ᓯᖁᒥᓯᒪᔪᕐᓂᐊᑎᓂᒃ ᑲᒪᔨᒻᒪᕆᒃ - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ.

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᐱᖁᑎᓕᕆᕕᒻᒥ ᑐᑭᒧᐊᕐᑎᓯᔨᐅᑉ ᐃᑲᔪᕐᑎᖓᓂᒃ, ᑕᓯᐅᔭᕐᔪᐊᒥ ᓯᖁᒥᓯᒪᔪᕐᓂᐊᑎᓂᒃ ᐊᐅᓚᑦᓯᔨ ᑲᒪᒋᔭᑦᓴᔭᓕᒃ ᐱᓪᓗᑯᒋᐊᓕᓕᕆᔭᐅᓂᖏᓐᓂᒃ, ᐊᐅᓚᑦᓯᓂᓕᕆᒍᑎᖏᓐᓂᒃ ᐱᓇᓱᐊᕐᑕᖏᓐᓂᓗ ᐱᓇᓱᐊᒍᑕᐅᕆᐊᓕᓐᓂᒃ ᐊᐅᓚᑕᐅᒍᑎᖃᕐᓂᖏᑦᑕ ᐃᒻᒥᒎᕐᑐᑦ ᐃᓪᓗᓂᒃ ᓯᖁᒥᓯᒪᔪᓂᕐᐊᑏᑦ, ᓴᓗᒻᒪᓭᔩᑦ ᐱᐅᓕᓂᐊᒉᑦ ᓄᓇᖁᑏᑦ, ᓄᑕᐅᓯᓕᕐᑎᕆᒍᑏᑦ, ᐃᑯᒪᖃᕈᑏᑦ ᓱᓇᒐᓚᖃᐅᑎᐅᓪᓗ ᐊᐅᓚᑕᐅᓂᖓᓂᒃ, ᐱᓇᓱᑦᑏᑦ ᐱᒋᐅᕐᓴᔭᐅᓂᖓᓂᒃ ᐱᖁᑎᒋᔭᐅᔪᐃᓪᓗ ᐊᐅᓚᑕᐅᓂᖏᓐᓂᒃ ᐅᑯᓄᖓ ᓄᓇᓕᓐᓄ: ᐳᕕᕐᓂᑐᖅ, ᐊᑯᓕᕕᒃ, ᐃᕗᔨᕕᒃ. ᐊᓯᖏᓐᓂᒃ ᐱᔭᑦᓴᖃᕐᒥᓱᓂ ᒪᑯᓂᖓ:

·       ᓯᖁᒥᓯᒪᔪᕐᓂᐊᑏᑦ ᐱᓇᓱᐊᕆᓕᐊᖏᓐᓂᒃ ᓱᒃᑯᐊᕿᑦᑌᓕᓂᕐᒧᑦ ᐃᓪᓗᓕᕆᓂᕐᒧᓗ ᐊᑐᓕᕐᑎᓯᔨᐅᓗᓂ,

·       ᓄᑕᐅᓯᓕᕐᑕᐅᒋᐊᓕᓐᓂᒃ ᐅᓇᑕᒡᒑᑎᐅᓗᓂ ᐊᑭᒋᓂᐊᕐᑕᖏᓐᓂᓗ ᒥᑦᓴᐅᓴᕐᑎᐅᓗᓂ, ᐱᓇᓱᐊᕐᑕᐅᓂᐊᕐᑐᑦ ᐱᐅᓕᓂᐊᒐᕐᑕᖏᓐᓂᒃ ᑲᒪᔨᐅᓗᓂ ᐱᓇᓱᐊᕐᑐᓂᓪᓗ ᐃᑉᐱᒍᓱᑦᑎᐅᓗᓂ.

·       ᐊᕐᕌᒍᑕᒫᑦ ᐅᒥᐊᕐᔪᐊᑰᕐᑐᓴᓕᕆᔨᐅᓗᓂ ᐱᖁᑎᓕᕆᓂᕐᒨᓕᖓᔪᓂᒃ ᐊᒻᒪᓗ ᓄᑕᐅᓯᓕᕐᑎᕆᔪᑦ ᐱᓇᓱᒍᑎᑦᓴᖏᓐᓂᒃ.

·       ᐃᓪᓗᓕᒫᓂᒃ ᖃᓄᐃᓕᖓᓂᖏᓐᓂᒃ ᖃᐅᔨᒪᒐᓱᐊᕐᑎᐅᓗᓂ ᐱᐅᓕᓂᐊᒐᕐᑎᒍᑦ ᓴᓇᔭᐅᓯᒪᓂᖏᑎᒍᓪᓗ

·       ᐊᑐᓕᕐᑎᓯᔨᐅᓗᓂ ᑲᒪᔨᐅᓗᓂᓗ ᓱᓇᒐᓚᖃᐅᑎᐅᑉ ᐊᐅᓚᑕᐅᓂᖓᓂᒃ ᐱᐅᓕᓂᐊᒐᕐᑕᖏᑦᑕᓗ ᐊᐅᓚᑕᐅᓂᖏᓐᓂᒃ

·       ᐊᐅᓪᓚᖃᑦᑕᓚᖓᓗᓂ ᓄᓇᕕᒧᑦ ᑲᒪᒋᔭᖃᕐᓗᓂ ᐱᕙᓪᓕᐊᔭᐅᒋᐊᓕᓐᓂᒃ ᓯᖁᒥᓯᒪᔪᕐᓂᐊᑎᓅᓕᖓᔪᓂᒃ ᐊᒻᒪᓗ ᑐᓴᕐᑎᓯᖃᑦᑕᓗᓂ ᑭᖑᓂᐊᒍᑦ ᖃᓄᐃᓕᖓᖁᔨᒍᑎᓂᒃ ᐃᑲᔪᕐᑎᒧᑦ ᑐᑭᒧᐊᑦᑎᓯᔨᒧᑦ ᐱᖁᑎᓕᕆᕕᒻᒥ.ᐱᓇᓱᑦᑎᓄᑦ ᐃᑉᐱᒍᓱᑦᑎᐅᓗᓂ ᓇᐅᑦᓯᑐᕐᑎᐅᓗᓂᓗ ᓯᖁᒥᓯᒪᔪᕐᓂᐊᓂᕐᒨᓕᖓᔪᓂᒃ.

·       ᐃᓕᓐᓂᐊᕕᓐᓂ ᐊᐅᓚᑦᓯᓂᓕᕆᔨᓄᑦ ᓴᐳᒻᒥᔨᐅᓗᓂ ᐱᖁᑎᓕᕆᓂᕐᒧᑦ, ᐱᓇᓱᑦᑎᓕᕆᓂᕐᒧᑦ, ᒪᓕᒉᑦ ᐊᑐᕐᑎᑕᐅᓂᖏᓐᓄᑦ ᐃᑯᐊᓪᓚᑐᖃᓯᓐᓂᐸᑦ ᐊᑐᕐᑕᐅᒋᐊᓕᓐᓂᒃ.

·       ᐱᓇᓱᐊᕈᑎᐅᔪᓄᑦ ᐱᑐᑦᓯᒪᑎᓪᓗᒋᑦ ᐱᖁᑎᓕᕆᕕᐅᑉ ᐃᖏᕐᕋᑎᑦᓯᒍᑎᐅᔪᓂᒃ ᑮᓇᐅᔦᑦ ᑐᕌᒐᖏᓐᓂ ᑲᒪᔨᐅᓗᓂ.

·       ᐱᓇᓱᑦᑎᓄᑦ ᐱᒍᓐᓇᐅᑎᒋᔭᐅᒋᐊᓕᓕᒫᓂᒃ ᐱᑕᖃᙱᑐᓄᑦ ᐱᒋᐅᕐᓴᔭᐅᓂᖏᓐᓂᒃ ᑲᒪᔨᐅᓗᓂ.

·       ᐊᓯᖏᓐᓂᓗ ᑎᓕᔭᐅᖑᑎᒥᓂᒃ ᐱᓇᓱᐊᕐᓗᓂ.

ᐱᒍᓐᓇᐅᑎᒋᒋᐊᓕᖏᑦ:

·       ᐳᕐᑐᓂᕐᓴᒋᐊᓪᓚᒥᒃ ᑕᒪᑐᒧᖓᐅᓕᖓᔪᓂᒃ ᐃᓕᓐᓂᐊᓯᒪᓂᖃᕐᓗᓂ

·       ᓯᕗᓪᓕᐅᔭᐅᒐᔭᕐᑐᖅ ᐃᓕᑕᕆᔭᐅᒍᑎᓕᒻᒥᒃ ᐱᔪᓐᓇᑎᓕᒃ ᐅᕐᖂᓯᓴᐅᑎᓂᒃ ᐅᕐᓱᐊᓗᑦᑐᑐᓂᒃ ᐱᓇᓱᐊᕈᓐᓇᑐᖅ.

·       ᐊᕐᕌᒍᓂᒃ ᐱᖓᓲᔪᕐᑐᓂᒃ (6) ᐱᓇᓱᐊᕐᓯᒪᓂᖃᕐᓗᓂ

ᐅᕝᕙᓗᓐᓃᑦ

·       ᐱᒍᓐᓇᐅᑎᖃᕐᓗᓂ ᑕᒪᑐᒥᖓ ᐱᓇᓱᐊᕐᓂᒥᒃ

·       ᐊᕐᕌᒍᓂᓪᓗ ᖁᓕᓂᒃ (10) ᐱᓇᓱᐊᕐᓯᒪᓂᖃᕐᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

ᐱᒍᓐᓇᓯᐊᕆᐊᓕᖏᑦ:

·       ᓄᓇᒃᑰᔫᒥᒃ ᐊᖁᒍᓐᓇᐅᑎᖃᕆᐊᓕᒃ.

·       ᐱᒍᓐᓇᓯᐊᕐᑕᖃᕐᓗᓂ ᒪᕐᕈᔪᐊᓂᓪᓘᓃᑦ ᐃᓕᓐᓂᐊᓂᓕᕆᓂᐅᑉ ᐅᖃᐅᓯᕐᑕᕆᓲᖏᓐᓂᒃ ᐱᖓᓱᓂᑦ (ᐃᓄᒃᑎᑐᑦ, ᐅᐃᒍᐃᑎᑐᑦ ᖃᓪᓗᓈᑎᑐᓪᓗ)

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᖓ 00-06* ᒪᓕᑦᓱᒋᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᒐᖃᕐᓂᒥ ᖃᓄᐃᑦᑐᒦᓐᓂᖃᕈᑎᖏᑦ ᐊᐅᓚᑦᓯᓂᓕᕆᔩᑦ: $90,974-ᓂᑦ $121,294-ᓄᑦ ᑎᑭᐅᑎᒍᓐᓇᑐᑦ ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᑐᙵᕕᒋᓗᒋᑦ.

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.