ᓄᓇᐅᑉ ᓴᓂᐊᓂ ᐃᒪᕐᐱᒥᐅᑕᓂᒃ ᐱᕙᓪᓕᐊᑎᑦᓯᓂᕐᒥ ᑲᒪᔨᒻᒪᕆᒃ - Makivvik

ᐱᓇᓱᒐᖅ ᐊᑐᐃᓐᓇᐅᓕᕐᒥᔪᖅ

ᑭᓇᒃᑰᓂᕗᑦ

ᒪᑭᕝᕕᒃ , ᑎᒥᐅᔪᖅ ᐱᖁᔭᓕᕆᓂᕐᒥ ᐱᓇᓱᐊᓲᖅ ᑭᒡᒐᑐᕐᓱᓂ ᐃᓄᓐᓂᑦ ᓄᓇᕕᒻᒥ 1978ᒥᓂᑦ. ᒪᑭᕝᕕᑎᒍᑦ ᑎᒥᐅᔪᖁᑎᕗᑎᒍᓪᓗ, ᒪᑭᕝᕕᒃ ᐱᕕᑦᓴᓕᐅᖃᑦᑕᓯᒪᓕᕐᑐᖅ ᓄᓇᕕᒻᒧᑦ ᐃᓚᐅᔪᓂᑦ ᓄᓇᕕᒻᒦᑐᓂᓗ, ᐅᓪᓗᒥᓗ 500 ᐅᖓᑖᓂ ᐱᓇᓱᑦᑎᖃᓕᕐᑐᖅ ᓄᓇᕕᒻᒥᐅᓂᑦ ᐱᓇᓱᑦᑎᒋᔭᐅᔪᓂᑦ ᒪᑭᕝᕕᑯᓄᑦ ᐊᓪᓚᕕᑦᑎᓂ ᑎᒥᐅᔪᖁᑎᑦᑎᓂᓗ.

ᐱᓇᓱᒐᖅ

ᐱᓇᓱᒐᐅᑉ ᑌᔭᐅᒍᓯᖓ : ᓄᓇᐅᑉ ᓴᓂᐊᓂ ᐃᒪᕐᐱᒥᐅᑕᓂᒃ ᐱᕙᓪᓕᐊᑎᑦᓯᓂᕐᒥ ᑲᒪᔨᒻᒪᕆᒃ

ᐊᖓᔪᕐᖄᓕᒃ: ᐃᖃᓪᓕᐊᓂᓕᕆᓂᕐᒥ ᑲᒪᔨᒻᒪᕆᒥᒃ ᑮᓇᐅᔭᑎᒍᑦ ᒪᑭᑉᐸᓕᐊᒐᓱᓐᓂᓕᕆᕕᐅᑉ ᐱᒍᑦᔨᕕᖓᓂ

ᓇᓃᓐᓂᖓ: ᑰᑦᔪᐊᖅ ᐅᕝᕙᓗᓐᓃᑦ ᒪᓐᑐᕆᐊᓪ

ᐱᓇᓱᒐᐅᑉ ᖃᓄᐃᓕᖓᓂᖓ: ᐊᑌᓐᓇᑐᖅ, ᐅᓪᓗᓕᒫᕐᓯᐅᑎᒃ

ᐃᓱᓕᕝᕕᖓ ᐱᓇᓱᒐᕐᑖᕋᓱᓐᓂᐅᑉ April 22, 2026

ᑮᓇᐅᑦᔭᓵᑦ ᐱᕙᓪᓕᖁᑏᓗ

ᑮᓇᐅᑦᔭᓵᖏᑦ: ᐊᑯᓐᓂᖏᓐᓂ $90,000 ᐊᒻᒪᓗ $122,000 ᐊᕐᕌᒍᓕᒫᒥ

ᐱᕙᓪᓕᖁᑏᑦ: ᐱᕙᓪᓕᖁᑎᓕᒫᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᕐᕌᒍᓕᒫᒧᓕᖓᔪᑦ ᐊᓪᓚᑕᐅᒪᔪᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖏᓐᓂ ᐅᑦᑑᑎᒋᓗᒋᑦ ᐅᑯᐊ:

ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕈᑎᑖᕐᑕᕈᑏᑦ:

ᕿᑲᕐᓀᑦ: ᐱᒋᐊᕐᑐᑦ ᐅᓪᓗᓂᒃ 20ᓂᒃ

ᖃᓂᒪᓐᓀᑦ ᐅᓪᓗᐃᑦ: 15 ᐅᓪᓗᐃᑦ

ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800

ᐃᑦᓯᕕᓂᒃ ᖃᖓᑦᑕᔫᒃᑰᑎᑦᓯᒍᑏᑦ: ᐅᓄᕐᓂᐹᖃᕐᓱᑎᑦ $6,500

ᐊᒥᓱᐃᑦ ᐃᒻᒪᖃᐅᑎᖏᑦ

ᐅᕐᓱᐊᓗᒻᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500 ᐊᐅᓪᓚᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $25,000

ᐃᓪᓘᑉ ᐊᑭᖓᓂᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000

ᑲᒪᒋᔭᑦᓴᔭᖏᑦ

•  ᓯᕗᓕᕐᓗᓂ ᑲᒪᒋᔭᖃᕐᓗᓂᓗ ᐅᓐᓂᑑᑎᓕᐊᖑᔪᓂᒃ ᐱᓇᓱᑦᑕᐅᔪᑦᓴᓂᒃ, ᐃᓚᐅᑎᓕᕐᑎᓯᓂᖅ ᐅᖃᐅᓯᑦᓴᖏᓐᓂᒃ ᐱᓯᒪᔪᓂᒃ ᑮᓇᔭᐅᑎᒍᑦ ᒪᑭᑉᐸᓕᐊᒐᓱᓐᓂᓕᕆᕕᐅᑉ ᐱᒍᑦᔨᕕᖓᓂ ᐊᒻᒪᓗ ᓄᓇᓕᒻᒥᐅᓂᒃ ᐱᓇᓱᖃᑎᒋᔭᐅᔪᓂᒃ ᒪᑭᕝᕕᑯᓄᑦ;
• ᓇᕝᕚᓗᓂ ᑲᔪᓯᓕᕐᑎᓯᓗᓂᓗ ᑲᕙᒪᒃᑯᓂ ᐱᓯᒪᔪᓂᒃ ᑮᓇᐅᔭᖃᕐᑎᓯᒍᑎᓂᒃ ᐃᒪᕐᐱᒥ ᓄᓇᐅᑉ ᓴᓂᐊᓃᑦᑐᓂᒃ ᐱᕙᓪᓕᐊᑎᑦᓯᓂᕐᒧᓕᖓᔪᓂᒃ ᐊᒻᒪᓗ ᖃᐅᔨᓴᕐᓂᒥᒃ ᐊᑐᕐᓂᖃᕋᔭᕐᑐᓂᒃ ᑮᓇᐅᔭᑎᒍᑦ ᒪᑭᑉᐸᓕᐊᒐᓱᓐᓂᒥ ᐱᒍᑦᔨᕕᖓᓄᑦ ᐊᒻᒪᓗ ᓄᓇᓕᓐᓂ ᓄᓇᕕᒻᒥ ᐊᒥᓱᐃᖑᔪᓄᑦ.
•  ᐊᓪᓚᒍᓐᓇᓗᓂ ᐱᓇᓱᒍᒪᒍᑎᓂᒃ ᐱᕙᓪᓕᐊᑎᑦᓯᓂᕐᒧᓕᖓᔪᓂᒃ ᓄᓇᐅᑉ ᓴᓂᐊᓂ ᐃᒪᕐᐱᒥᐅᑕᓂᒃ ᐱᕙᓪᓕᐊᑎᑦᓯᓂᕐᒥ ᐱᕕᑦᓴᓯᐊᓂᒃ, ᖃᐅᔨᓴᕐᓂᖅ, ᐊᒻᒪᓗ ᐊᓯᖏᑦ ᐊᑦᔨᐸᓱᖏᑦ ᐱᓇᓱᑦᑕᐅᔪᑦᓴᑦ.
•  ᐱᓇᓱᖃᑎᖃᕐᓗᓂ ᐊᑕᐅᑦᓯᑯᓕᕐᑎᓯᓗᓂᓗ ᐱᓇᓱᑦᑕᐅᔪᓂᒃ ᓄᓇᐅᑉ ᓴᓂᐊᓂ ᐃᒪᕐᐱᒥᐅᑕᓂᒃ ᐃᖃᓪᓕᐊᓂᕐᒥᒃ ᐱᕙᓪᓕᐊᑎᑦᓯᓂᕐᓂᒃ, ᐃᓚᐅᑎᓪᓗᒍ ᐱᓇᓱᑦᑎᖃᓚᐅᕐᑐᒍᑏᑦ ᖃᐅᔨᓴᕐᓃᓗ.
•  ᑲᒪᒋᔭᖃᕐᓗᓂ ᐱᓇᓱᑦᑕᐅᒋᐊᓕᓕᒫᓂᒃ ᐱᓇᓱᖃᑎᖃᕐᓂᓂ ᓄᓇᓕᒻᒥ ᐱᓇᓱᖃᑎᒌᑦᑐᓄᑦ.
•  ᓯᕗᓪᓕᐅᔨᒍᓐᓇᓗᓂ ᐱᓇᓱᒐᕐᒥᒃ ᑐᕌᒐᖏᓐᓂᒃ ᐊᓪᓚᓯᒪᔪᓂᒃ, ᐊᕐᕌᒍᑕᒫᕐᓯᐅᑎᒥᒃ ᖃᓄᐃᓗᕈᑎᑦᓴᓕᐅᕐᓂᒥᒃ ᐸᕐᓀᕈᑎᒥ, ᐊᑦᔨᐸᓱᖓᓂᓗᓐᓃᑦ ᐊᓪᓚᓯᒪᔪᒥᒃ.
•  ᐃᑲᔪᕐᓯᒍᓐᓇᓗᓂ ᓄᓇᓕᒻᒥᒃ ᑮᓇᐅᔭᑎᒍᑦ ᒪᑭᑉᐸᓕᐊᒐᓱᓐᓂᓂᒃ ᐱᓇᓱᑦᑕᐅᔪᓂᒃ ᐃᓚᐅᑎᓪᓗᒍ ᐊᐅᓚᑦᓯᒍᓯᖅ, ᑮᓇᐅᔭᓕᕆᓂᖅ, ᐃᓂᕐᕋᑎᑦᓯᓂᕐᒧᓕᖓᔪᓂᓗ ᐃᒫᙰᕐᑎᐅᓗᓂ.
•  ᑐᑭᓯᒪᔭᐅᑎᑦᓯᖃᑦᑕᓗᓂ ᐊᑕᐅᑦᓯᑯᓕᕐᑎᓯᓗᓂᓗ ᐊᑑᑎᔭᐅᒋᐊᓕᓐᓂᒃ ᒪᓕᒐᖏᓐᓂᒃ ᑎᒥᐅᔪᐃᑦ ᓄᓇᕕᒻᒥ ᐃᒪᕐᐱᖓᓂ ᐆᒪᔪᓕᕆᓂᕐᒥ ᑲᑎᖕᖓᔨᖏᓐᓄᑦ ᐊᒻᒪᓗ ᓄᓇᕕᒻᒥ ᐃᒪᕐᐱᒥᐅᑕᓂᒃ ᓱᕐᕋᑕᐅᓕᕐᒪᖔᑕ ᕿᒥᕐᕈᔩᑦ ᑲᑎᖕᖓᔨᖏᓐᓄᑦ ᐊᒻᒪᓗ ᐸᕐᓂᕐᒥᒃ ᑲᒥᓯᐊᓐᒧᑦ ᐊᓯᖏᓐᓂᓄᓗ ᑐᑭᓯᒪᑎᑕᐅᒋᐊᓕᓐᓄᑦ.
•  ᐱᓇᓱᐊᕈᓯᑕᒫᑦ ᐅᕝᕙᓗᓐᓃᑦ ᑐᓴᕐᑎᓯᓕᐅᒥᔮᕐᑕᓗᓂ ᐱᒍᑦᔨᕕᐅᑉ ᑐᑭᒧᐊᑦᑎᓯᔨᖏᓐᓂᒃ.
•  ᐊᐅᓪᓚᑲᑦᑕᕈᓐᓇᓗᓂ, ᕆᐊᖃᓕᕈᓂ.
•  ᐊᓯᖏᓐᓂᒃ ᐱᓇᓱᑦᑕᐅᒋᐊᓕᓐᓂᒃ ᐱᓇᓱᒐᕐᒧᓕᖓᔪᓂᒃ ᐱᓇᓱᓪᓗᓂ ᑎᓕᔭᐅᒍᓂᓗᓐᓃᑦ ᐊᖓᔪᕐᖄᒥᓄᑦ.

ᐱᒍᓐᓇᕆᐊᓕᖏᑦ

•  ᐃᓕᓐᓂᐊᕕᕐᔪᐊᒥ ᐃᓕᓐᓂᐊᕕᒻᒪᕆᒥᓗᓐᓃᑦ ᐱᔭᕆᕈᑎᑖᕐᓯᒪᓗᓂ ᐃᒪᕐᐱᒥᐅᑕᓂᒃ ᐆᒪᔪᓂᒃ ᐱᕈᕐᑐᓕᕆᓂᕐᒥᓗ, ᐊᕙᑎᖓᓃᑦᑐᓂᒃ ᐆᒪᔪᓂᒃ, ᐊᑦᔨᐸᓱᖓᓂᓗᓐᓃᑦ ᐱᓇᓱᒐᕐᒥᒃ.
•  ᐅᖄᒍᓐᓇᓯᐊᕐᓗᓂ ᒪᕐᕈᔪᐊᓐᓂᒃ (2) ᐅᖃᐅᓰᕐᓂᒃ ᐱᖓᓲᑎᓪᓗᒋᑦ (3) ᐅᖃᐅᓰᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓗᓐᓃᑦ ᒍᐃᒍᐃᑎᑐᑦ.
•  ᖃᐅᔨᒪᑦᓯᐊᓗᓂ ᖃᕆᑕᔭᒥᒃ ᐊᑐᕆᐊᒥᒃ ᐅᑯᓂᖓ: Microsoft Suite (Excel, Word, PowerPoint, ᐊᓯᖏᓪᓗ);
•  ᐊᓪᓚᒍᓐᓇᓗᓂ ᖃᐅᔨᓴᕋᑦᓴᓕᐅᕈᑎᒥᒃ ᖃᓄᐃᓗᕈᓯᕐᓂᓗ.
•  ᐱᐅᓯᑐᖃᕐᒥᒃ ᐃᓗᕐᕈᓯᖓᓂᓗ ᐃᓄᐃᑦ ᖃᐅᔨᒪᓗᓂ ᐱᐅᔫᒐᔭᕐᑐᖅ.
•  ᐃᒻᒥᓂᕿᓗᓂ ᐱᓇᓱᒍᓐᓇᕆᐊᓕᒃ.
•  ᓯᕗᓪᓕᐅᔨᒍᓐᓇᓗᓂ ᐊᒻᒪᓗ ᑐᓴᐅᒪᔭᐅᑎᑦᓯᓗᓂ ᓯᕗᓪᓕᐅᔭᐅᔪᑦᓴᓂᒃ ᐱᓇᓱᖃᑎᒥᓄᑦ ᐃᓚᐅᔪᓄᓗ.
•  ᐱᓇᓱᐊᕐᑕᒥᓂᒃ ᑎᑭᐅᑎᒋᐊᓕᖏᓐᓄᑦ ᑎᑭᐅᑎᒍᓐᓇᓯᐊᕐᓗᓂ.
•  ᐱᓇᓱᐊᕐᑕᒥᑕ ᐃᓗᓕᖏᓐᓂᒃ ᐃᑉᐱᒋᔭᖃᑦᓯᐊᓗᓂ.
•  ᐊᕐᕌᒍᑕᒫᑦ ᖃᓄᐃᓗᕈᑎᑦᓴᓂᒃ ᐸᕐᓀᕈᑎᓕᐅᕈᓐᓇᓗᓂ.
•  ᑐᑭᓯᒪᖃᑎᒌᓐᓂᖃᕈᓐᓇᓯᐊᓗᓂ.
•  ᐱᖁᔭᓂᒃ ᓱᒃᑯᐃᓚᐅᕐᓯᒪᖕᖏᑑᒋᐊᓕᒃ.

ᖃᐅᔨᒋᑦ ᐊᑦᔨᖃᖕᖏᑐᒥᒃ ᐱᕕᑦᓴᓯᐊᒥᒃ ᐊᒻᒪᓗ ᐱᓇᓱᕐᑖᓗᑎᑦ ᐱᕙᓪᓕᓇᕐᑐᓯᐊᒥᒃ

ᐱᓇᓱᒐᕐᑖᕋᓱᒍᒪᒍᕕᑦ ᖃᐅᔨᒋᐊᕈᒪᒍᕕᓗᓐᓃᑦ ᐅᕙᓂ ᑕᑯᓂᐊᕐᑎᒍᑦ www.Makivvik.ca/jobs, ᐅᕝᕙᓗᓐᓃᑦ ᐊᐅᓪᓚᑎᑦᓯᓗᑎᑦ ᐃᓕᓐᓄᓕᖓᔪᓂᒃ/ ᐱᓇᓱᒐᕐᑖᕈᒪᐅᑎᓐᓂᒃ ᐅᕗᖓ: HR@makivvik.ca

ᐱᓇᓱᒐᖃᕐᕕᒃ ᑐᕌᒐᖃᕐᖁᑦ ᐱᓇᓱᒐᕐᑖᑎᑦᓯᒍᒪᑦᓱᓂ ᐃᓄᑐᐃᓐᓇᓂᒃ ᐃᓚᐅᔪᓂᑦ ᔦᒻᔅ ᐯ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ.

ᓇᑯᕐᒦᖁᒍᑦ ᐱᓇᓱᒐᕐᑖᕋᓱᑦᑐᓕᒫᓂᒃ ᑖᑦᓱᒥᖓ ᐱᓇᓱᒐᕐᒥᒃ.

ᐊᐱᕐᓱᑲᑦᑕᑕᐅᒐᔭᕐᑐᐃᑦ ᑭᓯᐊᓂ ᐊᓪᓚᕕᐅᓛᕐᖁᑦ.