ᑐᓵᔩᑦ ᐊᐅᓚᑦᓯᔨᖓ - ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒃ - ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ

ᑐᓵᔩᑦ ᐊᐅᓚᑦᓯᔨᖓ - ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒃ - ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ

ᑲᑐᑦᔨᖃᑎᒌᓪᓗᑕ, ᓯᕗᒧᑦ ᐃᖏᕐᕋᒍᓐᓇᐳᒍᑦ ᐊᒻᒪᓗ ᐱᔭᖃᕐᓗᑕ ᐅᖓᑖᓄᑦ. ᐊᒥᓱᑦ ᐊᑐᐃᓐᓇᐅᑎᑕᐅᔪᑦ ᐊᒻᒪᓗ ᐊᖅᖁᑎᑦᓴᐅᒐᔭᕐᑐᑦ ᐅᒃᑯᐃᖔᕐᑐᑦ ᐃᓕᓐᓄᑦ. ᐃᓕᕕᖃᑐᐊᕈᕕᑦ ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒻᒧᑦ, ᐱᓂᐊᕐᓂᖃᓚᖓᕗᑎᑦ ᓱᓕᔪᒥᒃ ᐊᓯᑦᔨᑎᕆᖃᑕᐅᓂᕐᒥᒃ ᓄᓇᓕᑉᐱᑦ ᐃᓗᐊᓂ. ᓲᓱᒋᓇᕐᓱᓂ ᐊᒻᒪᓗ ᓲᖑᓂᖃᕐᓱᓂ ᐱᓇᓱᑉᕕᐅᓱᓂ ᐊᕙᑎ ᐃᓕᓐᓂᒃ ᐅᑕᖅᕿᕗᖅ, ᐱᔪᓐᓇᓂᑎᑦ ᐊᒻᒪᓗ ᐃᓅᓂᕐᓄᑦ ᕿᒻᒪᖁᓯᐊᕆᓯᒪᔭᑎᑦ ᐆᒻᒪᑎᒋᔭᐅᑎᓪᓗᒋᑦ ᑎᓕᔭᐅᒪᐅᑎᑦᑎᓄᑦ. ᐱᓇᓱᐊᖃᐅᓃᑦ ᐅᕙᑦᑎᓄᑦ ᑐᑭᖃᒐᔭᕐᒥᔪᖅ ᐱᓂᐊᕐᓂᖃᕐᓂᑯᑦ ᑲᔪᓯᑎᑦᓯᖃᑕᐅᓂᕐᒥᒃ ᐱᐅᓕᐊᕐᑕᐅᓂᖓᓂᒃ ᐃᓄᐃᑦ ᐅᖃᐅᓯᖓᓂᒃ ᐊᒻᒪᓗ ᐃᓕᖅᕈᓯᖓᓂᒃ ᐱᕙᓪᓕᖁᑎᑖᕐᐸᓕᐊᕈᑎᒋᑦᓱᒍᓗ ᐱᐅᓯᐅᒥᒋᐊᕐᓯᒪᔪᓂᒃ ᐱᓇᓱᓐᓂᓄᑦ ᖃᓄᐃᓕᖓᐅᓯᐅᒋᐊᓕᓐᓂᒃ ᐊᒻᒪᓗ ᐊᒥᓱᐃᓂᒃ ᐱᕕᑦᓴᐅᑎᑕᐅᔪᓂᒃ ᐱᕈᕐᐸᓕᐊᓂᕐᒧᑦ. ᐃᖃᔪᕐᓯᐅᑎᒋᓚᐅᕈᒃ ᐱᔪᓐᓇᓃᑦ ᐊᒻᒪᓗ ᐊᓕᐊᒋᔦᑦ ᓄᐃᑦᓯᐅᑎᒋᓗᒍ ᐱᒻᒪᕆᖁᑎᖏᓐᓂᒃ ᓄᓇᓕᑦᑕ, ᐱᕈᕐᐸᓕᐊᖃᑕᐅᕕᒋᓗᒍᓗ ᐱᓇᓱᖃᑎᒌᓂ ᐃᑲᔪᕐᓯᒪᔪᓂ ᐊᒻᒪᓗ ᐃᓕᑕᕆᔭᖃᕐᓱᑎᒃ ᐃᓕᓐᓂᒃ

ᙯᒋᑦ ᐅᕙᑦᑎᓄᑦ ᐱᓇᓱᐊᖃᑕᐅᒋᑦ - ᐊᒥᓱᑦ ᐊᓕᐊᓇᕐᑐᐊᓘᑦᓱᑎᒃ ᐱᕕᑦᓭᑦ ᐊᑐᐃᓐᓇᐅᒪᑕ!

ᕿᒥᕐᕈᓗᒋᑦ ᐊᑦᔨᒌᖕᖏᑐᑦ ᐱᓇᓱᒉᑦ, ᐃᓕᓐᓂᒃ ᐃᑲᔪᕐᓯᓚᖓᔪᑦ ᓇᑉᕚᕋᓱᐊᕐᑎᓗᑎᑦ ᐊᖅᖁᑎᒋᓂᐊᕐᑕᓃᕕᑦ ᐱᐅᓂᕐᐹᑯᑦ ᓈᑉᕚᕈᑎᒋᓂᐊᕐᑕᓃᕕᑦ ᓲᖑᓂᕐᓂᒃ ᐊᒻᒪᓗ ᐊᓕᐊᒋᔭᕐᓃᕕᑦ!

ᐱᓇᓱᒐᐅᑉ ᖃᓄᐃᓕᖓᐅᓯᖏᑦ - ᑐᓵᔩᑦ ᐊᐅᓚᑦᓯᔨᖓᓄᑦ - ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒃ - ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ

ᑮᓇᐅᑦᔭᓵᖏᑦ:

ᑖᑦᓱᒪ ᑮᓇᐅᑦᔭᓵᖓᑕ ᐃᓂᓪᓚᑕᐅᓯᒪᒍᑎᖓ ᑐᑭᐊᒎᕐᐳᖅ ᐃᓗᓯᓕᕆᓂᕐᓄᑦ ᐊᒻᒪᓗ ᐃᓅᓯᓕᕆᓂᕐᓄᑦ ᐱᒍᑦᔨᐅᑏᑦ ᐱᑐᑦᓯᒪᕕᖓᓄᑦ ᐊᒻᒪᓗ ᖃᓄᐃᓪᓗᐊᓂᖏᓐᓄᑦ ᐱᒋᐊᕐᓱᑎᒃ $74,481-ᒥᑦ $96,826-ᒧᑦ (ᐳᕐᑐᓂᖓ 36).

ᐱᓪᓗᖁᑏᑦ:

· ᖃᓄᐃᑦᑐᑐᐃᓐᓇᓂᒃ ᐃᓗᓯᓕᕆᓂᕐᓄᑦ ᑲᒪᒋᔭᐅᒍᑎᓂᒃ ᐃᒻᒪᖃᐅᑎᓄᑦ ᐸᕐᓇᓯᒪᐅᑎᒃ ᐊᒻᒪᓗ ᐃᓄᒻᒪᕆᖕᖑᒍᓂ ᓄᖅᖃᓂᐊᕐᓂᓄᑦ ᐸᕐᓇᓯᒪᐅᑎᒃ.

· ᐱᓇᓱᑦᑏᑦ ᐊᒻᒪᓗ ᐃᓚᖏᑦᑕ ᐃᑲᔪᕐᑕᐅᒍᑎᖏᑦ

· ᐱᔪᑦᓴᐅᔮᕐᓇᑐᖅ ᐊᒻᒪᓗ ᐊᑐᕐᓂᖃᕐᓱᓂ ᐱᓇᓱᕐᓂᖅ ᐊᑦᔨᖃᖕᖏᑐᒥ ᐊᕙᑎᒥ ᐱᕕᑦᓴᖃᕐᑎᓯᑦᓱᓂ ᐊᕗᖓᐅᓕᖓᔪᒥᒃ ᐱᔪᓐᓇᑐᓪᓚᕆᐅᓗᓂ ᐱᓇᓱᒍᓐᓇᓯᓂᕐᒥᒃ.

· ᑲᔪᓯᔪᒥᒃ ᐃᓕᓴᕐᓗᓂ ᐱᓇᓱᒐᕐᒥᒃ ᐊᒻᒪᓗ ᐱᕕᑦᓴᖃᕐᓗᓂ ᖃᑉᕙᕆᐊᕈᓐᓇᓯᓂᕐᒧᑦ ᐊᒻᒪᓗ ᐱᕈᕐᐸᓕᐊᓂᕐᒧᑦ

· ᐱᓇᓱᐊᕈᓯᕐᓂᒃ ᓯᑕᒪᓂᒃ ᑕᙯᕐᓯᕕᖃᕐᓗᓂ ᐊᖅᕌᒍᓕᒫᒥ ᐱᓇᓱᐊᓕᑐᐊᕈᓂ

ᑕᖅᕋᒥᐅᒍᓂᕐᓄᑦ ᐊᑭᓕᕐᑕᐅᒍᑏᑦ ᐊᒻᒪᓗ ᐊᓯᖏᑦ ᐱᓇᓱᓐᓂᓄᑦ ᖃᓄᐃᓕᖓᐅᓯᐅᒋᐊᓖᑦ:

· ᐃᓄᑑᓂᕐᒧᑦ ᐊᑭᓕᕐᑕᐅᒍᑎᒃ (ᕿᑐᕐᖓᖃᖕᖏᑐᒧᑦ) ᐊᑯᓐᓂᖏᓐᓂ $227.69 ᐊᒻᒪᓗ $268.59 ᐱᓇᓱᐊᕈᓯᑕᒫᑦ, ᐃᑉᐱᒋᓗᒍ ᓄᓇᓕᒃ ᓇᔪᕐᑕᖓ

· ᐃᓄᑑᓂᕐᒧᑦ ᐊᑭᓕᕐᑕᐅᒍᑎᒃ (ᕿᑐᕐᖓᓕᒻᒧᑦ) ᐊᑯᓐᓂᖏᓐᓂ $401.36 ᐊᒻᒪᓗ $473.51 ᐱᓇᓱᐊᕈᓯᑕᒫᑦ, ᐃᑉᐱᒋᓗᒍ ᓄᓇᓕᒃ ᓇᔪᕐᑕᖓ

· ᐱᓇᓱᑯᑖᓐᓂᒧᑦ ᐱᓪᓗᖁᑎᒃ: ᐊᑯᓐᓂᖏᓐᓂ $34.78 ᐊᒻᒪᓗ $68.13 ᐱᓇᓱᐊᕈᓯᑕᒫᑦ, ᐃᑉᐱᒋᓗᒍ ᓄᓇᓕᒃ ᓇᔪᕐᑕᖓ

· ᐊᑭᖏᓐᓄᑦ ᐃᓅᑦᔪᑎᖏᑦᑕ: ᐊᑯᓐᓂᖏᓐᓂ $58.40 ᐊᒻᒪᓗ $188.72 ᐱᓇᓱᐊᕈᓯᑕᒫᑦ, ᐃᑉᐱᒋᓗᒍ ᓄᓇᓕᒃ ᓇᔪᕐᑕᖓ

ᐱᔭᑦᓴᕆᓗᐊᖕᖑᐊᒐᔭᕐᑕᖏᑦ - ᑐᓵᔩᑦ ᐊᐅᓚᑦᓯᔨᖓᑕ - ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒃ - ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ

ᐃᑉᐱᒋᔨᖃᕐᓗᓂ ᑲᒪᔨᒻᒪᕆᒻᒥᒃ, ᐊᐅᓚᑦᓯᔨ ᐱᓇᓱᐊᖃᑦᑕᓚᖓᔪᖅ ᐃᓚᖏᓐᓂᒃ ᐅᑉᕙᓘᓐᓃᑦ ᐃᓓᓐᓇᖏᓐᓂᒃ ᖃᓄᐃᓘᕈᓯᐅᒋᐊᓕᓐᓂᒃ:

ᐱᓇᓱᑦᑎᓂᒃ ᐊᐅᓚᑦᓯᓂᖅ

· ᐊᐅᓚᑦᓯᓗᓂ ᓄᓇᓕᒻᒥ ᐱᓇᓱᑦᑎᓂᒃ ᐅᑯᓂᖓ ᐱᓇᓱᐊᕐᑐᓂᒃ:

· ᑐᓵᔨᓂᒃ ᐊᒻᒪᓗ ᐅᖃᐅᓯᐅᑉ ᐁᑉᐹᓅᕐᙯᔨᓂᒃ

· ᐃᑉᐱᒋᔭᖃᕐᓗᓂ ᐊᒻᒪᓗ ᐊᐅᓚᑦᓯᓗᓂ ᓄᓇᓕᒻᒥ ᐱᓇᓱᑦᑎᓂᒃ ᒪᑯᓂᖓ ᐱᔭᑦᓴᓕᓐᓂᒃ: ᐊᑐᐃᓐᓇᕈᕐᑎᕆᖃᑦᑕᓗᓂ ᐊᒻᒪᓗ ᑲᒪᓗᓂ ᐱᓇᓱᓐᓂᐅᒋᐊᓖᑦ ᐅᓪᓗᖁᑎᒋᓂᐊᕐᑕᖏᓐᓂᒃ (ᕿᓂᕐᑎᐅᓗᓂᓗ ᐱᓇᓱᑦᑎᐅᑉ ᐃᓇᖏᕐᑎᒋᒐᔭᕐᑕᖏᓐᓂᒃ), ᐊᐅᓚᑦᓯᓗᓂ ᐱᓇᓱᑦᑐᐃᑦ ᓄᐃᑲᑦᑕᓂᖏᓐᓂᒃ (ᐅᐸᓗᑲᑦᑕᓂᖏᓐᓂᒃ ᐊᒻᒪᓗ ᓄᐃᖕᖏᑑᑲᑦᑕᓂᖏᓐᓂᒃ), ᑲᒪᒋᔭᖃᕐᓗᓂ ᐊᒻᒪᓗ ᖃᐅᔨᓴᑦᓯᐊᓗᒋᑦ ᐃᑲᐅᕐᓂᓕᐅᕐᕖᑦ, ᑲᒪᖃᑦᑕᓗᓂ ᐱᓇᓱᑦᑏᑦ ᕿᑲᕈᒪᐅᑎᓕᐊᖏᓐᓂᒃ

ᐱᒍᑦᔨᓂᖅ ᐊᐅᓚᑦᓯᓂᕐᒥᒃ

· ᑲᔪᓯᑎᑦᓯᓗᓂ ᐊᐅᓚᑦᓯᐊᕆᐊᖃᕐᓂᖓᓂᒃ ᑐᓵᔨᐅᓂᐅᑉ ᐊᒻᒪᓗ ᐅᖃᐅᓯᐅᑉ ᐁᑉᐹᓅᔦᓂᐅᑉ ᐱᒍᑦᔨᐅᑎᖏᑦᑕ ᒪᓂᔨᓯᒪᓗᓂ ᑲᔪᓯᔪᒃᑯᑦ ᐱᒍᑦᔨᐅᑎᓂᒃ ᐃᓘᓐᓀᓂ ᐱᒍᑦᔨᕕᓐᓂ ᓄᓇᓕᓐᓂ;

· ᐊᑐᕐᑕᐅᑎᑦᓯᓗᓂ ᓄᐃᑕᐅᓯᒪᔪᓂᒃ ᖃᓄᐃᓘᕈᓯᐅᒋᐊᓕᓐᓂᒃ ᐱᒍᑦᔨᐅᑎᒃ ᓱᒃᑯᐊᕿᑲᓪᓚᓴᕐᓂᐸᑦ ᐊᑐᐃᓐᓇᕆᒐᑦᓴᒥᒃ;

· ᓄᐃᑕᐅᑎᑦᓯᓗᓂ, ᐱᓇᓱᖃᑎᖃᕐᓗᓂ ᐱᓇᓱᑦᑎᓕᕆᔨᓂᒃ, ᐱᓇᓱᑦᑎᓴᐅᒐᔭᕐᑐᑦ ᐊᑎᖏᓐᓄᑦ ᐊᓪᓚᖁᒥᒃ;

· ᑎᑭᑕᐅᑦᑕᓗᓂ ᐊᒻᒪᓗ ᑐᓴᐅᒪᔭᐅᑎᑦᓯᓗᓂ ᑎᒥᐅᔫᑉ ᐃᓗᐊᒍᑦ ᐱᒍᑦᔨᐅᑎᓄᑦ ᑐᓴᐅᒪᔭᐅᒋᐊᓕᓐᓂᒃ;

· ᐃᓚᐅᕕᖃᑲᑦᑕᓗᓂ ᐋᓐᓂᐊᓯᐅᕐᓂᓕᕆᓂᑎᒍᑦ ᑐᑭᒧᐊᑦᑎᓯᕕᒻᒥ ᑲᑎᒪᓂᕐᓄᑦ ᒋᐊᖃᑐᐊᕈᓂ;

· ᐃᑲᔪᕐᓗᓂ ᐱᓇᓱᖃᑎᒌᓄᑦ ᐃᓚᐅᔫᕕᓖᑦ ᑭᖕᖒᒪᒋᒐᔭᕐᑕᓕᒫᖏᓐᓄᑦ;

ᐱᓇᓱᑦᑎᐅᑉ ᐊᖅᕕᑕᕐᓂᖓ

· ᐃᑲᔪᕐᓗᓂ ᐊᖅᕕᑕᕆᐊᖃᕐᓂᖏᓐᓂᒃ ᐊᒻᒪᓗ ᓯᓂᑦᑕᕕᑦᓴᓕᐅᕐᓗᒋᑦ ᕆᐊᖃᕐᐸᑦ;

· ᑲᑐᑦᔨᖃᑎᖃᕐᓗᓂ ᐱᓇᓱᑦᑎᓕᕆᔩᑦ ᐱᓇᓱᑉᕕᖓᓂᒃ, ᐃᓚᐅᕕᖃᕐᓗᓂᓗ ᐱᓇᓱᑦᑎᓴᕐᓯᐅᑐᓂᒃ ᐊᒻᒪᓗ ᓂᕕᖕᙰᖃᑦᑕᓗᓂ ᐱᓇᓱᒐᕐᓂᒃ ᐊᑐᐃᓐᓇᐅᔪᖃᓕᕐᐸᑦ ᐊᑦᔨᒌᖕᖏᑐᓂ ᐃᓄᖃᒃᒐᔪᕐᑐᓂ ᓄᓇᓕᐅᑉ ᐃᓗᐊᓂ;

· ᐃᓚᐅᕕᖃᖃᑦᑕᓗᓂ ᐱᓇᓱᑦᑎᓴᕐᓯᐅᓂᕐᓄᑦ ᐱᓇᓱᐊᕐᑐᓂ ᐊᐱᕐᓱᑲᑦᑕᓂᔪᓂᓪᓗ ᑐᑦᓯᕌᒋᔭᐅᑐᐊᕈᓂ;

· ᑐᖕᖓᓱᑦᑎᓯᕙᓪᓗᓂ ᐱᓇᓱᑦᑎᑖᖅᖃᒥᓂᒃ ᐊᒻᒪᓗ ᐃᓚᐅᕕᖃᑲᑦᑕᓗᓂ ᐃᓚᓕᐅᕐᓯᓂᕐᒥ ᐊᒻᒪᓗ ᐱᓇᓱᒐᕐᒥᒃ ᑐᑭᓯᓇᕐᑎᓯᔪᓄᑦ (ᓱᖏᐅᓭᓗᑎᒃ ᐱᓇᓱᑉᕖᑦ ᓇᓃᓐᓂᖏᓐᓂᒃ, ᖃᕆᑕᐅᔭᒥᒃ ᐊᑐᑲᑦᑕᕆᐊᖃᕐᓂᒥᒃ, ᐃᑲᐅᕐᓂᓕᐊᕆᔭᐅᔪᓂᒃ ᑲᒪᑦᑕᓗᓂ, ᕿᑲᕈᒪᐅᑎᓕᐊᒍᓯᒪᔪᓂᒃ, ᑮᓇᐅᔭᕐᑐᕈᑎᕕᓂᕐᓂᒃ ᐅᑎᕐᑕᐅᒍᑎᑦᓴᓂᒃ ᑕᑕᖅᓴᒐᕐᓂᒃ, ᐊᓯᖏᓐᓂᓗ);

· ᐃᓚᐅᕕᖃᑲᑦᑕᓗᓂ ᐋᖅᕿᓱᐃᔪᓂ ᐊᑑᑎᓕᕐᑐᓂᒃ ᐊᒻᒪᓗ ᑕᒻᒪᕈᑎᐅᓯᒪᔪᓂᒃ ᐃᓕᖓᔪᓂᒃ ᑮᓇᐅᔭᓵᓕᕆᔩᑦ ᐱᒍᑦᔭᐅᕕᖓᓂ, ᐃᒻᒪᖃᐅᓯᕐᑕᐅᓯᒪᓂᕐᓄᑦ ᐅᑉᕙᓘᓐᓃᑦ ᐊᓯᖏᓐᓄᑦ;

· ᐱᐅᓯᕐᓘᑎᓄᐊᖓᔪᓄᑦ, ᐃᖃᔪᕐᓗᓂ ᐱᓇᓱᑦᑎᒥᒃ ᐊᒻᒪᓗ ᐱᓇᓱᑦᑎᓕᕆᕕᐅᑉ ᐊᐅᓚᑦᓯᕕᖓᓂᒃ ᐱᓇᓱᐊᕐᑎᓗᒋᑦ;

· ᐃᑲᔪᑦᑕᓗᓂ ᐱᓇᓱᑦᑎᓂᒃ ᐊᓪᓚᖁᑎᓕᕆᕕᒻᒥ ᐱᓇᓱᐊᕐᑐᓂᒃ ᐊᒻᒪᓗ ᐃᓚᐅᕕᖃᕐᓗᓂ ᐃᓕᓭᓂᕐᓂ ᐱᓇᓱᑦᑎᓂᒃ.

ᕿᓄᐊᕆᔭᐅᔪᑦ - ᑐᓵᔩᑦ ᐊᐅᓚᑦᓯᔨᖓᑕ - ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒃ - ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ;

ᐃᓕᓴᕐᓯᒪᓂᐅᖏᐊᓕᒃ

· ᐃᓕᓴᕐᕕᒥ ᐱᔭᕇᕐᓯᒪᓂᕐᒧᑦ ᐃᓕᑕᕆᔭᐅᒍᑎᒃ

ᐅᑉᕙᓘᓐᓃᑦ

· ᐃᓕᓴᕐᕕᒪᕆᒻᒥ ᐱᔭᕇᕐᓯᒪᓂᕐᒧᑦ ᐃᓕᑕᕆᔭᐅᒍᑎᒃ ᐅᑉᕙᓘᓐᓃᑦ ᐊᑦᔨᐸᓱᖓ ᐃᓕᑕᕆᔭᐅᒍᑎᒃ

ᐊᓯᖏᑦ ᕿᓄᐊᕆᔭᐅᔪᑦ

· ᐅᖃᐅᓯᖃᕈᓐᓇᓂᖅ ᒪᖅᕈᐃᓂᒃ ᐅᖃᐅᓰᓐᓂᒃ ᐃᓄᑦᑎᑐᑦ ᐊᒻᒪᓗ ᖃᓪᓗᓈᑎᑐᑦ;

· ᐱᓇᓱᑦᑎᓂᒃ ᐊᐅᓚᑦᓯᒍᓐᓇᓂᕐᒥᒃ ᖃᐅᔨᒪᓂᖃᕐᓗᓂ ᐊᒻᒪᓗ ᐱᓇᓱᖃᑎᖃᕐᓂᒥᒍᑦ ᐱᔪᑦᓴᐅᔮᕐᓂᖃᕐᓗᓂ;

· ᐱᑦᓯᐊᕋᓱᐊᕈᓐᓇᓗᓂ, ᓲᓱᒋᔭᖃᕐᓗᓂ ᐊᒻᒪᓗ ᐃᒻᒥᓂᕿᒍᓐᓇᓯᐊᕐᓂᓂᒃ ᐱᔪᓐᓇᓂᖃᕐᓗᓂ;

· ᐅᐸᓗᕐᑌᓕᒍᓐᓇᓗᓂ ᐊᒻᒪᓗ ᓄᐃᑦᓯᓗᓂ ᐱᓇᓱᒋᐊᕐᑐᑲᑦᑕᖏᓐᓇᓯᒪᓂᕆᔭᒥᓂᒃ ᑭᖑᓂᕐᒥ ᐱᓇᓱᒐᖃᕐᓱᓂ;

· ᐱᔪᓐᓇᓂᖃᕐᓗᓂ ᐱᓇᓱᐊᕈᓐᓇᓂᕐᒥᒃ ᐊᐅᓚᑦᓯᓯᐊᕈᓐᓇᓂᕐᒥᒃ ᑲᒪᒋᔭᑦᓴᕆᓂᐊᕐᑕᒥᓂᒃ ᐊᒻᒪᓗ ᐊᐅᓚᑦᓯᓯᐊᕈᓐᓇᓗᓂ ᐊᓪᓚᖁᑎᓕᕆᓂᕐᓂᒃ ᐊᒻᒪᓗ ᐊᓪᓚᕕᐅᑉ ᐃᓗᐊᓂ ᐱᔭᑦᓴᓂᒃ;

· ᐱᓇᓱᐊᖃᑎᖃᑦᓯᐊᕈᓐᓇᓗᓂ ᐱᓇᓱᑦᑎᓂᒃ;

· ᐱᓇᓱᐊᕈᓐᓇᓗᓂ ᖃᕆᑕᐅᔭᓂᒃ ᐊᑐᕐᓗᓂ (Microsoft suite – Word, Exel, Outlook).

ᐱᓇᓱᖃᑎᒌᓚᐅᕐᑕ ᐊᑐᐃᓐᓇᐅᑎᑦᓯᒍᓐᓇᓂᐊᕋᑦᑕ ᐱᐅᓂᕐᐹᓂᒃ ᐃᓗᓯᓕᕆᓂᕐᒧᑦ ᐊᒻᒪᓗ ᐃᓅᓯᓕᕆᓂᕐᒧᑦ ᐱᒍᑦᔨᐅᑎᓂᒃ ᓄᓇᕕᒻᒥᐅᓄᑦ. ᐊᑐᐃᓐᓇᐅᕖᑦ ᐊᓯᑦᔨᑎᕆᖃᑕᐅᓂᕐᒧᑦ? ᐃᓕᓐᓂᒃ ᐅᑕᖅᕿᕗᒍᑦ!

ᐱᔪᑦᓴᐅᔮᕐᐲᑦ ᐱᓇᓱᒐᕐᒥᒃ ᑐᓵᔨᓄᑦ ᐊᐅᓚᑦᓯᔨᐅᓂᕐᒥᒃ? ᑕᒐᑕᒐ ᐱᓇᓱᒐᕐᑖᕋᓱᐊᓕᕆᑦ! recrutement.csi@ssss.gouv.qc.ca !