ᐊᐅᓚᒋᐊᓕᓐᓂᒃ ᐱᓇᓱᑦᑎ - KRG

ᐱᓇᓱᒐᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (KRG), ᑲᕙᒫᐱᓐᓄᑦ-ᖁᓪᓕᐸᐅᑦᓱᓂ ᑎᒥᐅᔪᖅ ᐊᐅᓚᑦᓯᕕᖃᕐᓱᓂ ᓄᓇᒥᒃ 55ᕝ ᑕᕐᕋᖓᓂ, ᕿᓂᓕᕆᕗᖅ ᐃᒻᒥᓂᒃ ᑲᑦᓱᙰᑎᑦᑐᒥᒃ ᐊᒻᒪᓗ ᐱᓇᓱᑦᓯᑎᒥᒃ ᐃᓄᒻᒥᒃ ᐃᓚᐅᒍᒪᔪᒥᒃ KRG-ᑯᓂ ᐱᓇᓱᒐᖃᕐᓗᓂ ᐃᒣᑦᑐᒥᒃ:

ᐊᐅᓚᒋᐊᓕᓐᓂᒃ ᐱᓇᓱᑦᑎ

(ᐊᑌᓐᓇᑐᖅ - ᐃᓗᐃᑦᑐᖅ)

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᒧᑦ ᐃᑲᔪᕐᑎᒥᒃ, ᐱᖁᑎᑖᕐᕕᓕᕆᓂᕐᒧᑦ & ᐊᐅᓚᒋᐊᓕᓐᓄᑦ ᐊᐅᓚᑦᓯᔨᐅᓂᕐᒥᒃ ᐱᓇᓱᕝᕕᐅᑉ ᐃᓗᐊᓂ, ᐱᓇᓱᖃᑎᖃᕐᓗᓂᓗ ᐊᓯᒥᓂᒃ ᐱᓇᓱᕝᕕᒥ ᐱᓇᓱᑦᑎᓂᒃ, ᐊᐅᓚᒋᐊᓕᓐᓂᒃ ᐱᓇᓱᑦᑎ ᐃᑲᔪᕐᑎᐅᕗᖅ ᐊᐅᓚᒋᐊᓕᓐᓂᒃ & ᐃᖏᕐᕋᑎᑦᓯᒍᑎᓂᒃ ᐱᓇᓱᑦᑎᓄᑦ ᓴᖑᐊᑦᓯᔨᐅᑦᓱᓂ ᐊᒻᒪᓗ ᒪᓕᑦᑐᑎᐅᑦᓱᓂ ᐱᖁᑏᑦ ᐊᒻᒪᓗ ᐱᐅᓕᓐᓂᐊᒉᑦ ᑎᑭᑉᐸᓕᐊᓂᖓᓂᒃ KRG-ᑯᑦ ᐱᓇᓱᕝᕕᖏᓐᓄᑦ, ᓱᕐᖁᐃᓱᓂ ᐅᐸᓗᑦᑎᓇᒋᑦ ᑎᑭᑎᑕᐅᓂᖏᓐᓂᒃ ᖃᖓᑦᑕᔫᒃᑯᑦ ᐅᒥᐊᕐᔪᐊᑯᓪᓘᓃᑦ. ᐱᓇᓱᐊᑦᓴᓗᑐᖏᑦ ᐃᓚᖃᓚᖓᔪᑦ, ᐃᓱᒋᓇᒋᑦ, ᒪᑯᓂᖓ:

• ᓴᖑᐊᑦᓯᓂᖅ ᐊᒻᒪᓗ ᒪᓕᑦᑐᓂᖅ ᐱᖁᑏᑦ, ᐱᐅᓕᓐᓂᐊᒉᑦ ᐊᒻᒪᓗ ᐱᐅᒡᒍᑏᑦ ᑐᕌᕐᑐᑦ KRG-ᑯᑦ ᐱᓇᓱᕝᕕᖏᓐᓄᑦ ᐅᓯᔭᐅᓂᖓᓂᒃ ᖃᖓᑦᑕᔫᒃᑯᑦ, ᐅᒥᐊᕐᔪᐊᑯᑦ ᐅᕝᕙᓘᓐᓃᑦ ᓄᓇᒃᑯᑦ, ᐃᓚᖃᕐᑎᓗᒍ ᐊᑐᐃᓐᓇᕈᑦᑎᕆᓂᕐᒥᒃ ᐊᒻᒪᓗ ᐃᖏᕐᕋᓂᖓᓂᒃ ᐃᑉᐱᒍᓱᓐᓂᒥᒃ ᐊᐅᓪᓚᑎᑕᐅᔪᑦ (ᐳᕐᑐᑕᐅᓂᖏᑦ, ᐊᓪᓚᑕᑦᓯᑕᐅᓂᖏᑦ, ᑲᑎᕐᓱᑕᐅᓂᖏᑦ, ᐊᒻᒪᓗ ᒪᓕᑦᑐᕈᑕᐅᓂᖏᑦ), ᓱᕐᖁᐃᐸᓪᓗᓂ ᐅᐸᓗᕋᑎᒃ ᐊᑦᑕᓇᕋᑎᓪᓗ ᑎᑭᑎᑕᐅᓂᖏᓐᓂᒃ ᑕᕐᕋᒥ ᓄᓇᓕᓐᓄᑦ.

• ᐊᓪᓚᓂᖅ ᐊᒻᒪᓗ ᑐᓂᔨᓂᖅ ᐱᖁᑎᓂᒃ ᐃᓕᒪᓇᕐᑐᓂᒃ (DG) ᐅᖃᕈᑎᓂᒃ ᐊᒻᒪᓗ ᐊᑦᑐᐊᔨᖏᓐᓂᒃ ᐊᐅᓪᓚᑎᑕᐅᓂᖓᑕ ᐊᓪᓚᖁᑎᖏᓐᓂᒃ, ᐊᑐᕆᐊᖃᕐᓂᖏᑦ ᒪᓕᓪᓗᒋᑦ, ᓱᕐᖁᐃᓯᐊᕐᓗᓂ ᒪᓕᓐᓂᖓᓂᒃ ᐊᑐᕐᑐᓴᓂᒃ ᒪᓕᒐᕐᓂᒃ ᐊᒻᒪᓗ ᐅᓯᔩᑦ ᓂᐳᕈᑎᒋᒋᐊᓕᖏᓐᓂᒃ ᖃᖓᑦᑕᔫᒃᑯᑦ ᐅᒥᐊᕐᔪᐊᑯᓪᓗ ᐅᓯᒍᑎᓄᑦ.

• ᐱᑕᖃᕐᑎᓯᓂᖅ ᓱᓕᔪᓂᒃ ᐊᓪᓚᖁᑎᓂᒃ ᐃᓕᖓᔪᓂᒃ ᐊᐅᓪᓚᑎᑦᓯᒍᑎᓄᑦ, ᑎᑭᑦᑎᓄᑦ, ᓱᕐᖁᐃᕈᑎᓂᒃ ᐱᒍᑎᓄᑦ, ᐊᒻᒪᓗ ᓈᒻᒪᖏᒍᑎᓄᑦ, ᐊᒻᒪᓗ ᐊᑐᐃᓇᕈᐃᓂᖅ ᑐᓴᕐᑎᓯᒍᑎᓂᒃ ᐊᐅᓪᓚᑎᑦᓯᒍᑕᐅᓯᒪᔪᑦ ᖃᓄᐃᓕᖓᓂᖓᑕ ᒥᑦᓵᓄᑦ, ᑎᑭᑎᑦᓯᓂᒃᑯᑦ ᐱᑦᓯᐊᓂᐅᑉ ᒥᑦᓵᓄᑦ ᐊᒻᒪᓗ ᐊᐅᓚᒋᐊᓖᑦ KPI-ᖏᑕ ᒥᑦᓵᓄᑦ.

• ᓯᕗᓪᓕᐸᐅᑦᓱᓂ ᑲᒪᔨᐅᓂᕐᒥᒍᑦ KRG-ᑯᑦ ᑎᒥᖓᓂ, ᐱᒋᐊᕐᑎᓯᓂᖅ ᐊᒻᒪᓗ ᐃᑉᐱᒍᓱᓐᓂᖅ ᑐᑦᓯᕋᐅᑎᓂᒃ ᐃᓕᖓᔪᓂᒃ ᐱᖁᑎᓄᑦ ᐃᓚᑯᓄᑦ, ᓱᒃᑯᓯᒪᔪᓄᑦ, ᑭᖑᕙᕐᑐᓄᑦ, ᐅᕝᕙᓘᓐᓃᑦ ᐊᓯᐅᔪᓄᑦ ᑲᒪᓗᓂ ᖃᖓᑦᑕᔫᒃᑯᑦ ᐅᓯᔨᓂᒃ ᐊᒻᒪᓗ ᐅᒥᐊᕐᔪᐊᑰᕐᑎᓯᔨᓂᒃ, ᐃᓚᖃᕐᑎᓗᒍ ᓄᐊᑦᓯᓂᕐᒥᒃ ᓴᐳᑦᔨᐅᑎᓂᒃ ᐊᓪᓚᖁᑎᓂᒃ ᐊᒻᒪᓗ ᓱᕐᖁᐃᓂᕐᒥᒃ ᐊᑯᓂᐅᖕᖏᑐᖅ ᐋᕐᕿᕈᑕᐅᓂᖏᓐᓂᒃ.

• ᐃᑉᐱᒍᓱᓐᓂᖅ ᐱᖁᑏᑦ ᐅᓄᕐᓂᖓᑕ ᖃᓄᐃᓪᓗᐊᓂᖓᓂᒃ ᒪᓕᑦᑐᓗᓂ ᑎᑭᐅᕐᖃᑐᓂᒃ ᐊᒻᒪᓗ ᐊᓂᐅᕐᖃᑐᓂᒃ ᐱᐅᓕᓐᓂᐊᒐᕐᓂᒃ, ᑐᓴᕐᑎᓯᒍᑎᖃᖃᑦᑕᓗᓂᓗ ᐃᑭᓗᐊᓕᕐᑐᓂᒃ ᐅᕝᕙᓘᓐᓃᑦ ᑭᓯᑦᓱᒋᑦ ᐊᑦᔨᒌᖕᖏᑐᓂᒃ, ᐊᒻᒪᓗ ᓴᖑᐊᓯᓗᓂ ᐱᒋᐊᓪᓚᕆᐊᓕᓐᓂᒃ ᑎᑭᓭᒍᑎᓂᒃ ᑌᒣᒋᐊᖃᕐᓂᖅ ᒪᓕᓪᓗᒍ.

• ᐃᑲᔪᕐᑐᓂᖅ ᐱᖁᑎᓂᒃ ᐊᐅᓚᑦᓯᔨᓂᒃ ᑲᔪᓯᑦᓯᐊᑎᑦᓯᓗᓂ ᐱᖁᑏᑦ ᑎᑭᑕᐅᓂᖓᓂᒃ ᐊᒻᒪᓗ ᓅᑕᐅᓂᖏᓐᓂᒃ ᐊᒻᒪᓗ ᓱᕐᖁᐃᑎᑦᓯᓗᓂ ᐊᐅᓪᓚᑎᑦᓯᒍᑏᑦ ᑎᑭᑦᑐᐃᓗ ᐊᓪᓚᖁᑎᖏᑦᑕ ᐁᑦᑑᑕᐅᓂᖓᓂᒃ ᓴᐳᑦᔨᐅᑎᒋᓗᒋᑦ ᑕᒪᒃᑯᐊ ᐊᓪᓚᑕᐅᓂᖏᓐᓂᒃ ᐊᒻᒪᓗ ᒪᓕᑦᑐᕈᑕᐅᓂᖏᓐᓂᒃ ᐊᑦᑐᐊᔪᓂ ᐱᓇᓱᐊᕈᑎᓂ.

• ᓱᕐᖁᐃᓂᖅ ᒪᓕᓐᓂᒥᒃ KRG-ᑯᑦ ᒪᓕᒐᖏᓐᓂᒃ, ᐊᑦᑕᓇᕐᑌᓕᓂᒃᑯᑦ ᐱᐅᓯᖏᓐᓂᒃ ᐊᒻᒪᓗ ᐊᑐᕐᑐᓴᓂᒃ ᒪᓕᒐᒻᒪᕆᓐᓂᒃ ᐱᓇᓱᓐᓂᒥᓂ ᐃᓘᓐᓇᖏᓐᓂᒃ ᐊᐅᓚᒋᐊᓕᑎᒍᑦ ᐱᔭᑦᓴᓕᒫᓂᒃ.

• ᐱᓇᓱᖃᑦᑕᓂᖅ ᐊᓯᖏᓐᓂᒃ ᐊᑦᑐᐊᒥᔪᓂᒃ ᐱᔭᑦᓴᓂᒃ ᑎᓕᔭᐅᒍᑎᒥᓂᒃ.

ᐱᑕᖃᕆᐊᓖᑦ:

• ᐱᓇᓱᒐᕐᒥᒃ ᐃᓕᑦᓯᒪᐅᑎ ᐊᑦᑐᐊᔪᖅ ᐊᐅᓚᒋᐊᓕᓕᕆᓂᕐᒧᑦ, ᐱᖁᑎᑖᕐᓂᑯᑦ ᐊᕐᖁᓵᕆᐊᓕᓐᓂᒃ ᐊᐅᓚᑦᓯᓂᕐᒧᑦ, ᐅᕝᕙᓘᓐᓃᑦ ᐊᑦᑐᐊᒥᔪᒧᑦ ᐱᓇᓱᒐᕐᒧᑦ; ᒥᑦᓯᓕᓐᓂᒃ ᐱᓇᓱᓚᐅᕐᓯᒪᓂᖅ ᐃᓱᒪᒋᔭᐅᒍᓐᓇᑐᖅ.

• ᐃᑭᓐᓂᐹᖓᓄᑦ ᐱᖓᓱᓂᒃ (3) ᐊᕐᕌᒍᓂᒃ ᐱᓇᓱᑦᓯᒪᓂᖅ ᐊᐅᓚᒋᐊᓕᓕᕆᓂᕐᒥᒃ, ᐅᓯᔨᓕᕆᓂᕐᒥᒃ, ᐅᕝᕙᓘᓐᓃᑦ ᐱᖁᑎᑖᕐᓂᑯᑦ ᐊᕐᖁᓵᕐᑕᐅᔪᑦ ᐃᖏᕐᕋᑎᑕᐅᓂᖓᓂᒃ, ᐱᐅᓂᕐᓴᐅᑎᓪᓗᒍ ᑕᕐᕋᒥ ᐅᕝᕙᓘᓐᓃᑦ ᐅᖓᓯᑦᑐᒥᐅᑦ ᓄᓇᖓᓃᑦᓯᒪᒍᓂ.

• ᑲᒪᓕᓂᐅᓂᖅ ᖃᖓᑦᑕᔫᒃᑯᑦ ᐅᒥᐊᕐᔪᐊᑯᓪᓗ ᐅᓯᒍᑕᐅᒋᐊᓖᑦ ᐊᐅᓚᒋᐊᓕᑦᑕᖏᓐᓂᒃ.

• ᑐᑭᓯᒪᓂᑐᐃᓐᓇᖅ ᐱᖁᑎᓂᒃ ᐊᐅᓚᑦᓯᓂᐅᑉ ᑐᑭᖏᓐᓂᒃ.

• ᐃᓂᓪᓚᖓᓂᕐᒥᒃ, ᑐᓴᐅᒪᑎᑦᓯᓂᕐᒥᒃ, ᐊᒻᒪᓗ ᐱᓀᓗᑦᓯᐅᑎᓂᒃ-ᐋᕐᕿᓱᐃᓂᕐᒥᒃ ᐱᒃᑲᑐᖕᖏᓚᕆᓐᓂᖅ.

• ᐊᑐᕈᓐᓇᓯᐊᕐᓂᖅ ᖃᕆᑕᐅᔭᕈᑎᓂᒃ Microsoft Office ᐊᒻᒪᓗ ᐊᑐᓚᐅᕐᓯᒪᓂᖅ ERP-ᓂᒃ ᐱᓇᓱᐊᕈᑎᓂᒃ (ᐆᑦᑑᑎᒋᓗᒍ, ACCPAC) ᐃᓱᐊᖁᑎᒋᐊᓪᓚᐅᓱᓂ.

• ᐱᓇᓱᒍᓐᓇᓂᖅ ᐃᒻᒥᓂᕿᓗᓂ ᐃᓚᐅᓗᓂᓗ ᐱᓇᓱᑎᖃᑎᒌᓂ, ᐃᑉᐱᒍᓱᑦᓯᐊᓗᓂ ᓱᓇᓕᒫᓂᒃ ᐊᒻᒪᓗ ᐃᑲᔪᕐᑐᑐᒥᒃ ᐱᐅᓯᖃᕐᓗᓂ.

• ᐊᑐᕈᓐᓇᓯᐊᕐᓂᖅ ᐃᑭᓐᓂᐹᖓᓄᑦ ᒪᕐᕈᐃᓂᒃ ᐅᑯᐊ ᐅᖃᐅᓰᑦ ᓇᓪᓕᖏᓐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ (ᐊᓪᓚᓯᒪᔪᕐᑎᒍᑦ ᐅᖄᓗᓂᓗ).

ᐱᓇᓱᕝᕕᖓᑕ ᓄᓇᓕᖓ: ᑰᔾᔪᐊᖅ, ᑯᐯᒃ

ᑮᓇᐅᑦᔭᓵᖏᑦ: ᐃᑭᓐᓂᐹᖓᓄᑦ $52 481/ᐊᕐᕌᒍᒥ – ᐅᓄᕐᓂᐹᖓᓄᑦ $89,256 (ᐳᕐᑐᓂᖓ 8)

ᐱᕙᓪᓕᖁᑎᖏᑦ*: ᐃᓅᓯᐅᑉ ᐊᑭᑐᓂᖓᑕ ᑲᓱᖕᖏᒍᑎᖓ: $8,500/ᐊᕐᕌᒍᑕᒫᑦ

ᓂᕿᓄᑦ ᐃᑲᔫᑏᑦ: ᐃᑭᓐᓂᐹᖓᓄᑦ $4,216/ᐊᕐᕌᒍᑕᒫᑦ

ᐊᕐᕌᒍᑕᒫᑦ ᕿᑲᕈᑎᓂ ᖃᖓᑦᑕᐅᑏᑦ: ᐃᑭᓐᓂᐹᖓᓄᑦ 3 ᐊᑐᓂ ᐃᓄᒻᒧᑦ ᐊᕐᕌᒍᑕᒫᑦ

ᐱᔭᕆᐊᑭᓐᓂᓴᖅ ᐃᓄᒻᒪᕆᖕᖑᓂᑦᓴᒧᑦ ᐸᕐᓇᕈᑎ: 6.25% ᐱᓇᓱᕝᕕᒥᒃ, 4% ᐱᓇᓱᑦᑎᒥᒃ

ᐊᑕᖏᕐᑐᑦ ᓴᑑᑎᑦᓴᖏᑦ

ᕿᑲᕈᑏᑦ: 20-ᓂᒃ ᐅᓪᓗᓂᒃ ᐊᕐᕌᒍᑕᒫᑦ,

ᐱᖁᔭᑎᒍᑦ ᕿᑲᕐᓀᑦ: ᐅᓪᓗᓂᒃ 20-ᓂᒃ ᐃᓚᖃᕐᑎᓗᒋᑦ 10-ᓂᒃ ᕿᑎᖕᖑᒥ ᕿᑲᕐᓇᓕᕐᒪᑦ.

ᐱᓇᓱᒍᒪᐅᑎᑎᑦ ᑎᑭᑦᑎᓗᒋᑦ ᐅᕗᖓ:

Human Resources

Kativik Regional Government

P.O.Box 9

Kuujjuaq, Quebec

J0M 1C0

FAX: (819) 964-2975

e-mail: humanresources@krg.ca

KRG-ᑯᑦ ᐱᓇᓱᑦᑎᓯᐅᓲᖑᕗᑦ ᐊᑦᔨᒌᑎᓯᑦᓱᑎᒃ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᑐᐃᓐᓇᕆᐊᓖᑦ ᑫᓪᓗᐊᕈᑕᐅᓗᑎᒃ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ ᐱᓇᓱᒐᕐᑖᕋᓱᐊᕐᑐᓂᒃ.

ᐱᔪᑦᓴᐅᔮᕐᑐᐃᑦ ᐊᐱᕐᓱᕈᒪᑦᓱᒋᑦ ᓇᓪᓕᑳᕐᑕᐅᔪᐃᑦ ᑭᓯᐊᓂ ᐅᖃᕐᕕᐅᓂᐊᕐᑐᑦ.