ᐱᖁᔭᓕᕆᓂᕐᒧᑦ ᐃᒫᙰᕐᑎ - ᑲᕙᒫᐱᓐᓄᑦ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᑲᕙᒫᐱᓐᓂᒃ ᐳᕐᑐᓂᕐᓴᐅᓱᓂ ᑎᒥᐅᔪᖅ ᐱᔪᓐᓇᐅᑎᖃᕐᕕᖃᕐᓱᓂ ᓄᓇᒥᒃ ᑯᐯᒃᒥ 55 ᐃᑳᖓᔫᑉ ᑕᕐᕋᖓᓃᑦᑐᒥᒃ. ᐱᖁᔭᓕᕆᓂᕐᒥᒃ, ᐃᓄᐃᑦ-ᐱᖁᔭᑎᒎᕐᓂᖓᓂᒃ ᐊᒻᒪᓗ ᑲᕙᒫᐱᓐᓂᒃ ᐊᐅᓚᑦᓯᓂᕐᒥᒃ ᐱᑦᔪᔨᕕᖓ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᒫᓐᓇ ᐱᓇᓱᑦᑎᑖᕈᒪᕗᖅ ᐱᓇᓱᒐᕐᑖᕋᓱᑦᑐᒥᒃ ᐱᓇᓱᒐᔭᕐᑐᒥᒃ ᑰᑦᔪᐊᒥ ᐱᓇᓱᓚᖓᔪᒥᒃ ᐅᑯᓂᖓ:

ᐱᖁᔭᓕᕆᓂᕐᒧᑦ ᐃᒫᙰᕐᑎ - ᑲᕙᒫᐱᓐᓄᑦ

(ᐊᑌᓐᓇᑐᖅ, ᐅᐊᕈᑎᒌᖅ, ᐱᓇᓱᒐᖅ)

ᐊᖓᔪᕐᖄᖃᕐᓗᓂ ᐱᖁᔭᓕᕆᓂᕐᒥᒃ, ᐃᓄᐃᑦ-ᐱᖁᔭᑎᒎᕐᓂᖓᓂᒃ ᐊᒻᒪᓗ ᑲᕙᒫᐱᓐᓂᒃ ᐊᐅᓚᑦᓯᓂᕐᒥᒃ ᐱᑦᔪᔨᕕᐅᑉ ᑐᑭᒧᐊᑦᑎᓯᔨᖓᑕ ᐃᑲᔪᕐᑎᖓᓂᒃ, ᑲᒪᒋᒋᐊᓕᖏᑦ ᐱᖁᔭᓕᕆᓂᕐᒧᑦ ᐃᒫᙰᕐᑎᐅᑉ ᐃᓚᓖᑦ, ᑖᒃᑯᑑᖕᖏᑲᓗᐊᕐᓱᑎᒃ, ᐅᑯᓂᖓ:

ᓇᓗᓀᕐᑕᐅᓯᒪᔪᑦ ᐱᔭᑦᓴᖏᑦ:

• ᐃᑲᔪᖃᑦᑕᓗᓂ ᐊᒻᒪᓗ ᐱᖁᔭᑎᒍᑦ ᐱᓪᓗᑯᒋᐊᓕᓕᕆᓂᕐᒥᒃ ᐃᑲᔪᖃᑦᒃᑕᓗᓂ 14-ᓂᒃ ᑲᕙᒫᐱᓐᓂᒃ ᓄᓇᕕᒻᒥ;

• ᐱᖁᔭᓅᓕᖓᔪᑦ ᐊᓪᓚᖁᑏᑦ ᐊᓪᓚᑕᐅᒋᐊᖕᖓᐅᑎᖏᓐᓂᒃ ᐊᓪᓚᖃᑦᑕᓗᓂ ᐆᑦᑑᑎᒋᓗᒋᑦ ᐊᑭᑭᓐᓂᐸᐅᓕᐅᑎᒍᑏᑦ, ᐱᓇᓱᒍᑦᔨᓂᕐᒧᑦ ᐊᖏᖃᑎᒌᒍᑏᑦ, ᐱᖁᔮᐲᑦ, ᑐᑭᑖᕈᑏᑦ ᐊᒻᒪᓗ ᐊᓯᓕᒫᖏᑦ ᐊᓪᓚᖁᑏᑦ ᐃᓕᖓᔪᑦ ᑲᕙᒫᐱᓐᓄᑦ;

• ᐃᓚᐅᖃᑦᑕᓗᓂ ᐊᑐᐃᓐᓇᕈᕐᑎᑕᐅᓂᖏᓐᓂ ᐊᑭᑭᓐᓂᐸᐅᓕᐅᑎᑎᑦᓯᓃᑦ ᑲᕙᒫᐱᓐᓄᑦ ᐊᒻᒪᓗ ᑐᑭᑖᖃᑦᑕᓗᓂ ᐊᑭᑭᓐᓂᐸᐅᓕᐅᑎᒍᑏᑦ ᐱᔭᐅᔪᑦ ᒪᓕᑦᑕᐅᒋᐊᓕᓐᓂᒃ ᒪᓕᑦᓯᐊᒪᖔᑕ;

• ᐊᓪᓚᒋᐊᖕᖓᖃᑦᑕᓗᓂ ᐱᖁᔭᑎᒍᑦ ᐃᓱᒪᒋᔭᐅᔪᓂᒃ ᐊᑦᔨᒌᖕᖏᑐᓄᑦ ᐱᖁᔭᓅᓕᖓᔪᓄᑦ ᑌᒣᖁᔭᐅᒍᓂ ᑲᕙᒫᐱᓐᓄᑦ;

• ᐱᖁᔭᓕᕆᓂᕐᒥ ᐃᑲᔪᖃᑦᑕᓗᓂ ᑲᕙᒫᐲᑦ ᓂᕈᐊᕐᓂᖏᓐᓂ;

• ᐱᔭᕆᐊᑭᓪᓕᑎᕆᖃᑦᑕᓗᓂ ᐊᒻᒪᓗ ᑐᑭᒧᐊᑦᑎᓯᓗᓂ ᐱᒍᓐᓇᓂᕐᑖᐸᓪᓕᐊᓂᕐᒧᑦ ᐱᓇᓱᐊᕐᓂᓂᒃ ᑲᕙᒫᐱᓐᓄᑦ;

• ᖃᓄᐃᓕᖓᓕᕐᒪᖔᑕ ᑐᓴᕐᑎᓯᖃᑦᑕᓗᓂ ᐃᕐᖃᑐᐃᕕᒃᑰᓂᐅᔪᓂᒃ ᑲᕙᒫᐱᓐᓅᓕᖓᔪᓂᒃ;

• ᐃᑲᔪᖃᑦᑕᓗᓂ ᐃᒻᒪᖃᐅᑎᓄᑦ ᐊᑭᓕᕐᑕᐅᒐᓱᐊᕈᑎᓂᒃ ᐱᓇᓱᐊᕐᓂᓂ ᑲᕙᒫᐱᓐᓄᑦ ᐊᒻᒪᓗ ᐃᓚᐅᖃᑦᑕᓗᓂ ᓄᑕᐅᓯᓕᕐᑕᐅᒐᓱᐊᕐᓂᖏᓐᓂ ᐃᒻᒪᖃᐅᑎᖏᑦᑕ ᐊᕐᕌᒍᑕᒫᑦ;

• ᑲᒪᒋᔭᖃᖃᑦᑕᓗᓂ ᐱᓂᕐᓗᑐᓂᒃ ᑲᒪᒋᔭᖃᕐᓂᐅᑉ ᐊᓪᓚᕕᖓᓂᒃ, ᐱᒍᑦᔨᓗᓂ ᑲᕙᒫᐱᓐᓂᒃ, ᐱᓇᓱᐊᖃᑦᑕᓗᓂ ᐅᖃᐅᓯᖏᓐᓂᒃ ᐊᓪᓚᓯᒪᔪᓂᒃ ᐱᓂᕐᓗᓂᕐᓅᓕᖓᔪᓂᒃ ᐊᒻᒪᓗ ᐱᖁᔭᓕᕆᔨᒋᔭᐅᑫᓐᓇᖃᑦᑕᓗᓂ ᐱᓂᕐᓗᑐᕕᓂᕐᓄᑦ ᐃᕐᖃᑐᐃᕕᒻᒥ;

• ᐱᒋᐊᕐᑎᓯᖃᑦᑕᓗᓂ ᑲᔪᓯᑎᑦᓯᓗᓂᓗ ᐱᓇᓱᖃᑎᒌᑦᓯᐊᓂᕐᓂᒃ ᐱᓇᓱᖃᑎᒋᓗᒋᑦ ᑭᒃᒐᑐᕐᑎᖏᑦ ᑲᕙᒫᐲᑦ;

• ᐱᓇᓱᐊᖃᑦᑕᓗᓂ ᐊᓯᖏᓐᓂᒃ ᑕᒪᑦᓱᒧᖓᓕᖓᔪᓂᒃ ᑎᓕᔭᐅᒍᓂ.

ᐱᓇᓱᒐᕐᒥ ᐱᒍᓐᓇᕆᐊᓕᖏᑦ:

• ᐃᓚᐅᓗᓂ Barreau du Québec-ᑯᓐᓄᑦ;

• ᐃᑭᓐᓂᐸᐅᑎᓪᓗᒋᒃ ᒪᕐᕉᓂᒃ (2) ᐊᕐᕌᒎᓐᓂᒃ ᐱᖁᔭᓕᕆᔨᐅᓯᒪᓗᓂ, ᐱᐅᓂᕐᓴᐅᒥᔪᖅ ᑲᕙᒫᐱᓕᕆᓂᕐᒥ ᐱᖁᔭᓕᕆᔨᐅᓯᒪᒍᓂ;

• ᑕᑯᑦᓴᐅᑎᑦᓯᓯᒪᓗᓂ ᓯᕗᓕᕈᓐᓇᓂᕐᒥᓂᒃ, ᐋᕐᕿᓱᐃᒍᓐᓇᓂᕐᒥᓂᒃ ᐊᒻᒪᓗ ᐱᒋᐊᕐᑎᓯᒍᓐᓇᓂᕐᒥᒃ ᐱᓇᓱᐊᕐᓂᒥᒃ;

• ᐱᓀᓗᑕᓂᒃ ᖃᓄᕐᑑᕈᓐᓇᓯᐊᕐᓗᓂ, ᑐᑭᑖᕋᓱᐊᕈᓐᓇᓯᐊᕐᓗᓂ, ᑐᓴᐅᒪᖃᑦᑕᐅᑎᒍᓐᓇᓯᐊᕐᓗᓂ ᐊᒻᒪᓗ ᑐᑭᓯᓴᕈᓐᓇᓯᐊᕐᓗᓂ;

• ᐅᖄᒍᓐᓇᓯᐊᕐᓗᓂ ᐊᓪᓚᒍᓐᓇᓯᐊᕐᓗᓂᓗ ᑐᓴᐊᒪᖃᑦᑕᐅᑎᓂᒃᑯᑦ ᑕᒪᖏᓐᓂᒃ ᐊᑐᕐᓗᓂ ᖃᓪᓗᓈᑎᑐᑦ ᐅᐃᒍᐃᑎᑐᓪᓗ; ᐃᓄᑦᑎᑑᕈᓐᓇᓂᖅ ᐃᑲᔪᕐᓯᔪᖅ;

• ᐱᓇᓱᒍᓐᓇᓗᓂ ᐊᒥᓱᓂᒃ ᐱᔭᕇᕆᐊᓕᓐᓂᒃ ᐊᒻᒪᓗ ᓲᓱᑦᓴᓯᐊᖃᑦᑕᓗᓂ ᐱᔭᕇᕐᓯᒪᕕᐅᒋᐊᓕᓐᓂᒃ ᐅᓪᓗᓂᒃ;

• ᐱᔪᒪᓂᖃᕐᓗᓂ ᐊᒻᒪᓗ ᐊᑐᐃᓐᓇᐅᓗᓂ ᐊᕐᕕᑕᕐᓂᒧᑦ ᓄᓇᕕᒻᒥ ᐊᒻᒪᓗ ᓯᓚᑖᓄᑦ;

• ᐱᓇᓱᑦᓯᒪᓂᖓ ᐃᓗᕐᖁᓯᖃᑎᒌᖕᖏᑐᓂ, ᐱᐅᓂᕐᓴᐅᒐᔭᕐᒥᔪᖅ ᓄᓇᖃᕐᖄᓯᒪᔪᑦ ᓄᓇᓕᖏᓐᓂ, ᐃᑲᔪᕐᓯᓚᖓᔪᖅ;

• ᖃᕆᑕᐅᔭᕈᓐᓇᓯᐊᕐᓗᓂ Microsoft Office Suite-ᒥᒃ ᐊᑐᕐᓗᓂ ᐊᒻᒪᓗ ᐊᓯᖏᓐᓂᒃ ᑕᒪᑦᓱᒧᖓᓕᖓᔪᓂᒃ ᖃᕆᑕᐅᔭᒃᑯᑦ ᐱᓇᓱᐊᕈᑎᓂᒃ.

ᐱᓇᓱᒐᐅᑉ ᓇᓃᓐᓂᖓ: ᐅᐊᕈᑎᒌᖅ, ᐊᐅᓪᓚᑲᓪᓛᔪᖅ ᓄᓇᕕᐅᑉ ᐃᓗᐊᒍᑦ

ᑮᓇᐅᑦᔭᓵᖏᑦ: ᐃᑭᓐᓂᐸᐅᑎᓪᓗᒋᑦ $63,716 ᐊᕐᕌᒍᑕᒫᑦ – ᐊᒥᓲᓂᕐᐸᐅᑎᓪᓗᒋᑦ $109,329 ᐊᕐᕌᒍᑕᒫᑦ (ᓇᓗᓀᒃᑯᑕᓕᒃ 10-ᒥᒃ)

ᐱᕙᓪᓕᖁᑎᖏᑦ: ᐊᐅᓪᓚᕈᑏᑦ ᐊᒻᒪᓗ ᑐᔪᕐᒥᐅᒍᑏᑦ ᐊᑭᓕᕐᑕᐅᔪᑦ ᐱᓇᓱᓐᓂᖓᓂ ᓄᓇᕕᒻᒥ

ᐃᓄᑐᖃᐅᓂᕐᒧᑦ ᐱᓇᓱᒍᓐᓀᕈᓂ ᑮᓇᐅᔭᑦᓴᒥᓂᒃ ᓄᐊᑦᓯᓂᖅ: 6% ᐱᓇᓱᕝᕕᒃ, 4% ᐱᓇᓱᑦᑎ

ᑲᑐᑦᔨᖃᑎᒌᑦ ᐃᒻᒪᖃᐅᑎᖏᑦ

ᑕᙯᕐᓯᓀᑦ: 20 ᐅᓪᓗᐃᑦ

ᕿᑲᕐᕕᐅᓚᕆᒋᐊᓖᑦ ᐅᓪᓗᐃᑦ: 20 ᐅᓪᓗᐃᑦ ᐃᓚᖃᕐᓱᑎᒃ 10 ᕿᑎᖕᖑᒥ

ᐱᓇᓱᒐᕐᑖᒐᓱᐊᕈᑎᑎᑦ ᐊᐅᓪᓚᑎᓗᒋᑦ ᖃᓪᓗᓈᑎᑑᕐᑎᓗᒋᑦ 5:00-ᖑᓚᐅᕐᑎᓇᒍ ᐅᓐᓄᓴᒃᑯᑦ ᔭᓄᐊᕆ 25, 2026, ᐅᕗᖓ:

Human Resources Advisor

Kativik Regional Government

P.O. Box 9

Kuujjuaq QC J0M 1C0

Email: humanresources@krg.ca

Fax: 819-964-2975

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᑦᔨᒌᒥᒃ ᐱᕕᑦᓴᖃᕐᑎᓯᓲᖑᑦᓱᓂ ᐱᓇᓱᕝᕕᐅᕗᖅ. ᑖᓐᓇ ᒪᓕᑦᓱᒍ ᐊᒻᒪᓗ ᔦᒥᔅ ᐯ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓ, ᖃᓄᐃᓕᖓᓂᖏᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᑐᐃᒐᓱᓪᓗᓂ ᐱᓇᓱᒐᕐᑖᑎᑦᓯᓂᕐᒥᒃ ᐃᓄᑐᐃᓐᓇᓂᒃ ᐱᓇᓱᒐᕐᑖᕋᓱᑦᑐᓂᒃ.

ᐱᓇᓱᒐᕐᑖᕋᓱᑦᑐᑦ ᑎᒃᑯᐊᑕᐅᔪᑦ ᑭᓯᐊᓂ ᐊᐱᕐᓱᓂᕐᒧᑦ ᖃᐅᔨᑎᑕᐅᓛᕐᑐᑦ.