ᓴᓗᒻᒪᓭᔨ - ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒃ - ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ

ᓴᓗᒻᒪᓭᔨ - ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒃ - ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ

ᑲᑐᑦᔨᖃᑎᒌᓪᓗᑕ, ᓯᕗᒧᑦ ᐃᖏᕐᕋᒍᓐᓇᐳᒍᑦ ᐊᒻᒪᓗ ᐱᔭᖃᕐᓗᑕ ᐅᖓᑖᓄᑦ. ᐊᒥᓱᑦ ᐊᑐᐃᓐᓇᐅᑎᑕᐅᔪᑦ ᐊᒻᒪᓗ ᐊᖅᖁᑎᑦᓴᐅᒐᔭᕐᑐᑦ ᐅᒃᑯᐃᖔᕐᑐᑦ ᐃᓕᓐᓄᑦ. ᐃᓕᕕᖃᑐᐊᕈᕕᑦ ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒻᒧᑦ, ᐱᓂᐊᕐᓂᖃᓚᖓᕗᑎᑦ ᓱᓕᔪᒥᒃ ᐊᓯᑦᔨᑎᕆᖃᑕᐅᓂᕐᒥᒃ ᓄᓇᓕᑉᐱᑦ ᐃᓗᐊᓂ. ᓲᓱᒋᓇᕐᓱᓂ ᐊᒻᒪᓗ ᓲᖑᓂᖃᕐᓱᓂ ᐱᓇᓱᑉᕕᐅᓱᓂ ᐊᕙᑎ ᐃᓕᓐᓂᒃ ᐅᑕᖅᕿᕗᖅ, ᐱᔪᓐᓇᓂᑎᑦ ᐊᒻᒪᓗ ᐃᓅᓂᕐᓄᑦ ᕿᒻᒪᖁᓯᐊᕆᓯᒪᔭᑎᑦ ᐆᒻᒪᑎᒋᔭᐅᑎᓪᓗᒋᑦ ᑎᓕᔭᐅᒪᐅᑎᑦᑎᓄᑦ. ᐱᓇᓱᐊᖃᐅᓃᑦ ᐅᕙᑦᑎᓄᑦ ᑐᑭᖃᒐᔭᕐᒥᔪᖅ ᐱᓂᐊᕐᓂᖃᕐᓂᑯᑦ ᑲᔪᓯᑎᑦᓯᖃᑕᐅᓂᕐᒥᒃ ᐱᐅᓕᐊᕐᑕᐅᓂᖓᓂᒃ ᐃᓄᐃᑦ ᐅᖃᐅᓯᖓᓂᒃ ᐊᒻᒪᓗ ᐃᓕᖅᕈᓯᖓᓂᒃ ᐱᕙᓪᓕᖁᑎᑖᕐᐸᓕᐊᕈᑎᒋᑦᓱᒍᓗ ᐱᐅᓯᐅᒥᒋᐊᕐᓯᒪᔪᓂᒃ ᐱᓇᓱᓐᓂᓄᑦ ᖃᓄᐃᓕᖓᐅᓯᐅᒋᐊᓕᓐᓂᒃ ᐊᒻᒪᓗ ᐊᒥᓱᐃᓂᒃ ᐱᕕᑦᓴᐅᑎᑕᐅᔪᓂᒃ ᐱᕈᕐᐸᓕᐊᓂᕐᒧᑦ. ᐃᖃᔪᕐᓯᐅᑎᒋᓚᐅᕈᒃ ᐱᔪᓐᓇᓃᑦ ᐊᒻᒪᓗ ᐊᓕᐊᒋᔦᑦ ᓄᐃᑦᓯᐅᑎᒋᓗᒍ ᐱᒻᒪᕆᖁᑎᖏᓐᓂᒃ ᓄᓇᓕᑦᑕ, ᐱᕈᕐᐸᓕᐊᖃᑕᐅᕕᒋᓗᒍᓗ ᐱᓇᓱᖃᑎᒌᓂ ᐃᑲᔪᕐᓯᒪᔪᓂ ᐊᒻᒪᓗ ᐃᓕᑕᕆᔭᖃᕐᓱᑎᒃ ᐃᓕᓐᓂᒃ

ᙯᒋᑦ ᐅᕙᑦᑎᓄᑦ ᐱᓇᓱᐊᖃᑕᐅᒋᑦ - ᐊᒥᓱᑦ ᐊᓕᐊᓇᕐᑐᐊᓘᑦᓱᑎᒃ ᐱᕕᑦᓭᑦ ᐊᑐᐃᓐᓇᐅᒪᑕ!

ᕿᒥᕐᕈᓗᒋᑦ ᐊᑦᔨᒌᖕᖏᑐᑦ ᐱᓇᓱᒉᑦ, ᐃᓕᓐᓂᒃ ᐃᑲᔪᕐᓯᓚᖓᔪᑦ ᓇᑉᕚᕋᓱᐊᕐᑎᓗᑎᑦ ᐊᖅᖁᑎᒋᓂᐊᕐᑕᓃᕕᑦ ᐱᐅᓂᕐᐹᑯᑦ ᓈᑉᕚᕈᑎᒋᓂᐊᕐᑕᓃᕕᑦ ᓲᖑᓂᕐᓂᒃ ᐊᒻᒪᓗ ᐊᓕᐊᒋᔭᕐᓃᕕᑦ!

ᐱᓇᓱᒐᐅᑉ ᖃᓄᐃᓕᖓᓂᖏᑦ - ᓴᓗᒻᒪᓭᔨ - ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒃ - ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ

ᑮᓇᐅᑦᔭᓵᖓ:

· $28.65 ᐃᑲᐅᕐᓂᑕᒫᑦ

ᐱᓪᓗᖁᑏᑦ:

· ᖃᓄᐃᑦᑐᑐᐃᓐᓇᓂᒃ ᐃᓗᓯᓕᕆᓂᕐᓄᑦ ᑲᒪᒋᔭᐅᒍᑎᓂᒃ ᐃᒻᒪᖃᐅᑎᓄᑦ ᐸᕐᓇᓯᒪᐅᑎᒃ ᐊᒻᒪᓗ ᐃᓄᒻᒪᕆᖕᖑᒍᓂ ᓄᖅᖃᓂᐊᕐᓂᓄᑦ ᐸᕐᓇᓯᒪᐅᑎᒃ.

· ᐱᓇᓱᑦᑏᑦ ᐊᒻᒪᓗ ᐃᓚᖏᑦᑕ ᐃᑲᔪᕐᑕᐅᒍᑎᖏᑦ

· ᐱᔪᑦᓴᐅᔮᕐᓇᑐᖅ ᐊᒻᒪᓗ ᐊᑐᕐᓂᖃᕐᓱᓂ ᐱᓇᓱᕐᓂᖅ ᐊᑦᔨᖃᖕᖏᑐᒥ ᐊᕙᑎᒥ ᐱᕕᑦᓴᖃᕐᑎᓯᑦᓱᓂ ᐊᕗᖓᐅᓕᖓᔪᒥᒃ ᐱᔪᓐᓇᑐᓪᓚᕆᐅᓗᓂ ᐱᓇᓱᒍᓐᓇᓯᓂᕐᒥᒃ.

· ᑲᔪᓯᔪᒥᒃ ᐃᓕᓴᕐᓗᓂ ᐱᓇᓱᒐᕐᒥᒃ ᐊᒻᒪᓗ ᐱᕕᑦᓴᖃᕐᓗᓂ ᖃᑉᕙᕆᐊᕈᓐᓇᓯᓂᕐᒧᑦ ᐊᒻᒪᓗ ᐱᕈᕐᐸᓕᐊᓂᕐᒧᑦ

· ᐱᓇᓱᐊᕈᓯᕐᓂᒃ ᓯᑕᒪᓂᒃ ᑕᙯᕐᓯᕕᖃᕐᓗᓂ ᐊᖅᕌᒍᓕᒫᒥ ᐱᓇᓱᐊᓕᑐᐊᕈᓂ

ᑕᖅᕋᒥᐅᒍᓂᕐᓄᑦ ᐊᑭᓕᕐᑕᐅᒍᑏᑦ ᐊᒻᒪᓗ ᐊᓯᖏᑦ ᐱᓇᓱᓐᓂᓄᑦ ᖃᓄᐃᓕᖓᐅᓯᐅᒋᐊᓖᑦ:

· ᐃᓄᑑᓂᕐᒧᑦ ᐊᑭᓕᕐᑕᐅᒍᑎᒃ (ᕿᑐᕐᖓᖃᖕᖏᑐᒧᑦ) ᐊᑯᓐᓂᖏᓐᓂ $227.69 ᐊᒻᒪᓗ $268.59 ᐱᓇᓱᐊᕈᓯᑕᒫᑦ, ᐃᑉᐱᒋᓗᒍ ᓄᓇᓕᒃ ᓇᔪᕐᑕᖓ

· ᐃᓄᑑᓂᕐᒧᑦ ᐊᑭᓕᕐᑕᐅᒍᑎᒃ (ᕿᑐᕐᖓᓕᒻᒧᑦ) ᐊᑯᓐᓂᖏᓐᓂ $401.36 ᐊᒻᒪᓗ $473.51 ᐱᓇᓱᐊᕈᓯᑕᒫᑦ, ᐃᑉᐱᒋᓗᒍ ᓄᓇᓕᒃ ᓇᔪᕐᑕᖓ

· ᐱᓇᓱᑯᑖᓐᓂᒧᑦ ᐱᓪᓗᖁᑎᒃ: ᐊᑯᓐᓂᖏᓐᓂ $34.78 ᐊᒻᒪᓗ $68.13 ᐱᓇᓱᐊᕈᓯᑕᒫᑦ, ᐃᑉᐱᒋᓗᒍ ᓄᓇᓕᒃ ᓇᔪᕐᑕᖓ

· ᐊᑭᖏᓐᓄᑦ ᐃᓅᑦᔪᑎᖏᑦᑕ: ᐊᑯᓐᓂᖏᓐᓂ $58.40 ᐊᒻᒪᓗ $188.72 ᐱᓇᓱᐊᕈᓯᑕᒫᑦ, ᐃᑉᐱᒋᓗᒍ ᓄᓇᓕᒃ ᓇᔪᕐᑕᖓ

ᐱᓇᓱᒉᑦ ᐊᑐᐃᓐᓇᐅᑎᑕᐅᔪᑦ - ᓴᓗᒻᒪᓭᔨ - ᐃᓅᓕᑦᓯᕕᒃ ᐃᓗᓯᓕᕆᓂᕐᒧᑦ ᑐᑦᑕᕕᒃ - ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ

· ᐃᓗᐃᑦᑐᓂᒃ ᐃᑲᐅᕐᓂᓕᐅᕐᑐᖅ ᐅᓪᓗᑯᑦ ᐅᑉᕙᓘᓐᓃᑦ ᐅᓐᓄᑐᒃᑯᑦ ᐱᓇᓱᓐᓀᑦ.

· ᐃᓓᓐᓇᓂᒃ ᐃᑲᐅᕐᓂᓕᐅᕐᑐᑦ ᐅᓪᓗᑯᑦ, ᐅᑉᕙᓘᓐᓃᑦ ᐅᓐᓄᑐᒃᑯᑦ ᐱᓇᓱᓐᓀᑦ

ᑲᒪᒋᔭᑦᓴᕆᓗᐊᖕᖑᐊᒐᔭᕐᑕᖏᑦ - ᓴᓗᒻᒪᓭᔨ - ᓄᓇᕕᒻᒥ (ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ)

· ᑲᒪᓗᓂ ᓴᓗᒪᒋᐊᖃᕐᓂᖓᓂᒃ ᐊᒻᒪᓗ ᐊᑦᑖᓀᑦᑑᒋᐊᖃᕐᓂᖓᓂᒃ ᐋᓐᓂᐊᕕᐅᑉ

· ᖁᐱᕐᕈᐃᔦᓗᓂ ᓄᐃᑕᔪᓕᒫᓂᒃ ᐋᓐᓂᐊᕕᐅᑉ ᐃᓗᐊᓂ

· ᐱᓇᓱᐊᖃᑦᑕᓗᓂ ᐊᑦᔨᒌᖕᖏᑐᓂᒃ ᓴᓗᒻᒪᓭᓂᒃᑯᑦ ᐱᔭᑦᓴᓂᒃ ᒪᓕᓪᓗᒋᑦ ᓴᓗᒪᒋᐊᖃᕐᓂᓄᑦ ᐊᒻᒪᓗ ᐊᑦᑕᓀᑦᑑᒋᐊᖃᕐᓂᖓᓄᑦ ᖃᓄᐃᓕᖓᐅᓯᓕᐊᒍᓯᒪᔪᑦ

ᕿᓄᐊᕆᔭᐅᔪᑦ - ᓴᓗᒻᒪᓭᔨ - ᓄᓇᕕᒃ - (ᑕᓯᐅᔭᕐᔪᐊᑉ ᑕᕆᐅᖓᑕ ᓯᑦᔭᖓᓂ ᓄᓇᓕᓐᓂ)

· ᐅᖄᒍᓐᓇᓯᐊᕐᓗᓂ ᐃᓄᑦᑎᑐᑦ

· ᐱᓇᓱᒐᕐᑖᕋᓱᐊᕐᓂᒧᑦ ᐊᓪᓚᖁᑏᑦ ᑭᖕᖒᒪᒋᔭᐅᖕᖏᑐᑦ ᐱᓇᓱᒐᕐᑖᕋᓱᐊᕐᓗᓂ!

ᖃᓄᑐᐃᓐᓇᖅ ᐊᐱᕐᓲᑎᑦᓴᖃᕈᕕᑦ, ᐅᕙᑦᑎᓂᒃ ᑲᓱᐃᒍᓐᓇᐳᑎᑦ ᐅᕙᓂ: recrutement.csi@ssss.gouv.qc.ca

ᐱᓇᓱᖃᑎᒌᓚᐅᕐᑕ ᐊᑐᐃᓐᓇᐅᑎᑦᓯᒍᓐᓇᓂᐊᕋᑦᑕ ᐱᐅᓂᕐᐹᓂᒃ ᐃᓗᓯᓕᕆᓂᕐᒧᑦ ᐊᒻᒪᓗ ᐃᓅᓯᓕᕆᓂᕐᒧᑦ ᐱᒍᑦᔨᐅᑎᓂᒃ ᓄᓇᕕᒻᒥᐅᓄᑦ. ᐊᑐᐃᓐᓇᐅᕖᑦ ᐊᓯᑦᔨᑎᕆᖃᑕᐅᓂᕐᒧᑦ? ᐃᓕᓐᓂᒃ ᐅᑕᖅᕿᕗᒍᑦ!

ᐱᔪᑦᓴᐅᔮᕐᐲᑦ ᐱᓇᓱᒐᕐᒥᒃ ᑐᓵᔨᐅᓂᕐᒥᒃ? ᑕᒐᑕᒐ ᐱᓇᓱᒐᕐᑖᕋᓱᐊᓕᕆᑦ! recrutement.csi@ssss.gouv.qc.ca !