ᐊᐅᓚᐅᓯᐅᕐᑎ ᓴᓇᔨ - FCNQ

ᐊᐅᓚᐅᓯᐅᕐᑎ ᓴᓇᔨ

ᓇᔪᕐᑕᖓ:              

ᓄᓇᕕᒃ (ᑎᓕᔭᐅᖃᑦᑕᕕᖓ ᐱᓇᓱᐊᕐᕕᐅᔪᑦ ᑲᒪᒋᑦᓱᒋᑦ - ᓴᓪᓗᐃᑦ ᐁᑉᐸᖏᑦᑕ ᓄᓇᖓᓂ / ᕌᒡᓚᓐ ᐅᔭᕋᓐᓂᐊᕕᒻᒥ ᐊᒻᒪᓗ ᐊᓯᒋᒻᒥᔭᖓᓂ ᐃᓚᒌᓴᐅᑉ ᐅᓯᑲᑦᑕᑎᖃᕐᕕᖓᓐᓂ)

ᐃᓂᐅᑉ ᖃᓄᐃᓕᖓᓂᖓ: ᐊᑌᓐᓇᑐᖅ, ᐅᓪᓗᓕᒫᕐᑐᖅ

ᓄᐃᑕᐅᔪᖅ: ᒣ 2026

                          ᐃᓄᐃᑦ ᐊᒻᒪᓗ ᓄᓇᓕᒻᒥᑦ ᐱᔪᑦ ᑲᑦᓱᙰᑦᑑᖁᔭᐅᒻᒪᕆᑉᐳᑦ ᐃᓕᒐᓱᐊᖁᑦᓱᒋᑦ.

________________________________________

ᑭᓇᐅᓂᕗᑦ:

ᐃᓚᒌᓴᖅ ᑲᑐᑦᔨᕕᐅᕗᖅ ᐃᓄᐃᑦ ᑯᐊᐸᖏᓐᓄᑦ ᐊᒻᒪᓗ ᐃᑲᔪᕐᓯᒪᔪᖅ ᓄᓇᓖᑦ ᐱᕙᓪᓕᐊᓂᖏᓐᓂᒃ ᓄᓇᕕᓕᒫᒥ 1967ᓛᓂᑦ.

ᐅᓯᑲᑦᑕᑏᑦ ᐱᓇᓱᔨᐊᕗᑦ ᑲᔪᓯᑎᑦᓯᔨᐅᓲᑦ ᐊᑐᓪᓗᐊᕆᐊᓕᓐᓄᑦ ᐊᑕᐅᑦᓯᑰᕐᓯᒋᐊᖃᕐᓱᒋᑦ ᐃᖏᕐᕋᑎᒋᐊᓕᓐᓂᒃ ᓄᓇᓄᑦ ᐊᑦᔨᒌᓐᖏᑐᓂ ᓄᓇᕕᒻᒥ, ᐅᓯᑲᑦᑕᖃᑦᑕᑐᑦ ᓂᐅᕕᐊᑦᓴᓂᒃ, ᐊᒻᒪᓗ ᐱᐅᒃᑯᑎᓂᒃ ᐅᓯᖏᐊᕐᕕᓂᑦ ᐅᓯᖏᐊᕐᕕᓄᑦ ᐊᒻᒪᓗ ᐅᔭᕋᓐᓂᐊᕕᐅᔪᓄᑦ.  ᑲᒪᒋᔭᐅᑎᓪᓗᒍ ᐱᔭᑦᓭᑦ ᑭᓐᖒᒪᔭᐅᓕᕐᑐᑦ, ᐱᓇᓱᒃᑏᑦ ᑎᓕᔭᐅᑲᑦᑕᕈᓐᓇᓲᑦ ᐊᑦᔨᒌᓐᖏᑐᓄᑦ ᓄᓇᓄᑦ ᑕᕐᕋᒥ

________________________________________

ᐱᔭᑦᓴᖅ ᐃᓘᓐᓈᒍᑦ:

ᐊᖓᔪᖅᖄᖃᕐᓱᓂ ᓯᕗᓕᕐᑐᒥᒃ ᐱᓇᓱᑦᑐᓄᑦ, ᐊᐅᓚᐅᓯᐅᕐᑎ ᑲᒪᒋᔭᑦᓴᖃᕐᑎᑕᐅᔪᖅ ᐱᐅᑦᑐᐊᑫᓂᕐᒥᒃ ᐊᒻᒪᓗ ᖁᓚᕐᓇᖏᑦᑐᑯᑦ ᐃᖏᕐᕋᕈᓐᓇᓗᑎᒃ ᐱᒍᓐᓇᓯᐊᕐᓗᑎᒃ ᐱᓇᓲᑎᐅᔪᑦ ᐅᓯᑲᑦᑕᑏᑦ ᐱᓇᓱᐊᕐᑕᖏᓐᓄᑦ ᑕᕐᕋᒥ.

ᓇᓗᖅᖁᓀᑦᑑᕕᑦ, ᐃᒻᒥᓂᕿᒍᓐᓇᓗᑎᒃ, ᓱᖁᑎᑦᓴᓇᓗ ᐱᓇᓱᐊᑐᐃᓐᓇᕆᐊᒥᒃ ᐅᖓᓯᑦᑐᒦᓪᓗᑎᑦ? ᐊᓕᐊᒋᔭᖃᕐᐲᑦ ᐅᐊᕈᑕᐅᒋᐊᒥᒃ ᐱᓇᓱᐊᖃᑎᒌᓂ? ᑲᑎᒍᒪᕙᑦᑎᒋᑦ.

ᒪᓂᒪᔭᐅᕗᖅ ᑕᒣᑎᒍᑦ ᐱᓇᓱᐊᕐᓯᒪᔭᖏᓐᓂ - ᑎᓕᐅᒐᐅᑐᐃᓐᓇᒨᕋᓂ ᐱᓇᓱᐊᓕᓂᖅ ᐃᓕᑕᕆᔭᐅᕗᖅ ᐊᒻᒪᓗ ᐱᒻᒪᕆᐅᑎᑦᓱᒍ.  ᑲᑦᓱᙰᑦᑑᖁᕙᑦᓯ ᐃᓕᒐᓱᐊᕆᐊᒥᒃ ᑲᓱᕐᑌᓇᕆᓐᖏᑲᓗᐊᕈᑦᓯᒋᑦ ᑭᓐᖒᒪᔭᐅᔪᓕᒫᑦ.

.

________________________________________

ᐱᔭᑦᓴᒧᑦ ᑲᒪᒋᔭᑦᓴᖃᕐᑎᑕᐅᒍᑕᐅᓗᐊᕐᑐᑦ:

• ᐱᐅᑦᑐᐊᑎᑦᓯᓗᓂ ᐊᒻᒪᓗ ᓴᓇᖃᑦᑕᓗᓂ ᐃᖏᕐᕋᐅᑎᓂᒃ ᐊᒻᒪᓗ ᐱᓇᓲᑎᓂᒃ

• ᐱᓇᓱᐊᕐᓗᓂ ᐊᑦᑕᓈᕿᔭᓐᖏᑐᒥ ᑌᒪᓐᖓᓕᒫᖅ ᐊᒻᒪᓗ ᒪᓕᓪᓗᒋᑦ ᑲᑉᐲᑯᑕᕐᓄᑦ ᐱᐅᓯᑦᓴᓕᐊᒍᓯᒪᔪᑦ

• ᐊᓪᓚᒋᐊᓕᓐᓂᒃ ᓯᖁᒥᓯᒪᔪᕐᓂᐊᓂᕐᒧᑦ ᐊᓪᓚᖁᑎᓂᒃ ᐊᒻᒪᓗ ᑎᓕᔭᐅᒍᑎᓂᒃ ᐊᓪᓚᒌᑦᓯᐊᖃᑦᑕᓗᓂ

• ᐱᓇᓱᐊᖃᑎᖃᖃᑦᑕᓗᓂ ᑖᕙᓃᑦᑐᓂᒃ ᐱᓇᓱᐊᕐᒥᔪᓂᒃ

________________________________________

ᐱᓯᒪᒋᐊᓕᖏᑦ ᐊᒻᒪ ᐱᒍᓐᓇᕆᐊᓕᖏᑦ:

• ᐊᐅᓚᐅᓯᐅᕆᐊᒥᒃ ᐱᓇᓱᐊᕐᓯᒪᓗᓂ ᐊᒻᒪᓘᓐᓃᑦ ᐱᐅᒃᑯᑎᓂᒃ ᓯᖁᒥᓯᒪᔪᕐᓂᐊᓂᕐᒥᒃ (ᐃᓕᓐᓂᐊᓯᒪᓗᓂ ᐊᑦᔨᓱᖓᓄᓘᓐᓃᑦ ᐱᓕᓂᐅᒍᓐᓇᒥᔪᖅ

• ᐱᔪᑦᓴᐅᔮᕐᕕᖃᕐᓗᓂ ᐱᓕᓂᐅᓗᓂᓘᓐᓃᑦ ᓄᓇᒃᑰᔫᕐᓚᓕᕆᒋᐊᒥᒃ (ᐱᐅᔫᒐᔭᕐᑐᖅ)

• ᐱᓇᓱᐊᕈᓐᓇᓗᓂ ᑕᕐᕋᒥ/ᐅᖓᓯᑦᑐᒦᑦᑐᒥ

• ᖃᓪᓗᓈᕐᑎᑐᑦ ᐅᒥᓕᑦᑎᑐᓪᓘᓃᑦ ᐊᑐᕈᓐᓇᓗᓂ (ᐃᓄᒃᑎᑐᑦ ᐱᒍᓂ ᐱᕙᓪᓕᖁᑕᐅᕗᖅ)

• ᐊᑐᕈᓐᓇᑐᒥᒃ ᐊᖁᒍᓐᓇᐅᑎᒥᒃ (Class 5 ᒥᒃ ᐃᓕᑕᕆᔭᐅᔪᒥᓪᓘᓃᑦ ᑕᕐᕋᒦᑦᓯᐅᑎᒥᒃ)

________________________________________

ᐱᓇᓱᓐᓂᒧᑦ ᖃᓄᐃᓕᖓᓂᖓ:

• ᖃᖓᑕᖃᑦᑕᕆᐊᓕᒃ ᑎᑭᑉᐳᖅ/ᐊᐅᓪᓚᐳᖅ ᐃᓇᖏᕐᑎᒌᓂ (ᐱᓇᓱᓐᓀᑦ ᑌᒣᑦᓭᓇᓐᖏᓚᑦ ᒪᓕᑦᓱᒍ ᐱᓇᓱᒐᑦᓴᖅ)

• ᐱᓇᓱᐊᕐᓗᓂ ᑕᕐᕋᒦᑦᑐᓂ ᑲᑐᑦᔨᖃᑎᒌᓕᓐᓂ

• ᐱᕕᑦᓴᓯᐊᖅ ᐱᓇᓱᓪᓚᒥᓗ ᐃᓕᑉᐸᓕᐊᓗᒍᓗ ᐊᒻᒪᓗ ᐱᕙᓪᓕᐊᑎᓗᓂ

________________________________________

ᐃᓕᒐᓱᐊᕈᒪᔪᓄᑦ:

ᑐᔪᐃᓗᑎᑦ ᐊᓪᓚᖁᑎᓐᓂᒃ ᐅᕗᖓ  cv@fcnq.ca ᐊᒻᒪᓗ ᓇᓗᓀᒃᑯᓯᕐᓗᒍ ᐊᐅᓚᐅᓯᐅᕐᑎ-ᒥᒃ - ᓄᓇᕕᒻᒥ ᐅᓯᑲᑦᑕᑏᑦ.

ᐃᓄᐃᑦ ᐊᒻᒪᓗ ᓄᓇᓕᒻᒥᑦ ᐱᔪᑦ ᑲᑦᓱᙰᑦᑑᖁᔭᒻᒪᕆᐅᕗᑦ ᐃᓕᒐᓱᐊᖁᑦᓱᒋᑦ.

________________________________________

ᓇᑯᕐᒦᑌᓐᓇᕆᕙᕗᑦ ᐃᓕᒐᓱᐊᕐᑐᓕᒫᑦ ᐱᔪᑦᓴᐅᔮᕐᓂᖏᓐᓄᑦ.

ᓇᓪᓕᑳᕐᑌᑦ ᑭᓯᒥ ᐊᐱᕐᓱᒐᑦᓴᐅᓂᕐᒧᑦ ᑭᓪᓕᖃᕐᕕᐅᓂᐊᕐᑐᐃᑦ.