ᐃᓄᒃᑎᑑᓖᕐᑎᕆᔨ - KI

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ. ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᓃᑦᓱᑎᒃ ᑕᓯᐅᔭᕐᔪᐊᑉ ᐅᖓᕙᐅᓪᓗ ᓯᑦᔭᒋᓐᓂ. ᐊᓪᓚᕕᒻᒪᕆᖓ,

ᐃᓂᖓ ᐱᓇᓱᐊᕆᐊᓕᖏᓪᓗ:

ᐸᐸᑦᓯᔨᒥᒃ ᐊᖓᔪᕐᖄᖃᕐᓱᓂ, ᐃᓄᒃᑎᑑᓕᕐᑎᕆᔨ ᐃᓄᒃᑎᑑᓕᕐᑎᕆᑦᓯᐊᓲᖑᓗᓂ ᐊᑦᔨᒌᑦᑎᖏᑦᑐᓂᒃ ᐊᓪᓚᖁᑎᓂᒃ ᐃᓕᓐᓂᐊᕈᑎᑦᓴᓂᓪᓗ, ᐆᑦᑑᑎᒋᓗᒋᑦ ᐃᓕᓐᓂᐊᑏᑦ ᐃᓕᓐᓂᐊᑎᑕᐅᒍᑎᑦᓴᖏᓐᓂᒃ ᐃᓕᓐᓂᐊᑎᑦᓯᔩᓪᓗ ᑐᑭᒧᐊᒍᑎᑦᓴᖏᓐᓂᒃ, ᐊᓪᓚᓯᒪᔪᒃᑯᑦ, ᓂᐱᓕᐅᕐᓯᒪᔪᓂᒃ ᑕᑯᓐᓇᕋᑦᓴᓕᐊᕕᓂᕐᓂᓗ. ᐃᓄᒃᑎᑑᓕᕐᑎᓯᒪᔪᓂᒃ ᐊᑐᐊᕐᓯᔨᐅᒋᐊᖃᕐᒥᔪᖅ ᑲᑎᒪᓂᕐᓂᓗ ᑐᓵᔨᐅᓗᓂ ᒋᐊᖃᕈᓂ ᑐᑭᓯᐊᕈᑎᑦᓯᐊᖁᓪᓗᒋᑦ ᐃᓄᒃᑎᑐᑦ ᖃᓪᓗᓈᑎᑑᕐᑐᓂ ᐅᐃᒍᐃᑎᑐᓪᓘᓃᑦ.

ᐱᒍᓐᓇᐅᑎᒋᒋᐊᓕᖏᑦ:

ᐅᖃᐅᓯᐅᑉ ᐁᑉᐸᖓᓅᔦᓂᕐᒥᒃ ᐱᔭᕇᕈᑎᑖᕐᓯᒪᓗᓂ ᐅᕝᕙᓘᓐᓃᑦ ᐊᕐᕌᒎᕐᓂ ᒪᕐᕉᓂ ᐱᓇᓱᐊᕐᓯᒪᓗᓂ.

ᐃᓕᓐᓂᐊᕕᕐᔪᐊᒥ ᐳᕐᑐᓂᕐᐸᒥᒃ ᐱᔭᕇᕈᓯᕐᑕᐅᓯᒪᓗᓂ ᑕᒡᒐᓂ ᐃᓂᒥ ᐱᒍᓐᓇᐅᑎᒋᔭᐅᒋᐊᓕᓐᓄᑦ ᐱᑐᑦᓯᒪᓂᖃᕐᑐᒥᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ.

ᐊᑐᕈᓐᓇᕆᐊᓕᖏᑦ:

·       ᐃᓄᒃᑎᑑᕈᓐᓇᓯᐊᕐᓗᓂ ᐅᖄᓂᒃᑯᑦ ᐊᓪᓚᓂᒃᑯᓗ;

·       ᖃᓪᓗᓈᑎᑑᕈᓐᓇᓯᐊᕐᓗᓂ ᐅᐃᒍᐃᑎᑑᕈᓐᓇᓯᐊᕐᓗᓂᓘᓐᓃᑦ;

·       ᖃᐅᔨᒪᓗᓂ ᐃᓕᓐᓂᐊᓂᕐᒥ ᐅᖃᐅᓯᕐᓂᒃ ᐊᑐᕐᑕᐅᓲᓂᒃ;

·       ᖃᕆᑕᐅᔭᒥᒃ ᐱᓇᓱᒍᑎᖃᕈᓐᓇᓗᓂ, ᐊᑐᓐᓇᓗᓂ ᖃᕆᑕᐅᔭᕈᑎᓂᒃ Adobe, Microsoft Word ᐊᒻᒪᓗ Desktop ᓄᐃᑦᓯᒍᑎᓂᒃ ᕿᒥᕐᕈᐊᓂᒃ;

·       ᐱᕕᑦᓴᖃᕐᓂᑯᑦ ᐊᐅᓚᑦᓯᓯᐊᕈᓐᓇᓗᓂ/ᐱᓇᓱᐊᕈᓐᓇᓗᓂ ᐃᓱᓕᕝᕕᖃᕈᑲᐅᔪᓂᒃ ᒪᓕᑦᓯᐊᕈᓐᓇᓗᓂ.

·       ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᕆᐊᖃᓕᕈᓂ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2140-ᒥᒃ ᐱᓇᓱᕝᕕᖃᕋᔭᕐᑐᖅ: $54,022-ᒥᑦ $86,621-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.