᓕᑐᐃᓐᓇᖏᑦ ᐱᓇᓱᑦᑎᓕᕆᓂᕐᒧᑦ ᐱᓀᓗᑕᓂᒃ. ᐱᓇᓱᑦᑎᓕᕆᕕᒻᒥ ᐊᐅᓚᑦᓯᔨᒃ ᑲᒪᒋᔭᑦᓴᖃᕐᓂᐊᑐᖅ ᐅᑯᓂᖓ, ᑖᒃᑯᑑᒐᑎᓗ, ᐅᑯᐊ:

ᑲᒪᒋᒋᐊᓕᖏᑦ:

• ᐃᑲᔪᕐᓯᓗᓂ ᐱᓇᓱᑦᑎᓕᕆᕕᒻᒥ ᐃᒫᙰᕐᑎᖓᓂᒃ ᐱᓇᓱᑦᑎᓕᕆᓂᕐᒧᓕᖓᔪᓂᒃ ᐱᓇᓱᑦᑎᑖᕐᓂᒥᓗ ᖃᓄᐃᓗᕈᓯᕐᓂᒃ.

• ᐊᓪᓚᕙᓪᓗᓂ ᓄᑕᐅᓯᓕᕆᕙᓪᓗᓂᓗ ᐱᓇᓱᑦᑏᑦ ᐊᓪᓚᖁᑎᖏᓐᓂᒃ.

• ᐱᓇᓱᑦᑎᓕᕆᕕᒻᒥ ᐱᐅᓕᐊᕐᑕᐅᕕᖓᓃᑦᑐᓂᒃ ᒫᓐᓇᖃᒻᒥᐅᓂᕐᐸᓂᒃ ᓱᓕᑦᓯᐊᑐᓂᓗ ᐊᓪᓚᖁᑎᖓᕐᑎᓯᓗᓂ, ᖃᐅᔨᒋᐊᕐᐸᓗᓂ ᓄᑕᐅᓯᓕᕆᕙᓪᓗᓂᓗ ᐊᓪᓚᖁᑎᓂᒃ ᐱᐅᓕᐊᕐᑕᐅᔪᓂᒃ ᕆᐊᖃᓕᕈᓂ.

• ᐊᓪᓚᖃᑦᑕᓗᓂ ᐱᓇᓱᑦᑎᓄᓕᖓᔪᓂᒃ ᑐᑭᓯᒪᔭᐅᒋᐊᓕᓐᓂᒃ, ᐅᑦᑑᑎᒋᓗᒍ ᐱᓇᓱᑦᑎᑖᕆᔭᐅᔪᓂᒃ, ᐊᓯᐊᓅᕐᑐᓂᒃ, ᓄᕐᖃᑐᓂᒃ, ᐊᓯᖏᓐᓂᓗ.

• ᐱᔭᕆᕐᓗᓂ, ᑕᑯᒋᐊᕐᓗᓂ, ᐱᓇᓱᐊᕐᓗᓂᓗ ᑕᑕᕐᓴᒐᕐᓂᒃ ᐊᓪᓚᖁᑎᓂᓗ ᐊᐅᓚᑕᐅᓂᖏᓐᓂᒃ ᐱᕙᓪᓕᖁᑏᑦ ᐅᑦᑑᑎᒋᓗᒋᑦ ᐃᓄᑐᖃᐅᓂᕐᒧᑦ ᕿᑲᕈᓐᓇᐅᑎᓂᒃ ᐸᕐᓀᕈᑏᑦ, ᐊᒥᓱᐃᖑᔪᓄᑦ ᐃᒻᒪᖃᐅᑎᓂᒃ, ᐱᓇᓱᑦᑏᑦ ᐊᑭᓕᕐᑕᐅᒍᑎᖏᓐᓂᒃ, ᐱᓇᓱᖕᖏᑑᒋᒃᑯᑎᒧᑦ ᐃᒻᒪᖃᐅᑎᓂᒃ, ᐊᓯᖏᓐᓂᓗ.

• ᐱᔭᕆᕐᓗᓂ ᐃᓘᓐᓇᓕᒫᖏᓐᓂᒃ ᑕᑕᕐᓴᒐᕐᓂᒃ ᐱᓇᓱᑦᑎᒧᓕᖓᔪᓕᒫᓂᒃ ᕿᑲᓯᔪᓂᒃ (ᐱᐊᕋᕐᑖᓂᕐᒧᑦ, ᐊᑖᑕᕈᕐᓂᒧᑦ, ᐊᓯᖏᓐᓂᓗ ᕿᑲᕈᑎᓂᒃ).

• ᓄᑕᐅᓯᕆᕙᓪᓗᓂ ᑭᓇᒃᑰᓂᖏᓐᓂᒃ ᐱᓇᓱᑦᑏᑦ ᐊᓪᓚᓯᒪᔪᓂᒃ.

• ᐊᑐᐃᓐᓇᕈᕐᑎᕆᓗᓂ ᑐᓂᔨᓗᓂᓗ ᑭᓯᑕᐅᒪᒍᑎᓂᒃ ᑐᓴᕐᑎᓯᒍᑎᓂᓗ.

• ᑐᓂᔨᓗᓂ ᓇᓪᓕᑐᐃᓐᓇᖏᓐᓂᒃ ᑐᑭᓯᒪᔭᐅᒋᐊᓕᓐᓂᒃ ᐊᓪᓚᓯᒪᔪᓂᓗᓐᓃᑦ ᐱᔭᐅᒋᐊᓕᓐᓂᒃ ᐊᑐᓕᕐᑎᑕᐅᒪᔪᓂᒃ ᑲᑐᑦᔨᖃᑎᒌᓐᓂᒧᑦ ᐊᖏᖃᑎᒋᒍᑎᓄᑦ.

• ᐃᓯᓕᕙᓪᓗᓂ ᐊᓪᓚᑕᐅᒪᒍᑎᓂᒃ ᐃᓂᓕᐅᕈᑎᒧᑦ ᖃᕆᑕᐅᔭᑎᒍᑦ (TMS).

• ᑲᒪᒋᔭᖃᕐᐸᓗᓂ ᑎᒥᒥᒍᑦ ᓱᕐᖃᔦᕐᑐᓄᑦ ᑐᑦᓯᕋᐅᑎᓕᐊᖑᔪᓂᒃ.

• ᓂᕕᖕᙰᕙᓪᓗᓂ ᐱᓇᓱᒐᕐᓂᒃ ᐅᒃᑯᐃᖔᓕᕐᑐᓂᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ (ᓄᓇᕕᒻᒥ ᐳᓖᓰᑦ ᐱᒍᑦᔨᕕᖓᓂ) ᐊᒻᒪᓗ ᐊᓯᖏᓐᓂ ᑕᑯᑦᓴᐅᑎᑦᓯᕕᓐᓂ ᐊᒻᒪᓗ ᐃᒻᒥᒍᕐᑐᓂᒃ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᓐᓂ.

• ᕿᒥᕐᕈᓗᓂ, ᐃᓂᓪᓚᑎᕆᓗᓂ, ᐊᐅᓚᑦᓯᓗᓂᓗ ᐱᒍᑦᔨᕕᐅᑉ ᖃᕆᑕᐅᔭᑎᒍᑦ ᐊᓪᓚᕕᐅᒍᑎᖏᓐᓂᒃ.

• ᐊᐱᕐᓱᑲᑦᑕᓂᑦᓴᓂᒃ ᐋᕐᕿᓱᐃᖃᑎᖃᕐᓗᓂ ᐱᓇᓱᑦᑎᑖᕋᓱᑦᑐᐃᑦ ᐊᐅᓚᑦᓯᔨᖏᓐᓂᒃ.

• ᐃᑲᔪᕐᓯᓗᓂ ᐱᓇᓱᒐᕐᓂᒃ ᑕᑯᑦᓴᐅᑎᑦᓯᓂᕐᓂᒃ ᐱᓇᓱᑦᑕᐅᔪᓂᒃ.

• ᓂᐅᕕᕐᑕᐅᖁᔭᐅᔪᓂᒃ ᑎᑭᓭᒍᑎᓂᒃ ᐱᓇᓱᐊᕐᓗᓂ ᐊᒻᒪᓗ ᐊᑭᓕᕐᑕᐅᒍᑎᖏᓐᓂᒃ.

• ᐊᓯᖏᓐᓂᒃ ᐱᓇᓱᓪᓗᓂ ᐱᓇᓱᖁᔭᐅᓕᕈᓂ.

ᐱᒍᓐᓇᕆᐊᓕᖏᑦ:

• ᐃᑭᓐᓂᐹᖑᓗᑎᑦ ᑕᓪᓕᒣᑦ (5) ᐊᕐᕌᒍᐃᑦ ᐊᑦᔨᐸᓱᖓᓂᒃ ᐱᓇᓱᑦᓯᒪᓗᓂ ᐅᕝᕙᓗᓐᓃᑦ ᐱᔭᕆᕈᑎᑖᕐᓯᒪᓗᓂ ᐱᓇᓱᒐᕐᒧᓕᖓᔪᒥᒃ. ᐊᑦᔨᐸᓱᖓᓂᒃ ᐃᓕᓐᓂᐊᓯᒪᓂᖅ ᐊᒻᒪᓗ/ᐅᕝᕙᓗᓐᓃᑦ ᐱᓇᓱᑦᑎᐅᓯᒪᓂᖅ ᐱᐅᔫᒐᔭᕐᑐᖅ.

• ᐃᓂᓪᓚᑎᕆᓯᒪᒍᓐᓇᓯᐊᕐᓗᓂ ᐊᒻᒪᓗ ᐱᓀᓗᑕᓂᒃ ᖃᓄᕐᑑᕈᑎᖃᕈᓐᓇᓯᐊᕐᓗᓂ.

• ᖃᐅᔨᒪᑦᓯᐊᓗᓂ ᐊᑐᕈᓐᓇᓯᐊᕐᓗᓂᓗ ᖃᕆᑕᐅᔭᒥᒃ, ᐃᓚᐅᑎᓪᓗᒍ Microsoft Suite.

• ᖃᐅᔨᒪᓗᓂ Dayforce-ᒥᒃ ᐱᐅᔫᒐᔭᕐᑐᖅ.

• ᐱᓇᓱᓕᓂᐅᓗᓂ ᐊᑐᕐᓗᓂ HRIS-ᒥᒃ (ICO) ᐱᐅᔫᒐᔭᕐᑐᖅ.

• ᐅᖄᒍᓐᓇᓯᐊᕐᓗᓂ ᐊᓪᓚᒍᓐᓇᓯᐊᕐᓗᓂᓗ ᒪᕐᕈᔪᐊᓐᓂᒃ (2) ᐅᖃᐅᓰᓐᓂᒃ ᐅᑯᐊᖑᑎᓪᓗᒋᑦ ᐅᖃᐅᓰᑦ: ᐃᓄᒃᑎᑐᑦ, ᖃᓪᓗᓈᑎᑐᑦ, ᐊᒻᒪᓗ ᒍᐃᒍᐃᑎᑐᑦ.

ᓇᓂᓐᓂᖓ ᐱᓇᓱᒐᐅᑉ: ᑰᑦᔪᐊᖅ, ᑯᐯᒃ

ᑮᓇᐅᑦᔭᓵᖏᑦ: ᐃᑭᓂᓐᓂᐹᑦ: $85,106.84, ᐅᓄᕐᓂᐹᑦ: $117,009.62

ᐱᕙᓪᓕᖁᑎᖏᑦ*:

• ᐃᓅᒐᓱᐊᕐᓂᒧᑦ ᐊᑦᔨᐅᖏᑦᑐᒦᓐᓂᒧᑦ: $8500.40/ᐊᕐᕌᒍᓕᒫᒥ

• ᓂᕿᑎᒍᑦ ᐃᑲᔪᕐᓯᒍᑏᑦ: ᐃᑭᓐᓂᐹᖑᓗᑎᑦ $4 398.35 /ᐊᕐᕌᒍᓕᒫᒥ

• ᐊᕐᕌᒍᑕᒫᑦ ᐊᐅᓪᓚᕈᑏᑦ: ᐅᓄᕐᓂᐹᖅ 3ᕕᓪᓗᑎᑦ ᐊᑕᐅᓯᕐᒧᑦ ᐃᓄᒻᒧᑦ;

• ᐱᔭᕆᐊᑭᓪᓕᑎᕐᓯᒪᔪᖅ ᐃᓄᑐᖃᐅᓂᕐᒧᑦ ᕿᑲᕈᓐᓇᐅᑎᖏᑦ;

• ᐊᒥᓱᐃᓄᑦ ᐃᒻᒪᖃᐅᑎᖏᑦ;

• ᕿᑲᕐᓀᑦ: 30 ᐅᓪᓗᐃᑦ

• ᐅᓪᓗᐃᑦ ᕿᑲᕐᓀᑦ ᐋᕐᕿᑕᐅᒪᒋᕐᑐᑦ: 20 ᐅᓪᓗᐃᑦ, ᐃᓚᐅᑎᓪᓗᒋᑦ 10 ᕿᑎᖕᖑᒥ

ᐱᓇᓱᑦᑎᓕᕆᕕᒃ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ

P.O. Box 9

ᑰᑦᔪᐊᖅ ᑯᐯᒃ J0M 1C0

ᓱᑲᑦᑐᑰᕈᑎᒃ: 819-964-2975

ᖃᕆᑕᐅᔭᑎᒍᑦ ᓯᓚᑎᖓ: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᑦᔨᒌᑦᑎᓯᕗᖅ ᐱᓇᓱᒐᕐᑖᕋᓱᑦᑐᓂᒃ. ᒪᓕᑦᓱᑎᑦ ᑖᑦᓱᒥᖓ ᐊᒻᒪᓗ ᔦᒻᔅ ᐯ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᖓᓂᒃ, ᖃᓄᐃᓕᖓᓂᖏᑦ ᐊᑦᔨᐅᖏᑦᑑᑐᐃᓐᓇᕆᐊᖃᕐᖁᑦ ᐱᓇᓱᒐᕐᑖᑎᑦᓯᒐᓱᓐᓂᒧᑦ ᐃᓄᓐᓂᒃ ᐱᓇᓱᒐᕐᑖᕋᓱᑦᑐᓂᒃ.

ᐱᓇᓱᒐᕐᑖᕋᓱᑦᑐᐃᑦ ᐊᐱᕐᓱᑲᑦᑕᑕᐅᓱᖕᖑᔪᐃᑦ ᑭᓯᐊᓂ ᐊᔾᓚᕕᐅᓛᕐᖁᑦ.