ᐊᐅᓚᒋᐊᓕᓐᓂᒃ ᐱᓇᓱᑦᑎ - KRG

ᐱᓇᓱᒐᕐᒥᒃ ᒪᓂᔨᒍᑎ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (KRG), ᑲᕙᒫᐱᓐᓄᑦ-ᖁᓪᓕᐸᐅᑦᓱᓂ ᑎᒥᐅᔪᖅ ᐊᐅᓚᑦᓯᕕᖃᕐᓱᓂ ᑯᐯᒻᒥ ᓄᓇᒥᒃ 55ᕝ ᑕᕐᕋᖓᓂ, ᕿᓂᓕᕆᕗᖅ ᐃᒻᒥᓂᒃ ᑲᑦᓱᙰᑎᑦᑐᒥᒃ ᐊᒻᒪᓗ ᐱᓇᓱᑦᓯᑎᒥᒃ ᐃᓄᒻᒥᒃ ᐃᓚᐅᒍᒪᔪᒥᒃ KRG-ᑯᓂ ᐱᓇᓱᒐᖃᕐᓗᓂ ᐃᒣᑦᑐᒥᒃ:

ᐊᐅᓚᒋᐊᓕᓐᓂᒃ ᐱᓇᓱᑦᑎ

(ᐃᓂᖓ ᐊᑌᓐᓇᑐᖅ, ᐃᓗᐃᑦᑐᖅ)

ᐊᖓᔪᕐᖄᖃᕐᓗᓂ ᓴᖑᐊᑦᓯᔨᒥᒃ ᐱᕕᓃᑦ ᐊᒥᐊᒃᑯᖏᓐᓂᒃ ᐊᐅᓚᑦᓯᓂᕐᒥᒃ, ᐊᐅᓚᒋᐊᓕᓐᓂᒃ ᐱᓇᓱᑦᑎ ᐃᑲᔪᓚᖓᔪᖅ ᐊᕙᑎᓕᕆᓂᒃᑯᑦ ᐱᓇᓱᐊᕈᑎᓂᒃ ᐊᒻᒪᓗ ᐱᓪᓗᒋᐊᓕᑎᒍᑦ ᐃᑲᔪᕐᑎᐅᓗᓂ ᐱᕕᓃᑦ ᐊᒥᐊᒃᑯᖏᑦᑕ ᐊᐅᓚᑕᐅᓂᖓᓂᒃ ᑕᕐᕋᒥ ᓄᓇᓕᓐᓂ. ᑲᒪᒋᒋᐊᖃᕐᓂᐹᖏᑦ ᐃᓚᖃᓚᖓᔪᑦ ᒪᑯᓂᖓ:

• ᐸᕐᓇᓂᖅ ᐊᒻᒪᓗ ᐋᕐᕿᓱᐃᓂᖅ ᐊᐅᓪᓚᑎᑦᓯᒍᑎᓂᒃ ᐱᖁᑎᓂᒃ, ᓄᖒᑎᑦᑕᑐᓂᒃ, ᐊᒻᒪᓗ ᐱᓇᓲᑎᓂᒃ ᑐᕌᕐᑐᓂᒃ ᐊᕙᑎᓕᕆᓂᒃᑯᑦ ᐱᓇᓱᐊᕈᑎᓄᑦ ᐊᒻᒪᓗ ᐱᓪᓗᑯᒋᐊᓕᑎᒍᑦ ᐃᑲᔪᕐᓂᖅ ᑕᕐᕋᒥ ᓄᓇᓕᓐᓂᒃ ᐱᕕᓃᑦ ᐊᒥᐊᒃᑯᖏᓐᓂᒃ ᐊᐅᓚᑦᓯᓂᐅᑉ ᑐᑭᐊᒍᑦ.

• ᐱᓇᓱᖃᑕᐅᓂᖅ ᐃᓚᐅᔪᓄᑦ KRG-ᑯᑦ ᐊᕙᑎᒥᒃ ᐱᓇᓱᑦᑎᖏᓐᓂ, ᑲᕙᒫᐲᑦ ᐱᓇᓱᑦᑎᖏᓐᓄᑦ, ᐊᒻᒪᓗ ᑕᕆᐅᒃᑯᑦ ᐅᓯᔨᓄᑦ ᐱᑦᓯᐊᑎᑦᓯᒐᓱᐊᕐᓗᓂ ᐱᕕᓃᑦ ᐊᒥᐊᒃᑯᖏᓐᓂᒃ ᐊᐅᓚᑦᓯᓂᒃᑯᑦ ᑲᒪᒋᒋᐊᓖᑦ ᑐᖓᓕᕇᖏᓐᓂᒃ.

• ᓱᖑᐊᓯᖃᑕᐅᓂᖅ KRG-ᑯᑦ ᐱᖁᑎᑖᕐᓂᑯᑦ ᑐᖓᓕᕇᓕᓂᒃ ᐱᓇᓱᑦᑎᖏᓐᓄᑦ ᑲᒪᖃᑕᐅᓗᓂ ᐅᓯᔨᓂ ᐃᓂᑦᓴᖏᓐᓂᒃ ᐅᓪᓗᖁᑎᓕᐅᕐᓂᒥᒃ ᐊᒻᒪᓗ ᑎᑭᑎᑦᓯᓂᐅᑉ ᖃᓄᐃᓕᖓᓂᑦᓴᖏᓐᓂᒃ, ᐱᓗᐊᕐᑐᒥᒃ ᐊᑦᑐᐊᔪᕐᑎᒍᑦ ᓯᓚ ᒪᓕᓪᓗᒍ ᐱᓇᓱᐊᕈᑎᓂᒃ ᐱᑦᔪᑎᓕᓐᓂᒃ ᐱᕕᓃᑦ ᐊᒥᐊᒃᑯᖏᑦᑕ ᑲᒪᒋᔭᐅᓂᐊᕐᒪᑕ ᐊᐅᓪᓚᑎᑕᐅᓂᖓᓂᒃ ᑕᕐᕋᒥ ᓄᓇᓕᓐᓂᒃ.

• ᐊᑐᐃᓐᓇᕈᐃᓂᖅ ᐊᒻᒪᓗ ᕿᒥᕐᕈᒋᐊᑦᓯᐊᓂᖅ ᐅᓯᒍᑏᑦ ᐊᓪᓚᖁᑎᖏᓐᓂᒃ, ᐃᓚᖃᕐᑎᓗᒍ ᐊᑦᑕᓇᕐᑐᓂᒃ ᐱᖁᑎᓂᒃ ᐊᐅᓚᑦᓯᒍᑕᐅᔪᑦ ᐊᓪᓚᑕᐅᒪᒍᑎᖏᑦ ᓱᕐᖁᐃᕆᐊᑦᓯᐊᓗᓂ ᓈᒻᒪᓈᕐᓯᒪᓂᖏᓐᓂᒃ ᐊᒻᒪᓗ ᒪᓕᒐᒃᑰᓂᖏᓐᓂᒃ.

• ᐃᑉᐱᒍᓱᓐᓂᖅ ᑎᑭᑉᐸᓕᐊᔪᓂᒃ ᐊᐅᓪᓚᑎᑕᐅᔪᓂᓪᓗ ᓱᕐᖁᐃᓚᖓᓗᓂ ᐅᐸᓗᒍᑕᐅᒐᑎᒃ ᐱᑦᓯᐊᑕᐅᓗᑎᓪᓗ ᐊᐅᓚᑕᐅᓂᖓᓂᒃ, ᐱᓗᕐᐊᑐᒥᒃ ᐊᑦᑐᐊᔪᕐᑎᒍᑦ ᐊᕙᑎᓕᕆᓂᕐᒥ ᐱᓪᓗᑯᒋᐊᓕᓐᓄᑦ ᐃᑲᔪᕈᑎᓄᑦ ᑕᕐᕋᒥ ᓄᓇᓕᓐᓂᒃ.

• ᓱᕐᖁᐃᓂᖅ ᒪᓕᑦᓯᐊᓂᕐᒥᒃ ᐅᓯᔭᐅᔪᓄᑦ ᒪᓕᒐᕐᓂᒃ ᐊᒻᒪᓗ ᐊᑦᑕᓇᕇᒃᑯᑏᑦ ᐱᐅᓯᖏᓐᓂᒃ ᐊᑐᕐᑐᓴᓂᒃ ᑕᕐᕋᒥ ᐊᐅᓚᒋᐊᓕᓐᓄᑦ.

• ᓇᓗᓀᕐᓯᓂᖅ ᐃᓚᑰᒍᑎᓂᒃ ᐱᕐᕈᓯᕐᓂ ᐊᒻᒪᓗ ᑫᒥᑎᕆᓂᖅ ᐱᕙᓪᓕᕆᐊᕈᑎᑦᓴᓂᒃ ᐊᐅᓚᒋᐊᓕᓕᕆᓂᕐᒧᑦ ᐊᑦᑐᐊᔪᕐᑎᒍᑦ ᐊᕙᑎᓕᕆᓂᕐᒥᒃ ᐅᕝᕙᓘᓐᓃᑦ ᐱᕕᓃᑦ ᐊᒥᐊᒃᑯᖏᓐᓂᒃ ᐊᐅᓚᑦᓯᒍᑎᓂᒃ ᐱᒋᐊᕈᑎᓄᑦ ᐊᒻᒪᓗ ᐊᑐᓕᕐᑐᓄᑦ ᓱᒐᓱᐊᕈᑎᓄᑦ, ᐃᓱᒪᓗᓂ ᐱᐊᓚᓂᕐᒥᒃ ᐊᒻᒪᓗ ᑲᔪᓯᑎᒍᓐᓇᓚᖓᓂᖓᓂᒃ.

• ᐊᐅᓪᓚᖃᑦᑕᓂᖅ ᐅᒥᐊᕐᔪᐊᑦ ᑲᒪᒋᔭᐅᕕᖏᓐᓄᑦ ᐅᕝᕙᓘᓐᓃᑦ ᑕᕐᕋᒥ ᓄᓇᓕᓐᓄᑦ ᑌᒣᒋᐊᖃᓕᕈᓂ ᐃᑲᔪᕐᓯᒋᐊᕐᑐᓗᓂ ᑎᑭᑎᑦᓯᓂᐅᑉ ᑐᑭᒧᐊᑦᑎᑕᐅᓂᖓᓂᒃ, ᐊᐅᓪᓚᑐᑦᓴᓂᒃ ᕿᒥᕐᕈᓂᕐᒥᒃ, ᐅᕝᕙᓘᓐᓃᑦ ᓇᔪᕐᑕᐅᔪᒥ-ᐁᓯᒪᓗᓂ ᐃᑲᔪᒋᐊᕐᓗᓂ.

• ᐱᓇᓱᖃᑦᑕᓂᖅ ᐊᓯᖏᓐᓂᒃ ᐊᑦᑐᐊᒥᔪᓂᒃ ᐱᓇᓱᐊᑦᓴᓂᒃ ᑎᓕᔨᒍᑕᐅᔪᓂᒃ, ᐃᑲᔪᕐᓯᐅᑎᒋᓗᒋᑦ ᐊᕙᑎᓕᕆᐅᑎᓂᒃ ᐱᓇᓱᐊᕈᑕᐅᔪᑦ ᐃᓘᓐᓈᒍᑦ ᐱᑦᓯᐊᓂᖓᓂᒃ ᓄᓇᕕᐅᑉ ᐃᓗᐊᓂ.

ᐱᓇᓱᒐᕐᒥ ᐱᑕᖃᕆᐊᓖᑦ

• ᐃᓕᑦᓯᒪᐅᑎ ᐅᕝᕙᓘᓐᓃᑦ ᐱᔪᓐᓇᐅᑎ ᐊᐅᓚᒋᐊᓕᓕᕆᓂᕐᒥᒃ, ᐱᖁᑎᑖᕐᓂᑯᑦ ᐊᕐᖁᓵᕆᐊᓕᓐᓂᒃ ᐊᐅᓚᑦᓯᓂᕐᒥᒃ, ᐅᕝᕙᓘᓐᓃᑦ ᐊᑦᑐᐊᒥᔪᒥᒃ ᐱᓇᓱᒐᕐᒥᒃ.

• ᐃᑭᓐᓂᐹᖓᓄᑦ ᐱᖓᓱᓂᒃ (3) ᐊᕐᕌᒎᓐᓂᒃ ᐱᓇᓱᑦᓯᒪᓂᖅ ᐊᐅᓚᒋᐊᓕᓐᓂᒃ ᓴᖑᐊᑦᓯᔨᐅᓂᕐᒥᒃ, ᐅᕝᕙᓘᓐᓃᑦ ᐱᖁᑎᑖᕐᓂᑯᑦ ᑐᖓᓕᕇᑦᑎᑐᓂᒃ ᑲᒪᔨᐅᓂᕐᒥᒃ.

• ᖃᐅᔨᒪᓂᖅ ᐅᕝᕙᓘᓐᓃᑦ ᑲᒪᓕᓂᐅᓂᖅ ᐅᒥᐊᕐᔪᐊᑯᑦ ᐅᓯᔨᓕᕆᓂᕐᒥᒃ (ᐱᒻᒪᕆᐅᑦᓱᓂ ᐃᓱᐊᖁᑎ).

• ᐱᓀᓗᑦᓯᐅᑎᓂᒃ-ᐋᕐᕿᓱᐃᓂᕐᒥᒃ ᐱᒃᑲᑐᖕᖏᓚᕆᓐᓂᖅ ᐊᒻᒪᓗ ᓱᓇᓕᒫᓂᒃ ᐃᑉᐱᒍᓱᑦᓯᐊᓂᖅ.

• ᐊᑐᕈᓐᓇᓂᖅ ᖃᕆᑕᐅᔭᒃᑯᑦ ᐊᐅᓚᒋᐊᓕᓐᓂᒃ ᑲᒪᒍᑎᓂᒃ ᐊᒻᒪᓗ ᓴᓇᕐᕈᑎᓂᒃ.

• ᐊᓪᓚᓯᒪᔪᑎᒍᑦ ᐅᖄᓂᒃᑯᓗ ᐱᔪᓐᓇᓯᐊᕐᓂᖅ ᐅᐃᒍᐃᑎᑐᑦ ᖃᓪᓗᓇᑎᑐᓪᓗ ᐅᖃᐅᐃᓯᕐᓂᒃ, ᖃᐅᔨᒪᓂᖅ ᐃᓄᒃᑎᑐᑦ ᐅᖃᐅᓯᕐᒥᒃ ᐃᓱᐊᖁᑕᐅᒋᐊᓪᓚᑐᖅ.

• ᐱᓇᓱᒍᓐᓇᓂᖅ ᕿᑦᑌᖓᔪᒥ ᐃᓂᒥ ᐊᒻᒪᓗ ᐊᐅᓚᑦᓯᒍᓐᓇᓂᖅ ᐊᒥᓱᐃᓂᒃ ᑲᒪᒋᒋᐊᓕᓐᓂᒃ ᐊᑕᐅᑦᓯᑯᑦ.

• ᓱᖏᐅᓐᓂᐅᓂᖅ ᐊᑦᔨᐅᖏᑦᑐᓄᑦ ᐊᑦᓱᕈᕐᓇᑐᓄᑦ ᐱᓇᓱᑦᓱᓂ ᑕᕐᕋᒥᐅᓂ ᐅᕝᕙᓘᓐᓃᑦ ᐅᖓᓯᑦᑐᒥᐅᓂ ᓄᓇᓂ (ᐃᓱᐊᖁᑎ);

• ᐊᖏᕐᓯᒪᓂᖅ ᐊᐅᓪᓚᖃᑦᑕᓚᖓᓗᓂ ᐅᖓᓯᑦᑐᒥᐅᓄᑦ ᓄᓇᓕᓐᓄᑦ (ᓄᓇᕕᒻᒥ).

ᐱᓇᓱᕝᕕᖓᑕ ᓄᓇᓕᖓ: ᐅᐊᕈᑎᒌᑦᑎᑐᖅ

ᑮᓇᐅᑦᔭᓵᖏᑦ: ᐃᑭᓐᓂᐹᖓᓄᑦ $52,481 ᐊᒻᒪᓗ ᐅᓄᕐᓂᐹᖓᓄᑦ $89,256 ᐊᕐᕌᒍᒥ ᑕᒫᑦ (ᐳᕐᑐᓂᖓ 8)

ᐱᕙᓪᓕᖁᑎᖏᑦ*: ᐊᐅᓪᓚᓯᒪᑦᓱᓂ ᑮᓇᐅᔭᕐᑐᕈᑏᑦ ᐊᒻᒪᓗ ᑐᔪᕐᒥᐅᒍᑏᑦ ᐱᓇᓱᓐᓂᖓᓂ ᓄᓇᕕᐅᑉ ᐃᓗᐊᓂ 

ᐱᔭᕆᐊᑭᑦᑐᖅ ᐃᓄᒻᒪᕆᖕᖑᓂᑦᓴᒧᑦ ᐸᕐᓇᕈᑎ: 6.25% ᐱᓇᓱᕝᕕᒥᒃ, 4% ᐱᓇᓱᑦᑎᒥᒃ 

ᐊᑕᖏᕐᑐᑦ ᓴᑑᑎᑦᓴᖏᑦ

ᕿᑲᕈᑏᑦ: 20 ᐅᓪᓗᐃᑦ; 

ᐱᖁᔭᑎᒍᑦ ᕿᑲᕐᓀᑦ: ᐅᓪᓗᐃᑦ 20 ᐃᓚᖃᕐᓱᑎᒃ 10-ᓂᒃ ᕿᑎᖕᖑᒥ ᕿᑲᕐᓇᓕᕐᒪᑦ.

ᐱᓇᓱᒍᒪᐅᑎᑎᑦ ᖃᓪᓗᓈᑎᑑᕐᑎᓗᒋᑦ ᑎᑭᑦᑎᓗᒋᑦ 5:00 ᐅᓐᓂᓴᒃᑯᑦ ᓯᕗᓂᐊᒍᑦ ᒫᑦᔨ 18, 2026-ᒥ,  ᐅᕗᖓ:

Human Resources

Kativik Regional Government

P.O. Box 9, Kuujjuaq QC J0M 1C0

Fax: (819) 964-2975

Email: humanresources@krg.ca

KRG-ᑯᑦ  ᒪᓕᑉᐳᑦᑦ ᑐᑭᒧᐊᒍᑎᒥᒃ ᐊᑦᔨᒌᑦᑎᓯᓗᓂ ᐱᓇᓱᕐᑖᑎᑦᓯᓂᕐᒧᑦ. ᑌᒣᒻᒪᑦ, ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᑐᐃᓐᓇᕆᐊᓖᑦ ᑫᓪᓗᐊᕈᑕᐅᓗᑎᒃ ᐱᓇᓱᑦᑎᑖᖑᓂᖓᓂᒃ ᐃᓄᐃᑦ ᐱᓇᓱᒐᕐᑖᕋᓱᐊᕐᑐᑦ. 

ᐱᔪᑦᓴᐅᔮᕐᑐᐃᑦ ᐊᐱᕐᓱᕈᒪᑦᓱᒋᑦ ᓇᓪᓕᑳᕐᑕᐅᔪᐃᑦ ᑭᓯᐊᓂ ᐅᖃᕐᕕᐅᓂᐊᕐᑐᑦ.