ᓂᐅᕐᕈᑎᑦᓴᓕᐅᕐᓂᒥᒃ ᑲᒪᔨ, ᒥᕐᖑᐃᓯᕐᕕᓄᑦ - KRG

ᐱᓇᓱᒐᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᑲᕙᒫᐱᓐᓄᑦ ᖁᓪᓕᐸᐅᑦᓱᓂ ᑎᒥᐅᔪᖅ ᐊᐅᓚᑦᓯᕕᓕᒃ ᓄᓇᒥᒃ 55° ᖁᓛᓂ, ᕿᓂᓕᕆᕗᖅ ᐃᒻᒥᓂᒃ-ᑲᑦᓱᙰᑎᒍᓐᓇᑐᒥᒃ ᐊᒻᒪᓗ ᕿᑦᑌᖓᔪᒥᒃ ᐃᓄᒻᒥᒃ ᐃᓚᐅᖃᑕᐅᒍᒪᔪᒥᒃ KRG-ᑯᓂ ᒪᑐᒥᖓ ᐱᓇᓱᑦᑎᐅᓗᓂ;

ᓂᐅᕐᕈᑎᑦᓴᓕᐅᕐᓂᒥᒃ ᑲᒪᔨ, ᒥᕐᖑᐃᓯᕐᕕᓄᑦ (ᐊᑌᓐᓇᑐᖅ, ᐃᓗᐃᑦᑐᖅ ᐃᓂᖓ)

ᑐᓴᕐᑎᓯᔨᐅᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ, ᒥᕐᖑᐃᓯᕐᕕᓕᕆᕕᒻᒥ ᓄᑕᐅᓯᓕᑎᕈᓐᓇᑐᓂᒃ ᐱᑦᓴᖁᑎᓂᒃ, ᓄᓇᓂᒃ ᐊᒻᒪᓗ ᒥᕐᖑᐃᓯᕐᕕᓂᒃ ᐱᓇᓱᕝᕕᒥ, ᓂᐅᕕᕐᑐᓂᒃ ᐱᒍᑦᔨᐅᑎᓂᒃ ᐊᒻᒪᓗ ᓂᐅᕐᕈᑎᑦᓴᓕᐅᕐᓂᒥᒃ ᑲᒪᔨ ᑎᓕᔭᐅᒪᕗᖅ ᐱᕙᓪᓕᐊᑎᑦᓯᔪᑦᓴᐅᓱᓂ ᓂᐅᕐᕈᑎᑦᓴᓕᐅᕈᑎᓂᒃ ᑫᓪᓗᐊᕈᑎᒋᓗᒋᑦ ᒥᕐᖑᐃᓯᕐᕕᓂᒃ ᓄᓇᕕᐅᑉ ᐃᓗᐊᓂ. ᐅᖃᑦᓯᐊᓂᕐᓴᕆᓗᒋᑦ ᑖᓐᓇ ᑲᒪᔨ ᐃᒣᒋᐊᓕᒃ:

• ᐱᓇᓱᖃᑕᐅᓪᓚᕆᒋᐊᓕᒃ ᐳᓛᕐᑐᑦ ᖃᐅᔨᒍᑎᖏᓐᓂᒃ ᑲᒪᔨᓄᑦ ᐊᒻᒪᓗ ᐳᓛᕐᑐᑦ ᖃᐅᔨᒍᑎᖏᑎᒍᑦ ᐱᓪᓗᑯᓕᕆᔨᒧᑦ ᐱᕙᓪᓕᐊᖃᑎᒋᓗᒋᑦ ᑲᔪᓯᑎᑦᓯᓗᑎᓪᓗ ᓂᐅᕐᕈᑎᑦᓴᓂᒃ ᐱᒋᐊᕐᑎᓯᒍᑎᓂᒃ, ᐱᕙᓪᓕᐊᓗᑎᓪᓗ ᐱᓇᓱᖃᑎᒌᑦ ᐊᖏᖃᑎᒌᒍᑎᖏᓐᓂᒃ ᐊᒻᒪᓗ ᓄᐃᑦᓯᖃᑦᑕᓗᑎᒃ ᐅᖃᕋᑦᓴᒥᓂᒃ ᐱᑦᔪᑎᓕᓐᓂᒃ ᓂᐅᕐᕈᑐᓕᕆᐅᑏᑦ ᓇᑉᐸᑎᕐᓯᒪᔪᖏᓐᓂᒃ ᐊᒻᒪᓗ ᐱᒍᑦᔨᒍᑎᖏᓐᓂᒃ

• ᐱᕙᓪᓕᐊᖏᓐᓇᒥᓗᓂ ᐱᓇᓱᖃᑎᒋᓂᒃ ᐊᒻᒪᓗ ᐃᑲᔪᕐᑎᒌᑦᑎᒍᑎᓂᒃ, ᐱᓇᓱᖃᑎᖃᕆᐊᓕᒃ ᓄᓇᕕᒻᒥ ᒥᕐᖑᐃᓯᕐᕖᑦ ᐱᓇᓱᑦᑎᖏᓐᓂᒃ ᐱᕕᓕᒫᖓᓄᑦ ᐱᕙᓪᓕᐊᑎᑦᓯᒐᓱᓪᓗᓂ ᓄᓇᓕᒻᒥᐅᑦ ᓄᓇᓕᓕᒫᓪᓗ ᑕᒪᑐᒧᖓ ᐅᖃᐅᓯᑦᓴᖏᓐᓂᒃ

• ᐱᖕᖑᐃᓂᖅ ᐊᒻᒪᓗ ᒪᑭᑌᓐᓇᑎᑦᓯᓂᖅ ᖃᓂᒋᓗᒋᑦ ᑲᓱᕐᓂᖃᕈᑎᓂᒃ ᓂᐅᕐᕈᑐᓕᕆᓂᒃᑯᑦ ᖃᑭᓴᐅᑎᓂᒃ ᐱᕕᑦᓴᓂᒃ ᐱᖁᑎᓂᒃ ᐱᒍᑦᔨᒍᑎᓂᓪᓗ ᓄᓇᕕᐅᑉ ᐃᓗᐊᓂ ᑐᕋᒐᖃᕐᑎᓗᒍ ᐱᕙᓪᓕᐊᓂᕐᒥᒃ ᑲᑐᑦᔨᔪᑦ ᖃᑭᓴᕈᑎᖏᓐᓂᒃ ᐅᕝᕙᓘᓐᓃᑦ ᐋᕐᕿᓱᕐᓯᒪᔪᓂᒃ ᐃᑲᔪᓚᖓᔪᓂᒃ ᒥᕐᖑᐃᓯᕐᕕᓂ ᓂᐅᕐᕈᑐᓕᕆᓂᐅᑉ ᐱᕙᓪᓕᐊᓂᖓᓂᒃ

• ᐱᕙᓪᓕᐊᓂᖅ ᐊᒻᒪᓗ ᑲᔪᓯᓕᕐᑎᓯᓂᖅ ᒥᕐᖑᐃᓯᕐᕕᐅᑉ ᑐᓴᐅᒪᑎᑦᓯᒍᑎᓄᑦ ᐸᕐᓇᓯᒪᐅᑎᖓᓂᒃ

• ᐱᕙᓪᓕᐊᓂᖅ ᐊᒻᒪᓗ ᑲᔪᓯᓕᕐᑎᓯᓂᖅ ᒥᕐᖑᐃᓯᕐᕕᐅᑉ ᓂᐅᕐᕈᑎᑦᓴᓕᐅᕐᓂᒧᑦ ᐸᕐᓇᓯᒪᐅᑎᖓᓂᒃ

• ᑲᒪᒋᐊᓕᒃ ᐃᓄᐃᑦ ᑐᓴᐅᒪᐅᑎᒍᑎᖏᓐᓂ ᐊᓪᓚᖃᑦᑕᓂᕐᒥᒃ ᐊᒻᒪᓗ ᑐᕐᖁᐊᑎᕆᔨᐅᓂᕐᒥᒃ

• ᐱᓇᓱᖃᑕᐅᓗᓂ ᐳᓛᑦᑐᓄᑦ ᖃᐅᔨᒍᑎᓕᕆᔨᓂᒃ, ᓴᖑᐊᑦᓯᓂᖅ ᓴᓇᒻᒪᓕᐅᕐᓂᒥᒃ ᐊᒻᒪᓗ ᐱᕙᓪᓕᐊᓂᖅ ᑫᓪᓗᑐᕈᑎᑦᓴᓂᒃ ᓄᓇᕕᐅᑉ ᒥᕐᖑᐃᓯᕐᕕᖏᓐᓂᒃ

• ᐱᓇᓱᖃᑕᐅᓪᓚᕆᒋᐊᓕᒃ KRG ᑐᓴᕋᑦᓴᓕᐅᕐᓂᒥᒃ ᐊᓪᓚᕕᖓᓂᒃ ᓄᓇᕕᐅᑉ ᒥᕐᖑᐃᓯᕐᕕᖏᑕ ᖃᕆᑕᐅᔭᒃᑯᑦ ᐱᑐᕝᕕᖓ ᓄᑖᖑᑎᖏᓐᓇᓕᒫᕐᓗᒍ

• ᓱᕐᖁᐃᕆᐊᓕᒃ ᖃᐅᔨᒪᒍᑎᓕᒫᑦ ᐃᓄᓕᒫᓄᑦ ᐊᓂᔪᑦ ᖃᕆᑕᐅᔦᑦ ᐱᑐᑦᑕᕕᖓᓂ, ᐱᓇᓱᖃᑎᓂ ᐊᓯᖏᓐᓂᓗ ᑎᒥᐅᔪᓂ ᓄᐃᑦᓯᒋᐊᖏᓐᓂᒃ ᓱᓕᔪᓂᒃ ᐊᒻᒪᓗ ᐃᓪᓕᕆᔭᐅᔪᓂᒃ ᓄᓇᕕᒻᒥ ᒥᕐᖑᐃᓯᕐᕕᓂ ᐊᒻᒪᓗ ᑕᒪᒃᑯᐊ ᓄᑖᖑᖏᓐᓇᕆᐊᖏᓐᓂᒃ

• ᐃᓱᒪᑦᓴᓯᐅᖃᑦᑕᕆᐊᓕᒃ ᒥᕐᖑᐃᓯᕐᕕᓂᒃ ᑐᑭᒧᐊᑦᑎᓯᔨᓂᒃ, ᐊᑦᑐᐊᖃᑕᐅᔪᓂᒃ, ᐱᓇᓱᖃᑕᐅᔪᓂᒃ ᐊᓯᖏᓐᓂᓗ KRG-ᑯᑦ ᐱᓇᓱᕝᕕᖁᑎᖏᓐᓂᒃ ᐱᑦᔪᑎᖃᕐᓗᓂ ᓄᓇᕕᒻᒥ ᒥᖑᕐᖑᐃᓯᕐᕕᓂ ᓂᐅᕐᕈᑎᓴᑎᒍᑦ ᓯᕗᓂᖃᕈᑎᑦᓴᓂᒃ

• ᓱᕐᖁᐃᕆᐊᓕᒃ ᖃᐅᔨᒪᒍᑎᓕᒫᑦ ᓄᐃᔪᑦ ᐊᓪᓚᓯᒪᔪᓂ, ᐊᐅᓪᓚᕈᑎᑦᓭᑦ ᐋᕐᕿᓱᕐᓯᒪᐅᑎᖏᓐᓂ ᐊᒻᒪᓗ ᐊᑦᔨᖑᐊᓂ ᓄᐃᑦᓯᒋᐊᖏᓐᓂᒃ ᓄᓇᖁᑎᐅᑉ ᒥᕐᖑᐃᓯᕐᕕᖏᑕᓗ ᐊᑦᔨᐅᖏᓐᓂᖏᓐᓂᒃ ᐊᒻᒪᓗ ᑕᒪᒃᑯᐊ ᓄᑖᖑᖏᓐᓇᕆᐊᖏᓐᓂᒃ

ᐱᓇᓱᖃᑎᖃᕐᓗᓂ KRG-ᑯᑦ ᑐᓴᕋᑦᓴᓕᐅᕐᓂᒥᒃ ᐊᓪᓚᕕᖓᓂᒃ, ᐱᕙᓪᓕᓇᕐᓗᓂ ᐅᖃᕐᑎᒋᔭᐅᓂᖅ ᓄᓇᕕᒻᒥ ᒥᕐᖑᐃᓯᕐᕕᓄᑦ (ᖃᑕᐅᔦᑦ ᐱᑐᕝᕕᖓᓂ, ᑐᓴᕋᑦᓴᓕᕆᐅᑎᓂ, ᐊᐱᕐᓱᑕᐅᒍᑎᓂ, ᑐᓴᕋᑦᓴᓂᒃ ᐊᓪᓚᒍᑎᓂ, ᑌᒫᒐᓚᒃ)

• ᐃᑲᔪᕐᑐᖃᑦᑕᕆᐊᓕᒃ ᓱᕐᖁᐃᓗᓂ ᐱᐅᓯᒋᐊᕐᑎᓯᓗᓂᓗ ᐃᑲᔪᕐᑎᒌᒍᑎᓂᒃ ᑫᓪᓗᐊᕈᑕᐅᑦᓱᑎᒃ ᓄᓇᕕᐅᑉ ᒥᕐᖑᐃᓯᕐᕕᖏᓐᓂᒃ

• ᐱᓇᓱᒋᐊᓕᒃ ᓇᐅᑐᐃᓐᓇᓂᒃ ᐊᓯᖏᓐᓂᒃ ᐊᑦᑐᐊᒥᔪᓂᒃ ᐱᑦᓴᓂᒃ ᐊᖓᔪᕐᖄᒥᓄᑦ ᑎᓕᔭᐅᒍᑎᒥᓂᒃ

ᓂᐳᕐᑎᒋᐊᓕᑦ:

• ᐃᒻᒥᓂᕿᒍᓐᓇᑐᒧᑦ ᐃᓕᑦᓯᒪᐅᑎ ᓂᐅᕐᕈᑎᑦᓴᓕᐅᕐᓂᒥᒃ, ᓂᐅᕐᕈᑐᓕᕆᓂᕐᒥᒃ ᐅᕝᕙᓘᓐᓃᑦ ᐊᑦᑐᐊᔪᒥᒃ ᐱᓇᓱᒐᕐᒥᒃ;

• ᐃᑭᓐᓂᐹᖓᓄᑦ ᑕᓪᓕᒪᓂᒃ (5) ᐊᕐᕌᒍᓂᑦ ᒥᑦᓯᓕᒻᒥᒃ ᐱᓇᓱᑦᑎᐅᓯᒪᓂᖅ ᑐᓴᕋᑦᓴᓕᐅᕐᓂᒥᒃ, ᓂᐅᕐᕈᑐᓕᕆᓂᕐᒥᓘᓐᓃᑦ ᐅᕝᕙᓘᓐᓃᑦ ᐊᑦᑐᐊᒥᔪᓂᒃ ᐱᓇᓱᒐᕐᒥᒃ

• ᐱᓇᓱᓚᐅᕐᓯᒪᓂᖅ ᓂᐅᕐᕈᑐᓕᕆᓂᐅᑉ ᐃᓗᐊᓂ ᐃᓱᐊᖁᑎᑎᑐᑦ ᐃᓱᒪᒋᔭᐅᓚᖓᔪᖅ

• ᐊᓕᐊᒋᐊᓕᒃ ᓂᐅᕕᕐᑐᓂᒃ ᐱᒍᑦᔨᓂᕐᒥᒃ ᐊᒻᒪ ᐱᖕᖑᐃᓂᕐᒥᒃ ᐱᐅᔪᓪᓚᕆᓐᓂᒃ ᓂᐅᕕᕐᑐᑦ ᖃᐅᔨᒍᑎᖏᓐᓂᒃ;

• ᐱᓇᓱᒍᓐᓇᕆᐊᓕᒃ ᐅᐃᒻᒪᖓᒍᓐᓀᓗᓂ ᐊᒻᒪᓗ ᐊᔭᐅᕐᑐᖃᕐᑎᓗᒍ ᐱᓇᓱᒍᓐᓇᓗᓂ

• ᐸᕐᓇᓯᑎᐅᒋᐊᓕᒃ ᐃᓂᓪᓚᖓᑎᑦᓯᓯᑎᐅᓗᓂᓗ

• ᐊᑐᕈᓐᓇᓯᐊᕐᓗᓂ ᖃᐅᔨᒪᒋᐊᓕᒃ ᖃᕆᑕᐅᔭᓂᒃ ᖃᐅᔨᒪᒐᓚᒻᒥᓗᓂ ᐊᑦᔨᖑᐊᑦ ᓴᓇᓂᖓᑎᒍᑦ ᐊᒻᒪᓗ ᓂᐅᕐᕈᑎᑦᓴᓕᐅᕐᓂᑯᑦ ᖃᕆᑕᐅᔭᕈᑎᓂᒃ

• ᐊᓪᓚᓯᒪᔪᕐᑎᒍᑦ ᐅᖄᓂᒃᑯᓗ ᖃᐅᔨᒪᒋᐊᓕᒃ ᐊᑐᕈᓐᓇᓗᓂ ᐃᑭᓐᓂᐹᖓᓄᑦ ᒪᕐᕈᐃᓂᒃ (2) ᐅᖃᐅᓰᑦ ᓇ9ᓕᖏᓐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐱᑎᑐᑦ

ᐱᓇᓱᕝᕕᖓᑕ ᐃᓂᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐹᖓᓄᑦ $60,074 ᑎᑭᓪᓗᒍ ᐅᓄᕐᓂᐹᖓᓄᑦ $102,839 ᐊᕐᕌᒍᑕᒫᑦ (ᐳᕐᑐᓂᖓ 9)

ᐱᕙᓪᓕᖁᑎᖏᑦ: ᐃᓅᓯᐅᑉ ᐊᑭᑐᓂᖓᑕ ᑲᓱᖕᖏᒍᑎᖓ: ᐃᑭᓐᓂᐹᖓᓄᑦ $8,500 ᐊᕐᕌᒍᑕᒫᑦ

ᓂᕿᒧᑦ ᐃᑲᔪᕐᓯᐅᑎ: ᐃᑭᓐᓂᐹᖓᓄᑦ $4,398 ᐊᕐᕌᒍᑕᒫᑦ

ᐊᕐᕌᒍᑕᒫᑦ ᕿᑲᓯᔪᑦ ᐊᐅᓪᓚᕈᑎᖏᑦ: ᐅᓄᕐᓂᐹᖓᓄᑦ ᐱᖓᓱᑦ (3) ᐊᑐᓂ ᐃᓄᒻᒧᑦ ᐊᕐᕌᒍᑕᒫᑦ

ᐊᑕᖏᕐᑐᑦ ᐱᕙᓪᓕᔾᖁᑎᖏᑦ ᐃᓚᖃᕐᓱᑎᒃ ᐱᔭᕆᐊᑭᓪᓕᑎᕐᓯᒪᔪᒥᒃ ᐃᓄᒻᒪᕆᖕᖑᓂᕐᒧᑦ ᐸᕐᓇᕈᑎᒥᒃ

ᕿᑲᕈᑎᑦᓭᑦ: 20 ᐅᓪᓗᐃᑦ ᐊᕐᕌᒍᑕᒫᑦ

ᐱᖁᔭᑎᒍᑦ ᕿᑲᕐᓀᑦ: 20 ᐅᓪᓗᐃᑦ ᐃᓚᖃᕐᓱᑎᒃ 10-ᓂᒃ ᐅᓪᓗᓂᒃ ᕿᑎᖕᖑᒥ ᕿᑲᕐᓂᖏᓐᓂ

ᐱᓇᓱᒍᒪᐅᑎᑎᑦ ᑐᓂᓗᒋᑦ 5:00 ᐅᓐᓄᓴᒃᑯᑦ ᓯᕗᓂᖓᓂ ᒣ 1, 2026-ᒥ, ᐅᕗᖓ:

Human Resources

Kativik Regional Government

P.O. Box 9

Kuujjuaq QC J0M 1C0 Fax: 819-964-2975

E-mail: humanresources@krg.ca

KRG ᐊᑦᔨᒌᒥᒃ ᐱᕕᖃᕐᑎᓯᑦᓱᓂ ᐱᓇᓱᕝᕝᐅᕗᖅ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ,

ᖃᓄᐃᓕᖓᓂᐅᔪᑦ ᐊᑦᔨᒌᖕᖏᑑᒍᓐᓇᑐᑦ ᑫᓪᓗᓕᐊᕈᑕᐅᓗᑎᒃ ᐃᓄᐃᑦ ᐱᓇᓱᒍᒪᔪᑦ ᐱᓇᓱᒐᕐᑖᓂᖓᓂᒃ .

ᐱᓇᓱᒍᒪᔪᑦ ᐊᐱᕐᓱᓚᖓᓗᒋᑦ ᓂᕈᐊᕐᑕᐅᔪᑦ ᑭᓯᐊᓂ ᐅᖃᕐᕕᐅᓚᖓᔪᑦ