ᖃᕆᑕᐅᔭᓕᕆᔨ ᐱᓇᓲᑎᓂᒃ– ᑯᐊᐸᓄᑦ - ᐃᓚᒌᓴᖅ

ᐱᓇᓱᒐᑦᓴᖅ

ᖃᕆᑕᐅᔭᓕᕆᔨ ᐱᓇᓲᑎᓂᒃ– ᑯᐊᐸᓄᑦ

  ᐱᓇᓱᐊᕐᕕᖓ: ᖃᕆᑕᐅᔭᓕᕆᕕᒃ ᐱᓇᓲᑎᓂᒃ

 ᓇᔪᕐᑕᖓ: ᐲ ᑑᕐᕖᒥ ᓄᓇᕕᒻᒥᓗ

 ᐱᓇᓱᓐᓂᖓ: ᐊᑌᓐᓇᑐᖅ, ᐅᓪᓗᓕᒫᕐᓱᓂ

 ᓄᐃᑎᑕᐅᔪᖅ: ᒫᑦᓯ 13, 2023

ᑭᓇᐅᒻᒪᖔᑦᑕ

ᐃᓚᒌᓴᖅ ᓇᒻᒥᓂᕆᕙᐅᒃ ᑕᓪᓕᒪᐅᔪᕐᑐᓗ ᓯᑕᒪᓪᓗᐃᑦ (14-ᑦ) ᑯᐊᐯᑦ ᐃᓄᐃᑦ ᓄᓇᖏᓐᓃᑐᑦ ᓄᓇᕕᒻᒥ. ᐃᓚᒌᓴᖅ ᓇᑉᐸᑕᐅᓚᐅᕐᓯᒪᔪᖅ 1967-ᐅᑎᓪᓗᒍ

ᐱᒍᓐᓇᓂᖃᕐᓂᓴᐅᖁᑦᓱᒍ ᑯᐊᐸᓐᓂᖅ ᓱᑲᑦᑐᒥᒃ ᐊᖏᓕᕙᓪᓕᐊᓕᕐᒪᑦ ᑯᐊᐯᑦ ᐱᒍᑦᔭᐅᓯᐊᕐᓂᓴᐅᖁᑦᓱᒋᑦ ᓲᖑᓂᖃᕐᓂᓴᐅᓗᑎᒃ ᐊᒻᒪᓗ ᐱᒍᑦᔨᓂᖃᓚᖓᓗᓂ

ᓯᕗᓂᕆᔪᒪᔭᒥᓂᒃ ᐱᒍᓐᓇᓯᖁᓪᓗᒋᑦ "ᐊᑕᐅᑦᓯᑯᑦ" -ᐱᕙᓪᓕᐊᖃᑎᒌᑦᑎᒐᓱᐊᕐᓗᒋᑦ ᐃᓄᐃᑦ, ᓇᓪᓕᐊᓂᓘᓐᓃᑦ ᕿᒣᓯᒪᒍᓐᓀᓗᑎᒃ.

ᐅᖃᓪᓚᓗᒍ

ᑲᒪᔨᖃᕐᓗᓂ ᐊᑯᓂᕆᓕᕐᑐᒥᒃ ᖃᕆᑕᐅᔭᓕᕆᕕᐅᑉ ᐊᐅᓚᑕᐅᕕᖓᓂ, ᑲᒪᒐᔭᕐᑐᑎᑦ ᓱᒃᑯᑎᑦᓯᑌᓕᓂᕐᒥᒃ, ᑲᑉᐲᑯᑕᕐᓂᒃ,

ᐱᒍᓐᓇᓯᐊᕐᑎᓯᓂᕐᓂᓗ ᖃᕆᑕᐅᔭᕈᑎᓂᒃ ᐱᑐᑦᓯᒪᐅᑎᖏᓐᓂᓗ ᐃᓚᒌᓴᐅᑉ ᑕᕐᕋᒦᑦᑐᓂᓪᓗ.

ᑲᒪᒋᒋᐊᓕᖏᑦ

•  ᓯᕗᓕᐅᕆᓯᒪᒋᐊᖃᑦᑕᓗᓂ ᐋᖅᕿᓱᕐᓗᒋᓪᓗ ᐱᓀᓗᑦᓯᐅᑎᓂᒃ ᖃᕆᑕᐅᔭᓂ ᐊᓯᖏᓐᓂᓘᒐᓗᐊᖅ ᐱᓇᓲᑎᓂᒃ (ᐃᒣᑦᑐᓂᐅᒍᓐᓇᑐᖅ.: ᓂᐅᕕᕐᑎᓯᐅᑎᓂᒃ, ᖃᕆᑕᐅᔭᕈᑎᓂᒃ, ᐱᑐᑦᓯᒪᐅᑎᓂᒃ, ᐱᓇᓲᑎᓂᒃ, Mac ᐊᒻᒪ Linux, ᐅᖄᒍᑎᓂᒃ, ᓱᑲᑦᑐᑰᕐᑎᓯᒍᑎᓂᒃ, IPᓂᒃ, ᓯᑯᑦᓴᔭᒨᖅᙯᒍᑎᓂᒃ, ᓴᓇᔩᑦ ᓯᖁᒥᓯᒪᔪᕐᓂᐊᑏᑦ ᐱᓇᓲᑎᖏᓐᓂᒃ, ᐊᓯᖏᓐᓂᓗ);

•  ᐃᓕᐅᖅᙯᓗᓂ ᑲᑎᑎᕆᓗᓂᓗ ᖃᕆᑕᐅᔭᕈᑎᓕᒫᓂᒃ, ᐱᓇᓲᑎᓂᒃ ᐱᓕᕆᑦᔪᑎᖏᓐᓂᓗ ᑕᕐᕋᒥ ᐊᑐᕐᑕᐅᔪᓂᒃ ᐃᓚᒌᓴᕐᒥᓗ ᐃᖏᕐᕋᓯᐊᕐᑎᓗᒋᑦ ᐊᑐᕐᑕᐅᓂᖏᑦ (ᓄᑕᐅᓪᓕᑐᐃᒋᐊᖃᑐᐊᕈᓂ, ᑲᑉᐲᑯᑕᖏᓪᓗ, ᐊᑐᑦᓯᐊᑕᐅᒍᓐᓇᕕᖏᒎᕐᑎᓯᓗᓂ);

•  ᓄᐃᑦᓯᓗᓂ ᑐᕌᕈᑎᒃᑯᕕᒻᒥᒃ ᐊᓪᓚᑲᑦᑕᐅᑎᕕᒻᒧᑦ ᐊᑐᕐᑐᓂᒃ ᐊᑎᒃᑯᕕᒻᒥᒃ ᓄᑖᓪᓗ ᐃᓕᖃᑦᑕᑐᑦ ᐱᓇᓱᒃᑏᑦ ᐊᐅᓚᓗᒍᓗ ᐊᑐᖃᑦᑕᑐᑦ ᐊᑎᒃᑯᕕᖓ ᐃᓘᓐᓀᓄᐊᖓᔪᖅ (ᑐᑭᖓ.: ᐅᒃᑯᐃᓯᒍᑏᑦ ᐊᒻᒪᒍᓐᓇᖏᕐᓯᒪᔪᓪᓗ);

•  ᑲᑉᐲᑯᓯᕐᑐᐃᓗᓂ ᖃᕆᑕᐅᔭᑦᑕ ᐊᐅᓚᒍᑎᖏᓐᓂᒃ ᐱᑐᑦᓯᒪᐅᑎᑦᑕᓗ ᐃᓂᓪᓚᖓᐅᓯᖏᓐᓂᒃ ᒪᓕᓪᓗᒋᑦ ᐋᖅᕿᓱᕐᑕᐅᓯᒪᔪᑦ ᐱᑦᔪᓯᖏᑦ (ᑐᑭᖓ.: ᐃᑌᔭᐅᒌᒃᑯᑏᑦ, ᓱᒃᑯᐃᓯᓀᑦ ᓱᒃᑯᐊᖀᔪᓐᓇᑐᓪᓗ ᐲᔭᕐᓗᒋᑦ, ᓄᑕᐅᓯᓕᕐᑐᓕᐅᒥᔮᕐᓗᒋᑦ, ᑲᑉᐲᑯᓯᕐᑐᓯᒪᑦᓯᐊᓗᒋᑦ ᐱᑐᑦᑕᕖᑦ ᓱᓇᒃᑯᑖᖏᑦ, ᐃᓕᓭᖃᑦᑕᓗᓂ ᐊᑐᖃᑦᑕᑐᓂᒃ);

•  ᐊᐅᓚᓗᒋᑦ ᑯᒻᒪᓇᕐᓂᐹᑦ ᓇᓗᓀᔭᕐᓯᒪᓗᒋᑦ ᐱᔭᑦᓭᑦ ᐱᓇᓱᐊᕐᑕᐅᔪᓪᓗ ᐃᓂᓪᓚᖓᔫᓗᓂ ᐱᐊᓚᔪᒃᑯᑦ;

•  ᓇᑉᐹᑎᕆᓗᓂ ᐃᓕᐅᖅᖃᓗᒋᑦ ᐊᑐᑦᓯᐊᕈᓐᓇᑐᒃᑯᑦ ᖃᕆᑕᐅᔭᕈᑎᓂᒃ ᐱᐅᒃᑯᑎᓂᒃ, ᑕᑯᓐᓇᕈᑎᓂᒃ ᖃᓂᓐᖒᑎᓂᓪᓗ ᐃᓚᒌᓴᐅᑉ ᑲᑎᒪᕕᖏᓐᓂ ᐃᓕᓴᕐᑐᖃᓚᖓᑉᐸᑦ, ᑕᑯᑦᓴᐅᑫᔪᖃᓕᕐᐸᑦ, ᑲᑎᒪᓂᕐᓂ ᐊᒻᒪ ᑕᒻᒪᓯᒪᔪᕐᓯᐅᑏᑦ ᐱᓕᕐᐸᑕ;

•  ᐃᓗᓪᓕᑐᕐᓗᒋᑦ ᐊᑐᐃᓐᓇᕈᕐᑎᓗᒋᓪᓗ ᓯᑯᑦᓴᔭᓂᒃ ᐊᑦᔨᓕᐅᕆᒍᑏᑦ ᑭᑎᑦᓯᔪᖃᓕᕐᐸᑦ ᑕᕐᕋᒥ ᓂᐅᕕᐊᑦᓴᓂᒃ ᐅᒥᐊᕐᕈᐊᖃᕐᓇᓕᕐᐸᓗᑦᑕᐅᖅ;

•  ᑎᑭᓭᒍᑎᑦᓴᓂᒃ ᕿᓄᒍᑎᓕᐅᖃᑦᑕᓗᓂ ᐱᓇᓲᑎᑦᓴᑖᕆᐊᓕᓐᓄᑦ ᐊᖏᖃᑎᖃᕋᓱᐊᖃᑦᑕᒥᓗᓂ ᓂᐅᕕᐊᑦᓴᑖᕐᕕᓂᒃ;

•  ᐊᓪᓚᖃᑦᑕᕆᐊᓕᒃ ᑐᓴᕐᑕᐅᑎᓂᐊᕐᓗᒋᑦ ᑐᓴᕐᑕᐅᒋᐊᓕᒻᒪᕆᑦᑕᖃᕐᐸᑦ ᐃᓚᒌᓴᒥᐅᓄᑦ ᑯᐊᐸᓄᓪᓗ ᑕᒪᒃᑭᓗᒋᒃ ᐅᒥᓕᑦᑎᑑᕐᑐᓂᒃ ᖃᓪᓗᓈᕐᑎᑑᕐᑐᓂᓪᓗ;

•  ᓄᐃᑎᕆᓗᓂ ᐃᓕᓐᓂᐅᑎᑦᓴᓂᒃ ᐊᑦᔨᒌᑦᔭᖏᑦᑐᓄᑦ ᖃᕆᑕᐅᔭᕐᓄᐊᖓᔪᓂᒃ ᐃᓚᒌᓴᕐᒥᐅᓄᑦ ᑯᐊᐸᓂᓪᓗ ᐱᓇᓱᒃᑎᓄᑦ(ᑐᑭᖓ.: ᐱᐅᓕᓂᐊᕆᐊᒥᒃ ᐊᓪᓚᑲᑦᑕᐅᑎᕕᒃᑰᑐᕕᓂᕐᓂᒃ, FTP ᒥ ᑕᑯᒋᐊᕋᑦᓴᓂ, ᐃᓐᓄᐃᓯᒪᖃᑦᑕᓗᓂ ᐊᑐᕐᑕᐅᒍᒫᕐᓂᐊᑐᓂᒃ ᑲᑎᒪᕕᓐᓂᒃ, ᐊᓯᖏᓐᓂᓗ);

•  ᐆᑦᑐᕋᖃᑦᑕᓗᓂ ᖃᐅᔨᓴᕐᓗᒋᓪᓗ ᓄᑖᒍᓕᕐᒥᔪᑦ ᖃᕆᑕᐅᔦᑦ ᐊᓱᐃᓛᒃ ᐊᑐᕈᓇᐅᒻᒪᖔᑕ;

•  ᖃᐅᔨᒪᒐᓱᐊᖏᓐᓇᓗᓂ ᓄᑖᕐᑕᖃᓕᕐᐸᑦ ᖃᕆᑕᐅᔭᕈᑎᓂᒃ ᐊᖑᒪᓗᒋᓪᓗ ᐅᓪᓗᒥᐅᑏᑦ ᐃᓕᓐᓂᐊᖃᑦᑕᓗᒋᑦ ᐊᑦᔨᒌᑦᔭᖏᑦᑐᑦ (ᑐᑭᖓ.: Cisco ᐃᓕᓴᐅᑎᖏᑦ, ᐱᔪᓐᓇᐅᑏᑦ, ᐃᓕᓴᕐᑕᐅᓃᑦ, ᐊᓯᖏᓪᓗ);

•  ᐱᔭᑦᓴᐅᒥᔪᓪᓗ ᐊᑦᑐᐊᔭᖏᑦ ᐱᖁᔭᐅᒍᓂ ᐊᖓᔪᖅᖄᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ

•  ᐃᓕᓴᕐᓯᒪᐅᑏᑦ ᓯᓚᑦᑐᓴᕐᕕᒥ DEP ᓘᓐᓃᑦ ᖃᕆᑕᐅᔭᓕᕆᓂᕐᒥᒃ;

•  ᑲᒪᒋᐊᒥᒃ ᖃᐅᔨᒪᓗᓂ Windows ᑯᑦ ᐊᐅᓚᒍᓯᖏᓐᓂᒃ ᖃᕆᑕᐅᔭᕈᑎᓂᓪᓗ ᐃᓕᐅᖅᙯᒋᐊᒥᒃ;

•  ᖃᕆᑕᐅᔭᓕᕆᒋᐅᕐᓂᐅᓗᓂ ᓇᒧᓕᒫᖅ ᐊᒻᒪᒍᑎᓂᒃ;

•  ᖃᐅᔨᒪᒐᓱᐊᑦᓯᐊᑭᓂᐅᓗᓂ;

•  ᐃᓱᐃᓗᑦᓯᓯᒪᔪᓂᒃ ᐃᓂᓪᓓᒍᓐᓇᓗᓂ, ᐃᒻᒥᓂᕿᒃᑭᓂᐅᓗᓂ ᐊᐅᓚᑦᔭᕆᐊᖃᑦᑕᕈᓐᓇᓗᓂᓗ;

•  ᑭᓪᓕᖃᑦᓯᐊᓯᑎᐅᓗᓂ ᐊᓕᐊᒋᔭᖃᕐᓗᓂᓗ ᐱᓇᓱᐊᖃᑎᒌᖃᑕᐅᒋᐊᒥᒃ ᐱᓇᓱᑦᑎᐅᒥᔪᓂ;

•  ᐅᒥᓕᑦᑎᑐᓪᓗ ᖃᓪᓗᓈᕐᑎᑐᓪᓗ ᐱᒍᓐᓇᕆᐊᓕᒃ, ᑕᒪᒃᑭᓗᒋᒃ ᐅᖄᒍᓐᓇᓗᓂ ᐊᓪᓚᒍᓐᓇᓗᒋᓪᓗ.

ᐱᓇᓱᒃᕕᒋᔪᓐᓇᕆᐊᓕᖏᑦ

•  ᓄᓇᕕᓕᐊᕋᖃᑦᑕᕋᔭᕐᑐᖅ ᐊᕐᕌᒍᓕᒫᑉ ᕿᑎᖅᖃᓗᐊᖓᓂᒃ. ᐅᓇᒻᒥᓱᑦᑐᑦ ᐃᓕᒐᓱᐊᕈᑎᒥᓐᓂᒃ ᑐᔪᐃᒍᓐᓇᐳᑦ ᐅᕗᖓ FCNQ.recrutement@fcnq.ca ᓱᑲᑦᑐᑰᕐᑎᓯᒍᑎᒃᑯᓘᓐᓃᑦ ᒪᐅᖓ (514) 457-5651 

ᒥᑦᓯᑎᒍᑦ ᒫᑦᓯ 23, 2023.

ᓇᑯᕐᒦᒃ ᐆᒋᐊᕐᑐᑦ, ᑭᓯᐊᓂᓗ, ᐱᒍᓇᐅᓂᖏᑦ ᖃᐅᔨᑦᓴᕈᕐᕕᐅᓂᐊᕐᓱᑎᒃ