ᐊᓪᓚᓂᐊᕐᕈᓐᓇᓂᕐᒥᒃ ᐱᕙᓪᓕᐊᒍᑎᓂᒃ ᑲᒪᔨ - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᔨᐅᕗᖅ ᐃᓕᓐᓂᐊᑎᑦᓯᓂᒃᑯᒃ ᐱᒍᑦᔨᐅᑎᖃᕐᑎᓯᑦᓱᓂ ᓄᓇᓕᓐᓂ 14-ᓂ ᓄᓇᕕᒻᒥ.

ᐊᑑᑎᖓ ᐊᒻᒪᓗ ᐱᓇᓱᒋᐊᓕᖏᑦ:

ᐊᖓᔪᕐᖄᖃᕐᓗᓂ ᐃᓘᓐᓈᒍᑦ ᐊᐅᓚᑦᓯᕕᐅᑉ ᑐᑭᒧᐊᑦᑎᓯᔨᖓᓂᒃ, ᐊᓪᓚᓂᐊᕈᓐᓇᓂᕐᒥᒃ ᐱᕙᓪᓕᐊᒍᑎᓂᒃ ᑲᒪᔨ ᑲᒪᓚᖓᔪᖅ ᐱᕙᓪᓕᐊᓂᕐᒥᒃ, ᑲᔪᓯᑎᑦᓯᓂᕐᒥᒃ, ᐊᒻᒪᓗ ᑐᑭᒧᐊᑦᑎᓯᓂᕐᒥᒃ  ᓄᓇᕕᒻᒥ ᐊᓪᓚᓂᐊᒐᑯᕕᓐᓂᒃ ᐊᒻᒪᓗ ᐊᓪᓚᓂᐊᕈᓐᓇᓂᕐᒥᒃ ᐱᓇᓱᐊᕈᑎᓂᒃ.

ᐃᓘᓐᓈᒍᑦ, ᑖᓐᓇ ᐱᓇᓱᒐᖅ ᐅᑯᓂᖓ ᑲᒪᒋᔭᖃᕆᐊᓕᒃ:

·       ᐃᑲᔪᕐᑐᓂᖅ ᐱᖕᖑᑎᑦᓯᓂᕐᒥᒃ ᐊᒻᒪᓗ ᑲᔪᓯᑎᑦᓯᓂᕐᒥᒃ ᐱᓇᓱᐊᑦᓴᓂᒃ ᐸᕐᓇᓯᒪᐅᑎᒥᒃ ᐊᒻᒪᓗ ᐱᕙᓪᓕᐊᑦᑎᓯᓂᖅ ᐊᓪᓚᓂᐊᒐᑯᕕᓐᓂᒃ ᐊᒻᒪᓗ ᐊᓪᓚᓂᐊᕈᓐᓇᓂᕐᒥᒃ ᐱᓇᓱᐊᕈᑎᓂᒃ ᓄᓇᕕᒻᒥ .

·       ᑐᑭᓯᓂᐊᕐᓂᖅ ᐱᒋᐊᓕᓐᓂᒃ ᐊᕙᑎᖏᓐᓂ, ᓇᓗᓀᕐᓯᓂᖅ ᑕᒐᐅᔪᓂᒃ ᐃᓱᐊᖁᑎᑦᓴᓂᒃ ᑎᒥᐅᑉ ᐃᓗᐊᓂ ᓯᓚᑖᓂᓗ ᐃᑲᔪᕈᓐᓇᑐᓂᒃ, ᐃᓱᒪᑦᓴᓯᐅᖃᑦᑕᓂᖅ ᐊᑦᑐᐊᔭᐅᔪᓂᒃ ᐊᒻᒪᓗ ᐱᕙᓪᓕᐊᓂᖅ ᐱᓇᓱᐊᑦᓭᑦ ᐸᕐᓇᑕᐅᒪᒍᑎᖓᓂᒃ ᐊᒻᒪᓗ ᓄᐃᑖᑎᕆᓂᖅ ᐋᕐᕿᑐᑦᓴᖁᑎᒥᓂᒃ.

·       ᐱᕙᓪᓕᐊᓂᖅ ᐊᒻᒪᓗ ᑲᔪᓯᑎᑦᓯᓂᖅ, ᐃᓚᖃᕐᓗᓂ ᐊᓯᒥᓂᒃ KI-ᒥ ᐃᑲᔪᕐᑎᓴᓂᒃ, ᐱᓇᓱᐊᕐᓂᖅ ᑲᖐᓱᓐᓂᒥᒃ, ᖃᐅᔨᒪᑎᑦᓯᓂᕐᒥᒃ ᐊᒻᒪᓗ ᐱᒋᐅᕐᓴᐅᑎᓂᒃ ᐱᓇᓱᑦᑎᒨᓕᖓᔪᓂᒃ ᐃᓚᐅᒋᐊᓕᓐᓄᑦ ᐃᓕᓐᓂᐊᑎᑦᓯᒍᑎᓂ ᐊᑦᔨᒌᖕᖏᑐᓂᑦ ᐊᒻᒪᓗ ᐊᓪᓚᖃᐅᑎᓃᑦᑐᓂᑦ;

·       ᑭᒡᒐᑐᕐᑎᓂ ᐱᓇᓱᐊᖃᑎᑖᖃᑦᑕᓂᖅ ᑲᔪᓯᐅᑦᔨᓗᒋᓪᓗ ᐅᕝᕙᓘᓐᓃᑦ ᐱᓇᓱᐊᖃᑎᐅᔪᓂ ᑎᒥᐅᔪᓂ ᐃᓚᐅᖃᑦᑕᓯᒪᔪᓂ ᐊᑦᔨᒌᖕᖏᑐᓄᑦ ᐱᓇᓱᐊᕋᑦᓴᓅᓕᖓᔪᓂ; ᐱᓇᓱᐊᖃᑎᒋᖃᑦᑕᓗᒋᑦ ᑎᒥᐅᔪᐃᑦ ᐱᑦᔪᑎᓖᑦ ᐅᕝᕙᓘᓐᓃᑦ ᐱᓇᓱᕝᕕᐅᑉ ᐃᓗᐊᓂ ᐃᑲᔪᕐᑎᓂᑦ ᑐᓴᐅᒪᑎᑦᓯᓲᓂᒃ ᐊᓪᓚᓂᐊᕋᑦᓴᓂᒃ ᐊᑐᕋᑦᓴᓕᐅᕐᑎᓂᒃ ᐊᒻᒪᓗ ᐱᒍᑦᔨᐅᑎᓂ.

·       ᓄᐃᑦᓯᓂᖅ ᑲᔪᓯᐅᑦᔨᓗᒋᓪᓗ ᖃᕆᑕᐅᔭᒨᕐᑐᓂ ᐸᕐᓇᓯᒪᐅᑎᓕᐅᕐᓃᑦ ᐊᓯᑦᔨᐸᓪᓕᐊᖁᓪᓗᒋᑦ ᐊᑐᕋᑦᓭᑦ ᐊᑐᐃᓐᓇᐅᓂᖏᑦ ᐃᓕᓐᓂᐊᕕᓐᓂ ᐊᒻᒪᓗ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ.

·       ᐱᒍᑦᔨᓗᒋᑦ ᐊᐅᓚᑦᓯᓂᓕᕆᓂᕐᒥᒃ ᐱᒍᑦᔨᕖᑦ ᐱᓇᓱᐊᖃᑎᖃᕐᓂᑯᑦ ᐊᑦᔨᒌᖕᖏᑐᓂ ᐊᒻᒪᓗ ᐱᑕᖃᕐᑎᓯᓲᓂᒃ ᐊᓪᓚᓂᐊᕋᑦᓴᓂᑦ ᓄᐃᑦᓯᒐᓱᐊᕐᑎᓂᒃ ᖃᓄᐃᓘᕐᓂᖏᓐᓂᒃ; ᑲᑎᓯᖃᑦᑕᓂᖅ ᐃᓚᐅᒍᒪᓂᖃᕋᔭᕐᑐᓂᒃ ᐱᔪᓐᓇᐅᑎᓕᓐᓂᒃ; ᑲᔪᓯᒃᑫᖃᑦᑕᓗᓂ ᐱᓇᓱᐊᕐᑎᓂᒃ ᑐᖕᖓᕕᐅᑉ ᓇᓛᒎᕐᑐᓂᒃ.

·       ᓇᓪᓕᐅᑎᕐᑕᑐᓂ ᖃᐅᔨᓴᕐᓂᖃᖃᑦᑕᓗᓂ ᐱᓇᓱᐊᕋᑦᓴᒨᓕᖓᔪᓂᒃ ᐊᓪᓚᓂᐊᕋᑦᓴᓕᐅᕐᑎᐅᑉ ᐃᓚᐅᕕᒋᔭᖏᓐᓂ.

·       ᑲᔪᓯᐅᑦᔨᖃᑦᑕᓗᓂ ᓂᐅᕕᕐᓂᐅᔪᓂ ᕿᒥᕐᕈᐊᖃᐅᑎᓅᕐᑐᓴᓄᑦ ᓄᓇᕕᒻᒥ ᐃᓕᓐᓂᐊᕕᓐᓂ ᐊᒻᒪᓗ ᐃᓕᓐᓂᐊᑎᑦᓯᒍᑎᖃᐅᑎᓅᕐᑐᓴᓂ.

·       ᐊᐅᓪᓚᖃᑦᑕᓂᖅ ᓄᓇᕕᒻᒧᑦ ᑌᒣᒋᐊᖃᓕᕈᓂ.

·       ᓇᐅᑐᐃᓐᓀᑦ ᐊᑦᑐᐊᒥᔪᑦ ᐊᓯᐊᒍᑦ ᐱᓇᓱᒋᐊᓖᑦ.

ᐃᓕᓐᓂᐊᓂᓕᕆᓂᖅ ᐱᕕᓕᒃ, ᐃᓱᒪᒥᓪᓗᓂ, ᐊᑐᖕᖏᑑᑎᑦᓯᓂᕐᒥᒃ ᖁᓛᓂ ᐅᖃᕐᑕᐅᔪᑦ ᐱᔪᓐᓇᕈᑏᑦ ᐃᓚᖏᓐᓂᒃ ᐃᓘᓐᓇᖏᓐᓂᓘᓐᓃᑦ ᓇᓂᓯᒍᓂ ᐃᓚᐅᔪᒥᒃ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒧᑦ ᐊᒻᒪᓗ ᐊᖏᕐᑐᒥᒃ, ᐱᓇᓱᒐᕐᑖᓚᕿᐅᑎᒋᓗᒍ, ᐊᑐᕐᓂᐊᓗᓂ ᐱᒋᐅᕐᓴᐅᑎᓂᒃ ᐃᓕᓐᓂᐊᓂᓕᕆᓂᐅᑉ ᓇᓗᓀᕐᑕᖏᓐᓂᒃ.

ᐊᑐᕈᓐᓇᕆᐊᓕᖏᑦ:

·       ᐅᖃᕈᓐᓇᕆᐊᓕᒃ ᒪᕐᕉᓴᓚᐅᕐᐸᑎᒃ ᐱᖓᓲᒻᒪᑕ ᐃᓕᑕᕆᔭᐅᑦᓱᑎᒃ ᐅᖃᐅᓰᓐᓂᒃ ᐃᓕᓴᕐᓂᓕᕆᓂᕐᒧᑦ (ᐃᓄᑦᑎᑐᑦ, ᖃᓪᓗᓈᑎᑐᑦ, ᐅᐃᒍᐃᑎᑐᓪᓗ);

·       ᖃᓄᐃᓘᖃᑎᖃᑦᓯᐊᕈᓐᓇᕆᐊᓕᒃ ᓯᕗᓕᑦᓯᐊᕈᓐᓇᓗᓂᓗ;

·       ᐃᑲᔪᕐᓯᒪᓯᑎᐅᒋᐊᓕᒃ ᐱᓇᓱᖃᑕᐅᕈᓐᓇᓗᓂ ᐱᓇᓱᖃᑎᒌᕈᑎᓕᓐᓄᑦ;

·       ᐊᐅᓚᑦᓯᓂᓕᕆᓯᑎᐅᒋᐊᓕᒃ ᐊᑕᐅᑦᓯᑰᕐᑎᓯᓯᑎᐅᓗᓂᓗ;

·       MS Office suite-ᓚᔭᒥᒃ ᖃᐅᔨᒪᓂᑯᒧᑦ ᐊᑐᕈᓐᓇᓯᐊᕐᓗᓂ

·       ᓄᓇᕕᒻᒥ ᖃᐅᔨᒪᓂᖃᕐᓗᓂ;

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2143-ᒥᒃ ᐱᓇᓱᕝᕕᖃᕋᔭᕐᑐᖅ : $56,670-ᒥᑦ $100,410-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᒪᓕᑦᓱᒋᑦ.ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.