ᐃᖏᕐᕋᓯᑎᑦᓯᓂᕐᓂᒃ ᐊᒻᒪᓗ ᐃᓱᕐᕆᐅᑎᓂᒃ ᑲᒪᔨ ᑕᒫᓂ ᖃᕆᑕᐅᔭᒃᑰᑎᑦᓯᐅᑎᓄᑦ ᑭᒡᒐᑐᕐᕕᒥᒃ - KRG

ᐱᓇᓱᐊᕋᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (ᑫᐋᔩ) ᐊᒥᓱᐃᓂᒃ ᓄᓇᓕᓐᓂᒃ ᑲᒪᒋᔭᖃᕐᓱᓂ ᑎᒥᐅᕗᖅ ᐊᐅᓚᑦᓯᓂᖃᕐᓱᓂ ᓄᓇᒥᒃ ᑯᐯᑉ ᑕᕐᕋᖓᓂ 55 ᖁᓛᓂ. ᕿᓂᓕᕐᒥᔪᒍᑦ ᐱᔪᑦᓴᐅᔮᑦᓯᐊᑐᒥᒃ ᐊᒻᒪᓗ ᕿᑦᑌᖓᔪᒥᒃ ᐱᓇᓱᑦᑎᓴᒥᒃ ᐃᓚᒋᓕᐅᑎᒍᒪᔪᒥᒃ ᑫᐋᔩᑉ ᐱᓇᓱᑦᑎᖏᓐᓄᑦ ᐱᓇᓱᐊᕐᓗᓂ ᐃᒣᑦᑑᓗᓂ:

ᐃᖏᕐᕋᓯᑎᑦᓯᓂᕐᓂᒃ ᐊᒻᒪᓗ ᐃᓱᕐᕆᐅᑎᓂᒃ ᑲᒪᔨ

ᑕᒫᓂ ᖃᕆᑕᐅᔭᒃᑰᑎᑦᓯᐅᑎᓄᑦ ᑭᒡᒐᑐᕐᕕᒥᒃ

(ᐃᓂᖓ ᐊᑌᓐᓇᑑᑦᓱᓂ)

ᐊᖓᔪᕐᖄᖃᕐᓗᓂ ᓇᔪᕐᑕᒥᓃᑦᑐᓂᒃ ᐃᖏᕐᕋᑎᑦᓯᓂᕐᓂᒃ ᑲᔪᓯᑎᑦᓯᔨᒥᒃ, ᐃᖏᕐᕋᓯᑎᑦᓯᔨ ᐊᒻᒪᓗ ᐃᓱᕐᕆᐅᑎᓂᒃ ᑲᒪᔨ ᓴᐳᑦᔨᓯᒪᓲᖅ ᐊᒻᒪᓗ ᖃᓄᐃᓕᖕᖓᑎᑦᓯᑌᓕᑦᓱᓂ ᑫᐋᔩᑉ ᑐᓴᐅᒪᖃᑦᑕᐅᑎᑦᓯᒍᑎᖏᓐᓂᒃ ᑭᒡᒐᑐᕈᑕᐅᔪᓂᒃ ᓄᓇᓕᓐᓂ ᐊᐅᓚᑦᓯᔨᓂᒃ, ᐱᓇᓱᕝᕕᓂᒃ ᐊᒻᒪᓗ ᐊᓇᕐᕋᓕᓐᓂᒃ. ᐱᓇᓱᐊᖃᑎᖃᑦᓯᐊᓲᒍᒻᒥᔪᖅ ᑫᐋᔩᑉ ᐱᑐᑦᓯᒪᑎᑦᓯᐅᑎᖏᑦᑕ ᐃᖏᕐᕋᓂᖏᓐᓂᒃ ᐊᒻᒪᓗ ᓂᐅᕕᕐᑎᓂᒃ ᑭᒡᒐᑐᕈᑎᓄᑦ ᐱᓇᓱᐊᖃᑎᒌᑦᑎᓂᒃ ᐃᑲᔪᕐᓗᒋᑦ ᐅᓪᓗᑕᒫᑦ ᐃᖏᕐᕋᑎᑦᓯᓂᖏᑎᒍᑦ, ᐊᒻᒪᓗ ᐃᖏᕐᕋᓯᑎᑦᓯᓂᖏᑎᒍᑦ ᓄᑖᓂᒃ ᑭᒡᒐᑐᕈᑎᓂᒃ.

• ᐃᓕᐅᕐᙯᕙᓪᓗᓂ ᐊᒻᒪᓗ ᓯᖁᒥᓯᒪᔪᕐᓂᐊᐸᓪᓗᓂ ᐅᑯᓂᖓ ᓄᓇᓕᓐᓂ ᐱᑐᑦᓯᒪᐅᑎᖃᑎᒌᒍᑎᓂᒃ ᐊᒻᒪᓗ ᐃᓚᖏᓐᓂᒃ ᒪᓕᓪᓗᒋᑦ ᓇᓗᓀᕐᑐᓯᒪᔪᑦ ᐋᕐᕿᓯᒪᑦᓯᐊᑎᑦᓯᓂᕐᓄᑦ ᐱᔪᓐᓇᓯᐊᕐᑎᓯᒍᑎᖏᓐᓂᒃ ᐊᒻᒪᓗ ᓴᓇᔪᕕᓃᑦ ᐱᐅᓂᕐᐹᑎᒍᑦ ᐊᑐᕐᑕᐅᒍᑎᓕᐊᕆᓯᒪᔭᖏᓐᓄᑦ ᓇᓗᓀᒃᑯᑌᑦ:

o ᐳᓪᓚᐅᔮᐱᑦᑕᓖᑦ ᖃᕆᑕᐅᔦᑦ ᐊᕐᖁᑎᖏᑦᑕ ᓇᓪᓕᐊᓅᕐᖃᓂᖏᑦ, ᐃᓚᐅᑎᓪᓗᒋᑦ:

• ᐳᓪᓚᐅᔮᐱᑦᑕᓖᑦ ᐊᕐᖁᑏᑦ ᐱᔪᓐᓇᑎᑦᓯᕕᖓ ᐃᓗᓕᓪᓚᕆᖓ

• ᐳᓪᓚᐅᔮᐱᑦᑕᓖᑦ ᖃᕆᑕᐅᔦᑦ ᐊᕐᖁᑎᖏᑦ ᐊᓇᕐᕋᕆᔭᕐᓄᑦ (FTTH) ᐃᓕᐅᕐᖃᔭᐅᓂᖏᑦ

• ᐳᓪᓚᐅᔮᐱᑦᑕᓖᑦ ᖃᕆᑕᐅᔦᑦ ᐊᕐᖁᑎᖏᑦ ᐱᓇᓱᕝᕕᓄᑦ ᐃᓕᐅᕐᖃᔭᐅᓂᖏᑦ

o ᐋᕐᕿᓯᒪᔪᑦ ᐊᑦᓱᓈᖁᑎᖃᖕᖏᑐᑦ ᐱᔪᓐᓇᑎᑦᓯᐅᑏᑦ, ᐱᑐᑦᓯᒪᐅᑎᑎᑦᓯᕖᑦ ᐊᒻᒪᓗ ᐱᑐᑦᓯᒪᕖᑦ (ᐊᑕᐅᑎᔪᓕᐅᕐᓂᖅ ᐊᒻᒪᓗ ᐊᒥᓱᐃᓄᑦ ᐊᑕᐅᑎᔪᓕᐅᕐᓂᖅ ᐋᕐᕿᓯᒪᑎᑦᓯᐅᑎᓂᒃ), ᐃᓚᐅᑎᓪᓗᒋᑦ;

• ᓈᓚᐅᑏᑦ

• ᓇᐸᔪᐃᑦ

• RF ᐊᑦᓱᓈᖁᑏᑦ (LDF, RG, LMR) ᐊᒻᒪᓗ ᐱᑐᑦᓯᒪᑎᑦᓯᐅᑏᑦ

o ᓇᔪᕐᑎᒋᔭᐅᒍᓐᓇᑐᑦ ᓇᓂᓕᒫᖅ ᐊᑦᓱᓈᖁᑎᖃᖕᖏᑐᑦ ᐋᕐᕿᓯᒪᐅᑎᖏᑦ

• LTE (ᐊᑐᐊᕋᑦᓴᓄᑦ ᑭᓯᐊᓂ) ᐃᓕᐅᕐᖃᔭᐅᓂᖏᑦ

• ᐱᓂᒪᖑᐊ ᓇᕿᐊᑎᓇᕿᑎ ᐋᕐᕿᓯᒪᐅᑎᖏᑦ

o ᐋᕐᕿᓱᒪᔪᑦ ᖁᒻᒧᐊᑎᑕᐅᓯᒪᔪᒃᑰᑎᑦᓯᐅᑏᑦ

o Ethernet ᐊᑦᓱᓈᖁᑎᑕᖏᑦ

• ᐃᓕᐅᕐᖃᓗᒋᑦ ᐳᓪᓚᐅᔮᐱᑦᑕᓖᑦ ᖃᕆᑕᐅᔦᑦ ᐊᑦᓱᓈᖁᑎᖏᑦᑕ ᐱᐅᒃᑯᑎᑕᖏᑦ ᐊᒻᒪᓗ ᐃᓚᑦᓴᔭᖏᑦ ᐊᒻᒪᓗ ᐃᓗᓕᖏᑦ ᐆᑦᑑᑎᒋᓗᒋᑦ fiber drops, Ethernet drops, ᒪᖑᑦᑕᕖᑦ ᐊᒻᒪᓗ ᐊᑦᓱᓈᖁᑎᑕᖏᑦ ᓂᐅᕕᕐᑏᑦ ᓇᔪᕐᑕᖏᓐᓂ

• ᖁᐱᐅᕐᙯᓂᖅ ᐊᑦᓱᓈᖁᑎᓂᒃ ᐊᒻᒪᓗ ᐃᓕᐅᕐᖃᓗᒋᑦ drops ᑯᑑᓪᓚᑎᑦᓯᐅᑏᑦ ᓂᐅᕕᕐᑎᒋᐊᓪᓚᓄᑦ;

• ᐃᓕᐅᕐᖃᓗᒋᑦ ᐱᑐᑦᓯᒪᐅᑏᑦ ᐆᑦᑑᑎᒋᓗᒋᑦ ᐃᑭᑦᑕᐅᑏᑦ, ᐊᕐᖁᑎᖃᕐᑎᓯᕖᑦ, ᐱᒋᐊᕐᕖᑦ ᐊᒻᒪᓗ ᐊᓯᖏᑦ ᐃᑉᐱᒋᔭᐅᓗᓂ ᐱᑐᑦᓯᒪᐅᑎᒍᑏᑦ ᐃᖏᕐᕋᓂᖏᓐᓄᑦ ᐱᓇᓱᐊᖃᑎᒌᓄᑦ.

• ᐱᓀᓗᑕᖃᓕᕐᐸᑦ ᓂᐅᕕᕐᑏᑦ ᓇᔪᕐᑕᖏᓐᓂ ᐋᕐᕿᒍᑎᑦᓴᓯᐅᖃᑦᑕᓗᓂ (ᖃᕆᑕᐅᔦᑦ ᐊᕐᖁᑎᖏᑦ, Ethernet ᐊᒻᒪᓗ ᐊᓯᖏᑦ ᓄᑖᔦᑦ ᐱᓇᓱᐊᕈᑏᑦ);

• ᓇᓗᓀᕐᓯᖃᑦᑕᓗᓂ ᓈᒻᒪᖏᑦᑐᓂᒃ ᐊᒻᒪᓗ ᑐᓴᕐᑎᓯᖃᑦᑕᓗᓂ ᐱᑐᑦᓯᒪᐅᑎᒍᑎᓂᒃ ᐊᒻᒪᓗ ᓇᔪᕐᑕᓂ ᐃᖏᕐᕋᑎᑦᓯᔨᓄᑦ ᐱᓇᓱᐊᖃᑎᒌᓄᑦ;

• ᓈᒻᒪᑐᓂᒃ ᐱᑕᖃᕐᑎᓯᖏᓐᓇᓗᓂ ᐊᑐᕋᑦᓴᓂᒃ ᓇᓗᓀᕐᑐᓯᒪᓗᒋᑦ ᐃᓕᐅᕐᖃᓯᒪᔪᑦ ᐱᐅᒃᑯᑏᑦ ᐊᒻᒪᓗ ᐊᑐᕋᑦᓭᑦ ᐊᒻᒪᓗ ᓄᖑᒋᐊᕕᑦᑐᖃᕐᐸᑦ ᖃᐅᔨᑎᑦᓯᖃᑦᑕᓗᓂ;

• ᐱᑐᑦᓯᒪᐅᑎᓂᒃ ᐃᓕᒪᔪᓂ ᓱᒃᑯᑎᑦᓯᑌᓕᓂᕐᓄᑦ ᐱᓇᓱᐊᕐᑕᐅᒋᐊᓕᓐᓂᒃ ᐃᑉᐱᒍᓱᖃᑦᑕᓗᓂ;

• ᐱᓇᓱᐊᖃᑕᐅᖃᑦᑕᓗᓂ ᐱᑐᑦᓯᒪᐅᑎᒍᑎᓂᒃ ᐃᖏᕐᕋᑎᑦᓯᓂᕐᓄᑦ ᐱᓇᓱᐊᕐᕕᒥᒃ (NOC) ᐃᑯᒣᑦ ᖃᒥᖕᖓᓕᕐᐸᑕ, ᐅᐃᒪᓇᕐᑐᖃᓕᕐᐸᑦ ᐊᒻᒪᓗ ᑐᓴᕐᑎᑕᐅᒍᓂ ᐱᓀᓗᑕᕐᓂᒃ;

• ᐃᓚᐅᖃᑦᑕᓗᓂ ᖃᐅᔨᓴᕐᑕᐅᓕᕐᐸᑕ ᓄᑖᑦ ᐱᓇᓱᐊᕈᑏᑦ ᐊᑐᕆᐅᓯᔪᑦ ᐊᒻᒪᓗ ᐱᑐᑦᓯᒪᐅᑎᒍᑎᖃᕐᑎᓯᐅᑏᑦ ᐊᖏᓪᓕᑎᕐᑕᐅᓕᕐᐸᑕ;

• ᓇᔪᕐᑎᖃᖏᓐᓇᓗᓂ ᐱᓇᓱᕝᕕᐅᑉ ᓇᓗᓀᕐᑐᐃᒍᑎᑕᖏᓐᓂᒃ ᑐᑭᓯᐅᑎᑦᓴᓂᒃ ᐊᒻᒪᓗ ᐅᖄᒍᑏᑦ ᐱᑐᑦᓯᒪᐅᑎᒍᑎᖏᓐᓂᒃ ᓈᒻᒪᓈᕐᓯᒪᑎᖏᓐᓇᓗᒋᑦ ᐊᒻᒪᓗ ᓄᑕᐅᓪᓕᑎᖏᓐᓇᓗᒋᑦ ᐊᒻᒪᓗ ᐃᑲᔪᕐᐸᓗᓂ ᓄᐃᑎᕐᑕᐅᓕᕐᐸᑕ ᓱᒍᓐᓇᖏᕐᑐᖃᕐᐸᑦ ᒪᓕᒐᑦᓭᑦ;

• ᑲᔪᓯᑎᑦᓯᖃᑦᑕᓗᓂ ᐊᓯᖏᓐᓂᒃ ᐱᓇᓱᐊᕋᑦᓴᓂᒃ ᕿᓄᒍᑎᖏᓐᓂᒃ ᐊᖓᔪᕐᖄᖓᑕ.

ᐱᔪᓐᓇᕆᐊᓕᖏᑦ

• ᐱᓇᓱᐊᕆᐅᕐᓴᕕᒻᒥ ᐊᓂᒍᐃᒍᑎᑖᕐᓯᒪᓗᓂ ᓄᑖᔭᓂᒃ ᐱᓇᓱᐊᕈᑎᓕᕆᓂᕐᓂᒃ;

• ᐃᑭᓐᓂᐸᐅᑎᓪᓗᒋᑦ ᐊᕐᕌᒍᓂ ᐱᖓᓱᓂ (3) ᑐᓴᐅᒪᐅᑎᓕᕆᓂᕐᓂ ᐱᓪᓗᑯᒋᐊᓕᑦᑎᐅᓗᓂ ᐱᓇᓱᐊᕐᓯᒪᓗᓂ;

• ᓱᖏᐅᓐᓂᖃᑦᓯᐊᓗᓂ ᐱᓇᓱᐊᕐᓯᒪᓗᓂ ᐳᓪᓚᐅᔮᐱᑦᑕᓕᓐᓂᒃ ᐊᑦᓱᓈᖁᑎᓂᒃ ᐃᓕᐅᕐᙯᓂᕐᓂ ᐊᒻᒪᓗ/ᐅᕝᕙᓘᓐᓃᑦ ᓱᖏᐅᓐᓂᖃᕐᓗᓂ ᐊᑦᓱᓈᖁᑎᓕᕆᓂᕐᓂᒃ;

• ᐱᓇᓱᐊᕐᓯᒪᓗᓂ ᐳᓪᓚᐅᔮᐱᑦᑕᓕᓐᓂᒃ ᐊᑦᓱᓈᖁᑎᓂᒃ ᖁᓪᓗᑎᕆᓂᕐᓂᒃ, OTRD, FTTH PON ᐅᕝᕙᓘᓐᓃᑦ GPON, ᐱᓇᓱᐊᕐᓯᒪᒍᓂ Calix technologies-ᓂ ᐃᓱᒪᒋᔭᐅᓚᖓᔪᖅ ᐱᓪᓗᖁᑎᖃᕆᐊᖓ;

• ᐱᓀᓗᑦᓯᔪᓂᒃ ᐋᕐᕿᒍᑎᑦᓴᓕᐅᕐᓯᑎᐅᓗᓂ ᐊᒻᒪᓗ ᓯᕗᓂᐊᒍᑦ ᓂᕆᐅᒋᔭᐅᓯᒪᖕᖏᑐᓂᒃ ᐱᑐᑦᓯᒪᐅᑎᒍᑎᓄᑦ ᐱᓀᓗᑕᕐᓂᒃ ᐋᕐᕿᓱᐃᑲᐱᓯᑎᐅᓗᓂ;

• ᑎᒥᒥᒍᑦ ᐱᓇᓱᐊᕈᓐᓇᓗᓂ ᖃᓄᐃᒍᑎᖃᕈᓐᓀᓗᓂ ᐊᒻᒪᓗ ᓯᓚᕐᓂᓗᒍᓗᐊᕐᐸᑦ ᐃᓛᓐᓂ ᐱᓇᓱᐊᕈᓐᓇᓗᓂ (ᒪᔪᕋᐅᑎᒃᑯᑦ ᒪᔪᕋᖃᑦᑕᓗᓂ, ᐃᓪᓗᐃᑦ ᖁᓛᖏᓐᓅᖃᑦᑕᓗᓂ, ᐊᓯᖏᓪᓗ);

• ᐊᓯᒥᓂᒃ ᖃᐅᔨᒪᔭᒥᓂᒃ ᐃᓕᓐᓂᐊᑎᑦᓯᒍᓐᓇᓗᓂ ᐊᒻᒪᓗ ᑐᑭᓯᑎᑦᓯᒍᓐᓇᓗᓂ ᐱᓪᓗᑯᒋᐊᓕᓐᓂ ᓇᓗᓀᕐᑐᐃᕕᒋᓗᒋᑦ ᓂᐅᕕᕐᑏᑦ ᑐᑭᓯᓇᕐᑎᓯᑦᓯᐊᕋᓗᐊᕐᓗᓂ;

• ᐃᑉᐱᒍᓱᑦᓯᐊᓯᑎᐅᓗᓂ, ᐋᕐᕿᓱᐃᓯᑎᐅᓗᓂ ᐊᒻᒪᓗ ᐱᓇᓱᐊᕈᓐᓇᓯᐊᕐᓗᓂ ᐊᕐᓱᕈᓐᓇᑐᓕᕆᒐᓗᐊᕈᓂ;

• ᓂᐅᕕᕐᑎᓂᒃ ᑭᒡᒐᑐᑦᓯᐊᕋᓱᐊᕐᓯᑎᐅᓗᓂ ᐱᐅᓯᖃᕐᓗᓂ ᑲᒪᑦᓯᐊᕋᓱᐊᕈᓐᓇᓗᓂ;

• ᐱᓇᓱᐊᕆᐊᓕᒥᓂᒃ ᑲᔪᓯᑎᑦᓯᒍᓐᓇᓯᐊᕐᓗᓂ, ᐃᒻᒥᓂᕐᓱᕈᓐᓇᓗᓂ, ᐊᒻᒪᓗ ᐱᒋᐊᕐᕕᓕᑦᓯᑎᐅᓗᓂ ᐊᒻᒪᓗ ᑐᓴᐅᒪᖃᑎᖃᑦᓯᐊᕈᓐᓇᓗᓂ.

• ᐅᖄᒍᓐᓇᓯᐊᕐᓗᓂ ᐊᒻᒪᓗ ᐊᓪᓚᒍᓐᓇᓯᐊᕐᓗᓂ ᒪᕐᕈᐃᖏᓐᓂᒃ ᐅᑯᐊ ᐅᖃᐅᓰᑦ: ᐃᓄᑦᑎᑐᑦ, ᖃᓪᓗᓈᕐᑎᑐᑦ, ᐅᐃᒍᐃᑎᑐᑦ; ᐃᓄᑦᑎᑐᑦ ᐅᖃᐅᓯᕐᒥᒃ ᐱᓇᓱᐊᕈᑎᖃᕈᓐᓇᕈᓂ ᐱᓪᓗᖁᑎᖃᒻᒪᕆᓚᖓᔪᖅ;

• ᐊᕐᕕᑕᕆᐊᖃᓕᕈᓂ ᐊᕐᕕᑕᕈᓐᓇᓯᐊᕐᓗᓂ.

ᑕᕐᕋᒥ 55 ᖁᓛᓂ ᐱᓇᓱᐊᕐᓯᒪᒍᓂ ᐱᓪᓗᖁᑎᖃᒻᒪᕆᓚᖓᔪᖅ.

• ᐱᓇᓱᐊᕐᓂᖏᑦᑕ ᓈᒻᒪᓯᑦᑕᕈᑎᖏᑦ ᐊᒻᒪᓗ ᐱᓇᓱᐊᕐᕕᓴᖏᑦ: 6-3 ᑕᐅᕐᓯᑕᕐᑐᓂᒃ ᐱᓇᓱᐊᕐᕕᖃᕐᐸᓗᓂ: 6 ᐱᓇᓱᐊᕈᓰᑦ ᐱᓇᓱᐊᕐᑐᖅ ᑕᕐᕋᒥ ᓄᓇᓕᓐᓂ (52.5 ᐃᑲᐅᕐᓃᑦ ᐱᓇᓱᐊᕈᓯᑕᒫᑦ), ᑭᖑᓂᖓᒍᑦ 3 ᐱᓇᓱᐊᕈᓰᑦ ᐊᑭᓕᕐᑐᑕᐅᓗᓂ ᐱᓇᓱᒐᕐᒥᓂᒃ ᕿᑲᕐᑐᖅ (35 ᐃᑲᐅᕐᓃᑦ ᐱᓇᓱᐊᕈᓯᑕᒫᑦ)

ᐅᕝᕙᓘᓐᓃᑦ

• ᐱᓇᓱᐊᕐᓂᖏᑦᑕ ᓈᒻᒪᓯᑦᑕᕈᑎᖏᑦ ᐊᒻᒪᓗ ᐱᓇᓱᐊᕐᕕᓴᖏᑦ: 4-2 ᑕᐅᕐᓯᑕᕐᑐᓂᒃ ᐱᓇᓱᐊᕐᕕᖃᕐᐸᓗᓂ ᑕᕐᕋᒥ ᓄᓇᓕᓐᓂ, ᑭᖑᓂᖓᒍᑦ 2 ᐱᓇᓱᐊᕈᓰᒃ ᐊᑭᓕᕐᑐᑕᐅᓗᓂ ᐱᓇᓱᒐᕐᒥᓂᒃ ᕿᑲᕐᑐᖅ (35 ᐃᑲᐅᕐᓃᑦ ᐱᓇᓱᐊᕈᓯᑕᒫᑦ);

ᐱᓇᓱᕝᕕᖓᑕ ᓇᔪᕐᑕᖓ: ᓄᓇᕕᒃ, ᑯᐯᒃ

ᑮᓇᐅᑦᔭᓵᖏᑦ: ᐃᑭᓐᓂᐹᑦ $51,077 ᐅᓄᕐᓂᐹᑦ $86,867 ᐊᕐᕌᒍᑕᒫᑦ (Class 8)

ᐱᕙᓪᓕᖁᑎᑦᓭᑦ: ᑐᔪᕐᒥᐅᒍᑎᖏᑦ ᐊᑭᓕᕐᑐᑕᐅᓗᑎᒃ ᐱᓇᓱᐊᓕᕈᓂ ᑕᕐᕋᒥ ᓄᓇᓕᓐᓂ;

ᓂᕆᔭᖏᑦ ᐊᒻᒪᓗ ᑮᓇᐅᔭᕐᑑᑎᖏᑦ ᐊᑭᓕᕐᑐᑕᐅᓗᑎᒃ ᐊᐅᓚᓕᕈᓂ ᓄᓇᕕᒻᒥ;

ᐱᔭᕆᐊᑭᓪᓕᑎᕐᓯᒪᔪᑦ ᐃᑦᑑᓂᐅᑎᑦᓭᑦ: 6% ᐱᓇᓱᑦᑎᖁᑎᓕᒃ, 4% ᐱᓇᓱᑦᑎ;

ᐱᓇᓱᐊᖃᑎᒌᑦ ᐃᒻᒪᖃᐅᑎᖏᑦ

ᑕᙯᕐᓯᒍᓐᓇᕖᑦ: ᐅᓪᓗᐃᑦ 20 ᐊᕐᕌᒍᒥ;

ᐱᖁᔭᕐᑎᒍᑦ ᕿᑲᕐᓀᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᖁᕕᐊᓱᕝᕕᒥ

ᐱᓇᓱᐊᕈᒪᐅᑎᑎᑦ ᑐᔫᑎᒋᓗᒋᑦ 5:00-ᖕᖑᓚᕐᑎᓇᒍ ᐅᓐᓄᓴᒃᑯᑦ, ᓅᕕᒻᐱᕆ 28, 2025-ᒥ ᐅᕗᖓ:

Human Resources

Kativik Regional Government,

P.O. Box 9

Kuujjuaq, Québec JOM 1CO

Fax: (819) 964-2975

humanresources@krg.ca

ᑖᓐᓇ ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᑦᔨᒌᕆᑦᓯᐊᒥᒃ ᐱᓇᓱᑦᑎᓯᒐᓱᐊᕐᑎ. ᑕᒪᓐᓇ ᒪᓕᑦᓱᒍ ᐱᓇᓱᑦᑏᓪᓗ

ᑲᑐᑦᔨᖃᑎᒌᕆᓐᓂᖓᑕ ᐊᖏᖃᑎᒌᒍᑎᖓ (ᕋᐳᓇ) ᖃᓄᐃᓕᖓᐅᑏᑦ ᐊᑦᔨᒌᖕᖏᑑᑐᐃᓐᓇᕆᐊᓖᑦ ᑫᓪᓚᓱᐃᒐᓱᐊᒧᑦ

ᒪᓄᑐᐃᓐᓇᓂᒃ ᐱᓇᓱᒐᕐᑖᕋᓱᐊᕐᑐᓂᒃ.

ᐅᓇᑕᒃᑳᑕᐅᔪᑦ ᑭᓯᐊᓂ ᐱᓇᓱᒍᒪᔪᓂᑦ ᖃᐅᔨᑎᑕᐅᒐᕐᔭᑐᑦ ᐊᐱᕐᓲᔭᕐᑕᐅᒍᒪᓗᑎᒃ.