LEO-ᓂᒃ/ᐃᓄᐃᑦ ᒪᑭᑕᐅᑎᖏᓐᓂᒃ ᑲᒪᔨᓂᒃ ᓴᖑᐊᑦᓯᔨ - KRG

ᐱᓇᓱᒐᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᑲᕙᒫᐱᓐᓄᑦ ᖁᓪᓕᐸᐅᑦᓱᓂ ᑎᒥᐅᔪᖅ ᐊᐅᓚᑦᓯᕕᖃᕐᓱᓂ ᑯᐯᒃ ᓄᓇᖓᓂᒃ 55° ᖁᓛᓂ, ᕿᓂᓕᕐᒥᔪᖅ ᐃᒻᒥᓂᒃ-ᑲᑦᓱᙰᑦᑐᒥᒃ ᐊᒻᒪᓗ ᕿᑦᑌᖓᔪᒥᒃ ᐃᓄᒻᒥᒃ KRG-ᒧᑦ ᐃᓚᒋᓕᐅᑎᒍᒪᔪᒥᒃ ᐱᓇᓱᑦᑎᐅᓗᓂ ᒪᑐᒥᖓ:

LEO-ᓂᒃ/ᐃᓄᐃᑦ ᒪᑭᑕᐅᑎᖏᓐᓂᒃ ᑲᒪᔨᓂᒃ ᓴᖑᐊᑦᓯᔨ

(ᐊᑌᓐᓇᑐᖅ, ᐃᓗᐃᑦᑐᖅ)

ᐊᖓᔪᕐᖄᖃᕐᓗᓂ ᐱᓇᓱᕝᕕᐅᑉ ᑐᑭᒧᐊᑦᑎᓯᔨᖓᑕ ᐃᑲᔪᕐᑎᖓᓂᒃ, ᓴᖑᐊᑦᓯᔨ ᑲᒪᔨᐅᕗᖅ LEO-ᓂᒃ ᓄᓇᓕᓐᓂ ᒪᑭᑕᑦᓯᔨᐅᑦᓱᓂ ᖃᐅᑕᒫᑦ ᐅᖃᖃᑎᖃᕐᐸᓂᖓᓂᒃ ᐊᓪᓚᕕᒻᒪᕆᒻᒥᒃ. ᓴᖑᐊᑦᓯᔨ ᑲᒪᒋᔭᖃᓚᖓᔪᖅ ᒪᑯᓂᖓ:

• ᑲᒪᔨᐅᓂᖅ LEO-ᓕᒫᓂᒃ ᐊᐅᓚᑦᓯᓂᖓᑕ ᐊᑖᓃᑦᑐᓂᒃ.

• ᒪᑭᑦᓯᓂᖅ ᖃᐅᑕᒫᑦ ᐅᖃᖃᑎᖃᓲᖑᓂᕐᒥᒃ ᐃᓘᓐᓇᖏᓐᓂᒃ ᓄᓇᓕᓐᓂ ᐊᓪᓚᕕᓐᓂᒃ ᐊᐅᓚᑦᓯᓂᖓᑕ ᐊᑖᓂ.

• ᑐᑦᓯᕋᕐᐸᓂᖅ, ᑎᒍᓯᓗᓂᓗ ᐊᒻᒪᓗ ᕿᒥᕐᕈᓗᓂ ᐱᓇᓱᐊᕈᓯᑕᒫᕐᓯᐅᑎᓂᒃ ᐱᓇᓱᑦᑕᐅᓯᒪᔪᓂᒃ ᑐᓴᕈᑎᓂᒃ ᓄᓇᓕᓐᓂ ᐊᓪᓚᕕᓐᓂᒃ.

• ᓄᐃᑦᓯᖃᑦᑕᓂᖅ ᑕᕐᕿᑕᒫᕐᓯᐅᑎᓂᒃ ᑭᓯᑕᐅᒪᔪᓂᒃ ᑐᓴᕈᑎᓂᒃ ᐱᓇᓱᕝᕕᐅᑉ ᑐᑭᒧᐊᑦᑎᓯᔨᖓᑕ ᐃᑲᔪᕐᑎᖓᓄᑦ.

• ᓱᕐᖁᐃᓂᖅ ᓄᓇᓖᑦ ᐱᓂᖓᓂᒃ ᓈᒻᒪᑐᓂᒃ ᐱᓇᓱᒐᐅᑉ ᓴᑑᑎᖏᑎᒍᑦ ᐊᒻᒪᓗ ᐱᓇᓱᒐᓕᕆᓂᒃᑯᑦ ᐱᒍᑦᔨᐅᑎᓂᒃ

• ᒪᑭᑕᑦᓯᓂᖅ ᐱᕐᕈᓯᕐᓂᒃ ᐱᒍᑦᔭᐅᔪᑦ ᐊᓪᓚᑕᐅᓂᖏᓐᓄᑦ ᐱᓇᓱᒐᑖᓂᕐᒥᒃ ᐱᒋᐅᕐᓴᓂᕐᒥᓗ ᐱᓂᐊᕈᑎᓄᑦ

• ᓄᐃᑕᑦᓯᓂᖅ ᐱᒋᐅᕐᓴᑎᑦᓯᓂᕐᒥᒃ ᐊᒻᒪᓗ ᒪᓕᑦᑐᓂᕐᒥᒃ LEO-ᓂᒃ ᐱᒍᑦᔨᓂᖓᑎᒍᑦ ᐱᒍᑦᔭᐅᔪᓂᒃ ᐱᓇᓱᒐᓕᕆᓂᒃᑯᑦ ᐃᓱᒪᓕᐅᕐᑎ ᐱᓇᓱᖃᑎᒋᓗᒍ

• ᓱᕐᖁᐃᓂᖅ ᑭᓯᒍᑏᑦ ᓄᐊᑕᐅᓂᖓᓂᒃ ᐃᓘᓐᓈᒍᑦ ᖃᓄᐃᓕᖓᓂᐅᑉ ᑐᑭᐊᒍᑦ ᓄᓇᖁᑎᐅᑉ ᐃᓗᐊᓂ ᐊᒻᒪᓗ ᓄᓇᓕᐅᑉ ᐃᓗᐊᓂ ᐱᒍᑦᔭᐅᔪᑦ ᑐᑭᐊᒍᑦ

• ᐃᑲᔪᕐᑎᒌᓪᓗᓂ ᐱᓇᓱᖃᑕᐅᓂᖅ ᓄᓇᓕᓕᒫᓂ ᐱᓇᓱᒉᑦ ᐱᓇᓱᐊᕈᓯᖏᓐᓂᒃ ᖃᐅᔨᒪᔭᑦᓴᓂᒃ ᑲᒪᔨ ᒪᑭᑕᒍᓐᓇᑐᓂᒃ ᐱᓇᓱᒐᓕᕆᕕᒻᒥ ᐃᓚᒋᓗᒍ

• ᐃᑲᔪᕐᑎᒌᓪᓗᓂ ᐱᓇᓱᖃᑕᐅᓂᖅ ᐱᒍᑦᔨᔨᒃᑯᓄᑦ ᑯᐯᒻᒥ ᐊᒻᒪᓗ ᐱᒍᑦᔨᔨᒃᑯᓄᑦ ᑳᓇᑕᒥ

• ᐋᕐᕿᓱᐃᓂᖅ ᕿᑎᕐᖃᓵᕐᓯᐅᑎᓂᒃ ᑭᓯᒍᑕᐅᓯᒪᔪᓂᒃ ᑐᓴᕈᑎᓂᒃ ᐱᓇᓱᕝᕕᐅᑉ ᐱᒍᑦᔨᐅᑎᖏᓐᓂᒃ.

• ᐱᓇᓱᖃᑎᖃᓪᓚᕆᓐᓂᖅ ᐅᖓᕙᒥ ᓴᖑᐊᑦᓯᔨᒥᒃ ᓱᕐᖁᐃᖃᑎᒋᓗᒍ ᓄᓇᓕᓐᓂ ᐊᓪᓚᕖᑦ ᐊᑦᔨᒌᒥᒃ ᐊᒻᒪᓗ ᐱᑦᓯᐊᑐᒥᒃ ᐃᖏᕐᕋᓂᖏᓐᓂᒃ.

• ᑲᔪᓯᑎᑦᓯᓂᖅ ᓇᐅᑐᐃᓐᓇᓂᒃ ᐊᓯᖏᓐᓂᒃ ᐊᑦᑐᐊᒥᔪᓂᒃ ᐱᔭᑦᓴᓂᒃ ᐊᖓᔪᕐᖄᖓᑕ ᐱᔭᐅᖁᔭᖏᓐᓂᒃ.

ᐱᓇᓱᒍᒪᔪᖅ ᓂᕈᐊᕐᑕᐅᔪᖅ ᐃᒣᒋᐊᓕᒃ:

• ᐱᑕᖃᕆᐊᓕᒃ ᐃᓕᑦᓯᒪᐅᑎᒥᒃ ᐊᑦᑐᐊᔪᒥᒃ ᐱᓇᓱᒐᕐᒥᒃ. ᐱᑦᓯᐊᓚᕆᑦᓱᓂ ᒥᑦᓯᓕᒻᒥᒃ ᐱᓇᓱᓕᓂᐅᓂᖅ ᐃᓱᒪᒍᑕᐅᓚᖓᒻᒥᔪᖅ;

• ᐊᑐᕈᓐᓇᓗᒋᑦ ᖃᐅᔨᒪᒋᐊᓕᒃ ᐱᓇᓱᒐᖃᕐᓂᒥᒃ, ᐱᒋᐅᕐᓴᓂᕐᒥᒃ, ᑮᓇᐅᔭᕐᑖᓂᒃᑯᑦ ᐃᑲᔪᕐᓯᐅᑎᓂᒃ ᐊᒻᒪᓗ ᐱᐊᕋᕐᓂᒃ ᐯᕆᑦᓯᓂᕐᒥᒃ ᐱᓂᐊᕈᑎᓂᒃ ᐊᒻᒪᓗ ᑲᒪᔨᐅᒍᑎᓂᒃ;

• ᐃᑭᓐᓂᐹᖓᓄᑦ ᑕᓪᓕᒪᓂᒃ ᐊᕐᕌᒍᓂᒃ ᒥᑦᓯᓕᒻᒥᒃ ᐱᓇᓱᓕᓂᐅᓂᖅ;

• ᐃᓱᒪᒥᓂᒃ ᐅᖃᕈᓐᓇᕆᐊᓕᒃ ᐅᖄᓗᓂ ᐊᓪᓚᓗᓂᓗ ᐃᑭᓐᓂᐹᖓᓄᑦ ᒪᕐᕈᐃᓄᑦ ᒪᑯᐊ ᐅᖃᐅᓰᑦ ᓇᓪᓕᖏᓐᓄᑦ: ᐃᓄᒃᑎᑐᑦ, ᖃᓪᓗᓈᑎᑐᑦ, ᐊᒻᒪᓗ ᐅᐃᒍᐃᑎᑐᑦ;

• ᓱᖏᐅᓐᓂᐅᒋᐊᓕᒃ Microsoft Office ᐊᒻᒪᓗ File Maker Pro ᖃᕆᑕᐅᔭᕈᑎᖏᓐᓄᑦ.

ᐱᓇᓱᒐᐅᑉ ᓇᔪᕐᑕᖓ: ᓄᓇᕕᒃ

ᑮᓇᐅᑦᔭᓵᖏᑦ: ᐃᑭᓐᓂᐹᖓᓄᑦ $45,942 - ᐅᓄᕐᓂᐹᖓᓄᑦ $77,337 ᐊᕐᕌᒍᑕᒫᑦ (ᐳᕐᑐᓂᖅ 7).

ᐱᕙᓪᓕᖁᑎᖏᑦ*: ᐃᓅᓂᐅᑉ-ᐊᑭᑐᓂᖓᑕ ᑲᓱᖕᖏᓂᖓᓄᑦ: ᐃᑭᓐᓂᐹᖓᓄᑦ $10, 033 ᐊᕐᕌᒍᑕᒫᑦ;

ᓂᕿᓄᑦ ᐃᑲᔪᕐᓯᐅᑎ: ᐃᑭᓐᓂᐹᖓᓄᑦ $4 217 ᐊᕐᕌᒍᑕᒫᑦ;

ᐊᕐᕌᒍᑕᒫᑦ ᕿᑲᕐᑐᑦ ᐊᐅᓪᓚᕈᑎᖏᑦ: ᐅᓄᕐᓂᐹᖓᓄᑦ ᐱᖓᓱᑦ;

ᐱᔭᕆᐊᑭᓪᓕᓯᒪᔪᖅ ᐃᓄᑐᖃᐅᓂᕐᒧᑦ ᐸᕐᓇᕈᑎ

ᐊᑕᖏᕐᑐᑦ ᓴᑑᑎᖏᑦ

ᐃᓱᒣᓐᓇᕿᓐᓀᑦ: 30 ᐅᓪᓗᐃᑦ ᐊᕐᕌᒍᑕᒫᑦ

ᐃᓄᓕᒫᑦ ᕿᑲᕐᕕᖏᑦ: 20 ᐅᓪᓗᐃᑦ, ᖃᓗᓯᔪᑦ 10-ᓂᒃ ᕿᑎᖕᖑᒥ.

ᐱᓇᓱᒍᒪᐅᑎᑎᑦ ᑎᑭᑎᓗᒋᑦ ᖃᓪᓗᓈᑎᑑᕐᑎᓗᒋᑦ 5:00-ᖑᓚᐅᕐᑎᓇᒍ ᐅᓪᓗᑯᑦ, ᓯᑉᑎᒻᐱᕆ 22, 2025-ᒥ, ᐅᕗᖓ:

Kativik Regional Government

P.O. Box 9

Kuujjuaq QC J0M 1C0

Fax: 819-964-2619

Email: humanresources@krg.ca

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᐃᓐᓇᕆᐊᖃᕐᖁᑦ ᑫᓪᓗᐊᕈᑎᒋᓗᒋᑦ ᐃᓄᐃᑦ ᐱᓇᓱᒍᒪᔪᑦ ᐱᓇᓱᒐᕐᑖᓂᖓᓂᒃ.

KRG-ᑯᑦ ᖃᓄᐃᓕᕕᖃᕐᓂᐊᑐᑦ ᑌᒃᑯᓂᖓᑐᐊᖅ ᐱᓇᓱᒍᒪᔪᓂᒃ ᓂᕈᐊᕐᑕᐅᔪᓂᒃ ᐊᐱᕐᓱᕈᒪᓗᒋᑦ ᑭᓯᐊᓂ.