ᓴᓗᒻᒪᓭᔨ - ᑲᑎᕕᒃ ᓄᓇᓕᓕᒫᑦ ᑲᕙᒪᖓ

ᑰᑦᔪᐊᖅ ᐊᑌᓐᓇᑐᖅ / ᐃᓗᐃᒃᑲᑎᒎᕐᑐᖅ Deadline 04/10/2022

ᐱᓇᓱᐊᕋᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (ᑫᐋᔩ) ᐊᒥᓱᐃᓂᒃ ᓄᓇᓕᓐᓂᒃ ᑲᒪᒋᔭᖃᕐᓱᓂ ᑎᒥᐅᕗᖅ ᐊᐅᓚᑦᓯᓂᖃᕐᓱᓂ ᓄᓇᒥᒃ ᑯᐯᑉ ᑕᕐᕋᖓᓂ 55 ᖁᓛᓂ. ᑫᐋᔩ ᕿᓂᓕᕐᒥᔪᒍᑦ ᕿᑦᑌᖓᔪᒥᒃ ᐊᒻᒪᓗ ᐱᔪᑦᓴᐅᔮᕐᑐᒥᒃ ᐃᓄᒻᒥᒃ ᑫᐋᔩᒃᑯᑦ ᐱᓇᓱᑦᑎᖏᓐᓄᑦ ᐃᓚᒋᓕᐅᑎᒍᒪᔪᒥᒃ, ᐃᒣᑦᑑᓗᓂ:

ᓴᓗᒻᒪᓭᔨ (ᐊᑌᓐᓇᑐᖅ / ᐃᓗᐃᒃᑲᑎᒎᕐᑐᖅ)

ᐊᖓᔪᕐᖄᖃᕐᓗᓂ ᑎᒻᒥᔫᕐᓂᐊᕕᐅᑉ ᐃᖏᕐᕋᓂᖏᓐᓂᒃ ᐊᒻᒪᓗ ᓯᖁᒥᓯᒪᔪᕐᓂᐊᑕᐅᓂᖏᓐᓂᒃ ᑲᒪᓕᒻᒪᕆᒻᒥᒃ, ᓴᓗᒻᒪᓭᔨ ᓴᓗᒣᓐᓇᑎᑦᓯᖃᑦᑕᓚᖓᔪᖅ ᐊᓪᓚᕕᓐᓂᒃ, ᑲᑕᒻᒥᒃ, ᖁᕐᕕᑯᕕᓐᓂᒃ ᐊᒻᒪᓗ ᐃᓪᓘᑉ ᐱᐅᓕᓂᐊᒐᕐᑕᖏᓐᓂᒃ ᐊᒻᒪᓗ ᐃᓕᓐᓇᖓᑎᑦᓯᓯᐊᖏᓐᓇᓗᓂ ᓇᑎᕐᓂᐊᖃᑦᑕᓗᓂ ᐊᒻᒪᓗ ᓇᑎᕐᒥᒃ ᕿᓪᓚᕆᑦᓭᖃᑦᑕᓗᓂ, ᐳᔪᐃᔦᕙᓪᓗᓂ, ᓴᓂᒃᑯᕕᓐᓂᒃ ᐱᑌᔦᕙᓪᓗᓂ, ᐃᒐᓛᓂᒃ ᐃᕐᒥᐸᓪᓗᓂ, ᐊᓯᖏᓐᓂᓗ. ᑲᒪᒋᒋᐊᓕᖏᑦ:

• ᓇᑎᕐᓂᒃ ᓴᓂᕐᐸᓗᓂ, ᓇᑎᕐᓂᐊᐸᓪᓗᓂ, ᐃᕐᒥᐸᓪᓗᓂ ᐊᒻᒪᓗ/ᐅᕝᕙᓘᓐᓃᑦ ᐳᔪᐃᔭᕐᓗᒋᑦ;

• ᓇᑎᕐᓂᒃ ᕿᓪᓚᕆᑦᓴᓯᒪᔪᓂᒃ ᕿᓪᓚᕆᑦᓴᐅᑌᔦᕙᓪᓗᓂ, ᐱᐅᓭᕙᓪᓗᓂ ᐊᒻᒪᓗ ᕿᓪᓚᕆᑦᓭᕙᓪᓗᓂ ᒋᐊᖃᓕᕈᓂ;

• ᑲᑎᕐᓱᐃᕙᓪᓗᓂ ᐊᒻᒪᓗ ᐱᑌᔦᕙᓪᓗᓂ ᓴᓂᒃᑯᕕᓐᓂᒃ ᐊᒻᒪᓗ ᐃᓕᕙᓪᓗᒋᑦ ᓴᓃᑦ ᓴᓂᑯᖃᐅᑎᒧᑦ ᑲᑕᒻᒦᑐᒧᑦ;

• ᐱᐅᓭᕙᓪᓗᓂ, ᓴᓗᒻᒪᓭᕙᓪᓗᓂ ᐊᒻᒪᓗ ᐱᑕᒋᒋᐊᓕᖏᓐᓂᒃ ᐱᑕᑦᓯᑐᐃᕙᓪᓗᓂ ᖁᕐᕕᑯᕖᑦ;

• ᐃᒐᓛᓂᒃ ᓴᓗᒻᒪᓭᕙᓪᓗᓂ, ᐃᒐᓛᓪᓗ ᐊᕙᓗᖏᓐᓂᒃ, ᐊᓯᖏᓐᓂᓗ;

• ᐃᓪᓘᑉ ᐱᐅᓕᓂᐊᒐᕐᑕᖏᓐᓂᒃ ᐳᔪᐃᔦᕙᓪᓗᓂ, ᐊᑭᓐᓀᓗ ᐃᓚᖏᓐᓂᒃ ᐊᒻᒪᓗ ᐱᐅᒃᑯᑏᑦ ᐃᓚᖏᓐᓂᒃ;

• ᑐᓴᕐᑎᓯᕙᓪᓗᓂ ᐊᐅᓚᑦᓯᔨᓂᒃ ᓯᖁᒥᓯᒪᔪᖃᓕᕐᐸᑦ; • ᓴᓂᒃᑯᕖᑦ ᐊᒻᒪᓗ ᓄᖑᓐᓂᑯᒃᑯᕖᑦ ᐱᑌᔭᕐᐸᓗᒋᑦ, ᓴᓗᒻᒪᓴᕆᐊᖃᕐᐸᑕ ᓴᓗᒻᒪᓴᕐᐸᓗᒋᑦ ᑎᒻᒥᔫᓂᑦᓯᐅᕕᐅᑉ ᓯᕗᕌᓃᑦᑐᑦ;

• ᐃᐱᕈᓯᒪᔪᓂᒃ ᓴᓗᒻᒪᓭᕙᓪᓗᓂ ᒋᐊᖃᓕᕈᓂ;

• ᐃᑉᐱᒍᓱᑦᓯᐊᖏᓐᓇᓗᓂ ᓴᓗᒻᒪᓭᒍᑏᑦ ᐅᕝᕙᐅᑏᑦ ᐊᒻᒪᓗ ᐊᓪᓚᕈᑎᑦᓴᔦᑦ ᐃᖂᑎᑦᓴᔦᑦ ᑲᒃᑭᐅᑎᑦᓴᔦᑦ ᓄᖑᓐᓂᐅᔭᕐᓂᖏᓐᓂᒃ ᐊᒻᒪᓗ ᐊᓯᑦᔨᐅᑎᑦᓴᖃᖏᓐᓇᕆᐊᖃᕐᓂᖏᓐᓂᒃ;

• ᐊᖓᔪᕐᖄᒥᓄᑦ ᑎᓕᐅᕐᑕᐅᒍᑎᒥᓂᒃ ᐱᓇᓱᒐᕐᒥᓅᓕᖓᔪᓂᒃ ᐱᓇᓱᐊᕐᐸᓗᓂ.

ᐱᓇᓱᒍᒪᑦᓱᓂ ᓂᕈᐊᕐᑕᐅᔪᖅ ᐃᒣᒋᐊᓕᒃ:

• ᖃᐅᔨᒪᓗᓂ ᐊᑦᔨᒌᖕᖏᑐᓂᒃ ᓴᓗᒻᒪᓭᒍᑎᓂᒃ ᐊᑐᕐᑕᐅᒍᓯᖏᓐᓂᓗ;

• ᑐᑭᓯᒪᓗᓂ ᓴᓗᒻᒪᓭᒍᑏᑦ ᐊᑦᑕᓇᕐᑐᑕᖏᓐᓂᒃ ᐊᑑᑎᑦᓴᔭᖏᓐᓂᓗ;

• ᐃᑭᓐᓂᐸᐅᑎᓪᓗᒋᑦ 3-ᓂ ᑕᕐᕿᓂ ᓴᓗᒻᒪᓭᔨᐅᓯᒪᓗᓂ;

• ᐃᓕᓐᓂᐊᕆᐊᖃᕈᓂ ᐊᑐᐃᓐᓇᐅᓗᓂ;

• ᐱᓇᓱᒐᕐᒥᓂᒃ ᑲᔪᓯᑦᓯᐊᕈᓐᓇᓗᓂ ᐊᒻᒪᓗ ᐅᐸᓗᕐᑕᕈᓐᓀᓗᓂ ᐊᒻᒪᓗ ᐊᑐᐃᓐᓇᐅᕙᓪᓗᓂ ᐅᓐᓄᓴᒃᑯᑦ ᐅᕝᕙᓘᓐᓃᑦ ᐱᓇᓱᐊᕈᓯᐅᑉ ᓄᖕᖑᐊᓂ ᐱᓇᓱᐊᕈᓐᓇᓗᓂ;

• ᐱᐅᓯᕐᓲᑎᖃᑦᓯᐊᓗᓂ ᐃᓅᖃᑎᖃᑦᓯᐊᕈᓐᓇᓗᓂ;

• ᑎᒻᒥᔫᕐᓂᐊᕕᓕᐊᕈᓐᓇᓗᓂ ᐊᒻᒪᓗ ᑖᕙᖕᖓᑦ ᐱᓗᓂ ᐅᑎᕈᓐᓇᓯᐊᕐᓗᓂ.

ᐱᓇᓱᕝᕕᖓᑕ ᓇᔪᕐᑕᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐹᑦ $28 438.22 ᐊᕐᕌᒍᑕᒫᑦ - ᐅᓄᕐᓂᐹᑦ $38 804.22 ᐊᕐᕌᒍᑕᒫᑦ, (E-1) ᐊᓯᐊᒍᑦ ᐱᕙᓪᓕᖁᑎᑦᓭᑦ: ᓂᐅᕕᐊᑦᓭᑦ ᐊᑭᑐᓂᖏᓐᓄᑦ ᐃᑲᔪᕐᑕᐅᒍᑏᑦ: ᐃᑭᓐᓂᐹᑦ $8,500/ᐊᕐᕌᒍᑕᒫᑦ ᓂᕿᓄᑦ ᐃᑲᔪᕐᓯᔭᐅᒍᑏᑦ: ᐃᑭᓐᓂᐹᑦ $1,752/ᐊᕐᕌᒍᑕᒫᑦ ᐊᕐᕌᒍᑕᒫᑦ ᕿᑲᕐᓗᓂ ᐊᐅᓪᓚᕈᑏᑦ: ᐃᑭᓐᓂᐹᖓᓄᑦ 3 ᐱᔭᕆᐊᑭᓪᓕᑎᕐᓯᒪᔪᑦ ᐃᓄᒻᒪᕆᐅᓂᕐᒧᑦ ᓴᓂᕐᕚᑎᕆᐅᑏᑦ: 6% ᐱᓇᓱᕝᕕᒃ, 4% ᐱᓇᓱᑦᑎ ᐱᓇᓱᐊᖃᑎᒌᑦ ᐃᒻᒪᖃᐅᑎᖏᑦ ᕿᑲᕈᓐᕖᑦᑦ: 20 ᐅᓪᓗᐃᑦ ᐊᕐᕌᒍᒥ ᐱᖁᔭᕐᑎᒍᑦ ᕿᑲᕐᓀᑦ: 19 ᐅᓪᓗᐃᑦ ᐃᓚᐅᑎᓪᓗᒋᑦ 10 ᐅᓪᓗᐃᑦ ᖁᕕᐊᓱᕝᕕᒥ 

ᐆᒃᑑᐱᕆ 3, 2022-ᒥ, Human Resources Advisor Kativik Regional Government P.O. Box 9 Kuujjuaq QC J0M 1C0

Fax: (819) 964-2975

Email: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓈᒻᒪᖁᐊᕇᑦᑎᓯᑦᓱᓂ ᐱᕕᑦᓴᖃᕐᑎᓯᓲᖅ ᐱᓇᓱᑦᑎᖃᕐᑎᐅᓱᓂ. ᒪᓕᓪᓗᒍ ᑕᒪᓐᓇ ᐊᒻᒪᓗ ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓ, ᖃᓄᐃᓕᒍᑎᖃᕐᓂᖏᑦ ᐊᑦᔨᐅᖏᑦᑑᑐᐃᓐᓇᕆᐊᓖᑦ ᐱᕙᓪᓕᑎᑦᓯᒍᒪᒧᑦ ᐃᓄᐃᑦ ᐃᓕᒐᓱᐊᕐᑐᑦ ᐱᓇᓱᒐᑦᓴᑖᖁᒧᑦ. ᐃᓕᒐᓱᐊᕐᑐᑦ ᓇᓪᓕᑳᕐᑕᐅᔪᑦ ᑭᓯᐊᓂ ᐊᐱᕐᓲᔭᕐᑕᐅᒍᒪᓗᑎᒃ ᖃᐅᔨᑎᑕᐅᓛᕐᑐᑦ

Suggested Jobs

See All Jobs