ᓯᕗᓕᕐᑎᒃ ᐊᕙᑎᓕᕆᓂᕐᒥᒃ ᐱᓪᓗᑯᑦᑐᓕᕆᓂᕐᒥᒃ - KRG

ᐱᓇᓱᒐᖅ ᐊᑐᐃᓐᓇᕈᕐᑐᖅ

ᑲᑎᕕᑦ ᓄᓇᓕᓕᒫᑦ ᑲᕙᒪᖓ (KRG), ᐊᒥᓱᐃᓕᖓᔪᓂᒃ ᑲᕙᒫᐱᓕᕆᓂᕐᒥᒃ ᑎᒥᐅᔪᖅ ᑲᒪᒋᔭᖃᕐᓱᓂ ᓄᓇᖓᓂᒃ ᑯᐯᒃᒥ ᑕᕐᕋᖓᓃᑦᑐᓂᒃ 55, ᕿᓂᓕᕐᒥᔪᑦ ᐆᒻᒪᕿᑦᑐᓯᐊᒥᒃ ᐊᒻᒪᓗ ᑲᑦᓱᙰᑦᑐᒥᒃ ᐃᓄᒻᒥᒃ ᐱᓇᓱᒐᔭᕐᑐᒥᒃ ᐅᑯᓂᖓ:

ᓯᕗᓕᕐᑎᒃ ᐊᕙᑎᓕᕆᓂᕐᒥᒃ ᐱᓪᓗᑯᑦᑐᓕᕆᓂᕐᒥᒃ

(ᐊᑌᓐᓇᑐᖅ, ᐃᓗᐃᒃᑫᑦ-ᑫᕙᓪᓚᒍᓯᖏᑦ ᐃᓇᖏᕐᑕᐅᑎᓂᒃᑯᑦ)

ᑐᓴᕐᑎᓯᖃᑦᑕᓗᓂ ᑐᑭᒧᐊᑦᑎᓯᔨᒥᒃ - ᐊᕙᑎᓕᕆᓂᕐᒥᒃ, ᓯᕗᓕᕐᑎᒃ ᐊᕙᑎᓕᕆᓂᕐᒥᒃ ᐱᓪᓗᑯᑦᑐᓕᕆᔨ ᐱᓇᓱᖃᑎᖃᖃᑦᑕᓚᖓᔪᖅ ᐊᕙᑎᓕᕆᓂᕐᒥᒃ ᐱᓪᓗᑯᐊᐱᒋᐊᖃᓕᕆᔨᓂᒃ. ᐱᓗᐊᕐᑐᒥᒃ, ᓯᕗᓕᕐᑎᒃ ᐊᕙᑎᓕᕆᓂᕐᒥᒃ ᐱᓪᓗᑯᑦᑐᓕᕆᔨᐅᑉ ᖃᓄᐃᓘᕐᑎᐅᓂᖓ ᐅᑯᓂᖓ ᐱᓇᓱᒐᖃᖃᑦᑕᓚᖓᔪᖅ:

• ᐱᓇᓱᐊᖃᑦᑕᓗᒋᑦ ᐊᕙᑎᓕᕆᓂᕐᒥᒃ ᖃᐅᔨᓴᕐᑕᐅᒋᐊᓖᑦ ᓱᔪᑦᑕᐅᒪᔫᓂᖏᑦ ᐃᓂᒋᔭᐅᔪᑦ (ᐱᓇᓱᐊᕐᑕᐅᓂᖓ I ᐊᒻᒪᓗ ᐱᓇᓱᐊᕐᑕᐅᓂᖓ II);

• ᐃᑲᔪᕐᓗᓂ ᑐᑭᒧᐊᕐᑎᑕᐅᓂᖏᑦ ᐋᕐᕿᓱᐃᒋᐊᕐᓂᒧᑦ ᐱᓇᓱᐊᕐᓃᑦ ᓱᔪᑦᑕᐅᓯᒪᔪᓂᒃ ᐃᓂᒋᔭᐅᔪᓂᒃ ᐅᑭᐅᕐᑕᑐᒥᒃ ᓄᓇᓕᐅᔪᓂᒃ;

• ᐊᓪᓚᖃᑦᑕᓗᒋᑦ ᐃᓗᓕᑕᖏᑦ ᐊᕙᑎᓕᕆᓂᐅᑉ ᓇᐅᑦᓯᑐᕐᑕᐅᒍᑎᖏᑦᑕ ᑐᓴᕐᑎᓯᐅᑎᖏᑦ;

• ᐃᓚᐅᖃᑦᑕᓗᓂ ᓄᓇᓕᓐᓂᒃ ᓇᐅᑦᓯᑐᐃᓂᐅᔪᓂᒃ, ᐱᓇᓱᐊᖃᑦᑕᓗᒋᑦ ᐃᒪᕐᒥᒃ ᐊᒻᒪᓗ ᓄᓇᒥ ᖃᐅᔨᓴᕐᑕᐅᒍᑎᑦᓭᑦ ᐊᒻᒪᓗ ᕿᒥᕐᕈᖃᑦᑕᓗᒋᑦ ᖃᐅᔨᓴᕐᑕᐅᒍᑎᕕᓂᖏᑦ;

• ᖃᐅᔨᒋᐊᖃᑦᑕᓗᒋᑦ ᑯᕝᕕᕆᔭᐅᑲᓪᓚᓂᕕᓃᑦ ᑲᒪᒋᐊᓖᑦ ᐃᓚᒋᓗᒋᑦ ᐊᒻᒪᓗ ᐃᑉᐱᒋᓗᒋᑦ ᐃᓘᓐᓇᑎᒃ ᖃᓄᐃᓘᒋᐊᕈᑎᐅᔪᑦ ᐃᑯᓪᓓᒐᓱᐊᕐᓂᒧᑦ ᓱᕐᕋᑕᐅᒍᑎᐅᔪᓂᒃ;

• ᐃᑲᔪᕐᓗᒋᑦ ᓄᓇᓕᐅᑉ ᐃᓚᐅᔫᔪᖏᑦ ᖃᐅᔨᓴᖃᑦᑕᓗᒋᑦ ᐊᕙᑎᓕᕆᓂᕐᒧᑦ ᑮᖕᖒᒪᒋᔭᐅᔪᑦ ᓄᓇᓕᓐᓂᒃ;

• ᐃᓚᐅᓗᓂ ᐱᕙᓪᓕᐊᔭᐅᓂᖏᓐᓂᒃ ᐊᑐᓕᕐᑎᑕᐅᓂᖏᓐᓂᓗ ᐊᕙᑎᓕᕆᓂᕐᒥᒃ ᐃᑉᐱᒍᓱᒋᐊᕐᓂᒧᑦ ᐱᓇᓱᐊᒐᑦᓴᐅᔪᑦ ᓄᓇᕕᐅᑉ ᓄᓇᓕᖏᓐᓂᒃ;

• ᐃᓚᐅᓗᓂ ᐸᕐᓇᑕᐅᓂᖏᓐᓂᒃ ᐊᑐᓕᕐᑎᑕᐅᓂᖏᓐᓂᓗ ᐅᖑᒪᑦᓯᓂᐅᑉ ᐱᓇᓱᐊᒐᑦᓴᖏᓐᓂᒃ;

• ᐃᑲᔪᕐᓗᓂ ᑐᑭᒧᐊᑦᑎᑕᐅᓂᖏᓐᓂᒃ ᐊᑐᕆᐊᓪᓛᓂᕐᒨᓕᖓᔪᑦ ᐊᒻᒪᓗ ᐊᑦᑕᓇᕐᑐᓕᕆᓂᕐᒥᒃ ᐃᒋᑕᑦᓴᓕᐊᕕᓃᑦ ᐊᐅᓚᑕᐅᓂᖏᑦᑕ ᐱᓇᓱᐊᒐᑦᓴᖏᓐᓂᒃ ᐱᓇᓱᐊᖃᑎᒌᑎᒍᑦ ᐊᒻᒪᓗ ᓄᓇᓕᐅᑉ ᐊᖓᔪᖃᐅᑎᖏᑦ;

• ᓄᐊᖃᑦᑕᓗᒋᑦ ᐱᓇᓱᕝᕖᑦ ᑲᑎᕐᓱᐊᒐᖏᑦ ᐊᒻᒪᓗ ᑐᓴᐅᒪᔭᐅᑎᓗᒋᑦ ᖃᐅᔨᓴᕐᑕᐅᒍᑎᕕᓂᖏᑦ;

• ᐱᓇᓱᐊᖃᑎᒋᖃᑦᑕᓗᒋᑦ ᐊᓯᖏᑦ ᐱᓇᓱᑦᑎᒋᔭᐅᔪᑦ ᐊᕙᑎᓕᕆᓂᐅᑉ ᐱᓇᓱᖃᑎᒌᖏᑦ ᐊᓯᖏᓐᓂᒃ ᐱᓇᓱᐊᒐᑦᓴᓂᒃ ᐊᕙᑎᓕᕆᓂᐅᑉ ᐊᐅᓚᑕᐅᒍᑎᖏᓐᓅᓕᖓᔪᑦ;

• ᓴᐳᑎᓗᒍ ᐊᕙᑎᓕᕆᓂᕐᒥᒃ ᐱᓪᓗᑯᑦᑐᓕᕆᔨ ᐱᓇᓱᐊᒐᑦᓴᖏᓐᓂᒃ;

• ᐱᓇᓱᖃᑦᑕᓗᒋᓗ ᐊᓯᖏᑦ ᐱᓇᓱᐊᕐᑕᐅᔭᕆᐊᓖᑦ.

ᐱᒍᓐᓇᐅᑎᖃᕈᑎᒋᒋᐊᓕᖏᑦ:

• ᐃᓕᓐᓂᐊᕕᒻᒪᕆᓐᓂᒃ ᐱᔭᕇᒍᑎᖃᕐᓗᓂ ᐊᕙᑎᓕᕆᓂᕐᒥᒃ ᐅᕝᕙᓗᓘᓐᓃᑦ ᐱᓇᓱᒐᖓᑕ ᐊᑦᔨᐸᓱᖓᓂᒃ

• 2 ᐊᕐᕌᒍᐃᑦ ᐊᑑᑎᓕᓐᓂᒃ ᐊᕙᑎᓕᕆᓂᕐᒥᒃ ᐱᓇᓱᑦᓯᒪᓗᓂ

• ᖃᐅᔨᒪᓂᖃᕐᓗᓂ ᐊᕙᑎᓕᕆᓂᐅᑉ ᐱᖁᔭᖏᓐᓂᒃ ᒪᓕᒐᖏᓐᓂᓗ ᐊᑐᕐᓂᖃᕐᑎᑕᐅᔪᓂᒃ ᑯᐯᒃᒥ

• ᐱᓇᓱᐊᖃᑎᖃᕐᓯᒪᓗᓂ ᓄᓇᖃᕐᖄᓯᒪᔪᓂᒃ ᐅᕝᕙᓗᓘᓐᓃᑦ ᐅᑭᐅᕐᑕᑐᒦᑦᑐᓂᒃ ᓄᓇᓕᓐᓂᒃ.

• ᐱᒍᓐᓇᓂᖃᕐᓗᓂ ᐱᓇᓱᒍᓐᓇᓂᕐᒥᒃ ᐃᒻᒥᓂᕐᓱᓗᓂ.

• ᖃᐅᔨᒪᓂᖃᕐᓗᓂ ᖃᐅᔨᓴᕈᑎᖃᕐᓂᐅᑉ ᒪᓕᒐᑦᓴᔭᖏᓐᓂᒃ ᐱᐅᓯᒍᕐᑎᑕᐅᓯᒪᔪᓂᒃ ᐊᕙᑎᓕᕆᓂᐅᑉ ᑐᕐᖃᑕᕐᕕᑯᖏᓐᓄᑦ

• ᖃᐅᔨᒪᓗᓂ ᖃᓄᖅ ᐃᓕᐅᕐᖃᑕᐅᓲᖑᓂᖏᓐᓂᒃ ᐊᑐᕐᑕᐅᓲᖑᓂᖏᓐᓂᒃ ᐊᕙᑎᓕᕆᓂᕐᒥᒃ ᐃᑉᐱᒍᓱᓐᓂᒧᑦ ᓴᓇᕐᕈᑎᒋᔭᖏᑦ.

• ᐊᓪᓚᕈᓐᓇᓗᓂ ᐱᓪᓗᑯᑦᑐᓕᕆᓂᐅᑉ ᑐᓴᕐᑎᓯᐅᑎᖏᓐᓂᒃ ᐊᒻᒪᓗ ᑐᓴᐅᒪᑎᑦᓯᖃᑦᑕᓗᓂ ᑐᓴᒐᑦᓴᓂᒃ ᐱᓇᓱᖃᑎᒥᓄᑦ, ᓄᓇᓕᒻᒥᓄᑦ, ᑎᒥᐅᔪᓄᑦ, ᐊᒻᒪᓗ ᒪᓕᒐᓕᕆᓂᕐᒧᑦ ᐊᖓᔪᕐᖃᐅᑎᖏᓐᓄᑦ.

• ᖃᐅᔨᒪᓂᖃᑦᓯᐊᓗᓂ ᐃᓗᓯᓕᕆᓂᕐᒧᑦ ᐊᑦᑕᓇᕐᑐᒦᑦᑎᓯᑦᑌᓕᓂᕐᒧᓗ ᐃᓕᖓᔪᓂᒃ ᐊᕙᑎᓕᕆᓂᐅᑉ ᖃᓄᐃᓕᖓᐅᓯᖏᑎᒍᑦ ᐊᒻᒪᓗ ᐋᕐᕿᒋᐊᕆᓂᐅᑉ ᐱᓇᓱᐊᕐᑕᐅᓂᖏᑎᒍᑦ.

• ᐱᒍᒪᓂᖃᕐᓗᓂ ᐱᓇᓱᒍᓐᓇᓂᕐᒥᒃ ᓯᓚᒥ ᐊᕐᕌᒍᓕᒫᑉ-ᐃᓗᐊᓂ ᐊᕐᕕᑕᕈᓐᓇᓗᓂᓗ ᓄᓇᕕᒻᒥᒃ.

• ᐱᓇᓱᓐᓂᐅᑉ ᖃᐅᔨᒪᖏᑦᒍᑦ ᒪᕐᕉᒍᓐᓇᓴᓚᐅᕐᐸᓃᒃ (2) ᐅᑯᐊ ᐅᖃᐅᓰᑦ, ᐊᓪᓚᓂᒃᑯᑦ ᐅᖃᕐᓂᑯᓪᓗ: ᐃᓄᒃᑎᑐᑦ, ᖃᓪᓗᓈᑎᑐᑦ, ᐅᐃᒍᐃᑎᑐᓪᓗ.

ᓇᓃᓐᓂᖓ ᐱᓇᓱᒐᐅᑉ: ᐊᓯᖓ (ᐃᓇᖏᕐᑕᐅᑎᓂᖅ)

ᑮᓇᐅᑦᔭᓵᖏᑦ: ᐃᑭᓐᓂᐸᐅᑎᓪᓗᒋᑦ $45,942 ᐊᒥᓲᓂᕐᐸᐅᑎᓪᓗᒋᑦ $77,337 ᐊᕐᕌᒍᑕᒫᑦ (ᐳᕐᑐᓂᖓ 7)

ᐱᕚᓪᓕᖁᑎᑦᓭᑦ: ᐱᓇᓱᒐᖃᕐᑎᐅᒍᓐᓀᕈᓂ ᑮᓇᐅᔭᑦᓴᒥᓂᒃ ᐱᓇᓱᒐᓕᐅᑉ ᓄᐊᑕᖏᑦ: 6.25% ᐱᓇᓱᕝᕕᒥᓂ, 4% ᐱᓇᓱᖃᑎᒌᑦᑐᑦ ᐃᒻᒪᖃᐅᑎᖏᑦ

ᕿᑲᑫᓐᓇᓂᖅ: 20 ᐅᓪᓗᐃᑦ ᐊᕐᕌᒍᑕᒫᑦ

ᐱᓇᓱᕝᕕᐅᑉ ᕿᑲᕐᓇᖏᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᖁᕕᐊᓱᕝᕕᒥ.

ᑐᓂᓗᒋᑦ ᐱᓇᓱᒍᒪᐅᑎᑎᑦ ᖃᓪᓗᓈᑎᑑᕐᑎᓗᒋᑦ 5:00-ᖑᓚᐅᕐᑎᓇᒍ ᕕᕗᐊᕆ 9, 2026, ᐅᕗᖓ:

Human Resources

Kativik Regional Government

P.O. BOX 9

Kuujjuaq (Québec) J0M 1C0

Fax: 819-964-2975

E-mail: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓇᓪᓕᖁᐊᒌᑦᑐᒥᒃ-ᐱᕕᑦᓴᖃᕐᑎᓯᓂᕐᒥᒃ ᐱᓇᓱᑦᑎᓯᔨᐅᕗᑦ. ᑖᓐᓇ ᒪᓕᑦᓱᒍ ᐊᒻᒪᓗ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓ,

ᖃᓄᐃᓕᖓᐅᓯᖏᑦ ᐊᑦᔨᒌᖕᖏᑑᑐᐃᓐᓇᕆᐊᓖᑦ ᖁᕝᕙᒋᐊᕆᒐᓱᐊᕐᓂᒧᑦ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ ᐱᓇᓱᒐᕐᑖᕋᓱᐊᕐᑐᓂᒃ.

ᐱᓇᓱᒐᕐᑖᕋᓱᐊᕐᑐᐃᑦ ᑎᒃᑯᐊᑕᐅᔪᐃᑦ ᑭᓯᐊᓂ ᐊᐱᕐᓲᔭᕐᑕᐅᓛᕐᓂᒥᓄᑦ ᖃᐅᔨᑎᑕᐅᓛᕐᑐᑦ.