ᓴᑑᑎᑦᓴᓂᒃ ᐊᒻᒪᓗ ᐃᓕᒪᓇᕐᑐᓂᒃ ᐊᐅᓚᑦᓯᓂᕐᒥᒃ ᓴᖑᐊᑦᓯᔨ - KRG

ᐱᓇᓱᒐᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᖁᓪᓕᐸᐅᑦᓱᓂ-ᑲᕙᒫᐱᓐᓄᑦ ᑎᒥᐅᕗᖅ ᐊᐅᓚᑦᓯᕕᖃᕐᓱᓂ ᑯᐯᒻᒥ ᓄᓇᒥᒃ 55° ᑕᕐᕋᖓᓃᑦᑐᒥᒃ. ᐱᖁᔭᓕᕆᓂᕐᒥᒃ, ᐃᓄᐃᑦ-ᐃᕐᖃᑐᐃᕕᒃᑰᕈᑎᖏᓐᓂᒃ ᐊᒻᒪᓗ ᑲᕙᒫᐱᓐᓂᒃ ᐊᐅᓚᑦᓯᓂᕐᒥᒃ ᐱᓇᓱᕝᕕᒃ KRG-ᑯᓂ ᐅᓪᓗᒥ ᕿᓂᕐᑐᖅ ᐱᓇᓱᒍᒪᔪᒥᒃ ᐱᓇᓱᑦᑐᓴᐅᑎᓪᓗᒍ ᑰᑦᔪᐊᒥ ᐱᓇᓱᒐᖃᕐᓗᓂ ᒪᑐᒥᖓ:

ᓴᑑᑎᑦᓴᓂᒃ ᐊᒻᒪᓗ ᐃᓕᒪᓇᕐᑐᓂᒃ ᐊᐅᓚᑦᓯᓂᕐᒥᒃ ᓴᖑᐊᑦᓯᔨ

(ᐊᑌᓐᓇᑐᖅ, ᐃᓗᐃᑦᑐᖅ ᐱᓇᓱᒐᖅ)

ᑐᓴᕐᑎᓯᔨᐅᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ ᐱᖁᔭᓕᕆᓂᕐᒥᒃ, ᐃᓄᐃᑦ-ᐃᕐᖃᑐᐃᕕᒃᑰᕈᑎᖏᓐᓂᒃ ᐊᒻᒪᓗ ᑲᕙᒫᐱᓐᓂᒃ ᐊᐅᓚᑦᓯᓂᕐᒥᒃ ᐱᓇᓱᕝᕕᒥ, ᓴᑑᑎᑦᓴᓂᒃ ᐊᒻᒪᓗ ᐃᓕᒪᓇᕐᑐᓂᒃ ᐊᐅᓚᑦᓯᓂᕐᒥᒃ ᓴᖑᐊᑦᓯᔨ ᑲᒪᔨᐅᕗᖅ ᓴᖑᐊᑦᓯᓂᕐᒥᒃ ᐃᓘᓐᓇᖏᓐᓂᒃ ᐊᑦᑐᐊᔪᓕᒫᓂᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᐊᒻᒪᓗ ᑕᕐᕋᒥ ᓄᓇᓖᑦ (NV-ᑯᑦ) ᓴᑑᑎᑦᓴᖃᕈᑎᖏᓐᓂᒃ ᐊᒻᒪᓗ ᐃᓕᒪᓇᕐᑐᓂᒃ ᑲᒪᒍᑎᖏᓐᓂᒃ.

ᐱᓇᓱᐊᑦᓴᖏᑦ

• ᐊᑐᕐᑎᓯᓂᖅ ᐊᒻᒪᓗ ᒪᑭᑕᑦᓯᓂᖅ KRG-ᑯᑦ ᐊᒻᒪᓗ ᑕᕐᕋᒥ ᓄᓇᓖᑦ (NV-ᓕᒫᑦ) ᓴᑑᑎᑦᓴᖃᐅᑎᖏᓐᓂᒃ, ᐃᓚᖃᕐᑎᓗᒍ ᐃᓕᖓᔪᓂᒃ ᐱᖁᑎᓄᑦ ᐊᒻᒪᓗ ᐊᕐᖁᓇᕈᑎᓄᑦ, ᓴᓗᒣᓪᓕᕈᑎᓄᑦ, ᐅᓯᓄᑦ, ᐅᒥᐊᑦ ᐅᒥᐊᕐᑕᖓᓄᑦ ᐊᒻᒪᓗ ᐊᐅᓚᔪᖏᓐᓄᑦ ᐊᒻᒪᓗ ᓴᐳᒻᒥᐅᑎᓄᑦ ᐊᒻᒪᓗ ᓵᑕᐅᒌᒃᑯᑎᓄᑦ

• ᕿᒥᕐᕈᓂᖅ ᐊᒻᒪᓗ ᑲᔪᓯᑎᑦᓯᓂᖅ ᓴᑑᑎᓂᒃ ᑐᑦᓯᕋᐅᑎᓂᒃ, ᓱᕐᖁᐃᓗᓂ ᐅᐸᓗᑦᑕᕋᑎᒃ ᐊᓪᓚᓯᒪᔪᐃᑦ ᓄᐃᓂᖓᓂᒃ

• ᐅᖃᖃᑎᖃᖃᑦᑕᓂᖅ ᓴᑑᑎᓄᑦ ᐃᓱᒪᓕᐅᕐᑎᓂᒃ, ᓴᑑᑎᓂᒃ ᐊᑭᓕᕐᑐᐃᔨᓂᒃ, ᓴᑑᑎᖃᕐᑎᓯᔩᑦ ᑎᒥᖏᓐᓂᒃ, ᑐᑦᓯᕋᐅᑎᓂᒃ ᐋᕐᕿᒋᐊᕐᑎᓯᔨᓂᒃ, ᐊᒻᒪᓗ ᐊᓯᖏᓐᓂᒃ ᒥᑦᓯᖃᕐᒥᔪᓂᒃ ᐊᑦᑐᐊᖃᑕᐅᔪᓂᒃ KRG-ᑯᑦ ᐊᒻᒪᓗ NV-ᑯᑦ ᓴᑑᑎᑦᓴᖃᐅᑎᖏᓐᓄᑦ ᐊᒻᒪᓗ ᑐᑦᓯᕋᐅᑎᖏᓐᓄᑦ

• ᓄᐃᑕᑦᓯᓂᖅ ᑕᓯᐅᕐᓯᒍᑎᓂᒃ KRG-ᑯᑦ ᐱᓇᓱᕝᕕᖏᓐᓄᑦ ᐊᒻᒪᓗ NV-ᓄᑦ ᐱᑦᔪᑎᓕᑎᒍᑦ ᓴᑑᑎᓯᒍᑏᑦ ᐱᒋᐊᓕᖁᑎᖏᓐᓂᒃ ᐃᓕᖓᔪᓂᒃ ᑲᕙᒫᐲᑦ ᐃᖏᕐᕋᑎᑕᖏᓐᓄᑦ, ᐱᐅᒃᒍᑎᖏᓐᓄᑦ, ᐱᓇᓱᑦᑎᖃᕈᑎᖏᓐᓄᑦ ᐊᒻᒪᓗ ᐊᖏᖃᑎᒌᒍᑎᖏᓐᓄᑦ

• ᑐᑭᒧᐊᑦᑎᓯᓂᖅ ᓄᑕᐅᓯᓕᑎᕆᐅᑎᓂᒃ ᓴᑑᑎᖃᕈᑎᓂᒃ, ᓱᕐᖁᐃᓗᓂ ᐱᒋᐊᓕᓕᒫᑦ ᖃᐅᔨᒪᒍᑏᑦ ᓄᐃᑕᐅᓂᖓᓂᒃ ᐅᐸᓗᑦᑎᓇᒋᑦ ᓱᕐᖁᐃᓚᖓᓗᓂ ᓈᒻᒪᑐᓂᒃ ᓴᑑᑎᑦᓴᖃᕐᓂᒥᒃ

• ᒪᑭᑕᑦᓯᓂᖅ ᓄᑖᖑᑦᓭᓇᕐᑐᓂᒃ ᐊᓪᓚᖁᑎᓂᒃ ᐊᒻᒪᓗ ᖃᐅᔨᒪᒍᑎᑯᕕᓐᓂᒃ ᐊᑦᑐᐊᔪᓂᒃ ᓴᑑᑎᑦᓴᖃᕈᑎᓄᑦ ᐊᒻᒪᓗ ᑐᑦᓯᕋᐅᑎᓄᑦ

• ᐃᑲᔪᕐᓂᖅ ᐱᖓᑦᓯᐅᑎᔪᓂᒃ-ᐱᓇᓱᑦᑎᓯᒍᑎᓄᑦ ᐊᒻᒪᓗ ᐊᖏᖃᑎᖃᕈᑎᓄᑦ ᓱᕐᖁᐃᓗᓂ ᐱᑕᖃᕐᓂᖏᓐᓂᒃ ᓈᒻᒪᑐᓂᒃ ᓴᑑᑎᓕᕆᔪᓂᒃ ᐅᖃᐅᓯᖃᕐᓂᖏᓐᓂᒃ ᐊᒻᒪᓗ ᐃᓕᒪᓇᕐᑐᒥᒃ ᐁᑦᑑᑎᖃᕐᓂᐅᑉ ᐋᕐᕿᓯᒪᒍᑎᖏᓐᓂᒃ

• ᐃᓱᐊᕐᑑᑎᑦᓯᓂᖅ ᐊᓪᓚᓂᕐᒥᒃ ᑐᓴᕐᑎᓯᒍᑎᓂᒃ ᐊᒻᒪᓗ ᑐᑭᓯᓂᐊᕈᑎᕕᓂᕐᓂᒃ ᐊᑦᑐᐊᔪᓂᒃ ᓴᑑᑎᓂᒃ ᓄᑕᐅᓯᓕᑎᕆᓂᕐᒧᑦ, ᑐᑦᓯᕋᐅᑎᓄᑦ, ᐊᑭᓕᕐᑐᐃᑎᑦᓯᒍᑎᖏᓐᓄᑦ, ᐊᒻᒪᓗ ᐃᓕᒪᓇᕐᑐᓄᑦ ᒪᓂᒻᒥᓂᕐᒧᑦ

• ᓴᐳᑦᔨᓂᖅ ᑲᔪᓯᑎᑦᓯᒍᑎᓂᒃ ᐃᓕᒪᓇᕐᑐᒥᒃ ᑲᒪᒍᑎᓂᒃ ᐊᒻᒪᓗ ᐋᕐᕿᖁᔨᒍᑎᓕᐅᕐᓂᖅ ᐱᐅᓯᒋᐊᕈᑎᑦᓴᓂᒃ ᐃᑯᓪᓚᑎᑦᓯᓚᖓᓗᓂ ᐊᓯᐅᔨᒍᓇᐅᓂᒃᒥᒃ

• ᓄᐃᑕᑦᓯᓂᖅ ᐃᓱᒪᓕᐅᕐᓂᒥᒃ ᐊᒻᒪᓗ ᐃᓕᓐᓂᐊᑎᑦᓯᓂᕐᒥᒃ ᐱᓇᓱᑦᑎᓄᑦ ᑲᒪᓗᓂ ᓴᑑᑎᓕᕆᓂᐅᑉ ᐱᐅᓯᖏᓐᓂᒃ, ᑐᓴᕐᑎᓯᒍᑕᐅᖃᑦᑕᕆᐊᓕᓐᓂᒃ, ᐊᒻᒪᓗ ᑐᑦᓯᕋᐅᑎᓕᐅᕐᑌᓕᓂᕐᒥᒃ

ᐃᓂᒥ ᐱᑕᖃᕆᐊᓖᑦ

• ᐃᓕᓐᓂᐊᕇᕐᓯᒪᐅᑎ ᐅᕝᕙᓘᓐᓃᑦ ᐃᓕᑦᓯᒪᐅᑎ ᐊᐅᓚᑦᓯᔨᐅᓂᕐᒥᒃ, ᐃᓕᒪᓇᕐᑐᓂᒃ ᑲᒪᓂᕐᒥᒃ, ᓴᑑᑎᓕᕆᓂᕐᒥᒃ, ᐅᕝᕙᓘᓐᓃᑦ ᐊᑦᑐᐊᒥᔪᒥᒃ ᐱᓇᓱᒐᕐᒥᒃ

• ᐃᑭᓐᓂᐹᖓᓄᑦ ᐱᖓᓱᓂᒃ (3) ᐊᕐᕌᒍᓂᒃ ᐱᓇᓱᓚᐅᕐᓯᒪᓂᖅ ᓴᑑᑎᓕᕆᓂᐅᑉ ᐱᓇᓱᐊᒐᖓᓂ, ᐱᐅᓂᕐᓴᐅᓱᓂ ᐊᑐᕐᓯᒪᑉᐸᑦ ᑲᕙᒫᐱᐅᑉ ᐅᕝᕙᓗᓐᓃᑦ ᐃᓄᓕᒫᓕᕆᔨᐅᑉ ᑎᒥᖓᑕ ᐱᓇᓱᕝᕕᖓᓂ

• ᖃᐅᔨᒪᓂᖅ ᓴᑑᑎᖃᕐᑎᓯᓂᐅᑉ ᑐᑭᖏᓐᓂᒃ, ᑐᑦᓯᕋᐅᑎᓕᕆᓂᕐᒥᒃ, ᐊᒻᒪᓗ ᐃᓕᒪᓇᕐᑐᓂᒃ ᑲᒪᓂᒃᑯᑦ ᐱᐅᓯᐅᓲᓂᒃ

• ᓱᖏᐅᓐᓂᐅᓂᖅ ᑲᕙᒫᐲᑦ ᐃᖏᕐᕋᑎᑦᓯᒍᑎᖏᓐᓄᑦ, ᐱᓇᓱᑦᑎᖃᕈᑎᖏᓐᓄᑦ, ᐊᒻᒪᓗ ᐱᖁᔭᑎᒍᑦ ᐃᓂᓪᓚᖓᐅᑎᖏᓐᓄᑦ ᐃᓱᒪᒋᔭᐅᔪᖅ ᐱᔪᓇᕈᑕᐅᑎᓪᓗᒍ

• ᐃᓂᓪᓚᖓᓯᑎᒻᒪᕆᐅᓂᖅ ᑐᑭᓯᓂᐊᕐᓯᑎᐅᓗᓂᓗ ᓱᓇᓕᒫᓂᒃ ᒥᑭᔪᖑᐊᓂᐅᒐᓗᐊᖅ ᐃᑉᐱᒍᓱᓪᓚᕆᓪᓗᓂ

• ᐅᖃᖃᑎᖃᑦᓯᐊᖑᓂᖅ ᐊᒻᒪᓗ ᐃᓄᕐᕿᑐᑦᓯᐊᖑᓂᖅ ᓱᕙᓪᓕᓇᕐᓗᓂ ᐅᖃᖃᑎᖃᕈᓐᓇᓱᓂ ᐊᒥᓱᐃᓂᒃ ᐊᑦᑐᐊᒍᑎᔪᓂᒃ.

• ᐱᒃᑲᑐᖕᖏᓂᖅ ᖃᕆᑕᐅᔭᕈᑎᓂᒃ Microsoft Office Suite ᐊᒻᒪᓗ ᐊᑐᓕᓂᐅᓂᖅ ᓴᑑᑎᑦᓴᓕᕆᐅᑏᑦ ᐅᕝᕙᓘᓐᓃᑦ ᑐᑦᓯᕋᐅᑎᓂᒃ ᐊᐅᓚᑦᓯᒍᑏᑦ ᐱᐅᒡᒍᑎᖏᓐᓂᒃ

ᐱᓇᓱᕝᕕᐅᑉ ᓄᓇᖓ: ᐅᐊᕈᑎᒌᑦ ᐊᐅᓪᓚᖃᑦᑕᓱᓂ ᓄᓇᕕᒻᒧᑦ ᑌᒣᒋᐊᖃᓕᕈᓂ

ᑮᓇᐅᑦᔭᓵᑦ: ᐃᑭᓐᓂᐹᖓᓄᑦ $95,579 ᐊᕐᕌᒍᒥ – ᐅᓄᕐᓂᐹᖓᓄᑦ $ 131,407 ᐊᕐᕌᒍᒥ (ᐳᕐᑐᓂᖓ 91)

ᐱᕙᓪᓕᖁᑏᑦ: RRSP: 6%-ᓂᒃ ᐱᓇᓱᕝᕕᐅᑉ ᐃᓕᔨᒍᑎᖏᑦ

ᐊᑕᖏᕐᑐᑦ ᓴᑑᑎᖏᑦ

ᕿᑲᕈᑏᑦ: 20 ᐅᓪᓗᐃᑦ

ᐱᖁᔭᑎᒍᑦ ᕿᑲᕐᓀᑦ: 19 ᐅᓪᓗᐃᑦ ᐃᓚᐅᑎᓪᓗᒋᑦ ᐅᓪᓗᐃᑦ 10 ᕿᑎᖕᖑᒥ ᕿᑲᓐᓇᑎᓪᓗᒍ

ᐱᓇᓱᒍᒪᐅᑎᑎᑦ ᑐᕌᕐᑎᓗᒋᑦ ᐅᕗᖓ:

Human Resources Advisor

Kativik Regional Government

P.O. Box 9

Kuujjuaq QC J0M 1C0

Email: humanresources@krg.ca

Fax: 819-964-2975

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᐊᒻᒪᓗ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᖅ ᒪᓕᓪᓗᒋᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑎᒋᓗᒍ ᐃᓄᐃᑦ ᐱᓇᓱᒍᒪᔪᑦ ᐱᓇᓱᒐᕐᑖᓂᖓᓂᒃ.

ᐱᓇᓱᒍᒪᔪᓂᒃ ᓂᕈᐊᕐᑕᐅᔪᑦ ᐊᐱᕐᓱᕈᒪᓗᒋᑦ ᑌᒃᑯᑐᐊᑦ ᐅᖃᕐᕕᐅᓂᐊᕐᑐᑦ.